فديت لسمراني Posted سبتمبر 30, 2007 Report Share Posted سبتمبر 30, 2007 يا جماعة.. أحب أذكر وجهة نظري بالموضوع بشكل صريح وبعيد عن المجاملة، وأدري إن كلامي مزعج لكن هذا الواقع مع الأسف الشديد وأنا ما أحب أخدع نفسي، أنا ما أقصد الدفاع عن مسلسل معين ولا عن أصحاب المسلسلات، لكني أحب أوضح قضية معينة يمكن الكثير منكم مخدوعين فيها أو ما عندكم فكرة عن شنو حاصل في الواقع مع الأسف. أنا لا أتكلم عن البحرين لكن عن كل الخليج بدون تحديد، مجتمعاتنا الخليجية صارت مثل بعض المجتمعات العربية التي نشاهد فيها حرية كبيرة لكن الفرق الوحيد أن عندنا ما تشوف هذه الأمور بشكل واضح بسبب الانغلاق الموجود في طبيعة المجتمع الخليجي. لكن الكثير من الخليجيات لو تتاح لهم الفرصة تلقونهم يرمون العادات والعيب وراء ظهورهم لما يصيرون بعيدات عن المجتمع. وعشان أعطيكم مثال واقعي للموضوع أحب أذكر لكم سالفة حقيقية حصلت لي شخصيا: قبل فترة طويلة كنت في زيارة لدولة عربية (بدون ذكر اسمها) مع عائلتي. وكانت عندي صديقة تدرس في جامعة هناك وساكنة مع طالبات خليجيات (من مختلف دول الخليج) يدرسون معاها. وأنا رحت أزورها وبعدين عزمتني مع صديقاتها على مطعم وقالت لازم تروحين معانا. المهم وصلنا للمطعم أنا معاها متأخرين والطالبات الخليجيات كانوا على الطاولة. والمفاجأة صارت لما شفت الطالبات قاعدين يشربون!! تتوقعون شنو يشربون؟! قاعدين يشربون (خمر)!!! تصوروا شرب خمر على عينك!! طبعا أنا ما تكلمت والمفاجأة ربطت لساني.. قعدت معاهم وأكلنا الغداء وبعدين طلعت أنا وصديقتي. طبعا لما طلعنا سألتها: أشلون قاعدين يشربون؟! أنا تفاجئت منهم!! قالت صديقتي: أنا الحمد لله ما أشرب لكن أغلب الطالبات معانا متعودين على الشرب عشان يقدرون يتكيفون مع حالة الاغتراب عن أهاليهم والظروف النفسية السيئة بسبب الدراسة، ولما أنصحهم يتركونه يقولون لي أنتي ليش مكبرة السالفة؟ هذي (بيرة) عشان نعدل مزاجنا، وبعض الطالبات أهاليهم يعرفون عنهم أنهم يشربون!! يعني الموضوع وصل إلى الخمر (وهي أم الخبائث)!! يعني الواقع الحقيقي أكبر وأخطر من المعروض في المسلسلات مع الأسف الشديد! الحياة مثل مسرح.. أحنا نشوف المعروض على خشبة المسرح. لكن الحاصل وراء الكواليس أكبر مليون مرة من الحاصل على الخشبة. يعني موضوع (عاداتنا وتقاليدنا) موجود لكن وين؟! موجود في خيالنا وأوهامنا... لكن بالواقع موضوع مختلف! آسفة على الإطالة لكن قصدي توضيح فكرة وهذه وجهة نظري الخاصة. Quote Link to comment Share on other sites More sharing options...
RUNESCAPE CLASSIC Posted أكتوبر 1, 2007 Report Share Posted أكتوبر 1, 2007 مسلسل لحظة ضعف لحد الآن يسري على وتيرة الأحداث بادئ من الهدوء الى تغير الأحداث لكن للآن لم يصل ذروة التوتر و لم يوفى الى الهدوء الفريد, و لا اريد ان استبق الأحداث لأن لم ينتهي, لكن في وجهة نظري الشخصية ان الأفكار مكررة كما في الإنتتجات السابقة, فأنا مشاهد و يحق لي النقد السليم. Quote Link to comment Share on other sites More sharing options...
عـلي الحداد Posted أكتوبر 1, 2007 Report Share Posted أكتوبر 1, 2007 مع أعتذاري لمؤلف هذا المسلسل هو فعلا طرح مشكلة واقيعة ومن صميم الواقع لكنه شوه بطريقة غير مباشرة صورة البحرين وصورة فتياتنا وللأسف ما قدم أي حلول لا أعلم لماذا لا تقدم صورة الفتاة المصليه وصورة الفتاة التي تحافظ على صلاتها وعبدتها بدلاً من إظهار صور فتيات الليل وفتيات الشوارع والعري والابتذال لماذا لا نقدم صورة القدوة أنا ملاحظ في السنوات الأخيرة تم التركيز على هالنوع من الأدوار بصور رهيبة هذا بأختصار رأيي و لي رجعة لإكمال تعقيبي Quote Link to comment Share on other sites More sharing options...
nawal & bahrain Posted أكتوبر 1, 2007 Report Share Posted أكتوبر 1, 2007 صح السوالف الي بالمسلسل تصير بالواقع لكن طريقة الطرح غلط، ما فيها احترام للمشاهد Quote Link to comment Share on other sites More sharing options...
كشخة الفريج Posted أكتوبر 1, 2007 Report Share Posted أكتوبر 1, 2007 انه الصراحه مستغربه من الي يقولون لازم نعرض هل اشيه وهاي اشيه عاديه يعني هاي عباره عن مسلسل يعرض على جميع القنوات والمسلسلات تصل لكل الشعوب العربيه يعني تبون هاي تكون صورة البنت البحرينيه في نظر بقيه الدوله العربيه؟؟؟ يعني انتو في ذمتكم قارنوا بين مسلسلاتنه والمسلسلات الخليجيه الثانيه اقدر اعطيكم مثال على مسلسل وجه اخر مثلا دور الفنانه فاطمه عبدالرحيم في مسلسل وجه اخر دور وحده تحب واحد متزوج، بس التمثيل كلش رزين وعلى مستوى لو كان المسلسل بحريني جان خلو البنت الي تلاحق المتزوج مفصخه وترقص ومادري شتسوي اما في وجه اخر ففاطمه عبدالرحيم لابسه لبس محترم ولاشفنا رقص ولا شي يعني شوفوا انتو قارنوا الي يشوفون المسلسلات الاماراتيه والبحرينيه مثلا شيقولون عن البنات؟؟؟ اكيد بيقولون شوفوا بنات البحرين شلون يرقصون ومادري شنو عادي اما بنات الامارات محترمات يعني في الامارات او بقيه الدول الخليجيه مافي بنات يشربون شيشه ويلبسون حفره ومادري شنو وووووو؟؟؟ يعني هل بنات بس في البحرين؟؟؟ ليش بقيه المسلسلات الخليجيه يطلعون فيها بناتهم بصوره لائقه ومحترمه واحنا مسلسلاتنا يطلعون البنات حالتهم لله ومو متربيين عدل؟؟؟؟ الحين اذا سالناهم وقلنا لهم ليش تطلعون بنات البحرين بهل صوره بيقولون هاي الواقع الي نعيشه ولازم نراوي الناس وهاي جرأه في الطرح انه اقول لهم لا جرأه في الطرح ولا شي بل نقص في الابداع والافكار يعني ليش تطلعون بنات البحرين بهل صوره؟؟؟ بالعكس انتو لو تطلعون البنات بطريقه محترمه اولا بتوصلون فكره زينه عن بنات البحرين لبقيه الدول، ثانيا بتبينون للناس ان البنت البحرينيه وراها اهل وناس وتخاف على اسم عائلتها وتخاف على زوجها وعيالها، ثالثا الوحده بتحس انها في دوله تشجع على اللبس المحترم واحترام العادات والتقاليد يعني الصراحه انه حاسه روحي قاعده اشوف مسلسل بحريني والقصه قصه لمؤلف امريكي او اجنبي يعني الي كتبوا هل قصص معقوله ماشافو شي زين في بنات البحرين؟؟؟ يعني المسلسلات الخليجيه الثانيه موصله فكره زينه عن بناتها وان بناتهم محترمات واذا يغلطون يخبرون اهاليهم او خواتهم ويخافون من ربهم وعندهم اهداف اما المسلسلات البحرينيه فموصله صوره ان البنت البحرينيه طراره وخاينه وتترقص يعني وين الغيره على بنات البحرين؟؟؟ لا ومو بس البنات حتى الشباب وعليه شباب البحرين مطلعينهم كلهم ما يحبون زوجاتهم ويخونون زوجاتهم وعندهم شقق ويشربون ووووووو..... اما في بقيه المسلسلات الخليجيه فمطلعين شبابهم بطريقه زينه واذا فيهم واحد شين يطلعون واحد مو زين بس اما احنا الحمدلله والشكر يقولون جرأه في طرح المواضيع لا جرأه لا شي الا قولوا افكاركم خلصت Quote Link to comment Share on other sites More sharing options...
أبن البلاد Posted أكتوبر 1, 2007 Author Report Share Posted أكتوبر 1, 2007 يمكن من بيئة الكاتب او الكاتبة يعني يمكن الكاتب عاش في هالبيئة وقاعد يترجمها للجمهور شرايكم ؟ Quote Link to comment Share on other sites More sharing options...
بـنـوتـة الـكويــت Posted أكتوبر 1, 2007 Report Share Posted أكتوبر 1, 2007 (edited) ^^^^^ عيب هل الكـلام لاتـطعن بشرف البنت وإنت ماتـدري عنهـا بشي بالنسبة للمسلسلات البحرينيه انا مـال هذا القفـاص ماشوفـه لأن السيناريو والحوار مكرر والشخصيات مكرره مافي شي يديد ومسلسل الفجر المستحيل ماشفته ومسلسل لحظة ضعـف يمكن يكون أحلى المسلسلات البحرينيه لكن بدرجـة نازلـه بإختصـار شديد المسلسلات البحرينيه هل السنه فاشله مو بس البحرينيه الكويتيه بعد مافي غير نعم ولا ونعم الكاتبه والمخرج Edited أكتوبر 1, 2007 by بـنـوتـة الـكويــت Quote Link to comment Share on other sites More sharing options...
بحر الاحلام Posted أكتوبر 1, 2007 Report Share Posted أكتوبر 1, 2007 صج هاي الواقع بس هلي يسوونه مباااااااااااااااااااااااااالغه وايد والمسلسلات البحرينيه السنه مزودينها في المسخره Quote Link to comment Share on other sites More sharing options...
شيخه زويد Posted أكتوبر 1, 2007 Report Share Posted أكتوبر 1, 2007 مشكووووووووووووور اخوي على طرحك للموضوع ومثل ماقلتووا ماقدر اقول شي اكثر وان شاء الله مره ثانيه يختارون كتابتهم للنصوص بشكل احلى واصح لانه صج مجتمعنا في الواقع جذي بس مثل ماتفضلوا الي قبلي وقالوو انه طرح بشكل مب حلووو تحياتي لكم .. Quote Link to comment Share on other sites More sharing options...
بنت الحداده Posted أكتوبر 1, 2007 Report Share Posted أكتوبر 1, 2007 للأسف .. المستوى من سيء الى اسوء خاطري خاطري اشوف مسلسل بحريني يبين ان الشعب البحريني شعب عريق وكريم ومتحاب ومتواضع ومضياف وخدوم .. الي هذا هو واقعنا .. مو عشان في حالات اتشذ عن هل واقع انصور المجتمع بأنه كله جذي! .. وين الغيرة على سمعة البلد اشلون يهون عليهم يشوهون سمعة ناس مالهم ذنب ! يعطون صورة غلط عن كل المجتمع الاعلام وسيلة راقيه لمناقشة الفكر وللأسف المسلسلات البحرينية مو عارفة تتعامل معا هذي الوسيلة صح .. خلونا واقعيين السنه الانتاج البحريني كان مسموووم .. الحين الكل يظن ان بنات البحرين بنت فاسده وتتواجد بأماكن مشبوهه وشباب البحرين خمارية وما همهم غير البنات ولعب والقمار .. ابي افهم بس المخرج والكاتب والمصور وكل القائمين على هل عمل يرضون على خواتهم!! الكلام يطول وعمري ما بقدر اوفي اعتراضي ولا اوصل كلامي .. لنها مثل ما يقولون خاربه خاربة ويد وحده ما تصفق .. وغيرتي على بلدي وعلى اهلها أكبر من اني اوصفها بكلام .. وألله كريم .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.