girlheart Posted يوليو 2, 2009 Author Report Share Posted يوليو 2, 2009 (edited) [/color] البارت 29 مر اسبوع و تقدم علي حق ازهار .. و قالوا له عطنا مهله نفكر و ناخذ راي البنت طلعت ميساء من المستشفى بس التوم للحين مهند سافر البحرين بعد ما ودع اهله و قال بتم في البحرين سنه او اكثر عـ ما تكمل الشركة و تاخذ مكانها في السوق بس برد الامارات في الاجازات و المناسبات ناصر للحين عـ حالته موب راضي يتعالج .. حابس نفسه في الشقة و ما يرضى حتى يطلع و لا حتى اهله يعرفون بمرضه .. نادر شكثر يحاول معاه بس اهو معاند و ميبس راسه .. هيا للحين ما تعرف ان ناصر مريض و حالها مع نادر مثل برود الثلج .. ما في اي مشاعر يحملها نادر فـ قلبه بعد ما عرف ان ناصر فيه السرطان.. قلبه مع حبيبه و رفيج عمره .. لمياء كل ما لها تعطي نذير امل ان بتقبله و تخليه يدق عـ نور نهار و ليل 24 ساعه ما عنده سالفه غيرها .. فـ البحرين نادر رايح مع هيا السوبر ماركت و بالصــدفه ناصر كاان رايح نفس المكان هيا اول ما شافته عورها قلبها حبيبها يشوفها مع زوج ثاني .. بس ناصر جـمـد مكانه و ما تحرك من اول ما شافهم نادر و اهو يتقرب منه: هلا نصوور ناصر بغيرة : هـلا نادر بهمس : شلي خلاك تطلع من البيت .. ليش ما قلت لي محتاج شى و انا راح اييبه لك ناصر : هاااا نادر انتبه ان ناصر كان موب معاه .. نظراته و كله لهيا نادر داس عـ كرامته و رجولته شوي و قرر ان يترك هيا مع ناصر .. هذا رفيجي الغالي و ما باقي له الا يومين بهالدنيا اريح ضميري و ابري ذمتي ولا اظل احاسب نفسي اذا ظلمته في شى .. ناصر :هيا شخبارج ؟ هيا سمعت صوت ناصر قلبها بدى يدق اقوى ..عيونها بدت تتغرق بالدموع .. اي هذا ناصر حبيبي .. هيا حست احد قاعد يضغط عـ قلبها من كثر الالم الي تحسه : الـحمدلله هيا و اهي حابسه دموعها: جذي تسوي فيني يا ناصر شفت الدنيا شلون تلعب ..عمري ما توقعت اخذ رفيجك ..شفت الي صار ..خليت حتى الي ما يتشمت ..يتشمت علي هذي اخرتها ؟؟ ناصر كان قلبه بتقطع بكل كلمة هيا تقولها .. : انا يا هيا هيا : انت شنو انت الي بتجبرني اني انساك موب انت الي كنت راضي يتزوجني ؟؟ انت الي هدمت الي بينا ..تركتني يا ناصر و انت الي ضيعتني .. ما سألت علي طوول فترة العده قلت لي انتي طالق بلحظة جنون و طيش و انا سنيين كنت معاك ..ضاع كل الي بينا بكلمه وحدة طلعت منك و قلتها و بكل ثقة انتي طالق ناصر تقرب منها : انا آسف هيا : شفيد الحين الندم الدنيا ما بتوقف عشانك الزمن يمشي .. مستحيل انسى الي صار .. طول عمري اهتم فيك و اشيل همومك عنك و انت الي ترتاح اذا تعطش ارويك بدموع عيني و اجرح نفسي مليون مرة عشان اداوي جرح من جروحك ..شستفدت الحين قولي ؟؟ نادر رجع لهم لان كان صوت هيا شوي عالي و الناس بدت تطالع و تسال شصاير .. هيا و الدموع عـ خدها: وخر عن طريقي لو سمحت ناصر: لو بس تدرين انا شكثر احبج يا هيا كل دقيقة و انتي بعيدة عني دايما تخطرين ببالي حتى و انا راقد ما تخليني في حالي شلون تبيني اعيش من دونج قولي لي؟؟,, نادر عصب يوم سمع ناصر يقول هالكلام لهيا مهما يكون بتظل زوجته و ما بيرضى يقول لها جذي كفايه الوقت الي خلاهم يتكلمون فيه .. نادر : يلا هيا امشي نرد البيت طلعت هيا مع نادر من السوبر ماركت ناصر بعدها طلع و اهو يمشي بالطريق الي كانت تمشيه هيا .. كلمات هيا الي جرحته ما فارقته كان طلاقه منها اصعب درس من دروس الحياة .. حياته كاانت حلوة و الحين ما في امر منها .. رد الشقة و قعد يفكر فـ الي قالته هيا .. تــم يبجي و يا كثر الدموع الي نزلت من عينه عشانها ..حبج يا هيا عذبني اكثر ما تميت فرحان معاج .. صح احبج و بظل احبج بس عـ كل هذا انتي الوحيده الي تجرحيني انتي الوحيده الي من ابي ابتسم اشوف صورتج .. آه يا هيا شكثر انا متعذب .. بريحج مني هذا اقل شى و اقل هديه اقدر اقدمها لج بمناسبه زواجج موتي هو الي بكون هديه لكم الفجر .. قعدت هيا من النوم و اهي خااايفة ..حلمت بشى ما يطمن كاان قلبها ناغزها صلت الصبح ..حاولت ترد تنام بس ماقدرت..تحس بشى بس شنو هالشى ما تدري قعدت نادر من النوم .. هيا :ناادررر نادر : شفيج هيا ؟؟ تصيحيين هيا : نادر .. نادر :عيونه هيا : انا خايفة نادر من سمع هالكلمة .. تذكر ناصر نادر : من شنو ؟؟ هيا :.....ماعرف بس حاسه بشى نادر عـ طووول قام و بدل ثيابه و طلع من البيت هيا كاانت مستغربه !! نادر راح لناصر الشقة .. انا غلطان هديته و مشيت عنه امس ما كان المفروض اهده .. تبيني اطلقها يا ناصر بطلقها بس رد مثل قبل و اتعالج ما ابيك تنضر .. الافكار كانت تاخذه و ترده .. نزل من السيارة و كااانت الدنيا للحين ظلمة .. و السكوت عااام .. ما في الا الطيور تغرد ..و السما مغيمة طق باب شقة ناصر بهدوء حق ما يزعج الناس ..بس ما كان يرد .. دق عليه و بعد ما كان يرد .. نادر فقد اعصابه و دززز الباب بقوة الجيران اسمعوا الصوت و خافوا .. طلع الريال : خير نادر : وين صاحب البناية .؟؟ الريال باستغراب : انا ليش ؟ نادر : مفتاح هالشقة موجود عندك؟؟ الريال : اي لحظة راح ياب المفتاح بسرعة و افتحوا الباب ... دخل ناادر و راح لغرفة ناصر نادر و اهو يقعد ناصر من النوم .. :: ناصر ..ناصر .. انا بطلقها خلاص نادر شاف ناصر اصفر.. متيبس.. لمسه حس انه بارد : نااصر شفيك ما ترد ؟؟ اقولك بطلقها نادر : ناصر رد علي الريال : يا خوك الريال ما يرد .. ليكون بس صار فيه شى نادر و اهو يقاطعه بعصبية : لا تقول جذي ما في شى .. الحين بيقعد نادر : ناصر انا ياي اقولك اني بطلقها صدقني .. بس تكفى رد علي يا ناصر الريال باعد نادر عن ناصر و اتصلوا في الاسعاف .. وصل الاسعاف و شالوه ودوه المستشفى .. بعد خمس دقايق ..طلع الدكتور نادر : دكتور .. ناصر !! الدكتور : الـبقاء لله .. نادر بس سمع هالكلمة طااااح من طوله .. نادر و الدموع تنزل من عينه : دكتور رد اتاكد .. رد شوفه انا متاكد ان اهو ما مااات الدكتور : هذا قضاء الله و قدره نادر بعصبية : دكتور اقولك رد جيك .. انت اكيد غلطان انا امس شايفنه و متكلم معاه الدكتور : انت الحين روح ارتاح نادر : تقولي ارتاح ؟؟ ارتاح و ناصر ما عرف الراحه من يوم طلقها ؟؟ نادر : دكتور يصير اشوفه ؟؟ الدكتور : الحين لا .. لازم نتأكد من سبب الوفاة نادر كان كل ما يسمع كلمة الموت يرجف قلبه و دموعه تزيد ... تم قاعد عـ الارض و يبجي :: لا يا ناااصر لا تروح .. بعد فترة خبروا نادر ان لازم يغسلوون الميت .. حق يدفنونه رجع نادر البيت .. غير ملابسه .. لبس الثـوب و الدموع ما وقفت ..شافته هيا الي كانت تنتظره من يوم طلع .. هيا : ليش الثوب يا نادر ؟؟ لا تقول لي ..... نادر كانت الدموع بس تنزل من عينه .. طلع من البيت .. و راحوا يدفنون ناصر .. اكشفوا عن ويهه لاخر مرة قبل لا يندفن كان ويه ناصر أبيض منور و عـ شفاته ابتسامه خفيفة .. طاحت دمعة حاارة من عين نادر عـ خد ناصر.. غطوا ويهه و دفنوه فـ البحرين .. مهند : نوروو وينج صار لي ساعة انتظرج نور : شسوي بعد انتظر هالجرس.. زين المعلمة خلتنا نطلع من الحصة ذبحتنا و اهي تشرح مهند : زين كاااني واقف يم باب المدرسة نور : الحين يايه مهند : الا نور شلى بنات مدرستكم جيي يطالعون فيني نور بقهر : اها كاني وصلت قطعت الخط .. اول ما شافها مهند .. ابتسم يلي من اناظرها ترتسم على وجهج البسمة قولي لي و اشلون ابنسى عينج و رسمه ابكتب فيج قصيدي ولو بيدي العـسـمة يلي نزعتي الروح و القلب من جسمه نظر عيني اغار عليج من مرت النسمة من عرفتج انا اسمي و اقول دوم شسمه مهند فتح دريشة السيارة نصها .. غمز لنور بابتسامه خفيفة و مشى نووور كاااانت طايرة من الفرحة .. و اخيرا شافته من متى و اهي تنتظر هاللحظة البنت : شفتيه ؟؟ قــمر .. كشخة عذاااااااب .. غمز لي نور كانت تسمع كلامها و اهي قلبها محترق من الغيرة .. ردت البيت و اهي مستانسة و اخييرررا راح اتشوف مهند اي وقت تبي و يكون قريب منها فـ بيت العمة رحمه عـ الغذى الكل متيمع .. العمه رحمة : تدرون مهند في البحرين ؟؟ لمياء شرقت : شنوو؟ العمه رحمه : بسم الله اشفيج؟؟ شربي لج ماي عبدالله : من امتى ؟ العمه رحمه : مادري بس اهو مر علي اليوم و سلم عليكم بو عبدالله : الله يسلمه .. عااد عبدالله بعد شوي كلمه و خله ايي يتعشى معانا عبدالله : افا عليك يبا ما طلبت شى فـ بيت بو هيا هيا : هلا يمه ام هيا : هلا والله .. هلا بعروستنا هيا : شخباركم؟ ام هيا : بخير الحمدلله نسال عنكم هيا : يمه كلكم بخير اكييد ؟ ام هيا : اي ليش تسالين .. دخلي عن الباب هيا : لا .. لان حلمت اليوم حلم غريب اشوي .. و قعدت شفت نادر طالع و يوم رد كان يبجي ام هيا عرفت ان اهي ما اسمعت عن خبر وفاته: اممم لا الحمدلله كلنا بخير لحظات و رد بو هيا البيت هيا اول ما دخل راحت له .: يبا شخبارك بو هيا بنبرة حزن : الحمدلله هيا : اشفيك هلون؟؟ بو هيا عـ طووول راح داره حق مايشوف بنته و اهي منكسرة اذا سمعت الخبر هيا لحقته و شافت دموعه و تمت اتحن عليه :: يبه قولي اشصاير بو هيا: ما فيني شي يا يبه اشووي تعبان هيا: يبه لا اتجذب علي انا اعرفك.. ناصر اكيد ناصر قولي ناصر فيه شي؟! بو هيا بصوت مبحوح وكله الم : نا..ص..ر هيا: ناصر اشفيه يبه اشفيه بو هيا: ناصر عطاج عمره هيا من الصدمة غمى عليها بو هيا .. هيا يبه فـ الامارات ازهار تكلم علي عـ الموبايل ازهار : يوم اتيي تكلم اهلي بندر كان معاك ؟ علي : لا ليش؟ ازهار : لا بس كأن يتخيل لي سمعت صوته علي : لا ما كان معاي .. ماعرف بشوو كان مشغول ازهار : اها .. علي : ايش قالوا لج الحين ؟ ازهار : والله مادري امي سالتني اذا كنت موافقة .. و ابوي بعد بس الا مستغربه منه ان حمد ساكت و ما بين لي اذا كان موافق ولا رافض ولا خبر ابوي حتى اني كنت اكلمك علي : تبين الصراحة .. هذا اخوج محيرني و ما اعرف شلون اتصرف معاه ازهار : خــلها عـ الله علي : انزين امتى بردون علينا ازهار : علي لا تسال ترى ما اعرف شى حالي حالك بس الا اعرفه انهم سالوني اذا كنت موافقة و انا قلت لهم اذا ما فيه عيب اوكي علي : هذا الي قلتيه ؟؟ ازهار : اي هذا الي قلته في شى يعني ؟؟ علي : اها .. لا ولا شى بس بسهولة بقولون لي لا بعدها صغيرة و لا بتنشغل بــ الدراسهـ فـ البحرين .. هيا من اول ما وعت الدموع فـ عينها و سااكته حتى كان الكل مستغرب و يطالع .. ما تكلمت ولا نطقت بـ ولا حرف بو هيا : يبه هياا !! هيا كانت ساكته و ويهها احمر بو هيا : موب زين جذي يا بنتي هذي مشيئة الله و ما نقدر نعترض .. وين ايمانج بالله يا هيا هيا : وينه الحين بو هيا : دفنوه هيا : ابي اروح له المقبرة ودوووني له بو هيا : ما يصير يا بنتي الحين الرياييل كلهم هناك هيا : قلت لك ابي اروح له بو هيا خاف يصير فـ بنته شى و لبست عباتها و طلعوا من البيت طووول الطريج كاانت هيا ساكته بس دموعها الي تتكلم و تشكي قربوا من المقبرة و كانوا الرياييل طالعييين هيا من شافت هالمنظر الدموع انحسبت في عينها .. حست بغصة .. قلبها بدى يدق بصعوبه .. بو هيا انتظر الرياييل يروحون و نزل هيا المقبرة دخلت هيا و الالم فـ عينها .. دخلت بالــسود و الحزن فتح لها ابوابه شافت ريال من بعيد عند قبر .. قالت اكيد هذا قبره تقربت اكثر الا الريال هو نادر و كااااان يبجي و دموعه عـ التراب تنزل .. كل هالمواقف تصير جدام عينها .. معقوله يا ناصر تخليني قعدت هيا عـ الارض و تقربت اكثر للقبر و حطت يدها عليه و اهي تدق :: ناااصر تسمعني .!! انا ييت لك .. ناصر ليش خليتني ؟؟ ليش طلقتني ؟؟ نادر كان يسمع هالكلام و يزيد الم قلبه عـ صديقه الي كان بينهم وعد و ما وفى بوعده هيا : ناصر شسوي الحين فـ الدنيا تعرف ماقدر اعيش من دونك .. تذكر يوم تقول لي بظل قريب منج .. ما بتركج حتى في اخر يوم بحياتج .. ناصر انت ما وفيت بوعدك لي .. انا وفيت بكل وعد .. وعدتك اني راح احبك و عمري ما راح انساك و نفذت هالشى و للحين احبك وعدتك اني بكون معاك فـ حزنك .. فرحك ..تعبك ..ألمك و كنت عـ طووول يمك ليش تسوي جذي نادر ما قدر يستحمل كلام هيا اكثر :: وعدتيييه ؟؟ ليش ما وفيتي ناصر مات و فيه السرطان انتي تدرين بهالشى ؟؟ ناصر مات و اهو يحبج و كان يبيج ليش ما سامحتييه يوم طلب منج السماح يا هيا؟؟ ليش سويتي فيه جذي نادر طلع من المقبرة و قلبه انجرح و عمره هالجرح ما راح يطيب راح شقة ناصر يتذكر رفيجه .. اخوه .. الي كان دايما معاه و عمره ما تركاه بيوم راح يشوف داره الي كان دايما يقعد فيها ..و اهو يتلفت فـ داره شاف رساله تحت السرير .. فتحها :: قال من قبلي ودي اموت اليوم واعيش باجر و اعرف منهو بعد موتي فقدني و انا عارف منهو فقدني و انا عايش كيف بيعيش بعد موتي؟! حبيبتي وصية لجـ قبل ما ارحل تعذريني على كل ما بدر مني يا قلبي و روحي و نظر عيني القصور مني ارجوج سامحيني وصاتي لج لا تذكريني ابيج تنسين اسمي و حروف رسمي وصاتي تكرهيني و تحبين منهو غدا رفيقي في ناظريني صاحبي ارجوك اعذرني ادري في قلبك تقول حيل ظالمني بحبيبتي اوصيك تفرحها دوم و تنسيها ايامي و سنيني ما ابيك تزعلها او تبكيها .. لو وصل عمرها تسعيني صاحبي على فرقاي بالحيل اعزيك بس امانة لا تخلي عينك تبكيني ف امان الله .. وداعة الرحمن .. في فراقكم بندفن بدال الدفة دفنتيني هيا ظلت فـ المقبرة تبجي من الالم .. قلبها انعصر يوم عرفت ان اهو كان مريض .. يا ليت فيني ولا فيك يا ناصر بو هيا ركب مع بنته السيارة و ردوا البيت فـ الامارات Areej :ماشي الحال Bander :شرايج بالناس الي معاج بالجامعة اوكي معاهم ؟ Areej :عادي .. ما تقربت منهم وايد بس طوول الوقت مع ازهار Bander :اذا احد منهم يزعج قولي لي افا عليج انا اراويج فيه اريج تذكرت سالفته ..يمكن هذا اهو بندر الي قالت عنه ازهار ..اكيد ما في غيره Areej : ايي بندر من اول ما دخلت الجامعة للحين ما شفتك ولا مرة Bander :ههه و انتي راضيه يعني اشوفج .. قولي امتى تبين و انا حااضر اريج شكت شوي .. لو هذا اهو ما قال لي يبا يشوفني Areej :امم .. اها Bander :دريتي ان علي تقدم لازهار Areej :اي .. Bander :تعتقديين يوافقون Areej :ليش ما يوفقون يعني ؟ Bander :اخوها ماعرف شلووون Areej :اها .. هذا اخوها في كل شى يخرب ..ما يقدر لازم Bander :ليش تقولين هالكلام عنه ؟ مسوي شى Areej :قووول شوو ما سوى Bander :شكلها السالفة يبا لها قعده .. اريج فـ هالوقت كانت تبا تكلم حد عن حمد و تقوله عنه .. ما تقدر تكلم ازهار مهما يكون هذا اخوها .. قالت حق بندر كل السالفة .. و كان كل ما يسمع اسمه الغيرة تذبحه .. حركاته تصرفاته معاها من الي تقوله تبين ان يحبها بس اهي ما تباه Bander :و انتي ليش للحين ساكته تمت اريج تكلمه .. هالمحادثة قربت اريج اكثر من بندر و اهو بدى يعرف عن حياتها اكثر و اكثر اليوم الثاني فـ الشركه خالد : رغد بعد شوي بنظهر .. في اجتماع لازم نحضره رغد : على امرك خالد يطالعها بنظرات غريبة .. رغد واقفة تنتظره يتكلم !! خالد : الا ما قلتي لي انتي مخطوبه رغد تطالعه بنظرات استغراب و تعجب : شووو خالد : انتي مخطوبة ..؟؟ تحبين ؟؟ رغد : و ليش هالسؤال خالد باستخفاف : لا ولا شى بس واحد سالني عنج رغد اول ما قالها احمرت و نزلت راسها .. خالد تم يتأمل جمالها ..رغد استحت و ظهرت من مكتب خالد دقت عـ ميساء على طوول تقول لها السالفة و تسأل عن احوالها رغد : هلا ميووس شحالج ؟ ميساء : الحمدلله بخير و انتي رغد : سكتي ههه مادري ميساء : ايش صاير ؟ رغد : خالد يقول في حد ساله عني ميساء : ههههههههههههههه اهو قال لج جيي رغد : اي والله ميساء : زين ..بعدين رغد : شوو بعد .. ظهرت من المكتب ميساء : هههههه الله يغربل بليسه ..ما عليج منه و خلج فـ الشغل هذا واحد فاضي و ما عنده سالفة رغد : خلينا من هالسالفة .. متى بيظهرون التوينز ؟؟ ميساء : اي صح زين ذكرتيني .. اليوم بظهرون رغد : امم كأن من وقت ميساء : لا قالوا لي المستشفى ان وزنهم صاار طبيعي رغد : اهاا .. عيل اليوم انا عندج ميساء : افا عليج حياج ..بس تعالي لي فـ بيتنا رغد : هههه سعود ينام لحاله يعني ؟؟ ميساء : و انتي هذا الي تفكرين فيه هههه صج خبله ... لا ينام فـ بيت ابوه رغد : اهااا.. و امته بترديين بيتج ميساء : مادري بقعد جم اسبوع مع امي بعدين يصير خير رغد : اها زين عيل الحين اخليج ميساء : أوكي يلا مع السلامة رغد : الله يسلمج خالد .. : رغد الحين بنظهر .. خلي السايق يوصلج وراي رغد : اوكي رغد دقت عـ السايق حق تخبره .. خالد : يلا ترى تأخرنا رغد : السايق موب قاعد يرد علي خالد بعصبية: وينه هالثور ؟؟ رغد : مادري انت الحين اظهر لا اتأخر خالد : لا بس تعالي معاي .. لان احتاج ابا بعض المعاملات الي في الفايل معاج ظهرت رغد مع خالد من الشركة .. و كان خالد طول الطريج يمشي بسرعة حتى رغد خافت من كثر ما اهو مسرع رغد : خالد ترى للحين ما بدى الاجتماع خالد اكتفى بنظرة و سكت رغد حست عليه و تمت ساكته طووول الطريج .. اول ما وصلوا .. دخل خالد الشركة الثانية بسرعة .. مرة وحدة انفلت مفتاح سيارته من يده .. نزل حق ياخذه و اهو يهذر و يتكلم مع رغد رفع راسه و مشى و اهو للحين يتكلم معاها .. ما التفت الا و اهو واقف يم ريال ما يعرفه و معاه سكرتيرة .. و كانت رغد واقفه ورى تطالعه و تضحك .. خالد صاااار احمر من الفشلة ..: مسامحة الريال : لا عادي رد خالد الى رغد و اهو منقهر عليها خالد : انتي ما تفهمين .. ؟؟ رغد : شوو سوييت الحين .. انت الي رحت تسير بسرعة انا ما قلت لك شى خالد : و تشوفين و تتمين تطالعين ؟؟ رغد : شاقدر اسوي لك يعني ؟ خالد دخل الاجتماع و اهو معصب و مب طايق حتى يشوف ويهها فـ البحرين .. و بالذات فـ المدرسة .. شوق : ايمان ناصر مات ايمان بصدمه : شنو .؟؟ شوق : الي سمعتييه ايمان : انتي من صجج يعني ؟ شوق : يعني بتطنز فـ هالسالفة ايمان : انزين و اختج شخبارها ؟ شوق: والله مادري عنها بس كله ساكته و قاعد فـ دارها ايمان : ...... علا : انزين احسن لها حق تنساه بسرعة اشواق : سكتي ولي يعافيج موب ناقصينج انتي بعد .. انقول لج مات تقولين احسن .. سكتي سكتي علا انحرجت من كلام اشواق و تباعدت عنهم فـ مدرسة نور .. طق الجرس و بعد مهند تعلم ان ايي لها عند المدرسة لو بس يلمحها بس نور ما كانت تعرف ان بيي اليوم بعد المدرسة لها فتأخرت في طلعتها شوي البنت : الحلو بعد اليوم عند المدرسة .. شوفيه قاعد يدور .. معقوله ما شافني تقربت البنت من سيارته و وقفت تقريبا عند باب سيارته مهند ما اهتم لها ولا كأن يشوفها و تم يدور نور من بين كل البنات نور طلعت من المدرسة بعد 7 دقايق من طق الجرس و شافت سيارة مهند نور استانست من قلب و كانت الفرح تبين عليها بس لفت الجهة الثانية .. لقت البنت الي امس كانت تتكلم عن مهند واقفة يم سيارته و تغيرت ملامحها نور فتحت موبايلها حق تدق على مهند .. توها فاتحته وصلها 25 مسج .. ما اهتمت و دقت عليه نور بقهر : انت شعندك ياي اليوم بعد مهند : يـــه نور شبلاج ؟؟ ياي اشوفج نور : متأكد ياي حق تشوفني ولا تشوف غيري ؟ مهند : نور ليش قاعد تكلميني بهالطريقة .. ما تبيني ايي لج قولي اذا كان هالشى يضايقج نور : اها انا الحين بقطعه وصلوا لي مهند : تحملي بروحج وصلت نور البيت و اهي منقهرة من هالبنت .. و الي زادها ان مهند راح لها بدون ما يخبرها تذكرت المسجات و افتحتهم شافت ان المرسل نذير و عـ طوول بندت الموبايل و راحت تتغذى فـ الامارات خالد و رغد ردوا الشركة .. رغد قبل ما تسير خبرت خالد انها تبا تكلمه دخلت المكتب بعد ما استأذنت خالد : خير ؟؟ رغد باحتقار : ما ابا اشتغل .. و هذي استقالتي يا ريت توقعها خالد : لحظة لحظة وين ؟؟ رغد : شوو وين ما وين ؟ ليكون نسيت انك بس مديري فـ الشغل .. خالد حس عـ روحه : انزين هذي ما بوقعها رغد : ياخي زهقت بس ما ابا اشتغل معاك خالد بحزن : .. امم .. اها مسامحة هذي ما بقدر اوقعها تبين عندج سعود خل يوقعها رغد : زين .. معليه انا بسير اكلم سعود خالد : اوقفي رغد : نعم ؟ خالد : انا احبج رغد تمت جامده مكانها و ما تحركت .. اول مرة حد يقولها و بكل جرأه و كأن حد عطاها كف يصحيها فـ البحرين .. ايمان تكلم احمد احمد : ايمان باقولج خبر ايمان : قول احمد : كلمت امي و قلت لها ابي اتقدم لج ايمان بفرحه : صج ؟؟ احمد : اي ايمان : شقالت لك احمد و اهو يقلد صوت امه : مبروك يا وليدي ما بغيت تقولها .. من متى و انا انتظر هاليوم ايمان : آيي عليها خالتي فديتها والله احمد : ههههه Edited يوليو 2, 2009 by girlheart Quote Link to comment Share on other sites More sharing options...
أسيرة الورد Posted يوليو 2, 2009 Report Share Posted يوليو 2, 2009 الاااااااااااااااااااااي باااااااااااارت يرد الرووووووووووووح فدييييييييييتج احدااااااث رووووووووعة شكرن لانج استخدمتي قصايدي :$ و الله ونستيني الله يرحمه نااااااصر الله يعين هيا و نادر ماادري بيخليها على ذمته و لا بيطلقها؟ وافديييت الغيووووور نوووووووور خخخخ و مهند الله يعينه على لموي و ملاقتها و هاي شسمه منذر موري شنو غبي انت البنت ماتبيك اشهالسخافة ذي:@ باط جبدي اوه اوه ايماني بتنخطب مااااااااقدر كلولولووووووووش مبروووووووووك خخخخخخ يلا فديتج تسلمين على هالباارت الحلوووو ونترياااج بالبارت الياي لا تطولييين Quote Link to comment Share on other sites More sharing options...
مينونة ومخرفة ومخرخشة Posted يوليو 3, 2009 Report Share Posted يوليو 3, 2009 ناااااااصر مات وعليه كسر خااطري .. هيا ونادر .. كاسرين خااطري .. هيا اخسرت الشخص اللي حبته وهالشي كلش صعب .. ونادر خسر صديق عمره اللي يمكن مايقدر يحصل غيره .. نور ومهند .. عجيبين .. نورووووو تغاااااار عليه .. وعليه البنات مو مخلينها تتهنى كل وحده من صوب .. احمد وايمان .. زين واخيرا تقدم لها ونااااااسه بصير عرس .. الله يوفقهم .. علي وازهاار .. ان شاءالله بوافقون عليه .. الله يوفقهم .. بندر واريج .. ان شاءالله بيحبون بعض .. احس بندر يناسبها اكثر .. نذير ذي شفيه يااااااااخي سخيف هالصبي شكو راز ويهه .. لو تقول حق مهند احسن عشان يكفخه .. خلوود شفيه غصب يبي يكره البنت فيه .. بس زين واخيرا اعترف لهااااا .. اكيد اهي بتحبه .. مسياء وسعوود .. الله يخلي لهم التؤمز .. تسلمييييييييين حووووووووبي ع البااااااارت العجيب .. قصتج حدهاا فن .. نااااااطرينج .. Quote Link to comment Share on other sites More sharing options...
ShAi5at eLbNaT Posted يوليو 3, 2009 Report Share Posted يوليو 3, 2009 يسلمووووووووووووووو في الانتضار حبوبه Quote Link to comment Share on other sites More sharing options...
سنفوررة Posted يوليو 3, 2009 Report Share Posted يوليو 3, 2009 يسلموووو خيو عاد لاتتطولين علينا يعطيش العافية Quote Link to comment Share on other sites More sharing options...
هبله وتهبل Posted يوليو 9, 2009 Report Share Posted يوليو 9, 2009 يعطيج آلعآفيه آختي ننتظر آلبآرتآت آليآيه Quote Link to comment Share on other sites More sharing options...
girlheart Posted يوليو 9, 2009 Author Report Share Posted يوليو 9, 2009 الاااااااااااااااااااااي باااااااااااارت يرد الرووووووووووووح فدييييييييييتج احدااااااث رووووووووعة شكرن لانج استخدمتي قصايدي :$ و الله ونستيني الله يرحمه نااااااصر الله يعين هيا و نادر ماادري بيخليها على ذمته و لا بيطلقها؟ وافديييت الغيووووور نوووووووور خخخخ و مهند الله يعينه على لموي و ملاقتها و هاي شسمه منذر موري شنو غبي انت البنت ماتبيك اشهالسخافة ذي:@ باط جبدي اوه اوه ايماني بتنخطب مااااااااقدر كلولولووووووووش مبروووووووووك خخخخخخ يلا فديتج تسلمين على هالباارت الحلوووو ونترياااج بالبارت الياي لا تطولييين انتي الي ردج يرد الروح قلبووو ناااااااصر مات وعليه كسر خااطري .. هيا ونادر .. كاسرين خااطري .. هيا اخسرت الشخص اللي حبته وهالشي كلش صعب .. ونادر خسر صديق عمره اللي يمكن مايقدر يحصل غيره .. نور ومهند .. عجيبين .. نورووووو تغاااااار عليه .. وعليه البنات مو مخلينها تتهنى كل وحده من صوب .. احمد وايمان .. زين واخيرا تقدم لها ونااااااسه بصير عرس .. الله يوفقهم .. علي وازهاار .. ان شاءالله بوافقون عليه .. الله يوفقهم .. بندر واريج .. ان شاءالله بيحبون بعض .. احس بندر يناسبها اكثر .. نذير ذي شفيه يااااااااخي سخيف هالصبي شكو راز ويهه .. لو تقول حق مهند احسن عشان يكفخه .. خلوود شفيه غصب يبي يكره البنت فيه .. بس زين واخيرا اعترف لهااااا .. اكيد اهي بتحبه .. مسياء وسعوود .. الله يخلي لهم التؤمز .. تسلمييييييييين حووووووووبي ع البااااااارت العجيب .. قصتج حدهاا فن .. نااااااطرينج .. فن فن ردج انا الي انتظر ردج فـ البارت الي بعده يسلمووووووووووووووو في الانتضار حبوبه يسلمو عـ الرد يسلموووو خيو عاد لاتتطولين علينا يعطيش العافية الله يعافيج سنفووورة .. ان شاء الله Quote Link to comment Share on other sites More sharing options...
الملاك الحنون Posted يوليو 12, 2009 Report Share Posted يوليو 12, 2009 ثانكيوو ع القصة Quote Link to comment Share on other sites More sharing options...
سنفوررة Posted يوليو 16, 2009 Report Share Posted يوليو 16, 2009 يلا خيو لة Quote Link to comment Share on other sites More sharing options...
Qalbi.y7bik Posted يوليو 16, 2009 Report Share Posted يوليو 16, 2009 يسلموووووووووو القصة و يعطيج العافية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.