معلمة بمدرسة ثانوية توبخ طالبة أمام زميلاتها‮: »‬روحي‮ ‬انصحي‮ ‬امك بارتداء الحجاب‮!!«‬

[محرقي وفي]

امام الطالبات في‮ ‬الصف،‮ ‬قامت معلمة صحة مهنية بمدرسة ثانوية حكومية في‮ ‬المنامة امس بتوبيخ طالبة لانها لا ترتدي‮ ‬الحجاب و»مريولها‮« ‬تحت الركبة،‮ ‬مما تسبب باحراج كبير للطالبة التي‮ ‬اخبرت امها ما ان صعدت الى السيارة بعد انتهاء الدوام‮!. ‬وقالت المعلمة للطالبة‮ »‬انت ما تستحين تلبسين هذا المريول وتظهر اجزاء من رجليك امام الرجال‮«.. ‬وسألتها هل عائلتك راضية عن ملابسك،‮ ‬فردت عليها الطالبة بنعم‮.‬

وسألت المعلمة الطالبة‮: ‬هل والدتك‮ ‬غير محجبة؟ فردت الطالبة‮: ‬نعم والدتي‮ ‬غير محجبة،‮ ‬فقالت المعلمة للطالبة امام زميلاتها‮ »‬اذهبي‮ ‬وانصحي‮ ‬امك بان ترتدي‮ ‬الحجاب اولا‮.. ‬لان الشره مو عليك انت وانما على امك ووالدك‮«. ‬

وتقول الام بانها احست بغضب شديد من كلام المعلمة،‮ ‬وتساءلت‮: ‬هل اصبح الحجاب الزامياً‮ ‬في‮ ‬المدارس دون ان نعلم‮! ‬وهل من حق المعلمة ان تحرج ابنتي‮ ‬ذات الـ ‮٥١ ‬سنة بهذه الطريقة امام زميلاتها؟ وقالت‮ »‬الى متى تتساهل وزارة التربية مع هذه العقول‮ (‬الطالبانية‮) ‬في‮ ‬المدارس‮«.‬

 

صج ماتستحي هل معلمة يبيلها طق من قلب

الخبر

[ريفا المحرق]

 

صج من حق المعلمة توجه طالباتها لكن مو بهالطريقة

 

يعني هي يتراوالي قصدها زين لكن اسلوبها منفر وكلش غلط

[?Why So Serious]

inzain esh3alaich intay elbesat 7ejab walla la2

9ij awadem mot5alfa

 

[EbLeEeEeS]

حتى لو كانت البنت لابسه قصير وغير متحجبه مالها شغل فيهاا

داام اهلهاا راضين بهالشي ماله داعي تحرجهاا

Edited ابريل 17, 2008 by EbLeEeEeS

[الناعمه]

في معلمات غيورين من الطالبات مدري ليش

انا ايام الثانوي كلا يقولون لي لمي شعرج ووسعي مريولج

بس انا ابي اعرف اي مدرسة الي صار فيها هالكلام

خولة لو الحورة لو المنامة ؟؟؟؟؟؟

[جمـــا "معذبهم" لـــي]

اووكي نصحي بس مب هلوون

 

خذتي الابنيه على صووب وكلمتيها بأسلووب أحسن من جذي

 

 

خوش معلمة اجياال الصرااحه !!!

 

 

 

يسلموو

 

 

 

[ريفا المحرق]

حتى لو كانت البنت لابسه قصير وغير متحجبه مالها شغل فيهاا

داام اهلهاا راضين بهالشي ماله داعي تحرجهاا

مو مسالة مالها شغل.. احنا مسلمين ولازم نوجه بعض ولو شفنا شي غلط

 

حلو ان إنبه بعضنا لان الرسول عليه الصلاة والسلام قال كلكم راع وكلكم مسئول

 

عن رعيته.. وقال بمعنى ان لو الواحد شاف شي غلط يغيره بيديه ولو تع<ر بلسانه

 

ولو تع<ر بقلبه.. مب يشوف ويمشي ويقول كيفهم مالي شغل وحريجة حرقتهم

 

الغلط اللي صاير في هالقضية برايي هو الاسلوب المنفر لا غير

 

في معلمات غيورين من الطالبات مدري ليش

انا ايام الثانوي كلا يقولون لي لمي شعرج ووسعي مريولج

بس انا ابي اعرف اي مدرسة الي صار فيها هالكلام

خولة لو الحورة لو المنامة ؟؟؟؟؟؟

 

شدخل الغيرة الحين؟؟؟

 

شي طبيعي الطالبة لازم تلم شعرها ما تفله لانهم في مدرسة مو حفلة لازم تحترم الحرم المدرسي

 

والمريول حلو يكون مرتب لكن مو صاك لان الضيق بيفصل الجسم عدل وماعتقد الطالبة تروح المدرسة

 

حق تسوي اغراء لازم يكون مظهرها تربوي ومحترم

Edited ابريل 17, 2008 by ريفا المحرق

[سنفوررة]

اتفق معاج اختي

ريفا المحرق

 

ثانكس على الخبر

[ولد الصميل]

بل بل

 

 

جذي الناس ينصحوون

 

لا وذي ربة جيل بعد لا حووول

 

الحين شنو موقف البنت من رفيجاتها ؟

 

والله حاله

[FeaR The FirE]

 

 

مثل ماقالت ريفا المحرق

كان المفروض تيودها على صوب وتنصحها بهدوء