صقر رضوى Posted مارس 14, 2009 Report Share Posted مارس 14, 2009 (edited) قصة الوليعي (( مسلم )) شهيد الحب العذري هذة القصة تحكى عند الشيبان وهي من ضمن القصص الاسطورية القديمة وحدثت منذ أكثر من 200 عام لاحد أفراد قبيلة جهينة وقد حكى لي عنها جدي والكثير من الكبار بالسن ولم اكن اصدقهم حتى قرات عنها بنفسي في كتاب الادب الحجازي لحمد الجاسر وسمعت القصة على لسان محمد الشرهان في احدى أمسياته أترككم مع القصة : هي لاحد ابناء الباديه من قبيلة جهينة حول جبال رضوى شمال المدينة المنورة كان عمره 10 سنوات واسمه مسلم ولقب بعد القصه اللي صارت عليه بلقب (( الوليعي مسلم)) لتولعه بمحبوبته . وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم يرجعون لدياره وشاءت الاقدار بما انه يتيم انه يشتغل راعي عند قبيلة عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه بسنتين وكانوا اطفال اذا حسبناها بوقتنا الحالي . وكان يحب ظبيه وكل ما كبر يكبر حبها له لين اصبحوا في عز شبابهم ولكنه مايدري هل ظبيه تحبه والا لا فقرر انه يسأل عجوز عنها وقالت له مالك عندي علاج بس لك عندي خطه والخطه هي انك تسوي نفسك مقروووص واللي يخاف عليك هو اللي راح يمص الدم عنك وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت ظبيه مسرعه يوم شافت انه مسلم نقزت على ابهام رجله وقامت تمص الدم فعرف انها تحبه وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر لعيال عمها فتوعدوه رجعت ظبيه وحست انهم دروا عنهم رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع جو عيال عم ظبيه راكبين على الجيش يتوعدون ويقولون مسلم لو مسكناه قطعنا كف يمناه فركب على الذلول وراح لديرته جبال رضوى ويوم وصل هناك كان له اخ من امه اسمه سويلم وكان هو اللي يداريه ويحن عليه . لكن مسلم تغيرت حالته ولا يتكلم وعاف الزاد والنوم حاول وبشتى الوسائل انه يتكلم بس ما تكلم وجلس مريض فتره طويله واصار عوده نحيل واخوه احتار بحالته وقرر انه يوديه لعجوز عندهم قالت له طلعه لضلعن برضوى فووق وأن كان عنده علم يبي يقوله لك واذا كان شاعر يبي يقول قصيده وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي ومد مسلم نظره على مسافه بعيده ويوم طلعو فوق قام سويلم وشب النار وسوى القهوه وللآن مسلم ما تكلم وقال سويلم لمسلم انا ابروح اتقنص وانت خلك هنيا يبي يبعد عنه ويسمعه وش بيقول قام مسلم من مكانه وجاء على راااس الهويه وجلس يخايل بعيونه فوق وتحت ومد نظره صوب ديار ظبيه وكأنها يشوف الطلحه اللي كانو ينامون عندها ويتخيل ظبيه وايامها معه وتكلم بس تكلم بقصيده والقصيدة كانت على طرق الهلاليين و تقول القصيده : يقول الوليعي والوليعـي مسلّـم من دامت ايـام الصبـا لـه دام لو إن عجـات الصبـا يجبرنـه كما يجبر الجابـر كسيـر عظـام ليالي الهوى مثل الربيع ليا زهى وش حيلتـي مـا للربيـع مقـام قاري قراني يوم قرصت بهامـي غروٍ صغيـر مـا عليـه لـثـام قراني وهو يسفح من الدمع ناظره ليتـه قرانـي والعيـون نـيـام رقيت في رضوى ورضوى منيفه وأخيل في عيني جنـوب وشـام أخيل في عينـي طلحـة ناعميـة سـلام يـادار الحبيـب ســلام يامرتـع للنـوق تـوي لقيـتـه في خشم و(علة) من يميـن ردام ياليتنـي يـوم دنتنـي منيـتـي بديار (ظبية) عـن ديـار تهـام أنا جيتكم من راس رضوى عشيّة كما شن غـربٍ بـاد منـه وذام وهذا البيت الاخير قاله يوم نوى يرمي روحه من الجبل (وزمان كانت الباديه تجهل ان الانتحار حرام وقله منهم من يعرف جميع امور دينه ) المهم حس اخوه فيه انه يبي يرمي روحه من الجبل وركض عليه ولكن بس مالحق الا على عباته واخذها ويوم نزل تحت لقى مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على شنه وركب الجمل اللي جاء فيه مسلم من الديره اللي هو كان فيها وقال لازم اروح للمره اللي تسببت عليه واشوفها وفعلا راح يم ديرتهم وهو يعرفهم وسوا نفسه يدور له جمل وقام ينشد الناس عن ظبيه ويوم وصل لها الخبر جت مسرعه وقالت له اسألك بالله راع القرون هذي حي والا ميت قالها راعي الجدايل هذي جاء مريض وما يتكلم و طلعناه راس رضوى وقال لها بعض من قصيد اخوه فما كان منها الا انها شهقت وبكت وفي رواية قيل انها ماتت عقبه رجع سويلم اخو مسلم لديرته وكان متأثر بقصة الحب هذي فتهيض ببيتين يقول فيها : والله ما لوم الوليعـي ولـو طـااح من راس رضوى والعوض به عباته مير اذهنوني عند هبـات الاريـاح لاذب عمري ثـم اسـوي سواتـه وهذا الرابط للقصة بصوت الشرهان لايفوتكم جداً رائع ومشوق الوليعي مسلم كل التقدير Edited مارس 14, 2009 by صقر رضوى Quote Link to comment Share on other sites More sharing options...
بروووكـ Posted مارس 14, 2009 Report Share Posted مارس 14, 2009 يسلمووووووو ع الموضوع Quote Link to comment Share on other sites More sharing options...
عاشقة الجمال Posted مارس 14, 2009 Report Share Posted مارس 14, 2009 قصة جميله يسلموووو ايديك Quote Link to comment Share on other sites More sharing options...
SHA3ROO Posted مارس 14, 2009 Report Share Posted مارس 14, 2009 تسلم ياخوي على الموضوع اكيد ضنيتها من خرافات ايام زمان قصه روعه الصراحه Quote Link to comment Share on other sites More sharing options...
أنس الجهني Posted مارس 14, 2009 Report Share Posted مارس 14, 2009 الله اكبر يا مهند و الله هالقصه سمعتها كثير ,, طلعت لواحد من ربعي <--- سود الله وجهك توك تعرف الوليعي ايه بالله يحق له .. هذا بلا ابوك يا عقاب الحب و ما يسوي .. وين الناس من حب اول .. الحين ما بقى الا حب الطيش سلمت يا غالي على القصة و عسى يمناك ما تمسها النار كل التقدير كل الاحترام لك يا غالي و تقبل مروري المتواضع Quote Link to comment Share on other sites More sharing options...
صقر رضوى Posted مارس 14, 2009 Author Report Share Posted مارس 14, 2009 يسلمووووووو ع الموضوع الله يسلمك قصة جميله يسلموووو ايديك ويسلم ايديك تسلم ياخوي على الموضوع اكيد ضنيتها من خرافات ايام زمان قصه روعه الصراحه الله يسلمك ولاخلا ولا عدم أخوي حامد Quote Link to comment Share on other sites More sharing options...
daloolah Posted مارس 15, 2009 Report Share Posted مارس 15, 2009 ياسلام على الحب العذري وقصص زمان وايام زمان والله عورة قلبي قصته حسبي الله ونعم الوكيل الله يرحمه ويغفر له يسلم ايدينك ياصقر Quote Link to comment Share on other sites More sharing options...
زهور الياسمين Posted مارس 16, 2009 Report Share Posted مارس 16, 2009 والله قصص زمان هي القصص الخالده هي القصص اللي يفخر بها مدى الزمان ياليت موجود مثل هالحب في هذي الايام قصة جميلة و شعر اجمل تسلم يااخوي صقر رضوى كل التحايا >>> ماتقلدك Quote Link to comment Share on other sites More sharing options...
صقر رضوى Posted مارس 21, 2009 Author Report Share Posted مارس 21, 2009 (edited) الله اكبر يا مهند و الله هالقصه سمعتها كثير ,, طلعت لواحد من ربعي <--- سود الله وجهك توك تعرف حاشاك وجهك أبيض الحب و ما يسوي .. لانه حب من القلب للقلب سلمت يا غالي على القصة و عسى يمناك ما تمسها النار آمين وياك وكل غالي تحياتي ياسلام على الحب العذري وقصص زمان وايام زمان والله عورة قلبي قصته حسبي الله ونعم الوكيل الله يرحمه ويغفر له يسلم ايدينك ياصقر الله الله قصته تعور القلب لكن يادلولة هذا حب البدوي عفيف مايعرف الزيف البدوي حبه أقشر مثل ما يقولون الله يجزاك كل خير وايدينك عساها سالمة دوم كل التقدير Edited مارس 21, 2009 by صقر رضوى Quote Link to comment Share on other sites More sharing options...
I am Saudi Posted مارس 21, 2009 Report Share Posted مارس 21, 2009 وانا اقرأ القصة اقول انا اعرفها بس ما ادري من قالها لي . وبالنهايه عرفت اني سمعتها من الشرهان هههههههه. بس جدا مؤثره القصه وهذا هو الحب اللي الان ما عاد موجود إلى قليل ونادر وعووافي يالغاالي ... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.