بقلمي >( مشااآوير الزمن )<

[h_lo0ove]

مشكورة أختي عـ البارت

 

لو طولتين البارت شوي

 

ننتظر البارت اللي بعده

[m!ss M]

يسلموووو ع البارت

 

يعطييج العافيه

 

بانتضار البارت الياي ونبيه أطول

[ذالتهم عيووني]

 

بيت بوعبدالعزيز

"عبدالعزيز واخته قاعدين يسالفون ويتذكرون المواقف الحلوه اللي مرت عليهم واهما صغاار "..

عبدالعزيز وهو يضحك : أي أي .. بعد عندي موقف يدل على غباائج .. كنت اسوي روحي يزعم ماشووفج وانتي تقعدين تصيحين عبالج انج متي ..

نوره تضحك : وقتها كان عمري 4 سنواات يعني كنت يااهل مافهم .. مو عمري 12 سنه واخااف من الظلمه واقول اخاف حرامي يبوقني ..

عبدالعزيز : أي بعد خبرج اناا اينن .. وكل من يبي يبووقني ..

نوره : ويي ارجووك ياعبدالعزيز كروز..

عبدالعزيز : أحسن منه .. عبالج انتي .. مالت عليج

نوره : غصوون الجنه ..

عبدالعزيز : قديمه ..

نوره : ملييغ ..

عبدالعزيز يدلدغ نوره : تقولين عن من ملييغ ؟

نوره وهي تضحك : انا انااا بس هدنيي

عبدالعزيز هدها : يعني اعترفتي انج مليغه ..

نوره : طالعه على اخووي لا ..

عبدالعزيز : هه .. انزين يلا جاابلي الكاارتون وانتي ساكته

نوره : لا تمللت من الكاارتوون .. ابي اطلع ..

عبدالعزيز : وين خاطرج تروحين ؟

نوره : ابي اروح السيف .. من زماان مارحته ..

عبدالعزيز : انزين تدلينه ؟

نوره : اكييد ادله ..

عبدالعزيز : بس عيل .. يلا بدلي .. وانا بروح ايب المفتااح مال السياره من عند السايق ..

نوره : بتوووديني ؟

عبدالعزيييز : اييي

نوره تنقز : الاااااااااي وناااااااااسه ,, خله اروح البس ثيابي بسرعه قبل لا تهون .. وركضت بسرعه على غرفتها ..

عبدالعزيز يضحك : ولا تغيرت للحين هبله ..

 

 

الزين وصلت بيت مريم .. وسلمت على الموجودين وسئلت عن مريم .. وخبروها انها راحت فوق مع وحده .. جواهر وصلت الزين لغرفة مريم ..

الزين : السلام عليكم ..

عايشه : شش .. مريم ناامت ..

الزين : أي من الصيااح والتعب ..

عايشه : يلا خلنا نقعد شوي ويا النسوان وباجر انيي نقعد وياها ..

الزين : اوكي ..

عايشه والزين لحفوا مريم وصكوا الليتات .. وطلعوا وقعدوا ويا النسوان مده بسيطه .. وتموا بعدين ويا جواهر اخت مريم .. اللي مو مستوعبه بالضبط شنو معناة ان امها ماتت .. قعدوا وياها وفهموها معناة الموت وجاوبوا على كل اسئلتهاا .. وحظنوها ومسحووا دموعها ..يوم ابتدت تصيح ..

واخيراً قرروا يرجعون البيت قبل لا يتأخر الوقت .. ويرد بوعايشه من الشغل ويدري بطلعتها ..

محمد وصل عند باب بيت مريم ينتظر اخته تطلع ,, ويوم طلعت تفأجأ ان في وحده ويا اخته " زيون ماقالت ان في وحده بتيي وياها " ..

محمد : الحين وين بتروحين ؟

الزين : بنوصل عايشه ..

محمد يوم سمع اسم عايشه لقى نفسه يبتسم لاشعورياً .. مجرد شوفته لهاا خففت عنه جزء من الحزن اللي اهو فيه .. مع أنه مالها دخل بأي شيء من اللي قاعد يصير ..

 

نوره وعبدالعزيز في السيف يمشوون ..

نوره : عزووز ترا كلش ماتعرف تسووق ..

عبدالعزيز : شسوي شوارعكم زفت وفوضى .. والسكاان في جهة اليسار !!

نوره : ويي عااد .. اللي يسمع الحين يقوول بريطااني .. مايسوى علينا هالكم سنه اللي عشتهاا هنااك ..

عبدالعزيز ضحك ..

في نفس الوقت نااصر ويا 2 من ربعه يتمشون في السيف ..

وطول الوقت نااصر كاان سرحاان ومو منتبه لأي شي من اللي حوله..

وبالغلط دعم عبدالعزيز ..

ناصر بدون لا يرفع راسه :السموحه مانتبهت ..

عبدالعزيز شاف ان اللي دعمه ناصر .. فقاله باستهزاء : اكيد ماتنتبه مدام البال مشغول ويا " عبدالعزيز غمز "

ناصر رفع راسه وادرك ان اللي دعمه اهو عبدالعزيز !! وحس بالغضب والقهر يسري في دمه .. لأنه يلوم عبدالعزيز على كل المشااكل اللي صارت بينه وبين بنت عمه وخلته يفقدها .. ومن القهرر ماحس بنفسه الا واهو ماسك عبدالعزيز من فانيلته

عبدالعزيز : هدني ..

نااصر : كله منك يالووصخ ..

عبدالعزيز : محد وصخ غيرك انت يالبنااتي ..

ناصر : تعيب علي .. وانت امك ماخلت واحد في الديره مارقدت وياه

عبدالعزيز صطر نااصر بالقوووه : جااااااااااااااااب

نوره واقفه ومو عارفه شلون تتصرف .. منقهره من الكلام اللي قطه " صديق طفولة " اخوهاا .. وفي نفس الوقت خايفه السالفه تكبر وينطق اخوها

 

ناصر رد على صطار عبدالعزيز ببوكس .. وتموا يتكافخوون .. ربع ناصر كل واحد فيهم مسك عبدالعزيز من صوب عشان ناصر يطقه ..

نوره صررخت : هدووه

النااس بدوا يتجمعون حولهم ..

نااصر يرفس عبدالعزيز ويطقه وعبدالعزيز على الرغم من قوة الطق اللي قاعد يتعرض له .. كاان يضحك بطريقة استفزازيه ويقول : ها ناصر مو قادر علي .. تخلي ربعك يودوني عشان تطقني ولا بمأثر فيني ..

ناصر انقهرر وتنرفز من قلب .. تم يزيد بالطق والبوكساات ..

واخر شي عطى عبدالعزيز بوكس واايد قوي في ويهه .. خله الدم يطلع من خشمه ..

عبدالعزيز تألم من البوكس بس ماحب يبين وكان يحااول ينرفز ويقهر ناصر ازيد : هااذي كل اللي تقدر عليه يالنااعم ؟

الناس تجمعوا .. نوره واقفه ومو عارفه شسوي .. وتحاول تدز الصبيان بعيد عن اخوهاا ..

عبدالعزيز شاف يد اخته تلامس الصبيان اللي ميودينه فصرخ : قوومي بعييد

نوره ماسمعت الكلام وتمت في مكانها .. عبدالعزيز استجمع كل القوه اللي في جسمه وقدر يخلص روحه من يد الصبيان ودز اخته وسط النااس اللي متجمعيين ..

وراح عند نااصر يبي يطقه لكن السكيورتيه مال المجمع ياو ومسكوهم وودهم المكتب الأمن ينتظرون جيب الشرطه يوصل وياخذهم ..

في المكتب ..

ناصر وربعه يطالعون عبدالعزيز بحمق والشرار يتطاير من عيونهم ..

عبدالعزيز كان قاعد يطق ريله بالارض يحاتي اخته ..

السكيورتي : ممكن اعرف شنو سبب الهوااش ..

ناصر وربعه كل واحد يقول سالفه في نفس الوقت ..

السكيورتي : بالوااحد .. " اشر على عبدالعزيز " أنت ابتدي ..

عبدالعزيز : اناا وياي اختي .. لازم اردها البيت وبعدين بايي ..

السكيورتي : لاا مايصيير .. خله احد ايي ياخذها اذا كلامك صج

عبدالعزيز طنقر : واخليها في مجمع وسط الريايل بروحها يالثوور

ناصر : هاذي ماتخااف عليهاا .. خاف على الريايل منها .. اكيد طالعه على امهاا ..

السكيورتي : احترم نفسك .. وانت الثاني اسكت

عبدالعزيز صرخ بالقوه : يالبنااتي .. يالحقيير .. ياشماام الغراء والحشيش .. انت تتكلم عن اهلي ..

السكيورتي طول الوقت كان خايف من عبدالعزيز بسبب ضخامته .. ويحاول قد مايقدر مايبين هالشي .. الا انه في هاللحظه ماقدر يخفي خوفه ..

السكيورتي : انـ زين ياخوي .. هد ..

عبدالعزيز صراخه يعلى ازيد : ماتفهم ان اختي بره برووحهاا !!

السكيورتي : انزين روح وصلها البيت وبعدين روح مركز الشرطه اللي بالمعارض ..

عبدالعزيز طلع من الغرفة وخذ اخته ووصلها البيت ..

 

الزين : شخبار مريم ؟

عايشه : والله وايد تعبانه .. وطول الوقت تصيييح ..

الزين : بعد الوضع اللي اهي فيه ابد مو سهل ..

محمد : انزين الحين انا وين بوديكم

الزين : قتلك بنقط عايشه بيتهم ..

محمد : انزين دليني بيتها ..

الزين : انا مادل .. خله عايشه تدليك ..

عايشه مستحيه توجه لمحمد كلام مباشر .. فسكتت ..

محمد : انا بتم واقف جذي في نص الشارع ؟

عايشه : قوليله يلف يمين ..

الزين : تقولك يمين ..

محمد : سمعتهاا ..

 

في السياره ,,

نوره وهي تصيح : عبدالعزيز روح الدختر .. خشمك قاعد يطلع منه دم .. وويهك حالته حاله

عبدالعزيز بهدوء : مافيني شي عشان اروح الدختر .. ولوسمحتي لا تصيحين لأن راسي يعورني ..

نوره : عزووز عااد ..

عبدالعزيز : بس خلااص سكتي .. لا تحنين

نوره : عزيز حراام عليك نفسك ..

عبدالعزيز وصل البيت : انزين نزلي .. ولا تقولين لأبوي شي ..

نوره : انت وين رايح الحين ؟

عبدالعزيز : برد اروح هنااك .. ويمكن عقبها نروح المركز ..

نوره : شنوووو

عبدالعزيز : نزلي ..

نوره نزلت وصكت الباب .. وعبدالعزيز بالسياره را

 

 

في سيارة محمد ,,

محمد : وصلنااا ..

عايشه تنزل من السياره ,, الا ابوها ياي من الشغل ,,

وقف السياره بسرعه وفصخ عقاله وتم يطق عايشه جداام محمد والزين ..

محمد نزل من السياره : يابو عايشه شلي قاعد تسويه .. البنت مو مسويه شي

بوعايشه : ولك عين تتحجى بعد .. طالع وياهاا وتبي تطلع فيها .. " وجه الكلام ويا عايشه " راكبه السياره ويا واحد غريب .. شلي بينج وبينه ؟

عايشه : والله يبه مابيني وبينه شي ..

محمد : يابوعايشه البنت رفيجة اختي وانا يايبهم من الخلف ..

بوعايشه : يعني رحتي بدون شوور ..

عايشه : لا يبه ..

محمد : يابوعاايشه الطق مو اسلوب تتعامل فيه ..

بوعايشه : لا صج .. تعاال علمني شلوون اعااملهاا ..

الزين نزلت من السياره : بوعايشه اناا بنت فااضل بن عبدالعزيز .. انت تعرف ابوي .. انا قلت لعايشه اوصلها وياي ..

عايشه : يبه تكفى بلا فضايح .. سو اللي تبيه فيني .. بس مو هني في الشارع ..

بوعايشه صرخ : دشي دااخل ,, " أشر لمحمد " وانت بعد دش دااخل ..

نهاية الجزء الرابع ..

 

 

 

[Thunder Jet]

مشكووورة اختي ع البـآآرت ربي يعطيج العافيهـ .. بس صرآحهـ حييل قصصصيييييير !! مايمديني اقره لاا وخلص البـآرت .. عالعمـووم ربي يخليج ويحفظج

اختجfachoo

[أسيرة الورد]

تسلميييييييييييييييييييين على القصة الروووووووووووووووووعة

بصراحة فففففففففففففففن

بس احين جريب المدرسة

متى بتخلصينها

؟؟

[evil cat]

تسلم يدج حبوبه

 

بس البارت قصير ياريت تخلين البارت الياي اطول

[Thunder Jet]

ننتظــر آلبـآآرت فدييييتتج ..!!

يعطيج العافيهـ

آختج fachoo

[ريم المحرق]

صج صج عجيبة حدهااااااااااااااااا فن ، نبي التكملة

[ذالتهم عيووني]

 

 

سوووري عالتأخيير .. بس صاادتني ظرووف .. وادري ان البارتاات اللي قاعده انزلهم واايد قصاار .. ولكمـ مني وعد انشاء الله باجر .. او عقبه انزل بارت طووووويل .. =)

 

في غرفة الامن ,,

السكيورتي "2" دخل بعد ماطلع عبدالعزيز بفتره .. وقعد يكلم السكيورتي "1" على جنب بعيد عن ناصر وربعه ..

السكيورتي 2 : سجلت اساميهم في البلاكـ لست ؟

السكيورتي 1 : ليييش ؟

السكيورتي 2 : شنو ليش .. لازم تسجل اسااميهم .. عشاآآن مايقدرون يدخلون المجمع مره ثانيه

السكيورتي 1 : انزين ذلين اللي قاعدين باخذ اساميهم واللي طلع شلون اعرف اسمه ؟

السكيورتي 2 : طلع ؟؟ من اللي طلعه ؟

السكيورتي 1 : انااا ..

السكيورتي 2 رفع صوته : وشلوووون تطلعه ؟

السكيورتي 1 وهو خايف : انت ماجفته شلون كاان يصارخ ..

السكيورتيه 2 : حتى لو قام يطق ماتخليه يطلع قبل لا تاخذ اسمه وتحطه في البلاك لست .. وتخليه يوقع على تعهد .. وبعدين تحوله على المركز ..

السكيورتي 1 بضيقه : والحل ؟

السكيورتي 2 : لا تشيل هم .. اناا بطلع اسم الصبي اللي طلع .. والباقي الحين بحولهم على مركز الشرطه ..

 

بيت بوعبدالعزيز :

بوعبدالعزيز كاآآن قااعد في الصالهـ يووم نوره وصلت ..

نوره : السلام علييكم ..

بوعبدالعزيز : وعلييكم السلااآآم ,, شلونج ؟

نوره : بخيير ..

بوعبدالعزيز : وشلون الوضع ويا اخووج ؟

نوره : تماام .. اهو اللي مطلعني اليووم ..

بوعبدالعزيز وهو مستاانس : زيين زيين ..

نوره : انزين يبه بروح غرفتي تامر بشي ؟

بوعبدالعزيز : سلامتج .. بس اخوج وينه ؟

نوره ويهه اعتفس : عزيز ؟

بوعبدالعزيز : أي عزيز .. وينه ؟

نوره بتوتر : مااادري ..

بوعبدالعزيز : شلون ماتدرين وهو توه موصلج ؟

نوره ماقدرت تجذب على ابوهاآ وقالتله كل اللي صار ..

 

 

عند بيت عايشه :

الوضع متوتر .. بوعايشه يصرخ .. والجيران بدوا يطلعوون ..

محمد : وين ادش ؟

بوعايشه بصراخ : ادخل داخل البيت بكلمك

محمد وهو مستغرب : انـ شالله ..

دخلوا الحوش ..

محمد : عمي .. هديي وصل على النبي .. ولو اني مو غلطان حقك علي وسامحني ..

بوعايشه : عليه الصلاة والسلاام

محمد : عمي انت فاهم الموضوع غلط ..

بوعايشه معصب : شنو اللي فاهمه غلط .. مركب بنتي السياره ويااك .. شلون ترضاها واهي ماتقربلك ولا تعرفهااآ ..

الزين تدخلت : عمي .. محمد ماله دخل .. اناا قلت لعايشه نوصلها البيت لأنهااآ كاانت متضايقه من ولد خالتها ؟

عايشه نغزت الزين ..

بوعايشه : ولد خالتهااا ؟؟؟

ام عايشه كاانت في الصاله وقتهاا وسمعت كل الكلام اللي صار بالحووش : أي ولد خالتهاا .. انا مخليه خليفه يوصلهاا ..

بوعايشه : انتي شلون تخلينها تطلع بدون شور؟

ام عايشه : انا راضيه

بوعايشه : الشور عندي مو عندج .. مو بكيفج تخلينها تطلع ..

أم عايشه : شلون مب بكيفي .. مو اناا امهاا ..

عايشه منحرجه من الموقف .. و واقفه ساكته ..

محمد حس ان الموقف راح يتعقد أكثر .. فخذ اخته وطلعوا من البيت ..

 

بيت بوعبدالعزيز :

بوعبدالعزيز يصارخ : يعني لازم تسوي مشاكل في كل مره تشوف فيها ناصر .

عبدالعزيز قعد على الكرسي .. وقال بكل برود : انزين خلااص .. السالفه الحين انتهينا منهاا ..

بوعبدالعزيز : لاا ماانتهينا ،، فشلتني سود الله ويهكـ .. يومين ماخذلك في الديره ودخلت مركز الشرطه .. عيل لو قعدت هني بعد شهر شبسوووي ..

عبدالعزيز عصب وقام من مكانه: أففف .. اناا اللي غلطاان اصلا أني رديت ..

بوعبدالعزيز : أقعد للحين ماخلصت كلاامي ..

عبدالعزيز : اكااني قعدت خلص ..

بوعبدالعزيز : فهمني شسالفتك ويا نااصر ..

عبدالعزيز : خله يولي الكلب ..

بوعبدالعزيز : عييييب .. بدال لا تقول يزااه الله خيير أنه تناازل ..

عبدالعزيز : اهو مااتناازل عشااني .. تناازل لأنكـ كلمت ابووه .. وابووه اقنعه يتناازل ولا اهوو .. مافييه خيير الوصخ ..

بوعبدالعزيز : عبدالعزييييز .. هااذي رفيجك ..

عبدالعزيز : يخسيي يكوون رفيجي .. ماتشرف بهالاشكاال ..

بوعبدالعزيز : فهمتي شسالفتك ويااه ؟

عبدالعزيز : ماتشرف ارابع بنااتيه ..

بوعبدالعزيز : شنو ؟

عبدالعزيز : اللي سمعته .. واذا مو مصدق اسئل أي احد عنه .. المهم يبه بروح اناام ..

 

 

في السياره :

محمد : زيوون اناا خاايف على عاايشه ..

الزين : اناا بعد .. أنت مااتعرف ابوها شنو ممكن يسويي ..

محمد : شنو ممكن يسوي ؟

الزين وهي خايفه على عايشه : ماادري .. بس ذي مادري شلوون .. مره عشاان عاايشه يابت في مااده 15 كاان بيخليها تهد المدرسه ..

محمد استغرب : من صجج انتي ؟

الزين : والله العظييم ..

محمد : لاا عيل بررد اكلمه ..

الزين : محمد شفييك انت مينوون .. جذي بتكبر المشكله ..

محمد : لاا يالزيين لاازم اكلمه وافهمه ان مافي شي بيني وبينهاا .. حراام اسوي مشااكل للبنت ..

الزين : جذي بتسويلها مشكله اكبر .. اناا بانطر لي باجر بكلمهاا .. وانشالله ماايكون ابوهاا سوى بها شي ..

محمد وهو يتنهد : الله يسترر ..

[Thunder Jet]

يعطيييج العافيهـ .. وننتظـر آلبـآآرت بشــوووق .. وهالبـآآرت روعهـ