الدموع الضائعة Posted يوليو 8, 2008 Author Report Share Posted يوليو 8, 2008 آهلاً جميعاً,,, اسفة لتأخري.. هُناك تكملة لهذا البارت لكن بسبب .. انقطاع الكهرباء المُفـآجىء.. آسفـة اعزائـي سينزل بعد .. التعديل .. وبالنسبة للعضوة العزيزة .."بنوتة اخر شقاوة" تقدرين .. واتمنى لو تخلـي اسم العضوة لحفظ الحقوق فقط لآ غير والعضوة الرائعة "سويتي تويتي" وانه اقرأ اكتشفت هالشي يمكن لآني كنت افهم الوضع ما لاحظت اني يمكن الاعضاء ما يفهمونه تسلمين ع الملحوظة وسيتم الانتباه .. شُكراً لكم جميعاً.. البارت فـي الكِتابة .. سآحاول اكماله في اليومين المُقـبلين ... اسفة كنت مشغولة فـي اشياء .. مع شُكري وحُـبي للجميع .. الدموع الضائعة Quote Link to comment Share on other sites More sharing options...
الدموع الضائعة Posted يوليو 8, 2008 Author Report Share Posted يوليو 8, 2008 (edited) رغـم الحُب الكبيـر فـي آعمآقـْ قـلبي .. لكـنْـي سآكمـُـل حيآتـي وإن كـآنت بِلـى حيآه *فـي الليل* ((فـي الصـآلـه)) اخذت حبة من كاكو ام امز ورمتها فوق واكلتها .. منى: يعني ماقررتون انكم تاخذون شي معين .. هزت راسها بالنفـي.. والتفتت لها وقالت: سارة قالت ناخذ لها جلابية وشيلة .. حاست شفايفها وقالت: ماادري صراحة هذا شغلكم .. زينب: بلا لئامه ..! ها .. مااعارتها اهمية .. وقامت عنها .. رآحت حجرة امها وطقت الباب بآدب .. لما سمعت صوت امها دخلت وقعدت جنبها وقالت: يمه رفيقاتي بيتجمعون اليوم وبخاطري اروح .. عادي؟ كانت تعدل في السرير ولما خلصت درات ويها وقالت: روحي .. ابوج ياي الحين وخليه يوديج .. تنهدت زينب .. وطلعت من الحجرة .. راحت غرفتها .. ولبست عباتها وشيلتها واخذت الشنطة .. بشكل سريع .. سناء راحت بيتهم العصر وطبيعي رجع الملل في البيت والكـآبة ... لما سمعت صوت التليفون.. رآحت وجاوبت بهدوء : آلـو .. ثواني مافـي رد استغربت .. سمعت انفاس وتكلم بصعوبة: اهلاً... شخبارج زينب؟ ارتبكت .. وحاولت تكون طبيعية اكثـر وقالت: الحمدلله يا ولد الخال ... ونت شخبارك؟ حز بخاطره وخلا السماعة في اذنه الثانية وقال: تمام وين خالتي..؟ زينب: آمم لحظات بناديها لك هز راسه والارتباك باين عليه .. لما سمع صوت خالته ابتسم وقالت: السلام عليكم خالة شحالج؟ ام علي: بخير والله ياولدي ونتو شحالكم عساكم بخير؟.. عادل: والله يا خالة الحال مايسر إيمان طايحة علينا وبغينا نخبرج .. خافت وقالت: شنو صار فيها ؟ حاول يهدئها وقال: لا خالة لا تخافي بس .. صادها سوء تغذية .. ام علي: هي وين الحين .؟ عادل: هي في البيت بس وايد احسن .. من قبل .. هزت راسها باطمئنان وقالت: سلامات ماتشوف شر عادل: الشر مايجيج خالة يالله انا بسكر تامرين ع شي تنهدت وقالت: لا والله ابي سلامتك مع السلامة .. وسكرت السماعة .. قعدت على الكرسي ولما شافت حالت امها وقالت: خير يمه .. ام علي: لا والله بس ايمان تعبانة شوي .. خافت وقالت: خير ؟ ام علي: سوء تغذية يبي لي اروح اطمن عليها .. هزت راسها .. ولما سمعت هرن ابوها .. طلعت .. تحس بدقات قلبها للحين .. زمان يا عادل ما كلمتك .. وفجأه اكلمك بعد شهور .. اشتقت لك .. حست بدمعها يبنزل .. بس حاولت تخبي هالشي ماتبي تغير مزاجها انا احاول اني ماافكر فيه قد مااقدر ماابي اتعلق اكثر .. حُـب مراهقة وبيتشتت وبيروح ..! تنهدت وركبت .. السيارة وابتسمت لابوها .. وحاولت تتناسى المكالمة !. لما وصلت نزلت بيت رفيقتها وطقت الباب .. طلعت لها رفيقتها وابتسمت لها سلمت عليها بهدوء .. وراحت المجلـس لما شافت رفيقاتها سلمت عليها وقالت: شخباركم جميعاً.. جنان: ولا لو مب جاية ابرك .. لوعتي جبودنا واحنا نتصل لج ع هالموبايل .. تسوي بزنز ومسكرته .. ضحكت عليها وقالت: جنان حرام عليج والله .. مافيه شحن .... جنان: قولـي اللا رفيـقج .. مابغيتي تردي عليه.. حطت يدها في خصرها وقالت: من يرى الناس بعين طبعه وغمزت لها ضحكوا البنات وقالت زهرة: ونتو يعني فار وسنور دوماً وآبداً هزوا راسهم مع بعض .. وضحكوا.. خلـصنا سوالفنا والكل رجع بيــته.. فـي الصبح ((زينـب الساعة 9:31)) عدلت التي شيرت وربطت الشريطة اللي كانت على راسها وحمرة تناسب بدلة البيت اللي لابستها .. اخذت تليفونها من الطاولة وطالعت روحها وطبعت ابتسامة على ويها وطلعت من الحجرة .. لما شافت امها ابتسمت وقالت: صباح الخيـر عطتها نظرة حيوية وقالت: صباح النور .. صبيت لي كوبة جاي .. ورحت فوق اقعد اختي مناوي .. طقيت الباب لما ماشفتها قعدت .. بطلت الباب .. وكانت الحجرة باردة .. من المكيف .. هزيتها وقلت: منوي قعدي بسج نوم يالله 11 .. فتحت عيونها بصعوبة .. اخذت الساعة اللي في الطاولة ولما شافتها تسع وشي .. طالعتها بنظرة واشرت عليها بره .. وغطت نفسها بكامل فراشها .. ضحكت عليها زينب .. وقعدت تطالعها .. وابتسمت شافت "قلاص" .. واخذتها وشحنتها ماي .. وقالت: 1 2 3 .. وكبته عليها بالكامل .. وهربت .. عصبت منى وراحت تلحقها .. وكان شعرها ..كشة .. سمعت الام ضحكاتهم تتقرب .. وراحت زينب ورا الام وقالت منى: تعالي بلا كراهة عليي .. بتشوفين ازيد من جذي تكبين علي ماي ها .. وفي عزة نومتي .. ضحكت زينب: يمه انقذيني من هذه الشريرة .. واشرت على منى .. ضحكت الام وقالت: كآنكم جهال قعدي مكانج منى .. اخذت الكوبة اللي كانت خالية وشحنتها ماي وقالت: هالكوبة ماتشفي غليلي .. تعرفين الخرطوم اللي بره هذا بس اللي يشفيني لج يوم .. يا زينب بتشوفين .. ضحكت زينب بصوت عالي وقالت: ههههههههههاي عدلي كشتج حبيبتي اول .. انقهرت منى ولما شافت نفسها في المنظرة ضحكت كان شعرها منفوش .. ضحكت مرة ثانية وركبت حجرتها .. داخل المطبخ ظلت زينب على الكرسي تكمل شرب كوبها .. وقالت لها امها: اليوم رايحين بيت خالج بتجين .. دق قلبها وقالت: اكـيد .. نزلت راسها وحست بالارتباك .. ليـش انت بالتحديد .. ؟ دوم اسأل نفـسي نفـس السؤال يا عادل .. يمكن لانـك كنت اقرب ريال بالنسـبة لي ... وحسيت بالأمان معاك من صغري .. تنهدت وقالت: متى ناوية تروحي يمه .. قعدت تقطع الجزر وقالت بهدوء وهي منتبهة للتقطيع: العصر بأذن الله .. هزت راسها وطلعت من الحجرة .. ولما شافت منى ضحكت .. وقعدت جنبها وعطتها نظرة وقالت: ناوية علـى نفسج اليوم .. ضحكت وقالت: اذا قدرتـي .. شالت نفسها ومشت تروح تكتب واجباتها ... فـي العصـر داخل حجرة زينب .. جهزت روحها .. وظبطت شيلتها اللي كان لونها وردي ولآول مرة تلبسها .. كانت موردة خدودها وبيـاضتها محليتها .. طلعت وكانت ماسكة موبايلها وبوكها الوردي اللي في ورود بيضة وبنفسجية بـسيطة .. ولما شافها ابوها ابتسم لها .. راحت قعدت جنبه وسلمت .. ولما جت الام .. طلعوا وركبوا السيارة .. وصـلوا .. ونزل الأبـو بعدها الام .. وزينب فتحت الباب وهي خايفة .. نزلت بهدوء وراسها منزلته بالأرض .. لما شافت ان امها وابوها دخلوا دخلت بهدوء وفجآة اصطدمت بجسم حست بالدوار ولما تماسكت شافت واحد يبتسم لها فتحت عيونها وميزته .. انصدمت .. واستغربت من نظرته .. كان لابس بدلة سبورت .. توها بتمشي وتكلم بهدوء: السلام .. لله ورسوله .. اسفهته .. ودخلت البيت .. ابتسم عادل وقال بهدوء في نفسه .. ليتني اعرف سر هروبـج الغامض مني .. تذكر الموقف وازدادت ابتسامته وكمل طريقـه .. كانت دآخـل المجلـس وتحس بحرارة .. في جسمها شافتها حنان وابتسموا وسلموا ع بعض .. تكلمت حنان بتعب: ها شخبار ؟ .. هزت راسها بالايجاب وقالت: الحمدلله ونتو شلون إيمان عساها احسن ؟ .. اخذت نفـس بهدوء وقالت: الحمدلله احسن .. بواجد .. عن امس الليل .. حتى المشي ماكانت قادرة من الالم والوجع اللي صايـر في جسمها كله .. هزت راسها وقالت: الحمدلله .. ((فـاطمة)) سمعت رنة تليـفونها ولقت الرقم غريب استغربت .. شالته بهدوء وقالت: الـو نعم ؟ .. فتحت عيونها وانصدمت من الصوت !.. ارتبكت ..شوي .. سكتت ثواني .. وقالت: منو معاي؟ ومنو علي؟ .. ونت ما تستحي .. تتصـل علي .. ما تفهم قلت لك يا أخي ما عندي هـ السوالف انقهرت وسكـرته في ويهه .. تسارعت دقات قلبها .. خلت راسها ع حافة السرير .. وغمضت عيونها وهي تحس في جفنها حرارة دموعها.. ليـش آحـس بقـلبـي مشاعر غامضة لهالشخص .. ليش ارتبك لما اشوفه.. ليش ارتبك لما القاه يتصل لي .. ليـش ! ابا اعرف سبب هالغموض ..!حضنت المخدة لصدرها .. وغمضت عيونها ... ونزلت دمعة ع خدودها بألـم .. فـي اليوم الثانــي طلعـت الشمـس وكـآن الـجو حآر .. فتحت عيونها بهدوء .. قامت من السرير وهي تسمع طقات الباب فتحت الباب ولما شافت امها ابتسمت قالت لها الام بهدوء: هالمرة لا تسـكرين الباب عليج .. فاهمة .. هزت راسها بالايجاب .. وراحت الحمام "الله يعزكم".. لما طلعت .. لبسـت ثيابها .. مال المدرسة ... وعدلت حجابها .. ولبست عبايتها .. وخذت الشنطة وطلعت من الحجرة .. راحت المطبخ وقعدت على الطاولة .. صبت لها الجاي في الكوبة .. وارسلت ابتسامة الى اخوها محمد .. شربتها بسرعة ..ومسحت على شعره وقالت بهدوء: باي .. حمودي .. ابتسم لها ابتسامة عريضة وقال: باي زنوبة .. طلعت وراحت البـاص .. ولمـا وصلت المدرسة كانت متآخـرة .. عشان جذي ابتدت الحصة الاولى طقت الباب ودخلت الصف بإبتسامة .. طالعتها المعلمة وقالت: ها ست زينب .. طولتي في النومة اليوم .. تنهدت ماراحت من هدرة المشرفة الحين المعلمة والله لاعت جبدي .. عطتها ابتسامة مجاملة وقالت لها بهدوء: معلمة لا .. بس تـآخـرت من زحمة الشوارع .. هزت راسها المعلمة واشرت ع كرسيها وقالت: ودي كرسيج وطاولتج وراء .. وقعدي .. رفعت حواجبي بإستغراب ووجهتها الى المعلمة وحطت المعلمة ايدها ع خصـرها وقالت: ماتسمعي .. بلا قلة الادب .. ويالله ع وراء .. استغربت وظليت مكاني ضحكت وانا اطالع البنات والبنات مستغربين اكثـر مني .. وانا امشي وجهت لي ابتسامة جنان وقالت: ماعليج منها متسببة هالمعلمة هزيت راسي وضحكت بصوت .. طالعتني المعلمة بحقارة وقالت: متآخـرة وتقلين ادبج .. يآ أنـا يـآ انتي يا آنسة ..! وضربت الممسحة بالطاولة وانا في داخلي ضحكة اكتمها .. طالعتني بنظرة وقالت: نبتدي الدرس .. فـي الفـسحة كانت ضحكاتهم واصلة لوين .. ضحكت بخفة: اليوم معلمة الفيـز رايحة عليها .. طاق عليها الجنون عيل زافتني من صباحة خير ومب مسوية لها شي استغفر الله "وطبعت بوسة ليدها وودتها لجبينها" ضحكو البنات وقالت جنان: يا حظي هذي كلا جذي مو اول مرة تطق عليها حالة الجنون .. قالت فاطمة بهدوء: اللا أقول بنات قوموا نروح نطق باب حجرة المعلمات .. ونمشي ضحكت انـي وقلت بإبتسامة: ياربـي فطوووم للحيـن ع ايام اعدادي .. فاطمة غمزت لي وابتسمت وقالت: يالله .. مشو .. بحركة إجراميـة وتوها بتطق جنان الباب .. وشافت المعلمة تفتح الباب علينا مرة وحدة .. شفنا معلمة الاجا .. ابتسمت وقالت: ها زنوب .. مجتمعين اهني .. ابتسمت بمكر وقلت: يايين نسلم عليج معلمة .. ضحكو البنات وهي ظلت تطالعنا مستغربة ومشت .. ضحكنا بصوت عالي لما مشت وقلت: خربت مرة ثانية.. ((فـي بيت الخـالة)) رجعت من المدرسة .. خلت شنطتها في الطاولة وراحت لامها وقالت بهدوء: يمه رجعت .. ابتسمت وقالت: هلا .. قومي .. بدلـي وصلـي وبنحط الغدا هزت راسها حملت شنطتها وراحت حجرتهم .. ((فـي حجرة زينب)) خلت الشنطة ولما شافت الدفتر الوردي واللي كان فيه قلوب حمرة.. مزينته بيدها .. اخذته وحضنته وهي مغمضة عيونها بهدوء .. أنسدحت وظلت حاضنة الدفتر .. فتحت الدفتـر اللي كان اول ورقة "حُبـكـ عذب" فتحت عيونها وحست بدموعها ينزلون .. بحرارة .. ليـش كـل هالعذاب اللي انا فيه كـل مااقول بنسـى اللي طاف .. يصـير لـي شي .. عادل آنـه ما آفهمك .. ولآ بفهمك يوم من الايام حركاتك غريبة نظراتـك .. مراقبتـك لـي .. كل شي غريب .. غريب .. غمضت عيونها وراحت ع الجهة الثآنيـة .. وكمشت نفسها .. وشعرها متناثر ع جبينها .. وحاولت تعدله وتوديه وراء إذنها .. ظلـت على هالحـالة ..دقـايق ولما حست بتعب وآنـها مب قادرة تتحمل هالدفتـر حطته في الدرج .. وقامت غسلت ويها وبدلت ثيابها ولبست بدلة بيت .. ولمت شعرها وحطت ربطة .. والباقي مفلول .. وطلعت بره .. شافت .. امها تجهز السفرة وجهزتها معاها .. ولما خلصنا .. قعدت قبال فاطمة وكان جنبي علي .. وامي .. في السوط ومحمد جنبـي في الجهة الثانية .. الام: وين منى؟ فاطمة: للحـين ماجت .. هزت راسها .. وقالت بهدوء: بسم الله الرحمن اكلت بهدوء .. وكان مالي نفـس .. نظرات علي كانت تستكشفني .. وانـه تمللت من هالوضع ..! لما خلصنا .. خذيت الصحون وورحت غسلتهم .. الام: اليوم بروح لخالتج من زمان مازرناهم .. واتصلت فيني خالتج مريم قالت .. بيتجمعون اليوم العائلة كامل .. بمناسبة .. قومة إيـمان من مرضها .. طاح الصحن مني .. وراحت الام بسرعة وقالت: بسم الله عليش وش فيش .. خليت يدي ع شفايفي وقلت: يمه اسفة ... ماادري جتني دورة .. شوي .. مسحت ع راسها وقالت: روحي الصالة ارتاحي ليـش .. هزيت راسي .. وطلعت .. والدورة .. ملازمتني ع طول .. خايفة منها .. بس ماابي اقول لآحد ان فيني شـي .. تذكرت كلمات امها وقالت في نفسها اذا العائلة كلها يعني عادل هناك ماابي اروح .. ماابي مواقف سخيفة معاه اكثـر كفـاية اخر مرة شفته فيها ارتبكت .. ابي انساه .. وما آشوفه ابداً.. غمضت عيونها وانسدحت على الكرسـي وتذكـرت الموقف بهدوء .. ودمعت عيونها .. طفـولتـي تعرضت .. لخوف وحـزن وبعدها لحُـب .. كبـر معاي ..! ليـش الدنيا تسوي فيني جذي ليش انا بالذات مسحت دموعها لما شافت اختها منى جاية .. فـي العصـر سكرت الدفتر بعد ماخلصت كتابة واجباتها وعدلت شنطتها .. راحت خذت لها بدلة .. اللي كانت مجزتها وهي عبارة عن تنورة .. وتحتها بانطلون وفانيـلة .. اخذتهم وراحت الحمام"الله يعزكم" بعد ماخلصت كان شعرها ينقط ماي للحين .. مشطت فيها .. وحطت كلبسة صغيرة ناعمة فيها ريـش .. اسود .. ولبـست العباية والشيلة وجهزت شنطتها وطلعت برة عشان تلحق على امها .. لما شافت الكل ناطرها سكرت الباب وخذت المفتاح ومشت .. وهي مبتسمة .. ركبنا السيارة اللي كانت جيـب.. لونها مايل ع الحنآوي .. وصـلنا بيت خالي اللي كان قريـب من بيتنا .. ويبعد امتار قليلة .. هذا بيت جدي بس جدي وجدتي الله يرحمهم .. وبقى خالتي وخالي وخالي اللي بتتعرفون عليهم الحين .. دخلـنا دآخـل .. وسلـمت ع الكـل .. لما شفت ايمان قعدت جنبها وطبعت بوسة عليها وقلت: همم شخبارج الحين .. قالت بذبول وهي ترف برموشها: الحمد لله ع كل حال .. هزيت راسي وابتسمت .. خليت شنطتـي وقلت لهم: بشـرب ماي ويايـة .. طلعت بره .. كان بيت جدي صغيـر لانه مقـسوم قسمين قسـم لخالي وخالتي وقـسم لخـالي اللي عايـش مع زوجته وعنده ولد وبنت .. لما دخلت وانه شاردة بالذهن انصدمت بكتف وحسيت بعوار .. والدورة رجعت ليي .. تماسكت بآيده وحسيت بآلم .. دآخـل دماغـي راسي صار في حضنه .. ولما حسيت بالتوازن .. طالعت فوق وفتحت عيوني بصدمة ومب عارفة اتكلم ... كنت متوترة ومن الجانب الثاني.. حس بآنفـاسها وظـل قاعد يطالع .. في عيـونها العسليـة كانت تجذبـه .. يحب عيونها الكبيـرة اللي كـانت مكحلة طبيعي لما حس ان قعدتهم غلط ابتسم وقال وهو يغمز: انتبهي هالمرة زنوب اوك .. وطلع من المطبخ .. حسيت بالصيحة ذآك الوقت .. كآن قربه لي يتعب ليـش جدي .. نسيت اشرب ماي ورجعت مكاني .. كآنـوا الكل يسولفون جت لي خالتي وقالت: زينب خذي كانت عاطيتني عصـير ابتسمت .. ابتسامة واخذته والرجفة للحين فيني اعرفكم على خالتي "فآطـمة" عمرها 20 سنة .. دوم في البيت .. وماتطلع ابداً.. دارسة.. بس ما دخلت جامعة ماتفكر ابداً بالارتباط .. لـما كملـنا .. وجت صلاة المغرب مشينا .. كنت منزلة راسي طول الطريق ولما وصلت البيت .. فتحت الباب برجفة .. ولما تبطل شلت المفتاح ودخلت وسكرت الباب رميت نفـسي في السرير وانـي احس بالضيـقة دآخـلي .. دخلت الحمام "الله يعزكم" وشغلت الرشاش والرجفة ملازمتني .. والعباية كانت عليي ودموعي تنجرف ع خدودي وظليت قاعدة لما هدئت .. كـل شي فيـني حزيـن آنـا كتلة من الحـزن تعبت خلآص .. ابي ارتاح من هالسجن اللي انا فينـي حتى انت يا سليـمان دمرت حياتـي دمرته .. صارخت بقوة .. وصحت بصوت اول مرة اصيح كنت بهالشكل .. انطق الباب وقلت بإنهيار: ماابي احد ماابي .. انسدحت على الارض وانا مبلولة كلياً وارتجف بشكل مخيـف ووجهي صار احمر .. حسيت بألـم كبيـر وانـه اتذكر .. شلـون كان يتهجم .. علي .. لـو كان في قلبي وجع واحد يمكن آنه يتحمل لكن وجعين .. وجعين !.. انفتح الباب وجت امي حضنتني واني اصيح بشكل هستيري حضنتها وقلت لها: يمه ليش اني حظي جدي .! سمت عليي وحاولت تهديني بالسور .. وقومتني .. عشآن ابدل ثيابي المبتلة .. لمـا بدلت .. انسدحت .. وشبح النـوم خلآنـي آغفـي كنت آبـي آنـام وآنـام وبـس .. بعـد عدة آيـام .. كـنت آحسن بـوآيـد .. يومين مـآ رحت المدرسة .. لآن سخنت شـوي .. فـي العصـر ضحكت وقلت بفرفشة: جنان والله .. كنت مريضة مب قصدي أغيب جذيه .. تؤ مب مصدقتني .. قولـي لامـي .. ضحكت .. بهدوء وقلت: الكردت بيخلص قلبي ويهج .. مافيني شي قلت لج سخنت لا غيـر .. اوك اشوفج بكرة باي .. سكرته وابتسمت وانا اشوف كلمة "آنتهت المكالمة" ع التليفون .. يا الله خلصت منها لوعت جبدي .. قمت .. وحسيت بالجوع .. فكرت اروح البرادة .. قلت بهدوء: يالله أغير جو أحسن.. لبست عباتي وشيلتي.. وخذيت بوك اسود وحطيت فيه فلـوسي لما شفت صورتي وانا صغـيرة كنت شقرة .. حتى شعري أشقر .. الحين كبـرت وغمق ابتسمت .. وطـلعت ورآحت لآمها واستأذنت .. طلعت .. وظلت تمشي بهدوء كانت البرادة قريبة منا .. لما وصلت .. خذيت لـي أجباس وجلكـسي وسنكرس .. وميرندا برتقال .. حاسبت البياع .. وطلعت وانا ابتسم .. وصلت البيت وكنت منزلة راسي .. ولما شفته فتحت عيوني وانصدمت تجمعت في عيوني الدموع ..طاح الجيـس مني ونطقت اسمه بهدوء .. لما شافني عطاني ابتسامة ... بخبث .. وقرب وقال: بنت الجيران اهليـن .. نزلت مني الدمعة بهدوء .. ليـش الحين جاي .. روح عني كفايـة ما سويته فيني بـس .. لـما رجعت لـي الدورة .. حسيت اني بطيح .. مسكت يدي بجبيني .. وانه اشوف الضباب .. والم غريب يرادوني .. حسيت ان روحي بتطلع .. ما أبي اضعف قدامه .. طولـت حالتي .. وقعدت اصيح .. وهو كان يشوفنـي ومستغرب ... رق قلبه وقال: زنوب شفيج ..؟ وطحـت .. ((..)) ..: آبيـكم تخربـون سيارته تحرقونها شنو تسوون فيها مب مهم بس .. ابيـه يصيح على سيارته قدامي .. ضحك اللي جنبه وقال: وشنو .. فايدتك من كل هذا ابتسم بخبث وقال: هذا حساب بيني وبينه وبيـشوف الحين منو ابو جسيم .. ابتسم اللي جنبه وقال: صار يآ ولد .. ((زينـب)) ارتبك وما عرف شيسوي طق الجرس .. وهو يشوفها ع الارض و ملامحها الطفولـية ابتسم .. بهدوء ولما شاف علي طلع قال: آختك آغمى عليها لما شافها خاف وحملها بسرعة .. وداها الحجرة وكت عليها ماي .. شوي .. اوتعت وميزته بعد ثواني وقالت بدون وعي: اتركني روح روح اطلع بره .. زاد صراخها وقالت: اطللللللع اطللع .. قلت لك اطلع .. انصدم وهو مكانه ولما طلع .. ظلت بروحها .. وصاحت بشكل هستيـري نهايـة الجزء الثـآنـي Edited يوليو 8, 2008 by الدموع الضائعة Quote Link to comment Share on other sites More sharing options...
الدموع الضائعة Posted يوليو 8, 2008 Author Report Share Posted يوليو 8, 2008 تصـوؤرآت آولاً قـِراءة هنيـئة لكـم جميعاً... واتمنى آن ينـال اعجابكم اهم التصـورات للجـزء الـقادِم بعد عدة ايام مـآ هي قـصة "سـليـمان" فـي حياة زينـب ؟ ومـآ نهايـة حُـب طفـولـِي مُعذب من طرفـين ؟! ومـآ قـصة فاطِمـة مع "عـلي"؟ قـصة حـالة الدورة اللي تنتـآب زينب دوم ؟ كُـل هذا ستعرفـونه في الجزء المُقبـل !. ودآعـا .. Quote Link to comment Share on other sites More sharing options...
بنوته آخر شقاوة Posted يوليو 9, 2008 Report Share Posted يوليو 9, 2008 واااااااااااااااااااااوزززززز !! متشووقة جداً عزيزتي ان اعرف قصة سليمان وحاله الدورة الا تجي زنووووب ،، تسلمين جداً حبيبتي على الجزء الرائع واتمنى انش تحطين بارت بأسرع وقت ممكن ^^ تحياتي بنوته Quote Link to comment Share on other sites More sharing options...
الدموع الضائعة Posted يوليو 9, 2008 Author Report Share Posted يوليو 9, 2008 "لِـلرفـ ع" Quote Link to comment Share on other sites More sharing options...
بنوته آخر شقاوة Posted يوليو 10, 2008 Report Share Posted يوليو 10, 2008 حبيبتي لااا تتأخرييييييييييييين واايد ^^ انتي قلتي اليوم بتنزلين الباارت ولا اشوووف نزلتي شي !! Quote Link to comment Share on other sites More sharing options...
الدموع الضائعة Posted يوليو 11, 2008 Author Report Share Posted يوليو 11, 2008 (edited) الجزء الثالث الصفحآتْ: 15 صفحة التـآريخ: 11-7-2008 ((عذابي انت)) لما شربت الماي .. حست بهدوء .. حاولت تنسدح ع السرير وغمضت عيونها .. واخذها شبح النوم لعـآلمــه .. شافتها امها مسحت عليها بخوف وباستها بحنان .. شغلت المكيف وراحت تغطيها .. وطلعت بهدوء من الحجرة .. نزلت وشافت منى وقالت لها : الحين احسن هي .. ما ادري شبلاها.. راحت البرادة شحلاتها .. شصار فيها بعدين ما ادري .. هزت راسها منى .. وطلعت فوق .. دخلت حجرتها .. وابتسمت للابتوب فتحت ماسنجرها .. ولقت رسالة لما خلصتها ابتسمت .. "آلقاج الساعة 9 اهني .. اتمناج قاعدة من زمان عنج .. مشتاق لج " حست بوناسة ع هالرسالة ماتدري ليـش .. انسدحت ع السرير وهي حاملة اللابتوب .. وغمضت عيونها بهدوء .... ((فـي حجرة حسـين)) كآن الجو مظلم .. وهو مغمض عيونه في احلامه.. فتح عيونه بصعوبه وطالع السقف... طيف مر ع باله وابتسم بهدوء .. وحس ببروده سكر المكيف وفتح البلكونه كانت ضيقة شوي تشرف ع شارع .. وصوت السيارات بدا ازعاجه قعد ع الكرسي الاحمر الممزوج بخشب .. كان فخم وبنفس الوقت ناعم .. قعد وطالع القمر اللي ضاي السما .. والنجوم حواليـه .. ما يدري ليش يحب النجوم اكثـر من القمـر .. !.. ابتسم .. ونزل راسه .. فـي مشاعر دآخلي .. احسها غريبة لهالإنسانة قام وخلا يده في جيبه وقال بهمس: غريبة دنيـتي .! اليـوم الثانـي قعدت بهدوء .. وفزت من السرير .. لما تذكرت ان اليوم الجمعة ضحكت بهدوء .. اختارت لها بدلة .. بيت .. ورديـه وممزوجة بالأصفر .. وقبل لا تمشي شافت الساعة .. لقتها تسع اللا ربع .. دخلت الحمام "الله يعزكم" ولما اخذت الدوش وارتاحت .. طالعت نفسها بالمنظرة ومشطت شعرها وخلت لها ريشة .. جاية ع اللون الاصفـر .. تحس بتعب فـي نفسها .. وهي تتذكر "سـليمان" ليـش الحين جاي .. تنهدت بلحظة .. وطالعت السقف وقالت بهدوء: لما تبي شخص ما يجيك وقت اللي تبيه .. ولما ما تبيه .. يجيك ..! ليش .. كانت بتنزل منها دمعة حبستها وقامت بقوة وقالت: ما في دموع تنزل .. ع ناس ما تستاهل .. نزلت تحت وابتسمت لامها وصبحت عليها و سوت لها سندويشة .. وجـآي .. وحملت الكوبة وراحت بها الصالة .. البيت صاير هادي الكل نايم .. طبعاً.. منى .. تسهر ع النت وما القاها .. وفاطمة دايماً بالحجرة ما تطلع .. وقليل ما نلقاها .. حتى في قصتي تحسون اني ما ذكرتها وايد بالجزئين اللي فاتو .. لآن من نوعها منعزلة عن عالم بيتهم والعالم اللي بره .. لقت ابوها جاي ابتسمت وبادلته الابتسامة وقال: اليوم بيت خالج .. بييونا ع الغدا استغربت ورفعت حواجبي بإستغراب .. ابتسم وقال: ما ادري قال بيجي .. عندنا وقلنا له حياك.. استغربت من الموضوع بس هزيت راسي ورحت المطبخ اساعد امي .. ((فـي حجرة منى)) كان الجو بارد .. لما حست بالبرودة خذت الفراش وكمشت نفسها .. وهي تغطي نفسها أبه .. لما حست بالبرد اللي كان يقرص جسمها .. فتحت عيونها بصعوبة وابتسمت .. تحس هاليوم .. جديد علي .. ماادري .. ليـش او لآن بالاساس كلمته .. شافت اللابتوب .. خذته وفتحته وحطت الرقم السري كانت مخليه رقم سري عشان مآكو احد يفتح لابتوبها ويتطلع ع اسرارها .. فتحت ايميلها .. ولقت مُحادثة منه فتحتها .. ولقت اهداء .. Dear mona I do not know the secret of the days every day here to see you but I am sure you are only holding on and this is the first time in my life ^ الترجمة ^: عزيزتي منى لست اعلم سر تواجدي كل يوم هنا لأراك لكني متأكد من أني متمسك بك انت فقط وهذه لأول مرة في حياتي. ابتسمت .. والوناسة مو شايلتها ..يرتاح لي ومتمسك فيني طاحت ع السرير وهي تبتسم وطالعت السقف وقالت وملامحها باينة السعادة فيها: عيل انا شقول .. اويلي ع حالي .. قامت ودارت .. ع نفسها .. وراحت فتحت الدريشة .. وشافت الشمس طالعة.. خذت .. من كبتها .. بدله .. سروال.. بطيخي.. فيه خطوط .. حمرة.. وفانيلة .. حمرة.. ودخلت الحمام " الله يعزكم" لما خلصت مشطت شعرها .. اللي كان يوصل .. نص ظهرها .. ربطته بربطة وردية .. فيها شريطة .. وجدنت شعرها الباقي .. لاول مرة تسويها .. وتوها بتطلع وتذكرت .. انها ما صلت وقالت بابتسامة : الوناسة وما تسوي .. خلت السجادة .. ع البلاط .. اللي كان بيج .. والقطعة كبيرة وع فخامة .. وسجادة صغيرة .. بناتية .. ع صوب .. وصلت الصبح .. قضاء .. لما خلصت .. رتبت السجادة .. وخلتها في المكتبة .. وطلعت وهي تغني بهدوء: يعشقني .. يعشقني وعذبني ومرمرني وآنا مالي سواه آنا مالي سواه يعشقني يعشقني يعشقني ... ولما وصلت صوفرت وشافتها اختها زينب .. صبحت عليها بوناسة وقالت: اخبارك يا ست .. وراحت المطبخ اخذت لها كوبة .. وغسلتها .. وصبت لها جاي .. وراحت الصالة .. بوناسة .. وطالعتها بإستغراب وقالت زينب وهي تضحك : شفيج الوناسة شاقتج .. رفعت حاجب من حواجبها وقالت منى بحذر: يالله عن الحسد بدينا هذا وانا اختج فتحت عيونها ع الاخر وقالت: ويلي ع حالي انه احسدج .. مالت اقول .. تذكرت موضوع وقالت زينب : أي صج بيجون بيت خالي موسى ع الغدا اليوم .. استانست منى وقالت: هية وبتجي ايمان .. والله اليوم شكله من بدايته فله .. رفعت يدها للفوق وقالت وهي تقوم بشقاوه: احمدك يا رب وخذت كوبة اختها .. وقالت: اليوم بهالمناسبة بغسل مواعين الريوق .. ضحكت زينب .. وسوت حركة "ع انها مينونة" وفتحت التلفزيون .. مُـنى: انتِ هي مِـثال لكل فـتآة سقـطت آو قد ستسـقط .. فـي شباكـ رجلٌ مـآ بكلِمانـه المعسولة تِـلك الكلِـمآت هي سبب دمآرنـآ يـآ بـنآت .. (( فـي بيت خالي موسى)) نزل عادل من الدرج وهو يتذكر .. ان اليوم بيروح .. بيت ..خالته .. تنهد بهدوء .. ولما وصلت شاف اخته .. ايمان .. تطالع التلفزيون .. هالايام تحسنت .. الاصفرار للحين معاها لكن تحسنت عن قبل بعد ما "جووها" وكان بيدها والاثر متواجد .. قعد جنبها ورمى تيلفونه ولقفه مرة ثانية طالعته وقالت بهدوء: شبلاك الدنيا مب شايلتك من الفرح .. طالعها بإرتباك وقال: بـس فرحان عيب يعني .. حاول يشغل نفسه ولعب بالتيلفون بربكة .. باينه عليه .. مسحت شعره وقالت: صير ثقيل يا ولد .. مشت وظل يطالعها .. وهو مب مصدق اللي قالته يعني تدري!.. يا ربي لهالدرجة انه .. مكشوف .. ابتسم بحزن .. ودمعت عيونه عيل ليش هي مب حاسة فيني .. تآمل بالتيلفون .. وراح لآسمها كان مسميها "حُـبي المجنونْ" .. كان بيظغط ع اتصال ..لكن تمالك نفسه وحس انه غلط واكيد ما بترد علي .. مثل كل مرة .. ظغط ع نفسها عشان ما تنزل منه دمعة .. ما ابي يهزني الحُـب ولآ ابي افكر غلط بـبنت خالتي اذا كانت نصيبي باخذها ع سنة رسولنا .. ((زينب)) كانت .. تكتب واجباتها .. وتكمل الدفاتر .. لآنها ماخذة دفاتر صديقتها وجنان و لآزم ترجعهم .. ما يصير اعطل البنية .. نسقت دفتر الاجا .. ورسمت الخرايط .. كلهم ولما كملت وشافت العفسة ابتسمت .. ونظمت شنطتها اللي كانت زرقة وكيوت وفيها تشكيله فيها ابيض واصفر .. وحاولت ترتب المكان وخلت الشنطة .. ع طاولتها الصغيرة .. باقي عليها التحضير .. ما تبي تضيع عليها السنة احس اني مُهملة واجد بدراستي لازم اهتم لها ماابي مجموعي ينزل .. ولآ ابي .. شي يشغلني وخصوصاً.. ظغطت على يدها وحاولت تطاير هالافكار منها .. قعدت ع الكمبيوتر .. وما فتحت ايميلها تبي أي شي يمحيها بعادل .. ابي اسوي له بلوك ودليت .. لآني مااتحمل تواجده .. فكرة تواجده في حياتي صارت تنرفزني .. لي متى جيه لازم انسى من متى احاول ليش اني جذي مااقدر انسى قطعة صبي انقهرت .. ع افكارها وحاولت تروح منتديات تلتهي ابها .. كان اسمها أسيرة قـلبه شافت رسايل .. ودخلت اول رساله .. كانت من محبوبـتي رآحت .. قريت الرسالة بهدوء وكان محتواها : آهلاً غاليتي يمكن ازعجتك ولآ شي .. أسف والله انا بس بغيت اخذ أيميلك كذا عشان مصلحة المنتدى اللي حالته تتدهور ويعني هيك لآ تفهمي غلط بس أنا قلت كذا يعني ومنيب بتآع السوالف هذي مع شكري لك أسيرة قلبه ضحكت بسخرية ع فضاواته .. حتى ما كملت .. قراية الرسالة .. والرسالة الثانية كانت منه .. ما حاولت اقراها لآني متاكدة .. انه انسان سخيف .. شاركت بكم موضوع .. وطلعت .. ورحت اخترت لي بدلة .. ع السريع قبل مايجون بيت خالي .. كان تي شيرت بُني .. نص كتف وعليه بادي .. وردي وفيه ذهبي .. وسيـر نهاية الظهر .. بُنـي وبانطلون بُـني .. اخذتها وراحت الحمام " الله يعزكم" لما خلصت .. جففت شعرها بالمُجفف .. ومشطت شعرها .. اللي كان وسط ناعم .. ولمته ورفعته .. وخذت ربطة بُنية وممزوجة باللون الوردي ..وخلت الباقي مفلول .. وخلت تاج .. وردي .. عريض .. وفيه حرف الزد .. وعطرت نفسها بعطر swift وطلعت .. دخلت المطبخ عشان تشوف التجهيزات وشافت امها تقطع السلطة .. ابتسمت وراحت طلع من الثلاجة .. الجيك .. وقعدت ع الكرسي لما شافتها صلت ع النبي وقالت: شمسوية في عمرج اخاف اليوم يحسدونج ضحكت بهدوء والخجل .. راودني .. قالت زينب: مشكورة يمه .. ها خلصتي .. هزت راسها وظلت تطالعها وقالت الام بعدها: الله يرزقش يا بنتي بولد الحلال .. حمرت خدودي .. وابتسمت .. وبنفـس الوقت ماادري ليش خفت .. وتذكرت سليمان تنهدت .. ورحت طلعت .. قشطة .. وفيمتو .. واقول لامي : يمه في بسكويت قهوة الصباح .. استغربت الام وقالت لها: بلـى في هالباب وهي تآشـر ع الكبت .. رحت طلعته .. وطلعت الحليب وقالت الام: شبتسوين .. ابتسمت انه وقلت لها: لآ بس بما انج ما سويتي حلـى قلت اشغل نفـسي واسوي لكم ولا مستغنية عن خدماتي ضحكت الام وقالت: يالله عشان تجيبين العرسان لش .. تصنمت .. مكاني واحس الدم وقف في عروقي .. شفيها امي علي اليوم كآنها تضرب لي نغزات توي عمري 15 .. والله حرام عليها شفـيها علي .. وه احس نفسي ماني قادرة امشي .. شافت امها مشت وتنهدت وقالت بهمس: الحمدلله .. طالعت نفسها وقالت : شكلي يعني .. خلاها تقول جدي .. ملت .. بشفايفي .. وهزيت كتفي بـ "الله العالم" وكملت شغلي .. ولما جهزت صبيت عليها .. الفيمتو .. جت لي منى اختي وقالت: يم يمي شفيها الطباخة العجيبة اليوم تطبخ .. طالعت منى الطبق وقالت : اوه ماي قود طبقي المُـفضل وحبتها ع خدها وقالت : فديتس انتينا احسن نفرة .. ضحكت وقلت " زينب" : حق الاكل .. وحطيت يدي ع بطنها وكملت واني اضحك: جاهزة .. ضحكت وقالت منى: مالت اقول .. شرايج زنوب نخليهم يولون .. وناكلها انا وياج .. اذا مشوا .. ضحكت بصوت عالي وقلت انه "زينب": من صدقج انتي شكبره الطبق وتبينا ناكله انا وياج لآ بـلله جانا السكري ع يدج ناقصـين احنه .. ((فـي بيت جيـرآنا)) تضايق من كلام ابوه وقال: يوبه هذي ديرتنا شلون ننتقل انه ارفض هالفكرة قالت مروى وهي تميل شفايفها: شتبي في هالديرة من حلات جيرانا مثلاً.. عصب .. عليها وتضايق من كلامها وقال سليمان: لا تتكلمين عن الناس بهاللجة وبسج غرور يالله .. طالعه ابوه بنظرات خله ساكت .. العبرة خنقته .. ومشى غرفته .. اللي كان وياه اخوه حسن وابراهيم .. بالفعل متضايق من هالشي ما يبي يرحل عن ديرته .. وطالع الطوفة .. بيتهم يبعد عن بيتهم يمكن بمتر وشي.. بـس شلون ابعد عنها .. لآ مب معقولة ... اذا رحت يعني ما برجع .. هالديرة وما بشوفها انه مااقدر اكثـر .. تنهد وقال بهمس: انه غلطت عليها وايد .. ولآزم اصلح غلطي .. خوفتها مني.. وخليتها تبتعد .. خنقته العبرة وقال بعصبية: شذنبي اذا مشاعري تغيرت تجاها .. تآفآف .. وانسدح .. وغمض .. ويحاول يرمـي كل شـي ورا ظهره يعترف ان هو كان غلطان عليها ويدري .. انه تمادى بالغلط وايد .. بـس ما كنت اللا اشوف .. وسكتت افكاره وتجمدت لما جا شبح النوم وسحبه لعالمه ((جنب بيـتنا)) سكر باب السيارة كانت سني .. وبيضة .. شال النظارة اللي كان لونها سودة .. وتخلي شكله اجذب .. واحمرار خدوده بـسبب الصيف .. زايد .. طق الجرس .. وسمع صوت ناعم صوت بنت عمته الدووبة منوي .. وهي تقول نعم .. وقال وهو يتميع : انه فارس .. ضحكت وقالت: تفضل .. وفتحت له الباب .. ودخلوا كلهم فتح علي المجلس وسلم ع خاله وباس راسه .. وسلم ع عادل وعلي ودخلوا داخل.. ((فـي الصالة)) قعدوا الكل ما بعد ما سلموا جت منى مع زينب .. كانت منى لابسة تنورة تزحف حرير .. فيها الوان عدة .. وتي شيرت لونه ذهبي وحرير.. وسلمو ع الكل .. قعدت زينب ومنى ويا حنان وايمان .. وفاطمة .. طالعتها وضربتها ع فخذها وطالعتها انه "زينب" بإنتقام : يالله عاد بدينا .. ضحكت وقالت ايمان: شخليتي لنا كل هالكشخة لآن احنه بنجي .. فتحت عيوني ع الاخر .. مب تاركتها اليوم من نظراتها شبلاها .. وقالت إيمان وهي تضحك: يو نسيت عشان هذا .. وهزت راسها وهي تضحك .. استغربت من حركاتها بس سكتت.. كانت حنان وفاطمة يتهامسون كعادتهـُم .. وايمان ما تركت .. زينب .. لآنها تآكدت من الموضوع .. لكـنْ.. ما تحس ان زينب .. تبادله الشعور .. ما تدري يمكن احساس هي ما تدري بالقلوب .. ومنى كانت معاهم شوي .. وبعض الاحيان سرحانة .. زينب بعصبية: بسج ايمان والله حرام يدي ذبحتيني .. ضحكت ايمان بسخرية وقالت: شوي شوي يالنسيبة وهي تغمز لها .. طالعتها.. وتوعدت لها بالانتقام وراحت عند "مرة خالها وقالت وهي تمد شفايفها: مرة خالي شوفي بنتج .. ترى .. ذبحتني .. والله.. كل شوي ما ضربتني وتقول اشياء مب مفهومة ضحكت لآنها متعودة عليهم دايماً هالجذي وقالت زهرة "مرة الخال": ايمان شفيج ع بنت عمتج .. ضحكت ايمان وقالت: هاللي قدرتي عليه يا دلوعة ماما وبابا .. وقالتها بصوت دليع .. وطالعت امها وكملت وهي تضحك: يمه ماادري ابها متكشخة مدري حق منو قولي لها .. ضحكت مرة الخال ومسحت ع شعرها بنعومة وقالت: ما شاء الله .. الله يرزقـش .. بالنصيب الصالح ..حمرت خدودها .. شفيهم علي اليوم يخجلوني وايد .. رحت لآمي نفـس الحالة ومن شوي ابوي وايمان والحين مرة خالي .. كآني اول مرة اكشخ .. صوفرت منى وقالت: والله حالة مخلين الملاك ورايحين للجيكرة ضحكوا الكل .. كانت منى حلوة بهالمناسبة .. بس متعودين عليها .. لآنها دايماً.. ستايل وتكشخ .. زينب .. جمالها يخترب بمزاجها .. المتعكّـر دايماً,, بعدها جهزو الغدا .. وكان ع الارض .. فـي الصالة .. ابتدو ياكلون وكانت زينب والام يجهزون في المطبخ الغدا للصبيان .. حملت .. صحن السلطة .. وراحت بتطق باب المجلـس لكنه انفتح وطلع منه .. واحد لابـس قميـص ابيض وكرافيته سودة مخططة بالابيض .. وبانطلون اسود .. لما لقاها فتح عيونه وابتسم .. كان قريب منها حس بالشعور الغريب اللي كان ينتابه يوم بمطبخ .. بيت خاله جاسم .. تنفـس بعمق وخذا الصحن ومشى وهو يقول بهمس: حلوة دوم .. وقال بقلبه احبج .. ليتني اقولها لج بس كبريائي ما يسمح لي او بالاحسن .. ان حالتنا ما تسمح اني اقولج هالكلمة.. تنفست بعمق .. ما حست بجسمها .. لكن مشت وقعدت جنب .. ايمان .. وحاولت تاكل شي .. اكلت صحن السلطة وقامت ... ولما كملوا لموا كل شـي .. رجعت زينب الصالة وصارخت وهي تقول: تصورو شمسوية لكم ضحكو كلهم وقالت حنان: طبقكِ المُفضل المعروف ضحكت انه لآنهم يعرفون هالطبق دايماً اسويه اذا احد جاانا وخصوصا رمضان راحت المطبخ وخلت صحن الحلى .. وياه اكثر من صحن صغيـر وملعقات فـي الصينية واللي تقـص الحلىّ .. ودته وهي تبتسم .. قالت فاطمة بعد تفكيـر: حلى الفـيمتو ؟ بادلتها الابتسامة "زينب" وقلت لها وانه اقـص لحنان واحط لها بالصحن واخلي لها ملعقة :يس يس.. ضحكت وقالت فاطمة: ما تعرفين تسوين غيرها شكلج طايحة فيها طيح فتحت عيوني .. وضربتها وقلت بقهر: خلج تاكلين منها يالمُجرمة مالت ضحكت ... وسكتت عنها وظلت تقطع للكل .. لما كملت الصحن حنان قالت بهبل: ثانية ثانية ضحكت وخذيت الصحن وخليت لها قطعة وقالت ايمان وهي تغمز لها : فديتج يالنسيبة طباخة بعد حظه اللي بياخذج .. ضربتها بخفة ع فخذها وانه اقولها بزعل: صدق .. بسج هالسخافات انه ماافكر بهالشي ابداً.. افكر بدراستي بس كل شوي ما عدتون نفس السالفة ترى لاعت جبدي والله اووف .. ضحكت ايمان وقالت: شعليه .. ((في المجلـس)) اكل قطعة الحلى وقال لعلي: من مسويها حلوة ؟ ضحك وقال: احد غيرها زنووووب اخر العنقود .. الطباخة الماهِرة ابتسم معلومة جديدة تعرف تطبخ والله مب هينه ياللي اخترتها يا عدول .. ضحك ع نفسه .. وكمل اكلها ما يبي يخلي .. ولآ شـي دامه منها .. بعد ما مشوا .. حسيت بتعب .. مشيت ورحت الحجرة .. قفلت ع نفـسي .. ابي اختلي .. بنفـسي .. رحت للطاولة وقعدت ع الكرسي فتحت .. الدفتر .. وخذت القلم وظلت تكتب .. يومٌ غ ـآمض ودآج .. لسـتُ اعلم سبب ضـياع مشاعِـري مِـني .. آنـه وعدتُ نفـسي عدم الكِـتابة عنهُ لكِن مشاعري فـيآضـة .. وليـس قـلبي بيدي .. لـكي .. لآ اكتب .. لكِـن .. سآفنـي وعدي .. وسآدوس على مشاعري واتركُها بعيداً ضائِعة تائِهة .. تُـريد البوح لكـنـيّ سـآرفـض .. سكرته ... الهامها اليوم موووب كلـش .. ومو عارفة تكتب .. لان مشاعرها متخلبطة .. وشنو تكتب .. اذا بتكتب يعني بتكتب عنه وهي واعدة نفسها انها ما تكتب خلاص لازم اطوي هالصفحة .. لآزم غمضت عينها وسمعت صوت ادان المغرب ... وظلت تسمعها وتكرر وراه .. لما خلصت جهزت سجادتها وراحت تتمسح .. بـعد آسبـوعين تـآريخ: 30-5-2008 كانت ماسكة الكتاب وهي تـسمع لنفسها .. سمعت طقة الباب .. راحت وفتحت الباب .. جت وقعدت .. وقالت بملل : جوعانة طالعتها بإستغراب وقلت: انتي من صدقج .. يايتني جوعانة شسوي لج .. ابتسمت وقالت: يعني ,, قومي سوي لي اكل .. ضربتها انـي "زينب" بالوسادة وقلت لها بعصبية: طلعي بره خليني اعيد عليه بروحي احس نفسي ناسية كل شي ,, ضحكت وقالت: قومي مامي مسوية لنا ساندويج وعصـير قالت نادي ع زينب ها جزاتي موولت .. مشت .. وظليت ابتسم .. خليت الكتاب فوق الفراش الوردي .. وطلعت رحت الصالة لقيت الكل مجتمع سلمت .. وقعدت مسح علي ابوي اللي كنت قاعدة صوبه وقالي: ها متى بتكملون ؟ ابتسمت له وقلت "زينب": ان شاء الله بُـكرة اخر إمتحان هز راسه وطالعوها "منى وفاطمة" بحقد وقالت منى: يبتدون بعدنه .. ويكملوون قبلنه والله احتج .. ضحكت .. وفضلت الصمت .. متوترة بكرة من امتحان الفيـز .. احسه صعب وايد .. فـي اليوم الثآنـي الصبح الساعة: 9:33 دقيقة .. شقت الورقة بالنص وقالت والفرحة مب ساعيتها: عطلت يا ربي عطلت .. حضنتها جنان وقالت بوناسة: والله .. موووب مصدقة بس عسى نجيب .. مجموع زين على هالمراجعة ولا واللي موووب مصدقته ابداً .. ودوماً ان اليوم امتحان الفيز سهـل يا ويلي .. بموت.. نزلت راسها فاطمة .. وقالت: بس انه ما سويت ابداً زين بالإمتحان .. والله خايفة حدي .. مسحت عليها بكتفها بمواساة وقلت لها وانه اطالعها "زينب": ان شاء الله خير يمكن انه اقولج اني مسوية زين لكن يطلع عندي اخطاء وايدة .. ويمكن اقولج اني مب مسوية زين لكن بالاخير النتيجة زينة .. يصير لي واجد اني مستانسة .. من الامتحان لكن اشوف النتيجة .. انخبل .. يالله انتين سويتين اللي عليش وخليها ع ربـش .. هزت راسها وركبنا الباص .. كنا .. الشلة بس اللي راكبينه .. نزلنه كلنا جنب بيتنا.. وظلينا نمشي ساعات واحنه نضحك قالت جنان بهدوء: فشلة نمشي جيه .. بالشارع .. يالله كل وحدة تتوكل ع بيتهم ابتسمت انه وقلت : اوكي بنوتات سآشتاق لكن جداً.. ضحكوا.. وسلمت ع الكل ودخلت البيت تحس براحة ما في مدرسة .. من بعد هاليوم بس الله يستر من النتيجة .. خايفة منها .. اذا نجحت يعني بروح توجيهي ولازم اجد ع نفسي ابي اخذ بعثة واسافر ماابي ابقى بالبحرين ايه قرائي هذا هو قراري .. انه خلاص قررت ونهيت ابي اسافر واترك البلد ادري ان شوقي لاهل ديرتي بيكون صعب بس الاصعب اني اتواجد واللي احبهم .. مب حاسين فيني لو كنتوا تحسون نفس شعوري يمكن تحسون فيني .. فسخت الجوتي اللي كان لونه احمر .. وخلته في ع جنب .. ودخلت داخل حجرتها .. وفي شعور غريب ينتابها .. اخذت لها ثياب بيت وراحت خذت لها دوش .. لما خلصت .. فتحت الدريشة .. تحس الحجرة .. مافيها اووكسجين .. تبي يدش فيها شوية هوا .. الجو كان حر .. اكره الحر بكِـل احواله واتنرفز منه .. يمكن حتى نفسيتي تعتفس احب المطر .. وجو البرد .. احسه شعور ثاني .. تبي تخلي هالعطلة شي ثاني .. مثلاً اروح معهد .. ارسم .. اقرآ .. اكتب .. بـآي الاحوال ابي شي يديد .. راحت للكمبيوتر .. وقعدت ع الكرسي ظغطت ع الماوس .. وشغلت لها موسيقى هادية .. كلاسيكية .. كانت " من لحن السراب" احب اسمعها احسها توجع .. وهي تسمع كانت تعدل فراشها .. وخلت دب في وسطه .. كان ابيض وفيه قلب احمر .. ابتسمت .. وانسدحت ع السرير .. تبي تكون انسانة ثانية ... كلي حيوية ما آبي شي يعكرني .. احس نفسي كبرت بسرعة ما آدري ليش او يمكن اتخيل .. او لآني اليوم خلصت الثاني ثنوي .. وبإذن الله بروح الثالث.. ابي اتغير .. لازم ابدي مخططاتي لمُـستقبـلي .. ما آبي شخص يهدم حياتي آيـاً كان حتى لو .. كنت اغليه وابديه ع الناس كلها .. ابتسمت مرة وحدة .. رغم العثرات اللي كانت .. تصير لي في طفولتي عشتها بأحلى ايامي .. رغم الضروف اللي صارت لي .. احمد يـآرب ع كل شي .. غمضت عيونها وحاولت تنام .. ((عادل)) رجع من البيت وكـآن تعبان .. راح غرفته وشغل الشمسية .. قعد ع الكرسي ومن التعب .. حط راسه ع الطاولة .. ولما شاف دفتر .. اخذه وظل يخبط .. فيه .. كان يحاول يتناسى الآمه هالمرة صدق تعبان .. وما يقدر يتحمل المه .. اللي مدفون بصدره ومب قادر يشيل هالالم الفضيع اللي ينتابه .. وبيظل ينتابه .. تنهد .. وكتب حرفها وهو يبتسم.. كتب عِـبارة وظل يتـآملها " آلآمـلُ يوجـد حتى لـو الموتُ داهمنـآ" خلى القلم ع الدفتر .. وغمض عيونه .. لما سمع طقة الباب .. سكر دفتره .. ودخلت منه اخته ايمان .. ابتسم لها وبادلته الابتسامة قعدت فوق الطاولة .. وظلت ساكتة .. قالت بهدوء: تعبان؟ طالعها وهو يرف .. رموشه ومب فاهم منه شي .. نزلت راسها الارض .. وقالت : عادل .. لا تفهمني غلط .. وانه ندمانة ع الغلط اللي سويته .. استغرب .. وعقد حواجبه .. وابتسم لها ابتسامة غامضة وانتظرها تكمل كلامها .. قالت ايمان بكلمات مُتقطعة: دخلت غرفتك وفتشت ...نزلت راسها وكملت كلامها بخوف: عادل انه اسفة بس عرفت عن مشاعرك .. مووب قصدي والله طالعها بصدمة .. وقالها بعصبية وهو ماسك يدها بعنف : من سمح لج تفتشين في اسراري خنقتها العبرة .. وقالت وهي تصيح: عادل والله مب قصدي .. كنت ياية اعدل حجرتك .. وشفت دفترك .. قريت صفحة والله بس صفحة ,, وآنه كنت من قبل شاكة طالعها ثواني .. وكانت منزلة راسها قال بصوت رجولي: طالعيني .. ترددت في البداية .. لكن رفعت راسها وحصلت كف .. خلاها تطيح ع الارض .. وظلت تصيح طالعها .. وعيونها بدت تحمر .. ضغط ع يده بعصبية .. وطلع من الحجرة .. وظلت .. "ايمان" ع الارض .. تصيح بشكـل ,, يعـور .. صفق الباب .. وطلع .. وكـآنت ملامحه متتطايرة من الغضب اللي بداخله يتنرفز اذا احد ... يفتش اغراضه .. يكره فضـول ..البنآت .. يدري قسى عليها ع شـي عادي وممكن انها كانت ما تقولي .. نزل راسه وظل يتمشى في مدينة حمد’.. ((فـي الصالة الساعة 5:50 دقيقة)) سمعوا صوت ابوهم .. وهو يقول: اسمعوني .. الكل التفت له وظل يطالعوا ابوهم .. قال بعد هدوء امتد دقايق: خططنا نروح عند السيدة وبعدها بنروح عمرة رجب .. راحت عند صوب ابوها وباسته ع خده وقالت "زينب": فديتك باباتي .. مشكوووووور .. تكلم علي بهدوء وقال: ماأقدر اروح يووبه .. طالعه بأهمية وقال: ليش؟ .. شعندك اهني يعني ؟ رف برموشه وقام ببرود اعصاب وقال : ما عندي شي .. بس ما أبي اروح .. ومشى .. للدرج وركب غرفته .. ظلينا نطالعه لما اختفى .. وقالت فاطمة : يوبه ولآ انه .. طالعها بإستغراب وقال: شفيكم انا مجهز لكم .. هالسفرة عشان نتونس ... ونتوا كل واحد يعتذر .. قام بهدوء وقال: الكل بيروح .. ولآزم .. فاهمين .. مشى .. وراح غرفته .. وراحت وراه ام علي .. ظليت اطالع فاطمة بإستغراب جايني فضوول .. هالأيام متغيرة واحس ان فيها شي بس مووب قايلة لي .. ابتسمت بسخرية وقلت بنفـسي من متى فاطمة تتكلم لآحد او تقوله اللي بخاطره .. اذا قالت تقول لمنى او حنان .. حتى سناء علاقتها ابها تغيرت .. تنهدت ورحت اجهز لي عصير طبيعي .. عن الملل .. هذا اول يوم عطلة وجيه .. لما خلصت .. خذيت القلاص.. ورحت غرفتي .. سكرت علي وشغلت المكيف .. رحت عند الكمبيوتر .. وفتحت ايميلي .. وخليت اون لاين .. ورحت منتدى --- .. وشفت عندي رسالتين .. فتحت اول رسالة ولقيتها من الإنسان نفسه استغربت .. "محبوبني راحت" آهلاً اسف على الازعاج من جد .. بس انا مشغول عليك .. لك شهر ما جلستي ع المنتدى عسى ما شـر ؟ واقولك لثاني مرة ما تفهمي خطا .. ظليت عاقدة حواجبي هذا شسالفته .. وفتحت الرسالة الثانية اللي كنت موب راضية افتحها .. لقيت ايميله .. ونزلت المنتدى لما لقيته .. يسلم .. تنهدت .. وحاولت اكون اكثر هداوه .. كان اوف لاين وما شفته .. لآزم اسوي له بلوك ودليت واريح نفسي بدل هالإرتباك اللي فيه انه المُـحادثة: قدري هو حُـبك : السلام عليكم .. فـرآقـك صعب عليّ : وعليكم آلسلام والرحمه .. قدري هو حُـبك : اخبارج ؟ فـرآقـك صعب عليّ : الحمد لله بخير ونت شخبارك وشخبار خالي .. والبيت كله؟ قدري هو حُـبك : بخير والله ناقصهم شوفتج .. فـرآقـك صعب عليّ : كانت زينب تشابك في اصابعها من زود الرجفة اللي فيها .. نزلت المُحادثة وشافته يتكلم قدري هو حُـبك : عطلتي؟ فـرآقـك صعب عليّ : ايه .. قدري هو حُـبك : آنه بعد.. هممم خايفة من النتيجة؟ فـرآقـك صعب عليّ : ابداً.. بس خايفة من النِـسبة قدري هو حُـبك : واثقة الأخت..! طالعته وقالت بهمس: كيفـي ’ فـرآقـك صعب عليّ : ايه عندك مانع قدري هو حُـبك : لآ عندي دواس هيهيهيهي فـرآقـك صعب عليّ : ظريف .. بس لآ تعيدها ارجوك ظل ساكت فترة وبعدها تكلم بهدوء قدري هو حُـبك : زنوب؟ فـرآقـك صعب عليّ : نعم ..؟ قدري هو حُـبك : لما احد غالي عليش فتش في اغراضج .. او بالاحسن اسرارج .. شتكون ردة فعلج .. ظليت اطالع بهدوء ورديت بكل ثقة فـرآقـك صعب عليّ : آمم بزعل ببداية الامر بس مدامه غالي علي .. فيعني عادي يدري عني .. واذا كان غالي بقوله اللي بقلبي اللا اذا كنت من النوع الكتوم .. بس الزبدة اني ما بطول الزعل .. قدري هو حُـبك :هذا رايج فـرآقـك صعب عليّ : ايه قدري هو حُـبك : زنوب أنتي إنسانة غريبة.. فـرآقـك صعب عليّ : شلون يعني انسانة غريبة قدري هو حُـبك : بـس هذا رايي فيـش انش غريبة الاطوار .. تضحكين وتسولفين بس لما اجي انا تسكتين وتظلين متصنمة عبالج ما آلآحظ بس اظل ساكت .. ازعجج؟ فـرآقـك صعب عليّ : لآ .. بس ما احب اسولف ويانا صبي غريب قدري هو حُـبك : افا انا صبي غريب؟ فـرآقـك صعب عليّ : عيل اللي وراك قدري هو حُـبك : براحتج,, فـرآقـك صعب عليّ : المهم بقوم احسن لي باي .. قدري هو حُـبك : زينب لحظة.. فـرآقـك صعب عليّ : نعم ؟ قدري هو حُـبك : تحملي بروحج .. فـرآقـك صعب عليّ : مناديني ع هالكملتين .. المهم .. ما يحتاج تقول باي .. قدري هو حُـبك : وآنه ؟ فـرآقـك صعب عليّ : انت شسوي فيك قدري هو حُـبك : اسف .. توكلي ع الله .. سكرت الأيميل بسرعة ما ابي أي موقف سخيف اكثـر كِـفاية لهني .. تنهدت .. وراحت تنسدح ع السرير وغمضت عيونها ... نهـآية الجزء الثـآلث آهلاً جميعـاً,, اولاً,, شُكـراً للجميع وثـآنيــاً زع ـلتُ كثيــراً عندما رآيت رد وآحد فقط .. وكآنت الردود .. تعطيني .. دافع للـمواصلة ,, مـآ هو السبب ؟! بإنتظاركم فـي هذا الجِـزء .. واشكرك عزيزتي بنوتة اخر شقـآوة .. سيكون هُـناك جِـزء اخيـر .. واذا استطعت سآكتب اثنآن وسـآغادر من بلدتي العزيزة .. بـتآاريخ 20-7.. الى دولتنا الإسـلآمـية"العمرة" دع ـواتكُـم لـي ودع ـوآتي لكُـم " " Edited يوليو 11, 2008 by الدموع الضائعة Quote Link to comment Share on other sites More sharing options...
marioma Posted يوليو 11, 2008 Report Share Posted يوليو 11, 2008 .. البأإرت روؤوؤعه .. .. ننتظر التكمله حبوؤوبه .. .. يسلموؤو على البارت يعطيج ربي العآآفيه .. .. تروؤوحين و تردين بأإلف سلآلآمهـ =) .. Quote Link to comment Share on other sites More sharing options...
بنوته آخر شقاوة Posted يوليو 11, 2008 Report Share Posted يوليو 11, 2008 شكرااااااااااااااا اختي ،، ننتظر الجزء الثااااااني بفاااارغ الصبرررررررررررررر !! لا تتأخرين ارجوووووش كملي القصة قبل تاريخ 20 مع السلامة Quote Link to comment Share on other sites More sharing options...
الدموع الضائعة Posted يوليو 12, 2008 Author Report Share Posted يوليو 12, 2008 آهلاً لِ لجميع ,, فرحتُ بتواجدكُـم .. لكني اريد المزيد .! احتاج لدافع للتكملة بالامس كتبت اربع صفحات .. لكني تفاجآت بالتواجد القليل في صفحاتي المُتواضعة اتمنى من صميم قلبي .. بالردود التي تُحفزني احتاجها وخصوصاً في هذهِ الايام .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.