][ أتـ ع ـبـنـ ـ ـي ح ـبـ ـ ـه ][

[لط لط]

 

 

 

فدييييييتج قيثارووو

 

عاذريينج احنا بس خبرج احنا فينا رووح مشتاقة

 

اكا اجووووف نكج بليييز

 

 

good luck

 

 

[القيثارة الحزينة]

الســـلام عليكم والرحمـــة ،،

 

 

عذرا على تأخـــري للمــرة المليـــون من بديت القصـــة للحيــــن ..

 

أدري فيكم شوق كبير للنهاية .. فما راح أطول عليكم ..

 

أخليكم مع

 

الــ ج ـــزء الأخ ــــــيــر ..

 

 

ما تغيـــر أي شـي !!

" بس أنــا أحبــكــ كثيــر "

كثــر ماهــي سوّرت هاك المواني .. / هالأماني

كثـر ما غنت بك اعروق ومحانـــي!

كثــر ما قلت لغيابــكــ ..

" بس ثواني "

كثر ما ناحت على الأغصان .. ورقا !

وكثـر ما قلت بخفوقك :

" لازم أبقى " !

كثــر دمعــي

كثــر جرحـــي ..

../ كــثر ماني فيك اشقــى !

كثــر ما أحسك و أنـــا غايب .. معايا !

كثــر ما نمتــي ..

ورى هاك الحنايا.. !

كثـــر ماني أنكـــسر عند .. الزوايا !

كثر ماني أبتســم !

لاجيت أضمك .. !!

وكثــر ماني أنطوي .. لا عشت همــك !!

وكثــر ماني آتشتت .. !

لأجل ألمــكــ .. !

كثـــر ما غنيت لكــ .. " يالله تعالي " .. !

نوريني .. سود بعدك .. !!

هالليالي .. !

كثر ما هزيت لك غصن الشعـــور .. !

كثـــر ليــــل .. !

وكثــر نور .. !

وكثــر ما قلتي : " تجي مرة نطير " !

وآنا بس وحدي " الأميــرة " !!

و أنت وحدك لي " الأميــر" ..!

وكثــر ! ............................ ما " أحبك كثـيــر " .. !!

 

<<< للأمانة .. الكلمات للكاتبة [ رجآآوي ] بألم الإمارات >>>

 

 

باسها على راسها وغمضت عيونها بحيا مخليها ترتجف ..

همس بإذنها بصوت خلاها تحس بفرحة عمرها ما حست فيها : و أخيرا يا حياتي .. ماني مصدق نفسي .. الحمد لله ..

رفعت راسها له وطالعت بعيونه اللي تلمع بفرح .. توردت خدودها وهي تجوف نظراته لها اللي كلها حب : رياااان استحي ..

ضحك بخفة وقال : خليني .. خليني اعبر عن فرحتي ماني مصدق هههه ..

مسك يدها وباسها بنعومة عقبها طالع ويهها اللي صار احمرررررررر و الناس تطالعهم وتحسدهم على هالرومانسية اللي هم فيها ..

مـــروى كانت بجنبها اماني قاعدين ع الطاولة القريبة من المعاريس ..

أمـــاني : هههههه يا خطيييييييير يا ريان ..

مـــروى: هههههههه تلاقين الجــوري اللحين شوي وتموت من الحيا ههههههههه ..

اما عند الجوري فهي محترقة من الحيا بمكانها ونظرات الناس لهم وريان اللي موب راضي يعقل ويقعد مكانه ..

بعد شوي ياتهم ام تركــــي : بسم الله ماشاااااء الله .. عين الله تحرسكم ..

ريان باس راس امه بفرح: الله يخليج لنا ..

ام تركي تحظن الجـوري للمرة المليون : يا بعد اهلي انتي يا بنيتي ..

الجــوري لمعت عيونها بالدموع وهي تتذكر امها اللي تمنتها تكون معاها بهاليوم ... بس ماحبت تنكد على ريان وتبجي .. كفايا حزن بحياتهم .. ابتسمت وهي تترحم عليها وتدعي لها..

ام تركـــي: يلا ما ودكم تمشـــون .؟

ريان بسرعه : اي يمه ..

ام تركي: هههههههه علامك يمه مطيور جذي .. اركد شوي ..

ريان يطالع الجـوري بنظرات خبيثة : واللي عنده مثل هالقمر يعرف يركد ههههههههه ..

الجــوري خلاص ماتت من الحيا ..

ام تركي ضحكت عليه عقب قالت : يمه الجــوري تسلم عليج بدور وتبارك لج .. واعليا عليها ما تقدر تيي خبرج بعد توها والدة ..

الجــوري: الله يسلمها ان شاء الله ..

ريان: جان يبتي معاج روان يمه ..

ام تركي: ويه منك ريان حتى بعرسك تبي تلزقها جنبك ..

ريان: هههههههه شسوي احبها ..

الجــوري كانت تطالعه وتفكر بالموضوع اللي في بالها .. انكسر خاطرها عليه وتنهدت لانها اهي بعد بتنحرم مثل ما هو بينحرم .. بس تحاول تتجاهل هالموضوع ولا تفكر فيه ما تبيه يخرب عليهم حياتهم .. هذا ريان جنبها وبيعوضها عن كل شي ..

انتبهت على صوت ريان يقول لها : يلا حبيبتي نمشي ..

ابتسمت له بهدوء وحطت يدها بيده وقالت له : يلا ..

مشــى معاها بيطلعون من القاعة .. والعيون عليهم .. الكل يحس بحب كبير بين هالشخصين..

ريان يحس بسعادة الدنيا كلها وهو يده بيدها ويمشي معاها قدام هالناس كلهم وكأنه يقول لهم جوفو انا اخذتها .. صارت لي ملكي .. وبكل لحظة معاي .. ولا احد يقدر يفرقنا .. تحدينا العالم كله وتحدينا كل شي واجهنا .. وصرنا مع بعض ..

ركبو السيــــارة اللي كان يسوقها تركي بعد ما ودعو الكل بالحفلة ..

تركــــي كان فرحان لأخوه فرحة كبيرة .. وساعده بكل شي .. ما قصر عليه لا بفلوس ولا بجهد .. ساعده بكل شي في عرسه .. وحاس بفرحة كبيرة له .. حاس فيه شلون عانى ووش هي الايام اللي مرت عليه ..

وصلو لبيت الجــــوري اللي راح يسكنون فيه مؤقتا .. على ما يشتري ريان بيت جديد ..

نزلو من السيارة .. وريان ساعد الجـوري تنزل بسبب فستانها الكبير وايد .. نزلت ودخلت البيت على طول وكان وراها ريان .. ناداه تركي ..

ريان : حبيبتي ادخلي بس بجوف تركي ..

الجـوري: ان شاء الله ..

دخلت الجـــوري داخل البيت وقعدت بالصالة تنتظره .. وهي تحس بأنفاسها تتسارع ودقات قلبها تزيد .. ما تتخيل خلاااااااص راح تكون لريان وريان لها .. ويعيشون مع بعض طول العمر .. ابتسمت وهي تحمد ربها للمرة الألف ..

اما ريان التفت على اخوها : هلا بو روان ..

تركـــي راح جنب ريان وهو يبتسم عقب حظنه : الف مبروك ياخوي .. الله يوفقك ويسعدك .. وربي فرحت لك يمكن اكثر منك .. الله عطاك على قد نيتك ..

ريان تأثر بكلام اخوه وحظنه اكثر: الله يخليك لي ياخوي ..

ابتعد تركي عنه شوي وضربه بخفه على كتفه : يلا لا تتأخر على عروستك .. مابي أصير عذول وتدعون علي الليلة ههههههههه .. ها لا تنسانا عاد ..

ريان يستهبل: اذا جفت ويهي عاد قبل سنة ..

ضحك تركي وهو يدخل السيارة : ههههههههه العن شكلك مزهووووق هههههه .. يلا في امان الله ..

ريان: ههههههه الله وياك بوس لي روانيييي ..

دخل ريان البيت وهو يحس بإحساس ما يقدر يوصفه ..

دخل للصالة ولقاها قاعده مثل الملاك الأبيض بفستانها الحلو .. وقف يتأملها .. جمالها يسحر قلبه قبل عيونه .. تقرب منها و اهو مبتسم وقعد جنبها .. حس فيها سرحانه وقال لها : حبيبتي وش فيج؟ وين وصلتي؟

التفتت له وطالعت بعيونه والدموع متجمعة بعيونها وقالت له بصوت مرتجف: ريان احبك .. لا تخليني ..

حس بشعور غريب رهيب يكتسح مشاعره ومالقى نفسه الا ياخذها بحظنه : اوعدج يالغلا ... عمرج ماراح تلتفتين ما تلاقيني جنبج بكل الظروف .. انا مالي غيرج ..

دفنت راسها اكثر بصدره تدور عن الأمان والحنان .. وما حست الا بإنها فوق ههههه .. شالها ريان بين يدينه بفستانها الثقيل .. ضحكت : رياااااااااان هههههه نزلني وش تسوي ..

ريان لازال حاملها ويقول : كيفي ..

الجــوري متمسكة بثيابه خايفة تطيح : ريان نزلني بطييييييح .. هههههه ..

ريان وهو يتجه للدرج : ماراح انزلج صارخي من اليوم لبكرة هههههه ..

ركب الدرج وهي بس مساكة ثيابه ومغمضة وخايفة هههههههههههه ..

وصلو لفوق وطالعها وضحك عليها : يلا قوليلي اي وحده غرفتنا ..

الجــوري لازالت على وضعها : ما بقول لك اول نزلني ..

ريان : مو مشكلة .. ترى ماعندي امانع اقضي الليل كله واقف وحاملنج ..

الجـــوري فتحت عيونها وهي تأشر على اخر غرفة : ههههههههه هنااااااك يا مجنون ..

راح للغرفة اللي أشرت عليها وهو يقرب ويهه منها ويخلي طرف خشمه بطرف خشمها : مجنون فيج ..

 

|| وتنــــدمـــج الأرواح وتتعانـــق قبــــل الأجســــاد .. لتذوب ببعضهـــا وتكـــون مزيــــج اسمه .. [الحب] .. وليتوَج الحـــب .. بالطوق الطاهــــر السامـــي .. [ الزواج ] .. ||

 

 

**

 

// .. بعد 3 شهـــور من الأحداث اللي فاتت .. \\

 

تسكت في بنتها بس موب راضية تسكت ..

تهزها وتقول لها : بس خلاص حبيبتي .. الله يخليج سكتي صددددعت ..

طل براسه عليه من الباب وقال : الحلوين شعندهممممممم ..

بدور متنرفزة : تعال جوف بنتك ذبحتني موب راضية تسكت ..

تركـــي وهو يشيل روان من حظن بدور : تعالي تعالي يا روح بابا انتي .. شفيييج؟ ماما معصبة عليج ؟ ولا يهمج اطقها اللحين ..

بدور تسوي نفسها معصبة : انه تطقنييييي عشانها؟ اي ماعليه .. هذاك اول يحبوني اما اللحين في بديل عني ..

ضحك تركي عليها وهو يقعد جنبها ويقربها منه : فدييييييييييييت اللي يغارون انا ..

بدور تاخذ منه البنت : ييبها ييبها عن العيارة خليني بنيمها ..

تركـــي: لالا لا تنيميها ..

بدور: ليش؟

تركــــي يطالعها بنظرات : بس بنوديها لبيت ريان .. ( يهمس لها ) حاب أعزمج اليوم ..

بدور استانست : صج؟ ( بسرعة رجعت متضايقة ) بس مو حلوة كل يوم مودينها لهم البيت .. مهما يكون هم توهم متزوجين ومو حلوة كل يوم مخلين البنت عندهم ..

تركي: والله ريان اهو اللي يبي جذي .. كل يوم ايي ياخذها .. وكم مرة موصيني اذا بغيت تطلع ييبها عندنا .. بالعكس يستانسون فيها ..

بدور: لو على ريان ماشي .. بس مستحية من الجــوري وش بتقول .. والله فشلة ريان . كا يوم والثاني ماخذينها لعندهم .. بلاها الطلعة عيل ..

تركـــي تضايق : بدووووور الله يخليج مافيها شي عادي .. والله ودي من زمان نقعد مع بعض لحالنا ونطلع مثل اول .. ما اشتقتي لهالايام؟

بدور وهي صج متلهفة لهالشي : انزين اتصل اسالهم يمكن بيطلعون ولا شي ..

تركي يضحك: من زمان خبرت ريان وهو استانس بعد وقال ماراح يطلعون الليلة ..

بدور:ماشااااء الله ومجهز وخالص بعد..

تركي يمسكها ويوقفها: اي وماعليج الا انج تلبسين وتجهزين روان ..

استانست بدور وقامت بسرعه تلبس ومخلية روان عند ابوها .. جهزت وتكشخت .. من زمان ما كشخت جذي وسهرت مع تركــــي .. مع الحمل والولادة وبنتهم .. لهت شوي ..

بعد ما خلصت راحت لتركي وقالت : يلا انا خلصت ..

تركـــي يطالعها من فوق لتحت ومرفع حاجب بخبث: الله الله شهالكشخة .. يا حظك يا تركي ..

ضحكت وهي تاخذ منه روان : يلا يلا عن الكلام .. خذ شنطتها كاهي ع السرير ..

اخذ تركي الشنطة اللي فيها اغراض حق روان وطلع مع بدور .. ركبو السيارة .. وكلها عشر دقايق ووصلو بيت ريان القريب من بيتهم شوي ..

نزلو اثنينهم وبدور حاملة روان .. دقو الجرس وفتح لهم ريان .. اول ماجاف روان بويهه .. طنش تركي وبدور و اخذها ودش داخل ..

بدور وتركي يطالعون بعض بصدمه .. عقب ضحكو على حركات ريان الهبلة ..

دخلو وراه ولقوه واقف مع الجـــوري ويلاعبون روان اللي حاملها ريان ..

تركي يطالع بدور : ههههه اقول لج ما يمل منها ابد ..

ريان يبوسها : فديتها وهذي احد يمل منها ..

تركـــي : زين عيل وفرت علينا .. ترانا بنطلع وينخليها عندكم ..

الجوري : والله ابركها من ساعه ههههههه ..

بدور تكلم الجــوري: والله متفشلة منج يالجــــوري كل يوم ويبناها لكم .. اعجناكم فيها ..

الجـــــوري بسرعه : لالالا والله نستانس فيها .. ههههه وخبرج ريان لو الود وده يخليها عندنا ..

بدور: تسلمون ههه ما تقصرون ..

تركي يشبك ذراعه بذراع بدور: يلا احنا اللحين بنمشي .. هي انت يالدب .. تحمل في بنتي ..

ريان : ههههههه ماشي ..

بدور وتركي: يلا مع السلامة ..

ريان والجــوري: الله وياكم ..

طلع تركـــي مع بدور وركبـــو سيارتهم ..

بــدور : تصدق تركي .. يكسر خاطري وايد ريان كل ما اجوفه متعلق بروان ..

تركـــي يتنهد بضيق على اخوه : الله يعينــــه ويصبــر الجـــوري معاه ..

بـــدور مبتسمة : والله انها أصيلة .. حتى لما عرفت هالشي عنه ما تركته ..

التفت لها تركي وهو مبتسم : اللي بينهم كان اكبر من حب .. عشان جذي قدرت الجــوري تضحي بسهولة .. بدون تفكير ..

بــدور: الله يخليهم لبعض ان شاء الله ..

تركـــي: ان شااااء الله الله يسمع منج ..

سكتـــو شوي وهم يمشون بالسيارة ..

عقب التفتت بدور على تركي وطالعته وقالت بدلع: اليوم حبيبي وين ناوي يوديني ..

تركــــي: اممممم خليها مفاجأة ..

بــدور : هـــئ .. تركي قول لي ..

تركـــي: بالله شلون بتصير مفاجأة يا قلبي ..

بـــدور تمد بوزها: انزين ..

تركي ضحك عليها .. وعقب شوي بس وصلو .. اول ما وقفو بالبارك .. قعدت بدور مندهشة عقب طالعت تركـــي اللي مبتسم ..

تركـــي: ها؟ بشنو يذكرج هالمطعم ؟ ..

ضحكت وهي تمسك ذراعه وتخلي راسها ع كتفه : يذكرني بأجمل أيامنا .. فدييييييييتك ما توقعت بنيي هالمكان ..

تركي باس راسها: يلا حبيبي ننزل ..

نزلت و اهي مستانسة وايد ونزل معاها تركي .. مشو مع بعض وشبكو ذراعهم ببعض ..

خذو لهم طاولة بعيده عن الناس شوي .. وقعدو ..

أول ما قعدو ظل تركـــي يطالع في بدور ويحس بشي في داخله .. حب كبير لها .. حتى ولو كان في مشاكل في بداية حياتهم فهذا شي طبيعي .. ما ينسى انهم عاشو مع بعض فترة كافية بأنها تخليهم يكونون احلى حبيبين وما يقدرون يفترقون عن بعض .. وخصوصا ان ثمرة هالحب حصلو عليها .. وهي بنتهم روان ..

مســـك يدها وهو يطالع بعيونها ويقول برومانسية : ما تخيلت اني راح احبج هالكثر من بداية زواجنا .. انا اللحين ما استغني عنج ..

ابتسمت بحيا ونزلت راسها وقالت : و انا اموت فيك .. ما اتخيل حياتي بدونك .. ( رفعت راسها وطالعت بعيونه ) حبيبي اوعدني ..

تركــي مبتسم: بشنو ..

قامت من مكانها وقعدت بالكرسي اللي جنبه ومسكت ذراعه وقالت له بحب : انك تبقى جنبي طول ماني عايشة ..

طالعها وقلبه يدق ما يدري ليش : اوعدج حياتي ..

ظلـــو طول الوقت وهم سوآ .. يحسون بحب كبير يغلف حياتهم .. ويحسون انهم يبون يستمتعون بهاللحظات قد ما يقدرون .. كل واحد يعبر للثاني عن حبه وعن مكانته ..

خلصـــو احلـــى عشا بحياتهم كلهـــا ..

طلعـــو من المطعم وركبــــو السيــــارة .. التفت تركـــي عليها وقال : ها وشرايج .. استانستي ..

بــدور بصدق : تصدق؟ وربي أول مرة استانس بحياتي جذي .. احلى لحظات حياتي ..

تركـــي مبتسم: الحمد لله .. امممممم و على فكرة في سبرايز ثاني ..

بـــدور: ياااااي .. لالا جذي انها ما اتحمل هههههههه .. انزين قول لي شنو .. هالمرة بتقول لي يعني بتقول لي .. موب مثل من شوي ..

تركــــي: مصـــرة؟

بــدور : نعم ..

تركـــي: ههههههه اوك .. حاجــــز لنا الليلة في فنـــــدق .. شرايج ؟ .. نكون لحالنا ونغير جو ..

بـــدور شهقت : من صجك ..

تركــي: هههههه اي من صجي ..

بــــدور: انزين وروان؟

تركـــــــي: بديت اغاااااار منها ترى .. كل شوي تسأليني عنها ..

بدور تطقه: مع ويهك .. ذي بنتك ..

تركــــي: فديت بنتي انا .. تراني خبرت ريان ان يخلونها عندهم الليلة ما جفتيه مستانس ..

بـــدور: حراااااام والله فشلة .. انت ما تيوز ..

تركــــ يتقرب منها برومانسيـــــة : ياخي خلينــــــــي استانس بحياتي مع مرتي شفيج انتي ..

بـــدور بحيــــا: ما ينقدر عليك ..

تركـــي وهو يمشي السيارة ويحرك لها حواجبه: اعجبج ..

مشـــو طول الطريق وتركــــي يعاند بدور ويضحك عليها .. ويستهبل ..

بدور تدزه بعيد عنها : تركااااااان .. يوز عاد احنا بالشارع ..

تركــــي يقرب ويهه منها : عادي عادي احنا بالـ 2009 كل شي فري ..

بدور تبعده عنها : هههههههه يالمينون طالع الشارع ..

تركــــي لازال لاف ويهه لعندها وماسك يدها : مينون فيج انه كيفي .. احبج ..

بدور وهي تجوف جدامها وتصرخ : تركييييييييييييييييييييييييييييييييييييييييييييي ...

ما مداه تركـــي يلف ويهه عشان يجوف وش جدامه .. لأنه حس بضربة قوية تكســـر جسمه كله وتخليه يحس روحه تطلع ..

يـــده اللي كانت ماسكة يدها بقووووة من شدة الألم .. بدت ترتخي .. و أصواتهم اختفت بهاللحظة ..

بسم الله الرحمن الحريم : { يا أيتــها النفـــس المطمئنـــة أرجعي إلى ربكــ راضيـــة مرضيـــة فادخلـــي في عبادي و ادخلـــي جنتـــي } ..

 

**

 

 

// .. بعــــد خمســـة شهــــور من الأحـــداث اللـــي فاتت .. \\

 

.

 

.

 

.

 

.

 

.

 

جرس البيت ينــدق وهو مقابــــل التلفزيـــون ماله خلق يقوم ..

.......: غااااااااده .. غادوووووووه قومي جوفي من يدق الجرس ..

جاه صوتها من فوق : مااااااااااانيييييييييييي .. رووووووح انت ..

تأفف وهو ينزل الريموت كنترول من يـــده .. متخايب يقووووم .. الجو بارد وهو متدفي اهنيه بالبطانية وكوب الكابتشينو اللي يشربه ..

قام وهو يحس بالبرد يسبب رعشة بجسمه .. فتح الباب وطلع للحوش .. وقف شوي لانه حس بالبرد في عظامه .. اففففففف برد ..

راح فتح الباب وشاف شخص حبه من زمان وتمنى له الخير وما توانى لحظة وحده في انه يساعده لانه تعاطف معاه وغير جذي ماحب يجوف الظلم ويسكت عنه ..

طلال وهو يحظنه : هلااااااااااا بو العيــــس ..

عيـــــسى : هلا والله هههههه شلونك .

طلال وهو يتنافض: ميت من البرد .. حياك تفضـــل ..

عيســـى : لا ماني داش .. ( يبتسم ) تأخرت على خطيبتي .. بروح لها .. بس قلت امرك قبل..

طلال مو مصدق اللي يسمعه : من صجك؟ تصالحتـــو خلاص؟

عيـــسى بسرعه حظن طلال : الفضل لله ثم لك يا طلال .. مشكور ياخوي مشكوووور ..

طلال يبعده عنه ويطالع ويهه .. ويحس بشعور حلو: العفو ما سويت شي .. هذا واجبي ..

عيســـى بمزح: ياخي بسك تواضع ههههههه ..

طلال : ههههههههههه ..

عيســى بجدية: لا صج طلال .. اللي سويته لي عمري ماراح انساه .. انت اللي ساعدتني اطلع من السجن اللي كنت متوقع اني ماراح اطلع منه ابد .. انت اللي حليت مشكلتي .. و انت اللي اقنعت خطيبتي ترجع لي .. ( حظنه مرة ثانية من قلب ) ماني عارف شلون اشكرك .. انت رجعت لي حياتي ..

طلال يحس بفرحة بداخله وشعور جميل لا يمكن يوصفه ..

ودّع عيســـى اللي راح لخطيبته .. وظل واقف يحمد ربه على كل حال يمر به ..

 

كلمة أخيرة لكم من طلال :

كلنــــا بهالدنيــــا نغلـــط .. كلنــا نتصرف بحماقة أحيانا .. بأنانية .. بغبـــاء .. احنا في النهاية بشـــر .. إنســــان .. والإنـســـان ماهو ملاك منزل من السمـــا عشان ما يغلـــط ..

احيانـــا البيئــة اللـــي حوالينـــا اهـــي اللــي تأثــر علينــا وتخلينــا نغلــط او نتعلـــم الغلط ونمشــي عليـه كقاعدة صحيحة بحياتنا .. لكن الإنســان الصح .. هو الـلــي يعرف شلـــون يتعامــل مع هالبيــئة ..

أنـــا غلطــت .. وغلــط كبير بعــد وما ينغفـــر .. لكنـــي تبت الــى الله و أتمنــى يســامحنـــي و أنا ماني يائس من رحمـــته .. لأن أملــي فيه كبيـــر إنــه راح يغفـــر لــي مادام إنـــي رجعــت لصوابـــي .. وعرفــت أنظم حيـاتــي من جديـــد .. وأحس نفسـي صرت إنســان ثاني من ورا الغلـطة اللي ارتكبتــها .. كل انسان بهالدنيا لازم تجيه صفعة تصحيـــه .. هذا اذا كان الله رايد لــه بهالدايـــة .. صحيح الصفعة اللـي جاتنـــي قويــــة وايد .. بس أحمــد ربــي انها جاتنــــي .. لأن لولاهــا .. ما راح تجوفونـــي طــلال الجــديد .. اللــي يحب الخيـــر للكـــل .. ويحـــب يســاعد كـــل الناس بقلب أبيض صافــــي ..

و أتمنــــى بعـــد الجـــوري وريــــان يســامحــوني بقلبــهم الصافـــي .. لأن الجرح اللي سببته لهـــم ماهـــو قليــل ..

حاولــت أخذ اللــي ابيـــه بالغــصب وبالإنانـــية .. لكــن في النهـــاية استسلمــت .. أو بالأحرى ما استسلمت .. أنـــا عرفت وش هــو نصيبـــي بهالدنيـــا و اقتنــعت إن الله ماهـــو كاتب لـــي إنـــي أكون من نصيـــب الجـــوري .. صحيــح حبيــتــها .. بــس كنت أحبهـــا بأنانيــة .. أمـــا اللحيــن فأنـــا احبــها بعقـــل .. و أتمنـــى لهــا السعــادة بحيــاتهـــا ..

الجـــوري صفحــة وطويتــها من حيــاتـــي .. لأن الدنيـــا علمتنـــي إن حياتنـــا إهـــي كتـــاب مليـــان صفحـــات .. المفروض ما نوقف عنــد صفحــة وحدة بـــس ونتمســك فيــهــا .. المفروض نمــر على كــل صفحـاته .. ونشــوف وش اللي مناسبنـــا منـهــا ونختــارها لنـــا ..

**

 

سكـــر موبايـــلــه وتنهــد براحــة بسيــطة ..و رجع راسه لورا وغمض عيونـــه ..

حــس بأحد يقعد جنبــه ع الكرسـي .. حطـت ذراعها حواليـن كتفـه وقالـت : الغالي وش فيه..

فتح عيونه وطالعها مبتســم: يفكــر بالغاليـــة هههههه ..

حطـت راسهــا ع كتفــه وهذي حركتها المعتادة كل ما قعدت جنبه : فصووولي .. لا تصير عيار وقول لي وش فيك ..

فيـصل ياخذ راحت اكثـر بالقعــد ع الكرســي : اممم لولاج قولي لي وش انا بسوي ..

رفعت راسها من كتفه وطالعته بنظرات شريرة: لا تقول لي كنت بتتزوج غيري؟

ضحك فيصل عليها وسحب طرف خشمها : لو اظل عزابي طول عمري ما تزوجت ههههههه.

تحرك حاجبها له : ادري ..

فيصل يقرص خدها : ياوااااثق ..

مسكت يده تنزلهــا وقالت بجدية: قول لي وش فيك لا تغير الموضوع ..

ابتسم لها وقال : بس كنت اكلم ابوي من شوي .. وخلاص مشــى الحال ..

أمــاني اتسعت ابتسامتها: الحمد لله ..

فيصــل يطالعها ويتأملها: والله لولاج انتـــي كنــت ما بســلم من ابوي .. كان معصــب منــي من قلـــب ..الله ستــر .. الله يخليج لي يالغالية ..

ضحكت عليــه أمــاني: ههههه بعد مخســر الشركة صفقة بمليووون وتبيه يسكت عنك .. بس طبعـــا زوجتك البطلــة قدرت تحل المشكلـــة ( غمز له وضحكت ) ..

قربها منه اكثر وباسها على راسها وقال: انا وين القى مثلج يا حبيبتي .. من أول ما عرفتج و انتــي بكــل شــي موقفــة جنبـــي .. ( نزل راسه وسكت شوي عقب كمل ) محــد وقف جنبـــي بأول ما رديــت من السفـــر بفيصــل .. الكـل تنكــر لـــي .. ( رفع راسه لها وحط يده عند خدها ) مالقيت غيرج افتح له قلبـــي .. ومالقيت غيرج وقف جنبـــي .. انتي و اخوي خالـــد الله يخليكـــم لــي .. انتـــي غيـــر .. كنــت أرتاح لـج .. كنت ماحب الا اكلمج .. كنـتي تعطيني أمل .. تخليني أحس بالحيــاة وتحسسيني إنــي إنســان طبيعــي ممكن يغلط ويصلح غلطــه .. ما حسستينــي اني صرت عديم الفايدة مثل الباقي .. انتـي اللـي شجعتينــي ارجع للشركــة وشجعتينـــي اتقرب من أبوي و أصلح حياتــي من جديــد .. لولاج كنــت أنــا لازلــت مسكــر على نفــســي الباب وقاعــد بحزنـــي .. ( اخذها بحظنه وكمل كلامه ) .. ولازلت اشوفج في كل غلطة لي توقفين بجنبي وتساعدينــي .. اشوفج تسوينــها من قلبــج .. تسوينهــا من حبـــج لــي .. وهالشـــي خلانــي أعشقـج أكثر و أكثـــر .. و انتي اللي احتويتيني و احتويتي ولــدي في الوقــت اللــي حسيــت اني غير مرغوب فيني من الكــل ولايمكن أأسس حياة جديـــدة وعائلــة حلـــوة وجو حلــو مثل اللــي عايشين فيـــه .. وايد علــي هذا يا أمــاني وايد ..

أمـــاني تبتعد من حظنه وتمسح دموعهـــا اللــي نزلــت غصبــا عنهـــا وقالت بصوت مرتجف: لا تقول جذي فييييصل .. مو وايد ابد .. انا ما سويت لك شــي .. انا بس حبيتك من كل قلبـــي ..

مســك يدهـــا برومانسية وقال : الله يخلي لي هالقلب ولا انحرم منه ( باس جبينها ) أحبــج يا أمــــاني ..

مسحـت دمعتهــا وهي تضحــك : مسوي روحك رومانسي اليــوم .. ونسيتنــي اللي ياية أقوله لك ..

فيصــل : هيه حدج عاد انا من زمان رومانســـي ..

أمــاني بحيــا : انزين يالرومانســي .. عندي لك خبـــر ..

فيــصل مبتسم : وش هـــو ..

أمـــاني تطالع الجهــة الثانيـــة مستحيــة منــه : انا .. امممم انا حــ .. حــامل ..

ماحســـت الا بيد تسحبها وتلف ويهها بقوة : ممن صجج؟؟؟؟ حلفيييييييييييييي؟؟؟

أمــاني ضحكت بحيا: هههه ليش اجذب عليك يعني ..

حظنها بقووووة: ياربي فرحتيني .. ماني مصددددددددق .. بصيـــر أبو للمـــرة الثانيــة هههههه أحلـــى خبـــر وربــــي ..

قطع عليهـــم هاللحظة فيصل الصغيـــر يسحب في جاكيت ابوه : بااااباااا ..

فيصل مبوز : هاج .. ياج قليل الذات هادم اللذات .. كم مرة يسوي هالحركة ..

ماتت من الضحك اماني عليه و اخذت فيصل الصغير بحظنها : تعال حبيبي وش تبي..

فيصــل بلهجــته الطفـولية: ألوووح بيت يدوووه .. أبغي بســـام ..

أمــاني تبوســه: ان شاء الله حبيبي اللحين اذا طلعنا للدوام انا و ابوك نوديك بيت يدتك .. وبتلعب مع بسام ..

فيصل : ههه كأنه داري ان يدّه رضى علينا ..

أمـــاني: ههههههه ..

فيصــل يقعـّد ولده في النص بينهم : تعال قول لي وش مقعدك من الصبح اليوم ..

فيصل ببراءة: عثان ألوح بيت يدووه ..

فيصــل ابتسم لولــده وللحــــين يحس بسعادة مو طبيعية بسبب حمــل أمـــاني ..

أخذ يده ولده الصغيرة وحطها على بطن أمــــاني وحط يده فوقها : حبيبي .. شوف اهني في بيبي صغيرووووون .. ماما أمــاني بتييب لنا بيبي صغير ..

فيصل الصغير فاتح عيونه ويطالع باستغراب مو مصدق ..

ضحك فيصل على نظراته وضحكت معاه أمـــاني وقربهم اهم الاثنين منه وكأنه حظنهم وقال لهم : الله لا يحرمني منكم ..

 

فيصــــل يقول لكــم:

الحيـــاة المثاليـــة في هــذي الدنيـــا .. مستحيـــلة .. وهذاني أقولهـــا لكـــم .. و أتكلم من تجربة شخصيـــة ...

أنــا عشـــت طول حيـــاتــي .. و أنـــا الشخــص المثالـــي بالنسبــة لكل اللــي حوالي .. وكنـت أطمـح عشان أكمل حياتي علــى هذا المنــوال .. وكنــت أظـن إن حياتــي راح تظل مثل ما اهـــي .. احقق نجاحات في كل مجالات حياتـــي .. و أكون الأفضـــل في كـل شــي .. والكــل كان فخــور فينــــي .. وأولــهم أهلـــي ..

لكــــن في لحظــة ضعـــف .. أو لحظــة غبيــة أعتبــرها بالنسبــة لـــي .. لأن أنــا ماكنــت أسويهـــا لو بفكـــر فيـــهــا .. بــس بلحــظة وحــدة وسط حياتــي الطويلة .. الله راد لــي ان حيـــاتـــي المثالــية تصيــر فيــها نقطـة سودا تشوههـــا ..

الانســان ماراح يفكــر بعقلــه في جميـــع لحظــات حياتـــه .. لإنه في النهاية إنســـان .. و الإنســـان تجيــه لحظـــات يرفــض يفكـــر فيهــا بعقلــه ويميـــل للتهــور .. ولو كانت هذي اللحظات نادرة .. وأنـــا هذا اللي صـــار لـــي ..

لكل فارس كبــوة .. وهــذي اهي كبوتــــي .. ومثــل ما يقولون غلطـــة الشاطـــر بألف .. وهذا أنـــا الشاطــر اللي غلطت غلطـة كلفتنـــي الكثيـــــر .. وممكن تكـــون هالغلــطة فيهـــا خيـــرة لـــي .. لأنني بهالفتـــرة تعرفــت على أجمـــل إنســانة بحيــاتــي .. إنســـانة رائعــة ما أظــن إنـــي بلاقــي مثلــهــا .. اهــي الوحيـــدة اللـــي وقفـــت بجنبي .. اهــي الللي شجعتنـــي على المواصلـــة .. اهــي اللي اقنعتنــــي بمــواصلــة حياتـــي طبيعيــــة .. لأني بذيـــك الفتـــرة مادري وش صار لي يمكـــن غلطت غلطة ثاني بأني قمت أنظر للحياة نظرة سوداوية وتشاؤمية .. بس الحمــدلله كل شي عــدى .. ما يحتــاج اوصف لكم شصــار لأنكم كنتو معاي بكل لحظة عانيـــت فيهـــا ..

والشــي الإيجــابي اللي طلعت فيه من هالغلطة أهــو ولـــدي ... صــرت أعشــقه .. وما اقدر اتخلــى عنـــه .. أتمنـــى أربيـــه أحســن تربيـــة .. صحيح ظلمتــه .. بس مستعــد أعوضه بكل شــي حــتى لو كانت حياتـــي .. صحيـــح النـاس تكلمـــت علينـــا .. بس أنـــا ما همتنـــي النـــاس .. أنــا أبـــي أعيش براحه مع الأشخاص اللي احبهــم .. وكل اللي يهمنـــي هالأشخــاص .. لان أهــم اللي بيظلــون لـــي .. عشــان جذي مستــعد أفنــي حيــاتــي لسعــادتهــم ..

**

 

وقـــف قدام المنظـــرة يطالع شكـله المقزز بالنسبة لــه ..

تحسس لحيتــه بيـــده .. وهز راســه ع الحـــال اللي كان فيـــه ..

دخــل الحمــــام .. وبعـــد ساعــة طلــع وعلـــى ويهــه أحلـــى ابتســامة .. وقف يطالع نفسه بالمنظــرة مرة ثانيــــة ويحس بانتعــاش روحـــي وجســـدي ..

شكلــه المليء بالحيويــة رجـــع .. وويهه استعاد رونقه القديم ووسامته .. وملابســه الأنيقة المرتبـــة .. تعطـــر وعــدل شعــره .. و أخذ كتبـه الموجودة ع الطــاولة وطلــع من البيـــت ..

ركـــب سيــارته السبــورت وفتح لــه أغنيـــة رايقـــة من الصبـــح خلتـــه يصيـــر مزاجه عال العال .. ويبتسم لكل شخص يصادفه .. يحــس انه كان اتفه من التفاهة .. بس اللحين رجــع لوعيــه ..

وصــل جامعتــه اللي كان يداوم فيها يوم ويغيب عشــرة بسبب حالتــه اللي مرت عليه قبل .. نزل من السيارة وراح لعند الاستراحة اللي يتجمعون فيها ربعه بالجامعة .. أول ما دخل قال بصووووت عالي عشان الكل يسمعه: سلاااااااااااااام شعب ..

أصوات متفرقة : هلا هلا .. هلا والله إيـــــاد .. ( أصوات تصفير ) .. اكششششخ ..

قعــد جنب صديقه احمد وهو مبتسم ..

أحمـــد متفاجئ من شكله ونفسيته العالية : إيااااد؟؟

إياد يضحك: اي اياد وش فيك مستغرب .

أحمد: ههه لا بس تغيير جذري اجوف ..

إيـــاد مبتسم وهو يلعب بطرف كتابه ومنزل راسه: أبد .. بس حسيت بنفســـي وحسيت وش قاعد اسوي .. بالاحرى رجعت لعقلي هههه ..

أحمــــد فرحان لصديقه من قلبه: الحمد لله يا إياد الحمــد لله .. ( سكت شوي وهو متردد ) امممم إيـــاد .. بقول لك شي ..

إيــاد: شنو ..

أحمــد يطالع زحمة الشباب حواليهم: اممم خل نروح برى ..

إيـــاد: ماشي قوم ..

خلو كتبهم وطلعــو برا الاستراحة وقامو يتمشون بالحرم الجامعي ..

إيـــاد يطالع احمد وملاحظ عليه شي غريب: وش فيك أحمـــد ..

أحمــد مبتسم: انا قررت اتزوج ..

إيـــاد شهق: تتزوووووووووووج؟

أحمــد ضحك على شكله: ايه اتزوج وش فيها يعني .. عشاني للحين بالجامعه؟

إيـــاد مو مستوعب : لا بس يعني مادري .. امممم ( مالقى نفسه غير يفرح لصديقه ويحظنه ) ألف مبرووووك .. الله يوفقك ..

أحمـــد : الله يبارك فيك ..

إيـــاد: انزين من هي سعيدة الحظ ؟

أحمـــد بحيــــا وتردد واضح: انا كلمت اهلي بس قلت اكلمك انت بالاول بعدين اخطب ..

إيـــاد : ماني فاهم ..

أحمـــد يطالع الجهة الثانية : امممم انا ابغي اخطب اختك ..

إيـــاد مستغرب .. لانه عمره مالاحظ على أحمـد انه يفكر في اخته او في شي من ناحيته تجاهها ..

أحمــــد يتدارك الموقف لأن عرف وش يفكر فيه إياد: اممم إيـــاد اهو مافي شي .. بس انا فكرت اتزوج .. وقعدت افكر في مـن اللي ممكن اتزوجها .. وتذكرت اني كم مرة جفت اختك وعجبتني .. وماحبيت اروح بعيـــد .. اهي اختك .. و انا عارف تربيتكم وعارف عنكم كل شي...

إيــــاد ابتسم لأنه يتمنى لأخته الخير وأحمـــد شخص مافي منه وماعليه كلام ..

إيــــاد: من ناحيتي انا موافق وبدون كلام بعد .. بس في النهاية الموضوع راجع لها .. تبيني أسألها لك ؟

أحمـــد منحرج: ياريت ..

إيـــاد يضرب على كتف أحمـــد: هههههه والله وكبرنا وبنتزوج يا أحمد ..

أحمـــد: ههههه عقبالك ..

إيـــاد سكت و اختفت ابتسامته ..

أحمـــد : وش فيك ..

إيــــاد: مادري .. انا استحق أي بنت نظيفة ولالا ؟؟

أحمــد ابتسم له : هذا ماضي و احنا عيال اليوم .. و انا اجوفك اليوم ماعليك اي كلام .. ( قام يمزح يغير الجــو ) المشكلة ما عندي اخت جان عطيتك وياها هههههههه ..

إيــــاد بجدية : صحيح أحمـــد؟ لو عندك اخت بتوثق فيني وبتخليني اتزوجها؟

أحمــد: يا إيـــاد انت صديقي و أكثر من أخو .. و أنا عارف معدنك من داخل وش كثر هو نظيف .. ووش كثر انت عندك شخصية حلوة وأخلاق حلوة .. لكن الشي اللي ما يعجبني فيك انت عارفه .. ومدام اني اجوفه هالسبب راح .. وش المانع؟ .. ( ابتسم لصديقه يطمنه ويعطيه ثقة أكبر ) انا كنت عارف هو مجرد طيش عندك أو تفكير خاطئ بالانتقام .. لكن اللحين اجوف شي يبرد القلب ..

إيــــاد حظن أحمـــد وفي عيونه الدمعة : صحيح كلامك يا أحمـــد .. و أنــا حسيت بكل كلمة قلتها لي ذاك اليوم .. ان الله جازاني من ورا اللي كنت اسويه .. ( ابتعد عن أحمد شوي ومسح دمعته ) لكن اللحين انا رضيت و اقتنعت بالعقاب اللي جاني .. اهم شي ان هالشي صحاني ووعاني .. ( كمل وهو يستهبل ) و اللحين احس بأن صار عندي عقل نظيف ..

ضحك أحمـــد من قلبه : هههههههههه يا حبي لك ... عيل عقل نظيف ها؟

إيــــاد يحك راسه بإحراج: يعني أفكر زين ..

أحمـــد يبتسم له: الله يخليك لي يا اخوي .. ويثبتك على عقلك ..

 

همسة أخيــــرة من إيـــــاد :

كما تديــــن تـــدان ..

وأنــــا مثـــل ما سويــــت في البنــــات .. جات البنـــت اللـــي صفعتنـــي وصحتنــــي ..

والحمــــدلله .. انا اللحين مقتنع بجــزاي .. و أنــا استاهله ..

وراح أحـــاول أكمـــل حياتـــي بعقليـــة نظيفـــة مثل ما قلت لكم هآآآع..

 

**

 

 

بعدت يدها بسرعه وهي تحس بحيــــا كبيــــر من ملامسة يده ليدها بالغلط ..

طالعها بإبتسامة وحب وقال : عجبتج ؟؟

لازالت مستحية : ايه حلوة ..

قام يفرفر بالكاتالوج وقال : مافي شي مميز احس كلهم متشابهين .. اللهم ذي اللي عجبتج احس شوي مختلفه ..

مــروى بداخلها حرررة تبي توصف له شلون تبي هذي الكوشة لكن تبي تسوي تغييرات بسيطة فيها .. لكنها مستحية مي قادرة تتكلم وتقول ..

في النهاية ما قدرت تستحمل ونادت الفلبينية اللي يابت لهم الكاتالوج يشوفونه ..

ياتها : yes madam?

مـــروى تتكلم بحيـــا وهي تاخذ الكاتالوج من جدامه وتراويه للفلبينية : شوفـــي .. يعني لو اخترنا هاي مثلا .. وقلت لج هاي اللي ع جنب اهنيه نغير لونه لمثل لون الكرسي .. وهاي اللي فوق ماله داعي مشوه الشكل... يعني نشيله .. و اهنيه تحت تضيفون ورد طبيعي .. يصير؟

الفلبينية تهز راسها : يس مدام .. انتي أي تغيير يبي احنا في سوي ..

مـــروى بحيــا تلتفت عليه : شرايك؟

بشــار يطالعها مبتسم : مالنا كلمة من بعدج ..

مــروى ضحكت بحيا وقالت : لا من صجي .. حلو؟

بشـــار يطالع بالصورة: اعتقد بتكون احلى و انعم .. حلو ..

استانست مروى لأنها و أخيرا سوت اللي في بالها هههههه ..

قام بشار تفاهم مع الفلبينية ... و اتفق معاها ع التغييرات والمبلغ والتاريخ اللي يبونه ..

خلصو الشغلة وطلعو ..

بشار: احسن شي سويناه اننا غيرنا الكوشة مالت القاعه .. موب حلوووة ابد ..

ابتسمت مروى وحمدت ربها لان بشار يفكر مثلها .. اما لو كانت عاجبته كانت بتنتحر .. لانها تستحي ما تقدر تقول له هذا ماعجبني وهذا مو حلو ..

التفت لها وطالعها مبتسم : وش فيج مـــروى ..

مـــروى : مافيني شي ..

ركبو السيارة .. والتفت بشار عليه وقال لها : ليش تستحين وايد .. خلاص بصير زوجج بعد كم يوم هههه ..

مـــروى سكتت وهي مستحية من كلامه ..

افتر بجسمه كامل وصار مقابلها : مـــروى انتي مرتاحة معاي؟ مافي شي زاعجج؟ أحسج تستحين وما تقولين لي كل اللي بداخلج ..

مـــروى رفعت راسها وطالعت بويهه : اي الحمد لله .. كل شي تمام ..

بشـــار يبتسم لها: مادري ليش احسج مثلي في كل شي .. من اول ما شفتج و انا اقول هالبنت أهي انه لما كنت صغير ههههه .. لما بديت أحبج ودخلتي قلبـــي .. حسيت بتغيير كبير في حياتي .. لأول مرة اسوي شي لنفســــي .. و انتي فاهمة علي ..

مـــروى ابتسمت لهالإنسان اللي تحسه من الداخل مليان حنان وعواطف: و انه بعد .. حسيت نفسي لقيت الشي اللي ادور عليه من زمان .. الشخص اللي بكمل معاه حياتي بأمان وحنان ..

قالت هالكلام ونزلت راسها مستحية ..

بشار يحس نفسه طفل اذا يكون معاها ويحس الدنيـــا حلـــوة ..

ابتسم لها وقال: الله يخليج لي .. و نكمل حياتنا بسعادة ..

مــروى بسعادة: ان شاء الله ..

بشار مبتسم: ها ؟ نروح نجوف باقي مشاويرنا؟

مـــروى تهز راسها مبتسمة يعني اي ..

بشار : يلا عيل ..

مشـــو بالسيارة وراحو يقضون باقي مشاويرهم لحفلة خطوبتهم اللي بعد كم يوم ..

 

 

كلمة من مروى للبنــــات:

صحيح كل بنـــت تحتـــاج بحياتها للعاطفـــة والحنـــان وتعتبــره شـي أساسي بالنسبــة لهــا..

وخصوصــا اللـــي بحالتـــي انه ..

بنــت لا أم لا أب .. تــــدور ع الحنان والعاطفة بكل مكـــان تبي تشبــع عواطفهـــا ..

تحس بالتشرد والضيــاع النفســـي ..

اللـــي أحس فيـــه وتحســـون فيــه يالبنــات اللي بعمــري ماهــو غلــط .. بالعكـــس هذي غريزة فينـــا احنــا البنـــات .. العاطفة شـــي فطــري فينـــا ..

لكــــن المشكـــلة فــي الطريقـــة أو المكـــان اللــي نــدور فيـــه عـلى إشبــاع عواطفنـــا ..

المـــرة الأولـــى اللـــي لقيــت فيــها شخــص يهتــم فينــي وفي كــل صغيــرة وكبيــــرة بحيـــاتــــي ويراعــي مشاعــــري .. حسيــت بإنـــي ملكـــت الدنيـــا بمــا فيهـــا . وفرحــت ان في شخص جذي أهمـــه بهـــذي الطريقــــة ..

اتبعـــت قلبــــي اللي كان دليلي بهالموضوع .. وللأسف نسيـــت عقلـــي .. كنـــت مثل الياهـــل الفرحـــان بشكـــل الحــاجة اللي يشـــوفهـــا ويتمنــى يحصــل عليــها لكــن بدون ما ينتبه إنهــا ممكن تأذيه ..

من شــدة فرحــي بالشـــي و تمسكـــي فيه .. رفضــت أنظــر له من جميــع النواحــي و أتأكــد من سلامتــه بالنسبـــة لـــي .. لكنـــي للأسف كنـــت متهـــورة .. او ما بقــول متهـــورة .. بقـــول مندفعـــة وأحــاول أتغــاضى عن سلبيــات الـشــي لأني حصلــت فيـــه على أجمــل شــي أتمنـــاه .. رغــم إن سلبيــاته أكثـــر من إيجــابيــاته إلا إن لذتـــه أعمتنـــي عن أن التفت لها ..

لكـــن الحمـــد لله ما صرت ضحيــة مثل باقــي البنـــات .. لأن في هناك أشخاص حوالــي يحبــوني ويتمنــون لــي الخــير ساعدونــــي .. و أنــا بالعكــس ما سديــت أذونــي عنــهم و واصلت طريق الخطــأ .. بالعكـــس تفكرت في الشـــي وتأكدت منــه .. لأن أنه تفكيـــري سليـــم وخالــي من أي شــي يلوثــه ...

بعديــن اكتشــفت إنــي تســرعت .. الصبـــر زيـــن والله ماراح ينســـاني .. نفـــس ما ابتلانـــي .. راح يعوضنــــي .. والحمـــد لله الله عوضنـــي بأجمـــل زوج بالدنيــــا كلـــها .. ع الأقل هــذا زوج ناضج وواعـــي .. وعايــش ظروفـــي وفاهمنـــي ومقدرني .. ودليـــل على حبـــه الصادق لــي .. أول ماكلمنــــي .. كلمنـــي بموضوع الزواج ..

والله رزقنـــي بزوج حنون لأبعــــد درجــــة .. يخــاف علــي من النســـمة ..

صج إن الله اذا أخذ شــي فهــو يعوض عبــده بشـي ثانـــي ..

صحيــح حياتــــي كانت صعبـــة .. بس الحمـــد لله في النهـــاية الله ما نســـاني ..

عرفــت إن الصبـــر لــه نتايجـــه .. والله ما ينســـى عبادهــ ..

 

**

 

شيكآآغـــو – شارع الميتشيغـــان أفنيـــو ..

 

يتمشـــون مثل عصافيـــر الحـــب .. شابكين ذراعهـــم ببعــض ..

وقــد ما يقــدر يقربها منه عشــان يحميــها من البـــرد القـــوي ..

طالعته وهي تقول له : حدددددده عجيب .. وايد حلو المكان ..

وقفو بمكانهم وظل يطالعها وهو لاصقها جنبه ومخلي يده ورا ظهرها وقال: تدرين من متى خططت اخذج لهالمكان بشهر العســل؟

ســارا : اممممممممم متى؟

خالـــد بحب وبلهجة رومانسية: أول مرة جيت هالمكان .. وعجبني .. طريتي على بالي .. وقلت لازم اخذج له بشهـــر العســـل ..

ابتسمت سارا لخالد وهي تفكر فيه شلون يحبها ويتذكرها بكل لحظة من لحظات حياته ..

سارا: كل يوم أتفاجأ أكثر و أكثر بـشكثر تحبنـــي يا خالــــد .. عندك قلب كبيـــر يوســع الدنيــا كلهـــا ..

ابتســم خالــد لهـــا ورجعـــوا يمشــون مرة ثانيـــة بشارع التســـوق الضخــم هذا ..

دقايــق بـــس ونـــزل الثلــج ..

سارا مستانسة: الله خالــــد ثلللللللج ..

ضحك خالــد وهو يطالع شكلها وشلون مستانسة ع الثلج كأنها ياهلة : هههههه اول مرة تجوفينه ؟

سارا بحماس: ايييييييييه .. اللاااااي .. حبيبي جوف جوف شلون يصير على الأرض ..

خالــــد لقــط كلمـــة وحــده بس وشيــر عندها ..

كانت بتنزل ع الأرض تمسك الثلج بيدهـــا لكـــن حســـت نفســـها ممسوكة بقوة ما تقدر تنزل للأرض.. التفتت لقت خالـــد لاف ذراعه حوالين خصرها وشادنها جنبه .. ويطالعها بنظرات ..

حمر ويهها من الحيــــا وقالت بصوت واطي : شفيك ..

خالـــد : تكفين قوليها مرة ثانية ..

سارا لازالت مستحية : شقووول ..

خالــــد بوناسة : الله يخليج عيدي اللي قلتيه ..

سارا صج مو فاهمة : وش قلت ما اتذكر ..

خالــد وهو يحرك حواجبه يحرجها : قلتي حبيبي ..

سارا نزلت راسها بحيا وقالت : حبيبي ( رفعت راسها تطالعه وهي مستحية ) ..

خالــــــد شوي ويغمــى عليه من الوناسة .. هذي أول مرة سارا تقول له كلمة حلوة من تزوجو للحين ..

ع طول ما عطـــل وحظنها : ياعمرررررررري انتي ..

سارا تفشلت منه وباعدته عنها : خاااااااااالد شفيك احنا بالشارع ..

خالـــد يعاندها ويرجع يحظنها : ترى اهنيه عندهم عادي يعني هههههههههه .. فخلينا على راحتنا ..

سارا رجعت تباعده عنها بالغصب ومشت عنه : انت مينون فشلتنا ..

ركض وراها وهو يضحك ومسك يدها : وين رايحة ومخليتني .. هااااه ..

سارا مسوية نفسها معصبة : بروح الفندق ..

خالــــد: افااااااااا ليش ..

سارا مرفعه حاجبها : من حركاتك ..

مشـــت عنـــه وهو يمشـــي وراها احيانا يحسها تمزح واحيانا يصدق ..

خالـــد: ساراااااااا وش فيج ..

سارا بداخلها ودها تضحك بس ضابطة نفسها: ................. ( حاقرة ) ..

الفندق كان قريب .. وقامو يمشون له .. وهي تمشي جدام وهو وراها يحاول فيها وهي حاقرة...

خالـــد: انزين بناخذ تاكسي .. اخاف عليج من البـــــرد تمرضيـــن ..

سارا عورها قلبها عليه .. يا حرااااام خايف عليها .. بس واصلت حركتها .. تبي ترد له أيام ماكان يجننها ..

وصلـــو للفندق وهي بس حاقرته وهو يحاول فيها .. احيانا يراضي فيها و احيانا يحاول يضحكها عشان ترضى .. بس سارا لا حياة لمن تنادي ..

وصلــو للفندق ودخلـــو لجناحهم .. قعدت سارا ع السرير وبعدها ساكتة ..

قعـــد جنبــها خالـــد وقال بلهجة مسكينة : خلاص ماراح أحظنج ولا حتى المس يدج .. بس تكفين خلااااص عاد ..

ياتها الضحكة عليها وبنفس الوقت كسر خاطرها .. التفتت عليه وقالت بنذالة : ماشـــي .. طـــول ما احنا اهنيه انت تقعد عاقل مؤدب وتسوي اللي قلته ..

خالـــد شهق : حراااااام عليج .. ( بسرعه غير رايه لما جافها فرت ويهها عنه ) انزين انزين خلاص موافق ..

رفعت راسها بغرور مصطنع : ايه خلك جذي .. ولا أغير رايي ها ..

خالـــد : لالالالا كل شي ولا تغيرين رايج .. ( يتحلطم بالعدال بروحه ) خلني جذي خلني جذي .. وش المانع .. ما بصير شي .. بس اموت حسرة .. وش عاد ..

سارا ياتها الضحكة عليها وما قدرت تمسك روحها .. وضحكت بصوت واطي ..

طالعها خالـــــد وعصب من حركتها .. وراح جنبها بنذالة ومسك رقبتها من ورا بيده : تتطنزين علي ها ..

سارا تضحك: ههههه لالالا خلاص .. خالد الله يخليك بس .. ههههههههههههه ..

خالـــد يقرب أكثر ويطالعها بنظرات شريرة ويدغدغها ببطنها: خلاااص ها؟ انا اوريج شلون خلاص .. مخليتني أركض وراج و أترجاج .. وتضحكين علي هاااااا ..

سارا ميتة ضحك وتباعده عنها : خالد ههههههههههه خلاص هههههههههههههه الله يخليك خلاااص .. ههههههههههههههههههه بببببببببببببببس ..

ابتعد عنها خالد وقال : اخر مرة لج ..

سارا تهدأ من الضحك : هههه .. اردها لك على حركاتك ..

خالـــد: أي حركات بعد لا تتبلين علي ما سويت شي .. من تزوجنا للحين و انا وش حليلي رومانسي ومؤدب ههههه ..

سارا : هههههه لااااا صج؟؟ انا اقصد قبل الزواج .. تذكر أيام ما كنت تجنني .. اففففف كان ودي أذبحك هههههههه ..

خالـــد : هههههههههه والله أيــــام .. حلووووووووة .. ( يطالعها بنذالة ) وش رايج نعيدها...

سارا: لالالالالا واللي يعافيك .. مافيني ..

خالـــد: ههههه والله كانت ذكريات حلوة ..

سارا تطالعه بنذالة وتقول: ايه وخصوصا لما اتيي في الليل عند دريشة غرفتي ..

تفشللللللللللللل خالد من قلب وقال : ههه ساروه بلا هالحركات ..

سارا اليوم ناوية عليه تردها له : هههههههه وبعدين لما جفتني عقبها .. وااااااااو ويهك صار قوووطي ههههههههه ..

خالد يطقها ع يدها : ساروه خلاااص عاد ..

سارا تتقرب منه وتقول : صج صج خالـــد .. قول لـــي وش كنت تفكر فيه ذيك الأيام .. صحيح قالت لي لمــى .. بس اسمعها منك شي ثاني ..

خالـــد يطالعهـــا برومانسيـــة ويحس قلبه يدق مو راضي يسكن من الحــــب اللي بداخله ..

حط يده عند خدها وقال : ابد .. بس حبيتج .. الا عشقتج .. وما قدرت أعيش من دونج .. وصرت مينون سارا هههههههههه وليما عانييييييييت و أخذتج .. بس ..

سارا بجرأة تبوسه بخده : انا محظوظة فيك يا خالد .. الله يخليك لي ..

خالـــــد يضرب بيده ع خددده : يا ويــــــــــل حالـــــي .. انتي اليوم زايدة الجرعة شوي وناوية تذبحيني ..

سارا ترمي نفسها بحظنه : بسم الله عليك .. الله يخليـــك لي يا رب ..

خالـــــد وقلبـــــه يدق : ولا يحرمنــــي منــــج...

 

 

سارا اللي كلكم حبيتوها تقول لكم :

الصبــــر مفتاح الفــــرج ..

عشـــت مــع أهـــل وكأنـــي عايشـــة بدونـــهم .. أم و أبــــو و أخـــو .. لا يبـــالون .. كل واحد يدور على مصلحته بهالدنيـــا ونســـوا ان عندهم بنــت .. أنثـــى محـــتاجة الإهتمام .. محتـــاجة وجودهم بحياتها .. محتاجة لناس يحسسونـهـــا بحبـــهم ..

عشـــت فراغ عاطفـــي كبيــــر .. وعشــــت حرمـــان من الأهـــل .. لو كانو موب موجودين جان أفضـــل من إنــهم موجوديـــن جدامـــي و أتعـــذب و أنـــا اجوف حرمانـــي منهـــم وهـــم مــعــاي ..

هالإهتمام وهالحـــب اللـــي تدور علـــيـــه كـــل بنــت .. اذا ما حصلتـــه من أهلـــهـــا ... راح تدور عليـــه عنــــد الذئــاب البشـــرية ..

لكـــن أنـــا رفضــت هذا الشـــي لأن أعرف إنهـــا جذبـــة .. ويوم من الأيـــام بتنتهـــي وبكون ضحيتهــــا ..

أنــا حكمــت عقلـــي وصبرت ليمـــا الله عوضنـــي بشخص .. ما حبيتـــه وعطيتـــه أغلـــى ما أملك ( قلبـــي ) إلا لمـــا عرفت إن هو الشخــص المنــاسب اللي يحبنــي بصــدق وبيحــافظ علـــي .. وحسـيت إنه هو الشخص اللي بيكون لــي الأبو والأخو والصديق والزوج..

ووثقت بهالشــي أكثـــر و أكثـــر وتمسك فيـــه لمـــا شفت إصراره على الزواج منــــي .. وما يأس من المحاولة ليمـــا صرت زوجتـــه و أرتـــاح .. هــذا هــو خالـــد أبو القلب الأبيـــض .. في كـــل يوم أكتشــف مشاعر جديدة بداخله تجاهـــي .. في كــل يوم اكتشف خصـــلة طيبـــة فيه .. وفي شخصيتـــه اللــــي حبيـتــها من أول ما اتضحت لـــي ..

واللي عجبني فيه أكثر و أكثر وخلاني أثق فيـــه .. هو حرصــه علـــي قبــل الزواج ورفضــه لإقامة علاقة محرمـــة بينـــنا .. أنـــا احبه وهو يحبنـــي .. لكـــن فــي حدود .. رفـــض حتـــى المكالمات اللي الكل يعتبرها شــي بسيـــط .. لكن خالـــد من خوفــه علـــي وحبـــه لـــي.. شاف انها شـــي كبيـــر يأثــر علـــي ..

لطالمـــا حلمت بهالشــــي .. وبشخص مثل خالـــد .. وكنت أحس حلمـــي مجرد خيال .. لكن الحمـــد لله .. حصلــت عليـــه بفضل ربـــي ثم صبـــري ..

 

أمـــا اللاعب خالـــد له كلمـة أخيـــرة :

أنـــا ما أنكـــر كنـــت انسان فاضــــي .. و احس لعب الكــرة هو مستقبلـــي الكافـــي ..

وكنـــت بلا هدف بهالحياة .. وكنت شخص عادي ..

لكــــن حبـــي علمنـــي أشياء كثيـــرة .. اللي شفتوها بشخصيتي طوال القصة

وهذا هو الحب الحقيقي .. اللــي يقــدر يخلــي الإنسان يولــد من جديد بشخصية ثانية ..

فــ أقول لكم .. كان خالـــد هو الحب .. والحـــب هو خالـــد ..

**

 

حلمـــي كـلـه.. كـــان ..

بيـــت صغيـــر ..

لالا ..

كوخ يكفينــــي ..

عائلـــة جميـــلة ..

قلــب ينبــض بالحــب ..

صدر حنــون دافـــي ..

طفـــل ينادينـــي " ماما " ..

بس .. اظنــه ماهــو كثيـــر ..

 

 

ماســك بيدينــها الصغـــار ثنتينهـــم وقعدها بحظنه ومقابلته .. ويصفق بيدينها ويغني لها ..

وهي تضحك على حركات اللي يسويها بويهه لها ..

يات وهــي حاملـــة بيدينها صينية الشــاي ومبتسمة ع المنظر الحلو اللي جدامها : خلاص حبيبي موتت الياهلة من الضحك .. مب زين لها وايد ..

رفعها فوق بالهـــوا وهو يقول : فدييييييييت الحلـــوين انا ..

حطت الشاي على الطاول وراحت جنبه قعدت و اخذت منه الياهل : انت اليوم دوختها من كثر ما لعبتها .. جوفها مسكينه تعبت ..

ريـــان يضحك وهو يلمس خشم الياهلة بيده : اصلا هذي عيارة .. اذا تجوفج تسحب علي خلاص ما تبيني .. لكن من ألعب معاها تعالي جوفي شتسوي ... ما تسكت من الضحك ..

الجـــوري وهي تعدل ملابس روان وتبوسها : فديتها اصلا اهي ما تبي الا ماماتها الجــوري..

سكت ريان وهو يجوف الجـــوري .. لأول مرة تسمي نفسها ام روان .. ابتسم بألم على الجرح اللي مسببه للجـــوري .. يحس نفسه عايش على نار .. ينتظرها بأي لحظة تقول له تعبت معاك خلاص .. أبي ولد يناديني ماما .. أبي أكون أم .. ينظرها بأي لحظة تنهي كل اللي بينهم .. هو عايش وموب عايش .. سعيد بوجود الجـوري لكل موب سعيد بنفس الوقت بسبب الحرمان اللي معيشها فيه .. احساس بالذنب يلازمه طول اليوم .. وفرحة مقتولة يحس فيها اذا يكون بقرب الجـــوري ..

التفتت عليه الجـــوري لقته سرحان : حبيبي وش فيك ..

طالعه بضيق وتنهد وقال: مافيني شي ..

قام من مكانه ووقف جدام الدريشة يطالع برا وهو متضايق ..

الجــوري دايما تحسه يتضايق وسط اللحظات الحلــوة اللي يعيشونها .. ولما تسألها .. يقول مافيه شي ..

تركت روان على الأرض جنب ألعابها وراحت لعنده .. وقفت وراه وخلت يدها ع كتفه : ريان..

التفت لها وابتسم ابتسامة باهتة ما يبي يبين لها ان فيه شي: عيونه ..

الجـــوري مسكت يده وهي تفكر .. ومي عارفة شتقول .. اخرتها قالت له: ريان انت فيك شي..

ريان : لا مافيني شي ..

الجــوري: ريان انت تجذب ع العالم كله الا علي انا .. انا فاهمتك .. عارفة ان فيك شي..

ريان : .............................. ( ساكت ) ..

الجـــوري: ريان .. انا اعرف ان فيك شي .. بس ما ادري وش هو .. لان من أول ما تزوجنا للحين و انت بكل مرة نكون فيها مستانسين ولا نكون بلحظة حلوة .. ألاقيك بنص الجـــو تكشـــر وتتضايق .. انا حاسة فيك .. كل يوم الاقيك سرحان وتفكر ومبين الضيق على ويهك .. ريان قول لي .. انا الجــــوري .. ولا نسيت؟

ريان بألم: مو هي المشكلة انج انتي الجـــوري .. ماقدر اقول لج شي ..

الجــــوري متضايقة : ريان .. قول لي شفيك .. لا تخليني انا بعد احاتيك ..

ريــــان يطالع بعيونها : الجـــوري انا ظالمج ..و احس بالذنب في كل يوم ..

الجـــوري فتحت عيونها : ظالمنـــــــي؟؟؟؟ بشنوووووووو؟؟؟

ريان يترك يدها ويبتعد : انتي عارفة يالجـــوري .. انا حارمج انج تكونين ام .. بأنانيتي .. تدرين يالجـــوري؟ من تزوجنا للحين و انا عايش على نار .. كل يوم اترقب اللحظة اللي تجيني فيها وتقولين لي خلاص مليت ..

الجـــوري راحت جنبه : ريان انا كم مرة كلمتك بهالسالفة .. ريااااااان الله يخليك اذا تحبني من جد لا عاد تفكر بهالشي .. انا مستحيل اتخلى عنك .. ولا اتركك .. انا ان تركتك معناتها هذي نهايتي .. معناتها اني باعيش و انا ميتة من الداخل .. انت الروح اللي اعيش بها ياريان ومالي غيرك بهالدنيا .. لا تسوي فيني جذي الله يخليك .. خلني أعيش مرتاحة ومستانسة .. لا تستكثرها علي .. انا من دونك ولا شي .. ولاشي ياريان .. ( ابتسمت عشان تغير الجـــو وتقربت منـــه ومسكت ويهه بيدينها وكملت ) حبيبي .. احنا عندنا احلى بنوتة بالدنيا كلها ولا نسيت؟؟؟ هذي روان .. بنتنا ... انت ابوها و انا امها .. صحيح عندها ام و ابو .. بس الله اخذ امانتهم .. وتركوها لنا .. هذا اهي عايشة معانا .. و انت أكثر من أبو لها .. صدقني والله لو عندك ولد ما ظنتي بتراعيه وبتحبه كثرها .. ولا انا .. والله لو عندي بنت ماحبيتها كثرها .. هذي روان .. مكفيتنا .. مالية علينا البيت .. نعمة من الله .. كفايا بتناديك بابا .. وبتقول لي ماما .. وش نبي اكثر .. غيرنا الله ما انعم عليهم مثلنا .. خلاص ياريان خلاص .. يكفي الوقت اللي عشناه بحزن وبمشاكل وبلاوي .. جى الوقت اللي نفرح فيه ونعيش فيه حياتنا بسعادة .. ليمتـــى بنتخلى عن الحزن والألم اللي ملازمنا ؟ .. خلينا نفرح يا ريان .. كفايا حزن ..

ريــــان حس بكلامها صحيح .. و ان روان نعمة عليهم من الله ..

قاطعت تفكيره مرة ثانية بأنها ارتمت بحظنه ودفنت راسها بصدره : أبيك توعدني يا ريان .. توعدني إنك ما تفكر بهالموضوع ولا تييب طاريه حتى بينك وبين نفسك .. لأنك بكل مرة تكلمني فيه أحس بضيقة ماحسيت عمري بمثلها .. احسك تبي تخليني .. أوعدني ..

ريـــان بكل حواسه وقلبه وشعوره احتظنها وقال: أوعدج يالغلا ..

قاطعم لحظتهم الحميمية والشاعرية .. صياااااااااح روان ...

التفتو عليها بخووووف .. لقوها طايحة ع ويهها وتبجي ..

راح ريان ركض جنبها وشالها بسرعه من الأرض والرعب مالي قلبه : شفيها روان .. الجــــوري جوفيها ..

يات الجـــوري جنبه وهي تضحك عليه : مافيها شي بس كانت بتوقف وطاحت.. خبرك بنتك مسوية نفسها بطلة تبي توقف وتوها ثمان شهور هههه ..

ضحك ريان عليها وهو يحظن روان يهديها: حدج على البطلة ..

قعدت جنبهم الجـــوري على الأرض تراقب ريان اللي يحتظن روان ويهديها بحنان الدنيا كله .. تحسه يشيل بداخله قلب يكفي الدنيا بما فيها .. وفيه حنان يغطي العالم كله ..

حطت راسها ع كتفه بدلع وقالت: و انا مالي نصيب يعني .. كله حق روان يعني؟

مال براسه على جنب وخلاه على راسها : انتي الغلا كله .. و انتي الأميرة .. مافي حد قدج ..

تقربت منه أكثر واحتظنت ذراعه وخلت راسها ع كتفه : حبيبي ..

ريان وهو يمسح على راس روان اللي بحظنه : ها حبيبي ..

قالت بصوت حالم وهي تفكر: الله يخليك لي .. مادري وش كنت بسوي بدونك .. انت ابوي و اخوي وحبيبي وزوجي وكل شي بدنيتي .. وين ما التفت ما القى غيرك جنبي .. انت دنيتي كلها يا عمري ..

ريان لازال على وضعه بس ابتسم وقال: و انا عندي غيرج بهالدنيا احبه هالكثر؟ انا ماعندي الا انتي .. والله يخليج لي ولا يحرمني منج ..

رفعت راسها وقالت له بهبالة : ريان .. تحبني؟

ريان طالعها ووده يفغصها : عيل انه شقول من الصبح للحين ..

ضحكت الجــــوري بقوة وضحك معاها ريان .. وحظنها وحظن بنته روان معاها وهو يحس انه ملك الدنيا بما فيها بهاللحظة .. الله يدوم الوناسة ..

 

بطلكم ريان له معاكم وقفة أخيــــرة:

تعبت أدور السعادة بكل زاوية بهالدنيا .. كل ما أوصل لزاوية تصفعني وتدفعني للجهة الثانية اللي تسوي معاي الشي نفسه ...

لكني كنت أملك شي واحد .. الأمل .. وعدم اليأس .. بكل صفعة .. أقوى أكثر و أكثر ويتجدد الأمل بداخلي .. ويكبر يوم عن يوم ..

أنـــا ما كنت أسعــــى للكمـــال .. لأن الكمـــال لله وحده ..

أنـــا كنت اسعــــى لجــزء بسيط من السعـــادة واللي اعتبرته حق من حقوقـــي ولا يمكن التنازل عنهــــا ..

كل اللي سويته عشان أوصل لسعادتي .. هو شي واحد .. التمسك بحلمـــي وعدم اليأس أبدا أبدا ..

في النهــــاية صحيح وصلت لسعادتــــي .. لكنهـــا ناقصـة ..

حمــدت ربــي ورضيــت بنصيبـــي .. هدفــي الأساسي وصلـــت لــه ..

ومن رحمة ربـــي .. إنــه خلانـــي ما أفقد سعــادتـــي بآخر اللحظات اللي ظنيــــت إنــي حصلت عليها ..

لأنه رزقنـــي بشخصية مضحيـــة .. عمـــري ماراح أنــسى لها هالوقفة ..

لكـــن الله يحبنــا ورايد لنــا الخــــير ..

أخذ منــي شيئين وعطاني شـــي واحد يسد مكان اللي أخذه ..

أخذ منـــي أخـــوي الوحيــــد .. و أخـــذ منــي حلـــم ينتظره كل رجل بفارغ الصبر ( الأبوة )..

وعطـــاني ( روان ) ..

روان اللي اهي رريحة أخوي واللي أجوف فيها ويه أخوي وذكراه كل ما طالعتها ..

روان اللي اهي عوضتني بكلمة بابا اللي تقولها لي وتطلع منها مثل العسل تشفي جروحي ..

الحمــدلله ..

 

أمـــا الجــــوري ماراح تقول لكم شـــي غير كلمة وحـــدة لأن حيـــاتهـــا كانت كتاب مفتوح بين يدينكم .. و انتو تعرفون كل حكمة وكل عبرة بحياتها ..

الجـــوري بس ترفع راسها للسما بكل يوم وتقول : الحمد لله ..

 

 

************************************************

 

أتمنـــــى::

 

صبـــر ( مــروى و سارا ) ..

 

حـــب ( خالــــد وريـــان ) ..

 

تضحيـــة ( الجـــوري ) ..

 

مثاليـــة ( فيـــصــل ) ..

 

أخـــوة ( تركــــي وخالـــد وفيصـــل ) ..

 

حنـــان ( ريــــان وخالـــد ) ..

 

..... و الــخ من صفات أبطالنا ..

 

 

عشــــت مع أبطالــــي لحـظــة بلحظـــة .. وحطـــيت كل إحســـاس وشعــور بداخلي في داخل هالشخصيـــات .. وخليتهـــم يتحركــون بأجســادهم .. بس بـــروحي أنــا ( القيثارة الحزينة ) ..

كلهـــم يمثلونـــي أنه .. كل هالشخصيـــات مزيــــج من شخصيتــــي .. وبعــض أفكــاري ..

عشــان جذي حسيـــت فيهم وحسيـــت نفســي عايشــة معــاهـــم ..

ســـوى إنـــه يغلب ع القصــة الطابع الحزيـــن الرومانســـي وهو جــزء من شخصيــتي الغامضة للناس .. أمـــا الجانب المكشوف من شخصيتــــي المـــرح ما طلع بالقصـــة أبد ..

من خلال كتاباتي .. أوصــــل أفكـــاري اللي مسجونـــة بداخلـــي .. أوصل الجزء المخفي من شخصيتي .. أوصـــل أحاسيــســي اللي ما أقدر أبوح فيهـــا ..

 

وكونت النهــــاية ع حســــب أحلامــــي و آمالــــي اللــي أطمــح لهــا و أتمنـــاها ..

 

القصـــة جسدت جزء بسيــط من أحلامـــي و أفكـــاري الورديـــــة ..

 

 

في النهـــايـــة ..

أعتذر منكـــم عـــلى كـــل إســـاءة أو تأخيــر أو تقصيـــر بذر منــــي ..

لكنــــي بفتقـــد وجودكـــم معــاي وتشجيعـــكم لـــي .. كل اللي يردون علــــي .. وكـــل اللي يتابعونـــي بس من وراء الكواليــــس بدون ما يردون ..

 

اللـــــي محتاجته منكــــم .. هو دعائكم لـــي فقــط .. دعــاء صادق من قلــب صافــي ..

إن الله يعطيـــنـــي كل اللي في بالــــي .. لو أقول لكم .. ما بصيـــر طمـــاعة .. أبغـــي بس المعـــدل يظل على ماهـــو عشـــان أحصــل البعثــة اللي أتمنــاها ..

>>> جابت قصة حياتها كككككككك

 

يلا احين بتفتكون منـــــي مللتكم وايد أدري وصبرتو علي وايد خخخخخ

 

ما بطول عليكم .. بقوم أدرس فيز >>> الله ياخذه ..

 

 

 

لا تنســـــــونــــي

القيــــثارة الحــزينـــة

[شقرة البحرين]

تسلم ايدج قيثارووو

[كيوية]

عمرررررررررررررررررري انتين بصراحة احبششششششش حد حدي عجبني البارت حده بس عور قلبي تركي يوم يموت جتني الصيحة بس كنت اتمنى مرااااااااوي تاخذ اياد بس يلله مافي نصيب هههههههههه

تسلمين يالحب الصغير ع البارت الاكثر من الروعة

 

[متيم عراد]

 

ماشالله عليج نهايه رائعه للقصه

اللي اندمجنه في احداثها وعشنا مع الابطال

بصراحه ابدعتي فيها من قلب

قصتج السابقه وهالقصه يبينون ان راح نشهد بالمستقبل بزوغ كاتبه بحرينيه مبدعه

اتمنى لج كل التوفيق بحياتج

وان شالله المعدل مايتم نفس ماهو لا يرتفع اكثر لانج تستاهلين كل خير

وانتمنى نجوف بالمستقبل مسلسلات للكاتبه القيثاره الحزينه

من قلب قصصج رائعه وتعرفين شلون تخلين القراء يندمجون فيها

 

كل التوفيق لج اختي

 

 

متيم عراد

[soso pr!nceSs]

يــــــــــــــــآ عـممممممممممممري قيثــآره .. فـديتج والله .. ع هـآ ا لروآيه آلآككــــثر من وآآآآو ..

 

والله يوـفقج انشاء الله .. و يرتـفع معـدلـج .. ويسلموز مـره ثـآنيه ع الـروايه والله عن جد روآآآئعـ ..

 

فـديتج والله ... مشـكورة .. ننـتظر ابـداعأتـج االجـآيهـ ..

[h_lo0ove]

إبداع ما شاء الله عليج

يعطيج العافية

 

 

الله يوفقج ان اشاء الله <<< ويعطيج كل اللي في بالج

بتوحشينا ،، وبتوحشنا القصة

[hamoodbh]

 

 

 

 

رووحي درسي أحسن لج ،، هع هع

 

 

قصة جميلة يا القيثااره من بدايتها لـ نهايتها أعجبت فيها مثل ما أعجبت

في القصة الأولى و أعجبت في أبطالها أكثر و أكثر ، و أحب مثل هالقصص

إلي فيها حزن و رومانسية و جذي يعني ..

 

يـ الله شدي حيلج و حافظي على معدلج و رجعي إلنا بـ قصة ثالثه ..

تراني أنتظر مثل الكل .. !!

 

 

 

 

[لط لط]

آااااية عليييج قيثاروو

 

قصصصصصصصة و لااا اروووووووووووع بصراحة

 

مشاءالله انتي مبدعة و الله يوفقج فدييييتج يا رب و يعطيج على قد نيتج

 

وو القصة صيحتني و ذوبتني رومانسية<<

 

و عجبني أكثر شي هالكلام

 

 

حلمـــي كـلـه.. كـــان ..

بيـــت صغيـــر ..

لالا ..

كوخ يكفينــــي ..

عائلـــة جميـــلة ..

قلــب ينبــض بالحــب ..

صدر حنــون دافـــي ..

طفـــل ينادينـــي " ماما " ..

بس .. اظنــه ماهــو كثيـــر ..

 

 

لانه بصراحة يمثل حلمي و حلم كل شخص بعد دراسته و تكوين نفسه

 

مشكووووورة قيثاروو و مستحيل ننساج يا الغلا

 

و الله يسهل عليج امتحاناتج

[● MaRwA ●]

رووعه

 

يعطيج العافية