المحــــــ روح ــــــرق Posted نوفمبر 14, 2009 Author Report Share Posted نوفمبر 14, 2009 تسلمين فديتج ع المتابعة ويلا لقفي البارت اليديد =) الجزء الثالث عشر في بيت بو احمد الكل كان مجتمع بعد الغدا كل كناري في صوب ام احمد وبو احمد بشاير ومحمد وهنادي واحمد ودلال وحسين واكيد يمهم يوسف يحوم وكل ساعة احد يحمله ويلعب معاه ام احمد:محمد يمه متى ناوين ع العرس حسين ودلال الي مالجين عقبكم حددوا كل شي وانتوا ليحين لي متى ؟؟ محمد في هاللحظة تبلعم هالشي ماكان حاسب حسابه:شفيني نسيت سالفة العرس اكيدد بييي يوم ولازم بنعرس لي متى باتم جذي ,, بس آنه ماحطيت في بالي هالشي ,, يعني شنو آنه ناوي آهد بشاير بس لا حتى لو ماحبهه مابي آفارقهه ,, شنو آفارقهه ومنيرة آنه آحب منيرة بس ماقدر على فراق بشاير ام احمد:يمه محمد آحاجيك محمد:ها يمه جريب جريب بشاير:استغربت من شردوه وحست انه فيه شي"آنه ليش ساعات آحس انه محمد مب طبيعي ويفكر بشي ليش ساعات آحس انه مايبي نتزوج ,,, لا لا اشهلأفكار اكيد آنه ينييت طبعن البقية هنادي واحمد ودلال وحسين عرفوا الموضوع كان عبالهم انه محمد نسه منيرة بس دام شرد هالشرود الكل قال في نفسه اكيد ليحين ذاكر منيرة شروده مب طبيعي بو احمد:بشاير يبه يلا حددوا لي متى بتمون مخطوبين بشاير:ماعرفت شترد ,, إن شاء الله عمي ولا يهمك. في الليل وتحديدن في بيت بو حمد كانوا متيمعين في الصالة ام حمد وبو حمد وحمد وبشاير قعدة ماعقب العشا قعدة جاي مثل مايسمونهه رن تلفون حمد وسيدة فز بو حمد:انت متى بتيووز عن سوالفك استح على ويهك الي كبرك عندهم عيال حمد:يبه ذي رفيجي بوحمد:رفيجك ماتحاجيه جدامنه صح صح وانا اشهد صح رفيجك حمد:"اوف شفكني منه الحين": اكيد بيسألني عن سالفة في الشغل ام حمد:ماشاءالله بيسألك عن سالفة في الشغل بشاير :هههههههههههههههههههههههه بو حمد:اذلف بس يلي بتذبحني قبل يومي بسوالفك حمد طلع قبل لا صج يقوم له ابوه وام حمد بسرعة غيرت الموضوع ام حمد:بشاير جنكم مصختوهه قلنه مانبي نتدخل بس متى ناوين ع العرس وايد طولتوا بشاير:"اوهو كلش مب حزة هالسالفة شفيهم اليوم علينه شاقول لهم الاخ مابطلي سالفة العرس ومتى ناوي عليه":جريب يمه جريب ام حمد: مادري متى هالجريب بيي بوحمد: خليهم على راحتهم مردهم بيعرسون بشاير:"فكيتني يايبه من حنة امي معني آحس مابنعرس مادري ليش الصبي غريب حتى لو دلعني شوي " عند محمد :"ياربي انقذني شاسوي ينيييت شاسوي آحب منيرة بس ساعات آحس اني صرت ماحبهه مب نفس قبل وماقدر على فراق بشاير يعني شنو ماقدر آطلقهه ماقدر مابيهه تصير حق غيري ماقدر قطع حبل افكاره صوت التلفون إلا منيرة متصلة ورد محمد:الو منيرة:شنو الو محمد من متى يقولي الو محمد:منيرة كلش مالي خلق خلصيني شتبين منيرة:شفيك اكيد الغبية معكرة مزاجك محمد:منيرة احترمي الفاظج منيرة:نعم نعم نعم من متى صرت تحاجيني جذي ليكون ذي غيرتك وغيرة الفاظك محمد واهوه حده معصب ولو منيرة يمه جان مد يده عليهه :اولن اسمهه بشاير وثانين ان يبتي سيرتهه باقص لسانج وبسرعة صكي لاني مالي خلقج منيرة:صج المرة تغير انت صرت تحاجيني جذي هلون يابت راسك محمد:باي وعلى طول صك التلفون قبل لايسمع الرد منيرة:"ماصدق ذي محمد اوف خل يولي شغلهه عندي خل آبعد رائد شوي وآفضه حق حمود لان هلون بيتم رائد لاصق وراي و عادي يفضحني عند محمد عاد آنه غبية مافكر قبل ماقوله السالفة كل صبي حاجيته مازل لساني وقلت له إلا حق هالفضيحة رائد والقهر انه طلع يعرف محمد ,,, اوهو ماعلي منه الحين خل آتصل في عووش خل اتدبرني منيرة:قوة عووش عايشة:يقويج منيرة:عووش دبريني باضيع عايشة:ويي حتى ماتقول شخبارج شادبرج شصاير بعد منيرة:عووش حمود بيضيع مني صار مايحاجيني عدل آحسه بده يحبهه عايشة:لانج غبية فضيتي حق رائد وغيره ونسيتي محمد شوي دام جذي شي طبيعي بيبتعد عنج وبيتجرب من مرته الي يجوفهه 24 ساعة منيرة:لا لا محمد يحبني ولو شنو مابيحب غيري آنه واثقة حتى لو تجرب من خطيبته شوي عايشة:قصي على روحج بهلحجي منيرة:اوووووووه شتبيني آسوي يعني عايشة:انتي ام الدواهي تبيني آعلمج شتسوين انتي ادره ,,,مب انتي الي فرقتي اسوم عن ريلهه , مب انتي الي عطيتي سلمان صور انفال عشان يوصلهم حق حبيبهه فراس على اساس انهه على علاقة مع سلمان والحين تبيني آدبرج انتي تدربين روحج بروحج وعندج خبرة في هالسوالف يعني سوالف خراب ودمار البيوت منيرة:آدري آدري لتغثيني بهلسوالف الحين مخي موقف ماقدر آفكر صج آنه واثقة انه مايحبهه ويحبني والحين معصب وحاجاني بهلأسلوب بس آنه آبيه يكرهه يكرهه ولا يشتهي يجوفهه عايشة:منيرة بليز بعديني عن سوالفج الي تييب الضير كفاية المصايب الي ساعدتج فيهم لي هني وكافي حوبة الاوادم مابتروح بعيد عني ويلا سلام ولا عاد تتصلين لي بليز انسيني منيرة:نعم خير ينييتي انتي عايشة:باي منيرة:اكيد ينت لكن مب فاضية لج آنه الحين لين فضيت لج بتعرفين من منور وتمت تفكر وتدبر تبي تلاقي أي شي عشان تبعد محمد عن بشاير في الجامعة كانت بشاير ومروة قاعدين مع بعض في الفود كورت مروة:انتوا جنكم مصختوهه متى ناوين تعرسون بشاير:جريب جريب مروة:آشك الصراحة بشاير:كيفج شكي مروة:آحسج خاشة عني شي بشاير:تبين الصراحة مروة:أكيد من زمان آبيهه بشاير:انزين باقولج آنه آحس محمد مجرد يحن علي مايحبني طلب مني آقوله إذا آحبه او لا بس عمره ماقالي آحبج صج انه يدلعني ويشتري لي بس ماحس منه بحب والي زاد شكوكي انه ليحين مابطل وياي سالفة العرس يعني ماحسه يبييني آعيش وياه في نفس المكان مادري شلقصة بس ماحسه طبيعي وبس مروة:وانتي تحبينه صح بشاير:مادري آنه بروحي مادري ليش آحبه وآنه ماحصلت من عنده شي آبي كل يوم آجوفه آسمع صوته بس مادري مادري,, المهم ماعلينه إلا يقولون ابوج وافق على الغثيثة مروة:اووووووووووووف اوف طلعت من عيني هالموافقة بشاير:هع هع هع صج وايد طول هالكثر يسأل عنه مروة:شدراني فيه تعرفين ابوي وسوالفه سأل عن كل شي كل شي حتى آحس انه يعرس شنو يستعمل شامبو وشنو ياكل وشنو ماياكل بشاير:تخيلي هههههههههه مروة:تخيلت بشاير:بايخة مروة :شكرن بشاير :هي هي انتي شفيج من مساعة تعطين ابتسامات مروة:هاا من قالج آعطي ابتسامات اتوهمين انتي بشاير:عن العيارة واهيه لافة ويهه وفجأة ,,, بل بل وعييييييييييييييييييييييييي هالغثيية شييبه هني مروة"واهيه منزلة راسهه ومستحية"ياي يجوفني يقول وحشته بشاير:وع بس وع مروة :اووو مارضه بيصير ريلي بشاير:مالت وقامت بشاير تسوي روحهه تغني على تدندن تبي تغيض مروة بشاير:خفيفسينة خفيفسينة شوقفج على باب المدينة (هالشي الي ماعرف شسمونه كانت يدتي كله تقوله يعني سوالف مال اول وخفيفسينة يعني شي كريه وايد>>آتمنى فهمتوا) مروة:شييب هالاغنية على بالج الحين بووو مالت اول بشاير:يه حلوج شلون ماتبينهه اتيي على بالي والخفيفسينة وراي مروة:اووو بشوور عن البياخة تره بازمر ها بشاير:ههههههههههههههههههه بس بس باسكت مروة:صج ليش ماتحبينه شمسوي لج بشاير:لله ف لله آكرهه يقولج المحبة من الله والكره من الله وثانين تعرفين حركاته كله يسوي روحه العاقل الفاهم الفيلسوف الذكي وهالحركات ماحبهه فمادانيه مروة:عاد خلاص المفروض تبتدين ع الاقل لتحبينه بس تقبليه لان بيصير واحد من العايلة وريل رفيجتج وبنت عمتج بشاير:ماباحبه إلا لين سوا لي عمل بطولي مروة:اشهلعمل الي تبينه بعد بشاير:مادري فكروا وردوا علي يلا باقوم وراي محاضرة مروة:أي صج ذلفي بشاير:وانتي جابلي الغثيثة بتاعج مروة:عسل على قلبي بشاير:وععع باي مروة:حمارة تره انتي ,,باي وفي طريج بشاير حق السكشن تصادفت بدلال بشاير:اووو كملتي دلال:لا الشيخة ليحين ماكملت بشاير:هيهيهيهي بايخة دلال:شدراني فيج يعني ذي سؤال بشاير:ذلفي ذلفي خل آروح دلال:انزين تعالي مروو في الفود ؟ بشاير:إي روحي لهه مجابلة خفيفسينة دلال: من ذي اول مرة آسمع عنهه عاد مسكينة اسمهه هلون يعني اهيه حلوة بشاير:إي اتينن دلال:وعليه كسرت خاطري ماسموهه إلا هلون بشاير:دلول لتصيرين لي بقرة الخفيفسنة حبيب القلب مالهه الي مادري شلون حبته دلال:قصدج علي بشاير:قصدج الغثيث تمت دلال فترة ساكتة وفجأة دلال:ههههههههههههههههههههههههههههههههههههههههههههههههههههههههههههههههههههههههههه ههههههههههه بشاير:ويي اسم الله عليج شفيج دلال:توني مستوعبة الموضوع بشاير:حمدلله والشكر دلال:الحين انتي مب تسمينه الغثيثة يعني اليوم صار خفيفسينة بشاير:إيي ,, بسج شكلج تبين تسولفين يلا وراي محاضرة دلال:انزين بتغدون هني ولا بتردون البيت بشاير:دلول شفيج آخر محاضرة عندنه ويه بعض وبتكون الساعة 3 يعني تبينه لي 4 مادري 5 نتم بيوعنه دلال:إي عبالي خاطري في هارديز آنه بشاير:ولا يهمج لتزعلين بعدين باشتري لج ,, عيل تدرين باتصل في مريوم وباقولهه في طلعتهه من الشغل تمر علينه الجامعة ونتغده هني دلال:إي فكرة وآنه باقول حق ربعي إيمان وامون بشاير:اوكي صار آجوفج بعدين دلال :اوكي سلام وراحت دلال حق مروة الفود وتوجهت بشاير حق محاضرتهه الي نبي نعرفه الحين محمد شبيسوي بينهي الي بينه وبين منيرة ولا بيتم على حبهه ,, بشاير شنو موقفهه بتدري عن سبب صد محمد عنهه رغم انه مب مقصر عنهه ولا الجزء الرابع عشر بعد ماكملو البنات يمعتهم في الجامعة قرروا يردون البيت دلال:مروو بشور تعالوا بيتنه عاااد مروة:نونو آي كنت بيكوز آي هف وايد اشغال دلال:وع ياشين الانجلينزي في حلجج مروة:جب انطمي انطمي بشاير:يلا يلا تهاوشوا بليز يلا بسرعة دلال ومروة:بايخة بشاير:مابارد عليكم دلال:بشور ماعليج من مروو تعالي انتي بشاير:بايي بس بشرط دلال:وشنو هالشرط إن شاء الله بشاير:تشترين لي كارتون تايم اوت دلال:يعني تبين آنزلج برادة وتاخذين بشاير:يه حلفي عاد آنه ماقلت لج قطيني عند ادناة برادة وبانزل آشتري آقولج انتي اشتري لي دلال:شنو آصرف عليج اكو ريلج ياخذ لج بشاير:والله هذي شرطي بتنفذينه مشيت وياج مابتنفذينه باروح بيتنه دلال:اممم خليني آفكر خليني مروة:حمدلله والشكر خل آروح البيت احسن لي بشاير:ذلفي لان حسيت انه دلول وافقت دلال:لا من قالج وافقت بشاير:اوكي عيل يلا مروة مشينه مروة:يلا دلال:لا لا حبيبتي بشورتي الجميلة تعالي بس باشتري لج بشاير:اوكي بس وافقت آييي مروة:ياربي لتبلينه بشاير:قلت لج جب وه كرهات مروة:مب رادة عليج يالعاقلة ينناج محمد بشاير:مالت يلا روحي خل نمشي اخرتينه بيخلص التايم اوت الي في البرادات مروة:طالعتهه بنظرة وقالت باي بشاير ودلال:هههههههههههههههههههههههههههههههههههههههههههههه ومشوا ونفذت دلال شرطهه ع العصر في شقة هنادي واحمد,,, قاعدين بعد الغدا يسولفون ,,, هنادي:أحمد أحمد:عيونه انتي هنادي:احمد انت اول ماخذيتني كنت تكرهني أحمد:حياتي اشهلسؤال هنادي:مادري بشاير تكسر خاطري آحس محمد غاصب روحه يعيش وياهه أحمد:اهوه صج يمكن مايحبهه بس صدقيني تغير اول ماخذاهه كان بالزور يروح لهه ويطلع وياهه عمري ماجفته حاط عينه في عينهه الحين آجوفه اهون وإن شاء الله بيحبهه مع الايام بشاير مافيهه شي ينعاب هنادي:وعليه عليهه شلون صابرة ومتحمله لو آنه طفشت وقلت لك طلقني احمد:بل طلاق عاد افا بس افا هنادي:آنه قلت لك لو احمد:الحين خلينه من سالفة بشاير ومحمد,, :قولي لي دام البيبي الي في بطنج طلع جنسه انثوي شنو خاطرج نسميهه هنادي:مادري انت شنو خاطرك أحمد:خاطري انج تولدين بالسلامة وبس هنادي:يعني تخاف علي أحمد:إذا ماخاف عليج انتي آخاف على من عيل هنادي:فديتك والله الله لايحرمني منك أحمد:بس فديتك تعالي يبه غوصي في حضني هنادي:احمد عيب آستحي أحمد:اووششش Quote Link to comment Share on other sites More sharing options...
مينونة ومخرفة ومخرخشة Posted نوفمبر 15, 2009 Report Share Posted نوفمبر 15, 2009 تسلمين اختي ع البارت .. يعطيج العافية .. Quote Link to comment Share on other sites More sharing options...
حلوه اموره Posted نوفمبر 16, 2009 Report Share Posted نوفمبر 16, 2009 آآية عليج روح المحرق حدها حلوة القصة انشاالله انكون متواصلين ويااج مشكووورة ع البارت Quote Link to comment Share on other sites More sharing options...
المحــــــ روح ــــــرق Posted نوفمبر 17, 2009 Author Report Share Posted نوفمبر 17, 2009 فديتكم والله ع التواصل وسوري ع التأخير ولقفوا البارت اليديد الجزء الخامس عشر بعد ماكمل دوام محمد قرر انه يروح حق حسين عشان يعطيه حل حق هالسالفة اتصل محمد حق حسين عشان يتلاقه وياه محمد:اوففف كله ويتنق انت حسين:كيفي كيفي محمد:تحاجي من حسين:اوو صرت انسان فضولي بعد يعني آحاجي من غير مرتي حبيبتي محمد:انزين اسمعني آبي آجوفك الحين ضروري حسين:ليش شصاير محمد:مب صاير شي بس آبيك في موضوع ضروري حسين:انزين تعال المحل آنه توني طالع من الشغل وباروح المحل عندي شوية شغل هناك محمد:اوكي حسين:يلا آجوفك هناك محمد:اوكي سلام وطلع محمد من الدوام وعلى طول راح حق رفيجه وحافظ اسراره حسين حتى لو مالقى له حل بس اهم شي يفضفض له وصل محمد عند محل حسين ونزل على طول على امل انه يرتاح محمد:سلام حسين والهندي الي في المحل :عليكم السلام حسين:يلا تعال داخل المكتب قولي شفيك محمد:اوكي دشوا المكتب محمد:بوعلي دبرني مب عارف شاسوي حسين :شصاير محمد:آنه خلاص بديت آتقبل الامر الواقع منيرة لو شنو مابتكون لي صج اني آموت فيهه بس النصيب مب راضي يجمعنه ,, بشاير ماميش منهه صج اني آعزهه بس ماحس اني آحبهه صج اني آحب آجوفهه بس ماحبهه ماحبهه واتخذت قرار اني باقطع الي بيني وبين منيرة وباعيش حياتي مع بشاير وباحاول آتعود عليهه حتى لو ماحبهه معني واثق انهه تموت فيني بس مب عارف شلون آخلي منيرة معني علاقتي وياهه وايد صارت فاترة حسين:شاقولك الحين انت قاعد تجاوب على روحك تره خلاص منيرة دميرة مصيبة انساهه خلاص وعلى فكرة سوالفهه القبلية ردت لهه اوكي محمد انصدم بس ماحب يبين وواصل حسين كلامه يعني الف مرة نقولك بشاير اغلى من الذهب بس انت ماتجوف ومثل ماقلت اقطع الي بينك وخلاص يبه عرسوا وإن شاء الله بتحبهه الحب مب شرط قبل الزواج الحب ايي بعد العشرة وصدقني بتحبهه دام بديت اتعود عليهه وتحب تجوفهه سكت محمد وحس انه بده يقتنع بحجي حسين حسين:وياي انت محمد:إي إي وياك حسين:آنه آقولك روح البيت وريح ولين قعدت اتصل في منيرة وخبرهه بقرارك وعقبهه رد ريح وباجر اقعد ويه بشاير وحاجهه عن العرس محمد:شورك وهداية الله يلا آنه ماشي حسين:اوكي وخبرني بكل شي يصير محمد:إن شاء الله يلا مع السلامة حسين:يسلمك بعد ماطلع محمد من عند حسين ركب سيارته وتم يفكر في الحجي الي قاله حسين وحس انه عين الصواب وقرر يسوي هالاشية ويتنازل عن حبه لمنيرة بس حب لا لا مب حب حتى لو حب حسين قال انه منيرة ردت لسوالفهه ,, شفيني آنه كنت مغمض شلون كنت باخلي بيتنه يناسبون وحدة هلون خلاص عقلي بده يرجع الحمدلله لك يارب ,,,سامحيني يابشاير سامحيني ماخليتج تحسين بشعور الحب مني سامحيني .... طبعا البنات رجعوا وعقب ماشرت دلال التايم اوت وسلموا على ام احمد وبو احمد ودشوا حجرة دلال دلال كانت قاعدة على كرسي مجابل بشاير وبشاير متربعة على سرير دلال ومجابلين بعض وكل وحدة في يدهه تايم اوت دلال:بشووور بشاير:هااااااااا دلال:وهاون قولي آمين بشاير:آميين فوق راسج إن شاء الله دلال:اسم الله على راسي راسج ولا راسي بشاير:انزين بس مانبي نتهاوش ههههههههههه دلال:حمدلله والشكر هههههههههههههههههه ,, انزين سمعيني بشاير:ها قولي دلال:انتي تحبين محمد بشاير: هاا ,, اشهلسؤال دلال:جاوبيني تحبينه بشاير:اكيد آحبه دلال ليش مب خطيبي,, آدري انه قصدج انه محمد مب قاعد يعطيني الي كل وحدة أتمناه من ريلهه بس بعد آحبه صج انه مافتح لي موضوع الزواج بس إن شاء الله خير يمكن محمد من النوع الي مايطلع مشاعره بس ماقدر آعيش بدونه معنه ماحلصت منه شي بس يعني حسيت الله زرع في قلبي حبه بدون أي شي منه دلال"والله تكسرين الخاطر يابشور بس يارب حل هالشي بينهم": انزين شنو خاطرج تسمين عيالج بشاير:خليني آعرس عقب باسميهم دلال:انزين قولي بشاير:جوفي آنه آبي 4 بنات وصبي دلال:بس باقول حق اخوي يطلقج 5 شنو 5 بيتنه مايزي نسيتي عيالي وعيال احمد بشاير:جب سمعي آبي البنات آسميهم لين وليان و ورد وجوري والصبي يسميه محمد دلال:جوري سمعناه امه ذلين اسامي غريبة بشاير:مشكلتج عاد ذي انزين وانتي دلال:الصراحة آنه عشان خاطر حسين اتفقنه انه نسمي البنية على اسم امه والصبي على اسم ابوه بشاير:يعني علي ونورة دلال: يس يس بشاير:جيد جيد طبعن كل هالحجي ومحمد واقف لان باب حجرة دلال مفتوح شوي,,,, وصل البيت وكان سيدة بيدرعم بس يوم سمع دلال تسأل بشرى هالسؤال ووقف وقال في نفسه "آآآخ يابشاير سامحيني بس إن شاء الله باعوضج وبنييب 7 بنات مب 4 بعد ,,يارب قدرني آنهي الي بيني وبين منيرة يارب" وقرر انه يروح يريح وعقبهه بتصل في منيرة ويقول لهه عن كل شي والبنات ضلوا سوالف واكل في هالتايم اوت وكل دقيقة يتصل حسين ويتغزل بدلال وبشاير تتحسر بس تحاول انه تخلي الوضع طبيعي الجزء السادس عشر عقب ماقعد محمد وصلى المغرب ,,قرر انه يتصل وينهي كل شي مع منيرة ... محمد:سلام منيرة:هلا حبيبي وعليكم السلام محمد:منيرة سمعيني لي الآخر بليز ولتقاطعيني منيرة:ويي بسم الله شصاير شفيك محمد:منيرة آنه وايد سويت اشية عشانج وايد عصيت هلي عشانج آنه مانكر اني حبيتج ومت فيج وحسيت اني ماقدر آعيش بدونج بس الحين لي هني وبس آنه خلاص سويت كل الي علي وظلمت بشاير وايد بس في النهاية آنه ماباقدر اخذج مايصير آخذج وآنه متزوج ولا غصبن عن هلي مايصير ,,, ماقدر آسوي شي بدون رضه علي جذي الله مابيبارك لنه في هالزواج وانتي بنية صغيرة والطريج جدامج فمن اليوم ورايح انسيني خلاص منيرة:ننعم نعم نعم من صجك محمد مب انت الي قلت ماعيش بدونج والله ولو شنو ماخليج ومايفرقنه إلا القبر محمد:امبله قلت ومانكر اني قلت بس تعرفين ظروفي وخلاص إن شاء الله بيييج واحد احسن مني خلاص انسيني وخلني آعيش حياتي مع الي ظلمتهه من مدة طويلة واهيه ساكتة وصابرة منيرة:محمد انت شتقول ظلمتهه بس انت ملكي مب ملكهه محمد:خلاص منيرة لتقصين على روحج انتي تدرين شكثر تميت آحاول ويه بيتنه صح خلاص منيرة حست انه خلاص ماميش مفر محمد تبدل معاهه قالت معلي بانهي الي بيني وبينك لكن جوف شبتحصل مني بالمقابل يا ولد فاطمة وانتي بتجوفين يا بشرو يابنت ابليس منيرة:اوكي الله يهنيك معاهه محمد:مشكورة يلا مع السلامة منيرة:يسلمك صك محمد الخط وحس انه مرتاح" باجر إن شاء الله باعزم بشور على مطعم حلو وبنفكر بترتيبات الزواج والاثاث ,,, محمد بانيين له من زمان شقة يم شقة احمد اخوه في الطابق الثالث وبس ناقصهه صبغ واثاث ويبي بشاير اهيه الي تختار.. امه منيرة قاعدة تخطط شتسوي حتى لو هدته مايصير تهده بدون ماتضره واخيرن توصلت حق بلوة تسويهه . اتوقعون شبتسوي ,,بتخليهم في حالهم ولا بتدمر الي بينهم اكثر على الساعة 9 الليل نزل احمد من شقته بسرعة واهوه يصارخ احمد:يمه يمه طلعوا البنات خايفين ووراهم محمد محمد ودلال وبشاير:شصااير أحمد:وين امي محمد:شفيك أحمد:هنادي مادري شفيهه مرة وحدة طاحت علي واهيه اتألم كلش الظهر كان مافيهه شي وعادي دلال:يمكن بتولد أحمد:شتولد توهه في السابع دلال:انزين يصير مادري بسرعة لبسهه أي شي ودهه الدختر وبنلحقك احمد:اوكي ويوسف دلال:خله مع الخدامة بتحمل فيه محمد:يلا احنه في السيارة ننطر دلال:وآنه باتصل في امي باخبرهه محمد:دلال روحي مع محمد في السيارة وآنه وبشاير بنلحقكم بعد مانزل أحمد هنادي واهيه تتألم ركبو كلهم السيارة في سيارة احمد هنادي:بسرعة احمد الحق علي قبل ماموت احمد:حبيبتي شفيج الحين بنوصل اسم الله عليج يعل يومي قبل يونج ودلال تصيح ماتدري ليش هنادي معورة قلبهه اول مرة تجوفهه هلون هنادي:اتصل في امي وابوي خل اييوووني بسرعة احمد:حياتي اتصلت انتي بس هدي هكانه جريب والله جريب في السيارة عند محمد وبشاير محمد: بشاير شفيج هدي هنادي مافيهه إلا العافية بس الحمل تعبهه بشاير: آدري بس تعور القلب وايد وتوهه ماكملت التاسع محمد:لتخافين مافيهه إلا الخير إن شا ءالله بعد ماوصلوا الدختر ودخلوا هنادي بسرعة غرفة العمليات لان بتولد ولادة مبكرة عندهه مشكلة في الرحم والطفل فيه ضيق تنفق ولازم يتلاحقونه الكل كان حاضر يتريه هنادي أحمد زوجهه وامه وابوه ومحمد وبشاير ودلال وام وابو هنادي واختهه بعد ساعات من الانتظار ولدت هنادي طلعت الممرضة من غرفة العمليات االممرضة:مبروك ماياكم احمد :ها بشرينه الله يخليج الممرضة :مبروك ياتكم بنت اتينن احمد:اهم شي اهيه سليمة ومرتي مافيهه شي الممرضة :الحمدلله البنت سليمة بس الدكتورة تبيك ضروري في حجرتهه الكل خاف شتبي الدكتورة يعني احمد :اوكي آتطمن على مرتي وآروح لهه الكل بارك حق احمد وتوجه على بيتنه عقب ماتطمن على هنادي إلا امهه واختهه احمد راح حق الدكتورة وجافهه شتبي احمد:السلام عليكم الدكتورة:وعليكم السلام احمد:ها دكتورة شصاير مرتي فيهه شي الدكتورة:الصراحة وبدون أي مقدمات مرتك الحين سليمة ومافيهه شي والبنت بعد سليمة بس الصراحة مابتقدر تحمل مرة ثانية أحمد:شنووووو الدكتورة:مرتك عندهه مشكلة في الرحم واضطرينه نستأصل الرحم وآنه على حد علمي عندكم ولد من قبل يعني خير ونعمة ويمكن صلاح لكم احمد:بس الدكتورة :مب انت تهمك سلامة مرتك خلاص مرتك الحين مافيهه أي شي بس تعب بسيط ماعقب الولادة أحمد :الحمدلله على كل حال وكلامج عين الصواب وطلع احمد وحمد ربه دام مرته وبنته مافيهم شي و2 نعمة من ربه اوادم ماعندهم حتى 1 وقرروا يسمون البنت جنى . وعقب مارخصوهه من الدختر راحت حق امهه عشان اتنفسهه صج انه ام احمد مابتقصر بس هالشي دارج في مجتمعنه الام تنفس بنتهه 40 يوم ,, وكان احمد لاصق فيهه وماخبرهه بسالفة استئصال الرحم لان نفسية المرة اتغير ماعقب الولادة فماكان يبي يضرهه . الجزء السابع عشر بعد ماخلصوا من ربشة ولادة هنادي قرر محمد انه خلاص يفاتح بشاير في موضوع الزواج فمثل ماقلت لكم كان مقرر انه يعزمهه في مكان حلو عشان يتحجون على راحتهم اليوم الاحد الساعة 9 الصبح تحديدن جامعة البحرين دلال وبشاير ومروة ويسرى قاعدين في الفود كورت يسولفون سوالف عادية فجأة رن تلفون بشاير بشاير:من ذي رقم غريب ماشتهي آرد دلال :ردي شوراج عبالج يعني بيغازلونج من زينج بشاير:هههههههه بايخة ,,اصلا باقوم عندي محاضرة يسرى:لتحضرين عادي مروة:إي صح بشاير:حلفوا بس يسرى ومروة :والله بشاير:يلا يلا سلام سي يو تالي وقامت بشاير وتلفونهه ماسكت وتقول يلا مادري يمكن احد يبيني ضروري وردت ...:السلام بشاير:وعليكم السلام من معاي ...:الحين بتعرفين من معاج بشاير خافت :خير اختي في شي انتي تعرفيني ....:إي آعرفج حق المعرفة وآعرف ريلج الي يخونج بشاير:نعم اختي حسني الفاظج طبعا عرفتوا من هالسوسة هذي منيرة وبتسوي بس شي بسيط عشان تهدم الي بين محمد وبشاير منيرة :إي قاعدة آقولج الصج ريلج الي اهوه محمد يحبني ويموت فيني وماخذج غصبن عنه لان بيتهم مب راضيين فيني آنه بس كنت آبي آوعيج انه الي بتعيشين وياه مايبيج اوكي بشاير:انتي إنسانة خرابة بيوت وشكلج محترة منيرة :هههههههههههههههههههههههههههه >>ضحكة وقاحة ,,, شنو مب مصدقة انتي تبين آثبت لج تره عندي وايد اثباتات مسجات صور هدايا الي تبين حبيبتي بشاير:انتي شتبين الحين منيرة:آبيج تعرفين انه الي مكتوب ابأسمج انه ريلج ,,, مايحبج ولا يبيج ومغصوب فيج ولا عمره بيحبج بشاير:انزين آبي آجوف الاشية الي عندج معنه آدري انه كل الي تقولينه شلخ منيرة:وييي فديتج ماطلبتي شي بشاير:الحين آبي آجوف كل شي منيرة:بس انتي عندج جامعة لا بشاير:"بطلت عينهه شلون تعرفني ذي" :معلي عادي وحددت لهه مكان ووكت عشان تراويهه كل شي . عند محمد في الشغل محمد"يلا الحين خططت حق كل شي شريت الهدية وكل شي بس باقي آتصل لهه عشان آحدد موعد بس الحين جنه عندهه محاضرة بانطر شوي باتصل لهه عقب ساعتين جود تكون فاضية ,,, يارب قدرني آسعدهه وإن شاء الله باحبهه " بشاير راحت طيران على المكان الي حددته منيرة واول مادشت تمت تدورهه وقامت منيرة اشرت لهه عشان اتيي بشاير:السلام يلا راويني منيرة:شفيج حبيبتي هدي هدي خل نقعد ونشرب شي ع الاقل بشاير:الشيخة كلش مب حزتج منيرة:هههههههههههههه الشيخة ,, حبيبتي اسمي منيرة بشاير:اوكي والنعم بس يلا ماعندي وكت وقعدت منيرة وراوتهه كل مسجات الغرام الي يطرشهم لهه محمد وبشاير من التوتر حتى ماجافت تاريخهم اهمه من زمان من قبل ليحسن علاقته ابشاير ,, وراوتهه الهدايا والصور ,, كانت وايد تصور مع محمد وزيدت حتى حجي من عندهه انه محمد يكرهه وعمره ماحبهه بشاير انهارت وطلبت من منيرة انه تاخذ كل شي من عندهه عشان لين واجهتهه تعرف تتصرف وراحت على طول سيارتهه واهيه تصيح بدون شعور وعلى طول راحت له البنك وويوم وصلت مشت دموعهه عشان محد يجوفهم وحاولت تبان طبيعية وطقت عليه باب المكتب محمد:تفضل دشت بشاير ومحمد سيدة فز لهه وعلى ويهه احلى ابتسامة بس اول مرة يجوف ويهه هلون حمر وجنهه معصبة بشاير على طول مانطقت وسيدة قطت عليه الصور وكل شي محمد بطل عينه وعرف كل شي بشاير:الحين جاوبت بروحي على كل تساؤلاتي ,,ريال مايقول حق خطبيته آحبج ريال مايجيس خطيبته ريال مايحب يقعد ويه خطيبته وآنه الغبية آقول انه يستحي غبية والله عبية وبدت تصيح الحين عرفت انك احقر انسان في الدنيا حقير والله حقير آكرهك آكرهك عفست حياتي ومحمد واقف ومب عارف شيسوي بشاير:ارجوك طلقني بسرعة مابيك آبي آنساك وروح تهنه بمنيرة مالتك طلقني طلقني جرب منهه محمد وكان يبي يضمهه ويسكتهه قامت بشاير على طول لا إرادي تطقه على سدره واهوه مب قادر يسوي شي ,,, محمد"طقيني ذبحيني بس ماباخليج " بشاير :هدني لتجرب مني ابتعد ابتعد هالاشية كنت محتاجتهه قبل الحين بس آبي فراقك عني ,,, آبيك تطلقني بأجرب وكت , واهيه طالعة راح لحقهه محمد محمد:بشاير لا لا ماباخليج تسوقين وانتي هلون حالتج الله يخليج قعدي وبافهمج كل شي بشاير:روح عني روح ماتفهم رووووووووح محمد:انتي الي فهمي الي تبينه باسويه بس هدي الحين وآنه باوصلج بيتكم قامت بشاير تطالعه ومرة وحدة لا إرادين عطته كف حسته طالع من قلبهه محمد انصدم بس عذرهه محمد:طقيني ذبحيني بس لتروحين وانتي جذي بشاير:لو سمحت قوم عني وسيدة مشت حاول يلحقهه محمد بس مايبي يسوي مشاكل في الشغل وعلى طول مشت دشت بشاير بيتهم وحاولت تهدي روحهه وعلى طول ركبت حجرتهه وطرشت حق امهه مسج انهه تعبانة وتبي ترقد فردت من الجامعة من وكت عشان انهه مااتييهه الحجرة وهلون قفلت باب حجرتهه وراحت قعدت على سريرهه وحطت راسهه على ركبهه ودشت في نوبة صياح متواصلة يمكن 3 ساعات وعقبهه استسلمت للنوم محمد مب عارف شيسوي قرر انه يربي منيرة اول شي وعقبهه يجوف بشاير "يارب ساعدني يارب بشاير تبي تفارقني صج هذي الي كنت آبيه بس لا لا مايصير آبتعد عنهه" عقب يومين دلال ومروة عرفوا بكل شي ... ام احمد وايد كانت تسأل عن بشاير ومحمد كان يقولهه انهه عندهه هالايام وايد كوزات فتدرس وآنه يمرهه بيتهم شوية وبشاير كانت تقول حق امهه انه محمدطلع عنده سفرة ضرورية حق الشغل وماقدر إيي يسلم عليهم ,,, ام حمد حست انه بشاير فيهه شي ويهه تعبان وقامت ما تاكل محمد عيز واهوه يتصل فيهه ماكانت ترد علي وطرش لهه وايد مسجات وبعد ماردت عليه خاف يروح لهه البيت وتصارخ والكل يدري عن الي صاير تفكير محمد وقف مب عارف شيسوي حس انه كل شي اخترب ,,, صار له مفارقهه اسبوعين ,,, في هالاسبوعين بده يحس بقيمة بشاير محمد"وحشتني كل شي فيهه وحشني .. ابتسامتهه خجلهه نظراتهه عيونهه ..محمد من لسانهه ,, لمسة يدهه كل شي كل شي ,,, يوم ابتعدت عني بديت آحبهه ,,, كله مني الغلط مني " بشاير:"آكرهه آكرهه دمرني دمرني بس ليش آحس انه وحشني ,, وحشني طل خل تفيده ام حمار ,, خل يطلقني وآرتاح " وتمت تحرك الدبلة الي في صبعهه ومرة وحدة فصختهه وقطتهه ع الارض وبدت تصيح من قلبهه وقررت انهه تطرش حق محمد مسج تقوله عن الطلاق كتبت في المسج "لو سمحت طلقني بأقرب فرصة آبي آرتاح منك آبي آجوف حياتي " محمد كان قاعد في حجرته ويتذكر بشاير ولحسن حظه انه عنده صورهه مال ملجة دلال نستهم في حجرة دلال ودلال عطتهم محمد عشان يوصلهم لهه بس اهوه نساهم عنده ومن ابتعدت عنه بشاير كان كل يوم يطالعهم وقطع عليه حبل افكاره صوت المسج بطل المسج وقراه ,,, حسه سجين في قلبه ,, بس ماقدر يلومهه الي جافته منه مب شوية وقرر انه خلاص يروح لهه بيتهم والي يصير يصير واهوه طالع من الحجرة جاف دلال دلال:محمد وين رايح محمد:مايخصج دلال:حمدلله والشكر اشهلأسلوب محمد:سكتي لا آطلع العفاريت الي في راسي عليج دلال:الله لايبيلنه .. ودشت حجرتهه دلال"شنو يعني محمد يحب بشاير من صارت سالفتهم واهوه كله متضايق ومعصب ومايتحاجه مايندره والله ,, عاد يحبهه مايحبهه بشاير مستحيل تكمل معاه الي لاقته مب شوية حتى ماعاشت فترة خطوبة حالهه حال الاوادم وآتمنى تواصل منكم Quote Link to comment Share on other sites More sharing options...
مينونة ومخرفة ومخرخشة Posted نوفمبر 17, 2009 Report Share Posted نوفمبر 17, 2009 (edited) وعليه بشاير عورت قلبي .. بس لازم تعطي محمد فرصه يشرح لها .. منيره حدها حماره ليش تسوي جذي صج حقيره .. ابيج تموتينها .. يعطيج العافيه .. تسلمين ع البارت .. Edited نوفمبر 17, 2009 by مينونة ومخرفة ومخرخشة Quote Link to comment Share on other sites More sharing options...
bnt_elba7rain Posted نوفمبر 22, 2009 Report Share Posted نوفمبر 22, 2009 تبين القصه واايد حلوه .. بنتظار الأجزاء اليايه .. لاتتأخرين علينا يعطيج العافيه Quote Link to comment Share on other sites More sharing options...
راسرمانية نحيسة Posted نوفمبر 23, 2009 Report Share Posted نوفمبر 23, 2009 نتنضر البارت االجديد القصه حدها حلوةة لا تطولين Quote Link to comment Share on other sites More sharing options...
حلوه اموره Posted نوفمبر 24, 2009 Report Share Posted نوفمبر 24, 2009 حده اكشن البااارت تسلم يدج وننتظر البارت الياي Quote Link to comment Share on other sites More sharing options...
roooosa Posted نوفمبر 25, 2009 Report Share Posted نوفمبر 25, 2009 khalsooooooooooooooha naby nqarha wayeeeeeeeeed helwa Quote Link to comment Share on other sites More sharing options...
غلاي قطر Posted نوفمبر 26, 2009 Report Share Posted نوفمبر 26, 2009 واااااااو رووووعه القصه يعطيييج العاافيه فديتج كمليهاااا مسكينه بشاير كاسرة خاطر ماتستاهل اللي صار لهاا وزين محمد عرف حقيقه منيرة اللي ماتستحي حقيرة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.