الجسمي17 Posted يونيو 15, 2008 Report Share Posted يونيو 15, 2008 تسلم اخوي و يعطيك العافية Quote Link to comment Share on other sites More sharing options...
danat aldonya Posted يونيو 19, 2008 Report Share Posted يونيو 19, 2008 عسى ماشر اخوي تاخرت احنا بانتظارك والقصه مشوقه Quote Link to comment Share on other sites More sharing options...
الدمعه المقهوره Posted يوليو 2, 2008 Report Share Posted يوليو 2, 2008 ننتظرك خوي القصه حدها روعه Quote Link to comment Share on other sites More sharing options...
الحب الضياع Posted يوليو 3, 2008 Report Share Posted يوليو 3, 2008 يسلموووووووو على القصة ننتظر الباقي Quote Link to comment Share on other sites More sharing options...
لط لط Posted يوليو 3, 2008 Report Share Posted يوليو 3, 2008 القصة حدها حلوة بس صيحتني=( يسلموو=) Quote Link to comment Share on other sites More sharing options...
me-me Posted يوليو 3, 2008 Report Share Posted يوليو 3, 2008 كششخه القص خوي وننتظر الباقي بس لو تطول الاجزاء شوي Quote Link to comment Share on other sites More sharing options...
عاشق ك.رونالدو Posted يوليو 3, 2008 Author Report Share Posted يوليو 3, 2008 اولا حاب اعتذر عن التاخير الطويل الي كان غصبا عني لاني انشغلت وايد مع تكريم سمو رئيس الوزارء ونتائج البعثات واشياء وايد وقررت اني اوقف القصه لكني جفت انه للحين في اعضاء يردون وذي فهالشي خلاني اتحمس مره ثانيه وقررت اني ان شاء الله راح اكمل لكم القصه واتمنى انه تعجبكم وسامحوني على القصور الجزء الرابع اليوم الرابع من وفاة الوالدين --- منزل بو محمد --- 11 صباحا بو خالد : يله ياعيال روحو فوق ويمعو كل اغراضكم عشان تيون وتعيشون معاي علطول انا وعدت امكم وابوكم وان شاء الله ماخلف بوعدي محمد : ان شاء الله عمي وصعد الاثنان كل منهما الى غرفته واخذ محمد يلم حاجاته وذكرياته ويضعها في حقائبه و يستنشق عبير الغرفه التي لن يشم هوائها بعد اليوم فمازالت رائحة والديه عالقة بين ثنايا الغرفه اما فاطمه فقد دخلت غرفتها بهدوء تام وقد سمع الجميع خطواتها لشدة ثقلها وكانها كانت تسحب ارجلها خلفها ،،، وما ان دخلت الغرفه حتى اغلقت الباب بقوه ولم يسمع لها أي صوت بعد ذلك منزل بو محمد --- 11 ونصف صباحا ام خالد : ها حبيبي محمد خلاص شلت كل ثيابك والعابك ماعندك شي بعد محمد : لا خلاص خذيت كلشي ،، وكل العابي حطيتهم هني مابقى شي ام خالد : زين بابا عفيه عليك ،، بس اختك فاطمه وينهي ؟؟ محمد : مادري فيها دشت الحجره من مساعه ولا طلعت للحين بوخالد : ماعليج انا باروح اجوفها وتوجه بو خالد فورا الى غرفة فاطمه حتى يطمئن عليها وما ان فتح الغرفه حتى صرخ باعلى صوته : بوخالد : ام خالد بسرعه اتصلي بالاسعاف ام خالد : عسى ماشر شصايربو خالد ؟؟ شفيها فاطمه ؟؟ بوخالد : اقولج اتصلي حق الاسعاف بسرعه مافي وقت ولم تستطع ام خالد ان تفعل شيئا سوى ان تندفع بسرعة فائقه نحو غرفة فاطمه حتى تعرف مايحدث ، وما ان وصلت حتى رأت فاطمة مستلقية على الارض و الدماء تنهمر من رأسها الذي تحول لبركان ثائر يقذف مابداخله من حمم و ابا خالد بالقرب منها يحاول افاقتها وايقاف نزيف الدم وبينما هي تائهة بين هذه المشاهد لفت نظرها شيء ما ،، لقد رأت صورة والديها بالقرب منها وقد تلطخت بالدماء ولكنها كانت موضوعه وسط قلب مرسوم بالدم لابد من ان فاطمة قد رسمته بيدها قبل ان تفقد الوعي وكانها ارادت ان تبعث برسالة من نوع ما الى والديها او الى شخص ما .... الساعه 12 ونصف --- المستشفى : خالد : ها يبه شصاير حق فاطمه ؟؟ بوخالد : مادري يابوك احين يطلع الدكتور ويقول لنه الدكتور : لو سمحت ، انت ابوها ؟؟ بوخالد : لا انا عمها لكن انا المسؤول عنها ،، تكفى طني دكتور شفيها ؟؟ الدكتور : لا مافيها شي لاتحاتي بس بغيتك شوي بوخالد : ولايهمك دكتور تفضل الدكتور : انا بكون صريح معاك ، البنت حاولت تنتحر او تأذي نفسها ،، في شي صاير لها في الفتره الاخيره ؟؟ بو خالد : اي يا دكتور ،، امها وابوها عطوك عمرهم من جم يوم الدكتور : الله يرحمهم ،، عيل هذي الشي يفسر الحاله النفسيه الي قاعده البنت تمر فيها خصوصا انها في سن خطره وهالشي وايد اثر عليها وخلاها تسوي جذي في روحها بو خالد : انزين والحل يا دكتور ؟؟ الدكتور : اهيا الحين الحمدلله حالتها مستقره وان شاء الله راح تطلع ،،، بس لازم تعرضها على طبيب نفسي عشان يساعدها ،، ضروري مايحتاي اوصيك بو خالد : ان شاء الله دكتور ،،، مشكور وماقصرت الدكتور : العفو ولو حاظرين احنا ام خالد : ها بوخالد بشر شقالك الدكتور ؟؟؟؟؟؟ بو خالد : مادري شاقولج ،، بس قال لازم نعرضها على طبيب نفسي ام خالد : شتقصد يعني فاطمه صارت مينونه ؟؟؟؟؟؟!!! بو خالد : لا مو جذي يا ام خالد بس لازم نعرضها عليه لانه اهوه الوحيد الي يقدر يعالجها ويعرف حالتها خالد : لاحول ولاقوة الا بالله ريم ( زوجة خالد ) : يله خالد خل نمشي خلاص مالنا لزمه هني وانا تاخرت على رفيجتي خالد : ان شاء الله ،، يله في امان الله يبه بو خالد : الله وياك ،،، اووف شالمره ذي احنا حالتنا حاله واهيا متفرغه ام خالد : الله يصلح حالها بو خالد : ماعلينه يله امشي ناخذ فاطمه ونروح البيت تأخرنا على محمد بيت بو خالد --- الساعه 3 عصرا : ام خالد : الووو ام شوق : هلا خويتي ،، شلونج شخبارج ؟ ام خالد : هلا والله بخير انا الله يسلمج انتي شلونج ؟ ام شوق : بخير دامج بخير ،، صج الحجي الي سمعته عن فاطمه ؟؟ ام خالد : اي والله صج ام شوق : وشله ماقلتولي ولاشي ؟؟؟ ام خالد : حقج علينا بس كلشي صار بسرعه وماحبينا نشغلج معانا ام شوق : الله يهداج بس ،،، ماعليه احين شخبارها اهيا احسن ؟؟ ام خالد : الحمدلله زينه من ردت واهيا راقده ماكلت لها شي وعليه ام شوق : ماعليها الا العافي هان شاء الله ،،،، انزين وشبتسوون عن سالفة الدكتور النفساني ؟؟ ام خالد : انا كلمت بو خالد وقال انه باجر بيوديها وبنجوف شبيصير ،، الله يستر ام شوق : الله يكون في عونهم والله المصايب تتحذف عليهم من كل صوب ام خالد : الحمدلله على كل حال ام شوق : ماعليه ياخويتي اخلي جانا احين سلمي عليهم كلهم ،، مع السلامه ام خالد : الله يسلمج ،، مع السلامه ساره : يمه يمه صج انه فطوم مينونه ؟؟ ام خالد : عيب قصري لسانج ، فاطمه مافيها الا العافيه ساره : عي لاذا مو مينونه شله سوت جذي في روحها ام خالد : انتي انجبي ومالج شغل بهالسوالف ساره : اوف كله مسكتيني في هالبيت حتى حجي الصج مايبون يسمعونه ام خالد : ذلفي عني ترى كلش مو ناقصتج ساره : اوف باذلف احسن لي بو خالد : شفيج وياها بعد ؟ ام خالد : ذبحتني هالبنيه في كلشي رازه ويها بو خالد : بعد هذي بنتج ماتعرفين سوالفها يعني ام خالد : ماعليك منها قولي شسويت مع الدكتور ؟؟ بوخالد : لاتحاتين حجزت لها موعد وان شاء الله باجر باوديها ويصير خير ام خالد : ان شاء الله صباح اليوم التالي ---- لدى الدكتور النفسي بوخالد : ها بشر دكتور شفيها فاطمه ؟ الدكتور : ماخش عليك ،، البنت قاعده تمر بازمه عاطفيه صعبه وايد اثرت عكسيا على حالتها النفسيه ومحتاجه رعايه خاصه ومتابعه بوخالد : شتقصد دكتور ؟؟ الدكتور : الي اقصده انها لازم اتم عندنا جم يوم عشان ترتاح وتاخذ العلاج بو خالد : تكفى دكتور خلك صريح معاي حالة فاطمه خطيره صح ؟؟ الدكتور ( تردد قليلا ثم جاوب بتلعثم ) : لا لا تحاتي مافيها الا العافيه بوخالد : الي تجوفه مدام هالشي فيه خير وعلاج لها ماعندي مانع ،،، يله يابنيتي انتي لازم اتمين هني جم يوم عشان صحتج ولاتحاتين كلنا بنكون موجودين معاج لاتخافين كلش فاطمه : هههههههه أي أي حتى انت بتروح عني كلكم رحتو خلاص مابقى احد بو خالد : لا تقولين جذي كلنا معاج ومابنتخلى عنج فاطمه : هههههههه تضحكني انت هههههه الدكتور : لاتحاتي بو خالد انت توكل احين واحنا بنهتم فيها لاتخاف ومشى ابا خالد والحزن يعتصر قلبه وكله خوف على حال فاطمة فلايعلم ان كان مافعله هو الصواب ام لا ، انه مشوش الذهن فالمؤولية كبيرة على عاتقه والاولاد امنة في عنقه ويجب ان يحافظ عليهم ولكن القدر احيانا يجري على غير مانشاء الساعه 12 ظهرا ------ منزل بو خالد : بو خالد : السلام عليكم الجميع : وعليكم السلام ورحمة الله وبركاته بو خالد : ها ام شوق الا هني انت مع شواااقه ،، شلونج شوق شمسويه مابقينه نجوفج ؟؟ شوق : انا الحمدلله تمام خالي ،، شنسوي بعد لاهيين في هالدنيا بو خالد : يعطيج العافيه يمه ام خالد : الا وينهي فاطمه ؟؟؟؟ بوخالد : فاطمه تمت عندهم ،، لازم اتم جم يوم هناك لين تتحسن صحته اهمه يعرفون شلون يهتمون فيها وشيسوون ام خالد : انت شلون تخلي فاطمه عندهم ؟؟!! احد يقط بنته مع الميانين ويمشي عنها شلون سوت جذي شلووون ام شوق : تعوذي من ابليس وخلينه نعرف شالسالفه بو خالد : انا ماقطيتها ومشيت عنها بس فاطمه مريضه وعلاجها هناك شوق : لاحول ولاقوة الا بالله ام خالد : اهئ اهئ اهئ بو خالد : الا محمد وينه ماجوفه ؟؟ ساره : في حجرته راقد قاعد يتعزز حتى ريوق ماتريق عشتو بو خالد : استغفر الله العظيم ،،، Quote Link to comment Share on other sites More sharing options...
me-me Posted يوليو 3, 2008 Report Share Posted يوليو 3, 2008 ثاااانكس ع البارت لاا لاتوقف واايد اندمجت فيها والقصه حلوة فتكملها احسن Quote Link to comment Share on other sites More sharing options...
مينونة ومخرفة ومخرخشة Posted يوليو 3, 2008 Report Share Posted يوليو 3, 2008 يسلمووو .. في الانتظار Quote Link to comment Share on other sites More sharing options...
عاشق ك.رونالدو Posted يوليو 3, 2008 Author Report Share Posted يوليو 3, 2008 الف الف شكر لكم والله انا قررت خلاص اني اوقف القصه بس لما جفت ردودكم استغربت وتحمست وايد فمشكورين وماقصرتو وان شاء الله اكمل لكم القصه واتمنى من كل قلبي انها تعجبكم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.