بقلمي >( مشااآوير الزمن )<

[ذالتهم عيووني]

 

الزين تتصل في نااصر ,,

ناصر مضايق ومايشيل .. بس مع الحاح من الزين شاله ..

الزين : الو

ناصر بضيق : هلا ..

الزين : شفييك ؟ صار شي خلاك تتضايق ؟

ناصر : اخوج مو راضي يعطيني اياج ..

الزين : ليش ؟

ناصر : عشان سبب ..

الزين : اي سبب ..

ناصر وهو يتنهد : ماضيي ..

الزين : ماضيك ؟

ناصر :اي .. ماضيي

الزين : مافهمت ..

ناصر : ولا اناا اقدر افهمج .. وماعرف شلون اقولج .. لان مردج بتعرفين ..

الزين على اعصابهه : ناصر شسالفه ؟

ناصر: انا يالزين .. على ايام مراهقتي كنت ..

الزين : كنت شنو ؟

ناصر ساكت ..

الزين تصرخ : كنت شنو ؟

ناصر : كنت اشم .. وو .. سوالف صبيان ..

الزين منصدمه : نعم ؟

ناصر : اللي سمعتيه ؟

الزين : لا تتغشمر .. مو وقت طنازة وغشمرة ..

ناصر : بالله عليج هاي شي يتغشمرون فيه ؟

الزين رقعت التلفون ناصر ..

 

بوناصر مو قاادر يصدق اللي سمعه ..

راشد : محمد شهالكلام اللي تقوله ؟

محمد : اللي سمعته ..

فهد : معقوله ناصر جذي ؟

بوناصر :لا يامحمد .. انا ولدي مايتصرف جذي .. ناصر حتى زقاير مايشرب .. تقولي حشيش ومادري وشو ..

محمد : آسف عمي .. ماكاان ودي اقولك .. بس لي متى الكلام بينخش .. لازم تعرفوون .. عرفت ليش الحين ياعمي ماقدر اخليه ياخذ اختي ..

بوناصر حاس الدنيا تدور فيه .. مو قادر يصدق ان ولده يطلع جذي .. وشلون مالاحظ ابوه ّ!!

راشد : يبه شفيك ؟

بوناصر : راشد قوم نرد البيت ..

محمد : عمي آسف والله .. ماكان ودي اقولك .. بس انت اللي اصريت ..

بوناصر طلع مع راشد بدون لا يتكلمون ..

 

الزين منهارة مو عارفة شتسووي .. معقولة اللي سمعته .. ولد عمها .. الانسان اللي تحبه .. يطلع جذي ... شلون ؟ وليش ؟ مليون سؤال يه في بال الزين .. ومو عارفه شسوي .. تمت قاعده في حالة ذهول وصدمه .. مو قادره تستوعب اللي يصير .. تلفونها يمها يرن .. اهي ولا بمنتبهه ..

فجأه .. صوت طق باب ..

الزين : من ؟

ام محمد : بطلي الباب .. ابي اكلمج ..

الزين فتحت الباب ..

ام محمد : دريتي باللي صار ؟

الزين بارتباك : شصار ..

ام محمد : عمج كان يايي يخطبج لناصر ..

الزين : انزيين ؟

ام محمد : محمد مارضى لان اخلاقه مو عدله ..

الزين والدموع متيمعه في عيونها : زين سوه ..

ام محمد : ليش تصيحين ؟

الزين : ولا شي ..

ام محمد شكت في تصرفات بنتها : انتي بينج وبين ناصر شي ؟

الزين بارتباك : شي مثل شنو ؟

ام محمد : مادري .. انتي قوليلي ..

الزين : لا ولاشي ..

ام محمد : يابنتي تكلمي .. ماعودتيني تخشين عني شي ..

الزين : اخاف اقولج وتهاوشيني ؟

 

 

 

 

بوناصر يصرخ : ناصر .. ناصر ..

ناصر طلع من غرفته : نعم ؟

بوناصر : شهالكلام اللي سمعته ؟

ناصر ساكت ..

بوناصر : كلش ماتوقعت انه تجي منك هالاشياا .. حشيش .. وصبيان ..

راشد :يبه هدي .. واسمعه ..

بوناصر : شنو اسمع .. شلي باقي اسمعه ازيد من جذي ..

ناصر : يبه هالشي من زمان .. اوووووف مت وانا افهم الناس .. ليش ماتفهمون ..

بوناصر يصرخ ويصطر ناصر : وتصارخ بعد يالكلب .. صج اني ماعرفت اربيك ..

ناصر : يبه انت عرفت تربيني .. بس انا اللي ماقدر اتم على ماربيتني عليه .. يلا مع السلامه

بوناصر : وين بترروح بعد ؟

ناصر وهو طالع: جهنم ..

بوناصر : لا حول الله .. راشد قوم الحق هالمينون .. لا يروح حق الخمه اللي مرافجهم ..

راشد يلحق اخوه : ناصر .. ناصر ..

ناصر ركب السياره ومشاها بسرعه ..

راشد دخل داخل البيت عشان ياخذ المفاتيح ..

تلفونه يرن .. مريم كانت تتصل ..

راشد :الوو ..

مريم : هلا والله ..

راشد : مريم بعدين بكلمج .. انا مشغول ..

مريم عصبت : شنو مشغوول .. انت تنشغل عني ..

راشد : لا حول ولا قوة الا بالله .. انتي سمعي السالفه بعدين تحجي ..

مريم : انزين تفضل .. قول السالفه ..

راشد : انا الحين مستعيل بروح اجوف اخوي وين راح .. بعدين بكلمج ..

 

 

ام الزين :قولي واذا غلط لازم بزفج ..

الزين : يمه الصراحه .. الصراحه .. انا احب ناصر .. بس مادريت انه جذي .. " وقعدت تصيح "

ام الزين احتارت شتسوي .. تأنب بنتها على اللي سوته .. ولا تخفف من عليها ..

الزين : قوليلي يمه .. ليش جذي يصير فيني .. كلشي اتمناه مايصير .. كلشي احبه يروح مني ..

ام الزين على الرغم من انها معصبه على الزين بس حظنتها : بس يمه .. لا تصيحين .. عسا ان تكرهوا شيئا وهو خيرا لكم ..

الزين : تعبت يايمه من هالدنيا تعبت ..

 

ناصر يدور في الشارع .. ومو عارف وين يروح .. كاره الدنيا باللي فيها .. مستغرب من النااس ..

ويكلم نفسه : ليش الناس جذي .. الله يغفر للانسان اذا خطا وتاب .. حتى لو الواحد شنو مسوي .. والناس مايسامحون .. ليش " يطق السكان بالقوه " لييش ؟ اناا مابي اعيش في هالدنيا السودة اللي كلها حقد وكراهية .. " يدوس عالبترول بقوه " .. انشالله تنقلب فيني السياره وامووت ..

وطرش للزين مسج ..

“" دنيا غريبه والبشر مثلها أغراب

لوهي صفت لك ما صفوا لك بشرها ..

انا بخلي لج الدنيا باللي فيهاا .. وبفكج مني .. وبجوفين ان مافي احد حبج كثري .. "

 

الزين استلمت المسج .. والتلفون كان محطوط عالسايلنت .. الزين قامت من حظن امها .. وراحت الحمام افتحت المسج .. بطلت عيونها : شفيه ذي ؟ .. اتصلت فيه بسرعه ..

ناصر وصوته حالته حاله : الوو ..

الزين : ناصر شقصدك بالمسج ..

ناصر : اللي فهمتيه .. اناا طالع من هالدنياا .. مابي اعيش .. " ويدوس بترول ازيد "

الزين سمعت صوت المأشر اللي يبين انه يمشي فوق 120 : نصوووور .. يوووز .. مش عدل ..

ناصر : ماابي ..

الزين : نااصر واللي يرحم والديك .. لا تسوي جي فيني ..

ناصر : يزعم تهتمين فيني ..

الزين : ناصر والله احبك .. خف شووي ..

ناصر : شالفايه تحبيني .. ومابتكونين لي ..

الزين : انا بكلم محمد .. خف عااد ..

التلفووون انقطع ..

الزين : بيي .. شصاير .. " تمت تتصل التلفون مغلق " !!

 

مريم تتصل مره ثانيه في راشد ..

راشد : ها

مريم : شنو ها .. من مسااعه انطرك .. وينك انت ؟

راشد : ادوور على ذي .. مادري ويين رااح .. لا حول ولا قووة الا بالله ..

مريم : من ؟

راشد : ناصر اخووي ..

مريم : اخوك اسمه ناصر ..

راشد : اووف هاي سالفه الحين .. انزين يبه يلا بصكه بجوف الاخ وين راح .. لا يسوي شي هاي بروحه مينون ..

مريم : ليش شصاير ؟

راشد : راح يخطب بنت عمي اللي يحبها ومحمد اخوها ماواافق .. المهم حبيبتي بعدين اقولج كلشي .. لازم اصكه .. باي

مريم " مسكيين اخووه .. اماا يصير لناا جذي .. ابوي او اخوي ماايرضوون .. هاي اخوها شفيه .. ليش يرفضه .. مسكين ناصر .. ويت .. ناصر " بطلت عيونها " وولد عمه اسمه محمد !! ليكون هاي الزيين ؟! "

 

 

[evil cat]

تسلمين حبيبتي ع البارت

 

بيي ماتوقعت ناصر جي وانشالله بس ماصار له شي والله يهداه محمد عشان شي صار وخلص مايوافق

 

يلا ناطرين البارت الياي عشان نعرف شنو بيصير

وبليز لاتاخرين فديتج

[أسيرة الورد]

مشكووووووووورة الغلا على البااارت الروووووووووعة

اتريا البااارت الياااااي

لا تتاخرين

^_*

[ذالتهم عيووني]

الزين تتصل في نااصر ,,

ناصر مضايق ومايشيل .. بس مع الحاح من الزين شاله ..

الزين : الو

ناصر بضيق : هلا ..

الزين : شفييك ؟ صار شي خلاك تتضايق ؟

ناصر : اخوج مو راضي يعطيني اياج ..

الزين : ليش ؟

ناصر : عشان سبب ..

الزين : اي سبب ..

ناصر وهو يتنهد : ماضيي ..

الزين : ماضيك ؟

ناصر :اي .. ماضيي

الزين : مافهمت ..

ناصر : ولا اناا اقدر افهمج .. وماعرف شلون اقولج .. لان مردج بتعرفين ..

الزين على اعصابهه : ناصر شسالفه ؟

ناصر: انا يالزين .. على ايام مراهقتي كنت ..

الزين : كنت شنو ؟

ناصر ساكت ..

الزين تصرخ : كنت شنو ؟

ناصر : كنت اشم .. وو .. سوالف صبيان ..

الزين منصدمه : نعم ؟

ناصر : اللي سمعتيه ؟

الزين : لا تتغشمر .. مو وقت طنازة وغشمرة ..

ناصر : بالله عليج هاي شي يتغشمرون فيه ؟

الزين رقعت التلفون ناصر ..

 

بوناصر مو قاادر يصدق اللي سمعه ..

راشد : محمد شهالكلام اللي تقوله ؟

محمد : اللي سمعته ..

فهد : معقوله ناصر جذي ؟

بوناصر :لا يامحمد .. انا ولدي مايتصرف جذي .. ناصر حتى زقاير مايشرب .. تقولي حشيش ومادري وشو ..

محمد : آسف عمي .. ماكاان ودي اقولك .. بس لي متى الكلام بينخش .. لازم تعرفوون .. عرفت ليش الحين ياعمي ماقدر اخليه ياخذ اختي ..

بوناصر حاس الدنيا تدور فيه .. مو قادر يصدق ان ولده يطلع جذي .. وشلون مالاحظ ابوه ّ!!

راشد : يبه شفيك ؟

بوناصر : راشد قوم نرد البيت ..

محمد : عمي آسف والله .. ماكان ودي اقولك .. بس انت اللي اصريت ..

بوناصر طلع مع راشد بدون لا يتكلمون ..

 

الزين منهارة مو عارفة شتسووي .. معقولة اللي سمعته .. ولد عمها .. الانسان اللي تحبه .. يطلع جذي ... شلون ؟ وليش ؟ مليون سؤال يه في بال الزين .. ومو عارفه شسوي .. تمت قاعده في حالة ذهول وصدمه .. مو قادره تستوعب اللي يصير .. تلفونها يمها يرن .. اهي ولا بمنتبهه ..

فجأه .. صوت طق باب ..

الزين : من ؟

ام محمد : بطلي الباب .. ابي اكلمج ..

الزين فتحت الباب ..

ام محمد : دريتي باللي صار ؟

الزين بارتباك : شصار ..

ام محمد : عمج كان يايي يخطبج لناصر ..

الزين : انزيين ؟

ام محمد : محمد مارضى لان اخلاقه مو عدله ..

الزين والدموع متيمعه في عيونها : زين سوه ..

ام محمد : ليش تصيحين ؟

الزين : ولا شي ..

ام محمد شكت في تصرفات بنتها : انتي بينج وبين ناصر شي ؟

الزين بارتباك : شي مثل شنو ؟

ام محمد : مادري .. انتي قوليلي ..

الزين : لا ولاشي ..

ام محمد : يابنتي تكلمي .. ماعودتيني تخشين عني شي ..

الزين : اخاف اقولج وتهاوشيني ؟

 

 

 

 

بوناصر يصرخ : ناصر .. ناصر ..

ناصر طلع من غرفته : نعم ؟

بوناصر : شهالكلام اللي سمعته ؟

ناصر ساكت ..

بوناصر : كلش ماتوقعت انه تجي منك هالاشياا .. حشيش .. وصبيان ..

راشد :يبه هدي .. واسمعه ..

بوناصر : شنو اسمع .. شلي باقي اسمعه ازيد من جذي ..

ناصر : يبه هالشي من زمان .. اوووووف مت وانا افهم الناس .. ليش ماتفهمون ..

بوناصر يصرخ ويصطر ناصر : وتصارخ بعد يالكلب .. صج اني ماعرفت اربيك ..

ناصر : يبه انت عرفت تربيني .. بس انا اللي ماقدر اتم على ماربيتني عليه .. يلا مع السلامه

بوناصر : وين بترروح بعد ؟

ناصر وهو طالع: جهنم ..

بوناصر : لا حول الله .. راشد قوم الحق هالمينون .. لا يروح حق الخمه اللي مرافجهم ..

راشد يلحق اخوه : ناصر .. ناصر ..

ناصر ركب السياره ومشاها بسرعه ..

راشد دخل داخل البيت عشان ياخذ المفاتيح ..

تلفونه يرن .. مريم كانت تتصل ..

راشد :الوو ..

مريم : هلا والله ..

راشد : مريم بعدين بكلمج .. انا مشغول ..

مريم عصبت : شنو مشغوول .. انت تنشغل عني ..

راشد : لا حول ولا قوة الا بالله .. انتي سمعي السالفه بعدين تحجي ..

مريم : انزين تفضل .. قول السالفه ..

راشد : انا الحين مستعيل بروح اجوف اخوي وين راح .. بعدين بكلمج ..

 

 

ام الزين :قولي واذا غلط لازم بزفج ..

الزين : يمه الصراحه .. الصراحه .. انا احب ناصر .. بس مادريت انه جذي .. " وقعدت تصيح "

ام الزين احتارت شتسوي .. تأنب بنتها على اللي سوته .. ولا تخفف من عليها ..

الزين : قوليلي يمه .. ليش جذي يصير فيني .. كلشي اتمناه مايصير .. كلشي احبه يروح مني ..

ام الزين على الرغم من انها معصبه على الزين بس حظنتها : بس يمه .. لا تصيحين .. عسا ان تكرهوا شيئا وهو خيرا لكم ..

الزين : تعبت يايمه من هالدنيا تعبت ..

 

ناصر يدور في الشارع .. ومو عارف وين يروح .. كاره الدنيا باللي فيها .. مستغرب من النااس ..

ويكلم نفسه : ليش الناس جذي .. الله يغفر للانسان اذا خطا وتاب .. حتى لو الواحد شنو مسوي .. والناس مايسامحون .. ليش " يطق السكان بالقوه " لييش ؟ اناا مابي اعيش في هالدنيا السودة اللي كلها حقد وكراهية .. " يدوس عالبترول بقوه " .. انشالله تنقلب فيني السياره وامووت ..

وطرش للزين مسج ..

“" دنيا غريبه والبشر مثلها أغراب

لوهي صفت لك ما صفوا لك بشرها ..

انا بخلي لج الدنيا باللي فيهاا .. وبفكج مني .. وبجوفين ان مافي احد حبج كثري .. "

 

الزين استلمت المسج .. والتلفون كان محطوط عالسايلنت .. الزين قامت من حظن امها .. وراحت الحمام افتحت المسج .. بطلت عيونها : شفيه ذي ؟ .. اتصلت فيه بسرعه ..

ناصر وصوته حالته حاله : الوو ..

الزين : ناصر شقصدك بالمسج ..

ناصر : اللي فهمتيه .. اناا طالع من هالدنياا .. مابي اعيش .. " ويدوس بترول ازيد "

الزين سمعت صوت المأشر اللي يبين انه يمشي فوق 120 : نصوووور .. يوووز .. مش عدل ..

ناصر : ماابي ..

الزين : نااصر واللي يرحم والديك .. لا تسوي جي فيني ..

ناصر : يزعم تهتمين فيني ..

الزين : ناصر والله احبك .. خف شووي ..

ناصر : شالفايه تحبيني .. ومابتكونين لي ..

الزين : انا بكلم محمد .. خف عااد ..

التلفووون انقطع ..

الزين : بيي .. شصاير .. " تمت تتصل التلفون مغلق " !!

 

مريم تتصل مره ثانيه في راشد ..

راشد : ها

مريم : شنو ها .. من مسااعه انطرك .. وينك انت ؟

راشد : ادوور على ذي .. مادري ويين رااح .. لا حول ولا قووة الا بالله ..

مريم : من ؟

راشد : ناصر اخووي ..

مريم : اخوك اسمه ناصر ..

راشد : اووف هاي سالفه الحين .. انزين يبه يلا بصكه بجوف الاخ وين راح .. لا يسوي شي هاي بروحه مينون ..

مريم : ليش شصاير ؟

راشد : راح يخطب بنت عمي اللي يحبها ومحمد اخوها ماواافق .. المهم حبيبتي بعدين اقولج كلشي .. لازم اصكه .. باي

مريم " مسكيين اخووه .. اماا يصير لناا جذي .. ابوي او اخوي ماايرضوون .. هاي اخوها شفيه .. ليش يرفضه .. مسكين ناصر .. ويت .. ناصر " بطلت عيونها " وولد عمه اسمه محمد !! ليكون هاي الزيين ؟! "

 

 

عبدالعزيز وصل المطاار وخلص الاجراءات .. وكان طول الوقت سرحان .. يفكر في حياته .. ابد مو راضي عنهاا .. حس روحه مايبي يرد لندن .. من له هنااك .. سوزان ؟ اهو يدري انه مايحبها بس يقص على روحه وعليهاا بس عشاان ينسى الانسانه اللي حبها وانحرم منها بسبب الحركة اللي سواها ناصر فيه .. ووسط ماكان يفكر سمع صوت قطع حبل افكاره ..

وضحى : عزووووز .. تعاال .. ياولد ..

عبدالعزيز "هاي الصوت مألووف ..وين سامعه انا ؟ "

وضحى : عبدالعزيز تعال ..

عبدالعزيز الصغير : لا ما أبي .. ما أبي ..

وضحى : تعاال لا اناديلك ابووك .

الولد يضحك وهو يركض وتعثر ومسك بنطلون عبدالعزيز ..

عبدالعزيز شاله وهو يبتسم .. ملامح هالطفل تذكره في احد .. مايدري من ..

الولد الصغير يصييح ..

عبدالعزيز وهو يبتسم : اسمله عليك حبيبي .. وين ماما وبابا ؟

الولد عض عبدالعزيز .. عبدالعزيز قعد يضحك ..

وضحى يات مسرعه وخذت الطفل .. وقالت لعبدالعزيز بدون لا تشوفه : مسامحه اخوي

عبدالعزيز بتسامه سرعان ماختفت يوم ادرك ان اللي قدامه حبه الأول اللي انحرم منه ! : العفـ .. وو .. وضووح

وضحى " محد يقولي جذي الا .. " رفعت راسها .. وبطلت عيونهاا على الاخر : عبدالعزيييز !!

عبدالعزيز : هاي ولدج ؟

وضحى : ايه .. اسمه عبدالعزيز .. عليكـ ..

عبدالعزيز بحزن : المفروض ابوه يكون اسمه عبدالعزيز .. الله يسامح اللي كان السبب .. المهم انتي شلونج عساج مستانسه ويا زوجج ؟

عبدالعزيز الصغير يصييح :ابي ابووي ..

وضحى وهي تسكت عبدالعزيز الصغير : الحمدلله على كل حال .. وانت شلونك ويا خطيبتك ؟

عبدالعزيز ناسي سوزان : خطيبتي ؟

وضحى : اي خطيبتك اللبنانيه ..

عبدالعزيز تذكر : اي .. زينه الحمدلله ..

وضحى : تحبها ؟

عبدالعزيز : تحبينه ؟

وضحى : زوجي بعد لازم احبه .. بس انت بروحك تدري ان مو كثر ما " قبل لا تخلص كلامها "

زوج وضحى : وينج صارلي سنه ناطرنج ؟

عبدالعزيز مبطل عيونه .. يطالع زوج وضحه " معقووله فضلت ذي علي ؟ اللي استغفر الله لا فيه لا جمال ولا رجوله .. ريال هلون شكله .. قصير .. قبيح .. شلي خلاها تاخذه ؟"

وضحى : هاذي عبدالعزيز .. رفيج اخوي في الجامعه .. عزوز ركض عنده .. وكنت رايحه اخذه ..

زوج وضحى مد يده : تشرفنا ..

عبدالعزيز منقهر ورد عليه بدون لا يمد يده له : الشرف لي ..

وضحى وزوجها مسكوا يد بعض ..

زوج وضحى وهو يبتسم : انا الحينه بسير .. التاكسي ينتظر بره .. نشوفك على خير

.. الشي اللي خله عبدالعزيز يحترق من دااخله وهو يفكر في طريقه يبرد فيه الحره اللي فيه.. " المفرووض اناا مكاانه .. مو ذي السبال .. الحقير .. مايستاهلهاا .. كله منك يانااصر .. والله لاوريكـ .. نفس ماحرمتني من اللي احبها .. لاحرمك من اللي تحبهاا "

 

بينما عبدالعزيز يخطط عشان ينتقم من ناصر .. ناصر كان في سيارة الاسعاف .. يصررخ من الألم اللي مجتاح جميع اجزاء جسمه .. وخصوصاً ظهره ورقبته .. الحاادث كان واايد القوي .. ولكن سبحاان الله .. مع ان سبب الحاادث كان نااصر .. الا ان الصبي اللي دعم سيارته اهو اللي توفى .. واخت الصبي وناصر ماصادهم الا اصااباات بسيطه في جسمهم .. ولكن غير الاصابه اللي بالجسم ..

اول ماوصل ناصر الى غرفة الطوارئ سئله واحد من الموظفين : في احد تبينه نتصل فيه ؟

ناصر وهو يتألم : احد ؟ شلون يعني ؟

الموظف : اهلك ؟

ناصر تذكر اهله ووزاد آلمه .. وصرخ من قلب .. صرخته ماكانت صرخة الم جسدي .. صرخة قهر وحزن وألم من

الموظف خاف : فيك شي ؟

ناصر : لا .. لا .. مافيني شي ..

الموظف : انزين تبينا نتصل لك في احد من اهلك او اصدقائك ؟

 

 

راشد يتصل على ناصر .. ناصر تلفونه مغلق ! .. راشد خااف .. وسيده قال لابوه .. وبعدين راح خذ ابوه من البيت وقاموا يدورون علييه ..

راشد : يبه لا يكوون سوى في نفسه شي ؟

بوناصر : لا بعيد الشر .. لااا ناصر مو من هالنوع ..

راشد بحقد : هاي كله من محمد ..

بوناصر : ومحمد شله دخل .. اهو اللي قال لاخوك سوا بلاويك .. ولا طقه على ايده وقاله لازم تسوي هالاشيا ..

راشد : انزين والحين احنا شبنسوي ؟

بوناصر : يمكن سوى حادث ولا شي ..

راشد : لاا يبه لا تفول .. اتصل فيه محمد .. يمكن ناصر راح له ..

بوناصر : لاا .. ماعتقد ..

تلفون راشد يرن ..

راشد : الووو ..

الموظف : معاك مستشفى السلمانية ؟

راشد طاح قلبه : السلماانيه ؟

الموظف : الشيخ .. اخوك ناصر خالد.. قالي اخبرك انه هني ..

راشد : لييش اهو فيه شي ؟

الموظف : مسوي حاادث .. بس اصابته بسيطه نوعا ماً ..

راشد : اوكي مشكوور .. وصك التلفون ..

بونااصر : اخووك شفييه ؟

راشد : ناصر في السلمانيه .. مسوي حاادث !!

 

 

الزين على اعصاابهاا .. ومو عارفه شسووي .. ماتقدر تقول لامهاا انه متصل فيهاا .. لان شي طبيعي بتعصب زود ماهي معصبه ..

تلفونهاا رن .. مريم كاانت تتصل .. الزين استغربت .. " مريم تتصل ؟ من وين طالعه الشمس "

الزين ردت بترحيب على الرغم من القلق اللي فيها : هلا والله ..

مريم : هلاا فييييج يالحلووه .. شلوونج ؟

الزين : ماشي الحال .. وحشتيني يالكريهه

مريم : وانتي اكثرر والله ..

الزين بحزن : فدييتج ..

مريم : زيوونتي .. شفيج حيااتي .. صوتج مأسااه ..

الزين : نااصر متهااوش ويا محمد اخوي .. واتصله من مساعه تلفونه مصكوك .. خايفه يكون صار فيه شي ..

مريم تأكدت من اللي كان في بالها .. واللي كاانت متصله عشاانه .. " ياربي .. اناا احب اخوو ساروووووه !! "

الزين : مريم وينج ؟

مريم بتردد : اناا اقدر اطلع لج وين اهوو ..

الزين : صجججججج ؟ شلوون ؟

مريم : لأن .. اناا احب راشد ولد عمج !

 

 

 

 

 

[أسيرة الورد]

تسلمييييييييينـ على الباااااااااااارتـ

ولو نصهـ معيوود

بسـ يلا نطوفها لجـ

خخـ

نتريا الباارتـ اليايـ حبوبة

بيبايـ

[evil cat]

ثااانكس قلبي ع البارت

وايد حلوو وناطرين البارت الياي

لاتاخرين فديتج

[ذالتهم عيووني]

بعد كم شهر ..

 

ألفـ الصلاة والسلام عليك ياحبيب الله محمد .. كلللوش .. اغنية الزفة مالت راشدالماجد تشتغل النسوان تيب .. والكل مستانس .. الا الزين وناصر .. حتى عبدالعزيز اللي المفترض انه ماخذ الزين بس عشان يشفي الغليل اللي ذاخره في قلبه من ناصر .. ويحرمه من اللي يحبها .. بالضبط مثل ماسوى فيه وحرمه من حبيبته يوم راح وخرب على عبدالعزيز وقال لاخو وضحى ان عبدالعزيز كله ويا بنات ومو محترم .. وسمعته وسمعة اهله في البحرين مو زينه .. كان مستانس !! " ..

 

الزين واقفه وهي ترتجف من الخوف وميته من الصياح .. عبدالعزيز واقف ومستغرب من صياح الزين اللي مو عارف سببه.. ام الزين تهديها .. على بالها ان بنتها تصيح لانها بتفارقهم .. وكذالك كان ظن الجميع ..

 

ام الزين لاحظت استغراب عبدالعزيز وقالتله : لا تستغرب .. ترا اليوم مو سهل بالنسبه لها .. وكل هالصياح لانها خايفه من انها بتفارقني فديتها ..

 

عبدالعزيز ابتسم وهو حاس ان سبب دموعها شي ثاني .. يمكن سببه انها للحين تحب ناصر .؟

 

الزين تصيح وترتجف .. ومافادت محاولات امها لتهدئتها .. لانه محد يدرى عن سبب صياحها والالم اللي بقلبها غير مريم وعايشه اللي من عقب حادث ناصر اللي سواه ناصر ردوا ويا بعض نفس ايام المدرسه .. واكثر .. كانوا واقفين يضبطون دخول الزين ويا عبدالعزيز الى القاعه

 

مريم تهمس لعايشه : اناا ابي افهم .. دام انها ماتبيه ليش وافقت وخذته ؟

 

عايشه : عمرها ماكانت بتاخذ ناصر .. ودراستها ماكانت بتقدر تكملها لان وضع اهلها مابيتعدل الا بعد فتره لين ماتستقر اوضاع شغلهم .. ولا تنسين بعد ان عبدالعزيز ولد رفيج ابوها اللي ساعد محمد في ان وضع شركتهم يتعدل .. بدون لا ياخذ مقابل .. شلون محمد كان بيقوله لا .

 

مريم : مسكينه رفيجتي ..

 

عايشه : انزين .. الحين خله البنوتات الصغار يدخلون .. بعدهم سيده دانه تدخل .. ويا هاي اللي يصير حق عزيز .. ووراهم الزين وعبدالعزيز ..

 

ام الزين : يلا بسرعه الاغنيه تشتغل ..

 

عايشه : يلا بنات دشوا ..

 

" البنات الصغار دشوا وكل وحده فيهم شايله شمعه .. ولابسين فستان بنفسجي فاتح وشايلين شمووع .. "

 

مريم تعدل ثياب الدانه .. وقريب عبدالعزيز .. " كانوا يشبهون العروس والمعرس .. ولابسين مثلهم "

 

عايشه : يلاا الحين انتو دخلوا ..

 

عبدالعزيز مسك أيد الزين وهو يبتسم ابتسامه عريضه .. ماكان سببها انه قاعد ينتقم من ناصر.. لكن كان سببها احساسه بأنه اخيراً سوه شي زين في حياته يوم انه قرر يتزوج وحده من ديرته .. وعلى دينه .. بدال المسيحيه المفتله اللي كان بياخذها .. فالزين حتى لو انها كانت تحب ناصر قبل لا تتزوج منه .. اهي بنيه خلوقه ومأدبه ومافوقها فوق .. والكل يمدح في اخلاقها وتصرفاتها .. عبدالعزيز كان منعجب في الزين من اول ماشافها قبل لا يدري انها تحب ناصر .. وأول مادرى ماكان ناوي يأذيهم حتى لو انه كان منقهر يوم شاف ناصر وياها في الغرفه .. لسبب ماكان يعرفه .. يمكن كان حب من اول نظره .. او .. او ..

 

الزين وعبدالعزيز دخلوا والدموع ماتوقفت عن التساقط .. طوال الوقت .. وكانت باينه للجميع .. والكل كان معتقد ان سببها الفرح او الخجل !

 

عبدالعزيز وهو يمشي يم الزين وهو يسمع صوت حاس بضيقتها .. والألم اللي فيها .. الشي اللي خلاه يشفق عليها .. وخذ عهد على نفسه ينسى سالفة الانتقام .. والسبب الاساسي اللي كان متزوج الزين عشانه .. ويفتح في حياته صفحه يديده .. مافيها مشاكل ويا الانسانه اللي تزوجها .. فهي مالها ذنب يدخلها في شي مالها دخل فيه ..

 

اخيراً .. عبدالعزيز والزين وصلوا الكوشه ... ووقت ماالزين يات بتركب فوق عالكوشه كانت بتتعثر بسبب فستانها .. لكن عبدالعزيز يودها .. واول مايودها دزته بالعدال .. عبدالعزيز تأكدت من اللي كان حاسه .. الزين صج متضايقه منه ..ودموعها سببها زواجه منها وهالشي ضايقه واايد . . ويوم ماقعدوا عالكرسي اللي بالكوشه .. شال الطرحه من على ويهه .. ولقى عيونهه حمره .. ومليانه بالدموع .. وكانت على الرغم من الحزن اللي مبين فيها .. في غاية الجمال .. الشي اللي خله عبدالعزيز يحس بالعديد من المشاعر المتناقضه .. الاعجاب .. والفرح .. والحزن والشفقه عليها .

 

وقالها بحنيه : متضايقه مني ؟

 

الزين تمسح دموعها : لاا ..

 

عبدالعزيز وهو يبتسم : فديتج .. لا تبجين .. ترا تقطعين قلبي ..

 

الزين بصوت بالكاد ينسمع ومن غيرنفس .: انشالله ..

 

عبدالعزيز : يلا قومي خلنا نصور .. لا يتحجون الناس يقولون انه غاصبينج علي ..

 

الزين تذكرت انها اهي اللي وافقت .. اهي بنفسهاا .. اهي اللي ساقت روحها الى هالطريج .. ورضت تاخذه وردت تصيح ..

 

عبدالعزيز حس روحه قال شي غلط بس ماعرف شنو اللي قاله .. " ليكون بيتهم غاصبيينها " : بس يالغاليه مو قصدي شي .. لا تصيحين عاد ..

 

الزين قامت ويا عبدالعزيز .. يصورون ويستقبلون التهنئه من اهلهم .. وطول الوقت الزين كانت ماسكه دموعها وتبتسم ابتسامه مصطنعه تحااول تخفي عن طريقها كل اللي فيها ..

 

ام الزين : الف مبروك يابنتي .. الف مبروك ..

 

الزين : الله يبارك فيج ..

 

ام الزين : الف مبروك ياولدي ..

 

عبدالعزيز : الله يبارك فيج عمتي ..

 

نوره يايه تركض .. وكل النسوان يطالعونها باستغراب .. وعبدالعزيز يضحك عليها ..

 

عبدالعزيز : عقلي .. مره شكبرج .. وتراكضين ؟

 

نوره : عرس اخوي كيفي ...

 

الزين سرحت .. وعيونها ردت امتلت بالدموع .

 

نوره : هيي .. بيي عزوز .. مرتك تصيح في عرسها .. شمسوي لها ..

 

عبدالعزيز يود يد الزين وباسها .. : مافيها شي مرتي .. بس تعباانه شوي ومستحيه مني .. " التفت عالزين " عدل ؟

 

الزين تهز راسها بالايجاب ..

 

نوره : بووو .. ياولد .. شهالروومنسيه .. شي زوجة اخووي .. من قدج ..

 

الزين تضايقت ازيد .. وكانت تحاول تبعد يد عبدالعزيز لكن اهو ميود يدها بالقوه ..

 

عايشه : ترا شكله حليوو .. شوفي شلون يحااول يخفف عن الزين ..

 

مريم : راشد يقول انه واايد شيطاان .. وراعي بناات ..

 

عايشه : عالاقل راعي بنات .. ولا راعي صبيان .. عدل ..

 

مريم : بس بعد يعني .. ناصر تغير .. ليش جذي .. مسكين حالته حاله .. تدرين راشد يقولي ان ناصر من درى ان الزين بتتزوج كله قاعد في الحجره ولا يطلع ..

 

عايشه : اهو اللي سوى في نفسه جذي .. الا صج وين اخت ناصر ؟

 

مريم : مايات .. شفيج فاقده الذاكره ؟ من يوم الحادث وبوناصر وعياله زعلانين على محمد ..

 

عايشه : يــــه .. شفيهم ذلين ..

 

مريم : هيي .. حدج ترا ولدهم حبيبي ..

 

عايشه : حبتج القراده ..

 

مريم : هههههه .. انزين قومي نسلم على زيون ..

 

 

 

نااصر يدوور في الحجره .. مو عارف شيسوي .. مليوون الف شي يدور في راسه .. مو قادر يصدق اللي سمعه .. حاس روحه في كابوس .. معقوله بنت عمه وحبيبته بتتزوج احد غيره ؟ لا ومن بعد ؟ عدوه اللدود.." ليش اهو خذ الزين بالذاات .. شلي في راسه .. ليكون يبي ينتقم مني عن طريجهه .. آآخ ياربي شاسووي " فجأه يات في باله فكره .. " ليش ما اخذها من عنده بالغصب .. يخسي يقعد وياها في مكان واحد .. اذبحه واذبحها .. ولا اجوفهم ويا بعض .. " ناصر خذ السياره بسرعه .. وراح عند الفندق اللي مسوين فيه الحفله .. وتم ناطر عند الباب .. لي حد مايا الوقت اللي تطلع فيه الزين وعبدالعزيز ويركبون السياره ..

 

 

 

عبدالعزيز مو عارف شيسوي حق الزين .. حاس انه وايد مضايقهه .. وانه يمكن تكون مغصوبه عليه ! .. واكبر دليل الدموع الهمايل اللي مافارقت عينها طول اليوم .. وكان طوال الوقت يحاول انه ينسيها الحزن اللي اهي فيه .. وبدا يخطط بالفعل يوفي بالعهد اللي خذاه على انه مقرر ونسى سالفة الانتقام .. لانه الزين مالها دخل .. في اللي صار بينه وبين ناصر .. طول الوقت كان ميود يدها .. ويدلعها .. ويوم ياو بيركبون السياره بطل لها الباب .. وقال لها : تفضلي يالقمر . .

 

الزين ابتسمت .. بس بعد الدموع كانت تنزل من عيوونها ..

 

عبدالعزيز : ياحلات الابتسامه على ويهج .. صايره قمر ماشالله عليج ..

 

الزين : شكرا ..

 

وراح ركب السياره .. توه بيمشي .. الا بوعبدالعزيز .. ومحمد .. وفهد .. ياين ..

 

عبدالعزيز : الغاليه .. مسحي دموعج .. اكا اخوانج ويا ابوي ياين .. لتخلينهم يحسون انج متضايقه مني ..

 

فهد يه عند دريشة الزين : حي الله العروس والمعرس ..

 

عبدالعزيز : هههههه .. الله يحييك ..

 

محمد : بوسعوود .. هالله هالله في اختي .. تحمل فيها ..

 

عبدالعزيز : ماله داعي هالكلام .. تبي توصيني على زوجتي ؟

 

فهد : زيووون .. تحملي في روحج .. واذا سوالج اي شي .. قوليلي بايي اكفخه ..

 

عبدالعزيز : ها يالنسيب .. اجوفك تسوس مرتي علي ..

 

الزين تبتسم ..

 

بوعبدالعزيز : تحملوا في روحكم ياعيالي .. وهاكم .. هاي هديه بسيطه مني .. " عطى عبدالعزيز صندوق صغير "

 

عبدالعزيزبطل الصندوق ولقى داخله ورقة مكتوب عليها عنونا ومفتاح .. : مفتاح شنو ذي ؟

 

بوعبدالعزيز : هاي مفتااح بيتكم

 

عبدالعزيز باستغراب : بيتنا .؟؟

 

بوعبدالعزيز : هاي مزرعه انا شاريهاا .. وفي داخلها بيت من قبل فتره .. ويوم قتلي انك نويت تخطب بنت الغالي الله يرحمه .. يبت عمال مخصوص من اندونسيا ومن المغرب .. عشان ينحتون .. ويسون الديكورات اللي فيه .. انشالله يعجبكـ .. ولو انك تستاهل ازيد من جذي ..

 

عبدالعزيز نزل من السياره .. و باس راس ابوه : ماتقصر يالغالي .. والله .. يعطيك العافيه ..

 

محمد : والعروس .. يبيلها سياره .. " طلع مفتاح سياره اكورد " ..

 

الزين : ليش كلفت على روحك ياخوي .. انت بروحك ..

 

محمد ماخلاها تكمل : انتي اختي .. وادري اني وايد قصرت عليج من بعد وفاة الوالد .. بس وذي هديه مني لج .. ولا تحتجين ولا ترفضين ..

 

عبدالعزيز : محمد .. شنو ذي .. تيب حق مرتي سياره .. من اللي بيخليها تسوق اصلا..

 

الزين بطلت عيونها .. " شناااوي علي ذي "

 

عبدالعزيز ضحك يوم جاف ردة فعل الزين : سيده بطلت العيون .. اتغشمر يايبه ..

 

الكل قعد يضحك .. عدا الزين ..

 

محمد : يلا عيل مانعطلكم ..

 

 

 

 

 

ناصر يراقب الوضع من بعيد .. ينتظر بوعبدالعزيز وعيال عمه يروحون .. عشان يروح يسترجع حبيبته بالقوه من عند عبدالعزيز .. وأول ماشاآآف انهم راحوا .. رطض بسرعه يبي يلحق عالسياره قبل لا تمشي .. بس عبدالعزيز مشى قبل لا يلحق ناصر .. ناصر راح بسرعه ركب سيارته ولحقهم ..

 

 

 

في سيارة عبدالعزيز :

 

عبدالعزيز يحاول يلطف الجو : سمعي هاي الاغنيه لج .. " وحط اغنية ياحسين هل عندك خبر اني انا شفت القمر " ..

 

الزين ماقدرت تتحمل .. وانفجرت بالصياح ..

 

عبدالعزيز وقف السياره على جنب وصك المسجل ..

 

عبدالعزيز : شفيج تصيحين ؟ خايفه مني ؟ ولا مستحيه ؟ ولا شنو بالضبط ؟

 

الزين : انا ابي اعرف ليش تزوجتني ؟

 

عبدالعزيز مايقدر يقولها شنو السبب اللي كان متزوجها عشانه .. فقالها : لانج عاجبتني من يوم ماشفتج في المستشفى .. تتذكرين ؟

 

الزين : انزين انت تدري ان انا كنت احب نا " قبل لا تخلص الكلام "

 

عبدالعزيز : لا تلخصين الكلام .. لان اذا تذكرت بتنرفز .. خلينا جذي .. ونطري بنتناقش في هالموضوع اذا وصلنا البيت ..

 

الزين سكتت ..

 

عبدالعزيز لاحظ سياره وقفت ورى سيارته : هاي شفيه ذي ؟ من مساعه ورانا ؟

 

الزين ماتحركت ..

 

ناصر نزل من السياره

 

عبدالعزيز درى ان ذي ناصر .. ونزل من السياره ..

 

وتواجهوا والشرار بدا يتطاير بين عيون الاثنين ..

 

عبدالعزيز بعصبيه : خييييير ؟ شعندك لحقني انا وزوجتي " نسى الوعد اللي اوعده على نفسه وتعمد يقول زوجتي عشان يقهر ناصر " .

 

ناصر طلع سجين : موووو زووجتك..

 

عبدالعزيز باستهزاء وعدم مبالاه : روح قول هالكلام حق اللي كتب عقد الزواج ..

 

ناصر : انتـ لييييش تزوجتها ؟ ليييش ؟ لهدرجه للحين شايل في قلبكـ على سالفة وضحى .. والا تبي تفرق بيني وبين حبيبتي ..

 

عبدالعزيز رفس ناصر .. وطيح السجين من يده وقاله : تخسيي حبيبتك .. احترم نفسك .. مارضى تتكلم عن عرضي بهالطريقة

 

الزين نزلت من السياره وهو تصيح وتقول :بسكم هوواش ..

 

ناصر قام من عالارض وهو يأشر على الزين ويقول : جوف مرتك ؟ تصييح تبيني وما تبيك .. الزين قومي امشي وياي ..

 

عبدالعزيز عصب من قلب : يالكلب .. تقول لها جذي جداااااااااامي ..

 

ناصر : اهي تبيني .. شلي قلته لها .. ماقلت لحبيبتي شي غلط ..

 

عبدالعزيز يود ناصر من شعره رقع راسه في السياره بقوه .. وبعدين رفسه : اناا اوريك يالحقير .. حبيبتك هاا ؟ انا برويك شبسوي في حبيبتك ..

 

ناصر صرخ من الالم ..

 

الزين تطالع عبدالعزيز بخوف ..

 

عبدالعزيز والشر باين في عينه : دشي داخل السياره ..

 

الزين دخلت وناصر توه كان بيلحقهم .. لكن من الالم اللي صاد راسه مو قادر يقوم من مكااانه . .

 

 

 

 

 

راشد : يبه .. ناصر مادري وين راح ..

 

بوناصر : لا حول ولا قوة الا بالله .. اكيد راح لها المينون .. روح لحقه لا يسوي لنا مشاكل اكثر مع بيت عمك .. كفاية ان من يوم الحادث واحنا مانكلمهم ..

 

راشد اتصل في ناصر يسئله وين اهو .. ناصر قاله في وين .. وراشد راح يابه ..

 

راشد : شلي مسوي فيك جذي ؟

 

ناصر : عبدالعزيز ..

 

راشد : عبدالعزيز يطلع من راسك الدم ..

 

ناصر بصوت بالكاد ينسمع : رقع راسي في السياره ..

 

راشد : قووم خله اوديك المستشفى ..

 

 

 

 

 

محمد كان ينطر هنوف اخته تطلع يبي يقولها شي تقوله لامه .. وهو واقف عند باب الفندق .. طلعت عايشه .. ويوم شافها .. استخف !! " هاي عايشه رفيجة زيوون معقوووله !! "

 

محمد : عايشه ..

 

عايشه افترت تدور من يناديها .. مالقت احد تعرفه ومشت ..

 

محمد لحقها لي عند سيارتها : عايشه ..

 

عايشه افترت واهي معصبه :اووووف .. من ..

 

محمد : انا محمد .. اخو الزين ..

 

عايشه صار ويهه الوان من الفشيله ..

 

محمد ابتسم لها : شلونج ؟

 

عايشه : بخير .. خير اخوي فيه شي ؟

 

محمد : امم .. عندي موضوع ابي اكلمج فيه ..

 

عايشه : عسا ماشر .. الزين صارلها شي ؟

 

محمد : لا لا .. الموضوع ماله علاقه بالزين ..

 

عايشه : عيل ..

 

محمد : ماينفع نتكلم جذي .. ممكن " بتردد " اذا ماعليج امر اخذ رقم تلفونج ..

 

عايشه استحت ومو عرفت شتقول ..

 

محمد : امم اوكي .. اسف على

 

عايشه : 39#####

 

محمد : دقيقه بسيفه ..

[أسيرة الورد]

حلااااااااا

بااااااااااااااارت رووووووووووووووووووووووووعة

تسلميييين فدييييييييييييييييييتج

ما قصرررررررتي

و اتريا البااارت اليااااااااااااااي

سي يو

 

[الجسمي17]

تسلمين اختي على القصة و يعطيج العافية

[ذالتهم عيووني]

عبدالعزيز وصل المزرعه .. وبطل الباب .. المزرعه كانت شي مايتصدق .. اشبه بمحميه صغيره ! فيها غزلان .. وعدد من الاحصنه .. وخرفان .. وفي نهايتها كان في بيت .. عبدالعزيز وقف سيارته عن البيت .. ونزل من السياره ودش البيت بدون لا يعطي الزين أي اهتمام ..

الزين في البدايه تمت في السياره مو عارفه شلون تتصرف .. بعدين ملت .. ودخلت البيت .. يوم مادخلت البيت كانتـ واايد متفاجئه من اللي جدامها .. فالمزرعه على الرغم من روعتها ماتيي شي بالنسبه لداخل البيت .. حمام سباحه في البدايه .. ويحيط فيه احجار طبيعيه يخلي اللي يشوفه يعتقد انه بحيره صغيره .. اما بنيان البيت فكان متنوع من كل الحضارات .. سقف البيت مثل سقف البيوت التقليديه للصين .. والطوفه عباره عن احجار منحوته يدوياً .. اما داخل البيت فكان الديكور حديث وعصري .. بس هم كانت فيه لمسات قديمه .. خصوصاً الغرفه اللي دخلتها .. اللي المفترض تكون غرفتها اهي وعبدالعزيز .. كانت عباره عن الغرفه التقليديه للعرسان في البحرين لول ..

عبدالعزيز يناادي الزين : تعاالي شووي ..

الزين راحت عند عبدالعزيز وهي ترتجف من الخوف منه ..

عبدالعزيز : قعدي ابي اكلمج ..

الزين : نننعم ..

عبدالعزيز وهو يهز ريله بالقوه .. وماسك اعصابه : انا ماغصبتج انج تقبلين فيني .. ولا خليت اخوج يغصبج علي .. انا تقدمتلج وانتي اللي وافقتي .. ماله داعي اطالعج تصيحين .. وتتحسرين .. تتمنين تكونين ويا الوصخ الكلب .. وايلي يقولي مرتك تبيني انا ماتبيك .. مو تبيني ماغصبج .. الباب يوسع جمل .. بس مالي دخل في اللي راح يصير اذا قررتي تنفصلين عني " وضحك ضحكة الاستفزازية المعتاده " ..

الزين : تهددني ؟

عبدالعزيز : انا صريح ومو من النوع اللي يلف ويدور .. انا اليوم كنت معاهد نفسي ان اخليج اسعد انسانه في هالكون طال ما انتي وياي .. بس تطلعين متفقه ويا الكلب ايي ياخذج .. لا يبه .. انا آسف .." واصل وهو يضحك " انا مو بناتي .. اخلي مرتي تسوي اللي تبيه ..

الزين انصدمت .. ووقفت ساكته .. قاعده تنهان وتتهدد على يد عبدالعزيز .. ومو عارفه شلون تتصرف ..

عبدالعزيز كان في داخله ندمان عاللي قاله للزين .. خصوصا انه كان ماخذ عهد على نفسه ينسى اللي صار .. بس اللي سواه ناصر خلاه يلغي كل مخطط يديد حطه في باله .. ويرجع حق خططه القبليه ..

الزين :عبدالعزيز اناا ..

عبدالعزيز ماخلاها تكمل كلامها وصرخ : بلا عبدالعزيز بلا غيره .. تفضلي ذلفي روحي الغرفه اللي كنتي واقفه عندهاا .. وقعدي من وقت باجر الغدى بيت ابوي .. وبعدين بنسافر ..

 

عايشه توها بتنام الا تلفونها يرن .. " شكله هاي محمد !! "

عايشه بارتباك:الوو ..

محمد حاس روحه في عالم ثاني .. طاير من الفرحه .. بس مو عارف شلون يكلم عايشه .. لان على الرغم من انه شاب وفي العشرين الا انه ماقط كلم بنت ..

عايشه : ألوو .

محمد : هلاا .. من معاي ؟

عايشه " هاي جنه صوت محمد .. بس شفيه يسئل من انا .. يستهبل ؟ " : نعم ؟

محمد : اي عايشه .. شلونج ؟

عايشه : بخير الحمدلله .. وانت شلونك ؟

محمد : امم اوكي .. اخبار الدراسه وياج ؟

عايشه : الحمدلله ..

محمد : اسف عالربكه اللي صارت بينج وبين ابوج ذاك اليوم بسببي .

عايشه "هاي للحين يذكر ؟" : لا والله .. انا اللي اسفه .. سويتلك مشاكل وانت مالك دخل فيها ..

في هالاثناء الزين كانت تتصل في عايشه من تلفون البيت ..

عايشه : انزين .. بكلمك بعد شوي ..

وشالت الخط الثاني ..

الزين : ألووو ..

 

 

 

نوره خذ لها فتره من ماردت البيت .. وحدهاا تعباانه .. توها بتبدل ثيابها

الا صوت احد يطق على دريشة نوره ..

نوره خاافت : يممممه لا يكون حراامي !! " راحت عند الدريشه ويودت عصا على اساس انها بطق الحرامي .. بطلت الدريشه وتوها بتتحرك الاا عبدالرحمن يسويلها " وووووه "

نوره خافت .. عبدالرحمن ماات من الضحك عليهاا ..

نوره : شلي يايبك ؟

عبدالرحمن : بتخليني معلق عالشيجره جني سبال ؟ عالاقل عزمي ادش ؟

نوره : استح على ويهك ..

عبدالرحمن : والله مو قادر بطييح على الارض ..

نوره : انزين دش ..

عبدالرحمن دش وقال : احسن شي ابوج سواه ان ماحط سيفتي على دريشة حجرتج ..

نوره : حمانو سخيف .. شفيك يبه ينيت ؟

عبدالرحمن : مادري قلت بافاجئج صارلي جم يوم ماحاجيتج ..

نوره : انزين تفضل حضرتكـ انزل .. قبل لا ايي ابوي ولا احد من الخدم يشوفك ..

عبدالرحمن : الله والخدم .. خراطه ولا يدرون بالدنيا ..

نوره : انزين انزل ..

عبدالرحمن وهو نازل : احبج ..

نوره تضحك : انا بعد يا روميوو زماانك ..

 

 

الزين تصيح ..

عايشه : زيووووون ؟ احد يصيح في يوم عرسه ؟

الزين : اناا .. اناا .. اصيح واندب حظي الردي ..

عايشه : انتي اللي سويتي في روحج جذي .. مو انتي اللي رضيتي تاخذينه ..

الزين تصيح ..

عايشه : بسج صيااح .. واللي يرحم والديج .. وين ضحكتج قبل ؟ صارلج سنه الحين الدمعه ماتفارق عينج ..

الزين : قوليلي شسوي اذا الدنيا صايره ضدي ..

عايشه : ليش شصار الحين بعد ؟

في هالوقت عبدالعزيز شال التلفون اللي في الصاله .. يبي يجوف اذا خط التلفون شغال ولا لاء .. عشان يجوفي شلي مو جاهز في البيت ويعدله .. الا سمع الزين تتكلم ..

الزين وهو تصيح : متزوجه انسان مو طبيعي .. يمشي ويصارخ .. يستانس لين يجوفج تصيحين .. ماعنده شعوور .. ولا احساس ..

عايشه : صلي على النبي .. اهو وينه الحين ؟

الزين : في حجره الثانيه نايم .. مادري الصاله .. انتي ماتدرين .. ناصر لحقنا بالسياره وتهاوش معاه..

عايشه : يمه .. وانتي شسويتي ؟ وشصار فيج يوم جفتي ناصر ؟

الزين : كان ودي ارووح ويااه .. واهد هالانسان المختل .. تدرين في العرس طول الوقت يواسيني ويعاملني زين .. وبعد السالفه يصارخ ويتهاوش .. اكرهه هالكلب ..

عبدالعزيز عصب من قلب واهو يسمع الزين .. ورقع التلفون بالقووه ..