girlheart Posted يونيو 9, 2009 Author Report Share Posted يونيو 9, 2009 (edited) البااارت 27 الساعة 4:30 الفجر ..حمد طلع من داره و راح الصاله .. فتح الدريشة بيتأكد اذا اذن ولا للحين .. لحظات و سمع صوت المنبه في دار ازهار ..تم يرن فترة .. تقرب حمد من دار اخته حق يقعدها .. طق الباب.. ما كانت ترد عليه فــدخل بند المنبه و شاف واصل ازهار مسج .. بس اسم الي داز المسج غريب .. فتح المسج ..((احبج ازهار والله ..ببقى احبج عـ طول خطيبتي <بوسة>)) حمد فتح رسائل ازهار و شاف المسجات الي علي يدزهم لها .. احبج .. خطيبتي..,,,, و غيره من هالكلام )) طلعت ازهار من الحمام و اول ما شافت موبايلها عند حمد وقف قلبها .. حمد بنظرات كلها غضب و غيرة: من هذا !! ازهار ارتبكت و ما عرفت شترد عليه : هذذذا ا ا وااحد حمد و اهو طالع من دارها : زين عيل ... ازهار كااانت خايفة .. و موب عارفة شلون تتصرف ,,عـ طوول خذت الموبايل و اتصلت فـ علي .. علي بكل حب : هلا حبيبي ازهار بخوف : علي اخوي شاف المسج الي دزيته لي علي توتر : !!! شووو ؟؟ ازهار : الي سمعته علي : تبيني ادق عليه و اخبره بكل شى بينه ازهار بخوف : يا ريت علي : خلاص عطيني رقمه .. ازهار :...... علي : اوكي الحين بكلمه سكر علي الخط من ازهار و دق عـ حمد .. فــ البحرين ... هيا صلت الصبح و قعدت تفكر .. اليوم عرسي !! ههه من يصدق هالخبر ,, اذا انا احس روحي بحلم ,,معقولة يتم هالعرس عـلى خير كلها لحظات و هيا ما لقت نفسها الا عـ السرير و فستان عرسها يمها .. و عينها تدمع مثل المطر كان ودها تعاتب ناصر و تقوله عن الجرح الي بقلبها:: مبروك لك يا ناصر انت انتهيت الحين من حياتي مو هذا الي تبيه ..انت تعرف عن سالفة الخطبة يلا خلني اشوفك الليلة تفرح لفرحي ابي اشوف في عينك دمعة انك تفقد شى غالي عليك ,, شى انت كنت تملكه ,,, كنت بس الحين انا لرفيج عمرك ماعرف اذا تحس قاعدة اتعذب بكل الي قاعد يصير ....حياتي اتدمرت بسبتك يا ناصر كل هذا منك و من تفكيرك الي قضى على حياتي ... تمت تبجي من خاااطر على الي قاعد يصير ,,,الليلة بكون الى واحد غير حبيبي ,, شخص عمري ما توقعت اني اخذه ,, انسان غير الي كنت احبه و اعشقه من كل قلبي وينك يا نااصر اتيي تاخذني خاااايفة.. ابيك تساعدني و تريحني من الهم الي فيني ما كانت تعرف اهي شتبي .. تنسى ناصر ولا تبقى مع ذكراه الي بقى لها .. ……. فــ بيت العمه رحمة لمياء :: انا لازم اتصرف معاج والله ما اخليج تسلميين مني ولا تتهنيين فيه و بشوف انا ولا انتي,, مرده لي و بيرجع يتمنى لو بس اكلمه و بتشوفين .. ما راح تطول السالفة .. لمياء كانت مشغوله بأفكارها الي من يوم عرفت نور و بالها مشغول اكثر بسالفه مهند العمه رحمه تطق الباب : لمياء .. لمياء : نعم العمه رحمه : أذن .. لمياء : اي سمعته لمياء كانت تسمع خطوات امها الي كانت رايحة للمطبخ .. بس حستها تباعدت عـ طووول دقت على واحد من الي تعرفهم .. لمياء : نذيروو نايم .؟؟ نذير: حتى لو نايم اقعد لج حبيبتي لمياء : زين ابيك في شغله نذير: عيوني انتي .. امري لمياء : امم في بنية تضايقني .. مادري شمسويه فيها .. مأذتني مب مخليتني في حالي نذير : افا عليج لمووي ما عاش الي يأذيج بس دليني عليها و انا بعلمها السنع شلون لمياء و اهي تصطنع البراءة : لا ما ابيك تضرها .. نذير باسغراب : عيل .. لمياء : ابيك تكلمها و تقنعها انك تحبها و اذا حسيتها بدت تحبك .. نذير يقاطعها :لمياء تعرفييين اني مستحيل اسوي هالشى .. اكيد انتي نايمة لمياء : انا أصح منك يالثور .. و اعرف الي اقوله لك حرف حرف .. نذير : و انا اقولج اني ما بسوي هالشى .. تبيني العب بمشاعر البنت ؟؟ لمياء : اي تستاهل مثل ما تأذيني.. ما اشوف حد عاتبها عـ الي سوته فيني و الحين انت تعاتبني على الي بسويه فيها .. هذا ولا شى بالنسبة للي تسويه نذير : لهدرجة يعني ؟؟ لمياء : و اكثر بعد .. نذير حبيبي طلبتك و هاي اول مرة اطلب منك شى معقوله تردني ؟؟ نذير : مسامحه لمياء لو طالبه شى عدل سويته لج بدون ما افكر تعرفين شكثر احبج و مستعد اسوي اي شى حق ارضيج بس هالشى مستحيل لمياء : و اذا قلت لك اني بوافق عليك اذا سويت لي هالطلب نذير بفرح : حلفي لمياء حلفي ؟؟ لمياء : صدقني بوافق عليك بس انت سوو هالشى نذير : امم زين اوكي عطيني رقمها لمياء : ******39 لمياء قعدت تكلم نذير و تقوله شراح يسوي فـ الرقم ... قالت كل التفاصيل .. اشواق تكلم احمد .. احمد : يعني الليلة بشوفج .. اشواق باستغراب : و ليش تشوفني احمد : ابي اشوف حبيبتي القمر الليلة اشواق : لا ما اعتقد اقدر احمد : يلااا عاد قلبي تم يترجاها .. و في الاخير قالت له بس يوقف من بعيد و يشوفها و اهي طالعه بعد ساعه تقريبا .. رن موبايل هيا .. و المتصل نادر نادر : صباح الخير عروووستنا هيا بحيا : ههه صباح النور نادر : قعدتي ولا للحين نايمة !! هيا : الحين بقوم نادر: اوكي تحملي بروحج عدل هيا : ان شاء الله نادر : يلا مع السلامه عمري هيا ...: مع السلامة قامت هيا من عـ السرير و راحت خذت لها شور عـ السريع و نزلت تسلم عـ العايلة و راحت بعدها على طووووول الصالون.. اول ما وصلت الصالون استلموها الي يشتغلون هناك .... نور تكلم مهند .. نور : اليوم بروح عرس اخت شوق و اشواق مهند : بتسيرين مع من ؟ نور : امم انا و ايمان و اعتقد علا بعد مهند : اها .. تحملي بروحج نور : ههه يعني وين بروح مهند : حتى لو ... مهند سكت لحظات بعدها : نوووووور نور : نعم! مهند : تدرين.. لج وحشه هالكثر .. نور و اهي تتطنز : وين ما اشوف اي كثر مهند : قد الكووووون نور : اها بس !! مهند : اي تعالي بقولج شى نور : قول مهند بحب : احبج نور سكتت يوم سمعتها حست بشى غريب .. استحت مهند : بعد اقول ؟؟ نور : لا بس مهند : ليش نور بحيا : بس خلاص مهند : تستحين نور : مهنننند مهند : قلبه و روحه نور : ترى بقطعه مهند :زين بس خلاص فـ الامارات خالد داق عــ رغد رغد ردت عليه و صوتها كله نوووم : نعم ؟ خالد: رغد الحين قومي بسرررعة تعالي لي الشركة رغد : بس اليوم اجازة و انا الحين نايمة ما اقدر اقوم خالد : رغد .. ضرووووري الحين تعالي رغد : زين زين الحين قامت رغد بسرعة بسرعة و اهي تسب هالخالد الي مب مخلنها ترتاح لا في ايام الشغل ولا ايام اجازتها توها بتظهر من البيت ام رغد : على وين .. توج قاعده حتى ما اكلتي شى رغد : و هذا يخلي احد يتنفس حق اكل شى اصلا ام رغد : لا تقولين لي مديرج رغد : و في غيره ام رغد : هذا لا يرحم ولا يخلي رحمه الله تنزل .. لا تظهرين من البيت.. شبلاه هذا ؟؟ رغد : يمه لو بكيفي ما اشتغلت .. وصلت رغد و كان خالد ينتظرها خالد : تأخرتي .. رغد : بعد هذي الزحمة شاسوي خالد : امم انزين هذي المعاملات لازم اليوم قبل الساعة 12 يخلصون رغد بقهر : امس سألتك عنهم و قلت لي خليهم لوقت ثاني و اليوم تقول لي اخلصهم ... خالد حس ان رغد منقهرة فسكت و ما رد عليها .. رغد قعدت تسوي الي عليها و اهي معصبه عـ خالد و ودها لو تذبحه و تفتك .... علي دق عـ ازهار من بعد ما كلم اخوها ازهار : شقال لك؟ معصب ؟؟ علي : كان يكلمني و كأنه رايق ازهار باستغراب :شووو علي : اي و قال لي اذا صج تباها تعال اخطبها ازهار باستغراب : حمد اخوي قالك هالكلام علي : اي و سالني عن اسمي و عمري ... ازهار : انزين و شبتسوي الحين .. علي : بتقدم لج باقرب فرصة ازهار : علي انت متأكد من الي قاعد تسويه .. ولا بس بتسوي هالشى لان قلت له انك تحبني علي: يعني تشكين في حبي لج ؟؟ ازهار : لا بس كل شى صار بسرعة علي : الله كاتب هالشى .. فــي البحرين ناصر قاعد يفكر ..آه منزمان و انا انتظر هاليوم و اخيييررا قرب موعد رجعتج لي يا هيا لازم اليوم امتع عيني بشوفج ما باقي شى و اوصل لج .. دق على نادر ناصر: هلا والله نادر : هلا ناصر : شخبارك ؟ نادر : الحمدلله و انت ؟ ناصر : انا اسعد واحد فـ هالكون نادر : انشالله دوم .. بس ما قلت لي ليش ؟ ناصر : و هذا سؤال يعني .. تسوي روحك ما تعرف نادر : .. اها الساعة 2 سعود : ميساء خالد داق علي و يقول نظهر نتغذى معاهو مع رغد ميساء : هههههه اوه اوه شعندهم سعود : والله ماعرف نسير و نشوف ميساء : اوكي بس بلبس عباتي و يايه سعود : متأكده تقدرين تيين معانا ولا تبين ترتاحين و انا اييب لج الغذى ميساء : لا ما ابا اقعد لحالي سعود : براحتج حبيبي بس وقت الي تحسين روحج تعبتي خبرييني ميساء : اوكي مسافة الطريج و وصلوا المطعم ميساء اول ما شافت رغد : شعندها ما نقدر رغد بعصبيه : سكتي عني ميساء : وييي شبلاج رغد : خليني ساكته لان اذا تكلمت الحين بنفجر و بسوي سالفه شكبرها ميساء بخوف : مسوي لج شى خالد ؟؟ رغد : قولي شوو ما سووى ميساء : قولي لي الحين شبلاج؟ رغد و اهي تهمس: داق علي من صباح الله خير و يقول لي تعالي لي الشركة و انا كنت نايمة قلت معليه يمكن شغله ضرورية و يوم وصلت المكتب طلع لي المعاملات امس و قال لي يباهم ضروري ميساء : صج ما عنده سالفه سعود : شبلاكم تتهامسون من اول ما وصلنا .. خالد طالع رغد بنظرة بمعنى ان اهو حاس الكلام الي يدور بينهم عنه سعود : امم ميوس هذا المنيو و شوفي شتبين تاكلين لو بعد تبيني اختار عنج .؟ ميساء :يفضل سعود : تآمرين أمر انتي .. ميساء كاانت تحس بألم في بطنها بس ما قالت حق سعود و كان الالم كل ما له و يزيد بس تذكرت كلام الدكتورة ان الشهر السابع بتتألم اكثر و حاولت تتجاهله وصل الاكل .. كلت شوي ميساء و بعد ربع ساعه من لحظات الهدوء الي كانت تعم في المطعم و النظرات الي كان خالد يتبادلها مع رغد صرررررخت ميساء مرة وحدة و زاد عليها الم الطلق سعود خاف وايد عـ ميساء و عـ الياهل تمت ميساء تصرخ ... ظهر سعود و اهو حامل ميساء ... رغد و خالد تموا جامدييين مكانهم من الي كانوا يشوفونه .. خالد بعد لحظات : رغد انا بسير ادفع الحساب و انتي سيري وراهم و بلحقكم ظهرت رغد و اهي خاااايفه .. يا رب تكفى خفف عليها .. بالنسبة لسعود كان يمشي بسررررررررعة حق يوصل قبل لا يصير شى الله لا يقوله و طبعا خالد ورى رغد .. فــ البحرين .. شوق و اشواق طلعوا من البيت رايحييين الصالون و فـ طريجهم قالوا للسايق يمر عـ نور و ايمان مرة وحدة وصلوا الصالون و كل وحدة كاانت مشغوله بعفستها و الي تبي تسويه حق الليلة .. و الي تختار المكياج .. و و و ... سوالف البنات الي ما تخلص فــ شقة نااصر طلع البدله حق الليلة و عطرها .. خلاها عـ جنب و طلع حق يروح يحلق فــ الامارات .. رغد دقت عـ بيت بو مهند و خبرتهم بالي صار .. .... بو مهند : ام مهند .. يالله رغد داقه و تقول ان ميساء فـ المستشفى ام مهند بخوووف : بنتي .. !!! بو مهند : ذكري الله ما فيها الا الخير .. انا انتظرج فـ السيارة ام مهند : اي يلا يلا ظهروا من البيت و ما وصلوا المستشفى الا سعود كااان فـ غرفة الدكتورة الدكتورة : ولاده مبكرة سعود بخوف : ؟؟؟؟ شووو الدكتورة : لا تحاتي كلها ساعات و نخلص .. ان شاء الله ما يكون خطر لا عليها ولا عـ الجنين ظهرت الدكتورة و راحت غرفة الولاده ام مهند بتوتر: سعود شبلاها ميساء ؟؟ سعود بيأس : ولاده مبكرة .. ام مهند حطت يدها عـ قلبها : بنتي .. بو مهند : الله يسهل ان شاء الله ام مهند : انا لازم اشوفها .. بو مهند : ما يصير يا ام مهند ام مهند و الدموع بعينها: لا يصير هذي بنتي .. ام مهند أشرت للدكتورة انها تبا تدخل الدكتور خبرت الممرضة تظهر لها .. الممرضة : مسامحة بس ما يصير ام مهند الدموع تنزل من عينها كل ما سمعت صوت بنتها تصرخ يتقطع قلبها .. الممرضة : جيي يتشتت تركيز الدكتورة .. ادعي لها تكون بخير .. ام مهند قعدت عـ الارض و اهي تدعي من كل قلبها سعود كااانت حالته لا توصف .. اول مرة يشوفه خالد بهالحاله ,,عمره ما شاف اخوه الكبير خايف و مهتز بهالصورة .. ظهرت الدكتورة من غرفة الولاده و كااان ويهها ما يبشر بالخير.. ام مهند و سعود وقفوا اول ما شافوها طالعه بو مهند : خير اللهم اجعله خير .. الدكتورة : خير ان شاء الله .. بس الجنين مقلوب و محتاجة عملية قيصرية مستعجلة سعود: شوو يعني ...ميساء بيصير فيها شي؟؟ الدكتورة : لالا العملية مب خطرة بس محتاجين توقعيك اللحين ضروري.. سعود : ان شاء الله دكتورة بسرعة و الي يعافيج وقع سعود عـ الاوراق و ردت دخلت الدكتورة .. سوو لها تخدير نصفي بس للاسف ما أثر بالدرجة المطلوبة فاضطروا يسوون لها تخدير كامل حفاظا على سلالامتها ... شقوا بطنها .. فــ البحرين صارت السااعة 8:30 كااانت هيا بكامل زينتها و حلاها خذاها ابوها و وصلها لعند باب الفندق .. الي كانت الاغاني ضاجة بالمنطقة .. فتحوا لهيا الباب و كااان قلبها يدق بقوة و كأنها ما حست بهالاحساس من قبل .. دخلت الغرفة المخصصة للعروسين قبل ما يشوفونها الناس .. و قعدت عـ الكرسي و حست براحه شوي .. تنهدت بصوت مسموع:آه .. ام هيا و عينها مليانه بالدموع : سلامتج من الآه يا يمه .. اييب لج ماي هيا : لا يمه مشكوررررة ام هيا قعدت تسمي بالله و تقرأ آيات عـ بنتها لانها كااااانت ملاك منزل من السما .. بعد ربع ساعه.. وصل نااادر و كان لابس ثوب و بشت .. و ريحة البخوووور واصله لآخر الفندق دخلوا هيا للمعازيم... شوق كانت علي يمينها و اشواق على شمالها .. لابسيين مثل الشى و بيدهم شموع .. و عــ أبيات شعر جمــال و ربـــي غــطــاهــا عين(ن)و مبسم يا محلاها قــــمـــــر 14 ربــي سواها احــار دايــم فــي ذكــرهــا طــفــلــة تـمـيـزهــا برائتها عـيـنـي تـدمـع من غـلاهـا هيا عــاش مــن سـمـاهـا هايــم انـــا فــي هـــواهــا انا طيـــر في ســـمـــاهـــا و العمــر كــــلـــه فــداهـــا وصلت هيا عند كوشه العرس و وقفت ... بعدها على طووول دخل نادر و وراه ابوه و بو هيا و اخوان نادر و ناصر الي كااان واقف اخر شى معاهم .. ((بو هيا ما كان راضي ناصر يحضر العرس ..بس اصرار نادر خلاهم يوافقوون بوعد ان ما راح يصير شى يخرب هالليلة )) اول ما دخل نادر انظراه كلها توجهت لهيا كاااانت مثل القمر ..صدق من قال قمر 14 حس ان بحلم و ما يبي يصحى منه كاانت في غاااية الروعة و الاناقة طالعه احلى عروس من بين كل العرايس ايمان : نووور شوفي ناصر ياي معاهم نور : الله يستر بس .. ان شاء الله يعدي هاليوم عـ خير فـــ الامارات ظهرت الدكتورة و راحت لسعووود و بسرعة الدكتورة : حالتها للاسف غير مستقرة و حصلت لها بعض المضاعفات و انا وايد اسفة باني اقولك انك مضطر يا ننقذ الجنين او ننقذ ميساء سعود نزلت دمعه من عينه و ما قدر يرد عليها و راح يم اخوه مب عارف شلون يتصرف ... ام مهند قالت للدكتورة ان تبقى ميساء .. مهما يكون الولد يتعوض لكن الام ما تتعوض ردت الدكتورة لداخل غرفة العمليات .. فــ العرس اشواق شاافت عبدالله .. شفيه هذا وين ما اروح اشوفه من وين طالع لنا بعد ..!! عبدالله شافها تطالع باستغراب تقرب منها .. عبدالله : السلام عليكم اشواق :... عبدالله : لا بس اشوفج مستغربه و مادري شلون تطالعيني بس انا اصير ولد خاله نادر اشواق و اهي ماشيه: اها مبروك عبدالله ::: فديتها القمر الي ما تعطيني ويه بالنسبة لهيا .. فكانت تتخيل نادر ناصر فـ كل حركه يسويها و بكل نظرة يشوفها فيها .. بس المشكلة انها للحين ما شافت ناصر الا كان قاعد أخر شى و يطالعها بكل حب و حسرة و شغف و لهفة .. كاااانت الاوضاع من احسن ما يكون ..لحد ما راح ناصر للدي جي و اهدى اغنية ماجد المهندس (العروسة)لهيا .. الف مبروك زفينا الجميله الليله الفرح ليله من الف ليله قمر ويا الشمس جالس ربنا من الحسد حارس الله يتمم لكم فرحه الليله الحسن ياناس ظل محتار بيها الجواهر والذهب تتمنى يديها حلو ثوب العرس لايق عليها العروسه والعروس الاثنين حلوين الحمد له جمع هالزينه بالزين ومنك مال ومنها عيال طيبينللاستماع هيا من سمعت صوت ناصر و اهو يقول (اهدي هالاغنية لاحلى عروسه فــ الكون) ما تعرف شصار فيها و تمت عينها عـ المعازيم تدور و كأنها تدور عن شى ضايع لها منزمان ... و اخيييرررا شافته .. كان راجع للطاوله من بعد ما قام و اهداها الاغنية و اهو يمشي كااانت عينه في عينها و الالم كل ما له و يزيد و باين عليه التعب من ملامح ويهه حتى هيا رجف قلبها يوم شافت ملامحه ما تعرف هذا ناصر ولا غيره .. فجأه و اهو بين كل المعازيم واقف يناظر حبيبه الي سلبت روحه طاح مغمى عليه و كانت هيا تسمع كلمات الاغنية و عينها تذرف وقفت و بدون احساس حتى نادر كان مستغرب .. هيا و اهي تهمس : هذا ناااصر ... ناصر شفيه ؟؟ وقف نادر و بقهر ..كان يفكر ناصر يبي يخرب العرس .. بس للاسف شافه في عـ الارض و نزل من عـ المسرح و راح له على طوووول الفندق صار ضجة و صوت الاغاني الي كان ضاج بالمكان اكثر و اكثر الناس كلها متيمعه على ناصر .. و كاانت هيا الوحيده واقفة عـ المسرح و تشوف الي قاعد يصير حركه حركه مب عارفه شلون تتصرف اهي بعلم ولا خيال ..ما قدرت تنطق بغير الدموع الي كااانت تذرفها حتى من كثر الدموع الي بعينها حست انها عمت .. فــ الامارات**** الدكتورة طلعت .. سعود و اهو فاقد الامل :؟؟ ..!! الدكتورة : ميساء بخير بس الحين شوي تعبانه سعود ابتسم بفرح الدكتورة : اي صح مبرووووك عليك التوينز سعود من الفرح الدموع نزلت : الحمدلله يا رب الحمدلله ام مهند بفرحه : يصير انشوفها الدكتورة : للاسف لا .. لازم ترتاح بعد 8 ساعات تقدرون تشوفونها بو مهند قعد يحمد و يشكر ربه ان استجاب دعائه .. رغد لمت ام مهند تبارك لها بالمولودين فـ مستشفى ثاني نادر : شفيه دكتور ؟ الدكتور : هذا قضاء الله و احنا لازم ما نعترض عـ هالشى نادر و بدى يفقد اعصابه : دكتووور شفيه ناصر؟؟ الدكتور بتوتر : للاسف السرطان منتشر في كل جسمه نادر بصدمه : سرطان ؟؟ الدكتور : اي و صار له فترة كان المفروض من قبل اتيبونه حق يتعالج نادر :..... الحين شلون حالته الدكتور: بصراحة هو حاليا يحتضر و ايامه معدودة و الافضل يقضي باقي ايامه مع اهله كاان كلام الدكتور مثل السم على قلب نادر .. طلع من غرفة الدكتور و راح يشوف رفيج عمره ..الي قضى معاه كل ايام شبابه .. شلون راح يقابله الحين و اهو بحاله .. شلون راح يشوفه و اهو يعرف ان ما باقي عليه الا ايام معدوده و راح يفارقه هيا ردت البيت مع ابوها الي كااان معصب عـ الي صار في العرس .. كان حاس ان جيت ناصر للعرس فيها شى .. دخلت دارها و و يات وراها شوق حق تخفف عنها شوي .. لكن للاسف حال هيا محد يقدر يهديه غير ناصر .. نور ردت البيت من بعد ما وصلت ايمان بيتهم .. مهند : كل هذا صار ؟؟ نور بحزن : اي مهند : يمكن لان يحبها ما قدر يتحمل يشوفها مع واحد غيره و اغمى عليه نور : والله مادري يا مهند مهند حس بالخوف يوم قالت له نور السالفة .. مهند : نور احبج و ما ابي شى فـ هالدنيا يفرقنا نور : ان شاء الله فـ بيت بو مهند اريج قاعدة تنتظر امها ترد البتي و تسألها .. بس شافتهم طولوا دقت عليهم .. اريج : يبا وينكم ؟؟ بو مهند : بالمستشفى اريج : للحين ؟؟ بو مهند : اي اريج : شحال اختي ؟؟ ولدت ولا للحين بو مهند : الحمدلله ولدت اريج بفرح : الاااااااي مبروك بو مهند : .. اريج نامي و خلي اختج تنام احنا بعد شوي بنرد اريج : اوكيالشعرمن هالبارت و رايح بكتابه أسيرة الورد ثاانكس حبوو ما تقصرين Edited يونيو 9, 2009 by girlheart Quote Link to comment Share on other sites More sharing options...
أسيرة الورد Posted يونيو 9, 2009 Report Share Posted يونيو 9, 2009 اللهـ اللهـ اللهـ عـ البااااااااااااااااارتـ انما اييييييييييييييييهـ تححححححححفة يا حلوووووووووووة خلود و رغود شيـ ما صار و لا استوى فففففففنـ احبببببببببهمـ اللحينـ عبداللهـ شنو بيصير وياهـ؟؟ نااااااااااااااااادر ونااااااااااصر و هياااااااااا واعليهـ ناصر عور قلبيـ كدرنيـ ذيـ ذيـ علويـ خلاصـ بيخطبهاااااااااا كلولوللوووووووووووِشـ لمويـ الكريههـ وووووووعـ عليهااااااااااا هيتـ هر ما احبهااااااا النذلة ممم ميوووووووسـ عمررررررريـ اليـ يابتـ تووونز وايـ الباااااارتـ رووووووووووووووووووووووووعة كلولولووووووووشـ و اخيرا ولدتـ خخخخخـ تعاليـ اريجـ و بندر وينـ مواقفهمـ وحشووونيـ ايهـ عليجـ يبهـ حاضرينـ يالغلا :$ ننطرجـ Quote Link to comment Share on other sites More sharing options...
شوق الابتساام Posted يونيو 9, 2009 Report Share Posted يونيو 9, 2009 اما صدق بارت يجنن والاحداث فيه تشووق واااايد لكن مسكين ناصر بعد طول الانتظار يطلع مريض وفديت مهند كلامه لنور وااايد حليو الله يخليهم لبعض لا تتأخرين علينا ننتظر متشوقة واايد للبارت الجاي يسلموووو نوي ع البارت Quote Link to comment Share on other sites More sharing options...
reemas4 Posted يونيو 10, 2009 Report Share Posted يونيو 10, 2009 تسلمممممين اينن البارات احداااااث حلووه نتظر البارت الياي لطولين علينه Quote Link to comment Share on other sites More sharing options...
وردة ملاك Posted يونيو 10, 2009 Report Share Posted يونيو 10, 2009 ثانكس على القصة Quote Link to comment Share on other sites More sharing options...
°*¤الأســطـــورة¤*° Posted يونيو 10, 2009 Report Share Posted يونيو 10, 2009 girlheart رااااائع ماسطرته لنا .. متـآبعه لكتابتكِـ .. يعـطيج آلف آلف عاافيه ياغـلاهم .. وننتـظر البـارت الـي بعـدو على آحـر من الجمـر .. بورك مدآد قلمك .. ودمتِ .. °*¤الأســطـــورة¤*° Quote Link to comment Share on other sites More sharing options...
الجوووووكر Posted يونيو 10, 2009 Report Share Posted يونيو 10, 2009 البااارت وااايد عجيييب يسلموووووووووااااااااااااا. البااارت وااايد عجيييب يسلموووووووووااااااااااااا. Quote Link to comment Share on other sites More sharing options...
كوهجية Posted يونيو 10, 2009 Report Share Posted يونيو 10, 2009 قصة ولا اروووووووووووووووع ... يعطيج العافيييية وننتضر الباقي Quote Link to comment Share on other sites More sharing options...
girlheart Posted يونيو 10, 2009 Author Report Share Posted يونيو 10, 2009 اللهـ اللهـ اللهـ عـ البااااااااااااااااارتـ انما اييييييييييييييييهـ تححححححححفة يا حلوووووووووووة خلود و رغود شيـ ما صار و لا استوى فففففففنـ احبببببببببهمـ اللحينـ عبداللهـ شنو بيصير وياهـ؟؟ نااااااااااااااااادر ونااااااااااصر و هياااااااااا واعليهـ ناصر عور قلبيـ كدرنيـ ذيـ ذيـ علويـ خلاصـ بيخطبهاااااااااا كلولوللوووووووووووِشـ لمويـ الكريههـ وووووووعـ عليهااااااااااا هيتـ هر ما احبهااااااا النذلة ممم ميوووووووسـ عمررررررريـ اليـ يابتـ تووونز وايـ الباااااارتـ رووووووووووووووووووووووووعة كلولولووووووووشـ و اخيرا ولدتـ خخخخخـ تعاليـ اريجـ و بندر وينـ مواقفهمـ وحشووونيـ ايهـ عليجـ يبهـ حاضرينـ يالغلا :$ ننطرجـ انتي الي اييييه يا بت .. ههههه يسلمووو عـــ الرد الحلوووو .. دايما تشجعيني اسوووور ما تقصرين حبوو اما صدق بارت يجنن والاحداث فيه تشووق واااايد لكن مسكين ناصر بعد طول الانتظار يطلع مريض وفديت مهند كلامه لنور وااايد حليو الله يخليهم لبعض لا تتأخرين علينا ننتظر متشوقة واايد للبارت الجاي يسلموووو نوي ع البارت انتي الي تيننييين ثانكس شوق الابتسام عــ المتابعه تسلمممممين اينن البارات احداااااث حلووه نتظر البارت الياي لطولين علينه reemas4 انتي الي حلوة ثاانكس حبيبتي عـ المتابعة المتواصله girlheart رااااائع ماسطرته لنا .. متـآبعه لكتابتكِـ .. يعـطيج آلف آلف عاافيه ياغـلاهم .. وننتـظر البـارت الـي بعـدو على آحـر من الجمـر .. بورك مدآد قلمك .. ودمتِ .. °*¤الأســطـــورة¤*° نورتي الموضوع حبيبتي ان شاء الله اكون عند حسن ظنكم .. و يسلمووو عـ الرد البااارت وااايد عجيييب يسلموووووووووااااااااااااا. البااارت وااايد عجيييب يسلموووووووووااااااااااااا. الجوووووكر ثاانكس عـ الرد قصة ولا اروووووووووووووووع ... يعطيج العافيييية وننتضر الباقي انتي الي ولا اروح حبيبتي يسلموو عـ الرد و بحاول ما اتاخر في كتابة البارت الي بعده يلاااا ابي توقعاتكم للبارت الي بعده Quote Link to comment Share on other sites More sharing options...
بباي Posted يونيو 10, 2009 Report Share Posted يونيو 10, 2009 يسلموو حدة الباااارت كشووخي ننتظر لاتتأخريـــن علينه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.