فـ قلبي ـي Posted يناير 31, 2009 Report Share Posted يناير 31, 2009 ][ مرحبــا ][ شخــباركم .. اليوم قرر أحط لكم قصـتي الثانية (( لا تظن ان حبي لك راح يمـوت )) بـاللهــجه البحرانــيه طبعـا أحلى .. وأتمنى تعجبكم وأشوف ردود وتشــجيع .. . . ملاحظــه : أتمــنى ما أشـوف قصتي في منـتدى ثاني الجـــزء الأول في بيت كبيـر بالحب لا بالحجم وتحت سقف واحد تجتمع العائلة التي لطالما اجتمعت وتعاونت لينشأ منهم أشخاص وأبناء بمعنى الكلمات .. في قلوب إمتزج الحب والطيبة بها .. وفي كل قلب يحمل قصة حب ووفاء عائلة أبو هيثم .. عائله لها سمعه طيبه بين الناس الكل يحترمهم ويعرف عنهم أصل وفصل وأخلاق أبو هيثم : إنسان طيب ربه أولاد تربيه مامثلها تربيه .. أبو هيثم شوي ينشغل عن أولاده في أشغاله يعني مو وايد يكون معاهم أم هيثم : أم مثل كل الإمهات .. تحب ولادها وتخاف عليهم ودائما تدعي لهم بالتوفيق وموتها وماتسمع خبر في ولادها هيثم : الأكبر عمره 25.. يحب خواته ومايرد لهم طلب .. متزوج من وحده طيبه مافي مثلها صار لهم سنتين من تزوجوا بس للحين الله ماعطاهم عيال أماني : زوجة هيثم عمرها 24 منطقتها غير عن منطقة هيثم بس الله كاتب إنها تاخذ هيثم .. تدعي دائما الله يعطيها طفل يفرح حياتها منى : بعد هيثم عمرها 22 .. توها معلمة نظام فصل جديده وقريب خطوبتها علاء : بعد منى عمره 21 شاب من الشباب إلي عشقهم السيايير السباق والسرعه .. علاء يحب إخته منال ويميزها عن كل خواته .. ومطيع إلى الكل ومايرفض أي طلب .. كلمة حنون او طيب قليله عليه مريم : 18 سنه تدرس في كلية العلوم طالبة ممتازه تخرج بنسبه عاليه من الثانويه 98.6 أهم شي عندها الدراسة وانها تكون دكتورة منال : 16 سنه ثاني ثانوي تجاري .. منال شطوره بس ماتحب تدرس وايد تتملل بسرعه لكنها ماتجيب نسبة أقل من 90 تحب الطلعات السوق أعراس .. أي شي المهم تطلع من البيت ____________________________________ منال : فديتك ولد خالي الحلوووو انته انزين يالله عطني الورقه بضيفك بعدين آخر الليل اذا قعدت .. محمد : اوكي منوول ضيفيني بس انا مابقعد الماما ماترضى أقعد في الليل .. محمد يطالع إمه ليلى (( زوجة خالها )) : ايه مافي قعده إلى نص الليل عندك العصر والصبح باجر اقعد منال : اوكي حموود عادي بضيفك وباجر العصر بتشوفني اون عندك محمد هز راسه وراح للرجال قعد وياهم ليلى : والله حالته حاله هالولد لو ما أصرخ مايقوم من على هالكمبيوتر بلشني وش لنا نشتري ليه كمبيوتر أم هيثم : مشكل الا يقول واحنا ويش عندج وعندنا خير منالوووه بعد لا غده ولا عشى بس مقابلتنه منال ((فاتحه عيونها )) : اني اماااااه .. سكتي عاد فشلتيني منى وهي داخله : في ويش بعد منال : ولا شي مالج خص (( وراحت عنهم )) ليلى : هلا والله بالعروس هلا منى (( مستحيه )) : هلا مرت خالي شخبارج ليلى : الحمدلله اسأل عنج انتين شخبارج وشخبار التجهيزات للخطوبه منى (( وهي تبتسم )) : الحمدلله وقربت باست بنت خالها الصغيره ان شاء الله 15 /6 بتكون الخطوبه ليلى : على خير .. وهي تطالع الساعه : يالله بنقوم نمشي أم هيثم : وين رايحين قعدوا توه الناس ليلى : لا بروح الساعه 10 وعلي عليه شغل باجر يالله مع السلامه أم هيثم وليلى : الله يسلمج راحت ليلى تنادي أبو محمد (( علي )) وراحوا بيتهم . . (( أبو محمد * علي * يكون أخو حياة (( أم هيثم )).. علي عنده محمد عمره 8 سنوات .. ونور صغيره عمرها سنتين )) . . منال راحت حجرتهم المشتركه لها وإلى مريم منال (( وهي تفتح الباب بقوه وهي تغني )) : قوووه مريوووووم وش تسوين مريم : قاعده أرسم وش رايج تجين ترسمين ويايي منال : ههههههههههه ترسمين الاي بشووف وش ترسمين (( وتقربت منها )) مريم : حضرتج تتخيففين قاعده أراجع ماتشوفين عليي إمتحان يوم الأحد ولا وانتين الفاضيه جايه بزعاجج صدق ماعندج إحساس اوووف منال : اووووه اوف عليج انتين يالكريهه ياثقيلة الدم من متى وانتين تراجعين .. يالعميه (( وهي طالعه وشادخه بالباب )) مريم : والله انتين العميه مالت عليج عمه كسرت الباب .. وكملت مراجعتها منال راحت قعدت في الصاله تشوف التلفزيون وقبل لا تروح الصاله مرت حجرة منى بس للأسف مقفله (( منى تعرف إزعاج منال يعني اكيد بتجي لها الحجره كالعاده وبتزعجها )) أم هيثم كانت ماره بتروح حجرتهم تنام : هاا منال إلا قاعده للحين الساعه 11 صارت مابتامين منال : نـــو ما بانام اصلا ملل أنام وباجر مافي مدرسه وبتج بعد قاعده تراجع وينه أنام يعني أم هيثم : انزين روحي نامي عند منى منال : بتج هذي بعد قافله الباب عني عبالج ما ادري عنها ووطت صوتها (( أكيد تكلم زوج المستقبل )) أم هيثم : ويش تقولين منال : ما أقول شي أمااه ماعليج مني انتين روحي نامي أني باكمل الفلم وبعدين باروح أنام يالله تصبحين على خير أم هيثم راحت تنام الساعه 12 وربع ومنال في هدوء ساكته تطالع الفلم وهي تلعب في شعرها سمعت همس وكأنه في احد يناديها .. م ن ا ل منال : بسم الله كأني سمعت أحد يناديني : لا وين احد يناديني كلهم نايمين .. وتوها تكمل سمعت صوت حركه منال حطت إيدها على قلبها وقالت في بالها : ما ادري اصرخ بس اخاف أزهقهم بس يمه من يناديني : م ن ا ل .. منـــــال منال تسوي روحها مو خايفه : نعم من يناديني علاء : بل بل عليج ولا تخافين منال : أي وش يخوفني علاء : للحين مانمتين منال : ايه قاعده اشوف الفلم .. اللحين بخلص وباروح انام , الا تعال انته من وينه جاي اني عبالي ناااايم علاء : لا انا طالع اليوم كان في ريس وتوه مخلص وجيت منال : ايه زين , اقوول علاوي ويش رايك باجر تطلعني علاء : وين أوديج ,, قعدي راجعي ماعليج يوم الأحد امتحانات مو كأنكم بديتون منال : لااااااااااء ماعليي عقب جم يوم بنبتدي .. انزين اللحين ويش قلت بتوديني .. بتطلعني علاء يطالعها : انزين وانتين وين تبين تروحين ان شاء الله منال (( مستانسه )) : ما ادري أي مكاااااااااااااان المهم طلعه علاء : اووكي يصير خير يالله قومي روحي نامي اكو خلص الفلم منال (( فاتحه عيونها )) : أيـــــــــــه خلص وماشفت النهاااايه كله منك خليتني انسى الفلم علاء وهو رايح : هههههههه يالله قومي قومي منال قامت بتروح حجرتهم ومرت على حجرة منى وبعد الباب مقفل طقت الباب بقووه وهربت وصلت عند باب حجرتهم وتوها بتدخل وفكرت إنها تدخل بهدوء لأنه مريم تراجع وماتبي تزعجها (( زين فكرت بعد )) فتحت الباب الا مريم نايمه على الكتب راحت صوبها وقعدتها منال : هيــــه يالخبله قومي نامي على سريرج مو نايمه على الكتب الله يدفع البلى وهي رايحه تشغل الكمبيوتر مريم قامت وهي نايمه ونامت على سريرها منال فتحت المسنجر بس ما شافت صديقتها زينب ومحد عدل تكلمه راحت تجيب الورقه إلي فيها إميل محمد ولد خالها عشان تضيفه في مكان ثاني ومنطقه ثانيه وبيت هدوء الكل نايم بس محمد قاعد في حجرته وقاعد على الكمبيوتر متملل مافي احد يكلمه عـ المسنجر كلهم قاموا .. وجم صبي يسولف وياهم عن الملل في إضافه إلى محمد من إميل مكتوب منول .. قبل الإضافه منال تطالع (( باااااال قاعد للحين مانام ليكون امه ماتدري وهو قاعد فتحت الصفحه وكلمته )) كبـرت ونظرة الطفه تعيش بداخلي فطرة : قووه حمووود الوصول إلى قـلبي محـال : هلا منول كبـرت ونظرة الطفه تعيش بداخلي فطرة : وانت ليش قاعد لهالحزه مارحت نمت محمد يطالع بنت ضايفتنه وتقوله بعد ليش قاعد وتبيه ينام قال يكمل وياها الوصول إلى قـلبي محـال : بس كيفي ويش لج خص كبـرت ونظرة الطفه تعيش بداخلي فطرة : محمدوووه قوم روح نام لا أتصل اللحين إلى امك اكيد انت قاعد وهي ماتدري محمد ضحك على منال وكمل وياها الوصول إلى قـلبي محـال : اتصلي ما أخااااااااااف ويش بتسوي يعني منال قالت خله كيفه وبعد خلني أكلمه عن الملل مافي احد كبـرت ونظرة الطفه تعيش بداخلي فطرة : أقول حمووود وش هالنكنيم مو كأنك صغير على هالسوالف الوصول إلى قـلبي محـال : لا مو صغير أنا كبرت كبـرت ونظرة الطفه تعيش بداخلي فطرة : كبرت طل في صف الثااني وكبرت محمد فتح عيونه (( أنا في صف الثاني )) الوصول إلى قـلبي محـال : منهوو في صف الثاني انا مو في الثاني كبـرت ونظرة الطفه تعيش بداخلي فطرة : اوووه حمود لا تجنني اقول قوم روح نام أحسن موزين لك السهر الوصول إلى قـلبي محـال : ماباااقوم .. الا اقول انتي من كبـرت ونظرة الطفه تعيش بداخلي فطرة : منال بعد من غيرهاااااااااا وش فيك حمود مو عاطني الإميل اليوم في بيتنا الوصول إلى قـلبي محـال : أي أي صدق نســــــــيت محمد (( لا شكلها غلطانه بالإميل )) كبـرت ونظرة الطفه تعيش بداخلي فطرة : أقوول حمود حبيبي قوم روح نام واني بعد بقوم أنام الوصول إلى قـلبي محـال : اووكي يلا تصبحين على خيـر يا أحلى منوول محمد سجل خروج بسرعه .. وقعد يفكر (( ويش ورايي خلني أكلمها كأني محمد إلي في بالها )) وقام نام يوم السبت .. من الصبح الساعه 7 ونص مريم قاعده تدرس بصوت عالي ومنال مو عارفه تنام منال قامت مره وحده من السرير وقعدت : هي انتين ذبحتيني ماتخلين الواحد يناااااام .. عورتين راسي من الصبح الناس نايمه وانتين عابده هالكتاب مريم : نعم وش تقولين ما اسمعج منال بصوت عالي : والله والله مريمووو ان ماقمتين اللحين بكتابج بره بتشوفين شي ماشفتينه قوووووووووووومي بسرعه بره مريم خافت على روحها وقامت وهي طالعه شدخت الباب ومنال كملت نوم الساعه 9 أم هيثم طلعت من حجرتها وشافت مريم قاعده بكتابها أم هيثم : الا قاعده تراجعين هني مريم : بتج حضرتها طردتني من الحجره وش أسوي طلعت هني أم هيثم : وهي للحين ماقعدت مابتراجع عليها إمتحانات مريم : وش دراني عنها ماليي حاجتها أم هيثم راحت إلى منال تقعدها أم هيثم : منــــال قووووومي راجعي احسن لج قوووومي منال تحقر وتسوي روحها ماتسمع أم هيثم : قلت لج قومي راجعي أدري تسمعيني يالله قومي ظهر منال عورها راسها إمها واقفه على راسها وتصرخ قعدت منال (( اووف )) : انزين قمت بس قمت أم هيثم : يالله قومي قدامي غسلي واني باروح المطبخ وتعالي تريقي وبعدين راجعي .. وطلعت منال قامت وتسبحت وتكشخت لبست بنطلون جينز وبلوزه ورديه ناعمه ومشطت شعرها وسوت فيه حركه وراحت المطبخ أم هيثم : صارت ساعه من قعدتج وتوج جايه منال بدلع : وش أسوي اتكشخ أم هيثم وهي تعطيها الريوق : هذا إلي ذابحنج موتج لتكشخ يالله بسرعه تريقي وروحي راجعي منال : اممممم أم هيثم : ويش بعد تفكرين تراجعين او لا .. أشوف اذا بتطلعين ويه أخوج ماتفكرين منال إبتسمت : بسم الله أماه ويش دراج اليوم بنطلع أم هيثم : ادري بج بس مافي طلعه اذا مافتحتين لكتاب اليوم منال : لالا افاا عليج اللحين اروح افتحه .. وراحت وهي ماره شافت مريم في الصاله قربت منها منال : قوه مريم تطالع لكتاب وساكته منال : مريوووومه يا أحلى اخت في الدنيا اني اكلمج مريم تطالعها : نعم خير بغيتين شي منال : امممم وش فيج دكتوره مريم مريم إبتسمت : مافيي شي بس انتين طردتيني اليوم من الحجره منال تسوي روحها مستغربه وتأشر بإصبعها : اني متى ما اذكر مريم : أي انتين كله ماتذكرين لا وأمس تقولين ليي يالعميه يعني لأني ألبس نظره بس صرت عميه منال : فديتج أختي آسفه مو جذي قصدي سامحيني وباستها مريم : انزين اللحين وش تبين روحي راجعي احسن منال : إيه باروح أراجع .. بس عندي طلب مريم : قولي منال : عااااااااااد عاد حلفتج حلفتج لا تقولين لا مريم ساكته وتطالع منال منال : عاد عطيني شالج الوردي بلبسه الليله بطلع ويه علاء عاد مريم : وين بتروحون منال مستانسه : بروح نتعشى بتجين مريم : حلفي حضرتج أجي واني عليي امتحان باجر منال : اووه انزين نسينا ماتطلعين عليج امتحان انزين ويش آخذه مريم : انزين اخذيه ويالله قومي ضيعتين وقتي خليني اراجع منال وهي قايمه : ماشاء الله اختي ماتتعبين كله مراجعه مريم : اوووه منال روحي لا منال : بس بس باروح ... منال راحت وطلعت كتابها وقعدت تراجع .. منال (( اول شي تقول ملل وماتبي تراجع لكن وقت إلي تقعد وتشوف لكتاب تراجع صدق بجد وتنسى كل شي في الدنيا وتحفظ لكتاب ويمر الوقت وهي تراجع )) منال الساعه 5 ونص العصر شغلت الكمبيوتر وفتحت المسنجر وشافت صديقتها زينب وقعدت تسولف وياها وكان إميل محمد بالخارج ما كلمته .. زينب صديقة منال صداقه من عمر لأنها من فريقهم وجيران وقدها ووياها في صف زينب (( فيها جمال ماينوصف وجمالها خارجي وداخلي يعني طيبه وحبوبه وبعد جميله )) الصداقة هي ان تجد من يفهمك و تفهمه ونادرا مانجد الصداقة الحقيقية : انزين منالووه خلصيني متى بتروحين كبـرت ونظرة الطفه تعيش بداخلي فطرة : عقب الصلاه ليش تسألين بتجين الصداقة هي ان تجد من يفهمك و تفهمه ونادرا مانجد الصداقة الحقيقية : حلفي عاد اجي صدق انج ماتستحين اجي ويه اخوج كبـرت ونظرة الطفه تعيش بداخلي فطرة : عادي أخووج في الإسلام خخخخخ الصداقة هي ان تجد من يفهمك و تفهمه ونادرا مانجد الصداقة الحقيقية : اقول بسج كلام فاضي وبرب باروح أمي تناديني كبـرت ونظرة الطفه تعيش بداخلي فطرة : اووكي تيـت وسلمي على أمج منال شافت للحين إميل محمد بالخارج وقالت بتكلمه كبـرت ونظرة الطفه تعيش بداخلي فطرة : حمووووووود حبيبي حمووووووووود كبـرت ونظرة الطفه تعيش بداخلي فطرة : وينك بقوووولك شي خطيييييير وينك بس محمد شكله مو قاعد كبـرت ونظرة الطفه تعيش بداخلي فطرة : اوكي شكلك مو هني بس كنت بقولك الليله بنطلع جان تجي ويانا اووكي باي محمد توه داخل حجرته وشاف احد يكلمه راح يشوف وشاف الكلام بس منال سجلت خروج محمد: اوووف خساره منال الساعه 8 راحت تطق باب حجرة علاء علاء : من منال : أني علاء : ويش تبين منال : انت فتح واني باقولك ويش ابي علاء فتح الباب منال : يالله له مابروح علاء : من اللحين الساعه 8 وش فيج مستعجله منال : اووف انزين لا تتأخر الساعه 8 ونص منال وعلاء طلعوا من البيت في السيارة علاء : اقوول منال ومنال ساكته علاء : منااااااال منال : هاا ويش فيك تصرخ علاء : ويش الا سرحانه .. اقول شخبار صديقتج منال تسوي روحها هبله : أي صديقه اني عندي صديقات واجد علاء : ما ادري إلي صوب بيتنا بيتهم منال : قصدك زهره أي زينه من زمان ماشفتها تصدق علاء منقهر : انا ما اقصد هذي اقصد الثانيه منال : أيــــــــه ذكرتها زينب .. زينه تسلم عليك علاء إبتسم مو مصدق : حلفي تسلم عليي منال تطالعه بنظره : يعني ويش صدقت انها تسلم عليك علاء انزين بس بس سكتي احسن الإشارة حمره .. منال كانت تطالع من دريشة السيارة وسرحانه أم محمد : محمد شوف إلي في السيارة لبنيه قاعده تطالع فيك محمد : أي سيارة بعد ودار يشوف .. منال كانت في عالم ثاني سرحانه ما كانت منتبها إنها تطالع أي احد بس تفكر في الدنيا .. محمد مستغرب .. مايعرف لبنيه وهي قاعده تطالع فيه محمد يسوي حركة بإيده يعني وش تطالعين منال تفشلت ونزلت راسها لأنها كانت تطالع وماتدري ـــــــــــــــــــــــــــــــــــــــــــــــــــــــــــــــــــ . . يــلا انتـظر الردود الحــلـوه عـشان أكملها Quote Link to comment Share on other sites More sharing options...
h_lo0ove Posted يناير 31, 2009 Report Share Posted يناير 31, 2009 هلا هلا لا شكلها القصة فن <<<< من بدايتها يسلموو وبأنتظار البارت اللي بعده تقبلي مروريي Quote Link to comment Share on other sites More sharing options...
girlheart Posted يناير 31, 2009 Report Share Posted يناير 31, 2009 يسلموووو ع البااارت و انشالله اكون من متابعيين القصة مبين انها حلوة ثانكس مرة ثانية ننتظر البارت الياي Quote Link to comment Share on other sites More sharing options...
مينونة ومخرفة ومخرخشة Posted يناير 31, 2009 Report Share Posted يناير 31, 2009 شكلهاا حلوه من بدايتهاا .. اكيد محمد اللي بالسياره نفسه محمد مال المسنجر ناطرينج خيوو بس لاتطولين علينا Quote Link to comment Share on other sites More sharing options...
بدون اسم احسن Posted يناير 31, 2009 Report Share Posted يناير 31, 2009 الاااااي مبين انه القصة كشخة.. وعجبتني شخصية منالووووا ننتظر البارت الثاني.. وطووليي شووي Quote Link to comment Share on other sites More sharing options...
m!ss M Posted يناير 31, 2009 Report Share Posted يناير 31, 2009 كشخة القصه تسلمين عمررري بانتضار التكمله بلييز لاتتأخرين Quote Link to comment Share on other sites More sharing options...
فـ قلبي ـي Posted فبراير 1, 2009 Author Report Share Posted فبراير 1, 2009 h_lo0ove girlheart مينونة ومخرفة ومخرخشة بدون اسم احسن m!ss M . . فــديـتكم نــورتـون القصــة .. أتمنى أشوفكم ع طول متابعـين وأشــوف متابعين أكثــر ____________________________________ الجــــزء الثــاني محمد يسوي حركة بإيده يعني وش تطالعين منال تفشلت ونزلت راسها لأنها كانت تطالع وماتدري محمد يكلم أمه : صدق بنات مايستحون يطالعون وبعدين يقولون احنا نطالعهم .. وصل محمد أمه بيت خالته وقال بينزل بس يسلم عليهم وبيمشي أم حسين : حيه الله محمد وينك ما تنشاف تفضل ادخل البيت بيتك محمد : لا خالتي انا باروح إلى الربع وبعدين باجي إلى امي أم حسين : لا مافي موصل وماتقعد اقعد ويانا محمد سمع كلام خالته ودخل .. وكانت ولاء توها بتنزل وسمعت صوت محمد ورجعت لبست عليها شي يستر ونزلت ولاء : السلام عليكم الكل : وعليكم السلام راحت ولاء سلمت على خالتها وقعدت صوبها ولاء تحب محمد من طرف واحد بس تخاف انه مايبادلها نفس الشعور محمد يسمع دائما إن ولاء إذا الله كتب بياخذها هو .. يعني كان شبه إعجاب بها مو حب من صوب ثاني منال وعلاء يتعشون منال : مشكوور يا أحلى أخوو في الدنيا الله لايحرمني منك ياريت كل لخوان مثلك علاء بإبتسامة حلوه : حاضرين يا أغلى اخت في الدنيا بس إكلي خلينا نمشي بسرعه منال : لا مو نروح البيت سيده خلنا نروح بعد مكان علاء : وين تبين نروح بعد منال : اممممم ,, ما ادري البحر .. السوق .. الممشى أي مكان علاء : ان شاء الله بس انتين اللحين اكلي ولا تسولفين في بيت أم حسين ولاء : اني اخليكم باقوم بروح فوق عندي شغله أم محمد : على راحتج أم حسين : اتصلي إلى اخوج قولي له هني ولد خالتج ولاء : ان شاء الله ماما محمد ضحك بصوت واطي على كلمة ماما .. : لا خالتي مايحتاج اللحين بنمشي ولاء راحت وعلى طول إتصلت إلى صديقتها فاطمة ولاء : والله فطوم ماتصدقين .. محمد هني في بيتنا فطووم : انزين هدي هدي شوي هذا ويه ولاء : لا بعد قعد يسولف ويايي ويسألني عن الدراسه ولمتحانات فطووم : انزين ويعني عاادي ماعنده شي كلمج لا تصدقين روحج ولاء : اووهوو رديتين انزين باي باي بتصل إلى حسين ولاء اتصلت إلى حسين .. بس مارد عليها بعد ماكملوا العشى منال إختارت الممشى يروحون أحسن يتمشون ويرجعون .. لأنه السوق يبي له وقت أكثر منال وهم يتمشون : عـــلاء شووف شووف علاء : ويش اشووف منال : مو كأنها هذيك زينب إلي قاعده تلعب الجاهل مناااك علاء مفتح عيونه يدورها بس مايشووف : وينهي منال : صدق ماتشوف .. مش مش خلنا نروح ليها .. ومشت وهوو مشى وياها منال : زيـــــنبوووو انتين هني وش تسوين زينب : بسم الله انتين من وينه طلعتين وويش زينبوو بدل ماتسلمين منال : ليش ماقلتين ليي بتجين الممشى جان اجي زينب : اني ما ادري باجي أخوي جه وقال قوموا نروح منال : اها زين امشي نروح نتمشى .. زينب تطالعها يعني مايصير تمشي وياها أخوها منال : امشي احنا بنمشي قدام وعلاء ورانا بروحه زينب : انزين لحظه باوديه هذا وبقول ليهم وباجي ولا اقول تعالي ويايي منال وزينب راحوا .. منال سلمت على أم حسن وطلبت منها زينب تمشي وياهم .. وراحوا يمشون علاء كان مستانس من قلبه .. زينب وياهم تتمشى وتسولف ويه اخته وتضحك .. وهو ساكت ويتمنى يطول الوقت وياها .. بس إتصلوا إلى زينب يخبرونها انهم بيرجعون البيت .. قبل وهم يتمشوون علاء مر وفي سيارة آيسكريم .. إشترى إلى زينب ومنال .. علاء يحب زينب .. بس زينب مو حاسه بشي وماتفهم حركاته لأنه اصلا علاء مايبين لها .. وعبالها تصرفاته عاديه مثلها مثل إخته منال الساعه 10 ونص منال وعلاء وصلوا البيت منال : ويش الا قاعد مابتنزل علاء : لا روحي انتين البيت انا اتصل ليي واحد من لصبيان محتاجني ضروري باروح له منال : اوكي يلا مع السلامه ومشكور علاء : حاضرين اذا بغيتين أي شي ومايحتاج الشكر منال إبتسمت على طيبة وقلب أخوها وراحت البيت علاء انتظر اخته تدخل البيت .. وراح منال دخلت البيت وكانت إمها وأماني قاعدين في الصالة منال : السلام عليكم أم هيثم : وعليكم السلام .. وينكم تأخرتون منال : ما تأخرنا توها 10 ونص .. شخبارج أماني .. ابيج تراجعين ويايي رياضيات يوم إلي عليي امتحان أماني : ان شاء الله انتين خبريني وباراجع لج منال تطالع أمها : الا اقول أماه وين ابويي صار ليي جم يوم ما اشوفه أم هيثم : وين تشوفينه وانتين يانايمه يافي هالحجره منال : اممم انزين اذا جه سلمي عليه اني باروح اللحين عندي شغل تصبحون على خير منال راحت حجرتها .. و أول ما دخلت كانت مريم نايمه والحجره ظلام راحت شغلت الكمبيوتر وعلى الطاوله كان في ورقه فتحتها وقرأت إلي مكتوب (( أختي الحلوه منــول .. أدري من توصلين بتشغلين الكمبيوتر بس أتمنى ما تشغلين الصـوت لأنه عليي باجر امتحان وما ابي ازعاج ابي انام بهدوء .. أختج الدكتـوره مريم )) منال ضحكت على أختها وما شغلت الصـوت فتحت المسنجر وشافت بعض بنات صفها اون وكان محمد بعد اون .. كبـرت ونظرة الطفه تعيش بداخلي فطرة : مسـاء الحب يا أحلى حمـود الوصول إلى قـلبي محـال : هـلا مساء الورد يا أحلى منال في البحرين كبـرت ونظرة الطفه تعيش بداخلي فطرة : شخبارك حمود .. وينك اليوم أكلمك بقولك إني بطلع ماترد الوصول إلى قـلبي محـال : أي كنت مشغول .. وش كنتين تبغين ؟؟؟ كبـرت ونظرة الطفه تعيش بداخلي فطرة : عــدال حمود تتكلم مثل لرجال .. مابغيت شي بس محمد ماعنده كلام يقوله .. مايعرف من أصلا هالبنت ومن محمد إلي تقصده .. وفكر لازم يقول لها لأنها تكلمه وماتدري الوصول إلى قـلبي محـال : أقول ممكن أقول شي ؟؟ كبـرت ونظرة الطفه تعيش بداخلي فطرة : أكيــد قول !! الوصول إلى قـلبي محـال : صراحه أخاف اقول وتزعلين كبـرت ونظرة الطفه تعيش بداخلي فطرة: محمد قول لا تخاف ما بزعل الوصول إلى قـلبي محـال : حلفي وبعد توعديني ما تحذفيني كبـرت ونظرة الطفه تعيش بداخلي فطرة : يعني لهالقد الكلام إلي بتقوله يخليني احذفك قول قول وتعال صحي بعد انت ليش لهالحزه قاعده باجر ماعليك مدرسه محمد ساكت ومارد عليها .. كبـرت ونظرة الطفه تعيش بداخلي فطرة : انزين بس كيفك ماعليي منك قولي ليي وش عندك الوصول إلى قـلبي محـال : صراحه أخت منال أنا شكلي مو محمد إلي تعرفينه وضايفتنه منال إستغربت وتطالع الإميل وطلعت الورقه من الدرج .. نفس الإميل كبـرت ونظرة الطفه تعيش بداخلي فطرة : انت مو محمد ولد خالي يعني !! الوصول إلى قـلبي محـال : لا أنا محمد بس مو ولد خالج .. أنا جتني إضافه وقبلتها وما أعرفج وإنتي كلمتيني وأنا ما ادري بشي منال (( عســـاك يمحمد اوف ما ادري ويش بعد لكن صبر باراويك يوم الجمعه بتشوف )) كبـرت ونظرة الطفه تعيش بداخلي فطرة : انزين انت متأكد مو هذا أميل محمد ولد خالي هو كاتبنه ليي وعاطني اياه الوصول إلى قـلبي محـال : والله أختي انا مو ولد خالج قلت لج ما اعرفج منال تفشلت وماتدري وش تسوي كبـرت ونظرة الطفه تعيش بداخلي فطرة : أوكي مسامحه أخوي تقدر تحذفني اني اللحين بحذفك الوصول إلى قـلبي محـال : لااااااااااااااااء لحظه لحظه كبـرت ونظرة الطفه تعيش بداخلي فطرة : هلا بغيت شي الوصول إلى قـلبي محـال : أنا مو قلت لج باقولج ووعديني ماتحذفيني كبـرت ونظرة الطفه تعيش بداخلي فطرة : أي بس ما يصير أكلمك انت مو ولد خالي الوصول إلى قـلبي محـال : ليش مايصير .. عادي كلميني كأخ لج وأنا بكلمج كأخت ليي كبـرت ونظرة الطفه تعيش بداخلي فطرة : لا مايصير أني ما أكلم صبيان .. وما أحب اكون علاقات الوصول إلى قـلبي محـال : أنا بعد ما أكلم بنات وما قلت لج علاقات بس مجرد سوالف عالمسنجر بس جذي كبـرت ونظرة الطفه تعيش بداخلي فطرة : اممممم اووكي بفكر بشوف .. بس ما أظن في سوالف بينا بـرب شوي منال سمعت صوت .. وكأنه صوت علاء أخوها مار .. راحت تشوفه منال : قوووه علاء ووش تسوي هني علاء : ما أسوي شي توني وصلت وقلت أطالع التلفزيون شوي .. ويش فيج إلا مانمتين للحين باجر الأحد عليج مدرسه منال وهي رايحه تقعد صوب أخوها : لا علاوي باجر ماعليي مدرسه لأنه إمتحانات نقعد نراجع في البيت عليي يوم الثلاثه أروح اقدم علاء : اها يعني انزين روحي نامي عشان باجر تراجعين منال : أي وهذا كنت إلي باقوله لك علاء ساكت يطالعها يبيها تكمل .. منال : باجر بتجي صديقتي العصر تراجع ويايي وأبيك تجيب لينا أكل علاء وهو يغير القنوات ويشوف التلفزيون : يعني ويش هالأكل .. بتراجعون او بتاكلون منال : لاااااء براجع بس أكل يعني اجباس كاكوات .. عصيرات يعني أكلات علاء : انزين باشوف باجر وانا راجع من الجامعه بشتري لج منال : انزين لا تنسى من اللحين اقولك ترى زينب بتجي من الساعه 3 ونص منال بس قالت زينب علاء دار يطالعها مو مصدق باجر زينب بتجي بيتهم علاء : منهي إلي بتجي ويش قلتين منال : زيـــــــــنب بعد منهي باجر بنراجع العصر .. لا تنسى تجيب إلي قلت لك علاء في داخله طاير من الفرحه : انزين قومي اللحين نروح نشتري منال : اللحين شوف الساعه جم بتصير وحده في برادات فاتحه علاء : إيـــه يالله قومي بروح منال ماصدقت خبـر فيه طلعه وقامت تركض إلى عبايتها منال جايه تركض : يلا علاء قوووووم مشينا علاء قام وتوهم يفتحون الباب كان أبو هيثم داخل أبو هيثم : وين على الله هالحزه منال تكلم علاء بصوت واطي : بس صاادنا مابخلينا نطلع علاء يطالعها ويتكلم : اشش سكتي ويلا تكلمي انتين باشوف أبو هيثم يطالعهم : مارديتون وين هالحزه رايحيين علاء يحك راسه : امممم ما ادري منال تبي تروح البراده تشتري أكل أبو هيثم : براده اللحين لا مافي طلعه خلوها إلى باجر منال : بس علاء باجر وانت راجع جيب ليي الأكل إلي قلت لك عليه .. تصبحون على خير وتوها بتمشي أبو هيثم : لحظه منال .. ويش فيج زعلتين أنا خايف عليكم اللحين لو شافتكم دوريه او شي بسوون ليكم ألف سالفه حتى لو أخوج هم ما يدرون .. منال شكلها شوي اقتنعت إبتسمت : اووكي ماعليه باجر تصبح على خير وراحت أبو هيثم : وانت ما وراك باجر جامعه .. علاء : أي بس محاضره وحده يلا تصبح على خير أبو هيثم مو شديد بس يخاف على أولاده ويبي مصلحتهم منال وصلت حجرتها وشافت محمد للحين اون بس ماكلمته الوصول إلى قـلبي محـال : ويش اللحين بس تكلميني وأكلمج عالمسنجر كبـرت ونظرة الطفه تعيش بداخلي فطرة : اوكي بس مسنجر وكلام عادي الوصول إلى قـلبي محـال : ان شاء الله يلا نتعرف .. أنا إسمي محمد عمري 21 سنه انتي جم عمرج كبـرت ونظرة الطفه تعيش بداخلي فطرة : وعمري 16 وقريب باصير 17 الوصول إلى قـلبي محـال : العمر كلـه .. في أي صف ؟ كبـرت ونظرة الطفه تعيش بداخلي فطرة : ثاني ثانوي الوصول إلى قـلبي محـال : ماعليج باجر إمتحان ؟؟ كأنه الثانوي إبتدوا إمتحاناتهم كبـرت ونظرة الطفه تعيش بداخلي فطرة : أي بس اني مو باجر يوم الثلاثاء أول يوم ليي ان شاء الله الوصول إلى قـلبي محـال : ان شاء الله بالتوفيق كبـرت ونظرة الطفه تعيش بداخلي فطرة : الجميع شكرا الوصول إلى قـلبي محـال : يصير اسأل سؤال ؟؟ الوصول إلى قـلبي محـال : أي تفضل ؟؟ الوصول إلى قـلبي محـال : دام تقريبا ابتديتون إمتحانات ليش ماتخلين عنج المسنجر والكمبيوتر وتفتحين كتاب أحسن لج كبـرت ونظرة الطفه تعيش بداخلي فطرة : لوووول كبـرت ونظرة الطفه تعيش بداخلي فطرة : اني بخلي عني المسنجر ان شاء الله من باجر وما بدخل إلا آخر يوم إمتحانات الوصول إلى قـلبي محـال : إيه زين لج عشان تجيبين نسبه زينه .. !! الوصول إلى قـلبي محـال : انزين شنو التخصص ؟؟ كبـرت ونظرة الطفه تعيش بداخلي فطرة : احم .. (( تجـاري وهـو إختياري )) الوصول إلى قـلبي محـال : زين يا طالبة تجاري خخخخخ منال قعدت تكلم محمد بشكل عادي هو عرفها بنفسه وعائلته وكل شي ماظل شي ماقاله .. منال ماقالت له شي يبين له معلومات عنها واضحه بس إسمها وعمرها وسوالف عاديه مالها معنى .. تأخر الوقت ومحمد يسولف مع منال كبـرت ونظرة الطفه تعيش بداخلي فطرة : باال تأخر الوقت باجر ورايي قعده من الصبح للمراجعه يلا اني باقوم الوصول إلى قـلبي محـال : أي انا بعد تأخرت واجد ورايي دوام باجر كبـرت ونظرة الطفه تعيش بداخلي فطرة : اووكي يلا أخليك .. أشوفك على خير الوصول إلى قـلبي محـال : على خير وتحملي بروحج خيـو وراجعي عدل اووكي كبـرت ونظرة الطفه تعيش بداخلي فطرة : اووكي يلا مع السلامه منال الساعه 8 قعدت على صوت إمها تقعدها عشان تقوم تراجع رفعت راسها : توها ثماان خليني انام شوي عاد أم هيثم : لا قوومي راجعي لاحقه على النوم قووووومي منال لا تأخريني منال وهي قايمه : انزين انزين قمناااااا لاتصارخيــن لكن خل تجي الإجازه إلى ثلاث وأربع بانام ومحد يقعدني أم هيثم : يصير خير يلا قوومي .. طلعت أم هيثم وراحت المطبخ بعد قعد على صوت أمه .. لكن مو للمراجعه لا : محمد تأخرت على شغلك فتح عيــونه يطالع أمه وهو يبتسم .. أم محمد تطالعه : أقولك تأخرت على شغلك مو وقت إبتساماتك الساعه اللحين ثمان محمد قام مره وحده يغسل و يلبس بسرعه بسرعه .. وهو يفكر هذي بدايتها سهر وتأخيـر ____________________________________ مقطع من الجــزء الثــالثـ سمع الجرس يطقونه وقام راح يفتحه زينب بخجل : السلام عليكم .. هني منال علاء كان ساكت ويطالع .. زينب بعد بخجل : لو سمحت هني منال علاء وهو يبتسم : أي هني منال لحظه باناديها .. منال فتحت عيونها : انزيــــن ليش ما خليتها تدخل .. عند الباب جيه هي رجال تخليها عند الباب انتظــر الـردود عــشان انزل الجزء الثــالث Quote Link to comment Share on other sites More sharing options...
h_lo0ove Posted فبراير 1, 2009 Report Share Posted فبراير 1, 2009 ياربييي قطعتينه البارت في مكان غلط بال الله يستر <<< محمد / منال مسكين علاء شكله يحب زينب<< بس هيي هبوول يسلموو خيتوو عـ البارت الرائع شوقتيني الى البارت اللي بعده Quote Link to comment Share on other sites More sharing options...
بدون اسم احسن Posted فبراير 1, 2009 Report Share Posted فبراير 1, 2009 لييييش قطعتي هني.>>متحمسة بانتضار التكمله. واحلى واكشخ شخصية لحد الحين منووول الهبلة.. Quote Link to comment Share on other sites More sharing options...
m!ss M Posted فبراير 1, 2009 Report Share Posted فبراير 1, 2009 جاان كملتي البارت الثالث مره وحده ههههههه تسلمييين ع البارت عااد بسرررعه لا تتأخرين علينا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.