ريانة العود Posted سبتمبر 4, 2004 Report Share Posted سبتمبر 4, 2004 شلونكم يالغاليين؟؟؟ من يوم احنا صغار مل نسمع (( اللي يسمع بلاوي غيره تهون عليه بلواه)) وانا عندي مشكله... بس ما اعتقد ان لو سمعت هموم بارتاح لاني ادري اني بازيد انا صار لي جم يوم وانا حاطه في خاطري شي ومب عارفه شاسوي؟؟ ولاني عارفة شلون اصيغ لكم الموضوع فاعذروووني اذا كان الكلام مو منسق عدل... فقلت مدام الموضوع فيه حب انشره هني ويمكن اقدر اعرف شنو راح تسوون في هالموقف؟؟؟ انا من النوع اللي ما احب احد من رفيجاتي يتفارقون... ومن يتفارقون احاول بكل الطرق اني اردهم حق بعص... بس شنو اقدر اسوي اذا الفراق كان بيني وبين رفيجتي... يعني رفيجتي غاااليه علي من سنين ومع مرور فترة معينه رااادت معزتتها عندي واااايد لدرجة ان لو ما القاها يوم اتحير وافكر فيهاواقعد احاتيها... ومرة وحدة اجوفها تختفي؟؟؟ وبعدها اكتشف انها مسويه لي بلوك ودليت.... او ما شاابه... من هالناحيه... والمشكلة الاكبر... ان لما تلتقون بالهالصديق يقول لكم... مو مني... هذا حكمي وهذي حياتي وما اقدر اغيرها؟؟؟ وطبعا سبب هالحكم كله سؤ فهم... وبعدين يقول لك: اتمنى انك ما تحط بخاطرك علي ولازم تقدر ظروفي... وطبعا كمجامله لعدم جرح شعور من تحب تقول لا بالعكس انا ما اقدر احط بخاطري عليك وطبعا كل هذا جذب في جذب لانك من قلب متضااااايق لدرجة ان هالشي ياثر عليك وحتى النوم ما يخليك تنامه... والمشكلة اللي تزد من الضيق هو انك تشوف هالشخص يوميا جدامك وما تقدر تسوي شي ادري ان الموضوع ماله داعي... وادري ان الكلام مب منسق... بس ما عرفت شاسوي فقلت اجوف شنو انتوا راح تسوون لو كنتوا في هالموقف Quote Link to comment Share on other sites More sharing options...
محرقاويه عسل Posted سبتمبر 4, 2004 Report Share Posted سبتمبر 4, 2004 انا من رايي اذا البنية تعزينها وتبينها تقعدون مع بعض وتتفاهمون فهميها انج ما تبين تخسرينها كصديقة وكل وحده اطلع اللي في قلبها على الثانية وعرفي اهيه شفيها يمكن كلمة صغيرة فاهمتها اهيه بالغلط اة انتي ما كنتي قاصدتها انها تزعلها ولا تمشون الا اذا صفيتو النوايا الله اييب اللي فيه الخير يعطيج العافية Quote Link to comment Share on other sites More sharing options...
احلى قمر Posted سبتمبر 4, 2004 Report Share Posted سبتمبر 4, 2004 حبيبتي ريانه العود... اول شئ الله يهدي النفوس وترجع المياه لي مجاريها... وبعدين جوفي رفيجتج شفيها؟ شنو في خاطرها؟يمكن في شئ مضايقها؟موضوع شاقلها وحيرها؟او سمعت كلام او شئ مكدرها؟ يعني ماتدرين شفيها...كلميها اخذي بخاطرها..هذي رفيجتج..مالكم غنى عن بعض..يعني مثل مانتي تحبينها..اكيد بعد اهي تحبج ومابيهون عليها فراقج..وبجذي انتي مابتقدرين تنسينها كلش.. نصيحتي جوفيها وكلميها حتى لو صدتج مره ومرتين..قوليلها عن اللي في خاطرج..كسبيها..واكيد مابتردج...لانج صديقتها اللي تحبينها...صح وان شاءالله كل شئ يرد نفس قبل واحسن.. والله يجمع الشمل تقبل تحيات اختج احلى قمر Quote Link to comment Share on other sites More sharing options...
الاصفر Posted سبتمبر 4, 2004 Report Share Posted سبتمبر 4, 2004 طبعاً اصارح وابوح عن الي في قلبي وانحاول نتفهم بعض Quote Link to comment Share on other sites More sharing options...
ريانة العود Posted سبتمبر 4, 2004 Author Report Share Posted سبتمبر 4, 2004 مشكوووورين كلكم والله بس المشكله هي... ان مو هي حاطه في خاطرها علي... المشكله لو تقول اها ممنوعه مني... Quote Link to comment Share on other sites More sharing options...
بنت الناصر Posted سبتمبر 4, 2004 Report Share Posted سبتمبر 4, 2004 الله يعلم أن غلاتج شكثر عندي .... وبقووولج ترى مسنجري ترى مايسوووى بدووونج ... بس مثل ماقلتي .. صادتني مشاكل في المسنجر .. وقلت لج وضعي وبلييييز فهميني ولو ماحبج واغليج ... جان مارديت وقلت آنه المقصوووده ... والكل يدري شكثر أعزج لاتزعلين مني .. شسوووي .. تحياتي اختج اللي ماتقدر على زعلج : همس الظلام Quote Link to comment Share on other sites More sharing options...
ريانة العود Posted سبتمبر 5, 2004 Author Report Share Posted سبتمبر 5, 2004 حبيبتي مالبورو انا مو زعلانه منج ولا يمكن اني ازعل عليج لان البيني وبينج اكثر من جذي بوااااااايد واحنا مو تونا نعرف بعض نعرف بعض من سنين حتى قبل لا نكلم بعض على النت بس يعني شوي السالفة تضايق لان اذا احد يحب شخص معين.... ما يحب انه يفارقه... واللي ضايقني اكثر هو اني ادري ان راح اجوفج جرييييب اذا مو اليوم باجر واذا مو باجر اللي بعده ولا تنسين ان كل يوم راح نجوف بعض في المدرسه بعد وهذا راح يكون شي وااااايد واااايد صعب لاني باعرف ان لما امر يمكج والبنات كلموج انا ما راح اقدر اكلمج وراح تكون هالسالفة في بالي على طول و يمكن ضايقج اني نشرت الموضوع بس ما قدرت اقول حق احد لان ما ابي احد يدري ان في شي بيني وبينج فقلت اذا نشرته هني محد بيقول لي من هذي.... بس انتي قلتي.... وسامحيني Quote Link to comment Share on other sites More sharing options...
بنت الناصر Posted سبتمبر 5, 2004 Report Share Posted سبتمبر 5, 2004 وليش ماتكلميني اصلا ومن يقدريمعني ماكلمج ؟؟؟ حبيبتي انتي على عييني وراسي وانتي أول وحده راح اسلم عليهاا في المدرسه ... بين الحصص باييج الصف وبنتحجنا عن المنتدى مثل كل مره اللي صار في المسنجر ماله شغل في المدرسه أو الفريج أو غيره .. وانشالله اذا جفتج بوضح لج ... ولا تزعلين يالغاليه .. وترى بانطرج يم الباب أول يوم .. وعشان اراضيج بعد بشتري لج من المقصف على حسابي خخخخ اشتقت لطعميه خخخ ... عاد مو كل يوم بس أول يوم ... بس ييبي معاج فلووس احتياط .. خخخخخخخ ولاتزعلين ها .. تحياتي Quote Link to comment Share on other sites More sharing options...
محرقاويه عسل Posted سبتمبر 5, 2004 Report Share Posted سبتمبر 5, 2004 الله لا يفرقكم ان شاء الله والله يسير الامور ان شاء الله ويحل الخلاف اللي صاير Quote Link to comment Share on other sites More sharing options...
ريانة العود Posted سبتمبر 5, 2004 Author Report Share Posted سبتمبر 5, 2004 مالبورو... بصراااحة... مادري شاقول لج ومو عارفة شنو ارد عليج كل اللي اقدر اقوله هو الله اييب اليوم اللي باجوفج فيه... وانتي اخذي لي الطعمية وانا باشتري العصير... عاد سالفة الكافي والجبس ما يقصرون البنات... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.