الاصفر Posted مايو 28, 2009 Report Share Posted مايو 28, 2009 السلام عليكم ورحمة الله وبركاته... طبعاً موضوع اليوم المستشفيات والنظام الي فيهم ( هاي اذا كان فيهم نظام ) قبل فترة قلنا البركة في المستشفيات الخاصة وصرنا ندفع لهم علشان البندول السيلان والابرة وهم موجودين في مستشفيات الحكومة والمراكز الصحيه ياحرام ليش الواحد يدفع وجان زين اتخلص على الدفع الا قاموا يتدخلون في المستشفيات الخاصة ويحكمون عليهم المراد ... الحين صارو المستشفيات الخاصة مثل مستشفيات الحكومه ( بعضهم ) والمشكلة مو العيب في المستفشى العيب في اغلب الناس القائمين عليها ( الموظفين من دكتور لي فراش ) صرت حتى علشان تاخذ دوى تحتاج واسطه يعني بكرة حتى حق القبر نحتاج واسطه علشان يحطونه تحت شجره او مكان زين خخخخخ طبعاً انا ماابي اقول لكم سالفتي المأساويه بس انا بتركم مع الاسئلة الي ابيكم تتناقشون معاي فيها والا انا اذا تكلمت عن المستشفيات وخصوصاً ( الس..... ) ماراح اسكت لي بكرة اكثر من موقف والله كريم. 1- ابي اعرف المرض فيه شماته علشان ؟ طبعاً مافيه ... اذا بتروح المركز الصحي وعطاك تحويل ورحت عل التحويل وانت حالتك خطرة يمكن اتزيد او اتروح فيها ليمن اتوصل الله يعلم وش راح يصير واذا وصلت عل التحويل تنطر دبل الوقت الي نطرته و وقت الطريج فوقهم ... عيل ليش حاطين المراكز الصحيه علشان البندول ولا البروفين ؟؟ ... 2- اذا كان الدكتور موظف فـ:ليش ماعليهم رقابه ويخلونهم يلتزمون بدوامهم او يحاسبونهم على عدد معين من المرضى لازم مايقل عنه مثلاً لازم اتعالج او اتعاين اكثر من 20 مريض في دوامك ؟ مو كل شوي بريك ولا سوالف ويه المتدربين ولا التلفونات الي بزودها >======= اتصير جنك طرار مب مريض او مراجع ؟ 3- واهم نقطة ليش مايخلون المريض ينطلع اول بأول على حالته الصحيه وبصراحه ويخلونه ويخلون اهله في حيرة لي ساعات عدة مثلاً يدش المريض ويسون له تحليل واهو مايدري ليش سوو التحليل ( يقول له علشان نتاكد ) انزين ياخي قول له بتتاكد من شنو ؟. وياخذ له ساعه زايد قاصر وبعدين يقول له دش المكان الثاني ولا الفحوصات الفلانيه ... واخر شي بعد مايخلص الفلم الرعب ينتهي عند المريض والمرافقين الي وياه انه انت مافيك شي اخذ بندول ولا مضاد ولا اي شي من هالخرافات؟ والسموحه اذا طولت عليكم الي في قلبي ازيد من الي كتبته بالف مرة بس شسوي لا حياة لمن تنادي انا مايهمني موضوعي شكثر يردون عليه انا الي يهمني انه القى واحد اقدر اتناقش معاه بالفعل وانوصل حق حل يرضي او يقنع واتمنى انه يكون في وعي اكثر من ناحية الطوارئ انا اقول يعطيهم العافيه الي يشتغلون كلهم الجاد منهم والعيار بس السالفة يبيلها شوية ذمه وضمير نص صاحي عل الاقل ويعطيكم العافيه Quote Link to comment Share on other sites More sharing options...
جمـــا "معذبهم" لـــي Posted مايو 30, 2009 Report Share Posted مايو 30, 2009 يا جماعه ارجوا انكم تتقيدون بالقوانين وعدم التطرق للردود التهجميه بشأن المجنسين لا تحولون الموضوع بالكلام عن المجنسين فالعضو مقصده يختلف عن ذلك لذا تم فتح الموضوع وسيتم محاسبة اي عضو يحاول تغير مجرى النقاش عن المجنسين تحيــاتي .. Quote Link to comment Share on other sites More sharing options...
الاصفر Posted مايو 30, 2009 Author Report Share Posted مايو 30, 2009 اشكر الاخت جمـــا "معذبهم" لـــي ... واتمنى مشاركتها معانه بالنقاش والجماعه الي ردوا من قبل ... 1- يعني الاجراءات المعقده والشكليات الي يستعملونها المستشفيات. 2- واضحه مثل الشمس. 3- يعني ليش يخلون المريض على قولت اخوانه ( زي الاطرش في الزفه ) واعتذاري للأخوان الي شاركوني وللي بيشاركوني ان بدر اي غلط ويعطيكم العافيه Quote Link to comment Share on other sites More sharing options...
برشلوني حتى النخاع Posted مايو 30, 2009 Report Share Posted مايو 30, 2009 الأصفر وما شاء الله عودة حميدة .. اهلا وسهلا فيك من بعد غيبة يا اخووووي الغالي موضوعك فريد من في الطرح فما اعتقد اني ناقشت في هالموضوع من قبل بالنسبة للمستشفيات .. امممممم كلام وايد راح نتكلم فيه قبل 5 شهور تعرضت لإصابة في عيني .. وعلى طول راجعت اقرب مركز صحي في المنطقة اللي كنت متواجد فيها طبعاً دخلت على الدكتور وقال لي اوووووووووه هاذي خدش في القرنية وسوا لي من الحبه ( أبه) وحولني على السلمانية وفي السلمانية تميت ساعة وحده ما اقدر اقوف على ريولي من الضغط اللي في عيني والعفسسسسسه والحالة حالة .. اضطريت اني اروح مستشفى خاص وهناك تبين لي ان العوار اللي في عيني ماله دخل في خدش القرنية ولا شي العبرة من الموقف .. مستشفياتنا .. ( عندنا مستشفى حكومي واحد !!) والضغط كله عليه التنظيم غايب عنه بتاتاً وبرغم وجود الشرطة الا ان العفسة قايمه قاعده .. ثم مسألة الأطباء .. انه ملاحظ بأن بعض الأطباء اللي بدو يوظفونهم الصراحة مب ياي عشان يعالج ( ياي علشان يداوم ويحلل معاشه وعقله غايب عن الشغل) من ناحية المستشفيات الخاصة فما عندي خبرة عنها لكن مجملاً افضل من المستشفى الحكومي .. لكن يمكن اقول بأن مستشفى الهلال الصراحة ارتحت له من الجم زيارة اللي زرته فيه نتمنى في المستشفى الجديد (مستشفى الملك حمد .. اختيار كادر طبي مأهل بشكل مضمون .. واستخدام التقنية الألكترونية في حجز المواعيد .. واذا كان السعر الرمزي يأدي الى خدمة طبية ممتازة فلا مانع من سعر رمزي) Quote Link to comment Share on other sites More sharing options...
الاصفر Posted مايو 30, 2009 Author Report Share Posted مايو 30, 2009 اشكرك يا برشلوني حتى النخاع على ردك وترحيبك يالغالي >======= تراني ماتوقعت انه في ناس ليمن الحين يذكروني خخخخ احم احم ... اجر وعافيه لو انها يات متأخرة... هذي مشكله من المشاكل الي يتعرضون لها المرضى الله يكون في عون الكل انشاءالله ، اما بالنسبة عن حالتك انا بسالك جم سؤال ... انت لو كنت ضعيف مادياً او انك ماتقدر اتروح مستشفى خاص لأي سبب ان كان شنو تقدر اتسوي في وقتها ؟ ... وبالنسبه عن ملاحظتك عن الاطباء انهم يايين ايحللون معاشاتهم وبيمشون وتفكيرهم مب في الشغل هاي اهون من انه ولا على بالى شي يعني لاتحليل معاش ولا همك الله... انا املاحظ غرفه مكتوب عليها والله ماتذكر بالضبط بس انه يعني المسؤول ماعمري جفت اليت مالها يشتغل في المستشفيين الحكوميين ليشششش؟؟؟؟ وعن الشرطه : لاتفكر انه الشرطة موجودين علشان ينظمون شيء او انهم يسوون شي معين... تراهم محدودين بمسؤوليات معينه مثلاً الي عند الطوارئ يكون انه مايدخل اكثر من مرافق مع المريض او انه يحافظ على الهدوء والنظام في القاعه الي هو فيها مثلاً ... انا مااتهم جهة معينه من الناس ولا من المستشفيات انهم مقصرين انا اتكلم عن الي مايشتغلون بذمه وضمير ... اعتقد انهم مايدرون انهم كما تدين تدان ... انا جفت موقف يوم من الايام في طوارئ السلمانيه عن وحده تشتغل نرس او ممرضه في طوارئ السلمانيه واذكر في هاليوم انا كنت شايل واحد من فريجنا كان امسوي حادث وكانو ينطرون الاسعاف انا وصلت بعد الحادث بوقت قصير ونطرت تقريباً ربع ساعه معاهم وليمن الحين ماوصل الاسعاف فخذيته ورحت فيه السلمانيه على طول ويوم وصلت السلمانيه اتصلوا فيني الصبيان وقالوا الاسعاف وصل ويسال عنكم قلت له يقول لهم صبحكم الله بالخير خخخ المهم نرجع حق الممرضه ... طبعاً اذا شخص امسوي حادث سيارة شي طبيعي انك اتسوي له فحوصات كامله من تحاليل واشعه وغيره وهاي شي معروف ... طبعاً كان زحمه >===== وهو امتى صار فاضي خخخ تمينا ننطر اكثر من نص ساعه والصبي مايقدر يتحرك ومن الالم يون انا جفت الممرضة جان رحت ولصقت علشان اني اكلمها عربي وقلت يمكن اتمشينه >====== يازعم واسطه خخخ المهم جان اقول لها رفيجي حالته جذي وجذي وامسوي حادث ومنقلبه فيه السيارة وكيت وكيت جان تقطع كلامي واتقول لي يعني الي واصلين قبلكم مب امرضى انا قلت لها اكيد امرضى بس في الطوارئ حالات من الاهم لي المهم قالت لي اتعلمني بشغلي قلت لها مسامحه وتميت انطر ويه صاحبي ... جان يخلص زامها انا جفت ناس دشو وناس يطلعون من الموظفين وعرفت انه تبديل شفت ... شوي الا اهي نفسها بعد نص ساعه من طلعتها ماصار لها الا اهي داشه حق مريض ايصير لها واتصرخ واتسب واتقول برفع فيكم تقرير ومادري شنو طبعاً انا سكت وهي شابه نار نطرتها تهدء ورحت من يمها وانا اقول يوم لك ويوم عليك وزفيت الدكتور الي اهناك وقلت له من شوي المرضى الي كانت اهني اتقول انه الطوارئ مثل الخباز وبالدور شلون الحين في اقل من ساعه تغير الكلام خلاصة الموضوع انت جوف الكلام الي تبيه وقط الي ماتبيه خخخخ وانشاءالله المستشفى اليديد يكون لنا مب حل بديل الا وسيله اتخفف الضغط عن المستشفيات الموجودين حالياً ... احنا مانقول انهم مايشتغلون ولا انهم قاعدين كل ابوهم من دون شغل لا احنا انقول البعض ولا في ناس محد كفو يتكلم عن شغلهم وكفائتهم واسمح لنا طولنا عليك يالغالي ... ويعطيكم العافيه Quote Link to comment Share on other sites More sharing options...
جمـــا "معذبهم" لـــي Posted مايو 30, 2009 Report Share Posted مايو 30, 2009 بالنسبه لي وعلى كثر ماسمعت من مصايب تصير بالسلمانيه إلا انه ولله الحمد ماقط مره تعرضت لهالمواقف او انه احد من هلي القراااب كلش صاده شي من السلمانيه اختي سوت عمليه بالسلمانيه وكانت العمليه في العمود الفقري وما شاء الله حصلنا على احسن العنايه اهناك طبعا اصابع اليد موب سوى ففي ناس تحصل الضرر من الأطباء لانه كل دكتور يختلف عن غيره ففي منهم مادري شلون وظفووهم !! واهمه حتى مايعرفون يطقون ابره !! او البعض منهم يقعد لك ماد البوووز شطووله وكأنه مغصوب يعالجك !! قد تكون في اسباب وايد لهالأشيه إلي تحصل الضعف بالمعاشات إلي يحصلونها يعني مثلا دكتور زامه تقريبا يوم كامل ويحصل معاش مايكفيه !! تصير ردة فعله من القهر على المرضى المساكين ومثل ما انتوا عارفين اتيك اوادم اشكال ألوان فالدااااد حق الدكتور إلي يطلعله كل يوم شكل ويعفس له مزااجه بس بعد المفروض من الدكتور اذا يحب وظيفته وانه يحاول يتتمالك نفسه ويهدء اعصابه ويتماشى مع جو الوظيفه في وايد اسباب اخوي يمكن مافي لها حل بس الواحد شيقدر يسوي عاد اذا كانت المستشفيات جذي يعطييك العافيه اخوي Quote Link to comment Share on other sites More sharing options...
الاصفر Posted مايو 30, 2009 Author Report Share Posted مايو 30, 2009 مشكورة على الرد... انا عندي تعليق عن معاشاتهم ... انا اعتقد انه الواحد ليمن يكون مو مرتاح من معاشه يقدر يغير مكان شغله او انه يفتح له عياده بروحه فـ : البعض منهم يشتغل دكتور في السلمانيه مثلاً وعنده عيادة خاصه واذا دش عليه احد يقول له اهني ماراح اتحصل فايده تعال العيادة الفلانيه عندي وماراح يكلفك شي بس انا عندي العياده امجهزة حق جذي وجذي ... شدعوى يالحبيب انت بتيب اجهزة واغراض احسن من الحكومه ؟. . . في بعض الاحيان يكون الجواب ... اي ( نعم ) يعني الاشخاص المكلفين عن شراء هذه الاجهزة يتعاملون مع جهة معينه ولهم نسبه معينه او اي شي من هالكلام >======= الله العالم... انا دشيت عيادة اسنان مركز صحي قال انه ابرة البنج امخلصه .... هههه هاي كلام وحشوى دايمه ماعنده لازم اتروح المكان الرئيسي شدعوى اهي وش بتفرق لو صرفوا هالحشوى حق المركز الصحي علشان يخففون الضغط عن المكان الفلاني ... ليش الدكتور الي في المركز الصحي مو مأهل حق انه يحط الحشوى الدايمه خخخخ ... واذا فيهم فرق طبعاً خل احد يفهمني او يقول لي علشان يوضح البس الي عندي... هذي عن مكان معين او شي معين ... والله يستر على الباقي خخخ... ويعطيكم العافيه Quote Link to comment Share on other sites More sharing options...
كويتية للأبد Posted مايو 30, 2009 Report Share Posted مايو 30, 2009 انا اناقشك اخووي من دولة الكويت .. الصراحة انا ما ادري شنو في البحرين .. لكن في اشيااء قلتها فعلاا موجودة في الكويت .. في المستشفياات الخااصة الحين للأسف .. يسوون من سالفة قصيرة ساااااااالفة شطوولها عشاان فلووس ... وهذا الصرااحة صاار معااي شخصيا .. لكن مستشفياات الحكوومة في الكويت زي الفل ... حتى الخاصة بس يعني في جي و جي Quote Link to comment Share on other sites More sharing options...
الاصفر Posted مايو 31, 2009 Author Report Share Posted مايو 31, 2009 مشكورة على مشاركتج الخفيفه اختي كويتية للابد حيالله اهل الكويت حبايبنه واخوانه... انا اتكلم عن البحرين لاني عايش فيها بس انتي بمشاركتج خليتنا انعرف عن الموجود بالكويت الحبيبه ... طبعاً احنا موضوعنه عن الاجراءات والشكليات الي يتبعونه هل معقده عندكم وهل اهناك الواسطات ماشيه في المستشفيات وهل عندكم دكاترة او موظفين يشتغلون من دون ذمه وضمير ؟ . . . يعطيكم العافيه Quote Link to comment Share on other sites More sharing options...
كيوته-87 Posted يونيو 1, 2009 Report Share Posted يونيو 1, 2009 (edited) انه عندي ريلي .. الله يسلمكم صار لنا سنتين الله مارزقنا بعيال.. قلنا بنروح نسوي فحوصات رحنا المركز الصحي الي في قريتنا.. وقالو الريال لازم السلمانيه بس الزوجه هني..سويت انه فحوصات وطلعت اوكي.. وريلي اخذ موعد حق السلمانيه ورحنا واخذو منه الي يبونه وسوو له فحص وقالو له ان اهوه عنده.. الحيوانات المنويه قليله وجذي يعني قلنا شلحل قالو تعال عقب 6 شهور علشان نشوف شنسوي.. قلناا هااااااااا ليش عاد عقب 6 شهور بتشوفون شتسون عيل اذا عرفتو عقب جم بتعالجونه..؟ قالو هذي القوانين..قلت حق ريلي خل نروح خاص بعد شنسوي..ورحنا وطلع عنده دوالي .. وكان الدكتور يعرف واحد في هالتخصص يعني .. ورحنا له في عيادته وقال العمليه 500 دينار وفتح الفايل ب 20 دينار واخذ الفحوصات ب 30 دينار والنتيجه لما تطلع مال الفحوصات ب 40 دينار..قلنا يالله مو مشكله..وقال حق ريلي اي يوم تبي يناسبك حق العمليه قاله في هاليوم..بعدين ريلي يقوله هني في عيادتك بتسوي العمليه لان اهوه الدكتور قال العمليه مدتها 10 دقايق وبسيطه ومابيترقد عقبها..بس الدكتور يقول لا في السلمانيه..بس ريلي مايبي هناك لان يعرف هناك شيسون في الواحد..بس رضى بعدين,,سوى العمليه 3 ساعات وترقد يومين.. الي ابي اقوله ان..اذا رحناا السلمانيه عقب قرن يعطونا موعد حق عمليه,,.واهمه الدكاتره فاتحين لهم عيادات وياخذون همجه ويعالجون في السلمانيه.. هذي اكبر واسطه يعني بالفلوس الحين اسوونك عمليه بس ببلاش انطر لين ماتموت بعدين تعال.. .... وانه مره رحت ياخذون مني دم ... طلعو روحو..انه اول مره اشوف ممرضه اذا بتاخذ دم مااشوف العرق في وين على طول دخلت الابره وقعدت تفر في الابره علشان ادور عرق .. يه شنو ماعندي احساس انه مايعورني.. ولا مفتكره اهيه بس تبي تخلص شغلها وقاعده سوالف وضحك مع الممرضات الباقي .. وبعدين ماحصلت عرق شالت الابره وتبي تحط غيرها..تقولي مافيج عرق قلت لها انزين ذبحتيني مب جذي دوري العرق بعدين حطي الابره .. تقولي روحي قعدي بعدين تعالي الساعه عشر..لان المفروض تاخذ مني دم الساعه 7 واذا طاف الموعد تاخذه الساعه 10 يعني اقعد انطر 3 ساعات مادري 4 علشان حضرتها ماتعرف تشيل دم.. والله حاله بس يالله.. الله يعينااا ويساعدناا على هالمستشفيات.. مشكور اخوي ع الموضوع.. Edited يونيو 1, 2009 by كيوته-87 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.