كاتبة Posted سبتمبر 12, 2008 Report Share Posted سبتمبر 12, 2008 ما يتسع لي الوقت اني اتابع المسلسل .. ياريت من اللي يتابع المسلسل يخبرني شنو القصة يمكن يدخل مزاجي و اتابعه .. يعني الاحداث شنو ؟ و الشخصيات .. يعني كل عايلة و افرادها حق افهم .. و شنهي اهم القضايا اللي تناولتها وداد .. و هل القصة مشابهة للمسلسلات القبلية و الا فيها اختلاف يعني اي شي عندكم على القصة كتبوه .. لان نعم و لا العام الماضي له جماهير كثير .. فمدري اذا المستوى هذا هو و الا لا .. Quote Link to comment Share on other sites More sharing options...
أسير الذكريات Posted سبتمبر 12, 2008 Report Share Posted سبتمبر 12, 2008 هذا هوو مستوى وداد وقضايا المسلسل 1- الحب الاول ما ينسي 2- زواج بالاكراه واخرته 3- عقوق الوالدين وو وايد قضايا في هالمسلسل القصة و القضايا الي مركز عليها المسلسل مو مكرره جديده على الكاتبة القديرة وداد و اهم الشخصيات بوجاسم : الجد , الجد القاسي الدكتاتوري الي يبي يمشي العالم على كيفه \ياسمين "الحفيدة" , حفيدة بو جاسم , البنت المكسورة الضعيفة خارجياً لكنها من الداخل قوية و تحملت اشد الالام عشان ولدها \اهيا "صديقة ياسمين" , االبنت الي تكبر ياسمين بعدة سنوات تتزوج من ولد عم صديقتها ياسين عشان لا يفوتها قطار الزواج و تعيش معاه في حياة قاسية ولا هي عاجبتها الحياة لانها تعتقد ان فلوس زوجها فلوس حرام , وتتحمل بس عشان بنتها الي ما تحترم امها و عشان ما تتطلق , على رغم حياتها الا انها تستطيع ان تحقق الي تبيه وهوو مواصلة دراستها والعمل رغم الظروف \مهنا "اخ هيا" , العاشق الولهان يحب ياسمين , وعشان ياسمين يتاخر بالزواج بس عشانها وعنده امل بالزواج منها مهما طال الزمن ولا قصر \ طلال "زوج هيا" , الزوج الظالم ينهب حلال اخوه "عبدالله. زوج ياسمين" بحجة النماء والزيادة و هوو عم الوريث اكيد راح يداري الحلال احسن من غيره , و يتزوج في بداية المسلسل من هيا الي تكبره بسنوات و يعيش معاها وهوو ظالمها \ ام طالب "صديقة ياسمين" , الصدر الحنون الي توقف مع ياسمين في اشد ازماتها و في حياتها و تساعدها في تخطى ازماتها \ حسن "صديق طلال" , الصديق الصدوق الي يرضى بفلوس حرام بس عشان لقمة عيشه , تتحول شخصية بعد وفاة صديقه "علي" امام عينيه بعد ما حلفوو زور في المحكمة , واعتبر من الي صار لصديقه \ بو طالب " صديق مهنا" , كبير بالسن لكنه يصادق مهنا و يساعده في حل مشاكله ويوقف معاه ضد "الجد بو جاسم" \ جاسم "ابن ياسمين" , ولد ياسمين يعيش معاها ومع الجد في بيت اشتراه "مهنا" لهم بفلوسه, كان يعتبر "مهنا" بمثابة الاخ الكبير لكن يتغير عليه بعد ان عرف ان "مهنا" جاء يخطب امه "ياسمين" للمره الثانية , في صغره يتعرض لحادث فقد عينه وتبرعت له امه "ياسمين" ^^ هاي الي اتذكره حالياً ونصيحة , تابعي المسلسل لانه ابدااااااااع ابداااااع واحداثه مشووقه و حلوووة وان شاء الله قدرت افيدج Quote Link to comment Share on other sites More sharing options...
أسير الذكريات Posted سبتمبر 12, 2008 Report Share Posted سبتمبر 12, 2008 (edited) والقصة ..! القصة : ياسمين تعيش قصة حب جميلة مع مهنا , لكن الجد يرفض هالحب ويزوجها عبدالله غصباً عنها و تعيش معاه حياة وما تحس بالحب لكنها تحاول تسعده و تسعد ابنها , من جانب ثاني , تتزوج هيا من طلال بس عشان ما يفوتها قطار الزواج و تعيش معاه حياة يخليها تندم على قرار زواجها لكنها ما تقدر تطلب الطلاق عشان بنتها العاقة و عشان ما تتطلق , يموت عبدالله في رحلة الي الدمام وكان معاه الجد بو جاسم و ابنه جاسم , الجد طلع سالم منها و الحفيد جاسم يحتاج لعيون فتتبرع له ياسمين بعيونها بس عشان يشوف الدنيا و تعيش ياسمين بعين وحده , في الديرة يسرق طلال اوراق اخوه عبدالله و ينهب حلال اخوه ويحرم ياسمين وولدها منه , و بعد ما تتبرع ياسمين لولدها بعينها يتغير عليها لان تغير شكلها وما تعود عليها , ياسمين تروح تشتغل بس عشان تعيل اهلها , و في المحكمة عشان يثبتون لمن الورث يحلفون "علي" و "حسن" زور على القران و يخرجون من المحكمة و يموت "علي" بحادث فور خروجه من المحكمة ويأثر عالمشهد على حياة "حسن" و يندم على الي سواه , يتقدم مهنا لخطبة ياسمين مره ثانية , هي محتاره عبالها ان درا عن الي صار لها بيغير رآيه لكن ما تدري لما سوت العملية كان هوو معاها على فكرة هاي الاحداث مو كاملة هااي الي اتذكره و بنشووف باقي الاحدااث مع الحلقاات Edited سبتمبر 12, 2008 by أسير الذكريات Quote Link to comment Share on other sites More sharing options...
فهد مندي Posted سبتمبر 12, 2008 Report Share Posted سبتمبر 12, 2008 انا انصحج اتابعين المسلسل لان القصة جدا حلوة وقوية ومشوقة وبرايي ان ظل الياسمين افضل من نعم ولا Quote Link to comment Share on other sites More sharing options...
شيوخ@محرق Posted سبتمبر 12, 2008 Report Share Posted سبتمبر 12, 2008 بصرااحه الاعضاااء ماا قصــروو كفوو ووفوو ... ف الشرح والمسلسل رووعــه ..وكل حلقة تشويق اكثر من الحلقة اللي قبلهااا.. تابعيه Quote Link to comment Share on other sites More sharing options...
كاتبة Posted سبتمبر 13, 2008 Author Report Share Posted سبتمبر 13, 2008 اسير الذكريات و الله كلك خير و مشكور و ماقصرت .. الاخ فهد مشكور على النصيحة ان شاء الله من متابعيه الاخت محرق مشكورة عيني و ان شاء الله نتابعه Quote Link to comment Share on other sites More sharing options...
ليل الليالي Posted سبتمبر 13, 2008 Report Share Posted سبتمبر 13, 2008 رووعه هالعمل والله انصحكم بالمتاااابعه مؤثر وقووووووووووووووي Quote Link to comment Share on other sites More sharing options...
عاشقة هيفاء حسين موووت Posted سبتمبر 14, 2008 Report Share Posted سبتمبر 14, 2008 والله حتى انا كان بودي اتابعه لان شكله حلوو وقصته حلوة وجديده بس والله العظيم مافي وقت لي اتابعه لكن بحاول اتابعه واذا ماصار برمضان بشوفه عقب رمضان لان اكيد عمل ظخم متل هذا اكيد راح تعيده اكتر من محطه ((جاسم ولد ياسمين لما يكبر راح يتزوج ويسافر عشان اهو كل متفشل من امه..وبتمر الايمام وبيجيب عيال وبتسافر ياسمين حقه بعدين بيقولها:خير شتبين شحقه جايه تبين تخوفين عيالي..الا تطلع وخاطرها منكسر وقبل ماتموت بترسل له رساله انها اهيا اللي عطته عينها وكذا)) شرايكم بنهايتي للمسلسل؟؟؟ بانتظار الاحداث Quote Link to comment Share on other sites More sharing options...
شيخة المنتدى Posted سبتمبر 14, 2008 Report Share Posted سبتمبر 14, 2008 اني ولا فهمت شنو قصه المسلسل ،، ووقته كلش غلط ،، Quote Link to comment Share on other sites More sharing options...
كاتبة Posted سبتمبر 15, 2008 Author Report Share Posted سبتمبر 15, 2008 اني تابعته حلقتين بس مدري اذا اللي تبرعت له بعينها يدري او لا اذا ما يدري و كان قاسي عليها هذي قصة مبيوقة ! مابي اسبق الظن السوء لاني ما اتابعه بس عندي استفسار هل عمليات العيون تسوت بالخليج؟ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.