سفـــ الظـلام ـــير Posted أكتوبر 31, 2007 Report Share Posted أكتوبر 31, 2007 وش رايك ... تعرسين علي ..؟؟وي عشتووو .. خلصو ليش عاد .. والله انا حلو ومايعيبني شي حتى من زود مانا حلو .. على ايام المتوسط (الاعدادي) كانو يسموني وائل كفوري .. بس انا ازعل .. لاني احلى من وائل ههههههههه ضحكتني يالحلو طيب ليش ماتبين تعرسين علي ..؟؟موبي اعرس على سعودي ليش وش ناقصنا حنا يالسعوديين ...؟؟تبيني اروح معاك السعوديه واحط غطا على وجهي .. مستحيل طيب وش فيها اذا غطيتي وجهك ..؟؟لا بعدين ماشوف .. اخاف البسها واصدم في الي جدامي طوفه او عامود او اي شيئ يه .. طيب الي عندنا بالسعوديه شوفيهم يمشون عادي ومايدعمون طيب انا شعلي منهم .. ماحب البس لا دفه ولا غشوه وخلاص يه شفيك انت انا راح اغطي وجهك علشان محد يشوفك غيري .. اغار عليكوي عشتوو .. يغار يقول .. بحاول اصدق طيب .. المراءه عوراء ماعدا وجهها وكفيها بالصلاة .. يعني حرام كشف الوجهمن صج تتكلم انت .. طيب احلف علشان اصدق .. مادري منوين مطلعين هالفتوى ومحرمين كشف الوجه ماجبنا شي من عندنا .. هذا شي معروف .. وورد على هذا ايات تنص على تحريم كشف الوجه .. حتى راح امثلج بالمسلسلات انتي ماتشوفين المسلسل البيت العود او فرجان لـول ماحب اشوفهم هالمسلسلات القديمه طيب .. شوفيهم مره ثانيه راح تشوفين ان اكثر المسلسلات الخليجيه القديمه .. النسوان يحطون غشوه على وجهم ويلبسون دفه .. واللحين مايقطونه ولا يلبسون لا غشوه ولا دفه وش الي غير قبل عن اللحين ... ليش قبل كان حرام كشف الوجه .. واللحين صار حلال ...؟؟اقول .. انا ماعرف هالسوالف .. وانت لا تسوي روحك علي مطوع .. ومو لابسه دفه عناد لك هذا حديث جرا بيني وبين احدى الاخوات كنت امازحها بموضوع الزواج .. لكي أشاهد وجهة نظرها في موضوع الزواج بشكل عام وماهي نظرة الفتيات في هذا السن للزواج .. الزواج المبكر وتواصل حديثنا الى موضوع كشف الوجه قبل كم سنه .. كنا في مصر مع الاهل مرت اخوي اول مره تروح مصر .. وقالت تبي تروح الاهرامات قلت لها مو مشكله .. حياج نروح .... ورحت انا وهي ومعانا اختي اول ماوصلنا الاهرامات .. الى هناك في اجانب سياح .. استغربو .. نسوان لابسين اسود في اسود .. شنو هذا ..!!! حتى طلبو مني .. قالو نبي ناخذ صوره لهم <<< يفكرونهم جزء من الاهرامات الظاهر ههههه الاجانب استغربو .. اول مره يشوفون نسوان متغطين كامل العاده ربعنا .. من يسافرون برع .. خلاص يفصخون كل شي الوضع زاد سوا الصراحه .. كل مالي واشوف البنات يفصخون الحيى كل مالي واشوف بنات يقصرون في ملابسهم .. والخوف بعد كم سنه يمشون بالبكيني بالشارع دام اللحين يلبسون شورتات والبطن طالع العاده اروح المستوصفات اشوف بنات سعوديات لاكنهم مقطين الوجه بس مطلعين العين امس رحت مستشفى فخم خاص .. واشوف الموظفات الي بالمستشفى كلهم كاشفين والله العظيم ولا وحده متغطيه وماهي اي كشخه .. الشيله على للون التنوره .. وفل ميكب .. رايحه عرس مو رايحه الشغل والله الواحد مايحب يروح هالاماكن العامه .. والسبب هالشغلات الي تصير من البنات اتذكر ذيك الايام قبل 15 سنه .. كانت عندنا البنيه الي تطلع عيونها .. هذا مو اوكي واللحين شوف شلون .. البراقع باأنواعها واشكالها .. والثمه بأشكالها وانواعها .. والغطا الشفاف الي تحطه بس زينه وانت تشوف ملامح الوجه ولا .. من قبل كانت اللثمه من تحت العين ... واللحين وصلت الى تحت الخشم .. واوقات اذا ملت شالت اللثمه وكشفت الوجه وتغطية الوجه فريضه شرعيه وهذي الادله من القران والسنه فقد أمر الله تعالى نساء المؤمنين بالتستر وعدم إظهاراً لزينة لغير المحارم خوفاً عليهن من الفواحش والآثام كما قال تعالى : " ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولى الإربة من الرجال أو الطفل الذين لم يظهروا على عورات النساء" . فهؤلاء الأصناف الإثنا عشر يجوز للمرأة المسلمة أن تظهر أمامهم وهي كاشفة عن وجهها وكفيها ونحوهما؛ لأنهم من المحارم، أما غيرهم فلا يجوز لها ذلك.(يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا)وهذا رابط يوجد به عشرون دليلاً على وجوب تغطية وجه المرأةhttp://www.islamway.com/?iw_s=Lesson...esson_id=45161اما الي يقول .. اختلاف او شبهات حول موضوع كشف الوجه ارد عليه .. بحديث الرسول صلى الله عليه وسلم حديث النعمان بن بشير رضي الله عنه قال : سمعت رسول الله صلى الله عليه وسلم يقول: (إن الحلال بيِّنٌ وإن الحرام بيِّنٌ ، وبينهما أمور مشتبهاتٌ لا يعلمهن كثير من الناس ، فمن اتقى الشبهات فقد استبرأ لدينه وعِرضه ، ومن وقع في الشبهات وقع في الحرام ، كالراعي يرعى حول الحمى يوشك أن يرتع فيه ، ألا وإن لكل ملك حمىً ، ألا وإن حمى الله محارمُه ، ألا وإن في الجسد مضغةً إذا صلَحت صلَح الجسد كله ، وإذا فسَدت فسَد الجسد كله : ألا وهي القلب)[ [ رواه البخاري: 1/90/50 ومسلم: 8/290/2996].فاي مشتبه او مختلف فيه ( فقد وقع في الحرام )والله اني متخوف كثير على بنات هالجيل .. وبنات الجيل الجاااي وش راح يكون الوضع .. مراح يتم على ماهو عليه .. الى بيزيد سوا الله يحفظ بناتنا ويرعاهم مع ان راح احصل انتقادات كثيره بخصوص هالموضوع .. وخصوصن ان اغلب الاعضاء من مملكة البحرين وانا من السعوديه وتعرفون العادات والتقاليد المتبعه بين هالدولتين وانا ماتكلمت بهذا الموضوع الى حرصاً على اخواتي في الدول العربيه والله يحفظكم ويرعااااكم ,,,»×« سَفـِــ الظـّـلامْ ـــَير »×« Link to comment Share on other sites More sharing options...
قمرة البدور Posted أكتوبر 31, 2007 Report Share Posted أكتوبر 31, 2007 كشف الوجه مو حرااااااااااام و الله قال البسو حجاب و تسترو و احتشمو بس ماقال لبسو برقع و بعدين احين عندك حرام البنية تطلع و جها وعندك حلال تكلم بنات الناس و تقص عليهم و تعرض عليهم الزواج على اساس انك تمزح بس والله اني متخوفة كثير على شباب هالجيل .. وشباب الجيل الجاااي الله يستر منهم بس يحرمون و يحللون على كيفهم Link to comment Share on other sites More sharing options...
XxX AηgεĻσό XxX Posted أكتوبر 31, 2007 Report Share Posted أكتوبر 31, 2007 كشف الوجه والكفين حـلال .. وماجوف السالفة فيها شي !! على أيه حال ..شكراً على الموضوع Link to comment Share on other sites More sharing options...
ohayooo Posted أكتوبر 31, 2007 Report Share Posted أكتوبر 31, 2007 مو كل شي حرااام شسالفه حرمتوا كل شي كشف الوجه مو حرام Link to comment Share on other sites More sharing options...
شرقاااااوية Posted أكتوبر 31, 2007 Report Share Posted أكتوبر 31, 2007 جزااااااااااااااااااااااااااااك الله خيراً لطرح المواااااااااااااضيع لتجزى عليه دنيا و آخره (من رأى منكم منكراً فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان ) Link to comment Share on other sites More sharing options...
شروق المحبة Posted نوفمبر 1, 2007 Report Share Posted نوفمبر 1, 2007 الله يعطيك العافية اخوي سفير على الموضوع بس كل وااحد عنده وجهت نظر والشخص الي معتقد انه صح بصعوبة تقدر تغيره والسعودين مافيهم شي على عينا وراسي يسلموو Link to comment Share on other sites More sharing options...
شيطونة عسل Posted نوفمبر 1, 2007 Report Share Posted نوفمبر 1, 2007 يسلموووو على الموضووووع اخوووي بس رايي من رااي الاخرين كشف الويه مب حرااام ونفس ماقالت اختي قمرة البدور Link to comment Share on other sites More sharing options...
Cute MeMe Posted نوفمبر 1, 2007 Report Share Posted نوفمبر 1, 2007 انا من راي ان كشف الويه موب حرام و مشكور اخوي على الموضوع Cute MeMe Link to comment Share on other sites More sharing options...
سفـــ الظـلام ـــير Posted نوفمبر 2, 2007 Author Report Share Posted نوفمبر 2, 2007 كنت متوقع انكم راح تقولون ان كشف الوجه حلال والله يحز بخاطر الواحد .. اذا شاف اشخاص يتكلمون بجهاله ولا يعرفون شي عن دينهم .. بس جالسين يخربطون بالكلام طيب اذا كشف الوجه حلال على قولتكم ياله عطونا دليل انا جبت لكم اكثر من عشرين دليل على تحريم كشف الوجه واشكر جميع الاخوه على هذا المشاركه والله يحفظكم ويرعاااكم ,,, Link to comment Share on other sites More sharing options...
منووووووووووره Posted نوفمبر 2, 2007 Report Share Posted نوفمبر 2, 2007 كشف الوجه والكفين حـلال .. وماجوف السالفة فيها شي !! على أيه حال ..شكراً على الموضوع رايي من رايها Link to comment Share on other sites More sharing options...
Recommended Posts