أسيرة الورد Posted يوليو 17, 2009 Report Share Posted يوليو 17, 2009 السلام عليكم و رحمة الله وبركااته شخبااركم اعضاء عساكم بخير؟ ممم بس بغيت اخبركم ان girl heart تقول لكم انها راح اتاخر في تنزيل البارت اشوي لان عندها حالة وفاة :'( الله يصبرها و يصبر اهلها ادعوا لولد عمها الله يرحمه بالجنة اختكم اسيرة الورد Quote Link to comment Share on other sites More sharing options...
مينونة ومخرفة ومخرخشة Posted يوليو 17, 2009 Report Share Posted يوليو 17, 2009 girl heart عظم الله اجرج حبيبتي .. الله يرحمه ويغمد روحه الجنة .. الله يصبرها ويصبر اهلها .. Quote Link to comment Share on other sites More sharing options...
ذكرى ! Posted يوليو 18, 2009 Report Share Posted يوليو 18, 2009 إن لله وإن إليه راجعون لاحول ولا قوة إلا بالله العلي العظيم الله يغفرله ويسكنه في فسيح رحمته Quote Link to comment Share on other sites More sharing options...
girlheart Posted يوليو 19, 2009 Author Report Share Posted يوليو 19, 2009 اجرنا و اجركم .. ...... البااااارت 30 بو ايمان : والله انت تعرف رايي بهالسالفة منزمان يا خوك .. و انتو ما شاء الله عليكم اخلاق و طيب و اصل وين نلقى ريال احسن من احمد بو احمد : عيل عـ البركة بو ايمان : بس يا خوك للحين ما خلصت دراسة .. بو احمد يقاطعه : من هالناحيه لا تحاتي احنا بس الحين يايين نكلمكم و نشوف رايكم اذا صار خير بيملجون و الخطبه اذا خلصت دراستها بو ايمان : ما شاء الله عليك يا بو احمد مزهب حق كل شى بو احمد : ههههه في الصاله ام احمد : وينها ايمان ما شفناها ام ايمان : لحظة بناديها لكم ام ايمان راحت نادت بنتها ايمان كاانت لابسة بدله ناعمه و حاطه لها شوي بلشر و كحل يات لهم و فـ يدها العصير .. ام احمد : شهالزين .. شهالحلاة ايمان احمرت و نزلت راسها فـ الامارات…. بوحمد :انت شايف الريال زين ؟ حمد : انا سالت عنه و قالوا لي كل الخير بس الراي رايك و الشور شورك بو حمد : خلاص توكل على الله و الا في الخير بصير ان شاء الله حمد : بس يبه في شى ابا اقوله لك ام حمد تقاطعهم : العشى جاهز بو حمد و اهو قايم : ان شاء الله رد رجع : الا ما قلت لي شوو كنت بتقول حمد : لا خلاص ما في شى مهم بو حمد : يلا حق نتعشى فـ مكان ثاني .. بندر : يمه ابوي امتى راح ايي لنا ام بندر : شوو صاير يعني بندر : الصرراحهـ في بنت في بالي ام بندر بفرحه : صججج .. بندر : اي ام بندر : بالبركه يا وليدي بندر : من الحين تباركين لي .. خل اول نعرف رايهم يبوني ولا لا ام بندر : و من يرفض ولدي نظر عيني بندر : هههه ام بندر : خلاص ولا يهمك انا ادق عـ ابوك و اخبره بندر : لا يمه لا تدقيين عليه انا اباه اذا يانه اخبره بنفسي ام بندر : براحتك بس اذا عـ ابوك ما راح ايي لنا الا بعد سنه فراس : اي ولا كأنه اعياله نسى انه متزوج و عنده عيال من زوجه ثانية بندر طالع فراس بنظره و سكت فـ شقة مهند الي فـ البحرين مهند : نور ابا اشوفج نور : امم ليش !! مهند : يعني حرام اشوف حبيبتي ؟؟ نور و اهي تفكر : امممم بشوف اذا قدرت مهند : ما يبا لها تفكير .. يعني ما وحشتج مثل ما وحشتيني نور بحيا : ههه لا و ليش توحشني .. اصلا من قالك اني احبك !! مهند : و من قال اني اقصدج فـ الكلام نور : لانك تكلمني ما تكلم احد غيري ويييوو مهند : حبيبتي نور : نعم ؟ مهند بعصبيه : نورو والله اذبحج اذا قلت لج حبيبتي و رديتي علي نعم نور : و ان شاء الله شنو تبيني ارد عليك مهند : قولي هلا حبيبي .. هلا عمري نور : لا والله احلف و من امتى مطلع لنا هالبدعه بعد مهند : شبلاج انتي .. ما تفهمين في سوالف الحب والله خبله خبله شاقول بس خليني ساكت نور : اي خلك ساكت شبتقول يعني ! مهند : اقول احبج .. نور سكتت لحظات من بعد ما قال لها هالكلمة .. في كل مرة يقولها لها تحس وكأن اول مرة تسمعها .. مهند : فديتهم الي يستحووون بعد ربع ساعه قطعوا الخط لان ايمان كانت متصلة فـ نور ايمان : نورووو وينج ؟؟ نور : فـ البيت يعني ويني ! ايمان : انزين بمر عليج و بنطلع نور : اوكي بس اخبر امي ايمان : اوكي لا تتأخرين كلها ربع ساعه و احنا عند باب بيتكم نور : اوكوش فـ المول .. ايمان : اي و قالوا الملجة بعد اسبوعين نور : بهالسرعة ايمان : بعد شسوي .. نور : ايماااااااااان من يصدق انج بتنخطبين ايمان : هههههه يلا هذي طلعه العزوبية .. نور : ههه لا حبيبتي الي تتكلمين عنها طلعه ثانية ايمان : شوفي هذي مو كأنها اشواق نور : وين ؟؟ ايمان : كاهي واقفة مناك نور : اي والله هذي اهي امشي نروح لها ... ايمان : اشواقوو .. شتسويين من ورانا اشواق : هههه يايه اخذ لي ثياب منزمان ما اتشريت ايمان : اهاا .. عيل وين شوقو اشواق : ههه هذي بسرعة تتعب .. خلت السايق يردها الي ما تستحي خلتني بروحي في هالزحمه ايمان : افا عليج .. نحن هنا .. الصديق وقت الضيق .. اممم نور تقاطعها : سكتي سكتي ولي يرحم والديج لا تبدين الحين ايمان : انا تقولين لي سكتي .. الحين ملجتي و تقولين لي سكتي اشواق بصدمه : صججج!! ايمان : احم احم من قدي له اعرف ما يحتاج تقولين لي اشواق : حلللللفي ايمانوو ايمان : ههه والله اشواق لمت ايمان لا اراديا فـ وسط المول و الكل كان يطالع هبالتهم و خبالهم .. و من بين كل الناس الي تطالع .. عبدالله كان يتأمل اشواق و كل حركه تسويها .. اشواق : ههه و ليش ما تقولين لنا يالخاينه .. الحين من الي معاج بالمدرسة احنا ولا اهي نور : احم احم ايمان : كل شى صار بسرعة والله .. كنت بقولكم .. اشواق و اهي تتصل فـ شوق : لازم انقول حق شوق اشواق .... : شوقو عندي لج خبرررر يسوى.. امم تقريبا مادري الصراحة شوق : لا تقولين محمد و احمد وصلوا المجمع بعد ما طلعت اشواق بحسرة : لا .. شى ثاني شوق : قولي يلا اشواق : ايمان تقدموا لها و ملجتها قريب شوق : صججججج ؟ اشواق : اي ..اخذي كلميها .. ايمان خذت الموبايل و كلمتها .. و بعدها كل وحدة كانت في محل تدور شى معين حق ملجه ايمان .. عبدالله كان طووول الوقت ورى اشواق بس من بعيد لبعيد حق ما تشوفه و تتضايق .. و اهو يراقبها .. شاف البنت الي اخر مرة احمد رقمها .. عبدالله اليوم كان متكشخ عـ الاخر و مسوي روحه فن و رزه و هذا الي ساعده انه يتقرب منها عبدالله كتب رقمه فـ ورقة بسرعة و قطااها عليها .. اهي ما عرفته .. باين عليه غني و عنده خيرات .. خذت الرقم .. و لا من شاف ولا من درى صارت الساعة 8 و استأذنت اشواق لانها لازم ترد البيت .. فـ طلعتها .. نور : اشواق لحظة بطلع معاج مهند يايني اشواق : يـــه يـــه ما نقدر نور بحيا : هههه اشواق : آييي عليج تستحين نور : عقلي .. الا ما قلتي لي شخبار احمد اشواق : احمد هههه احمد ما عاد احمد نور : شنوو ؟ ... سوري اشواق وصل مهند و لازم اروح معاه بباي راحت نور و ظلت اشواق عند الباب .. قالت بتدق عـ السايق تشوفه وين .. لفت حق تفتح الشنطة و ما شافتها .. قالت يمكن قطت الشنطة داخل واحد من هالاجياس .. نزلت الاجياس عـ الارض و فتحت واحد واحد بس ما لقتها .. اشواق خافت ... يا ربي شسوي الحين!!! اففف ردت دخلت اشواق المجمع تدور عليها .. بس ما لقتها خبرت الي يشتغلون هناك ان شنطتها ضايعة و قالت لهم المواصفات و شنو بداخلها .. ردت طلعت عند الباب .. و كان السايق واقف ينتظرها ردت البيت و اهي متضايقة عـ الشنطة و الي بداخلها .. الموبايل و كل شى مهند و نور كانوا فـ الباركات قاعدين ينتظرون ايمان تخلص مهند : يصير اشوف موبايلج نور بسخريه : ههه شاك فيني يعني مهند : لا بس عن الملل نور عطته الموبايل و اهي ناسيه سالفة المسجات الي دزاهم نذير .. مهند اول ما خذ الموبايل عـ طوول فتح الرسايل و كأنه حاس مهند تم ساكت فترة و اهو يقرأ المسجات .. ما رفع عينه من الموبايل .. نور : مهند .. مهند سكت ما رد عليها نور : مهند ....!!! مهند رفع عينه و طالع نور في عينها بنظرات كلها غيرة و قهر : في غيري في حياتج ؟؟ نور مستغربه : شنو ؟؟ مهند : من هذا ؟ نور تذكرت السالفة : مهند هذاا واحد دايما .. مهند و الدموع بطرف عينه : بعد بتجذبين ؟؟ نور خافت : مهند والله ما اكلمه ولا اخونك مهند قط الموبايل عـ نور : انا بسير البيت .. دقي عـ ايمان نزلت نور من السيارة و اهي مب عارفة شلون تفسر لمهند الي صار .. كله من نذير الي ما يخاف ربه جم مرة قلت له لا يتصل علي .. ااففففففففففف رجعت البيت و كانت امها تنتظرها .. بو بدر : توج راده ؟ نور : مسامحه تأخرت بو بدر : شتسويين لهالحزة نور : كنا نشتري اشياء حق ملجة ايمان بو بدر : هذي ملجتها و جذي تتأخرين !! نور ما ردت عليه كانت متضايقة و ما لها خلق شى .. راحت دارها بسرعة و غيرت ثيابها توها بتغمض .. سمعت طقت الباب نور بتعب : الباب مفتوح ام نور : ... نور : نعم يمه ام نور : سمعيني .. هالايام انتي وايد متغيرة و كله قافله على روحج الباب .. و اذا تطلعين محد يحاسبج لان احنا واثقين فيج بس اتمنى ما تخيبيين هالثقة .. ترى ابوج ملاحظ حركاتج نور بقهر و الدموع بعينها محبوسه : يمه .. انا شسويت الحين حق تقولون لي هالكلام ام نور : سويتي ولا ما سويتي احنا ما ندري .. بس انقولج .. ترى انتي بنتنا الوحيده نور : شنوو يعني ما تبوني اطلع ما بطلع زين خلاص ... ام نور : الحين انتي ليش قاعده تبجيين .. محد غلط عليج بس كلمناج ولا ما تبين حتى احد يكلمج نور : لانكم شاكين فيني ام نور : و من قال شاكين فيج و قصري حسج لا يسمعنا ابوج و ايي يسوي لنا سالفة نور تمت ساكته و تبجي ام نور : حبيبتي نور .. اهدي الحين و نامي ام نور طلعت من دار بنتها.. نور ضاقت عليها الدنيا بالي فيها .. كاانت كل ما تتصل فـ مهند يسكر الخط .. و ابوها و امها من جهة ثانية نور تمت تبجي بقهرر .. و قررت بعد فترة انها تدق عـ نذير نور بصوت مبحوح : انت لمتى بتظل جذي .. ما مليت والله طقت جبدي من حركاتك قلت لك الف مرة لا تدق علي ولا تدز لي مسجات الحين ارتحت يوم سويت لي مشكلة .. الله لا يسامحك ان شاء الله نذير و قلبه معوره : انا اسف والله ما كان قصدي اسوي لج مشاكل نور : آسف !! بشنو تفيدني الحين بتصلح الي صار ولا بتعيد الزمن لــ ورى نذير : صدقيني نور انا ما ابي اسوي لج مشاكل بس مادري شلون قلبي طاوعني اسوي هالشى والله مب مني نور باستغراب : شلون يعني ؟ نذير: انا اول ما كلمتج .. حسيت انج بنت محترمة و ما لج بهالسوالف بس اهي كانت تجبرني نور بعصبيه : شنووو ؟؟ و من ذي نذير توتر ::::: بييي انا شقلت يا ربي !!.. نور : انت شقاعد تخربط ؟؟ من الي يجبرك نذير: تدرين انا بقولج كل السالفة و عـلى الله ………. مهند واقف يم البحر و يفكر فـ الايام الي مرت عليه و اهو يكلم نور .. يتذكر اول ما تعرف عليها .. اول مرة شافها .. معقولة يا نور بعد كل هذا الحب تخونيني ... انا ياي البحرين عشانج الحين شلون تبيني اقعد هني اكثر .. انا الغبي الي انجرفت في علاقة و كأني مراهق .. فــ بيت بو عبدالله .. كان عبدالله قاعد عـ السرير و يمه شنطة اشواق .. كل ما يطالع الشنطة .. الفضول يذبحه و يبي يفتحها .. بس عيب مب عدله يفتح شنطة بنت مهما يكون .. و كل دقيقة تلفون اشواق يرن ..يرن .. فـ دار نور نور بعصبية: و انت مصدقها يعني ؟؟ نذير : اهي قالت لي و انا سويت نور : انا هالبنت ما سويت لها شى والله نذير بصدمه : و الكلام الي قالته لي نور : الحين بذمتك وحده فـ المدرسة بتحط بالها و بال وحدة بالجامعة نذير تم يفكر .. :: و انا شلون مرت علي هالسالفة نور : صدقني يا نذير والله ما بيني و بينها شى اذا اهي تكرهني انا شاقدر اسوي نذير : و اهي ليش حاقده عليج نور تحاول تغير الموضوع حق تتهرب من الاجابه: شدراني فيها .. انت الي تكلمها لو انا ؟؟ نذير بندم : نور انا آسف و حقج علي نور : الحين ما ابي احد يتأسف لي ابي الموضوع ينحل نذير : انزين شصار.. شلي خلاج تعصبين علي مرة وحدة .. شنو المشكلة الي صارت لج بسبتي ؟ نور : تبي الصج ؟؟ نذير : اي اكيد .. عشان احاول اصحح الغلط الي سويته نور قالت له الـــسالفة كامل .. و ان اهلها شاكيين فيها و كل شى نذير : نور .. انا آسف والله نور : الحين ما يفيد هالكلام ابي حل لهالمشكلة ظل نذير يتكلم مع نور و يفكرون فـ حل لهالمشكلة.. تقريبا ظل يكلمها للفجر .. و كانت هذي المرة الاولى الي يكلمون بعض بدون هواش و صراخ عـبدالله كان يحاول ينام بس مب قادر,, موبايل اشواق كل ثانية يرن .. اشواق كانت تبي تعرف وين شنطتها و يمكن احد يرد عليها .. عبدالله زهق و فتح الشنطة و خــلـ الموبايل سايلنت.. بس ما كان متوقع يشوف صورتها في الثيم مالها الشيطان وسوس له و تم يطالع الصـــورة فترة .. نام و التلفون يم راسه مهند تـــم طووول الليل سهران ما قدر ينام من الي صار اليوم ………… اليوم الثاني ازهار داقه عـ اريج ازهار : اروووج باركيلي اريج : لا تقولين وافقوا ازهار : ههههههههههههههههههههههه اي اي اريج : مبروك يالدبه ازهار: ههههه مب مصدقة والله احس اني فـ حلم اريج : ههههههه ازهار : الفال لج اريج : ههههه لا ما ابا لاحقة عـ هالسوالف ازهار : اي اي انتي لاحقة لكن مساكين بعض الناس ما يقولون جيي الا ميت بس عشان يسمع صوتج فـ الشركة .. مهند قاعد و يفكر فـ الشغل لكن طيف نور ما فارقه وده يكرها حق يشيلها من قلبه لكن هالشىى مب بيده .. وده ينساها و هم هالشى مب باستطاعته هيا من بعد وفاة ناصر ظلت اول ليلة في بيتهم و بعدها ردت الى شقة نادر .. اشواق كانت لحين تحاتي شنطتها و ابوها قال اذا ما لقوها لـ باجر بنخبر الشرطة فـ شقة نادر .. من بعد الي صار نادر ما عاد يحس بأي شى اتجاه هيا .. الي صار في ناصر كان بسبتها و اهو ما يقدر ينسى هالشى بين يوم و ليلة .. هيا بصوت كله حزن و تعب : نادر يصير توصلني بيت ابوي نادر : انا ناطرج تحت فـ السيارة .. نزل نادر و بسرعة لبست هيا و راحت وراه .. ……. وصلت البيت .. سلمت عليهم .. و راحت تكلم شوق هيا : شوق تعالي ابي اكلمج شوق : اوكي .. راحت شوق دارها و كانت هيا تنتظرها .. دخلت شوق و صكت الباب .. قعدت و قلبها يدق بقوه ,, :: اشصاير !؟ هيا : ابي اكلمج ما عندي احد اكلمه احس اذا ما قلت الى احد عن الي فيني راح اختنق من الهم الي بداخلي شوق بخوف : .... هيا : ناصر مات و اهو مريض بالسرطان شوق من الصدمه حطت يدها على قلبها هيا : انا ما استاهل حب ناصر يا شوق .. ولا استاهل اكون مع نادر بعد اكثر شوق و اهي تحاول تستوعب الي قاعده تسمعه : .... يعني شنو ؟ هيا : مادري .. ما اعتقد اني اقدر استحمل اكثر من هالدنيا .. شوق : لا تقولين هالكلام هيا : نادر كل ما يطالعني اشوف بعينه صورة ناصر .. كل ما اسمع نبرة صوته اسمع فيها الالم و قلبي يتقطع الف مرة ..نادر ما عاد مثل قبل صار كأنه يعيش مع وحدة غريبة ولا كأني زوجته .. و ان الي ميت اهو كان زوجي فـ يوم من الايام شوق عورها قلبها على اختها بهالحال : معليه كلها جم يوم و يرد لج مثل قبل و احسن هيا : ما اعتقد .. لان حتى اذا يكلمني ما يلتفت و يطالعني عـ الاقل انزين يحاول يخفف عني .. يعني انا ما احب ناصر ؟؟ احبه اكثر منه مادري ليش قاعد يسوي فيني جذي ,, شوق : انتي الحين خفي على رروحج شوي مب زين تسوي هلون .. اكيد بحس عـ روحه و بيرد لج و هو يتأسف على الي سواه هيا : والله مادري شاقولج شوق : ما يحتاج تقولين شى .. راحت شوق اتييب لها ماي .. و شى تاكله فـ الامارات خالد: تعالي لي المكتب رغد : حاضر طقت الباب و دخلت .. رغد : آمر خالد : ما يآمر عليك عدو .. اممم خالد ظل يتأملها .. وقفتها .. انوثتها .. نعومتها رغد من الحيا نزلت راسها فـ الارض و قالت و اهي طالعه: في عندي وايد شغل و لازم اخلص خالد عض شفته بقوة و تنهد : آه يا يمه .. فديت هالبنت والله فـ بيت بو مهند ميساء تكلم سعود فـ التلفون سعود : و ان شاء الله الماما متى ناويه ترد البيت ميساء بضحكة : اممم وحشتك مثلا !! سعود و اهو يقلدها : اكييييد مثلا ميساء : بس انا ما ابا ارد .. سعود بحزن: صج! ميساء : اي ولهت عـ العايلة و قعدتهم .. سعود : يعني انتي مب مرتاحه معاي ؟؟ ميساء : بس في بيت اهلي ارتاح اكثر سعود و نبرة صوته تغيرت : اوكي .. عـ راحتك ميساء : اوكي بباي سعود قطع الخط و اهو يفكر فـ الكلام الي قالته ميساء .. يعني معقوله كل هذا و مقصر بحقها ولا معاها .. لا لا قطع افكاره صوت رنة الموبايل .. رد بدون ما يشوف من المتصل ميساء : حبيبي كنت امزح معاك .. لا تاخذ عـ كلامي .. اصلا اعد الليالي حق ارد معاك سعود براحة : صج عمري ! ميساء : اي صج سعود : يمه يمه منك يا نصاابه..احبج ميساء : هههههه و انا بعد احبك .. ام مهند دخلت تتطمن عـ بنتها .. و شافتها تتكلم فـ الموبايل ام مهند بلهفة : هذا مهند ميساء : لا .. سعود ام مهند باحباط : سلمي عليه ميساء : الله يسلمج لحظات و ميساء خلصت من مكالمتها .. ميساء : يمه تبين تكلمين مهند ام مهند : اي والله يا بنيتي يا ريت .. ميساء : هذا الموبايل عندج و دقي عليه .. ام مهند سارت بفرحه اتييب رقم مهند .. دقت عليه و بصوت كله حنان و حب : هلا يمه مهند : هلا هلا شحالكم ؟ ام مهند : احنا بخير نسال عنك .. انت شحالك .. طمني عليك مهند : ههه انا بخير الحمدلله ام مهند : مرتاح ؟ مهند بضيق : اي يمه ام مهند : اكيد يا وليدي ؟؟؟ مهند : اي انتي بس لا تحاتين ام مهند : اذا محتاج شى خبرنا .. مهند : ان شاء الله ام مهند : سلمت عـ بيت عمتك!! مهند : اي يمه ام مهند : زين تسوي .. مهند : يمه الحين انا فـ الشركة اكلمج باجر ام مهند : ان شاء الله حبيبي .. لا تقطعنا و طمنا عـ اخبارك اول بأول مهند : ان شاء الله يا اغلى ام ام مهند : بحفظ الله فـ بيت بو هيا اشواق قعدت من النوم و عـ طووول تذكرت الشنطة .. راحت بسرعة دار ابوها .. اشواق : يبا نروح نخبر الشرطة الحين ؟ بو هيا : انتي تأكدي اول اذا فـ المجمع بعدين بنقول لهم اشواق : ما لقوها .. لان انا خبرتهم اول ما تلقونها تدقون بو هيا : انا الحين شوي مشغول .. خبري السايق يوصلج اول المجمع و تأكدي منهم آخر مرة و بعدين اذا ما لقيتوها نخبرهم اشواق : اوكي راحت اشواق بسرررعة تبدل ثيابها ما صار لها عشر دقايق الا و اهي طالعه من البيت و من اول ما طلعت لين ما وصلت المجمع و اهي تدق عـ رقمها .. عبدالله كان حاس ان اهي بترجع المجمع تدور عليها ولا شى و من اول ما دقت على موبايلها عـ طوووول راح و غير ثيابه و اهو بعد طلع من البيت اشواق وصلت المجمع .. و دخلت سألتهم عنها لكن للأسف كانت تمشي بخطوات بطيئة من بعد ما سمعت الخبر و اهي طالعه من المجمع بحزن و فـ هالاثناء .. عبدالله وصل و شاف السايق واقف و عطاه الشنطة عبدالله مشى من جهة و اشواق طلعت من المجمع من جهة ثانية ركبت السيارة .. اشواق بصدمه : من وين يات الشنطة ؟؟ السايق : ريال في و قال انا يعطي انتي .. اشواق : و من هذا !! اوصفه لي السايق قعد يوصف لها شكل عبدالله اشواق كانت ضايعه بكبره ما يعرف يركب كلمتيين عـ بعض ,,بعد يوصف لها .. فـ الاخير حست ان الي قاعد يوصفه شكل عبدالله اشواق اول ما خذت الشنطة .. افتحتها و كان كل شى فـ مكانه .. الي ماخذ الشنطة مبين ان ما لمسها اشواق استغربت .. صبي و ما يفتح شنطة بنت غريبة .. كان البوك مثل ما اهو العفسه عفسه و اهي دايما تحط الرصيد و الفلوس مع بعض في البوك و هذا اهما عـ حالهم .. كان ودها تشكره بس مب عدله تدق عليه و اهي قبل زافته سبقها عبدالله و دز لها مسج السموحهـ و هذي امانتج عندج اشواق عـ طوول ردت عليه بمسج و بدون تفكير من كثر ما كانت مرتبكة ثاانكس فيك الخير والله بعد ما طرشت اشواق هذا المسج عبدالله استانس من قلب و حس ان وناسته ما تكفيها داره الصغيرة.. عبدالله ضغط على ايدينه بقوة :والله اني احبج يا اشواق ..بس امتى تفهمين هالشى.. لكن الاجواء كانت شوي مرتبكه بالنسبة لاشواق :: انا غلطانه ما كان المفروض ارد عليه.. قبل اكلمه بكل حقارة نفس و الحين اشكره .. شوف الدنيا شلون تغير سبحان الله وصلت اشواق البيت و وصت السايق ما اييب طاري شى من الي شافه لأحد و خبرت الاهل ان المجمع لقوها .. الظهر .. مهند طلع من الشغل و كان يلف فـ السيارة مب عارف وين يروح .. تم يلف في شوارع البحرين المزدحمه و بعد دقايق لقى نفسه واقف عند بيت نور .. مهند ما حس لروحه بس كاان كاتم الغيرة في نفسه و القهر يغلي في قلبه .. نزلت دمعه حاره عـ خده :: انا الغبي الي ورطت حالي بهالحب .. مشى من عند البيت و اهو مشاعر الغيرة الي تذبحه و الشوق ما تخليه حتى يعرف شنو الصح من الغلط .. يبي يروح يشكي لها الي بداخله .. يكلمها عن الي سوته بس كرامته ما تسمح له أســـ ــهـــر و دمـعــي فوق خدي أتـــعـــب و مــــا للـــتــعــب آخـــر أشــقــــى و لــيـتـهـ يـــريـحــنـي أرتـــ ــــاح آهــ ودي ارتـــــ ــــــاح حبيتـه عشـتقه و بـروحي افـديته خان حبـي و ما عاد للعشق زمان أهــ ــديتــ ــه قـلـبـيـ و كـ ــلـــ ـي مـــا فـــاد لا هـــــ ــــذا و لا ذاكـ ــ هجرني حبيبي و ما عاد للحب مكان عند نور .. فكانت تكلم نذير الي ما كان يهدأ موبايلها من اول ما صارت السالفة نذير : نور نور : نعم نذير : خلاص اليوم انا اكلم مهند و اقوله عن كل السالفة نور بخوف : تتوقع بصدق هالشى ؟ نذير : هذا الصج و لازم يتقبله .. بس مب هذا الي مخليني متردد نور : عيل شنو ؟؟ نذير بتردد : بعدها ما بكلمج يعني ؟ نور : ها نذيروو بدينا !! نذير : لا صج هالمرة مب قاعد اتطنز معاج اتكلم جد نور بخوف : امم .. افا عليك اضبط لك لمياء نذير من قالت هالاسم مزاجه تعكر : هالاسم ما ابيج تقولينه مرة ثانية عـ السانج نور باستغراب : ليش يعني ؟ نذير : من صجج انتي .. من بعد الي سوته فيج بعد تقولين جذي نور : ما علينا من هالسالفة .. الحين خلنا في الاهم نذير كااان يشوف في نور الطفله البريئة ..عايشة في دنيا مليانه وحوش ما تعرف شالي قاعد يصير من وراها .. نور : الوووووو نذيروو وين سارح نذير : هااا .. لا ولا شى بس افكر شراح اقوله نور : احسه ما بيقتنع نذير : تبيني اروح اشوفه ولا بس اتصل فيه نور : لا اتصل فيه احسن نذير : الي تبينه انا حاضر فيه فـ دار عبدالله .. عبدالله : هلا والله .. هلا بهالصوت .. مريم : هلاا من ؟؟ عبدالله : انا الي شفتج فـ المجمع مريم و تتصنع الحيا : امم .. هلا عبدالله : هلا بيج .. شخبارج .. مريم : الحمدلله بخير كانت هذي اول مرة عبدالله يكلم فيها بنت فـ التلفون غير اشواق .. و على الرغم من انها اول مرة له الا انها كانت اطول مده تكلم فيها ..عبدالله كان يسال مريم عن كل شى فـ حياتها و ركز واايد اذا كانت مكلمة احد قبله ولا لا .. Quote Link to comment Share on other sites More sharing options...
هبله وتهبل Posted يوليو 19, 2009 Report Share Posted يوليو 19, 2009 نور ومهند آتوقع بيرجعون حق بعض آذآ قآل نذير لمهند كل آلسآلفه وآتوقع هيآ بتموت وآيمآن وآحمد بينخطبون وبيستآنسون نذير ولميآء بتصير بينهم مشآكل آمآ لميآء آذآ رجع مهند حق نور بتنقهر ويسلمو عآلبآرت يآ girl heart Quote Link to comment Share on other sites More sharing options...
مينونة ومخرفة ومخرخشة Posted يوليو 19, 2009 Report Share Posted يوليو 19, 2009 مهند ونوور .. مهند ليش جذي يشك في نور المفروض يسألها مو يزعل ع طووول .. نذير .. زين بعد طلع عنده احساس وبيحاول يحل الموضوع .. ايمان واحمد .. مبرررررررروك الخطووبة .. عقبال باقي ابطالنا .. اشوواق وعبدالله .. احس عبدالله يناسبها اكثر من احمد ع الاقل يحبها ويخااف عليها مو مثل احمد .. هيا وناادر .. ان شاءالله بيقدرون يحبون بعض .. بندر .. انشاءالله بيخطب اريج وبتوافق عليه .. عشان حمد ينقهر .. تسلمين اختي ع البااارت الحلوو .. يعطيج العااافية .. Quote Link to comment Share on other sites More sharing options...
همسة حزن Posted يوليو 20, 2009 Report Share Posted يوليو 20, 2009 وآآآو بااارت اينن ثآآنكس حبوبهـ ع البارت بس ولي يخليج سرعي في البارت الي بعده !! Quote Link to comment Share on other sites More sharing options...
girlheart Posted يوليو 21, 2009 Author Report Share Posted يوليو 21, 2009 نور ومهند آتوقع بيرجعون حق بعض آذآ قآل نذير لمهند كل آلسآلفه وآتوقع هيآ بتموت وآيمآن وآحمد بينخطبون وبيستآنسون نذير ولميآء بتصير بينهم مشآكل آمآ لميآء آذآ رجع مهند حق نور بتنقهر ويسلمو عآلبآرت يآ girl heart ثااانكس هبووووول عـ الرد و اتمنى اشوفج دوووم متابعة القصة قلبوو .. مهند ونوور .. مهند ليش جذي يشك في نور المفروض يسألها مو يزعل ع طووول .. نذير .. زين بعد طلع عنده احساس وبيحاول يحل الموضوع .. ايمان واحمد .. مبرررررررروك الخطووبة .. عقبال باقي ابطالنا .. اشوواق وعبدالله .. احس عبدالله يناسبها اكثر من احمد ع الاقل يحبها ويخااف عليها مو مثل احمد .. هيا وناادر .. ان شاءالله بيقدرون يحبون بعض .. بندر .. انشاءالله بيخطب اريج وبتوافق عليه .. عشان حمد ينقهر .. تسلمين اختي ع البااارت الحلوو .. يعطيج العااافية .. ثااانكس حبووو والله صرت احب اقرأ ردودج الي ترد الروح همسة حزن مشاركة بتاريخ أمس, 03:19 AM وآآآو بااارت اينن ثآآنكس حبوبهـ ع البارت بس ولي يخليج سرعي في البارت الي بعده !! انتي الي تيننييين حبي ان شاء الله تآمرين امر Quote Link to comment Share on other sites More sharing options...
أسيرة الورد Posted يوليو 22, 2009 Report Share Posted يوليو 22, 2009 قووووووووووة رفيجتي الغالية بصراااحة بااارت و لا ارووووع ايماني و احمدوااا يا بختهم الله يهنييييييهم ياااااااارب عبدالله في النهاية بيكسب قلبها لان احمد نذل بكل ما في الكلمة من معنى هيا معورة قلبي و نادر بعد بس لازم بتهدى النفوس و احس بيعيشون احسن عيشة و بييبون ناصر و بيربونه لان ناصر غالي عليهم اهمه الاثنين علا ام راس ما لها حسسس؟ مهند و نور انصدمت من مهند بصراحة ياخي افهم السالفة و نور بعد كان المفروض تحمي كل المسجات و نفس الوقت تخبر مهند ان في واحد يخبرها يعني كلا الطريفن غلطانين في نظري نذير ان شاء الله بيقدر يحل الموضوع و ترد الامور لمجاريها و لموي النذلة بتروح فيها من مهند عقب ما يخبر اهلها عشان يحاسبون على بنتهم ميسااء و سعوود؟؟؟ اين هماا وحشتني الرومنسية الي بينهم بصراحة باااااارت رووووووعة تسلميين يالغالية و نترياااج Quote Link to comment Share on other sites More sharing options...
- Reem - Posted يوليو 23, 2009 Report Share Posted يوليو 23, 2009 (edited) الااي الباارت ايينن والله شسمه ما اعرف آنه اتوقع :$ ويا رب نور ومهند يتصاالحون لأن احس انهم احلى شخصية ولميااؤوو النذلة تتحاسب على حركااتهاا السخيفة ! ويا رييت تخليين لناا المرة اليايه باارتين ورا بعض وطوااااااال وبسرعة اذا ما علييج امر :$ Edited يوليو 23, 2009 by - Reem - Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.