بقلمي >( مشااآوير الزمن )<

[Thunder Jet]

تسلـــمين ويعطيــج آلعآفيهـ .. وننتظـرج آبدآعــآتج ~

[أحلى دليعه]

[evil cat]

تسلمين عمري

 

البارت كان وايد حلوو ومؤثر

 

ناطرين البارت الياي وياريت يكون اطول شوي

[ذالتهم عيووني]

يوم استلاآآم الشهاآآداات ..

 

الزين ماناآآمت صارلها يومين .. تحاآآتي النتيجة .. حاآآسه ان معدلهاآ نزل .. بسبب ان وفاة ابوها تزامنت ويا فترة الامتحانات النهااآآئيه ..

محمد : يلاآآ قومي خلنا نروح ..

الزين : لا مابي .. روح بروحك ..

محمد : من الصبح حنه تبيني اقوم .. والحين تقولين روح بروحك ..

الزين : محمد خاآآآآيفه ..

محمد : لا تخاافين .. انشالله ناجحه ..

الزين : لا شنو ناجحه .. ابي تفوق ..

محمد : متفوقه انشالله .. بس يلا قومي ولا توترين روحج ..

الزين : اوكي ..

فهد يصارخ : نطرووا اناا بعد ودوني ايب الشهااده ..

محمد : انزين يلا بسرعه لا تتأخر ..

فهد ينزل بسرعه : يلا ..

ام محمد : موفقين ..

فهد : يمه ادعيلي انجح .. ترا كلش مو مرتاح للشهاده ..

ام محمد :يارب انشالله تطلع الاول على المدرسه ..

فهد : انشالله الاخير بس اهم شي ناجح ..

ام محمد : انشالله ..

الزين باست راس امها : يلا يمه .. ادعيلي انا بعد ..

ام محمد : انشالله .. يلا بشرووني اول ماتشوفون النتيجه ..

 

 

عبدالعزيز نزل لقى ابوه تحت .. : صباآآح الخيير ..

بوعبدالعزيز : صباآآح النوور .. اقعد يبه ابيك ..

عبدالعزيز : انشاالله ..

بوعبدالعزيز : قولي ياولدي .. انت امتى بترد تسافر ؟

عبدالعزيز : امم والله ماحجزت .. بس انا قايل ابي اروح عقب شهر ..

بوعبدالعزيز : انزين ليش ماتستقر هني ؟

عبدالعزيز : انا حياتي هناآك .. شغلي .. دراستي .. خطـ " ماكمل كلامه ووعى على روحه "

بوعبدالعزيز : شنو ؟

عبدالعزيز : ولا شي ..

بوعبدالعزيز : انزين ليش ماتخلص دراستك هني .. وتشتغل هني .. شلك في الغربه .. خلك وسطنا .. اختك مالها غيرك .. باجر لي صار فيني شي وانت بره .. من يبقى لاختك ؟

عبدالعزيز : بعيد الشر عنك يالغالي .. لا تقول هالكلام ...

بوعبدالعزيز فرح وايد يوم سمع هالكلام من عبدالعزيز .. وحس صج انه رد مثل لول : المهم ياعبدالعزيز .. انا ابيك تستقر هني .. سالفة انك ترد تسافر بره .. انسى ..

عبدالعزيز : يبه .. شغلي .. دراستي .. تدري شكثر تعبت عشان اوصل حق ادخل هالجامعه ؟ شكثر مواد كنت اخذ ؟ وشكثر كنت اشتغل .. كله عشان اوصل حق المستوى اللي انا فيه .. تبيني اتخلى عنه في ثواني ..

بوعبدالعزيز : الدراسه أجلها شوي .. واذا عن الشغل باخليك تدير شغلك بروحك .. شقلت ؟

عبدالعزيز : مادري يبه بفكر ..

نوره تدخل وهي تصاآآرخ : نجحتتتت !!

بوعبدالعزيز : مبرووووووك ..

نوره تناآآقز : واآآي واآآي .. يعني الحين انا خلاآآص افتكيت من المدرسه ..

 

 

الزين دخلت البيت وهي ميته من البجي .. وشقت شهادتها وقطتهاآ وراآحت غرفتهاآ بسرعه ..

ام محمد : بسم الله !! محمد شفيهاا اختك ؟؟

محمد : مادري يمه .. دشت تاخذ الشهاده ردت السياره واهي تصييح ..

ام محمد : ليكوون راسبه ولا شي ؟

محمد : لا يمه .. الزين تعرفينها شاطره .. ماينخااف عليها .. يمكن معدلها نزل ولا شي ..

ام محمد : برووح اشووف فيهااآآ ..

فهد : يه .. سيده بتروحين تجوفين الشيخه زين شفيها .. ولا جني ولدج .. حتى نتيجتي ماسئلتي عنها

ام محمد : ايي صج .. بشرر ..

فهد : لا روحي حق الزين جوفي شفيها ..

ام محمد : فهد يلا قوول ..

فهد يمثل : راسب ..

محمد : ماعليج منه .. ناجح ومعدله ارتفع بعد ..

فهد : ليش تكلمت ؟

ام محمد استانست : الف مبروووك ياولدي عقبال الجاامعه انشالله ..

فهد : انشالله .. انزين قوليلي شنو هدية نجاحي ؟

محمد : فهد شفيك انت .. شنو هالكلام .. انت بروحك ادرى بالحال ..

ام محمد : ان شاء الله اول ماتتحسن الاوضاع ايبلك اللي في خاطرك فيه ..

فهد : انشالله ..

ام محمد قامت : انزين بروح اجوف اختكم شفيها ..

 

 

ساره : حبيبتي قوومي يلاآآ روحي يبي شهادتج ..

مريم : مااابي .. ليش ايبها ؟ حق من ؟

ساره : اناا ابي اعررف نتيجتج ..

مريم : مابي ..

ساره : جب وقومي جدامي ..

مريم : ابوي محد ..

ساره : افا عليج .. انااآآ امر عليج يابعد طوايف اهلي ..

مريم : لا حبيبتي مابي اتعبج ..

ساره : جاآآب زين .. نطري دقايق بس اجوف اذا سيارة ناصر هني باخذها .. واذا مو موجوده باخذ سيارة ابوي ؟

مريم : ناصر ذي اخوووج ؟؟

ساره : اييي

مريم : حبيبتي قلتيلي شنو اسم عمج اللي توفى قبل فتره ؟

ساره : فاضل .. ليش تسئلين؟

 

 

 

فهد : محمد ..

محمد : نعم ..

فهد : عاجبك حالنا ؟ماخلينا شي مابعنااه .. والدريول فنشناه .. شلي باقي ..

محمد تنهد : لا اكيد مو عاجبني ..

فهد : اممم .. وشالحل ..

محمد : اناا مو عارف .. الشركه وضعهاآ واايد صعب .. لو بوعبدالعزيز كمل الاتفاق ويا ابوي جان الوضع رد مثل قبل .

فهد : انزين ليش ماتكلم بوعبدالعزيز ؟ انا متااكد انه ماغير رايه

محمد : فكررت فيهاا بس مادري .. ماعرف شلون افتح الموضوع .. ويعني لو اهو صج للحين تام على لاتفاق جان كلمني او شي ..

فهد : انت اللي محتاجله .. يعني انت اللي لازم تكلمه مو اهوو .. باجر ورانا جامعه .. ومصاريف وحاله .. من وين بتيب مصاريفنا ؟ او عالاقل مصاريف دراستك انت ؟ واليهال ؟

محمد راسه داآآر .. وهو يسمع كلام فهد .. يدري ان كلامه صح بس مو عارف شلون يتصرف .. وشيسويي .. قرر اخيراً يكلم بوعبدالعزيز ..

 

 

مريم "ابيييه رحت فيهاا " : هاا .. لا بس اسئل يعني ..

ساره : انزين حياتي يلا انا بروح اجوف سيارة من في البيت وباخذها عشان امر عليج نروح نيب شهادتج ..

مريم تفكر باللي سوته وسرحاانه تفكر في الزين شبسوي اذا درت انها ردت على سوالفها ولا ويا من بعد .. بنت عمها ّ!!

ساره : وياي؟

مريم : اي حبيبتي وياج .. يلا ناطرتج ..

 

 

الزين تمسح دموعهاآ : هلا يمه ..

ام محمد : شفيج تبجين ؟

الزين : مابجي .. عادي ..

ام محمد لمت بنتها : تخشين على امج ؟ قوليلي شفيج حبيبتي ؟ شلي مضايقج ؟

الزين قعدت اتصيح : بموووت يمه ..

ام محمد : اسمله علييج شفيييج ؟

الزين : جوفي حياتي شلون صايره .. حزن في حزن .. ابوي توفى وحالتنا شلون .. والحين حلم حياتي والشي اللي اخطط له من يوم انا صغيره صار مستحيل ..

ام محمد " فهمت ان الزين مضايقه عشان النتيجه " : ذكري ربج ولا تقولين جذي هاي اختبار من الله .. يجوف تحملج .. ولا تيئسين مافي شي مستحيل .

الزين : شنو مافي شي مستحيل ؟ اي كلية طب اللي بتقبل فيني وانا معدلي 91 ؟ مافي الا جامعات خاصه .. ومن اللي بيدرسني في الجامعه الخاصه ؟

ام محمد بطلت عيونها : معدلج صار 91 ؟؟!!

الزين : هاي والتراكمي مرفعني .. الكورس الاخير حصلت 70 .. تخيلي يايمه من 96 اصير 70 .. وتقولين لي لا تصيحين ..

ام محمد : معليه حبيبتي ,, انشالله بندخلج الجامعه على حسابنا ..

الزين : يمه تقصين على من انتي ؟ من وين بدخلووني ؟ عبالج مادري انا بشي ؟

ام محمد بضيقه : لا انشالله الامور بتتحسن وبنقدر اندخلج الجامعه اللي تبينها ..

الزين : اوكي يمه انا تعبانه شوي عن اذنج ..

 

 

محمد : قوة عمي

بوعبدالعزيز : هلا والله محمد .. شلونك وشلون الاهل ؟

محمد وهو يتنهد : الحمدلله على كل حال ..

بوعبدالعزيز : عساماشر يبه شكلك متضايق ؟ محتاج شي ؟

محمد سااكت .. فهد يأشر له بانه يتكلم ..

محمد : اممم .. والله يابوعبدالعزيز .. ماعرف شنو اقولك ..

بوعبدالعزيز : تكلم يبه .. لا تستحي .. انا حسبة ابوك ..

محمد وهو متفشل : عمي .. انا والله متفشل منك بس مو عارف شنو اسووي .. وارووح لمن .. لان خبرك اوضاع الشركه .. و

بوعبدالعزيز قاطعه : اي يبه فهمت قصدك .. والله اليوم كنت افكر في الموضوع .. المهم قولي جم محتااج وانشالله المبلغ بيكون عندك خلال كم يوم ..

محمد وهو مستانس بس خجلان في نفس الوقت : مشكوور عمي وماتقصر .. والسموووحه .. بس والله لولا ان الوضع صعب جان ماطلبتك ..

بوعبدالعزيز : عيب يامحمد .. اناا مو غريب عشان تقول هالكلام ..

محمد : مشكوور والله .. ويعطيك العافيه ..

 

ساره تطق هرن ..

مريم طالعه تركض وساره اطالعها باعجااب ..

مريم : هاآآي

ساره : هلا والله بالقمر ..

مريم : هيي استحي ..

ساره : فدييتج .. يلا خلنا نجوف نتيجتج ..

مريم : لا حبيبتي ماابي ..

ساره : يلا بلا كلام زايد الحين بنروح نجووف نتيجتج .. وخله مره وحده بجوف جان اقدر اطالع نتيجة بنت عمي ..

مريم ويهه تغير ..

ساره : شفيج ؟

مريم : هاا .. لا تعبااااانه شووي ..

 

عبدالعزيز : هاي محمد ولد رفيجك فاضل لا ؟

بوعبدالعزيز : اي ..

عبدالعزيز : امم شسالفه ؟

بوعبدالعزيز : لا عنده مشكله في شركة ابوه وانا بساعده ..

عبدالعزيز : اهاا .. شركة شنو اللي عندهم ؟

بوعبدالعزيز : شركة مقاولات .. بناآآء تقليدي ..

عبدالعزيز : والله حلووه الفكره يديده .. وزيينه .. ليش ماتدش شريك وياهم في الشركه يبه ؟

بوعبدالعزيز : انا كنت متفق ويا فاضل الله يرحمه على اني ادش شريك وياه مقابل اني اساعده بالشركه .. بس الحين مابي .. اهما ايتام الحين وحالتهم صعبه .. بساعدهم بدون مقابل ..

عبدالعزيز : اهاآآ .. اوكي ..

نوره : اووف بسكم كلام عن الشغل .. قوموا طلعووني بمنااسبة نجااحي ..

بوعبدالعزيز : ههههههه انزيين يلاا قومي ..

 

 

ساره ميوده مريم من يدها بطريقة ملفته ونازلين المدرسه .. والكل يطالعهم !!

في هالاثناء عايشه كانت هناك ويا ابوهاآ .. وشافت مريم ويا ساره

عايشه هدت ابوها وراحت عند مريم ..

عايشه بحمق: مريووووم ..

مريم ارتبكت وخافت من عايشه ..

ساره : انتي عايشه لا ؟

عايشه باستغرب : شعرفج في اسمي ؟

ساره : مو انتي رفيجة الزين ؟

عايشه : ايي انتي بنت عم زينو لا ؟

سارره : اييييييييي ..

عايشه " زينوو عندها بنت عم بوويه !! شلوون جذي "

ساره : ليش طالعيني جذي ؟

عايشه : سلامتج .. " تناظر مريم " واما انتي يامريم .. مادري امتى بتوبين .. " وراحت

مره ثانيه عند ابوها "

مريم :عايشه نطرري ..

ساره تيود يدها : امشي خلنا نجوف درجتج بعدين حاجيها ..

مريم : انزين ..

 

تلفون الزين يرن ..

الزين : آلوو ..

ناصر : آلوو .. ها بنت عمي . بشرري ..

الزين : اووف ... انت ليش للحين تتصل ..

ناصر : ابي اطمن على بنت عمي .. والانسانه اللي احبها ..

الزين : اهي ماتحبك ..

ناصر : ليش تجذبين على روحج انتي تعرفين انج تحبيني ؟

الزين : لااااا مااحبك ..اكرهك ..

نااصر : معليه .. انزين بشريني بنتيجتج ؟

الزين : زفت .. زفت ..

ناصر : ليش جم محصله ؟

الزين قعدت تصيح : كل احلامي ضاعت .. كل شي احبه ضاع مني .. شسوي في روحي ..

ناصر: لا تصيحين .. ولا تتضايقين .. قوليلي شفيج ؟

الزين قعدت تشكي لناصر .. وهو يواسيها ويخفف من عليها .. يحااول يرد الزين مثل ماكاانت ..

 

مريم : الاااااااي نجحت .. نجحت ..

ساره تحب مريم : مبرووك ..

والكل يطالعهم بنظرات اشمئزاز واحتقار ..

مريم : هي .. طالعي الناس شلون يجوفنا ؟

ساره : وانا شعلي ؟

مريم : انزين قومي خلنا نرد البيت ..

ساره : اوكي ..

 

بوعايشه : هاي اهي مريم اللي سويت المشكله عشانها ؟ طالعي عشان من ؟

عايشه : يبه .. خلاص خلها تولي ..

بوعايشه بعصبيه : مسخرة اخر زمن .. هاي ملعونه اهي واللي وياها .. استغفر الله .. شهالزمن والبلاوي اللي فيه !!

عايشه : يبه خلااص واللي يخليك .. انا مابكلمها مره ثانيه ..

بوعايشه للحين معصب : ومن اللي بيخليج تكلمينها اصلا

عايشه : بعد ردينا يبه ؟

بوعايشه " حس انه رد لطبايعه " : لا يابنتي .. نسيت اقوولج مبرووك .. والله رفعتي راااسي ..

عايشه بابتساامه : الله يبارك فييييك .. هاي من دعواتك انت وامي لي ..

 

مريم وصلت البيت .. وقعدت تفكر باللي تسويه .. وحست بنظرات احتقار الناس .. وشلون الناس صاروا ينفرون منها .. حتى رفيجتهاا !! فقررت تقول لساره ان اهي ماتبي تواصل في اللي تسويه .. وساره عصبت وحلفت انها بتنتقم من مريم في يوم من الايام ..

[Thunder Jet]

آآبــددآآآع لآآآ تتآخرييييييييييين نآآطرتـــج حبيبي ~

[أسيرة الورد]

بوووووووووووووووووو

صار لي اكثر من شهر ما دشيت

قلت القصة خلصت

و يوم دخلت بس بارت واحد

خخخخخخ

الله يعطيج العافية فديتج

اتريا البارت الياي

[ذالتهم عيووني]

بعد 8 شهور ..

 

 

 

مريم هدت سوالف البويات وانقلبت هالمره على الصبيان .. قامت تكلم صبيان بالهبل .. واخر صبي كلمته كان راشد اللي غير حياتها بشكل جذري هالمره ..!!

 

 

 

مريم سرحااانه وهي تتذكر أول مكالمه لها ويا راشد ..

 

 

 

"مريم : آلو ..

 

 

 

راشد مرتبك : هلا .. هلا والله ..

 

 

 

مريم تضحك : ههههه .. شكلك مستحي ؟

 

 

 

راشد : ها .. لا عاادي ..

 

 

 

مريم : اكيد ؟

 

 

 

راشد : يعني .. وانتي مستحيه ؟

 

 

 

مريم : ليش استحي ؟ حده عادي الوضع ؟

 

 

 

راشد : ليش انتي مكلمه من قبل ..

 

 

 

مريم : بوو واايد ..

 

 

 

راشد استغرب منها !! : شكثر يعني ؟

 

 

 

مريم تفكر : بويات ولا صبيان ؟

 

 

 

راشد استغرب اكثر : بويات وصبيان ؟

 

 

 

مريم : اييي .. احسك مستغرب ..

 

 

 

راشد : ليش تسووين جذي ؟

 

 

 

مريم : بعد .. انا جذي .. مو عاجبك صك التلفوون .."

 

 

 

>> في هالوقت راشد حس بالعطف عليها .. وحس انها مفتقده وايد اشيا .. وانها ضايعه .. فقرر يحاآآول يعدلهاآآ .. كاان ماخذ قرار انه ما يحبهاآ .. لانه مهما كان مابيرضى على نفسه ياخذ وحده ماخلت احد ماعرفته .. لكن قلبه ماقدر .. وحبهاآآ وصار يعشقهاآ بجنون ..

 

 

 

اما مريم .. فكااآآنت في البدايه حاسه ابراهيم واحد اهبل .. تقدر تقص عليه .. وماظنت انها بتحبه وتوصل لمرحلة انها ماتقدر تستغنى عنه .. "<<

 

 

 

عاآآيشه : هيي مريووم ويين رحتي ؟

 

 

 

مريم تلم الدبدوب اللي موجود على سرير عايشه : احـــــــــــــــــــبــــــــــــــه اوووووف .. ماادري امتى انتزوج ؟

 

 

 

عاايشه : اي صج .. اهو للحين مافتح وياج موضوع الزواج ؟

 

 

 

مريم : امم بلى .. بس اناا اقول خله اخلص عالاقل سنه في الجامعه وبعدين ..

 

 

 

عايشه : الااي عجييب .. يعني مابااقي شي ..

 

 

 

مريم : اي الفال لج انتي والزين ..

 

 

 

عايشه : انا تو النااس .. انا كلش شايله من بالي فكرة الزوااج ..

 

 

 

مريم : ولا حتى من خليفه ؟

 

 

 

عايشه : شنوو خليفه من صجج ؟ انا بروحي ماداانيه الا اتزوجه ..

 

 

 

مريم :ههههههههه ..

 

 

 

 

 

 

 

 

 

 

 

 

 

الزين : اممم نااصر ..

 

 

 

ناصر : عيونه ..

 

 

 

الزين : تتذكر يوم كنا في المستشفى ؟ يوم ابوي يطيح ؟

 

 

 

ناصر : ايي ..

 

 

 

الزين : تذكر يوم تنرفزت وتهاوشت ويا محمد ويوم قتله انك بتاخذني مستقبلاً .. قالك لا وانت اتعرف ليش ؟

 

 

 

ناصر : ماتحجينا احنا في هالسالفه من قبل ؟

 

 

 

الزين : امم .. لا .. بس يوم كنا في الحجره ودش علينا عبدالعزيز ّ

 

 

 

ناصر عصب : وليش تقولين اسمه ؟

 

 

 

الزين : يــه .. شله الحين انت معصب ..

 

 

 

ناصر :انا هالانسان ماداانيه .. اكرهه ..

 

 

 

الزين : شلون تكره وانت ماتعرفه ..

 

 

 

ناصر : ماعرفه ؟ اناا اعرفه ازيد من ماعرف رووحي .. هااي كاان رفيجي ..

 

 

 

الزين : وبعدين شصار ؟

 

 

 

ناصر : يوم سافر .. صارت مشاكل وايد وجذي .. وبس قام يكرهني .. انا اعتذرتله عن اللي سويته وهو مارضى يقبل الاعتذار ..

 

 

 

الزين : اهاا .. عشاان جذيي اشووفك من دش وانت تطالعه مادري شلون ..

 

 

 

ناصر : خله يوولي المغااازلجي .. من بنيه لي بنيه .. مايعطل ..

 

 

 

الزين : مع انه شكله مايوحي ..

 

 

 

ناصر عصب : اووف شنو شكله ماايوحي ؟ انتي جفتي شلون كان يطالعج ؟ الحمار .. اي وانتي اصلا شنو تقولين شكله مايوحي .. عاجبج ؟

 

 

 

الزين : انت شفييك مينوووون ؟

 

 

 

ناصر : لا تيييبين طااري هالانساااان ..

 

 

 

الزين : اووف انزين ..

 

 

 

ناصر : خلينا نتكلم عناا ..

 

 

 

الزين : عن شنو يعني ؟

 

 

 

 

 

 

بوعبدالعزيز : يعني معزم عالسفر ؟

 

 

 

عبدالعزيز : اي يبه ..

 

 

 

بوعبدالعزيز : يبه خلك في ديرتك وسط اهلك .. لا تروح ديرة الغرب ..

 

 

 

نوره تصيح : عزووز لا تروووح .. اناا ماصدقت انك رجعت ترد ترووح ؟

 

 

 

عبدالعزيز : لا تصيحين .. اناا بيكم بين فتره والثانيه ..

 

 

 

نوره : شلون يطااوعك قلبك ..

 

 

 

عبدالعزيز : لازم اروح .. حياتي كلها هنااك ..

 

 

 

بوعبدالعزيز : الله يهدااك ياولدي .. الله يهدااك ..

 

 

 

عبدالعزيز : يلا تامرون على شي ؟

 

 

 

بوعبدالعزيز : سلاامتك .. تووصل بالسلامه انشالله ..

 

 

 

نوره : اي ابيك تقعد ..

 

 

 

عبدالعزيز : هاي الشي اللي ماقدر اسوويه .. يلا نواارتي .. تحملي بنفسج وحطي بالج على دراستج والسالفه اللي خبري خبرج .. مابيها تتكرر .. ترا والله ان درريت بتروحين فيها ..

 

 

 

نوره : انزيين ..

 

 

 

عبدالعزيز : يلا .. امنتكم الله ..

 

 

 

نوره : تحمل في رووحك واايد ..

 

 

 

عبدالعزيز ابتسم : انشالله ..

 

 

 

 

 

 

 

 

 

الزين : عن شنو يعني ؟

 

 

 

ناصر : عن مستقبلنا .. انتي الحين ماتدرسين في الجامعه .. مو احسن من بدال قعدتج .. ايي اتقدم لج ..

 

 

 

الزين : يــه .. شفيك انت .. انا السنه اليايه بقدم ..

 

 

 

ناصر :يلا عااد زيوون .. اناا ابي اتقدم لج بس ابي الموافقه منج .. عشان اروح اكلم محمد ..

 

 

 

الزين : انت صااحي .. ابوي للحين ماكمل سنه من توفى ..

 

 

 

ناصر : بس كلاام .. اناا مابي نتزوج الا بعد فتره ..

 

 

 

الزين : امم ماادري ..

 

 

 

ناصر : قولي اوكي ..

 

 

 

الزين : امم ..

 

 

 

ناصر : قولي ..

 

 

 

الزين : اوكي ..

 

 

 

 

 

 

 

 

 

عايشه : انزين مرايم اناا الحين بروح علي محااضر .. اشوفج على خير جريب انشالله ..

 

 

 

مريم : ماشبعت منج ؟

 

 

 

عايشه : والله انا بعد .. سوالفج ماتنمل .. بس خبرج .. الهندسه مو سهل .. تعب .. لازم اروح ارااجع ..

 

 

 

مريم : انزين نطري ابي اسئلج عن الزين .. من زماان مادريت عنها بشي .. ازيد من شهر الحين ..

 

 

 

عايشه : مسكينه حالتها حاله .. خبرج اهي ماتبي الا الطب ومعدلها مايسمح يعطونها بعثه وبس قعدت في البيت .. تقول السنه اليايه بتدرس ..

 

 

 

مريم : اوويه علييه رفيجتي .. لازم اكلمها ..

 

 

 

عايشه : اي اهي وايد تسئل عنج .. وشايله بقلبها عليج .. اتصلي فيها او روحي لها ..

 

 

 

مريم : انشالله ..

 

 

 

 

 

 

 

 

 

بعد كم يوم ..

 

 

 

ناصر وبوناصر وراشد : السلام عليكم ..

 

 

 

محمد وفهد : وعليكم السلاام ..

 

 

 

بوناصر : شلونكم ؟

 

 

 

محمد : والله تمام الحمدلله ..

 

 

 

فهد : بخير ..

 

 

 

بعد فتره من الصمت ..

 

 

 

بوناصر : والله مادري شلون افتح الموضوع .. خصوصا وان الغالي مامرت سنه على وفاته .. بس ناصر الح علي ايي واكلمكم .. واخطب الزين له .. قبل لا يتقدم احد قبله وبعدين مانقدر نسوي شي ..

 

 

 

محمد وهو معصب: عمي .. اناا آسفـ .. بس الزين مستحيل تااخذ نااصر ..

 

 

 

بوناصر : وشلي يمنع ؟ شاللي تقوله يامحمد .. ولدي شنو قاصره .. يوم قلتها في المستشفى قلت يمكن معصب ومتنرفز منه فقلت له جذي .. بس الحين ترد تقوله وقت الصج ..

 

 

 

محمد : عميي اسئل ولدك اهو ادرى بنفسه واخلاقه .. ماله داعي احرجه ..

 

 

 

ناصر : محمد .. الشي انتهى ماله داعي ترد تعيده ..

 

 

 

محمد : انتهى بالنسبه لك .. بس بالنسبه لي مانتهى .. وانا مارضى اخلي اختي تتزوج واحد ..

 

 

 

بوناصر : واحد شنو ؟

 

 

 

راشد وفهد مبطلين عينهم .. مايدرون شسالفه !! ولا فاهمين شي من اللي ينقال !!

 

 

 

محمد : ماله داعي اكمل .. خله ولدك يفهمك ..

 

 

 

بوناصر : ناصر شنوو تحجى ؟

 

 

 

ناصر مو عارف شنو يقول ..

 

 

 

بونااصر : تكلم ..

 

 

 

ناصر : ولا شي يبه .. سلامتك .. يلا عن اذنك .. " خذ السياره وطلع "

 

 

 

 

 

 

الزين تحاول تسمع ..

 

 

 

دانه : اتووووييين ؟ " شتسووين "

 

 

 

الزين نقزت : حسبي الله على ابليسج .. روحي روحي .. ابي اسمع

 

 

 

دانه طلت وصرخت : حموود .. زييون تبي تسمع ..

 

 

 

محمد بطل عيونه وهو معصب .. وراح عند الزين :ليش واقفه هني ؟ شتسووين ؟

 

 

 

الزين ارتبكت : ولا شي ..

 

 

 

محمد : شكله عندج خبر باللي يصير .. ليكوون ؟

 

 

 

الزين بارتبااك : شلي يصير ؟شفيك محمد ؟

 

 

 

محمد وهو يشد على اسنانه : روحي غرفتج .. وودي اختج وياج ..

[*شيوخـة*]

تسلميييييييين حبيبتي ..

[أسيرة الورد]

ما قصرررررررررررتي فديييييييتج

نتريااااااج

لا تتاخرين

ويتنق

[evil cat]

تسلمين حبيبتي

والبارت وايد حلوو

وناطرين البارت الياي