السمكة المفترسة Posted يوليو 6, 2008 Report Share Posted يوليو 6, 2008 ناطرين البارت يسلمووو Quote Link to comment Share on other sites More sharing options...
عاشقة الاخوة 27 Posted يوليو 6, 2008 Report Share Posted يوليو 6, 2008 وييييييييي طافووووني البارتات يعطيج العافية عموما شي القصّـــــــــــة عيني عليج باردة يا فجر السعيد Quote Link to comment Share on other sites More sharing options...
بنت مملكة بوسلمان Posted يوليو 6, 2008 Author Report Share Posted يوليو 6, 2008 تسلمون على مروركم وآسفة على التأخير البارت الحادي عشر : العصر في بيت ابو محمد طلال ومنيره وام محمد قاعدين في الحديقة يسولفون مع الجو الحلو : منيره : اليوم صج حلو الجو طلال : يعني عشان اخوج ياي من السفر تقولين جذي منيره : هههههههههه طبعا ام محمد : وعليه شكله تعبان تغدى ونام منيره : ايه فديته طلال : يمه ابوي وينه ام محمد : ابوك ليلحين في الشركة مادري شعنده شويه الا ونازل فيصل : السلام الكل : وعليكم السلام منيره : فيصل جان رقدت شوي بعد انت تعبان فيصل : لا تعبان ولاشي خليني اشبع منكم طلال : ها اشتقت للقعدة في حديقة بيتنا فيصل : وايد تصدق ام محمد : انا رايحة اسويلكم شاي منيره : خلج عمتي انا اسويه ام محمد : لاحبيبتي قعدي ويه اخوج فيصل : ابي اطلع اروح السيف ابي افتر في بوكوارة مشتاق حق شوارع البحرين طلال : افا عليك اليوم افرك لين ماتتعب منيره : شرايكم نطلع نتعشى اليوم فيصل : ايه تكفون طلال : مو مشكلة شوي الا يرن تلفون فيصل قام وتباعد عنهم المتصل فاطمة : فيصل : الو فاطمة : هلا فيصل فيصل : هلا بهالصوت فاطمة : هلا فيك شخبارك فيصل : الحمدالله انتي شخبارج فاطمة : اوكي حمدالله على سلامتك فيصل : الله يسلمج فيصل : ماوحشتج فااطمة : اكثر مما تتصور فيصل : ابي اشوفجج قبل ماروح فاطمة : بعد بتروح فيصل : آخر مرة بروح وبرجع اخذج لي على طول يالغالية فاطمة استحت فيصل : اليوم بنطلع انا وطلال ومنيره شرايج تين ويانه فاطمة : اوكي بس وين بتروحون والساعه جم فيصل : مادري لين قررنا بخلي منيره تقولج فاطمة : اوكي يلا تحمل في نفسك فيصل : وانتي بعد فاطمة : باي فيصل : باي عمري رجع فيصل حق طلال ومنيره : فيصل : ها شكنا نقول طلال : المكالمة نستك شكنا نقول منيره : هههههههههههههه فيصل : ايه تذرت كنا نقول نبي نطلع منيره : عفيه على اخوي كاتذكر فيصل : شقالولج عني غبي طلال : خلاص نروح نتعشى في الابراج فيصل : ايه ايه اوكي منيره : شنو اي ايه اسئلوني عاد اخذو رايي والا مو مهم طلال : افا عليج شنو مو مهم رايج انتي اللي يمشي منيره ابتسمت : فيصل : ليش بعد عندج مانع منيره : ههههه لا فيصل : انزين قولي حق فاطمة تيي ويانه منيره تبي تيننه : لا لا مانبيها فيصل : اوووة منيره منيره : هههههههههههه خلاص بقولها طلال : عاد بليز لاتيب حسن ماطيقه منيره تبي تقهره : لا فديته حسون لازم ايي فيصل : هههههههههههههه طلال : إذا اهوه بيي انا مايي منيره :ههههههه لا احنا نطلع بدونك مايصير فيصل : شفيك من صجك منيره ماتواطن حسن طلال : هههههههههه فيصل : منيره كلمي فاطمة قوليلها طلال غمز حق منيره عشان يننون فيصل منيره : لالا مانبي فاطمة فيصل : اوووة منيره بلا دلاعه طلال : لا صج فيصل انا ماخذ راحتي إذا فاطمة موجودة فيصل : بس عيل طلعو انت ومنيره بروحكم طلال : اوكي ماعندنا مانع منيره : ههههههههه بس عاد نتغشمر وياك فيصل فيصل : هههههههههههه منيره وهيه ميوده التلفون : اكاه الحين بدز مسج حق فطوم في بيت ابو حسن كانت فاطمة قاعدة في غرفتها تتابع مسلسل ووصلها مسج من منيره تقول : فطوم اليوم بنطلع الساعه ثمان وفيصلو مو راضي الا انتي تين فاطمة : هههههههههه يابعد عمري يافيصل ام حسن دشت عليها : السلام فاطمة : هلا يمه ام حسن : شفيج فطومة اليوم ماطلعتي من غرفتج فاطمة : لا بس كنت تعبانه وقعدت اشوف التلفزيون ام حسن : ايه دريتي فيصل وصل فاطمة سوت روحها ماتدري : صج من قالج يمه ام حسن : ام محمد اتصلت وقالتلي فاطمة : اهاا فاطمة : ايه يمه نسيت اقولج ام حسن : شنو فاطمة : اليوم بطلع مع مريم وشبخة ربعي بنتعشى برع ام حسن : تعرفيني ماقولج لا واثقة منج فاطمة وهيه تبوس امها : فديتج والله -________________________ ـ الساعه سبع ونص في بيت ام محمد طلال وفيصل في الصالة ينطرون منيره : فيصل : وينها منيره تأخرت طلال : الحين بتيي تعرف حركات البنات فيصل : بروح اناديها منيره وهيه نازله من الدري : لاتناديني ولا شي انا يت فيصل : شهالحلاة شهالحلاة منيره : عيونك الحلوة طلال يطالع منيره وميت لانها طالعه تهبل لابسة عبايتها وشيلتها وحاطتلها ميكب خفيف بس طالعه كيووووووت ركبو السيارة السايق يمشي وطلال يمه وفيصل ومنيره وره وصلو بيت ام حسن الا فاطمة تنطرهم برع وكانت بعد طالعه تينن واستخف عليها فيصل فاطمة : السلام الكل : عليكم السلام فاطمة : شخباركم محد رد الا فيصل : اوكي انتي شخبارج فاطمة : انا زينة منيره : شهالحلاة طالعه تيننين فاطمة : عيونج الحلوة طلال : شخبارج فاطمة فاطمة : هلا طلال انا زينه انت شخبارك عقب الحادث طلال : لحووول يعني لازم تذكروني منيره : ههههههه خلاص انسى الموضوع وصلو المطعم وقعدو على الطاولة فيصل وطلال يم بعض ومنيره وفاطمة مجابلينهم منيره : يعني مابتطلبون لنا شي فيصل : يمه منج تونا واصلين طلال : يلا العشى على حسابي منيره : هههههه ايه ايه نبي نخسر طلال بطلب لي اغلى شي طلال : ههههههه اوكي عادي تفداج الفلوس فيصل : مو بكيفكم تقررون انا اللي راجع من السفر وانا اللي اعزمكم منيره : إذا اخوي مابخسره فاطمة : يعني اخوج ماتخسرينه وطلال تخسرينه الكل : ههههههههههه منيره : انا ابي يوناني سلط طلال : الحين ماذيتنا وباكل وباكل وآخر شي يوناني سلط فيصل : وانتي فاطمة طلال : يه مايسألني انا منيره : ولاتزعل شتبي ياطلال طلال : اممم بخسر اخوج مثل ماتبين تخسريني ابي جيكن نودلز منيره : لالا غير وجبتك لاتخسر اخوي فيصل : ههههههه خليه خليه وانا ابي عيش خاطري في عيش البحرين منيره : مابقى الا فطوم انا اعرف شتبي فاطمة : إذا قلتي اللي في بالي بعطيج دينار منيره : تبين ورق عنب فاطمة : غلط ويوووو فيصل : انزين شتبين فاطمة : ابي لزانيا منيره : ايه صح توني اتذكر انج تحبين لزانيا وطلبو وكلها دقايق وصل الأكل : طلال : فاطمة ماكلتي فاطمة : شبعت والله فيصل كان يبي يسولف ويه فاطمة بروحهم ومنيره فهمت ذي الشي منيره : خلاص طلال شبعت طلال : مادري افكر اطلبلي شي بعد لازم اخسر اخوج فيصل : مصختها عاد منيره : انا خلصت يلا طلال نروح السيارة نجدم طلال : لا انا انطر طلبي الثاني منيره : اوكي انا بروح طلال يبيها من الله : ههههه اتغشمر يلا مشي فيصل غمز حق منيره : بنكمل وبنيكم في السيارة : طلال : وانتي ليش منزلتنا قبلهم منيره : ماتبي تقعد تقدر تروح طلال : افا انا اهدج واروح منيره : تعال وين السايق وليش انت قاعد مكانه طلال : السايق راح انا بوديكم منيره : مافي ماتمشي طلال : ليش منيره : انا موصيني الدكتور عليك طلال : زين عاد لازم تتحملين فيني منيره : انا متحمله فيك طلال : لا مو متحمله فيني منيره : شتبي اسويلك يعني طلال : تأكليني بيدج وتشربيني بيدج وتنيميني بحضنج منيره : هههههههه ضحكتني والله طلال : ليش منيره : الظاهر صدقت كلام الدكتور يوم قال اني زوجتك طلال : هههههههههههههههه انا ماعلي من الدكتور انتي زوجتي بدون مايقول منيره ساكته طلال : عندج اعتراض على شي منيره : طلااااال طلال : يا عيون طلال منيره : خلاص عاد ترى فيصل داخل بروح اناديه طلال : اوكي بس بقولج آخر شي منيره : قول طلال : اعشقج ______________ اما داخل المطعم عند فيصل وفاطمة __________ فيصل : ليش ساكته فاطمة : ماكو شي فيصل : فاطمة انا ابيج لي زوجه فاطمة ساكته مستحيه فيصل : انتي تبيني فاطمة : اكيد هذا سؤال تسأله فيصل : حبيبتي والله فاطمة : انزين يلا نروح حق طلال ومنيره مايصير نخليهم فيصل : لا خلينا بعد شوي فاطمة : مرة ثانية انشالله فيصل : يعني وعد مو آخر مرة فاطمة : وعد فيصل : وعد الحر دين فاطمة وهيه قايمة : ههههههه اوكي يلا فيصل مسك يدها : يلا طلعو من المطعم وهمه ميودين يد بعض ومستانسين Quote Link to comment Share on other sites More sharing options...
بنت مملكة بوسلمان Posted يوليو 6, 2008 Author Report Share Posted يوليو 6, 2008 (edited) التكمــــــلة ........ من الصبح فيصل كان اول واحد قاعد وقعد يتريق مع ام محمد وابو محمد ومحمد راحو الشغل : ام محمد : كل مرة منيره تقعد وياي والحين سبقتها فيصل : ايه اليوم غلبتها انا ام محمد : كل يوم انا وياهه نتجابل لين مايي ابو محمد وطلال ومحمد من الشغل بس هلأيام يوم طلال سوه حادث قام يقعد ويانه فيصل : عمتي محمد وزوجته ماشوفهم يقعدون وياكم ام محمد تنهدت : والله ياولدي محمد ماهو الأولي من تزوج مانشوفه لاهو ولا زوجته شيخة يا في غرفتهم او طالعين فيصل : انا لاحضت انه متغير وايد وحتى زوجته ماعجبتني طريقة كلامها ام محمد : الله يهديهم بس فيصل : آخر يومين لي وياكم ام محمد : والله استانسنا وياك اقعد بعد شوي فيصل : والله ودي ماهدكم بس المشكلة امتحانات ادعولي بس انجح واردلكم ام محمد : انشالله فيصل : الله يعيني على منيره بس ماضن بتخليني اروح ام محمد : يحليلها منيره وايد تحبك منيره نازله : صباح الخير فيصل + ام محمد : صباح النور منيره : شتقولون عني سمعت اسمي فيصل : لا بس عمتي كانت تقول انج كل يوم تقعدين تتريقين وياهه منيره : ايه صح وانت اليوم غلبتني طلال دخل عليهم وباس راس امه : صباح الخير يا احلى ام ام محمد : صباح النور يالغالي طلال : صباح الخير يا عيال خالي الحلوين منيره + فيصل : صباح النور فيصل : عمتي انا قررت منيره : الاااي مابتروح قطر خلاص صح طلال : هههههههههه خليه يكمل عاد ام محمد : قول ياولدي شنو قررت طلال : انشالله اول مارجع من قطر ماخذ الشهادة انشالله بتزوج ام محمد : كللللللللللللوش الف الف مبرووووك منيره : الاي مبروك فديتك فيصل : تو الناس على التبركيات طلال : منهي سعيدة الحظ فيصل : وحده تعرفونها ام محمد : من فيصل : فاطمة بنت عمي منيره : ونــــــاسة طلال : كشخة يالمعرس فيصل : الفال لك طلال : ايه شرايكم انا وفيصل نفس الليلة ام محمد : والله زين بعد عشان تصير الفرحه فرحتين منيره : الااااه عشان يصير عندنا معرسين وعروستين والله بضحك عليكم ضحك ههههههههه فيصل : وعروسه طلال تدورها لنا منيره منيره بقهر لكن ماحبت تبين : افا عليك ياطلال انا ادورلك احلى بنت في جامعتنا فيصل : بعد شتبي طلال : لا انا عروستي موجودة وانتو تعرفونها عدل ام محمد : من منيره حدها خايفة انه يقول اسمها ويفشلها طلال : بتعرفون في الوقت المناسب ابو محمد : السلام عليكم الكل : عليكم السلام ام محمد : شفيك ياي منوكت اليوم ابومحمد : تعبت شوي من الشغل قلت ارتاح ام محمد : سلامتك يالغالي ابو محمد : الله يسلمج منيره : الله الله على الرومانسية ابومحمد : اي رومانسية يابنتي خلينا الرومانسية لكم طلال : يبه انا بروح الشركة الحين صرت احسن ابومحمد : على راحتك ياولدي فيصل : وانا بيي وياك وحشتني الشركة ابو محمد : انا طالع غرفتي ارتاح يبيلي قلاص ماي يا ام محمد ام محمد : انشالله فيصل وهوه قايم : انا رايح ابدل وراجعلك طلال : اوكي طلال قام وراح يم منيره : عيل تبين تخطبينلي منيره : ايه فيها شي طلال يود يدها : فيها اني مابي غيرج منيره : طلال طلال حب يدها منيره : طلال احنا في البيت شفيك ينيت طلال : ايه ينيت فيج وبعدين انا ماسويت شي هذا دين ولازم ارجعه منيره : دين طلال : والله فيه وحده حبتني يوم كنت مريض في المستشفى ولازم ارجعلها منيره : اهيه ماتبيك ترجعلها شي طلال : مو بكيفها منيره لفت ويها طلال : لاتلفين طالعيني طلال شبك يده بيدها وقالها : متى بس تصيرين لي وماخليج ولا دقيقة وحده منيره : ويهها صار احمر طلال : فديت اللي يستحون منيره : انا ساكته عنك بس عشان دمي يسري في جسمك طلال : تمنين علينا بدمج تبين اشق يدي واطلعه واخذيه منيره : لا انا ابيه لك طلال : اصلا انا مستانس عشان انتي اللي متبرعتلي مو غير هذا لانج تحبيني وتموتين فيني وفاجئهم صوت وحده تقول : ياعيني بس على الرومانسية طلال : شيخة شيخة : ايه شيخة شفيك مستغرب طلال هد يد منيره وقام راح على الكرسي الثاني ومنيره ساكته وموعارفة شتقول شيخة : زين يلا انا بطلع لاتخافون ولا كاني شفت شي لاني كلش مو فاضية لكم نزل فيصل : شفيكم ساكتين طلال : مافينا شي فيصل : منيره شفيج منيره : مافيني شي طلال : يلا فيصل فيصل : يلا Edited يوليو 6, 2008 by بنت مملكة بوسلمان Quote Link to comment Share on other sites More sharing options...
danat aldonya Posted يوليو 6, 2008 Report Share Posted يوليو 6, 2008 يسلموووو حبوبه بارت روعه تسلم يدج بانتظارج Quote Link to comment Share on other sites More sharing options...
بنت مملكة بوسلمان Posted يوليو 6, 2008 Author Report Share Posted يوليو 6, 2008 (edited) البارت 12 : ام محمد : شلونك الحين يا ابو محمد ابو محمد : الحمدالله احسن ام محمد : الحمدالله ابو محمد : الا وين العيال ام محمد : منيره بغرفتها وطلال وفيصل راحو الشركة ومحمد وشيخة بيتغدون في بيت اهل شيخة ابو محمد : انا مبرزلهم مفاجئة ام محمد : شنو ابو محمد : انا وانتي ومنيره وطلال نبي نسافر ام محمد : والله ابو محمد : ايه انا تمنيت ويانه محمد وشيخة بس خبرج مايون وفيصل باجر راجع قطر ام محمد : واحنا وين بنروح ابو محمد : نروح الله يسلمج دبي ام محمد : والله بيستانسون العيال اندروو ابو محمد : يلا ننزل نتغدى اكو جنهم وصلوو ام محمد : يلا ________________________________________ فيصل : والله العضيم غداج ياعمتي كلش غير ام محمد : عليك بالعافية فيصل : الله يعافيج طلال : الا وين محمد ام محمد : بيتغدون بيت اهل شيخة فيصل : منيره شفيج ساكته منيره : لا مافيني شي ام محمد : عيونج حمره جنج صايحة منيره وهيه قايمه : الحمدالله شبعت راحت منيره ابومحمد : شفيها منيره ماعجبتني ام محمد : مساعه دخلت عليها الغرفة لقيتها ميوده صوت امها وتصيح فيصل : انا بروح اشوفها ام محمد : كمل غداك انا رايحتلها طلال : خلكم انا رايح لها فيصل : معليه ياطلال انا ابي اروح لها _____________________________ منيره قاعده في الصالة حاطه يدها على ويهها وتصيح فيصل : منيره منيره تصيح فيصل : خلاص حبيبتي لاتصيحين منيره حضنت فيصل : فيصل فيصل ابي امي فيصل : خلاص حبيبتي لاتصيحين عشان خاطري منيره تصيح : فيصل انا خايففة لاتخليني فيصل : خلاص حبيبتي خلاص دخلو ام محمد ابو محمد وطلال ام محمد : شفيها حبيبتي زعلانة منيره وهيه تمسح دموعها : ماكو شي طلال يطالعها بنظرة حب وقلبه يعوره مايحب بشوف دموعها ابو محمد : عاد احنا مانحب نشوف دموعج يالغالية منيره : خلاص ولاتزعل مسحناهم فيصل : اهيه تدلع ماتبيني اسافر منيره : ههههههههههه ابو محمد : وانا عندي لج مفاجئة تونسج يامنيره طلال : الله لنا ترى انا ولدك بعد ابومحمد : تونسك انت بعد فيصل : وانا ابو محمد : كنت اتمنى بس انت بتسافر منيره : يلا عاد عمي قولنا ام محمد : انا مو متشوقه لانه قالي منيره : يلا عاد قولو ابو محمد : انا قررت بنروح دبي نستانسلنا جم يوم طلال : الااااااااي وناسة منيره : صج وناسة ام محمد : بس احنا الاربعه طلال تشقق لانه بيقدر ياخذ راحته مع منيره منيره : وليش مايون محمد وشيخة ابو محمد : مايبون كيفهم فيصل : انشالله تستانسون طلال : ياليتك ويانه فيصل : يلا عن اذنكم بروح ارتب شنطتي خبركم باجر من الصبح طيارتي ابومحمد : الله معاك ياولدي منيره بزعل : بتروح وتخليني فيصل : وانتي بتروحين دبي منيره : هههههههه فيصل : زين يلا قومي ساعديني ام محمد : لاتعبون روحكم حبايبي بخلي الخدامة تعدلها منيره : لا خالتي مو مشكلة انا ارتبها فيصل سحب منيره : يلا عيل عدلو الشنطة وصار الصبح ومشى فيصل عقب ماودعهم واول ماوصل قطر كان في استقباله محمد رفيجه فيصل : اهلين حموووود محمد : حمدالله على السلامه فيصل : الله يسلمك محمد : شخبار سفرتك فيصل : وايد حلوة حدي استانست ماكان ودي ارجع محمد : افاا ماتبي ترجع فيصل : تعرف يامحمد بلادكم حلوة بس الوطن ماله مثيل محمد : ايوووة صح كلامك فيصل : بس مو معناته اني ماحب قطر بالعكس اشتقت لقطر والجامعة ولشقتي محمد : ههههه زين عيل يلا نمشي فيصل : يلاا في بيت ام محمد : منيره : عمتي وين طلال ام محمد : طلال راح الشركة محمد طالع من غرفته : السلام منيره + ام محمد : عليكم السلام ام محمد : شفيك يمه مادوامت اليوم محمد : شيخة تعبانه قلت اقعد وياهه يمكن تحتاج شي ام محمد : عسى ماشر شفيها محمد : لا بس حامل ام محمد : صج مبرووووك مبرووووك ياولدي والله فرحتني منيره : مبروك ياولد عمتي محمد : الله يبارك فيكم منيره : ايه صج محمد مساعه فيصل اخوي دورك يبي يسلم عليك مالقاك محمد : صج سافر منيره : ايه راح بس وصاني اسلم عليك محمد : الله يسلمك ام محمد : برزتي شنطتج يامنيره منيره : ايه خالتي من الوناسة من امس برزتها محمد : ليش يمه وين بتروح منيره ام محمد : احنا بنروح دبي جم يوم محمد : وليش محد قالي ام محمد : تونا مقررين محمد : ومتى بتمشون ام محمد : باجر انشالله Edited يوليو 6, 2008 by بنت مملكة بوسلمان Quote Link to comment Share on other sites More sharing options...
عاشقة الاخوة 27 Posted يوليو 7, 2008 Report Share Posted يوليو 7, 2008 يعطيج العافية حبيبتي عساج ع القوة ما قصرتي Quote Link to comment Share on other sites More sharing options...
أسيرة الورد Posted يوليو 7, 2008 Report Share Posted يوليو 7, 2008 يااااااااااااي رووووووووووعة يلا ننطرج خيتوووووو Quote Link to comment Share on other sites More sharing options...
عاشقة الاخوة 27 Posted يوليو 7, 2008 Report Share Posted يوليو 7, 2008 تمللت و انه انطر Quote Link to comment Share on other sites More sharing options...
عاشقةa Posted يوليو 7, 2008 Report Share Posted يوليو 7, 2008 الااااااااااااااااااااااااااااااااااااي شوقتيني عالقصه تسلمين حبيبتي وبانتظار التكمله Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.