Mr.7asson Posted مارس 10, 2009 Report Share Posted مارس 10, 2009 ويينج خيوو؟؟ Quote Link to comment Share on other sites More sharing options...
مينونة ومخرفة ومخرخشة Posted مارس 10, 2009 Report Share Posted مارس 10, 2009 احمدووه لايخرب على منال لااكفخه >>> شفيها الاخ حتى موسى يقهر لو يمي ذبحته مسكينه ساجدة فشله الموضوع .. شكلها عصبت يمكن تحب علاء ازهار كسرت خاطري هههه زين ماكفخها محمد يسلموو خيتوو ع البارت نتظرج لاتطولين علينا Quote Link to comment Share on other sites More sharing options...
m!ss M Posted مارس 10, 2009 Report Share Posted مارس 10, 2009 عجييييييييب البـارت والأحداث كل ماليها وتحلى ونااطرين تطورات أكثر بين محمد ومنااال يسلمووووووو في الإنتظاااار Quote Link to comment Share on other sites More sharing options...
h_lo0ove Posted مارس 10, 2009 Report Share Posted مارس 10, 2009 فديتج خييوو تسلميين وعلاء مسكين كسر خاطري اووف احمد عله ومنال انصدمت مسكينه <<< والله يستر موسى اشكرج مره ثانيه عـ البارتيين الفن اللي بالنسبة لي انهم قصار من كثر حلاوتهم يعطيج العافية وبانتظار التكمله Quote Link to comment Share on other sites More sharing options...
Mr.7asson Posted مارس 11, 2009 Report Share Posted مارس 11, 2009 وينج حجيه؟؟ Quote Link to comment Share on other sites More sharing options...
فـ قلبي ـي Posted مارس 12, 2009 Author Report Share Posted مارس 12, 2009 مــرحبــا مساامحه تأخرت ما حطيت البارت بس اليوم رجعت من المدرسه تعباانه ونمتــ بعد الصلاة ان شاء الله بنــزله اووك انتظرووني Quote Link to comment Share on other sites More sharing options...
ولائية Posted مارس 12, 2009 Report Share Posted مارس 12, 2009 ننتظرج حبوبة !! Quote Link to comment Share on other sites More sharing options...
فـ قلبي ـي Posted مارس 12, 2009 Author Report Share Posted مارس 12, 2009 الجزء الرابع عشر مريم فتحت الباب بقوه : ويلي حــر بـاموووت حر هدى : ههههه ويش فيج حرانه جيه وين كنتين فاطمة : ايه صح وينه انتين ماشفناج قاعده بره مريم وهي تمسح العرق إلي في وجهها : اووف حر .. كان عندي إتصال ورحت المخزن أتكلم منال فاتحه عيونها : المخـــزن .. قلو لحجر تروحين المخزن مريم (( اللحين عاد الأسئلة عليي )) : ما ادري فاطمة : الله يساعدج ومن دكلحين للحين تتكلمين في التلفون هدى بمزح : أقول قمنا نشك ههههههههه منال تطالع مريم بنظره : مريم ليكووون مـ.. مريم وهي قايمه : أي أي هذي هي مزنه اووف باروح عنكم بس تتسألون ودارت تطالع ساجدة : اووه إلا ساجدة ساكته ويش فيها اللحين صار دورها زعلانه فاطمة : هههه ماتدرين ويش صار .. شي خطير مريم : صــــدق قوولوا ويش صاااير فاطمة توها بتتكلم إلا تلفون منال يرن .. منال وهي خايفه يطلع نفس الشخص أخذت التلفون تطالع المتصل مريم : من هذا ردي منال رافعه حاجبها : ما ادري رقم خارجي بعد .. لحظه بشوف وردت منال : ألـــــو محمد : ألــــو منالــوه أنا محمد منال عرفت الصوت : هــلا هلا شخبااااااارك محمد .. وشخبار أمك وأبوك وأختك الصغيره .. احنا كلنا زينين نسأل عنكم متى بتجوون .. لا صدق يلا انتظر عيل فديتك وحشتني حموود .. البنات فهموا انه محمد ولد خالهم علي متصل لأنهم مسافرين ومحمد طبـعا متعلق بمنال وكان متصل ليها ,, دام منال تكلم محمد البنات قالوا إلى مريم السالفه مريم : هههههه افاا سجود زعلانه على جذي ساجدة تطالع مريم من دون أي إبتسامه او كلمة .. مريم : يؤؤ ساجدة انزين عادي مافيها شي يخطبونج ياتوافقين يا لا نــو بروبلم ,, وسمعوا صوت الأذان وقاموا .. بعد الصلاة تجمعوا الكل في الصالة النسوان والبنات أم هيثم : يلا منال برزي روحج أبوج جاي في الطريق منال والبنات كانوا قاعدين صوبها : أمـاه اني الليلة أبي أبيت هني ويه البنات أم هيثم دارت تطالع النسوان .. أم ساجدة : بتبيتون بيتوا بس على أمكم العوده أمهم العوده : والله حياكم الله يبناتي قعدوا ويايي ناوسوني أقعد أبروحي كل ليلة وأبوكم العوده نومه من مغرب أم أحمد (( إلي هي أم هدى بعد )): ههههه عمتي بعد عمي رجال مايقدر يسهر أمهم العوده : هههههه أي والله يبتي بس كله نايم هالرجال وأني بريحاتي في هالبيت أم هيثم : ماعليه عجل بيتي ويه بنات خالج وبت خالتج وهالله هالله في أمكم وأبوكم العود لا تجننونهم البنات : ان شاء الله .. وهم مبتسمين مريم : يلا أماه أبويي شكله وصل أم هيثم وهي قايمه : يلا توكلنـا على الله مريم بحزن : يعني بتخليني الليلة بروحي منال فاطمة : ههههه محد قالج قلنا لج قعدي ويانا مريم : لالا باروح أم هيثم : يلا نشوفكم على خير مع السلامه .. منال تعالي شوي منال قامت راحت إلى أمها برى وكان أبو هيثم واقف بسيارته أم هيثم : أبو هيثم الليلة منال بتبيت في بيت أبوها العود أبو هيثم : على خير .. وطلع بوكه وعطاها خمسه دينار منال : شكـرا بابي أبو هيثم : يلا روحي دخلي وتحملي بروحج محمد متملل ويتأفأف ..قاعد عالمسنجر وينتظر منال ومنال مادخلت يبي يكلمها وحشته ,, رن تلفونه وكان المتصل موسى محمد : ألــو وينك انته اتصلت لك ماترد موسى : وأنا اتصلت وانته بعد ماترد محمد : ههه كنت نايم انزين خلصنا ويش عندك موسى : اليوم اتصلت إلى منال محمد بحماس : انزين وبعدين موسى : ما ادري قعدت تقول كلام ان ماعندها هالسوالف وماتكلم صبيان وووو كلام .. والصراحه شكلها صدق ماتكلم محمد : هههه وش عليك منها ومن حركات البنات الفاضيه تكلم .. بس عيارة البنات مو عليك موسى : والله ما ادري باشوف محمد : أي شوف رد حاول اتصل ليها جننها لا تخليها في حالها موسى : اوكــــــي ماطلبت شي يلا اللحين باياات محمد : اوكي البنات راحوا مع فاطمة بيتهم لأنه في نفس المنطقة وفاطمة أستأذنت من أمها وبعد محاولات وافقة وأخذت لها ثياب وإلي البنات .. (( أم فاطمة وحده حاقدة على أهل زوجها وماتحبهم وصار لها دهـر ماتكلم بيت عمها وماتروح لهم ولا تزورهم .. بناتها وولادها طالعين عليها مايحبون بيت أبوهم العود بس فاطمة إلي طلعت عكسهم .. وأبوهم لاهي بشغله ومايفكر يزورهم .. يعني بس فاطمة إلي كل سبوع تروح بيت أبوها العود )) رجعوا بيت أبوهم العود كانت امهم العوده قاعده البنات قعدوا وياها وهي كانت ساكته وتطالع التلفزيون حاطين أخبار الساعه ثمان فاطمة تساسر البنات : اووهوو اللحين احنا بس بنقعد نطالع لخبار منال : ههههه ويش انسوي هدى : إلا اقول بنات .. مانشوفهم فتحوا موضوع ساجدة ولا قالوا ساجدة ساكته وماردت منال تطالع ساجدة : هاا سجود ساكتة ماجابوا السالفة العصريه ساجدة إبتسمت فاطمة : ويلي معجزة الله أكبر من العصر مكشره واللحين ضحكتين ساجدة زادت إبتسامتها .. منال : اووه سجود قولي ويش صاير ساجدة : امممم ما باقول هدى : عااد قولي سجود ساجدة : انزين يلا باقول .. يوم أم أحمد قالت تبي تخطبني أمي قالت ليها اللحين هم مابوافقون على أي احد يجي يخطبني لأني صغيره ويبوني أكمل دراستي و أم أحمد قالت ماعلي على خير وبس منال تضرب ساجدة على ظهرها : صدق انج واحنا ساكتين ونقول ما ندري ويش صار وانتين تدرين وساكته ساجدة : هههه أي امي قالت ليي قبل لا تمشي وقالت ليي انتين صغيره ومانبيج تفكرين في هالسوالف فاطمة تسوي روحها حزينه : مسـكين حبيب الطفولة اكيد اللحين بيمرض وبصيح بعد البنات قعدوا يضحكون .. وساجدة ساكته عنهم أمهم العوده : يبنـات عندكم فراشات في الحجرة او تبون زياده منال : لا في كفايه أمهم العوده : انزين أمشوا قعدوا تحتي له باسولف وياكم البنات قاموا راحوا قعدوا صوبها ,, طبـعا بعد ماخلصت الأخبار وسمعت نشرة الوفياة وإلي ماتوا .. بندت التلفزيون وقعدت تسولف وياهم أمهم العوده : أسمعوا يبناتي لول يوم احنا بنات يعرسونا أبوتنا واحنا بنات تسع سنين وماندري بشي .. لول لبنيه يعرسونها صغيره لأنه مافي مدارس ولا علم .. واللحين تغيرت الحياة وصار لبنيه لازم تدرس وتفكر في دراستها مو تفكرون يبناتي في العرس وغيره .. البنات يضحكون ويحركون راسهم بمعنى القبول : هههه ان شاء الله أمهم العوده : والله قبل ماكنا نفهم وأي واحد يعرسونه عليه ومانشوفه إلا ليلة العرس منال : هههههههه أمي العوده يعني ماشفتين ابويي العود قبل ليلة العرس أمهم العوده : وينه أشوفه يبتي عرسوني عليه واني ما ادري ساجدة : وي الحمدلله احنا ماكنا في زمنكم أمهم العوده : أي يبناتي وهذاني اقول ليكم ماتعرسون من اللحين وانتون صغار وماتاخذون واحد ماشفتونه من قبل وماعرفتون عنه شي منال تساسر ساجدة : بل أمي العوده خطيره تبينا نتعرف على صبيان قبل أمهم العوده : مــو قصدي يبناتي انكم تحاجون صبيان من ورى أهلكم منال : هههههه بسم الله محد قال منال قاعده سوالف وضحك وناسيه محمد إلي وعدته من ترجع بيتهم تفتح المسنجر .. بس هو ينتظر للحين ومنال مادخلت ؟! علاء الليله ماراح مكان وكان قاعد في حجرته (( ماطلع من البيت لأنه مريض وتعبان .. من الحادث بس ماحب يقول إلى احد كانت رقبته تألمه وإيده )) علاء حط راسه على وسادته إلي كان رافعنها شوي وقعد يتذكر زينب يتمناها تكون وياه وتحس به وبألمه وتساعد في مرضه .. أمهم العوده : يلا يابنات اني باروح أنام عنكم وانتون بسكم لا تسهرون واجد سمعتوون البنات : ان شاء الله امي العوده ماطلبتين شي من عيونا اللحين رايحين نايمين البنات راحوا حجرتهم بنامون .. (( بس تتوقعون ينامون وهم جمعة بنات )) أول شي سووه بدلوا ملابسهم طبعا إلي هم ثياب فاطمة ,, ساجدة : امممم اللحين ويش بنسوي بنات منال : ما ادري ويش بتسوون هدى : أني بانام هههههه فاطمة : حلفي عاد الليلة مافي نوم هدى : بل أمزح البنات تسدحوا كلهم على لفراش وقعدوا يسولفون .. موضوع يفتح موضوع وكان في كل موضوع لازم تصيح وحده فيهم وتطيح دموعها على خدها أول سالفة كانت عن حب ساجدة إلى علاء وهي تدري وحاسة إنه علاء مايحبها بس هي تحبه وتتمناه وماتقدر تفكر في واحد غيره مسحت دمعه طاحت من عيونها .. ثاني سالفة كانت موضوع فاطمة بعد ماسكتت شوي وبعدها انهمرت في لصياح كانت تصيح من قلب كانت تقول انها وايد تعبانه في حياتها مع بيتهم مايعاملونها عدل والأكثر أمها إلي من تسمعها تقول بتروح بيت أبوها العود ماتخلي كلام ماتقوله لها .. فاطمة تفكر في بيتهم وحقدهم على أمهم العوده وأبوهم العود وتصيح لأنها تتمنى مثل كل وحده تجي ويه أهلها يوم الجمعة بس هي كل سبوع تجي وحيدة وماتطلع من بيتهم إلا بصراخ أمها وكلام خواتها حضنتها منال وسكتتها : افاا عليج فطووم واحنا وين رحنا نحبج وانتين بين أهلج لاتصحين وماعليج من أمج وخواتج محمد مــوصل حده من العصبيه صارت 12 ومنال مادخلت المسنجر وبعد صارت وحده ومادخلت .. عصب وبند كمبيوتره وقام ينام وراه دوام باجر البنات بعد السوالف ولدموع ردوا إلى الضحك والفرفشه والسوالف العجيبه بس منال تذكرت محمد (( توها تذكره )) .. صار الصبح وأذن الأذان وبعد ماصلوا كملوا سوالفهم إلى ست الصبح وبعدها نامــوا أم هيثم تطق باب حجرة علاء بس مايرد .. فتحت الباب ودخلت أم هيثم تقربت من علاء : علاء ويش فيك ماقعدت علاء فتح عيونه شوي : أماه أنا تعبان جسمي كله متكسر ما أقدر أم هيثم : أي بس انته قلت ليي أقعدك اليوم عليك شغل له اليوم السبت علاء : ايه بس ما اقدر تعبان أم هيثم : ماعليه أرتاح الساعة 11 ونص ساجدة فتحت عيونها بعد ما أزعجها صوت تلفون منال إلي مايسكت .. ومنال نايمه وماترد عليه ساجدة وهي تحرك منال : منــــالوووووه صمخ ان شاء الله قعدي شوفي تلفونج عورني راسي وأذوني مخليتنه صوب راسي ومايسكت قوومي منال وهي تدور الجهة الثانيه : اووه ساجدة خليني أنام تعبانه ساجدة وهي تطالع التلفون إلي يرن : انزين عطيني حل بابنده ان شاء الله تمللت مو عارفه أنام منال وهي تمد إيدها وكانت نايمه : اوووف عطيني اياه باشوف من إلي متفرغ هالحزه يتصل .. وردت وهي مغمضه منال : ألــوو موسى ساكت ,, منال : اووهوو قلنا ألـوو زينـبوو مو وقتج تسكتين بسرعه خليني أنام تعبانه موسى ساكت ويسمع صوتها (( شكلي قومتها من النوم )) منال : شووفي صدق انج حماره أزعجتيني وماخليتيني أنام واللحين ساكته (( رفعت صوتها )) قولي ويش تبين موسى : ما أبي شي بس أبي أسمع صوتج الحلو منال فتحت عيونها وعدلت روحها وطالعت التلفون وكان الرقم : عمى ان شاء الله هذا أنته صدق ماتستحي .. وبندته في وجهه ساجدة نايمه على جنب مقابله منال : منهوو هذا نفسه منال تباعد خصلات شعرها وتعدله : أيــه هذا هو والله ابتلشت ما ادري من وينه له رقمي .. ياربي ما ادري ويش أسوي في هالمصيبه منال حطت راسها على لوساده مرة ثانيه وتقابلت هي وساجدة منال : ما ادري منهوو مايستحي على وجهه اني لازم اعطي علاء الرقم يشوف ساجدة ابتسمت لأنها سمعت علاء : اممم ما ادري بس فكري قبل لا تصير لج مشاكل منال : اووف .. شوف دلين نايمين ولا يتحركون ساجدة : مشكل عليج إلا يقول انتين تقعدين لو ماحركتج ومت وأني اصرخ ما قعدتين منال وهي تدور عن ساجدة : لأني تعبانه للحين فيني نومه بعد ساجدة سكتت لأنه منال سكتت ودارت صوب ثاني وكملت نومه بس هي مانامت بس كانت منسدحه وتفكر .. محمد رجع من شغله الساعة وحده ونص وكانوا أخوانه ينتظرونه وأمه عشان يتغدون أم محمد : يلا محمد باروح أحط الغده محمد : لا أماه أنا ما أبي غده اليوم تعبان وباروح أرتاح أم محمد : يؤؤه يولدي مابتتغده كل لو بس شوي محمد وكان باين على وجهه الضيق : لا باروح ما ابي شي وراح .. وصل حجرته ورمى روحه على السرير بتعب .. كان يحس بألم في كليته وألم في راسه يمكن لأنه مو نايم عدل وكل هذا لأنه يفكر في منال والأفكار إلي تخليه يخاف عليها .. كان خايف ان فيها شي او صادها شي البنات قاموا مره وحده ووياهم ساجدة إلي ردت نامت لها شوي .. منال : بــــــال هذا أبويي العود رحنا فيها هدى : ويلي ويلي رحنا فاطمة : بل شوفوا الساعة جم بتصير ثنتين ساجدة : شووف قاعدين خايفين وأبويي العود بره يصرخ افتحوا له الباب منال : لاوالله انتين افتحيه أبوهم العود يصرخ بره وهم خايفين يفتحون منال : فاطمة انتين افتحي ساجدة : يلا فاطمة انتين فاطمة راحت فتحت .. وكان في وجهها أبوها العود أبوهم العود : نوم للظهر قوموا أذن والناس صلوا وتغدوا وانتون خامدين لا صلاة ولا شغله قوموا يلا .. وراح عنهم هدى : ههههه بل واجد طولنا في النومه يلا قووموا نغسل قاموا البنات وغسوا وبعدها صلوا والساعة ثنتين ونص راحوا إلى أمهم وأبوهم العود منال : السلام عليكم أمهم العوده : وعليكم السلام تأخرتون يبناتي وينكم نحارسكم بنتغده ساجدة فاتحه عيونها : بـــال للحين ماتغديتون جان اكلتون عنا أمهم العوده : لا مايصير يلا تعالوا قعدوا البنات بيتغدون على أمل انه تكون الأكله شهيه ولذيذه بس كانت المفاجأة انه الغـده سمج أبوهم العود : ويش فيكم إلا ولا وحده منكم مدت إيدها تاكل للحين تبون تنامون البنات وعلامة الحيرة في وجههم ماعندهم رد قاعدين من النوم ويبون ياكلون ويطلع الغده سمج أبوهم العود : والآخير وياكم يعني يلا مدوا إيدكم اكلوا ولا ماتحبون السمج منال : هـا لا أبويي العود نحبه يلا بناكل ومدت إيدها تاكل فاطمة : وأني بعد آكل كل شي المهم أمي العوده مسويتنه يلا بسم الله منال وفاطمة تحملوا ياكلون سمج بس هدى وساجدة صعـب لأنهم مستحيل ياكلونه أبو هيثم وهو طالع : أم هيثم الليلة برزي القدوع والقهوه أخوج أبو أحمد جاينا أم هيثم : ان شاء الله على خير حياه الله زينب ماتدري وش فيها بس تحس في شي اكيد صاير شي هي من أمس تحس بشي أكيد علاء فيه شي أخذت تلفونها واتصلت إلى منال إلي كانت تضحك على أشكال هدى وساجدة بعد ماجبرهم أبوهم العود ياكلون منال : هههههههه هلا زنووب هلا زينب : هلا منوول إلا تضحكين منال : سالفة باقولها لج إذا شفتج .. المهم شخبارج زينب : اني زينه اسأل عنج وينج امس مادخلتين المسنجر منال : أني نايمه في بيت أبويي العود ويه البنات زينب : اهــاا منال : أي زينب سكتت ,, منال : ألو زنوب إلا سكتين زينب : هاا بس كنت بسألج عن علاء منال : ايي زينه الحمدلله تمام وتسلم عليج مروا ثلاث أيام على البنات وهم في بيت أبوهم العود .. استانسوا بضحكم وسوالفهم وسهرهم .. وبعدها ردوا كل وحده بيتهم وصار البيت ملل بعد ما كان صوت البنات يمليه بالضحك والسوالف منال أول مارجعت فتحت المسنجر كانت مشتاقه إلى محمد وتبي تكلمه بس للأسف ما كان اون ,, قعدت مع أختها مريم تسولف مريم : اممم انزين ماتدرين ويش صار في بيتنا وانتين غايبه منال بحماس : ويش صـــــــار قولي وويش مريم : بيت خالي أبو أحمد جونا من جم يوم منال وكانت ناسيه السالفه : انزين وبعدين ويش الجديد مريم : ههههههههه هالمره في جديد بس توقعيه ههههههه منال : مريم بلا بياخه وقولي ويش صاير مريم : ههههههه هالمره جايين يخطبونج إلى أحمد منال سطرت روحها وفتحت عيوونها : هــــااا ويش قلتين مريم : هههههه أي ووافقوا واسبوع الجاي عقدج منال خافت وشوي وبتصيح : ويش منهوو قايل اني مو موافقه مريم : هههههههه ويش فيج بتصيحين لا تخافين قالوا بأجلون الموضوع منال عصبت وقامت تضرب مريم .. وإلي رحم مريم صوت المسنجر إلي كان في احد يكلم منال مريم قامت : اوووف مجنونه اشووه ماقتلتيني ماتسوى عليي .. وطلعت منال راحت تشوف من يكلمها وكان محمد حـــ ملكـني ـــبج : منــــــــال ويــــنج وحشتيني شخباارج انتي زينه عسى ماشر في شي كبـرت ونظرة الطفله تعيش بداخلي فطرة : هــلا هلا وانت بعد بخير مافيني شي حـــ ملكـني ـــبج : أنا زعلان لا تكلميني وينج ثلاثة أيام خليتيني بروحي كبـرت ونظرة الطفله تعيش بداخلي فطرة : كنت في بيت أبوي العود مع البنات ثلاثة أيام هناك حـــ ملكـني ـــبج : اهاا انزين جان عالأقل خبرتيني تخليني كل يوم انتظرج وأحاتيج اخاف فيج شي صايدنج شي كبـرت ونظرة الطفله تعيش بداخلي فطرة : لا لا تخاف مافيني شي ومساامحه شغلت بالك علي (( وحطت وجه خجول )) حـــ ملكـني ـــبج : فديت إلي يستحوون دخلت أم هيثم على منال الحجرة ومنال ولا تدري بأحد داخل أم هيثم وهي واقفه بعيد : منال خلي عنج هالكمبيوتر وقومي تعالي باقولج منال وهي تكتب عالكيبورد : انزين بس شوي أم هيثم : منال قلت لج قومي باقولج موضوع منال قامت : انزين هـا يلا قولي أم هيثم : قعدي باقولج منال قعدت وسكتت تنتظر أمها تتكلم أم هيثم : شوفي يبتي أدري انج للحين صغيره على العرس بس خالج أبو أحمد جه خطبج إلى ولده أحمد من جم ليلة يوم كنتين في بيت أبوج العود قال يبيج إلى ولده وبعزج ومابقصر عليج بشي وتدرين ولده أحمد الوحيد ولمدلل يعني بدللونج نفسه منال ساكته وماقالت ولا كلمة إلى أمها .. بس باين من ملامح وجهها مو عاجبنها الكلام ومتضايقه منه أم هيثم تكمل : اني وأبوج ماردينا عليه بالرفض بس قلنا له منال للحين صغيره تدرس ومانبيها تنشغل عن دراستها رد خالج وقال ماعليه بنخليها تكمل دراستها ومو سيده زواج أول خطوبة جم سنه دامج تدرسين منال أخيرا قررت تتكلم بعد ماحست من نبرة أمها انها موافقه : بس اني للحين ما كملت ثانوي صغيره وما ابي أنخطب أم هيثم : احنا قلنا جذي بس بعد يابتي يصير تنخطبين إلا باقي عليج آخر سنه وتخلصين ثانوي مافيها شي وأكي زهره رفيقتج انخطبت وهـ.. منال قاطعت امها : أدري في بنات واجد بس اني ما أبي انخطب زين بس وبعد هذا ولد أخوج مو موافقه عليه بس وما أبيه لو ويش يصير أم هيثم غيرت نبرة صوتها : نعم ويش قلتين مو وافقه منال : أيــه مو موافقه أم هيثم : لا بتوافقين ويش فيه صبي زين وأخلاقه زينه وعنده نعمه وخير من عند الله وولد خالج ونعرف عنه كل شي منال : اني مايهمني كل هذا أم هيثم : منال أعقلي أحسن لج ولا تخربين علاقة خالج وأبوج لأنه رفضج بسبب زعل ومشاكل بينهم .. مو عشرة عمر آخرتها انتين تجين برفضج تخربينها أم هيثم بعد ماقالت الكلام إلي عندها .. طلعت عن منال وظلت منال تصيح .. علاء دخل على منال وكانت تصيح تقرب صوبها علاء : افاا الغاليه تصيح عسى ماشر منال تصيح وماردت عليه .. علاء : لا شكله في شي عدل وويش فيج منوول قوولي منهوو مزعلنج منال وهي تصيح : ما أبيــــه والله ما أبيـــه أموت ولا آخذه علاء : منهووو هذا قصدج أحمد منال رفعت راسها من سمعت أحمد : أيـه هذا هوو علاء اني مو موافقه ما أبيه ساعدني ما ابيه علاء : انزين اللحين انتي إهدئي وأمسحي دموعج .. عاد منال عشان خاطري ما اقدر اشوف دموعج منال مسحت دموعها .. وقالت إلى علاء عن رفضها إلى أحمد وكلام أمها علاء وقف : بس منال تطمني دام أنا حي وموجود مستحيل تاخذين واحد مو موافقه عليه وماتبينه وأنا باكلم أمي وأبويي ولا تحاتين قومي غسلي وجهج وخلي الموضوع عليي منال إببتسمت وإرتاحت من كلام علاء .. ــــــــــــــــــــــــــــــــــــــــــــــــــــــــــــ يلا ان شاء الله البارت عجبكم .. مشكوورين لكل الأعضاء المتابعين وإلي يردون بس في شي مضايقني منكم صراحه اللحين بعد كل بارت البعض منكم حتى ماتشكروني ماتقولون توقعاتكم ردكم >> ننتظر البارت يعني ما استحق شكر بعد كل بارت ؟؟ يــلا انتظر ردودكمـ وتوقعاتكمـ Quote Link to comment Share on other sites More sharing options...
مينونة ومخرفة ومخرخشة Posted مارس 12, 2009 Report Share Posted مارس 12, 2009 الااااي انه اول وحده ارد .. اول شي مشكوورة ع البارت حبيبتي .. وتوقعاتي .. ان العله احمدووه مابيخلي منال فيها حالها بصراحة حده ينرفزني .. منالووه كسرت خاطري حرام يغصبونها ع الزواج .. علاء احس بعد بغصبونه ياخذ ساجده .. محمد وزينب كاسرين خاطري احسهم مالهم ذنب .. وبث مادري نتظرج خيتوو تحياتي Quote Link to comment Share on other sites More sharing options...
danat aldonya Posted مارس 12, 2009 Report Share Posted مارس 12, 2009 يسلمووووو حبوبة على البارت هذا احمدوا شكله موته على ايدي شيبي في منال ثانكس والى الامام Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.