بنوته آخر شقاوة Posted فبراير 9, 2008 Author Report Share Posted فبراير 9, 2008 مشكووورين يالغلااااا على هالتفــاااعل ويااااي .. وان شاء الله يا كيكو بغير لون الخـــــــــط .. فرحتوني صرااحــة Quote Link to comment Share on other sites More sharing options...
m!s$ V!p Posted فبراير 10, 2008 Report Share Posted فبراير 10, 2008 اممم مشكورة خيو ع القصة بس بغيت اقول شي اني هالقصة قاريتها من زمان من منتدى غير واسم اللي حاطتنها جنون القدر فمادري اذا هاذي انتي او لا ,, اذا مو انتي المفروض يعني تقولين اسم الكاتبة اللي كاتبتها ,, وسووري ع التدخل ,, Quote Link to comment Share on other sites More sharing options...
كيكو النشيط Posted فبراير 11, 2008 Report Share Posted فبراير 11, 2008 وين البارت؟؟؟ Quote Link to comment Share on other sites More sharing options...
bnt elbahrain Posted فبراير 11, 2008 Report Share Posted فبراير 11, 2008 تسلمين اختي يعطيج العافيه وفي انتظار البارت Quote Link to comment Share on other sites More sharing options...
باكية Posted فبراير 11, 2008 Report Share Posted فبراير 11, 2008 شكرا اندمجت مع القصة واااااجد <<<<<تتكلم بالبحراني تـ ح ـياتي Quote Link to comment Share on other sites More sharing options...
دلع دلوعتي Posted فبراير 14, 2008 Report Share Posted فبراير 14, 2008 يسلموووووووو Quote Link to comment Share on other sites More sharing options...
بنوته آخر شقاوة Posted فبراير 14, 2008 Author Report Share Posted فبراير 14, 2008 وهذا جزء ثاني جاهز لعيونكم الجزء الثالث !! شسويت ،، الحين لو البنت تقول لأهلها ش يصير ،، بس لازم يعرفون ان آنا ما كنت ف وعيي ما كنت ف وعيي !! كنت سكران ،، سكران ،، ما اقواها من كلمة ،، كنت راجع من لعب القمار ،، لمتى بظل جدي ،، بيزاتي كلها حرام ،، اعيش على حرام ،، ماضي اسود ،، اهل ما لهم ذنب ،، ارجع كل اليوم الفجر وانا سكران ،،، م اعرف معنى الصلاه ،، وكل ما اسمع الأذان احس بأقشعرار بكل جسمي ،، احس بالخوف ،، احس بالتعب ،، رمضان بالنسبه لي اهو قهاوي لنص الليل ،، وعقب اروح اسكر ،، اشتغل ف شركة معاشي حده 300 دينار !! سيارتي هي سيارة البحارنة المفضله بي ام دبليو سوده موديل 89 صوتها يهز الفريج !! بس البنت اللي تحرشت فيها تستاهل ،، تستاهل ،، عيل احد قال لها تقول لي يالسكير يالخمير ،، وبعد قويه عين ،، كرهتها ،، ف ذيج اللحظة كان ودي اقتلها ،، احرق يوفها مثل ما احرقت يوفي ,, ليش يلوموني ، !! مو من حقي انسى همومي ولو لساعات !! الناس ما ترحم ،، همها تكون مستانسة وسعيده ،، وهذي هي بنت الفريج ،، درت عن حالتنا ،، كان ما عندنا حتى كسرة خبز ،، ابوي قطنا بالسكيك بعد ما تزوج فلبينيه خايسة ،، وصرت بين يوم وليله مسؤول عن عايله من من سبع يهال ،، خواتي واخواني !!! تعرفت ع شله خراب ،، وعرفوني ع الشرب والقمار ،، وكانو يبوني اروح معاهم للفنادق بس آنه رفضت ،، شوله ارفض ،، لأني جوهري يرفض حتى الشراب ،، بس مب قادر اهده ،، امس تحرشت ببنيه ،، وكنت بعتدي عليها وآنه مب ف وعيي لو ما اهي اغمى عليها وآنه رد لي الحواس !!!! همسات تخللت نفس ياسر !! تذكر شكل البنت ،، ملامحها المرعوبة ،، انفها الصغير ثمها المرسوم ،، كنها ملكه جمال الهند ،،، لمى اغمى عليها وطاحت انسحب الحجاب من عليها وطلع شعرها اللي شكله بس يغير !! بعد هالأفكار عن باله وخصوصاً انها ما تجوز له وانه يكرهها !! اتصل ف عبد الرحمن رفيجة الروح بالروح ،، واساس دماره !!! ياسر / ها عبود وينك عبود ( كإختصار ) / كاني ف المجمع انت وينك ياسر / ف الشركه ،، ما تعرف ان دوماي لثلاث عبود / خوش عيل ،، تعال تغدى هنيه ،، كا حنا ناطرينك ياسر / لا لا لا تغدو بوي ،، عبود / لا والله ،، اقولك اليوم في ف المجمع ،، بنات ع كيف كيفك ياسر / كنك بتخليني اطلع من الشغل من الحين عبود / هههههه ،، ياخي اذا يصير تعال من الحين ياسر / لا يه ما باجي الا ساعه عبود / عيل ناطرينك ياسر / انزين تعال ،، انتو بأي مجمع عبود / يعني ما تعرف ان اليوم الخميس ،، يعني وين نحن غير بالسيف ياسر / مشوار طويل ،، شيطلعني من الشركه بشارع المعارض عبود / والله محد قالك ،، حتى قبل ما تحصل الشهادة رحت تشتغل ،، عاد شنو مراسل ،، تودي هالحاجة وترد الثانيه ،، والله انت اذا تمسك اوراق تنثرو شلون بعد ملفات ومناقصات !! ياسر / الله يالشماته ،، بعد كم سنه بكمل دراستي وبشتغل شغله محترمه ،، عبود / بنشوف ياسر / يالله يالدلو خسرتين شكثر !! عبود / آآه يالبخل ،، البنات تصرفون عليهم ،، وآنه رفيجك مستخسر علي ياسر / انت اساس دماري عبود / مشكور ،، يالله باي قبل لا تسبنا سبات اقوى وسكر !!!! لو ابتعد عن عبدالرحمن شممكن تكون حياته !!! كمل شغله وطلع متجه لضاحيه السيف عشان يروح لربعه !! وتفكيره لازال مشغول بالبنت وحياته اللي ابد مب مستقره !!! اهو الحين خلاص ،، دق ال26 يعني ما عاد مراهق ،، المفروض الحين يحاول يوفر ويترك عنه هالمشروب ،، المفروض يحاول يستقر ،، بس مستحيل يبطل المشروب وهو سرا بدمه وعقله تعود عليه !!! وصل المجمع و قعد يتغذا ،، خذ له باستا من يم يم تري ،، وقعد يتكلم مع عبود !! بينما فكره شارد !!! بعدين الشباب قررو يدخلون فلم مصري ،، وهو ابد ابد ما كان له نفس ،، بس عقب يوم شاف مجموعه بنات شكثرهم داخلين القاعه قال ف باله ( شوراي خلني اغازل واتمتع بباجي حياتي ،، وانجان ع ذيج البنيه مستحيل تقول لهلها ،،، لأن تخاف يضنون اني سويت فيها شي ،، اهو صج انه تقربت منها ووو .. ! ) ودخل السينما بدون حتى ما يفكر ف باله بأي شي !!! وخصوصاً ان عجبته بنت بدون حجاب ولابسه تيشيرت طويله وضاغطة وخصوصاً ف المنظقة السفليه وتحتها جينز مرفوع لنص الريل !! وشعرها مبعثر بطريقة مغريه وتراجي شكبرهم موكعب عالي ووووو تخيلها للحظة ذيج البنت اللي بدفتها وحشمتها ،، للحظة قام يقارن بينهم ،، وللحظة اكتشف ان ذيج ملكه جمال جدام ذي ،، ذيك بدون أي شي صناعي ،، وساتره جسمها وشعرها ،، ذي تخلي كل من هب وذب يتلذذ بتناسق جسمها ،، ومزينه عيونها بحيث اللي يشوفها يقول كيوليبترا ،، بس كله الوان اما ديج فكانت عيونها ذباحه ع اصول ليش يفكر فيها ، ليش مو قادر ينسى اللي صار بينهم لما .. !! معقولة وهي مب ف وعيها نطقت هالكلمات اللي اثرت فيه بشكل كبير وخلته يتركها مصدوم بعد .. !! ليش طيفها وين ما راح يلاحقه ضربه عبود ضربه خفيفة ترجعه لأرض الواقع عبود / الظاهر عشقان صاير وايد تسرح ياسر / أي عشقان يا خوك خلها على الله ياسر اصله من مدينه عيسى ابوه واجداده لكن امه من القرى ،، فكان يمزج بين اللهجتين !! كان حاقد ع هالبنيه ، وف مثل الوقت عاجبنه ملامحها ، وف الوقت نفسه يبي ينساها وما يتذكر أي شي من اللي صار ..! عبود / ورديت سرحت ، ياخي قولي وبساعدك وبضبط لك البنت وبخليها تحب الثرا اللي تدوسة ياسر بطفش من عبدالرحمن والحاحه ع معرفه كل شارده ووارده / مافي شي مافي شي ارتحت طلع من القاعة وعيون البنت تتبعه بإعجاب شديد ياسر شخص وسيم ، هيبه ف مشيته ، مغرور لحد أول ، ما يتنزل انه يرقم بنت ، ومرات بنات هم اللي رقموه ! عكس ربعه !! ربعه يقعدون ويرقمون ويكلمون ، ويقطون حالهم ع البنات ، بس هو البنات يقطون نفسهم عليه أي ، لين ما ذاك اليوم ف المجمع ، شاف وحده مره عجبته ، كانت بمنتهى النعومة ، اللي يشوفها يقول احلى من باربي ، شيلتها بنص راسها ونص بكلتها تطلع ، وعيونها ذباحه ، مباشره تذكر عيون البنت اللي شافها !! عقب لأنه طفش من تفكيره فيها قام يبي يرقم البنت وعقب يروح يسهر وينسى هالبلوة اليديدة اللي حلت ع راسه !! لأول مرة / عبود عبود / عيونة ياسر / شوف ذيج البنت عبود / شبلاها ياسر / عايبتني عبود / نطيحها ياسر / نطيحها ! قامو يمشون وراها ، وهي لاحظت ولأنها شافت وسامه ياسر وجسمه الثقيل ، عضلات قوية وجسم متين متناسق عطته ويه لين ما دخلت اشرف راح وراها ياسر وعبود وقامو يطالعون العطور بمكان اللي تطالع عبود بصوت قوي ومبين مغزاه / شرايك بهالعطر ياسر / ذباح ،،، الا يهبل ،، تصدق اول مره من سنين يعجبني مثل هالعطر عبود / خلاص عيل اشتريه ياسر / من عيون ليش انه بخليه يضيع من يدي ، ، بشتريه بس انشالله يوافقون يبيعون وترى نحطهم ف عيونا البنت اهنيه تراقصت اساريرها بعد كل هالغزل ، ومن شده غبائها دارت وابتسمت ، وهذا حال بناتنا ،، اللي كل يوم يطيحون ضحايا لشباب يتمتعون والمشكله برضاهم !! طلع ياسر ورقه وكتب فيها رقمه وتقرب منها ياسر / اذا احتجتي شي ترى العيون تلبي لنورها ابتسمت بخجل مصطنع واخذت الرقم !! وين عفتنا يا مسلمات !!! وين غيرتنا ع انفسنا يا متعلمات !!! كل هذي عشان ارضاء غرائز !!! وين كبريائنا يا بنات كله تبخر ، يا حسافه على حواء اللي فعلاً بدت تمتحي ،، احنا المسلمين المحافضين نكلم شباب ، ما نعرفهم ، من اول مكالمه شنقول وثقنا فيهم ، ومن هالثقة المزعومة ننجر وننجر لين ما يسلبونا الشباب اعز ما نملك ، واعز ما تملك حواء ،، صحيح مو كل حواء من هالنوع لأن لو خليت خربت ، لكن الغالبيه العظما هي البنت اللي استسلمت للشاب !!! البنت يوم انها تقبل تكلم شاب حتى لو كانت تحبه وتثق فيه حسب قولها وهو يحبها ويثق فيها حسب الأقوايل ،، تعرفون لين كلمت الشاب تنزل من عينه ميه مره ،، البنت يوم تكلم شاب تكون مثل الزجاج المتكسر ،، و يكون ما ينفع ،، الا يضر ويصوب ناس كثير !! ع الساعة ثمان قاله عبد الرحمن ان انجليزييات كثير يدخلون فلم اول مره يعرض ف السيف harry potter وقررو يدخلونه بس كان داخل قاعه العرض صدمه كبيره خلت ياسر يحاول يخفي نفسه بعكس العاده خلته ينتفض من اسفل ريوله لفوق راسه ، خلت كيانه ينقلب وخصوصاً ان اللي كان قالب كيانه قاعد ف الصفه اللي تححته ،، حمد ربه انه ما تقدر تشوفه ،، بس شلون الصدف ،، هي قاعده مباشره ف المقعد اللي تحته لدرجه انه يسمع كل سوالفها ****** طلعت رحاب من المستشفى بعد ما استرد جزء كبير من ذاكرتها ،، بس ما تعرف الناس اللي ما تعودت بعد الحادث ع جوفتهم !! وما قدرت تتذكر ليش هي ف المستشفى ، ولا من السبب ،، ولا ولا ولا ولا .. كل اللي قدرت تتذكره انها اسائت لمرت ابوها ولازم تعتذر لها لأنها قدرتها ويات لعندها وهي قامت وطردتها !! بس اللي اسمه اخوها ميثم ما تقدر تعتذر منه لأنه هو دمارها !!!! افضل الصلاه والسلام عليك يا حبيب الله محمد كللوووش !! وصار اليباب والغنى ع طلعت رحاب اللي الكل فقد الأياس ف انها ترجع ،، وخصوصاً انها قضت اصعب اسابيع حياتها !! بحيث انها تشوف الناس وتعرف انها المفروض تعرفهم بس هي ما تعرفهم !!! ساره / يالله ع هالمناسبه اطلبي أي طلب وانه مستعده انفذه بالحرف الواحد ابتسم رحاب وبعدها ضحك ع اللي طرا ف بالها والكل استانس ع ضحكتها واولهم ابوها اللي ما عاد يشوف الفرحه بفراق رحاب ،، لأن رحاب هي الوحيدة ريحه المرحومة ،، والمرحومة هي الوحيده اللي قدرت تسكن قلبه ،، ف غلا ام رحاب راح كله لبنتها وكانت لها معزة بشكل فضيع بقلبه ويرتاح يوم يشوف ويهها لأن يتأكد ان المرحومة لا يمكن تختفي وفي شبيها بالضبط والتفصيل ليها !! تفوهت رحاب بطلبها / خاطري اروح سوق الخميس ضحك الكل من قلب ،، لأن رحاب كانت تحب تروح سوق الخميس او السبت او اليمعه هذا هو،، حتى لو بس تشتري فشار و ذره ،، ساره / حرام عليش ف هالحر ابو سعيد / لا يابابا انتين تعبانه ،، روحي اسبوع الجاي رحاب / انزين عيل اليوم نطالع harry potter توه اليوم نازل ابتسم الكل ع طفولتها ،، رغم جرأتها وغرورها وكبريائها وطيبتها الا انه فيها همسات طفله بريئة ،، تطالع رسوم الكرتون ،، تلعب مع اليهال الصيده ،، وتلعب بلاستيشن ،،، وتهاوش اليهال ع الحلاوه ،، ولين راحو يناصفون تقعد وياهم وتنقي الحلاو وتاخذه ،، ببساطه طفله بريئة قسى عليها الزمن وما سمح لها تتمتع بالطفوله لا بالصغر ولا بالكبر !! ساره / عاد harry potter الهرار اللي كله سحر وشلخ رحاب / لا والله هذا فلمي المفضل ابو سعيد / خلاص اليوم تروحون تطالعون هالنايبه ،، وانا وسعيد بنروح نشتري كيكه بنوزعها بمناسبه طلعتش بالسلامه ،، من داخل رحاب تكدرت ، لأنها ما تبي تصرف وايد وهي تدري ان ابوها مسؤل عن بيت شكبره ووو .. والحال ف البحرين مو مثل باقي الدول يصرفون بدون ما يحاسبون ،، لا هنيه لازم تحسب كل فلس ..!!! والا بيموتون من اليوع باقي الشهر ، ما اقصد انهم من العوائل الفقيرة ا لمتدنيه ،، لكنهم مو من الغنيه الغنيه ،، حالهم ف الوسط ،، سياراتهم مو مثل اللي بباجي الدول بي ام دبليو ورانج روفر و مرسديس و روز رايز ، لا سياراتهم كورلا نيسان مكسيما كحد اقصى !!! وهم قاعدين ف بيت الجد اللي لمتهم رحاب ،، سمعو صوت تلفون محمود اللي كان قاعد ع طرف من الصاله ومفتشل بسبب الحاح ابوه انه يجي يسلم ع يدته والحين هو بروحة وما عنده سالفة !! شاف الرقم غريب ،، رفعه ومن سمع الصوت استبشر وطلع من الصاله ،، والكل لاحظ طلعته ،، ورحاب ما تفوت لحظات جدي ،، وسيده غمزت لساره ،، والله الناس يظنون ع كيفهم ،، ما كأن المتصل عمهم يوسف يقول انه رجع الديره ويبي احد يرجعه ومن الحشرة والفوضة طلع بره !!!!! محمود ما يحب يروح صوب المطار لأن أي خطأ مباشرة بيقول ليه الرخصة وهو طبعاً يمشي بدون رخصة وبدون عوار راس !!!! محمود / ما عندي سيارة ،، او بالأأحرا عندي بس ما امبي اروح صوب المطار ويوقفوني يوسف / استح على طولك وانا عمك الصغير وتال لي لو مع أي احد محمود / اوكي اوكي الحين بشوف وبرد عليك يوسف / بسرعه !! محمود / انززززين !! سكره منه ودق ع حامد ولد عمه ولقاه مشغول ،، وميثم مسكر ،، واتصل لممحمد واخيراً رن ،، بس البلوه انه ما يرد ،، والله دلين هيلق ،، تلفونات وتلفونات ع قله الفايده اتصل ف آخر امل ،، سلمان اخوه اللي ما يواطنه ف عيشه الله ،، دائماً يتدخل ف شكله ،، ودوم يعلق ع شعره وستايل لباسه ،، وهالتصرفات بعدته عنه 180 درجة سلمان / او حمود يتنازل ويتصل لينا ،، صدق صدق معجزة محمود بنرفزة / سلمان ترى يوسفو عمك رد ويبي احد ياخذه من المطار سلمان / انا الحين ف الدوام ومستحيل ارجع لأن ما يصير أي احد يغادر قبل الساعه 8 المغرب والحين 4 العصر ،، اذا عمك يبي ينتظر 4 ساعات ميخالف اذاطلعت امر عليه محمود / تتنطز ويه شكلك وسكره عنه ودق لعمه الللي عصب انه تأخر وقال له انه يجي بتكسي !! ستبشر الكل بوصول يوسف ،، وخصوصاً رحاب ،،لأنه من اقرب الناس لها ،، يفهمها وتقريباً من سنها اذا اكبر بي بـ 4 او 3 سنين !!! والجد والجدة حسو ان هذا يوم مبارك لأنه اول مره تبارك بيتهم بخطوه رحاب اللي خلت الكل مجتمع رغم المشاغل ،، وبعد متبارك بوصول يوسف اللي خلا الجماعه تقعد اكثر واكثر !!!!!! رحاب من شافت عمها حضنته وقامت تصيح وهو ندهش من هالموقف ،، والكل تأثر ،، بس في شخص حس بالغيره لأنه بنته ما حظنته ولا صاحت وياها وكأنها تشتكي حالها !! وشكت الحال لعمها ،، بس زال هالتوهمات من باله بعد ما جاف البسمه الوسيعه ع ويهها !!!! رحاب / اكو نصيري ف الأفلام وصل يوسف / أي من زمان نازل فلمج اللي تحبينه ف بريطانيا ،، شسمه شسمه يا ربي ،، امم امم أي harry potter كأنه !!!! رحاب بصراخ بفرح / أي أي أي ا ي،، توني اللييله اقول ليهم خلنا نروح ,, يوسف / أي أي ا ي،، عشان اروح وياكم الجد / انرزع مكانك وين تبغي تروح ،، نسيت انك راجع من السفر وهالبلاوي !!!! يوسف / توي رجعت وتبغون تحكروني رحاب / يوسفو ترى من اليوم ورايح تقول لي عمتي رحاب مفهوم يوسف / معصي ، اقول لعيوزة اليهال عمتي ،، عم عم الله راسش بقدف رحاب / وبسكن عندكم نيهاهاها يوسف / لا يا بويي هذا بيت ابويي وانا بس من حقي اعيش مع الماما والبابا بتاعي رحاب / طوايفك ،، خلاص امك وابوك تبنوني صفعات صفعات صفعات على وجه يوسف مو مستوعب اللي يصصير وكل هذا مقلب من رحاب ، هم صدق بيسكنونها وياهم بس عاد مو يتبنونها !! يوسف دار لأمه وابوه / صدق !!! الجد / أي والله يا ولدي ، انت تعرف هالعجوز ما تكدر تجيب ليي جاهل افرح به عيوني ، فتبنيت رحاب عقب جمن شهر ازوجها واخليها تملي عليي البيت بنات وصبان يوسف / جان بدل ما تتبناه قلت لي وانا بتزوج الجد / لا رحاب مميزة وغير عن الكل يوسف / اسمع ،، اشوف صرنا نميز من الحين ،، لا يا بويي ،، رحابو لايمي قشش قومي طلعي من بيتنا لا تنكدين الجو العائلي رحاب / اني المقيمه وانت الضيف وضحك الكل ويوسف المسكين مو فاهم شي !!! قضوها سوالف وضحك لين ما قامت ساره وتصلت تحجز تذاكر للفلم اللي توه نازل ،،، وكان موعد الفلم الساعه ثمان هو الأنسب ،، وساره متحمسة لأنه اول مره ف حياتها تروح سينما ، وبياخذون وياهم ليلى ومرايم وفطوم وجليلوه وبتول ،، الفرقة كامل ولأن سياره ساره ما تكفي ، وسياره يوسف مو موجوده حالياً فأضطرو يتصلون لسلمان يجي يوصلهم لأن هالحزة هو يطلع من الدوام !! طبعاً سلمان اول اعترض ع فكره ان بنات يروحون سينما ،، وقال انه مستحيل يروح ويوديهم بعد ،، بس عقب لأن يوسف توه جاي اقتنع وبعد لأن هذا كان هذا خيار مريضة وهي اللي طالبه هالطلب ،، فبعد الدز والتحايل وافق واخيراً طبعاً رحاب ما كانت تتجرأ تتصل لميثم لأن مغرور وشايف روحه ومصلحجي ووو .., وحامد ومحمد مادقو عليهم !! وصلو المجمع وكانو توهم فاتحين القاعه خذو فشار كل واحد اخذ له درام كبير وخذو كولا ،، دخلو القاعه وكان صفتهم الثاني من فوق ،، اوضح شي واحلى شي << بالنسبه لي ،، ف مثل المكان اللي تواجدت فيه رحاب كان متواجد فيه ياسر ، بس هو قدر يشوفها وبوضوح ، بينما هي ابداً ما شافته ، كان قاعد ف الصفه الأولى ، وكرسي رحاب مثل سيده كرسيه ،، لدرجة ان كان يسمع سوالفها وضحكه بس سمع بعض الكلام اللي اثر فيه بشكل جدري ،،، ( كانت هذي المحادثة قبل ابتداء الفلم لأنهم ينتظرون تكتمل المقاعد ) ساره / رحاب حبيبتي ويش فيش رحاب / مادري قلبي يعورني احس راسي يدور ساره / حبيبتي تبغين نرجع رحاب / لا لا لا ،، ساره تتوقعين لو ما طحت وصادني فقدان ذاكره جان بعرف ليش طحت ساره / لا حبيبتي يمكن طحتين من التعب مو شرط لسبب رحاب / لا اني احساسي ان احد سوا ليي شي ، ساره / رحاب انسي هالشي ،، انسي انش طحتين ،، وانسي ان صادش فقدان ذاكره ،، رحاب انتين بنت اليوم ،، هنيه كانت فجعه ياسر معقولة الله يبغي يعطيني فرصة وخلى البنيه يصيدها فقدان ذاكره ،، عشان انا بعد انسى الماضي واعيش مثل أي شخص ،، ما قدر ،، ما قدر يتحمل وجوده ووجود هالمخلوقة اللي اسمها رحاب ف مثل المكان ،، كرهها اكثر ،، واكثر ،، واكثر !! قام وطلع عبدالرحمن / يسور ع وين ياسر / ما اقدر اقعد ما اقدر عبدالرحمن / اقعد وبلا دلع ياسر / عبود ما اقدر كان ياسر ماسك راسه ويحسه بينفجر ،، في تضارب شديد ف الأفكار فكره ف الشرق وفكره ف الغرب ،، لازم يقول لأحد عن اللي صار بس اللي واثق منه انه هالأحد مو عبد الرحمن لأنه اذا بتجي ع عبد الرحمن عنده عادي بيقول ليه اقتل البنت وفتك !! هالشخص مجرم بكل ما تحمله الكلمه من معنى !! طلع من السينما وطلع من المجمع بحاله !!! وهو يسوق ومتوتر رن تلفونه ماكان ليه زاغر يرد ،، لكنه رن مره ثانيه ،، رفعه شاف رقم غريب ،، شاله ياسر / نعم المتصلة / معقولة انت اللي اليوم بالمجمع هاللون صوتك بالتلفون ياسر / زولي يا شيخة ما يلحق الواحد يرقمكم تتصلون ،، ما عندكم عزه نفس وصكه ف ويهها توجهه لشقة عبد الرحمن ودخل ،، وشرب وشرب وشرب لين ما وصل لحد الثماله ،، لين ما وصل للحد اللي يفقده وعده تماماً قام يراقص ،، ويتمايل ويغني ويصارخ بصوت عالي / بتشوفين يا سوده الويه ،، انا هههههه انا ،، انا ي ياسـ رر تعذبيني ، بخليج تحبين ثراي بس عشان ارحمج يالخامه وقام يصارخ ويترنح ويكسر فتح التلفزيون وقام يبدل بشكل هستيري لين ما وقف وطاح من ععنده الرموت بدون حواس ع قناه كان اذان العشا يأدن فيها ،، حس بقشعريرة ف جسمه ،، حس بخوف ،، خوف من الموت ،، لو مات ويش بيسوي ودفتره اسود ،، هد كل شي وطلع من الشقه وهو يتمايل ويركض ،، وصل للدور الأرضي وكان واحد طالع من شقته ،، هالواحد يعرف ياسر ويعرف انه مصادق هالشلة التعبانه ، وبعد يعرف اهل ياسر ، اسمه عبدالله ،كان عبدالله بين خيارين اما انه يتركه يروح وهو سكران واحتمال كبير يسوي حادث يروح فيه ويقتل ناس وياه او ان عبدالله ياخذه يدخله شقته ،، بس كان خايف من القرار الثاني لأن هالشخص مو ف وعيه بس لما سمعه يكله روحه استغررب ان هالشخص زين لو ما هالشله ياسر / ليش تسوي هاللون يا ياسر خايف من الموت ،، خايف من الموت يا مسود الويه هههههههههه كان يكلم حاله ويضحك وحالته مزرية ومقززة سحبه عبدلله ياسر / اتركني اتركني يالسوبال ويضربه ضربات خفيفة كأنه ياهل مو ف وعيه ،، دخله شقته وقرر عبدالله ان يخليه لين ما يوتعي ***** فتح عيونه وشاف غمامه والرؤيا مو واضحه بتاتاً كأنه ضباب كأن عتمه هدوء ،، خاف ،، معقولة هذي الأخرة وانا متت ،،،،،، قام يصرخ مثل المينون ،، مثل التايه / وين انا ( وبصوت اقوى ) وين اناااااااا ويمشي ف ضلام ،، فجأه تولعت الليتات ،،، وهمس عبدالله بصوت رجولي / انت ف امان يا خوي ياسر / شولة ،، وشلون آنه وصلت هنيه ،، وو عبدالله / لا تخاف ،، وما اظنك ترغب ف اني اذكرك ف حالتك البارحه ،، ياسر / ليش ساعدتني ،، ليش ما خليتني اطلع وامموت امووت وكان صوته صراخ وترجي والم وتعب عبدالله / ياسر ان اعرف اهلك واعرف انهم زينين حرام تضيع نفسك ، ومن همساتك البارحه ،، تبين لي انك تحب وحده اسمها رحاب ،، لأنك دوم تهمس بأسمها ،، وانت نايم ،، بس حرام تضيع عمرك وانت صغير عشان حب وهرار طاح ياسر ع ركبته وانهد كل كبريائة ،، وين الكبرياء وهو الظاهر بيدفع ثمن الغلطه اللي غلطها مع هالبنت ف كل يوم ف حياته عبدالله / من اليوم ورايح اعتبرني صديقك ،، تباعد عن هالشله اللي بتدمرك ، صدقني ، دمرو ناس كثير قبلك ، بس انت اعرفك ، وما بخليك تتدمر ، والحين ببدي وياك ولازم تخبرني بقصتكك من الألف للياء وقصه حبيبتك حس ياسر ان هذا الشخص المناسب اللي لازم يعرف ، ياسر / بس اللي بقوله بيني وبينك عبدالله / سرك ف بير ياسر / بعد ما دمروني هالشلة ، كنت راجع البيت ( وغطى ويهه وقال بصعوبه ) سكران ، عبدالله / ما عليك ،، لا تخلي حواجز ،، تصور انك تكلم حالك ياسر / وكانت بنت ،، هذي اللي اسمها رحاب ، تمشي ف الشارع بس مادري وين رايحه بس كل اللي اعرفه انها من احسن البنات يعني ما عندها خرابيط كان الفجر ،، وماكو بالشارع الا انا وهي ،، والكل نايم ،، كنت مب ف وعيي ،، والشيطان زين لي شكلها ،، هي كانت بمنتها الجمال ،، والعفة ،، تقربت منها لين ما مسكت ايدها واهي كانت تترجاني اتركها ،،، لين ما قالت لي ،، يالسكير يالخمير ،، هنيه انا ثارت ثورتي ،، حقدت عليها ،، وع المجتمع ،، قلت بحرق يوفها ،، وتقربت منها ،، و نزلت هنيه دموع ياسر ،، الريال الشامخ نزلت دموعه ،،، عبدالله كان متأثر ،، وف مثل الموقت متقزز من هالشخص اللي قبل انه يمسك بنت الناس وهي بريئة عبدالله بنرفزة / كمل ياسر / وقربتها مني ،، وو ،، ما اقدر ،، ما اقدر اكمل عبدالله / ع راحتك بس اذا فيه يوم تبي احد يسمعك ترى انا موجود يارسر طلع من عند عبدالله بعد ما شكره واتجهه لبيتهم اللي يضم حالياً خمس افراد بعد ما تزوجو ثنتين من خواته ،، ( علياء ، امل ) وظل عنده ( علي ، سمير ، هدى ، زهراء ، حوراء ) اخوانه دخل البيت بعد ما سلم ومباشره صعد غرفته ،، لأن ببساطه ما يبي يكلم حد او يسمع حد ،، انتظروني !!! ريم الغــــــــلا Quote Link to comment Share on other sites More sharing options...
danat aldonya Posted فبراير 15, 2008 Report Share Posted فبراير 15, 2008 يسلمووووو على البارت الحلو لا تتاخري علينا Quote Link to comment Share on other sites More sharing options...
بدون اسم احسن Posted فبراير 15, 2008 Report Share Posted فبراير 15, 2008 يسلمووووو على البارت الحلو لا تتاخري علينا,, Quote Link to comment Share on other sites More sharing options...
بنوته آخر شقاوة Posted فبراير 16, 2008 Author Report Share Posted فبراير 16, 2008 شكرا حبااايبي عــ المرور وان شاء الله اليوم بنزل لكم باارت يديد وشكرا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.