أسيرة الورد Posted نوفمبر 21, 2008 Report Share Posted نوفمبر 21, 2008 هعـ هعـ اشدعووووووووة ما اكفيـ انا خخخخخـ مو مالية عينجـ هههههههـ اتغشمر وياجـ بسـ يمكنـ يجوفونـ الكلامـ على بعضهـ عبالهمـ قصة طويلـة فيـ البداية لازمـ هلونـ بسـ بعدينـ بتجوفينـ تفاعلـ اعطيجـ قرنتيـ (ضمانـ) خخخـ تسلمينـ فديتجـ Quote Link to comment Share on other sites More sharing options...
AnG3L Posted نوفمبر 21, 2008 Author Report Share Posted نوفمبر 21, 2008 هـهـهـ افا عـليـج تسـديـــن تسلميـــن يالغـلاـآ لاـآ عدمنـاـآج Quote Link to comment Share on other sites More sharing options...
danat aldonya Posted نوفمبر 21, 2008 Report Share Posted نوفمبر 21, 2008 صراحة القصة حدها روعة يسلمو على كتابتج الرائعة وبانتظار التكملة Quote Link to comment Share on other sites More sharing options...
m!ss M Posted نوفمبر 21, 2008 Report Share Posted نوفمبر 21, 2008 القصة حدهااا رووووووووعه يسلمووو وبانتظار التكملة بلييز لا تتأخرين Quote Link to comment Share on other sites More sharing options...
MaNaM!a Posted نوفمبر 21, 2008 Report Share Posted نوفمبر 21, 2008 وااااو صج القصه روووعه ،،، لا تتأخريييييين عليناااا ،، MaNaM!a Quote Link to comment Share on other sites More sharing options...
لط لط Posted نوفمبر 21, 2008 Report Share Posted نوفمبر 21, 2008 القصة حدهـاااااا روعــــــة عــور قلبي هالمحمد و العنود حراام الزمن يكسر بخاطر اثنين يحبوون بعض ظلمتيهم يا دنياا ننطرررررررر الباااااارت الياااااااااااااااااااااااااي على احر من الجـــــمر و كله تصيح قصتج Quote Link to comment Share on other sites More sharing options...
AnG3L Posted نوفمبر 22, 2008 Author Report Share Posted نوفمبر 22, 2008 (edited) صراحة القصة حدها روعة يسلمو على كتابتج الرائعة وبانتظار التكملة الأروع مـرورج يالغلاـآ الله يسـلمج وخـلـج متـاـآبعـهـ القصة حدهااا رووووووووعه يسلمووو وبانتظار التكملة بلييز لا تتأخرين تسـلمـين والله حبـوبه لاـآ عدمنـاـآج انشـاـآء الله من اكمـله راح انزله لكمـ وااااو صج القصه روووعه ،،، لا تتأخريييييين عليناااا ،، MaNaM!a مـرورج أروع يالـغلاـآ انشـاـآء الله القصة حدهـاااااا روعــــــة عــور قلبي هالمحمد و العنود حراام الزمن يكسر بخاطر اثنين يحبوون بعض ظلمتيهم يا دنياا ننطرررررررر الباااااارت الياااااااااااااااااااااااااي على احر من الجـــــمر و كله تصيح قصتج تسـلمـين يالغاليـهـ عـ المـرور أييي بـس انشـاء الله الـنهـاـآيـهـ تكـون حـلوهـ و سـعيـدهـ [/ Edited نوفمبر 22, 2008 by AnG3L Quote Link to comment Share on other sites More sharing options...
AnG3L Posted نوفمبر 24, 2008 Author Report Share Posted نوفمبر 24, 2008 (edited) هـاـآي شـلونـكمـ شعــب ؟؟ يبت لكمـ البـاـآرت وهالمـره طويـل لكـن البـاـآرت الياي راـآح اكتبه بالويك انـد لأن أنـاـآ بـزي هالأسبـوع تعرفـون بعد المدرسة وطلباتها اخليكم مع البـاـآرت واـآيد هذرت كانت قاعده على لابتوبها زهقانه ومتملله تخاف تنزل تحت تجوفها امها وتسألها عن محمد وتحتار شتقول فقعدت بدارها قطع الهدوء والأندماج رنة المسج خذت تلفونها وفتحت المسج استانست لما جافته بس بعد قالت : لهدرجة ما يبي يسمع صوتي ، لكنها قامت بدلت ثيابها وحطت ليها شوي meak up وتعطرت الا تسبحت بالعطر ولبست اكسسواراتها ونزلت لقت امها وقالت لها انها بتتغذى ببيت عمها . بعـد عشر دقايق وصل محمد لبيت ندى طق الجرس وطلعت له الخدامه ودخلته الصاله دخل وسلم على عمته وباس راسها وقال لندى يلا نمشي . ركبوا السيارة كان الهدوء يسود السيارة حتى المسجل ما كان مشغل يمشي السيارة بهدوء وهذا الشيء اللي زاد ندى حره تقول ما يعرف يتكلم هالأنسان وصلـوا البيت بعد طريق طويل بالنسبة لمحمد نزلوا من السيارة بالصدفة عنود كانت تنظف غرفتها وفاتحه الدريشة راحت تبي تسكرها وجافت محمد معاه ندى تراجعت لورا اهي قاعده تتناسى بس مو قادره آآآه يا محمد تمنيت اني اكون مكانها لكن الله ما راد الله يوفقك يا محمد الله يوفقك . ما انتبه محمد لأنه كان يمشي بعدم اهتمام حتى كان جدام ندى وندى وراه وتقول ندى بنفسهـا صج ما يعرف الذوق . دخلوا البيت كانوا كلهم مجتمعين سلمـوا ، راحت ندى وسلمت عليهم كلهم باست راس عمها و عمتها وسلمت على البنات لما وصلت لسـاره ، سلمت ساره عليها ببرود بعدم اهتمام وهالشي خله ندى تستغرب : اهي لا تعرفني ولا اعرفها ليش تعاملني جذي يه . قعدت يم نوره وقاموا يسولفون ومحمد قعد يم ساره وحط يده على جتفها وقام يسولف معاها يعرف متكدرة لكن اهو ازيد منها كان يبي يقول لها شقرر يسوي لكن ما فيي وقت الحين راح ينتظر لبعدين ، كانت ندى تراقبه شلون يتصرف مع اهله ليش ما يتصرف معاها جذي ؟ بعدها قاموا كلهم على الغذى محمد ما غير مكانه ولا رضى انه يبتعد عن ساره اخته فمروة قامت وقعدت بدلها ندى صار محمد بالوسط بين ساره وندى كان يتجاهلها ما يبي يحتك فيها وايد وهالشي لاحظه أبـوه . عنـود بـعد اللي جافته صممت على رايها تبي تبتعد ما تبي تخرب حياته ولا تبي تنجرح كل يوم قطع تفكيره صوت طق الباب قالت : تفضل ، دخل أخوها وقال لها : عـنود يلا حطوا الغذا ولا ما تبين ايي خوو انتي كأنج من المجاعه الحمدالله والشكر ، ما اهتمت لكلامه قالت له : انشاء الله يلا ننزل . نـزلت سلمت على اخوانها وعلى اختها { عندها 3 اخـوان واخت وحده ، الأخت الكبيـره نـادية عمرها 29 سنة متزوجه وعندها ولد وبنت الولد عزيز عمره 6 سنوات والبنت إيمان عمرها سنتيـن نادية وايد تشابه عنـود وايـد واهي دايماً تفهمها . اخـوها الكبير نـواف متزوج عمره 27 سنة عنده بنتين روان 4 سنوات و يقين 3 سنوات قاسي وحنون بنفس الوقت يخاف على أهله وايد . أخوها الثاني خـالد خـاطب مـروة أخت محمد ، عن قريب بيتزوجون ، ما يدري في بيتهم عايش وكأنه عايش بفندق مستهتر من الدرجة الأولى . أخـوها الثالث فـواز توأمهـا لكن ما يتشابهون لكن في شوية ملامح من عنود يحب بعاند اخته ويخليها تعصب ، كول حده وما ظلت بنت ما عرفها لـووول } قعدت وكان قلبها يدق خايفه انهم برفضون الفكره كلوا وخلصـوا وراحوا الصاله وقعدوا كلهم تكلمت العنـود : احم احم يبه اخواني لو سمحتوا بغيت اقول لكم شي ، التفتوا كلهم لها واتجهت الأنظار لها خافت بالأول لكنها كملت : أنا قررت يبه بعد موافقتك اني اروح اكمل دراستي برعـ .. ، قاطعها اخوها نواف وقال : لا وألف لا ما تروحين برع احنا ما عندنا بنات تسافر تدرس بروحها وبعدين تعالي قولي لي ليش ماكو جامعات عندنا بالديره ، قاطعه ابوه وقال له : قوم طقها بعد ، ما عندك احترام هذا وانا موجود جذي عيل لو الله خذ امانته شبتسوي يا كبير ، وانا اقول انت اعقلهم وكبيرهم انت الفاهم العاجل ، انا لحين ما مت حق تكون ولي أمرها وبنتي راح تدرس برع وتسوي اللي تبيه رضيت او لا ، وتطق راسك بالطوف ، فهمت . نـزل راسه نواف وأخـذ مرته وبناته وطلعـوا من البيت وعنـود حز في خاطرها ان صار جذي لاخوها بسبتها ، اهي مو ناقصة اللي فيها مكفيها ، ناداها ابوها وقال لها : ها يا بنيتي وين تبين تروحين تدرسين ؟ اختاري اي مكان وانا أوديج ، قالت العنـود : يبه انا ما ابي اروح دول اوربية او غربية احس نفسي ما باخذ راحتي لأن عاداتهم غير عاداتي وتقاليدهم غير عنا ، أبي ادرس في دوله خليجية ويفضل الأمـارات يبه ، رد عليها : تـآمرين أمر يالغاليه جم عنـود انا عندي وبصراحه عجبني تفكيرج ونظرتج للدول الغربيه وعلى الأقل بالدوله الخليجية ما تحسين بالغربه وايد على الأقل في احد يفهمج لغتنا وحده مو هالغرب ، قامت عنـود وباست راس أبوها وقالت : الله يخليك لي يا يبه ولا يحرمني منك ، أمهـا تقول لها : ما اقدر على فراقج يا بنيتي ليش ما تدرسين هني ؟ ، ردت عليها العنـود بكل حنية : وانا بعد بشتاق لكم وايد بس هذا مستقبلي يا يمه وبعدين انا برفع راسج انشاء الله وبصير الدكتورة عنـود ، ضحكوا عليها كلهم واهي ضحكت لكن ضحكها كان ماله معنى اهي خسرت كل شي وهذا شي ثاني بتخسره اللمه الحلوة مع اهلها لكن الا دراستها ومستقبلها ما تبي تخسرهم اهم راس مالها بالحياه استأذنت منهم وراحت دارها مو قادره تستحمل أكثر بعيونها دموع تحس انها خسرت وايد اشياء ، تحس انها وحيده طرى على بالها محمـد آآآآه يا محمد انت أكبر شي خسرته انا خسرت عمري يوم خسرتك ظلت تتذكر أيامها معاه فتحت الاب توب واختارت اغنية حلوة تحب كلماتها تحسها تناسب حالها الحين : أيام حلوه كانت أيام حبك كنت في روحي تسري كنت بجنون أحبك قاسي يالقلب لكن كان قلبي بقلبك كان قلبي بقلبك وين موعد جمعنا وين ذاك المكان ضحكنا اللي ضحكنا والوله الحنان وين موعد جمعنا وين ذاك المكان تقلب الكون كلا لو تاخرت خطوه ضعت مني ثواني والله دنيا ما تسوى والله دنيا ما تسوى ايام حلوه كانت ايام حبك كنت في روحي تسري كنت بجنون احبك بيـت أبـو محمد بـعد ما كملـوا الغذا راحوا قعدوا بالصاله اما سـاره نادت امها تبي تقول لها انها بتروح بيت عنـود لكن ما تبي محمد يسمع امها قالت تعالي قولي لي هني وعندت سلمت امرها وقالت لها : بروح بيت العنـود يمه ، التفت محمد على ساره ، خافت ساره لكن صد عنهم بسرعه عيونه دمعت مشتاق من اسبوع ما كلمها ولا شافها وما راح يقدر يسمع صوتها ولا يسولف معاها بعد الحين ، راحت ساره واهي تتحرطم على امها الا سببت لها احراج مع محمد وخذت عبايتها وشيلتها ولبستهم وطلعت بتروح لبيت عنـود ، اما محمد ظل فترة مرجع راسه على ورى لاحظت ندى هالشي فقامت وراحت له وحطت يدها على يده لكنه نفض يدها ، قالت له : محمد شفيك ؟ قال لها : مافيني شي بس مصدع ؟ تبين ترجعين لحين والا بعدين ، تضايقت ندى لكن قالت له : لا الحين يلا نمشي ؟ قال لها : يلا ، قالت لهم : مع السلامه وطلعـوا . وصلت سـاره بيت عنـود طق الجرس طلع لهـا عزيز ولـد نـادية كان يلعب بالحوش قـالت له : هلا عـزوز شلـونـك ؟ ، عزيز : انا بخير ، انتي شلونج ، سـاره : انا بخير دامك بخير ، وين خالتك عنـــود ، عزيز : دخلي اكاهيا داخل . دخلها عزيز البيت سلمت عليهم وسألت عن العنـود قالوا لها بدارها وصعدت لها ، طقت الباب ما سمعت رد ، دخلت على طول لقت عنود متكوره على نفسها تبجي راحت عندها عندها يوم جافتها العنـود حظنتها وقامت تبجي،بعـد شوي هدأت عنـود وقالت : هلا ساره ردت عليها ساره : هلا بيج يالغاليه شخبارج ؟ عنـود : تسـألين عن أخباري آآه يا سـاره الحمدالله على كل حال ، انتي شخبارج ؟ شمسوية ؟ ساره : الحمدالله يا عنود عنود : ساره بقول لج شي بس لا تزعلين هالشي مو بيدي وصدقيني غصب عني سـاره بخوف : شنو عنود قولي شفيج ؟ شصاير ؟ عنـود : لا تخافين يا ساره ، انا خسرت شي كبير بحياتي واهو محمد ( خنقتها العبره لكنها كملت ) ، محمد ودراستي كانوا اهم شي عندي والحين محمد راح ومستحيل يرجع وما بقت الا دراستي ، وانا بهالجو ما اقدر اركز ولا اعيش فقررت يا سـاره اني اكمـل دراستي برع . سـاره انصدمت ما توقعت ان هاليوم بيي وبتتفارق مع توأم روحها اختها وصديقتها عنـود : ساره ليش ساكته قولي تكلمي صدت ساره ويها للجهة الثانية وقامت تبجي مو متصورة هالشي يصير تحس مخها وقف مو قادره . عنـود : ساره تكفين ردي علي سـاره مسحت دموعها وقالت : الله يوفقج يا عنـود ، سـامحيني انصدمت ما توقعت انج تبتعدين عني انتي اكثر من اختي يا عنـود ، الله يوفقج بحياتج ويخليج وترجعين لنـا بالسلامه وترفعين راسنا وتصيرين اكبر دكتـوره . عنـود ابتسمت ،وسألت عنها قلبها مشتـاق له : الا شخبار محمـد وعروسته ؟ سـاره انصدمت : حـالته ما تسر يا عنـود اهو ما يتخيل حياته بلياج . عنود عورها قلبها عليه بس كانت تكابر : ومتى عرسهم أنشاء الله قبل لا اسافر حابه احضر يا ساره لا تنسين تعزميني . سـاره منصدمه اكثر : انتي شتقولين ؟ عنـود : لا تخافيـن انا ما راح اخرب عرسه صدقيني . ساره فتحت عيونها على الآخر مستغربه قالت بنفسها قامت البنت تقط خيط وخيط ؟ ساره : عـ الأسبـوع اليايي عرسه ، متضايق حييل مسكين ، وانا متضايقه بعد ، انا اللي ساعده اذا عنده مشكله ما صاير بيدي حل اقدمه له آآه يا عنـود اهـو تعبان وآيـد . عنـود حبت تغير السالفه : اي صج شنو تشربين ماي / جاي / كولا / عصير آمري سـاره : ولا شي انا اصلاً بقوم اروح بيتنا أمي قالت ليي تعالي قبل المغرب . عنـود : قعدي ويايي مليت بروحي . ساره : والله بودي بس شسوي تبين امي تكفخني . عنود : هـهـهـ كل ولا زعل خالتي . ساره : يلا باي حبيبتي . عنود : بايات يالغاليه . ردت سـاره البيت و على طول راحت غرفتها تفكر محمد لو درى بشي اللي بتسويه العنـود شنو بكون ردت فعله ، تفكر شلون بتكون حياتها من دون اختها وصديقتها ، تشكي لمنو تعبر عن شعورها لمنو ؟ محمد راح وصل ندى بيتهم وقبل لا تنزل قال : ندى لو سمحتين ممكن باجر تعطيني من وقتج شوي ابي اكلمج بموضوع نـدى استغربت في أحد يقول لمرته جذي : لا عادي افا عليك بس امتى ؟ محمد : الوقت اللي يناسبج ، او شرايج نروح مطعم او كوفي شوب ؟ ندى : خلاص نروح مطعم ، اناسبك الساعه 2 الظهر ؟ محمد : اوكي خلاص ، خليج جاهزه ع 1 ونص . ندى : انشاء الله مع السلامه . محمد : الله يسلمج . مشى محمد مو عارف وين يروح قرر يروح البيت يمكن ردت ساره ويسألها عن عنـود ، مشتاق لها وايد ، حتى لو يسمع خبر عنها يطمنه ، مشـى السيـارة بسـرعه وصـل بيتهم ، دخـل سلم عليهم لقى سارة مو قاعده معـاهم كان بروح لهـا لكن وقفه كلام ابوه : محمـد ، تعال أبيــك ، قال : انشاء الله يبه ، وراح وراه قعدوا بالصالة الثانية محمـد كان خايف في قرارات ثانية تنهي حياتي للأبد بعد ، تكـلم أبـوه : شنـو اللي شفته اليوم يا محمـد . مـحمد خاف شنو جاف بعـد قال : شنو يبـه ؟ ابـو محمـد بط جبده محمـد وبروده : وتقول شنـو ، ليش تعامل البنت بهالطريـقه ، انت ما تعرف بنت من هذي ؟ ولا تبي تفضحني مع ابوها والناس وتوطي راسي ، عشان يقولون الناس ما عرفت اربي . محمـد انقهر لازم يتكلم لازم يقول : انـت عارف يا يبه اني مب موافق عـ الزواج ويايي تسألني ، ليش ما سألتني بالأول ، اتخذت قرارك وكأني بنت غصبتني ، ليش يا يبه ليش ؟ ، كل هذا عشان مصلحه ظلمتني وظلمت البنت معاي . ماقدر يكمل محمد ووقف وهو يبجي ، صد بيطلع لكن ابوه وقفه : ويـن اقعد انا ما خلصت كلامي ، قعـد واهوو منزل راسه أبو محمـد : ارفع راسك يا محمد . محمد رفع راسه ولقى ابوه الدموع عـ ويهه . أبو محمد : امسح دموعك انت ريال منت بنت عشان تبجي . محمـد : الحين انا مب بنت ولكن لما زوجتني غصب عني صرت بنت يا يبه . حز الكلام بخاطر أبو محمد ( ابو محمد على قساوته لكن حنون وطيـب ومتسرع بأتخاذ قراراته لكن الحين شسوي ما بيده حيله ، اهو ما بين لمحمد انه ندمان لكنه طلع من الصالة وطلع محمد وما مر عـ الصاله لأنه عارف انهم بيسألونه شصار صعـد داره وقفل على نفسه الباب حتى ساره اللي كان بمر عليها يسألها عن عـنود ، لكنه منقهر الحين وماله بارض يرد يعيد السوالف ، رمى نفسه بثقل على السرير وقام يبجي ، ليش ابوه قاسي لهدرجة ليش ما يفهمه ، لكنه لازم يكلم ندى حرام يظلمها حرام ... ظل ساعـات على هالحـال نـدى كـان مشغـول بالها شيبي يقول ، قطع هالتفكـير رنة تلفونها كالعاده كانت منـال ردت عليها وقالت لها كل شي من يوم راحت بيت محمد لين ما رجعت والشي اللي شاغل بالها وقعدوا يسولفون ساعتين . أبـو محمد مشغـول باله يفكر هل اللي بناه بسنين بينهدم بلحظة بقرار اتخذه ، غصب ولده وعذبه ، كان يتقلب على السرير ، لاحظت هالشي ام محمد لكنها طنشت خاف تسأله ويثور بويهها . سـاره كانت تنطر اخوها متعوده تقعد معاه لكنها خايفه يسألها عن العنـود واتبلعم ، سألت امها عنه قالت ان ابوه كلمه واهو حابس نفسه بالدار ، كانت تبي تروح له بس قالت خل اكلمه باجر عشان يهدأ شوي ونـامت اهي الثانية . تتـوقعون شبصيـر بين ندى و ومحمد ؟ وسـاره بتقول لمـحمد عن قرار عنـود ؟ Edited نوفمبر 24, 2008 by AnG3L Quote Link to comment Share on other sites More sharing options...
MaNaM!a Posted نوفمبر 24, 2008 Report Share Posted نوفمبر 24, 2008 تسلميين اختي على الباارت الحلوو ،،، بس واااجد قصييير نبي المرة الثاانيه اطول لووووول هع هع MaNaM!a Quote Link to comment Share on other sites More sharing options...
AnG3L Posted نوفمبر 24, 2008 Author Report Share Posted نوفمبر 24, 2008 تسلميين اختي على الباارت الحلوو ،،، بس واااجد قصييير نبي المرة الثاانيه اطول لووووول هع هع MaNaM!a الله يسـلمج هـهـهـهـ كـل هاـآي وقصير حراـآمـ عليـــج نورتي حبـوبه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.