Lulu A Posted يونيو 29, 2008 Report Share Posted يونيو 29, 2008 السلام عليكم طبعاً انا توني مشتركة في هالمنتدى لان عندي قصه و مالقيت منتدى احسن من هالمنتدى انزل فيه قصتي و انشاءالله تنال اعجابكم أبطال القصة: ريم:بنت على نياتها طيبة وحبوبة، قصيرةضعيفة وسمرة.شعرها بني غامج طوييل وحريييير، عينها سودة وعمرها 15 ندى:قصيرة،بيضةشعرها بني فاتح وطبعاً طوييل عينها بنية فاتحه و اهي طيييبة وكريمة و عمرها بعد 15 ((ريم بنت خالت ندى)) إيمان:طويلةو رشيقة سمرة شوي و شعرها اسود و عينها سودة متهورة شوي و عمرها 16 سنه ليال:بنت ستايل داثماً على الموضة،بيضة،عينها عسلية وشعرها بني مايل للشقارة،رشيقة و عمرها 16 الأبطال الثانويون: يوسف: ابيض،عينة خضر شعره اسود طويل شوي طيب و اهو طويل و ضعيف و عمرة16 و يصير ولد خاله ريم و ولد عم ندى محمد:طويل،عينية سودة شعره بني و يحب الروك و عمره 17 جواد:اسمر طويل شعره طويل بعد شوي عينة بنيه فاتحة عمرة 17 عبدالله: انسان طيب،اسمر شوي طويل و ضعيف شعرة اسود و يحب يمزح ................... ريم:هااي ندى: هايات.....شخبارج؟؟ ريم:تمام اسأل عنج شخبارج انتي؟؟ ندى: بخير الحمد لله ريم: دووم ... عندي لج خبر حلووووو ندى: صج؟؟ شنو اهو؟؟؟ ريم:توقعي ندى: ما ادري قولي ما عندي صبر ... يلا تكلمي ريم:امم خلاص غيرت راي ما ابي اقول ندى:يلاااا قوولي عاااااااااااد ريم:اوكي سمعي اليوم ابوج (زوج خالت ندى) كان عندنا بالبيت و اتفقوا ان نسافر ايطاليا وبنقعد هناك في البندقية اسبووعين ندى: والله yaaaaaaaaaaaaaaaaaaaaay ريم: i know iknow . its cooooool ندى:يلا انه بهدج بروح اقول لأخوي ريم: اي و انه بعد بروح اسبح ندى:اوكي يلا باي ريم: باي في السيف عند ليال و إيمان إيمان:اشله غصه جذي؟ ليال:خبرج اليوم اليمعة الناس كلها في السيف ايمان:مدام جذي خل نفتح البلوتوث ليال:اي والله ليال: امون امون شوفي ذاك ينن حده إيمان: ايييي وايد وايد وايد حلو ليال: انزين يلا خل ندخل الفلم قبل لا يبتدي إيمان: لحظه يايني مسج باشوفه ليال: شوف ذي شنو كاتب لج إيمان:احنا شنو علينا شنو كاتب المهم الرقم... إذا رجعت البيت باتصل له و بقول لج شصير ليال:اوكي يلا خل ندخل إيمان:يلا في بيت ريم أم ريم:ام طيبة و حنونة عندها بنت وحدة و اهي ريم (أم ريم من بعد ما يابت ريم صادها حادث خلها ما تقدر تيب عيال غير ريم فريم وحيدة امها و ابوها و مدللينها واااااايد) أم ريم: ريم يمة يلا تأخرنا على بيت ابوج العود ريم:يلا كاني يايه انزلت ريم ريم: يمه شرايج بتنورتي ام ريم: شصاير لابسة تنورة ريم:انه و ندوي متفقين اليوم نلبس تنورة ام ريم:الله يهداكم و يبعد عنكم كل شر ريم: الله يسمع منج... انزين ما قلتي لي شرايج بتنورتي ام ريم:انتي شنو مال لبستي تضلين حلوة ريم: احبج يمه (و تبوس أمها) أبو ريم يدخل عليهم ابو ربم:شله امج لها بوسة و انا مالي اغار ترى ريم: ههه افا عليك يا يبه ( و تروح تبوس ابوها) ابو ريم: تسلم لي القمر بعدين شنو هلحلا كله ريم:هههه تسلم يا يبه أم ريم: يلا لا موب كأنه تأخرنا ابو ريم: يلا مشينا في بيت اليد (يد ريم و ندى) ندى قاعدة تاكل جبس رحاب:تصدقين ندى انه احب هاي الجبس الي عندج ندى: اي تصدقين انه بعد احبة وايد رحاب:اي انه احس نفسي ابي آكل واحد نفسة ندى:تصدقين عاد اني ما بعطيج منه ولا نتفه رحاب: و تسمين نفسج كريمة بعد ندى: و الله انه عادي عندي اعطي الي في البيت كااامل ما عدا انتي رحاب: وي وي وي عشتو ندى: شبعت منه... تبينه رحاب؟ رحاب: اي اي اي اي ابيه ندى ترمي الجبس في الخمام و تقول لها : أريمة كامل في الخمام ولا اعطيج اياه رحاب عصبت و تطلع برة الغرفة رحاب:بنت خال ريم و عم ندى و عمرها 11 سنه و اهي على طول هواش مع ندى و ريم ((نحاس مع بعض)) تدخل ريم ندى:وي شمسوية في شكلج؟ شله حاطة مكياج ريم:شكلي مب حلو يعني؟؟ ندى:اي تخرعين كأنج مهرج إذا شافج يوسف بيتخرع مسكين ههههههههه ريم: صج ؟؟ عيل باشيله ندى: اي شيلية على ما اروح اسلم على خالتي و ابوج و بعدين بايي و بقولج على الي صار لي قبل لا تين ريم: اوكي انتظرج لا تتأخرين ندى تسلم على خالتها و زوج خالتها ندى: سلام خالتي ام ريم: هلا يمه شلونج حبيبتي ندى: تمام ابو ريم: اي على طول يسلمون على خالتهم و انا مالي رب الكل يضحك و ندى راحت تسلم على ابو ريم ابو ريم: هااه وصلج الخبر؟ ندى:خبر السفر؟؟ اي اكييد وصلني مشكووور عمي يضحك ابو ريم : اي انتي و ريم ما يتخبه بينكم شي تضحك ندى و ترجع لريم ريم: شله تأخرتي ؟ ندى:ما تأخرت بس سلمت على امج و ابوج و سولفنا شوي ... شله ما شلتي المكياج؟؟ ريم: شلته للحين يبين؟؟!! عيل تووبة ما بحط لي مرة ثانية ندى: ههههههههههه اي بسرعه.. الحين يوسف بيي و بشوفج (( مع ان كان المكياج قليل و ندى تبالغ)) يوسف يدخل مع اخته الصغيرة ومعاهم طلال ولد خالت ريم و يوسف و عمره 15 سنه ريم تشهق اول ما تشوف يوسف لأن ما شالت باقي المكياج يوسف: شفيج تخرعتي شايفه ين داخلين عليج طلال و ندى: ههههههههههههه ريم تضرب ندى ضربة خفيفة ندى تساسر ريم و تقول لها : ترى كنت اجذب عليج ترى ميكياجج ما يبين ريم ارتاحت نفسياً (( ريم تحب يوسف بس ما تدري إذا كان يبادلها نفس الشعور ولا لا)) طلال: شخباركم بنات بعد؟ ريم وندى: تمام نسأل عنك يوسف: شخبارج ندى ندى تضحك و تقول: تمام . شخبارك انت يوسف: تمام وحشتينا وينج ما تبينين ندى: و انت بعد وحشتنا بعد سكوت طويل يوسف: شفيكم ساكتين؟؟ ندى: تدري انه اعرف وحدة بتموت على واحد و اهو ما يدري عنها ههههههه يضحك يوسف و يقول: مسكينه تكسر الخاطر طلال: يلا يوسف وصلو الشباب خله نطلع ليهم يوسف يلا باي ندى يطلع يوسف و طلال كتبو رايكم بصراحه ان كان زين ولا مب زين لأن اكييد بساعدني على اني اكتب بطريقة افضل و انتظر ردودكم thumbup: Quote Link to comment Share on other sites More sharing options...
بنت السعيد Posted يونيو 30, 2008 Report Share Posted يونيو 30, 2008 يشرفني اكون اول وحده ارد عليج القصه واايد حلووه ياريت اتنزلين لنا بارت ثاني ننطر الياي ولاتتاخرين علينا يسلموووو Quote Link to comment Share on other sites More sharing options...
القطوة !! Posted يونيو 30, 2008 Report Share Posted يونيو 30, 2008 يسلمو عالقصه بانتضار التكمله =) Quote Link to comment Share on other sites More sharing options...
ولائية Posted يونيو 30, 2008 Report Share Posted يونيو 30, 2008 القصة واااااايد حلوة ننتظر البارت الثاني يعطيج العافية حبوبة Quote Link to comment Share on other sites More sharing options...
Cute MeMe Posted يونيو 30, 2008 Report Share Posted يونيو 30, 2008 شكراً حبيبتي على القصه الروعة ننتظر البارت الثاني على احر من الجمر Quote Link to comment Share on other sites More sharing options...
Lulu A Posted يونيو 30, 2008 Author Report Share Posted يونيو 30, 2008 بنت السعيد ،القطوة !! ،ولائية ، Cute MeMe مشكورين على الردود و بصراحه اتوقعت ردود اكثر إذا ما شفت تفاعل ويا القصه بوقف ما بكمل كتابتها ............... ريم: انتي صج ما تستحين الحين انه صرت وحدة من الي تعرفينهم ويازعم احبه و اهو ما يدري عني و يضحك و يشفق علي و لا بعد فوق هذا كله يدخل و يطلع ولا كأني قاعدة تضحك ندى عليها و تقول: خلينا من هاي كامل و بقولج شنو صار بيني و بين رحاب اليوم ريم: اي شنو الي صاار؟ ندى: انا اليوم سويت لها شي كنت وقتها مستمتعه بس بعدين كسرت خاطري ريم: يلا عاد انتي ام الطيبة كلها شسويتي لها ؟؟ ندى تقول لها الي صار ريم: اي والله هذي البنت ساعات تقهرني و ساعات تكسر خاطري في السيف ليال: الصراحه الفلم كان واايد روعه إيمان اي واايد رومنسي ليال: تدرين عااد خاطري احب وااحد بس احبة جد مب لعبة إيمان: احلمي احلمي لأن في هالزمن محد يحب من صج ..... المهم انه لازم ارد البيت عن لا احصل زفه محترمة ليال: هييي انتي لا تنسي تتصلين بذاك الشخص إيمان:افا عليج مستحيل انسى إيمان تدخل البيت إيمان: سلام يمه ام إيمان: هلا يمه شلونج إيمان: تمام أم إيمان: شخبار رفيجتج و طلعتكم؟ إيمان: ليال بخير و الطلعه كانت روعه و الفلم ولا احلى ............... يلا يمه بروح ارتاح بداري ام إيمان: روحي ارتاحي اكييد تعبانة تروح ايمان الغرفه و تاخذ لها شاور ليال تدخل البيت ام ليال: هااه رديتي ليال: ففففففففففففففففف بدينا ... اي يمه رديت ممكن ارتاح لو ذي بتأمريني فيها بعد ام ليال بصراخ: صج انج جليلة حيا ... انا مب قايلة لج الف مرة قبل لا تطلعين تقولين لي وين رايحة ليال:يمه انه كبرت عمري 17 يعني عارفه مصلحتي مب حاجه لج و انه بروح داري ام ليال: آآآآآآآه يا القهر انه الي ما عرفت اربيج ليال و اهي رايحه داره: مللتني ذي عند إيمان إيمان تلبس ثيابها و تقعد جدام المنظرة تعدل شعرها و تحط لها كحل إيمان: ويييي نسيت بقوم اتصل له إيمان: الوو .....: يا هلا إيمان: يلا هلا فيك .....: شخبارج؟ إيمان: الحمد لله تمام انت شخبارك؟؟ .....: اسأل عنج إيمان: ليش انت تعرفين علشان تسأل عني .....:ههههههههههههه ...لا والله كنت بسألج من انتي؟؟ إيمان: انه الي طرشت لها رقمك على البلوتوث .....: اهااا... يا هلا يا هلا يعني افهم من جذي ان ممكن نتعرف إيمان: لا بس كنت ابي اعرف شتبي مني .....: تسوين نفسج محترمة ما تبين تكلمين صبيان... لو كنتي محترمة ما تصلتي بي من الأساس إيمان بعصبية: محترمة و غصبن عنك ... يعني انت الي محترم تمشي و تطرش رقمك للكل و تصك التلفون في ويهه في بيت اليد على العشه ابو محمد( ابو ندى): بما ان الكل متيمع انا و ابو ريم امس قرننا ان نسافر لإيطاليا الكل: مبروووووك تروحون و تردون بالسلامة يوسف: افاا خالتي تهدينا و تروحين ام ريم: عيل علشانك بنضل الكل: ههههههههههههههههههههه إيمان: هاااي ليال ليال: هلا ...شنو شفيج متصله هالحزة إيمان: صج انج ما تستاهلين انه متصله بقولج شنو صار معاي ... بس عيل خلج بااي ليال: لا لا لا لا لا لا ... خلاص آسفه يلا قولي إيمان: اتصلت به والي ما يستحي يقول لي مب محترمة ليال: هههههههههههههههههههههههه و اهو ما غلط صح كلامه إيمان: هههههههه مالت عليج ليال: انه بخليج ابي انام إيمان: ديايه انتي توه الناس توها الساعه 9 ليال: كفاية ان امي نفخت راسي من هذرتها الزايدة إيمان: بس هاي امج لازم تحترمينها ليال: لا تسوين نفسج البنت الحنونة على امها و انتي كله من تحت ليتحت إيمان: انه مهما سويت بضل احترم امي و اقدرها ليال: اوكي خلج يا المحترمة... تصبحين على خير إيمان: و انتي من اهله في بيت ابو محمد ندى: صباح الخير يمه ام محمد: صباح النور ... روحي قعدي اخوج و تعالو افطروا ندى: انشاءالله يمة ندى في حجرة اخوها ندى: حموووود حمووووووووووووووود يلا قوووم محمد: فففففففففف شتبين خليني شوي ندى تشيل اللحاف و تسكر الأيسي و تشغل الليت محمد يعصب و يقوم يسكر الليتات و يشغل الأيسي و يرد ينام في غرفه الطعام ام محمد: ندى وين اخوج؟؟ ندى: مب راضي يقوم مللني ام محمد: مب مشكله خليه نايم لان امس رد البيت متأخر ... اي نسيت اقولج بعد الفطور برزي شنطتح علشان بكرة السفر ندى: انشاءالله الساعه 11 الليل راحت إيمان تتصل لرفيجتها ليال بس شافت عندها مسج من نفس الرقم الي كلمته امس (( انه آسف على الي قلته امس بس عيبتني طريقتج بالكلام ممكن تتصلي علشان نتفاهم؟؟)) ابتسمت إيمان و على طول اتصلت له و طبعاً اتفقوا انهم يصيرون بس ربع يوم السفر في المطار الأهل كلهم يودعون عائلة أبو محمد و أبو ريم يوسف:تروحين و تردين بالسلامة ريم رحاب:إن شاء الله تطيح ابكم الطيارة يوسف:فال الله و لا فالج أم ريم:يلا ريم بسج سوالف ريم:إن شاء الله يمه الحين ياية ... باي يوسف يوسف:باي رحاب:و أخبراً افتكينا منج يوسف:شفيج اليوم عليهم؟؟ انتي الي متى ييي اليوم الا نفتك فيه منج ريم تضحك و تروح ، أما رحاب و يوسف واصلو الهواش رحاب: روح سافر وياهم علشان نفتك منك مرة وحدة يوسف:حرة بقعد على قلبج رحاب:وييييييييييع صج انك ثقيل دم يوسف:الحمدالله و الشكر الغباء أشكال رحاب تعصب و تروح في الطائرة ندى:و أخيراً ريم:إي و اخيراً إن يوسف يحبني ندى تنصدم و تقول:صج؟؟اعترف لج؟؟و الله طلع مبهين بعد ريم:لحظة لحظة اهو ما قال بس حسيته ندى:سكتي سكتي لحد يسمعج باليل إيمان تتصل لليال إيمان:هلا ليال:هلا و الله،شنو تبين؟؟ إيمان:شرايج نطلع اليوم؟ ليال:أوكي إيمان:تذكرين داك الي طرش اليي رقمه ليال:إي إيمان:اتفقنا نصير ربع و بيي الطلعة اليوم علشان أشوفه ليال:متأكدة بس ربع إيمان:هههههه ليال:أوكي ما عند مشكلة ، بس أهم شي في الي واحد؟؟ إيمان:إي رفيجه حقج بيي وياه ليال:شنو اسم الربع؟ إيمان:محمد لي و جواد لج ليال:أوكي يلا عيل بغير ثيابي علشان ايي إيمان:أوكي باي محمد و جواد في المطعم جواد:ليش يايبني هني؟؟ محمد:انت ماتبي تتعرف على وحدة؟ جواد:اي اكيد مجمد:بس عيل جواد:يعني شنو؟؟احنا طول اليوم نفتر و ندز مسجات و مانحصل وحدة و الحين في مطعم في قسم العائلات بعد راح نحصل وحدة؟ محمد: انت اصبر جواد: المهم حلوة؟؟ محمد:أنا ما شفت ولا وحدة منهم جواد:ولا وحدة منهم؟؟!! يعني مو بس بنت وحدة راح تيي؟ محمد:اي جواد:انزين شنو أسماءهم ؟؟ محمد: ليال و إيمان جواد: وأنا لي من؟؟ محمد:ليال جواد:ان شاء الله حلو عاد محمد:اوه كاهم وصلوا جواد:شدراك؟؟ ................................ انتظر تعليقاتكم سوى ان كانت حلو لو مبحلوة Quote Link to comment Share on other sites More sharing options...
بنت مملكة بوسلمان Posted يونيو 30, 2008 Report Share Posted يونيو 30, 2008 يسلمووووووو حبيبتي على القصة الأكثر من روووعة بس بليز بليز لاتتأخرين علينا في البارتات وتحياتي Quote Link to comment Share on other sites More sharing options...
BonBon Posted يونيو 30, 2008 Report Share Posted يونيو 30, 2008 يسلمووووووووو كملي القصة و لا توقفي لأن واااااااااااااايد عيبتني القصة فيها حس فكاهي و أنه أحب الفكاهة و أنه راح أظل أتفاعل وياج Quote Link to comment Share on other sites More sharing options...
بنت اللذين Posted يونيو 30, 2008 Report Share Posted يونيو 30, 2008 مشكورة على القصة الحلوة و أنه انتظر البارت الثالث يلا عجلي و كتبيه علشان احب اعرف النهايات بسرعة Quote Link to comment Share on other sites More sharing options...
بنت السعيد Posted يوليو 1, 2008 Report Share Posted يوليو 1, 2008 يسلمووو وننطر البارت الياي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.