ولائية Posted يناير 1, 2009 Report Share Posted يناير 1, 2009 ننتظر البارت !!!!!!!!! Quote Link to comment Share on other sites More sharing options...
وردة القمر Posted يناير 7, 2009 Report Share Posted يناير 7, 2009 موفقة حبيبتي .. وبانتظار جديدج البديع Quote Link to comment Share on other sites More sharing options...
السندس Posted يناير 23, 2009 Report Share Posted يناير 23, 2009 هلولو وشخباركم وحشتوني واخيرا خلصنا الامتحانات عقبال النتايج الحلوة وحشتينابنت الحداد ووحشتنا بارتاتش الحلوة طمنيني وش مسوية في الامـتحانات؟ والله يعطي الجميع الصحة والعافية Quote Link to comment Share on other sites More sharing options...
● MaRwA ● Posted يناير 27, 2009 Report Share Posted يناير 27, 2009 =p Quote Link to comment Share on other sites More sharing options...
● MaRwA ● Posted يناير 28, 2009 Report Share Posted يناير 28, 2009 نبي باارت =( Quote Link to comment Share on other sites More sharing options...
بنت الحداده Posted يناير 29, 2009 Author Report Share Posted يناير 29, 2009 السندس والله انتو وحشتووني اكثر ,, الحدلله يعني يمشي الحاال ,, طبعاً انا خلصت امتحانات ورا ارجع انزل لكم بارتات , والسموحة على التأخير ياجماعة ,, وأنشالله البارت اليوم او بالكثير باجر Quote Link to comment Share on other sites More sharing options...
أسيرة الورد Posted يناير 29, 2009 Report Share Posted يناير 29, 2009 بنتووووووووووووووووو وحشتينييييييييييييييييييييييييييييييييييييييييييييييي شخبارج و اخبار الامتحانات ان شاء الله تماااام؟؟ اترياااج فديتج بالتوفيق Quote Link to comment Share on other sites More sharing options...
حلوه اموره Posted يناير 29, 2009 Report Share Posted يناير 29, 2009 اووووووو وحشيني وااايد بنت الحداده فدييييييييييييتج بسرعه نبي بااارت ترى اشتقنه حق القصه حلوه اموره Quote Link to comment Share on other sites More sharing options...
بنت الحداده Posted يناير 30, 2009 Author Report Share Posted يناير 30, 2009 يا حظ عينك ,, تنام اليل مرتاااحة ,, ماكنها الي خذت ممساي من عيني ,, ماكنها الي خذت من قلبي الراحة ,, من يوم شفتك ,, نوت بالحيل تشكي لي ,, يا حظ عينك ,, تنام اليل مرتاحه!!,, علقت الآمال بنظرات مزاحه ,, طويلة الرمش ,, تبعدني وتدنيني ,, مرن تسلم ومرن حيل ذباحه ,, مرن تواعد ومرة تجافيني ,, علقت الآمال بنظرات مزاحه ,, طويلة الرمش ,, تبعدني وتدنيني ,, مرن تسلم ومرن حيل ذباحه ,, مرن تواعد ومرة تجافيني ,, يا حظ عينك ,, تنام اليل مرتاااحة ,, ماكنها الي خذت ممساي من عيني ,, ماكنها الي خذت من قلبي الراحة ,, من يوم شفتك ,, نوت بالحيل تشكي لي ,, يا حظ عينك ,, وشلون تسلم شجي النفس وافراحة وتعلقه بالأمل حينٍ ورا حيني عطر الموده ومن نظرات لماحة ,, شفت اسود الرمش ,, رغم الخوف يغريني وشلون تسلم شجي النفس وافراحة وتعلقه بالأمل حينٍ ورا حيني ,, عطر الموده ومن نظرات لماحة ,, شفت اسود الرمش ,, رغم الخوف يغريني يا حظ عينك ,, تنام اليل مرتاااحة ,, ماكنها الي خذت ممساي من عيني ,, ماكنها الي خذت من قلبي الراحة ,, من يوم شفتك ,, نوت بالحيل تشكي لي ,, يا حظ عينك ,, شيخه ,,,,, : ناااصر ناصر,,: هلا ,, شيخه ,,: ابي ارد البيت ,, ناصر ,,: ليش!! تونا يايين! شيخه ,,: راسي يدووور ,, ناصر ,,: تبين بندوول؟ شيخه ,,,, : عطني ناصر صيدلية تمشي ,, مخابيه كلها ادوية ,, طلع لها بندول,, ندى ,,: اشرايج انروح نفتر شوي شيخه ,,: أوكي ناصر,,: نطروني اكمل اكلي! ندى وهي تغمز له ,,: مب لااازم تيي معانه ناصر ,,: خييير! عشان فلان وعلان يتعلفون فيكم؟ شيخه ,,: ههههههه لا قوم معانا يا سبع البرمبه ندى ,,: ههههههههه فديته الجنتل ناصر اونه اغتر : احم خمس دقايق وخلص ناصر غداه ,, وقاموا يتمشون ,, شيخه على يمينه وندى على يساره وثنتيناتهم ميودينه ,, والناس اتطالعهم بستغراااب ,, شيخه , من اتشوف احد عاقد حواجبه من مضهرهم تفقها ضحك ,, شيخه ,,: ياويلي عليك يالخطير اشتبي بعد تمشي وجنبك قمرين ناصر ,,: هههههههههههه ندى ,,: امبيييه شيخوو شوفي البوووت شيخه شافت البوت !! ,, كان جلد طوله متوسط وفيه كعب عالي ,, لونه ماروني ,, شيخه ,,: الاااي ابي ندى ,,: أنا عيل باخذ نفس الشي بس لون ثاني ,, شيخه ,,: لا لا اشتري ذاك ,, عشان انتباادل شوي وتغيرت الأغنية المحطوطه بالمحل وحطوا اغنية عبد المجيد عبدالله حظ عينك ,, شيخه اول مره تسمعها ,, بس اعجبتها وايد لدرجة انها نست موضوع البوت وتمت اتركز بالكلمات ,, ماتدري ليش علي يا في بالها ,, ما كانت تسمع لعبد المجيد بس شكله بيصير مغينها المفضل ,, الأغنية مب بس احساس! ,, مب بس كلمات ,, مب بس لحن ,, الأغنية تاخذ سامعينها لعالم آآآآآخر تسلم حنجرتك يا عبد المجيد!! ندى ,اقطعت عليها سرحاانها ,,: اشرااايج في ذييي ناصر ,,: اقوولج ,, الأزرق لونه صاير وايد احلى ندى ,,: لا لا مب شي ,, شيخه ,,: ماادري آحس موديله قديم شوييي ,, شوفي ذااك بعد ما تناقشو وشيبوا راس ناصر اشتروا ,, شيخه ,,: فديته اخوي حبيبي نظر عيني والله ندى ,,: ايه عليه والله انه واحد بهل دنيا مافي مثله ناصر ,,: شوف المصالح شتسوي بخلق الله شيخه ,, : هههههههههههههههه نصووور تدري ان الأخو الي يدلل خواته مرته اتدللــه ناصر ,,: من وين يايبة هالحجي ,, شيخه ,,: اسمع اسمع ,, لازم اتعلم الأتكيت مع خواتك المصووناات عشان تعرف اتدلل الحريم لأنه مب شي سهل مثل ما انت عارف يعني ياخوي ,, عقب اذا المره شافت ريلها يدللها تقوم اتدللــه اهي ,, ولا شرايج ندوي؟ ندى ,,: صح الساااااانج ناصر,,: آه يالعيايره ,, جاهزين حق تصفف الحجي ندى ,,: فديت هالويه انا ناصر,,: اي اي صبغوا شيخه ,,: لا لا هلون مب اصللااح ,, خلاص انا وندى نشتري لك احلى بدله اسحبوه محل بدل رجالية ,, وقاموا ندى وشيخه يدورون مثل النحل بالمحل ,, كل شوي يطلعون شي وناصر مستغرب منهم !! ,, ندى ,,,: تعاال اشوف النكتاااي عليك ,, شيخه ,,: ندووي لا لا مب شي تعالي شوفي هاذي الخضر,, آخرشي ,, اختاروله بدله رسمية ,, بانطلون لونه عشبي مايل للأسود وجاكيت نفس اللون وقميص بيج ,, ونكتاي مخطط اخضر وبيج ,, وراوحوا له ,, ندى ,,: يلا خووي روح ادفع ناصر ,,: الحين ذابحين روحكم وبنشتر لك آخرتها أنا ادفع ,, شيخه ,,: شتبي بعد اخترنالك استشارة هذي بفلوس عاد احنا من طيب اصلنا يعني ما قلنا لك نبي فلوس ندى,: اي يعني مثل مافي استشاري امراض في استشاري ذوووووق ناصر ,,: اقول بسكم هذره خلوني ادفع ونرد البيت فلستوني ما تسوى علي مر يوم ,, عمار طالع بجمعة شباب الجامعة وكانت هيفاء معاهم عمار ,,: هههههههههههههه على خير انشالله راح صاحبه وتم اهوه وهيفاء وصاحبة هيفاء علياء من الجامعة ,, رن تلفون علياء ووراحت عشان ترد عليه عمار ,,: شلونج بعد هيفاء شمسوية هيفاء,,: بخير الحمدلله بس شوي هـيلة العرس مشتتني عمار,,: اوووه خلاص بتتزوجون؟ هيفاء ,,: اي الحمدلله عمار ,,: اييه ياريت ارفيجتج مثلج هيفاء,,: علياء؟ عمار ,,: لا شيماء هيفاء خافت ؟! ,,: ليش؟ عمار ,,: مادريتي شمسوية؟ هيفاء ,,: لاا!! عمار ,,: خاربة بيت الريال الله لا يسامحها هيفاء ,,: راحت لخطيبته عمار استغرب,,: وأنتي شدراج؟ هيفاء ,, تبلعمت ,,: ها؟؟ عمار ,,: شلون عرفتي انها راحت لخطيبته ,, هيفاء خذت نفس ,,: انا ادري بكل شي,, عمار!!!! ,,: وسكتي ؟؟ ليش ليش تخربون حياة الريال !!! هيفاء ,,: كانت مهددتني عمار ,,: شفيه مهددتج هيفاء ,,: بأنها تقول لهلي عن ثامر عمار!!!!!!, ,,, : صج انها انسانه قذرة هيفاء ,,: انزين انا الحين انخطبت ومافي شي اتهددني فيه ,, اسمحوا لي اساعد عمار ,,: شبتقدرين اتسوين هيفاء ,,: أنا الي صورت وادري بكل شي عمار ,,: وشاركتيها؟؟؟؟؟؟؟؟ هيفاء ,,: كلشي كان تحت الضغط عمار ,,: حتى لو !! هيفاء ,,: معليه اسمح لي اصلح غلطتي عمار ,,: شلون؟ هيفاء ,,: عطني عنوان خطيبته عمار ,,,,, : نطري بسأل لج هاني اتصل في هاني,, عمار ,,,: هلا هاني هاني بأرهاق ,,: هلا,, عمار ,,: شلونك هاني ,,: والله ماني بخير عمار ,,: خلاص صح صح مشكلتك انحلت هاني وقف!! ,,: شلون؟ عمار ,,: عطني عنوان ريم هاني ,,: انت بتروح؟ عمار ,,: لا هيفاء هاني ,,: هيفاء .. ؟ وهيفاء شتقدر اتسوي؟ عمار ,,: اهي تدري بكل شي وبتشرح لريم هاني ,,: صج ؟؟؟ بتروح لها ؟؟ اخاف ما ترضى اتشوفها عمار ,, : أنت عطني العنوان وان شاء الله خير هاني عطاه العنوان وسكر الخط وقعد على اعصابه يفكر هيفاء ,,: خلاص انا بروح لها باقرب وقت عمار,,: ان شاء الله تنحل المشكلة ,, هيفاء ,,: ان شاء الله في بيت بو ابراهيم ,, دخل البيت طربان ويغني ,, باس راس امه على السريع وصعد داره وتم يرتبها على غير عوايده ,, لين خلص وصارت ولا ارتب ,, قعد على كرسي الكمبيوتر وتم يلف على نفسه ويفكر ,,, يفكر ,, ويتذكر ,, ويبتسم ,,كان مستانس لسبب مجهول ,, فتح ايميله ,, طبعاً مافيه حد غير جمال وروبورت ,, شاف جمال مو اون صكه ,, خذ ورقة وقلم ,, وكتب السعادة ,, مصطلح بسيط ,, بلوغ ذروتـها ,, امر سهـل ,, صـعب الوصــول له في زمـن التعقيدات ,,, فـأنا الآن سعيد ,, ولا أعلم لمَ لكنني ,, فرح بذالك ,, فـلم اذق ما الذ من السعادة ,, فـهي كالعسـل تسقي الروح وتكسو القـلب ,, قلبي الفض ,, الذي لطالمـا كرهـت السعادة كسوته هي الآن تزورني ,, أود ان تبقـى ,,, كتـلك الأبتسامة ,, وتلك الملامح الجذابة ,, تجذب قلبي الصـغير كبرادة الحديد ,, ربــاه مالذي ينتابني ,, هل يعقل لقلب فض مغرور متغطرس ان يقع في حب متغطرسـة مغرورة عنيدة سليطة اللسان؟؟؟ أم ان ما اشعـر به انجذاب وسيزول؟ انا لا اعلم ,, حقاً انا في حيرةٍ من امري,, سكر دفتره ,, وراح عند خزانته وطلع الفسان من الجيس تم يضحك عليها وعلى نفسه ,, كانوا يتناقرون مثل اليهال ,, كان شيء ممتع بالنسباله طلعه من الروتين الي كان عايشه ,, تذكر يوم يتهاوش معاها بأرض المرح وشلون كان شكلها وأهي معصبة ,, كان شكلها مميز ,, وجميل ,, فقط جميل ,,, مايدري ليش يحس ان ورا طولة لسان هذي في قلب من ذهب خالص واحساس مرهف ورومانسية مفرطة ,,, دائماً هالنوعية من النـاس تحب تحتفظ بمكنونتها وتخفيها عن الناس عشان تنقي الناس وتختارهم بدقة ,, احتار علي بشيخه ,, وحاول يفسر شخصيتها لمرات ,, لكنـه كان يغلط نفسه كل ما يوصل لنتيجه ,, يدري ان لو فكر يطلب منها انهم يتعارفون على التلفون بيحصل رد ما يعجبه ,, هي فعلاً مو متحجبه لكنها محافظة بلبسها وبالناس الي تتعامل معاهم ,, وكيــف بي الدخــول لعالمــكِ يا انتِ!!!! مر اسبوع والحــال مثل ماهو , , عصرية هذا اليوم ,, وصلت هيفاء لباب البيت ودقته واهي خايفة من ردت فعل ريم ,, طلع لها رامي ,, هيفاء : السلام عليكم ,,! رامي : وعليكم السلام والرحمة ,, هيفاء ,,,: أممم ريم موجوده ,, رامي ,,: اي حياج ,, دخل رامي هيفاء الميلس ,, وراح ينادي اخته ,, رامي ,,: ريم ,, ريم كانت تدرس ,,: هلا,, رامي ,,: في وحده يايتج ريم ,,: من ؟ رامي ,,: مادري اول مره اشوفها ريم ,, : دخلتها؟ رامي ,,: اي تنطرج بالميلس,, ريم,, قامت اتشوفها .... افتحت الباب شافت ويه غريب وتذكرت شيماء وتضايقت ,, ريم ,,! ,,: اعرفج ؟ هيفاء ,,: انتي ما تعرفيني بس انا اعرفج ,, ريم ,,,: ؟ هيفاء ,,: اممم مادري شقولج بصراحة احسها وقاحة مني,, ريم ,,: ,,,! هيفاء ,,: شوفي اختي انا عندي موضوع صغير بقوله وباتسير ,, ريم ,,: تفضلي .. هيفاء ,,: في وحده ياتج هني وعندها صور مو؟؟ ريم تضايقت ,: عندج كلام بتزيدينه! هيفاء ,,: لا ,, شيماء كانت زميلة هاني بالجامعة ورفيجتي ,, كانت تحبه وتبيه بأي طريقة ,, ولمى عرفت انه بيتزوج ينت وطلبت مني اساعدها في اننا انخرب حياته وييوم رفصت هددتني بـأنهت بتفصحني ,, و اجبرتني على هالشي ,, ريم!!!!!!!!!,,,,,!! : انتي شتقولين؟ هيفاء ,,: سمعيني للأخير انا اتكلم في مصلحتج ,, فكرت بالصور وتغيير التواريخ ولمت هاني فجأة وخلتني اصور قبل ما يوخر عنها ,, وهذا الي صار ,, هاني ما كان راضي بأنها تلمه ولا عمره عشمها لا بخطوبة ولا بزواج بس اهي كانت مصرة على هالشي! ,. ريم,,,,,,,,,,,,,,, : انتي متأكده من الي اتقولينه؟ هيفاء ,,: اي نعم .,, ريم ,,: وشلي خلاج اتيين اتقولين لي من بعد ما سويتي هالشي ؟ هيفاء ,,: أنا حبيبي خطبني وما تم في شي اتهددني فيه وهاني اخوي عزيز وغالي علي ,,, ريم ,, ,,, هيفاء ,, : المهم انا الحين استأذنج ,, ريم قامت ,,: وين ما شربتي شي,,, هيفاء ,,:مشكورة وما قصرتي بس خطيبي ينطرني برع ,, وصلتها للباب دخلت البيت واهي مصدومة ,, يعني ظلمته! ,, دخلت الدار وطلعت تلفونها الي تكسر من عقب آخر مره اشدخته فيه ,, حاولت معاه واشتغل ,, ,,, وأول ما اشتغل ابتدت الرساييل اتييها رسالة ورا الثانية ,, افتحتهم كلهم من هاني يحاول يفهم اشفيها وليش مسكرة التلفون ,, ما غلط قلبي يوم حبك ,, فيـك الثقـة" حبيبي "ولا بعد اشـك فيك ,, يا ضي عيني وقلبي أنـا موت احبك ,, فكرت تتصل فيه بس شبتقول؟؟ ,, تركت التلفون على جنب يمكن يتصل فيها ,,!, حزتها ما بترد بألو ,, بترد بأحبك! خلال الأسبوع الي مر ,, تمت حفلة زواج دلال من عادل ,, وتحقق حلم عادل وصارت دلال مرته وحبيبته تسكن معاه في مكان واحد ,, دخل عادل الشقة وسكر الباب وراه وبيدينه كيك ,,, عادل ,,: دلال ,, حبيبتي ,, تعالي يايب لج الكيك الي تحبينه ,, طلعت دلال من الدار ,, واخذت الحلاوة وحطتها بالمطبخ ,, خلوني اوصف لكم شقة عادل ,, مطبخ ,, اجنبي مفتوح على الصالـة ورخامـة بوفيــة لونها بيج والأرضية وطقهم المطبخ لونهم بني غامج مايل للسواد يتخلله بعض البيج في الزوايا ,, والأضــاءة قـوية ,, صوبه طاولة صغييرة ناعمة لشخصين عليها صحنين وكوبين حمران ,, وفي النص وردة داخل مزهرية صغيرة ,, الصالة ,, جدار عليه ورق جدران منقوش بنقش راقي باللونين الماروني الغامج والبيج وعليه شاشة بلازما وصورة للعروسين ,,وطقم غنفات كلاسيكي لونه بيــج ,, اما ارضية الشقـة فهي حطـب و الأكسسوارات موزعـة بطريقة ناعمــة ,, غرفة النوم كلاسيكية وواسعــة ,, سرير نوم راقي وعليه فرش ارقى وحمام ,, حجمه متوسط ,, فيـه نظام الدوش الي على شكل غرفة " ماعرف اسمه" و السيراميك بالونين الأبيض والبحري ,, وغرفة الأطفال عادل ما خلى لعبة ما شراها ومن الحين سرير وكرسي وكبت وكلشي أثث غرفة الياهل وكأنه وصل ,, عادل خاطرة ببنية غير كل الرياييل ,, عشان جذي صبغ الدار وردي وشرى العاب بنــات ,, طبعاً كلشي كان من ذوق عادل وتنسيقة ,, حتى امه ما خلاها تختار شي كلشي كان بأخياره ,, عادل ,, : آمري بعد شخاطرج فيه عيوني لج أنه ,, دلال بملل ,, : مابي شي ,, عادل ,,: اشفيج؟ دلال ,,: شوف عادي قول لأمك تكف أذاها عني ترا مالي بارضها,, عادل ,,: اشصاار؟ دلال ,: مصرة تدخل لنا غداها تخيل! عادل ,,: وأشفيها جان خذتيه عاد هاذي امي! دلال,, : أمي يايبة لنا غدى ماله داعي ناخذه !! عادل ,,: مب شرط ناكله بس مب عدله تردينها!! دلال ,, : والله عاد أنا ماحب هلون احد يجبرني على شي,, عادل ,,: دلال حبيبتي ,, هذي امي جنتي وناري الله يخليج لا تزعلينها دلال ,,: الحين من مزعل من؟ عادل ,,: مابي اتكلم في هالموضوع بس اذا تحبيني سوي الي قلت لج عليه ,, دلال ,, آآآه ياليتني احبك انا احب رامي احبه مو قادره اشيله من قلبي ,,,,,, في بيت بو طارق ,, طارق قاعد بالصالة ويفكر ,, انزلت هيام من فوق وشافته قاعد حاط يده على خده والضيجة مبينه عليه ,, هيام بحنية ,, : طارق طارق ,, : هلا,, هيام ,,: اشفيك ياخوي طارق ,,: آآه تعبان ,, تعبان وايد هيام ,, : طارق موضوعك مع سمر طول طارق ,,: وشلي ذابحني غير ذي ,.. هيام .. اقعدت صوبه ,, هيام ,,: تدري,, لو أنه مكاانها واحب ريلي وصارلي نفس الشي شلون برضى؟ طارق؟ ؟,: شلون؟ هيام ,, بسرحان وهي تطالع السقف ,, : طبعاً لا ياني بصده وبقوله كلام من ورا قلبي بقوله اني ماحبه وما ابيه لكني من داخلي اقول العكس بكون احتاجه يراضي غروري وكبريائي ويجبرني اعترف بالي بداخلي بطريقته طارق ,,: وشنهي هالطريقة ,, هيام ,, : أمم يعني اولشي يكون وجوده مفاجئ ووغير اعتيادي عشان أمتنع عن التعليق بدافع الصدمة ,, يعني مثلا ,, تروح لها بدون ما تدري تخش ويهك بوورد اذا شافتك اكيد بتنصدم وعقبها بتحاول اتعلق ,, حط يدك على حلجها لا تخليها اتحجى أمم ولبسها خاتم على طريقة الأجانب قولها احبج ,, ولمها مدة طويلة طارق قاعد ويتخيل ,,: اثيرج مب هينه! هيام,, : هاهاهاهاي شعالى بالك ,, طارق ,, : عاد ما قلتي لي اشوفج اتخيلين ومنطلقة بخيالج اخاف في واحد صج هيام ارتبكت ,,: ها؟ ؟ لا لا من قال طارق ,,: ههههه اشفيج تزوبقتي ,, انا ماعندي مانع تحبين بس مو مثل شباب هالزمن ,, ابيج تحبين بقلبج وتخلينه يعبر لنفسه ,, يحب مابينه وبين نفسه يحب مصلحة هالشخص ويخاف عليه ومافي ارقى من هالحب مب ألو هلا حبيبي شلونك وحشتني متى بنتزوج ويتمون على هالحال ست سبع عشر سنين وبعدين يالله يقدرون يتزوجون وتصير لهم سالفة وآخرشي ما يتزوجون! هيام ,,: لا تخاف علي ,, مافكر احب واحد عادي عنده أكلمه بالتلفون من ورا هلي لأن حزتها ما بيكون يحبني ولا يغار علي طارق,, : كفو هيام ,,: ها مب ناوي اتسوي الي قلت لك عليه؟ طارق ,,: الا الحين باارووح ,, يلا ادعي لي ,, توه بيطلع ,, طارق,,: اقووولج اشتري لها ورد ابيض ولا احمر هيام ,,: وهاذي سؤال اكيد احممرر طارق ,,: اووكي بااي طلع طارق ,, وتمت هيام تفكر برامي ,,,,,, راح طارق شرى لها احلى خاتم من داماس وباقة ورد فيها رووز احمر واصفر وابيض وصل عند الباب ,, الحين شلون يتأكد أنها مب في الصالة ؟؟ دق على البيت ,, وردت ام سالم ,, طارق ,,: هلا خالتي شلونج؟ ام سالم ,,: بخير يايمة طارق ,,: سمر وينها أم سالم ,,: سمر بدارها تبيني اناديها؟ طارق ,, : لا خلاص انا ياي ,, سكر الخط ودخل البيت ام سالم شافته حامل الورد وكاشخ مرتب سكسووته ولابس بدلة رسمية ابتسمت ودعت انهم يتصالحون ,, صعد لها طارق ,, وفتح الباب بهدووء لدرجة أنها ما حست ان في احد فتح الباب كانت قاعدة تقرأ قصة مندمجة ,, طارق قرب منها ,, واهي للحين ما تدري انه موجود طارق ,, قعد جنبها التفتت له ,,, حاط الورد على ويهه ,, سمر اعرفته بس انصدمت مثل ما توقعت هيام ,, وتمت ساكته تنطره يشيل الورد عن ويهه ,, طارق ,,: احبج ,,, سمر كان ودها تلمه وتقوله احبك اكثر ,, بس تمت ساكته ,,,,, طارق شال الورد عن ويهه ,, وابتسم لها ,, طلع الخاتم على طووول وقعد على ركبة وفتح لها العلبة ,, سمر كانت شوي وبتصيح ,, طارق يدري انها ما تقدر تسوي شي ما تقدر تتكلم كانت بتبجي ,, خذى يدها ولبسها الخاتم وباس يدها ,, طارق,, : ربي لا يفرقنا ,, سمر نزلت الدموع من عينها وأهي شوي وتشاهق,, طارق لمها ,, : هالدموع عندي اغلى من الألماس ,, يا اغلى البشر,, سمر قامت اتشاهق ,, وهي لامته ولمته بقوة ,,: طارق ,, آحبك وتمت اتصيييح بقووة وطارق معاها تيمعت الدمووع في عيووونه وما قدر يقول شي ,, كان محتاج حضنها الدافي وحبها وكلامها ,, أنت الذي تميت قلبي وتحييه وراحتي ما لقيتها مع انسان سواك ,, أنت الذي تجرح خفوق وتبريه ,, وأنت الي لا جرحت اقول يسلم يمناك ,.. لا يلوموني فيك وأنت قلبي بالحب تسقيه ,, وتجفيني مرات واقول ياحبيبي احبك حتى بجفاك.. تباعد عنها طارق وتم يمسح الدموع من على ويها ,, واهي تشوف الدموع في ويهه بعيونها الحممره ,, خذت يدها الناعمة وامسحت دموعة ,, طارق يود يدها وباسها ,, : ابي نرد مثل اول سمر ابتسمت له ,,: بنرد احسن من اول طارق ابتسم لها ولمها مره ثانية هاني قام من رقاادة وهو متكسر وتعباان بلاعيمة ملتهبه ومزكم ومصخن ,, طل على تلفونه ما شاف مسج ولا مسكول تضايق ,, خذ التلفون ,, وكتب لها مسج كالعادة ,, في غيابك ,.. لسكرات الموت خيالات تراودني,.. فكـأني ارى الموت في بتعادك..! آهةٍ مرهقة فقدة قدرتـها على الخروج ,, كتمــان موجع يقطعـني .. قل لي .. اليس لأوجاعي نهاية ؟؟؟ أم ان زفراتي ستزداد صعوبة! وكتماني سيزداد مساحة .. وسكرات الموت ستغدوا واقع وليسة خيالات! بالله عليك أجبني! دز لها المسج ,, أول ما سمعته طارت للتلفون شافت المسج تقطع قلبها ,, كتبت له ,, غريب في ابتعادي.. لم ينساني قلبك .. وفي جفائي أغرقني خفاقك حباً وحناناً ,, عجبي من حبك لي! لا أخله بهذه المقدار يوماً ,, عد فلم يكن ابتعادي سوى كذبة! عد بالله عليك فيّ من الأشتياق ما اتعبني.. اتكفي كلمة احبك؟ لا ,, هي لاشيء في حقك! آسفة ,, هاني أحبك! هاني شاف المسج شقح واتصل فيها ,, هاني ,,: الو ,, ريم , ,: احبك! هاني ,, : انا احبج اكثر,, ريم,,: آسفة هاني,, هاني ,, : مسموحة يا بعد هلي وخلاني ريم ,,: أنا شكيت فيك سامحني ,, هاني ,, : مسموحة المهم انج لي وعرفتي الصج.. ريم ,, :هاااني وحشتني وايد هاني,,: أنتي وحشتيني أكثر اكثر اكثر اكثر اكثر اكثر " قام يكح" ريم ,,: عسى ما شر اشفيك.. هاني ,,: ما عليج مني أنا احسن انسان بالعالم بعد ما كلمتج ريم ,,: حبيبي ,, أنت ,, لا تهمل نفسك روح المستشفى هاني ,,: اذا بتيين معاي باروح ريم ,,: اوكي ,, هاني ,,: بشرط ,, نتعشى برع ريم ابستمت ,,: اوكي هاني ,,: يلا انا يايج الحين ريم ,,: أووكي انا باروح اقولهم وبالبس هاني ,,: يلا لا تأخرين ريم,,: أوكي بااي سكرت الخط وراحت ركيض لأبوها وقالت له انها بتروح مع هاني سألها ابوها شلون تصالحوا وفهمته السالفة دعا لها ابوها بالتوفيق والهنا , ,وراحت تطلع لها ثيااب واهي تغني ,, هاني ما جذب خبر غسل ويهه ولبس ثوبه وغترته وطلع هوى بدون ما يقول لأحد أنه بيطلع ,, ربع ساعة واهو واقف عند باب البيت يدق الجرس , ريم ,, كانت تلبس ماقدرت تفتح له الباب ,, أطلعت له أم رامي ودخلت الصالة ,, قعد يسولف مع بو رامي شوي على ما طلعت ريم ,, اول ما طلعت اهي تعمدت تلبس احلى ما عندها سشورت شعرها وطلعت ,, والأبتساامة منورة ويها هاني وقف كان مبهور ,مفتوون, ومشتاق ,, وعاشق وولهان ,, للحظة نسى ان بو رامي موجود وراح لها كان يبي يلمها بس تذكر ان بو رامي وام رامي موجودين معنه عادي يعني بس استحى ,, هاني بصوت خافت ,, : شهل حلاة ريم بحيا وبشووق بنفس الوقت ,, :انت الي شهل زين ,, هاني خذها وطلعوا في السيارة ,, هاني يد يسوق فيها ويد ميود فيها يد ريم , : وحشتيني ريم ولهت عليج وايد ,, ريم ,,: انا ولهت عليك اكثر هاني ابتسم ,, :آه ياقلبي الي يشوفني من شوي ما يصدق ان هذا انا الحين ريم ,,: سامحني حبيبي هاني ,,: خلاص مابي كلمة سامحني , انا الي يبتها لروحي المهم انج معاي الحين هذا كل الي ابيه ريم ,, : انزين وين بنتعشى ,, هاني ,, : المكان الي يعجبج حبيبتي في بيت بو نااصر ,, ام ناصر ,,: خلاص يايمة هالأسبوع يوم الخميس انشالله البنات ايبوون حنان ,,: منك المااال ومنها العياااال شيخه ,, : نصوور اول ياهل اتييبة صراحة لازم تسميه منصوور ندى ,,:هههههههههههه منصور ناصر ناصر ,,: تطنزوا شوراكم ام ناصر ,,: من فررحتهم يمة ,, ناصر,, : انزين يمة انا بامشي الحين عندي شغل تامرين على شي؟ ام ناصر,,: سلامتك حبيبي شيخه ,,: أنه آمر ناصر,,: محد اسألج انتي شيخه ,,: افا نوويصر هلون اتدقر فيني ناصر ,,: عشان اتطنزين على ولدي شيخه ,,: شوف هاذي للحين ما يا ولده مو مب راضي عليه ياخوفتي لا يه نصير في خبر كان ناصر,, :اكيد شيخه ,,: يمة شوفي لدج من الحين يخطط ينساج اول ما يعرس هذي آخرتها نووصير نذبح روحنا عشان نزوجك وأنت تستغل الفرصة عشان تفتك منا ناصر,,: الحين شكو انسى أمي امي على عيني وراسي بس انتووااا شيخه ,,: ويييييي اصلا مب محتاجين لك انا باخذ ريال احسن منك وبتشوووف ناصر,, : هاهاهاهاي اخاف تاخذين ريال ملسووون مثلج شيخه ,,: يمممممممة سمعيه شيقول عن ريلي من زين مرتك الحين ام ناصر ,,: يه اشفيكم ناصر ,,: هااا شبتقولين عن مرتي مب انتي الي يايبتها شصاار الحيين ,, شيخه ,,: اي بتعيل على ريلي مب مخلية مرتك في حالها ناصر ,,: الحين من الي يبرز الدوى قبل الفلعة شيخه ,,: انت طبعاً ناصر ,,: بسج لغوة وهذره خليني اروح الشغل شيخه ,,: وييي الي يسمعك يقول ميوودتك الحين روح لا بارك الله فيك ناصر ,,: ههههههههههههه لا بارك الله فيني بعد شيخه , يازعم زعلانه ,,: اي ناصر ,,: اقولج انتي اصلا بتاخذين احسن ريال بالديرة شيخه ,,: ما رضيت ناصر ,,: أممم بتاخذين احلى ريال بالديرة شيخه اتعيزز ,,: هم ما رضيت ناصر,, : بتاخذين اكثر الرجال روماانسية شيخه ,, : لا تحاول هم ما رضيت ناصر ,,,: امممم بتاخذين واحد يموت فيج ومن طينتج شيخه ,,: يعني انا ما رضيت رضيت بس يلا يمشي الحال ناصر ,,: ههههههههههههههههههههههههههه يلا باااي شيخه ,,: في حفظ الله ناصر ,,: من شوي لا بارك الله فيني شيخه ,,: طلعتني من طوري شاسوي فيك ناصر ,,: مع السلامة طلع ناصر ,, وتمت شيخه اتفكر ,, تفكر بتفاصيل العرس تبيه وين ووين تبي تروح شهر العسل معنها اصغيره على هالأفكاار بس كل بنت تحلم بهل ليلة ,, مهما كان عمرها ما تدري ليش يات اغنية عبد المجيد على بالها نزلتها من النت وتمت تسمعها وسرحااانه ,, مره وحده نط لها علي في بالها ,, تعكر مزاجها ,, اوفف !! شسالفته هاذي! خرب علي الجو كانت تقول جذي بس من داخلها تستانس لين تفكر فيه بس ليش ما تدري! في بيت بو ابراهيم ,. ام سلطان قاعده مع ام ابراهيم يطالعون الأخبار ام سلطان ,, : والله حرام الي ييصير بغزة معورين قلبي ام ابراهيم ,,: أي ولله .. شوفيهم هالأسرائيليين المجرمين لامخليين لا حريم لا يهال لا كبار بالسن ما ذبحوهم ام سلطان ,,: اييه الله يفرج عليهم ام ابراهيم ,,: الا ما قلتي لي تبرعتي لهم؟؟ ام سلطان ,,: أي شلون بعد ,, لازم انتبرع ولاشفايدتنه ام ابراهيم ,,: فيج لبركة نزل علي من دااره شافهم شلون متأثرين بالأخبار علي ,,: سلااام ام ابراهيم ,,: هلا يمة ام سلطان ,,: وعليكم السلام علي ,,: هاا اشوفكم هادئين ام سلطان ,,: ورا شايفنا يهالو بس شغلتنا ندابج من مكان لي مكان ! علي ,,: ههههههههه لا ما قلت جذي بس الأخبار مخليتكم جديين ام سلطان ,,: ام ابراهيم شوفي ولدج قاعد يخربط يعني شقصده احنا بس انتطنز ام ابراهيم ,,: ويي سبوج اشفيج على الريال ما قال شي علي ,,: شدراني كليتيني بقشووري هذا وأنا مفكر اييب لج زبااين ام سلطان ,,: وي وي هااذي الساااعة المباركة غرد يمة غرد من الزبااين علي ,,: والله للحين ما يو بس نطري علي مردهم بيون ام سلطان ,,: ويي الحين تعشمني وآخرشي على ولاشي ام ابراهيم ,,: انتي متى بتركين عنج هالسوالف يتراوالي مافي خطابة بالديرة غيرج ام سلطان ,,: وتبيني آتركها اتفرغ شاسوي ام ابراهيم ,: ايشي ثااني علي ,,: ههههه اشفيج يمة عليها خليها ,, تقضي وقت فراغها ام سلطان ,,: أي هاذي الحجي السنع علي ,,: ههههههههه ام ابراهيم ,,: علي جنه عندك حجوة تبي تقولها ,, علي ,,: آه منج ما يفووتج شي ام ابراهيم ,,: قول يمة علي ,,: مادري يمة احس بشي غرييب ام ابراهيم ,,: وي وي وين يعوورك! ام سلطاان ,,: خليني اتصل بالدختترر علي ,,: يه شوي شيو علي مافيني شي شزيني قاعد جدامكم ام ابراهيم ,,: عيل شفيك علي ,,: مادري يمة احس بأحساس غريب لوحده ..! ام سلطان ,,: ويي اثريك من الي يحبوون علي ,,: مادري للحين ماقدر اقول حب ,.. بس اقدر اقول أني مهتم فيها وايد!! أهتمام عمري ما عطيته لأي بنية ,,.. حتى للي توقعت اني معجب فيها ,,... ام ابراهيم ,,: صج يمة ,, عرفني عليها علي ,,,,: شلون يمة بروحي ابي اتعرف عليها ومو قادر ام سلطان ,,: أنا من الحين اقولك اترك عنك سوالف الو احبك وتحبني علي ,,: عيل شلون اتعرف عليها بالله عليج ام سلطان ,,: بااقولك في شي اسمه تتقدم لها تكلمها بعلم اهلها صار خبطتها ما صار ما خبطتها علي ,,, : مادري انا محتاار ام ابراهيم ,,: تريث يايمة لا تستعيل ما تدري هالأيام تخليك تعرف معدنها بدون ما تكلمها ! علي ,,: تهقين يمة ام سلطان ,,: أكيد اتهقى ام ابراهيم ,,: وراج انتي صايرة ملقوفة خليني آرد عليه تردين عني شلة للحين ما قصوا لسااني ام سلطان ,,: يــة الحين هاذي يزاي الي اريحج ام ابراهيم ,,: استريحي أنا مرتاحه هلون اكيد حبيبي اهقى علي ,,,:: ههههههههه والله ان قعدتكم مافي شراتها ,, Quote Link to comment Share on other sites More sharing options...
دمووع الورد Posted يناير 30, 2009 Report Share Posted يناير 30, 2009 الاااااي روعه البـااارت بس وايد قصير .. الحمدالله ان مشكلة هانـي انحلت .. وان شاءالله هالشيماء ماردهـا بتنفضح ... و ريم زين يعني عشـان مرة ثـانيه ماتشك في هاني خير شر ... و سمـر و طـارق وايد عجـبوني ... والفضل طبعاً يرجع لـ هيام ... اللـه يجمعها اهي و رامي .. =) واحس طارق وايد بيستانس لما يدري ان رامي اهوا فارس احلام هيام ... و علـي و شيخه ... روميو وجولييت اليداد ... وايه عليهم محلين البـارت و تمنييت ان في مواقف اكثر بعد .. باختصـار البـارت روعه و نسييت عـادل ودلال ... اللـه يهديهـا هالدلال بس والله عـادل مايستاهل اللي تسويه فيه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.