المحــــــ روح ــــــرق Posted نوفمبر 27, 2009 Author Report Share Posted نوفمبر 27, 2009 سوري سوري سوري جدن ع التأخير بس الظروف كانت ضدي وسامحوني فديتكم الجزء الثامن عشر في بيت هنادي احمد كان قاعد مع هنادي وحاط جنى في حضنه ويوسف يمه يطالع جنى ويحبب فيهه منظرهم كان وايد حلو هنادي :احمد إلا شخبار بشاير ومحمد احمد:والله شااقولج حبيبتي ,, وقالهه السالفة كامل هنادي :من صجك وليش ماقلت لي احمد:تبيني آعكر مزاجج وآضايقج وانتي توج والد هنادي:معلي بس لازم آعرف هنادي:والحين بيطلقهه أحمد:اهيه طالبة الطلاق ومصرة عليه هنادي:الصراحة من حقهه لو آنه يصيدني هالشي جان آخبر الكل مب آسكت وآطلب الطلاق بس احمد:مادري والله محمد يستاهل يامه نصحته بس يكسر الخاطر صار ماياكل ولا يشرب وهلي بدوا يحسون هنادي:يعني قصدك يحبهه احمد:مادري بس يمكن يوم فارقهه حس بقيمتهه هنادي:الله يصلح الاحوال بينهم والله بشور حبوبة ماتستاهل أحمد:آمييين ويخليج لي إن شاء الله عقب ماوصل محمد بيت بو حمد نزل وطق الجرس ياته الخدامة وقالت له انه ام حمد وبو حمد محد وحمد راقد وحسن طالع وبشاير في حجرتهه على طول ركب عشان يروح حجرة بشاير دام البيت شبه خالي بشاير كانت تحاجي مروة بشايرواهيه تصيح :بس بس مادري متى بيطلقني عذبني لتهني سود عيشتي مروة:خلاص هدي وإن شاء الله خير بشاير:إي خير الله يهداج لحظة مادري من يبيني باكلمج عقب مروة :اوكي باي بشاير :من محمد:آنه محمد بشاير:نعم محمد:بشاير بطلي الباب باحاجيج بشاير:تدري انه لو يييت مابابطل لك الباب بليز روح محمد:تبيني آصرخ ويقعد حمد ويسمعج ويدري بكل شي بشاير:تهدد تهدد قلت لك مابابطل محمد:بشاير قلت لج بطلي الباب بالطيب بشاير:قامت بطلت الباب محمد جاف حالتهه انصدم ويهه تعبان من قلب ولابسة ثياب يمكن ماجافتهم وشعرهه مبهدل ويمكن من اسبوع مانسلته محمد :بشاير شفيج مريضة بشاير:ليش يهمك المهم مايخصك محمد:بشاير الله يخليج قعدي سمعيني بشاير بليز الله يخليج عقب ماتسمعيني باسوي لج الي تبين بس سمعيني بشاير:مابي آسمعك مابي مابي ... وغمضت عينهه.. حتى عيوني مابيهه تجوفك روح روح فكني اطلع من حياتي اطلع محمد راح يمهه يبي يهديهه حس انهه فقدت اعصابهه بما فيه الكفاية محمد:بشاير الله يخليج تعالي قعدي وباشرج لج كل شي سمعيني شوي هدي الله يخليج هدي بشاير: تبيني آهدي اطلع الحين من حجرتي واطلع من حياتي بليز مابي شي مابي آفهم شي خلاص الي تبيه صار منيرة بتصير لك وآنه باطلع من حياتك فمابي شي اكثر من انك تطلقني وتخليني آروح في حالي والله مابي والله محمد:انزين بس سمعي السالفة بشايرفجأة واهيه تصارخ :مابي آسمع شي اطللللللللللع اطللللللللللع محمد خاف انه يصيدهه شي وقرر انه يروح وإييهه ان هدت محمد:اوكي الي تامرين فيه باطلع بس ماقدر آخليج قبل ماتسمعيني ولتسوين جذي بشاير آخاف يصيدج شي بشاير :ههههههههههههههههههههههههههههههه تخاف صح تخاف محمد:بشاير خلاص خلاص هذاني طالع مع السلامة بشاير: روح ريحني روح طلع محمد وراحت بشاير تكورت في زواية وبدت تصيح ومب عارفة شتسوي,,,, بشاير" محمد دام يبي منيرة ليش يبيني آسمعه يخاف من حوبتي يعني ليش آحس اني آحبه بس حتى لو حبيته مابيه خل يطلع من حياتي خل يطلع تعبت والله تعبت ,, كرهت الرياييل كرهتهم صج مامنهم أمان ... الجزء التاسع عشر محمد واهوه في السيارة "ياربي ياحبيبي دبرني شاسوي مب عارف شاسوي بشاير مستحيل تسمعني مستحيل ,,لازم آخلي دلال تقول لهه كل شي رجع محمد البيت وراح يجوف دلال وماحصلهه فأتصل فيهه محمد:دلال وينج انتي دلال:الناس يسلمون قبل محمد:دلال بليز مالي خلقج في وين انتي ومتى بتردين دلال:آنه ويه حسين في تياترو وبنرد مادري متى يعني محمد:"يابختكم والله":انزين آبيج ضروري ضروري اول ماتردين تعالي لي الحجرة دلال:شصاير محمد:لين ييتي تعرفين دلال:اوكي محمد:يلا باي دلال:باي حسين :شفيه محمد دلال:يقول يبيني في موضوع ضروري حسين:اكيد عن بشاير دلال:اكيد حسين:خلاص صار الي يبيه شيبي بعد محمد دلال:حسين حبيبي تستهبل ,, من صارت هالسالفة ومحمد شبه يان لا ياكل ولايرقد ويحاول يخلي امي تجوفه لان بتحس حسين:يعني يحبهه دلال:مادري والله بس اهوه يكسر خاطري آحسه يبيهه يمه مايبي يفارقهه من عقب الي سوته منور الجلبة ,, بس صراحة مالومهه الي صادهه مب شوية فترة خطوبة ماعاشتهه حالهه حال الناس حسين:وانتي عشتي فترة خطوبة حلوة لا دلال:هههههههههههه اشهلسؤال حسين:حبيبتي قولي دلال:إيي عشت احلى فترة خطوبة بعد حسين:يعني مرتاحة وياي دلال:وايد وايد بعد حسين:يعني تحبيني دلال:فديت سؤال الاستهبال آنه ,, وآموت فيك بعد يا أغلى من روحي حسين:فديتج آنه والله محمد قاعد في حجرته وموصل حق اقصى مراحل اليأس خلاص مابيده شي ,,,"الحين حسيت بقميتج يابشاير والله آموت فيج والله ,, جان الزمن يرد حق وره شوي ,, جان آخليج تعيشين احلى عيشة ,,, يارب ساعدني يارب عند مروة ,,,, مروة كانت تحاجي علي مروة:والله كاسرة خاطري مب عارفة شاسوي لهه صرت ماسمع صوتهه واهيه تتحجه ماسمعهه إلا واهيه تصيح علي:يمكن هذي لان ماتحبني فحوبتي صادهه هلون مروة واهيه معصبة :علي اشهلحجي بدال لا تخفف علي تقول هالحجي علي:مب قصدي مروة حبيبتي بس مروة :اوكي علي آحاجيك وكت ثاني حده مزاجي مب حلو وكفاية انك عكرته زود علي:سوري حبيبتي مب قصدي والله مروة:اوكي خلاص لا يلا مع السلامة علي:انزين تحملي بروحج بعدين باحاجيج وسوري حياتي مروة:اوكي وانت بعد يلا باي بعد مارجعت دلال راحت سيدة حجرة محمد وطقت الباب ودشت دلال:ها محمد شصاير محمد:دلال آبيج تساعديني آبيج باجر من تروحين الجامعة تقولين حق بشاير عن كل شي آبيهه تفهم آبيهه تعرف آنه آحبهه آموت فيهه خل تفهم الله يخليج دلال خل تفهم انه مابيني وبين منيرة شي الحين دلال انصدمت من وضع اخوهه اول مرة تحس انه ضعيف ومب قادر يسوي شي وحاولت تهديه في حجرة بشاير ... بشاير كانت حاطة صورة محمد على سريرهه ومبطلة لاب توبهه على اغاني محمد يحب يسمعهه وكانت تصيح ,,,, بشاير"يعني آنه صج آحبه يعني الي فيني منه شسويت فيني يا محمد على الي سويته فيني مب قادرة آفارقك مب قادرة آبتعد عنك آبيك يمي محتاجة لك يا محمد محتاجة لك ,,, بس لا مب اهوه يحبهه خلاص خل يروح لهه ويطلقني وخل آعيش حياتي مرتاحة ,,, مستحيل بعد آربتط بأي صبي آعيش بروحي وايد أحسن لي .... وبعدهه استسلمت للنوم في اليوم الثاني ..... صاح المنبه وقعد بشاير من رقادهه وقامت بسرعة لبست عشان تروح الجامعة من وكت عشان تقابل دلال نفس ماطلبت امه محمد قام وكله أمل انه اليوم بشاير بتفهم شلون اهوه يحبهه ومابتخليه بروحهه وبتنسه سالفة الطلاق ودلال حطت في بالهه انه اليوم تصالح بين بشاير ومحمد عشان كل شي يرجع طبيعي واحسن من قبل ... بعد ماوصلت بشاير الجامعة اتصلت في دلال وراحت لهه ,,, قعدوا بشاير ودلال ودلال اهيه الي بدت تتحجه دلال:بشاير تدرين آنه في شنو باحاجيج فندش في الموضوع على طول احسن بشاير:إي آدري والصراحة مابيج اتعبين روحج لان آدري شنو النتيجة خلاص الي آبيه الطلاق دلال:يعني انتي ماتحبين محمد بشاير: شاقولج دلال آنه ماكرهه على الي سواه فيني بس دلال:لا بس ولا شنو سمعيني وبدت دلال تقول حق بشاير كل شي انه محمد كان يحب منيرة وهله مب راضيين فيهه وقبل فترة بدت يتركهه عشان بشاير والسالفة بالضبط بشايرحست انه محمد غلطان لان عرس عليهه بدون مايقطع علاقته بمنيرة بس اهيه تدري انه ماتقدر على فراقه ودام حاول عشانهه لازم تعطيه فرصة حزة ماكانت دلال تحاجي بشاير عن موضوع محمد كان محمد في السيارة رايح الشغل وكام يسوق على مهله وكله امل انه بشاير بترجع ومابتصير حق غيره فجأة طلعت على محمد شاحنة ومايحتاي آقول لكم الباقي اسعاف وحالة و..... محمد تحت رحمة ربه اتوقعون شراح يصير بعدين ...محمد بيعيش او لا .... شنو حال بشاير وشنو حال اهل محمد ... نظروني .... Quote Link to comment Share on other sites More sharing options...
حلوه اموره Posted نوفمبر 28, 2009 Report Share Posted نوفمبر 28, 2009 مشكوووره حبيبتي ع البارت واايد عجيب والبارت الياي اكييد في صيااح!!! Quote Link to comment Share on other sites More sharing options...
المحــــــ روح ــــــرق Posted نوفمبر 28, 2009 Author Report Share Posted نوفمبر 28, 2009 تسلمين فديتج ع المتابعة الجزء العشرون خلاص بشاير قررت انهه تحاجي محمد وتجوف علاقته وياهه شلون بتصير ووعدت دلال بهلشي وفي هاللحظة حست انهه مشتاقة له وبسرعة تبي تطير وتطير حق حضنه فجأة رن تلفون دلال ... دلال:حسين متصل بشاير:ردي انزين وحسين غريبة يعني كل دقيقة حسين يتصل دلال:جب ,,,,,هلا حبيبي حسين:دلال لحقي بسرعة دلال:شصاااااااااااير ؟؟ هني بشاير حست انه في شي دلال:محمد سوه حادث وحالته خطرة كلش يموت يعيش مادري مادري وتوهم ناقلينه المستشفى دلال:شنوو محمد محمد اخوي لا لا لتقول جذي انت تقص علي بشايرواهيه تصارخ بدون شعور :شفيه محمد شفيه ودلال صكت الخط بدون ما تنتبه وبسرعة طارت الدختر وبشاير تمشي وراهه وعيونهه غرقانة دموع وماتدري شسالفة وصلو الدختر إلا الكل هناك ام احمد وابوه واحمد وخالاته وعماته وبشاير تجوف الوضع وتحس انه الي قاعد يصير حلم ,,, سمعت انه محمد حالته خطرة كلش ومايقدرون يسوون له أي عملية جسمه مايتقبل بعني بيظل تحت رحمة ربه والاجهزة مابتفارقه لمدة مايدرون شكثر فجأة وبدون شعور بشاير تمت تصارخ بشاير:محمد لا لا محمد مافيه شي محمد يحبني يبيني مابيموت آنه آبيه نبي نعيش في بيت والله صدقوني يحبني ومايقدر يفارقني , وواصلت هالحجي وجنهه تهلوس وراحت لهه عمة محمد وبدت تهديهه وطاف اليوم والكل منهار وبشاير مارضت ترد البيت وكانت واقفة تراقبه من وره الجزاز وبدت تصيح بشاير: محمد حبيبي يلا قوم الله يخليك آنه سامحتك والله مابي آتطلق منك بس قوم آبيك تقوم لتخليني بروحي باسوي لك الي تبي بس لتهدني ماقدر آعيش بدونك ماقدر طاف اسبوع وحال محمد ماتغير امه شبه منهارة سكرهه ارتفقع وصارت ماتقدر اتحجه وايد بشايركل يوم تروح على امل انه باجر بيقعد ومابيخليهه وتركت الجامعة شوي لان مب قادرة تركز في شي غير محمد دلال وحسين واحمد نفس الشي بعد اسبوعين من حال محمد الي ماتغير وتحدين في الدختر كانت بشاير بروحهه ويه محمد فراحت حق الممرضة وطلبت منهه انه تدش شوية وانهه مابتطول الممرضة اول شي رفضت وعقب إصرار بشاير على انهه دشت خلتهه تدش بس بشرط انه ماتتحجه عشان ماتأذي المريض بعدهه دشت بشاير حجرة محمد وكان حال محمد يعور القلب عليه وايد اجهزة ومن جافته بدت دموعهه تنزل بس حاولت تتماسك وراحت قعدة يمه ويودت يده بقوة وماكان ودهه انه تشيل يدهه عن يده وبدت تحاجيه على امل انه يسمعهه بشايرواهيه تصيح :محمد حبيبي حياتي وقلبي وروحي انت قوم الله يخليك قوم آنه آبيك تقعد يمي خلاص شلت فكرة الطلاق من بالي اصلا ماقدر آعيش بدونك والله يلا عاد عشان خاطري قوم حبيبي انت باسوي لك الي تبي بس قوم الله يخليك قوم ,, يلا بطل عيونك جوفني آنه كل يوم آييك هني وآقول محمد مابيخليني بروحي بيقوم وبنعرس وبنسوي حفلة عودة وحلوة وعقبهه بنروح إيطاليا آنه خاطري آروح إيطاليا وياك الله يخليك قوم عشان توديني ,, محمد محمد آنه آبي آييب 3 بنات وصبي منك انت يكونون عيالنه انت بعد تبي صح ,, يلا لا "واهيه تهزه بدون شعور" قوم قوم قوم وعقبهه ياتهه الممرضة وطلعتهه برع واتصلت في اهلهه اييوونهه لانهه كانت شبه منهارة وتموا على هالحال شهر مافي أي تحسن في حالة محمد وماكانت تقدر تفارقه وعلى طول كانت تدش له واتيييب وياهه كل الهدايا الي عطاهه إياهم محمد عشان تبين له انهه تحبه ومانسته وتقعد وتحاجيه لانهه تحس انه يسمعهه بعد شهر الكل كان متيمع عند حجرة محمد وطلع لهم الدكتور وبشرهم انه محمد بده يصحى بس الحين مابيقدر يتحجه وانه يقدرون يدشون له الكل ركض له ودش والكل كان مستانس لكن بشاير كانت خايفة انهه تدش صج انهه كانت تنتظر هالشي من زمان لكن يوم صار هالشي خافت وبدت تمشي بعيد عن غرفته ,,حست بشعور انهه ماتبي تجوفه وتبي تجوفه في حجرة محمد الكل كان حوله واهوه ساكت وعيونه تدور بشاير دلال فهمت الي يبيه وطلعت من حجرة محمد عشان محد يسمعهه واتصلت حق بشاير سيدة دلال:بشور وويعة وينج بشاير:آنه في باركات الدختر ليش شصاير دلال:اشهلسؤال محمد يدورج تعالي بسرعة بشاير:يدورني شفيه من صجج محمد يدورني آنه دلال:بشور لتبطين جبدي تعالي بسرعة بشاير: لا بس محمد مايحبني دلال:بشاير والله باعصب عليج مب هذي ال تنطرينه من شهر خلاص تعالي إي والله مايحبني بشاير:انزين هكاني وبعدهه بدت بشاير تمشي متوجهة حق حجرة محمد واهيه خايفة ماتدري ليش خايفة تواجهه وفي هاللحظة تذكرت كل لحظة عاشته مع محمد اول ماخطبهه ويوم الملجة شلون كان مايطالعهه وشلون يوم بده يحسن علاقته وياهه وشلون دشت منيرة في حياتهه وكل شي .. وصلت باب الحجرة ودشت محمد طالعهه بنظرة انه محتاج لهه يبيهه تقعد يمه واشر لهه انه تقعد يمه وراحت يمه واهوه يحاول يتحجه محمد بصوت تعبان :بشاير شلونج بشاير:تمام وانت محمد:بجوفتج تمام هني حسوا الي في الحجرة انه لازم يطلعون فأطلعو كلهم وخلوا بشاير ومحمد على راحتهم محمد حط يده في يد بشاير ... محمد:بشاير سامحتيني بشاير:محمد مب وكت هالحجي الحين انت ليحين تعبان ولازم ماتحجه وايد محمد:آنه من جفتج راح التعب كله بس قولي سامحتيني بشاير"آيه هذي الي بيذبحني نظرته بس تذبح إلا هالحجي والله وحشني" سامحتك بس بشرط محمد:بدون ماسمع الشرط الي تبينه غصبن عن خشمي باسويه بشاير:قولي انت تحبني محمد:والله آحبج والله آموت فيج بشاير:ومنيرة محمد:منيرة شغلهه عندي لتخافين ...بشاير يعني انتي خلاص مابتخليني بروحي صح بشاير:محمد من صجك تسأل هالسؤال انت تدري شصادني يوم يصير الحادث محمد:يعني تحبيني صح بشاير:محمد عاد محمد:فديت قلبهه الي تستحي آنه وآنه آمموووووت فيج وماعيش بدونج وبنسوي عرس لا صار ولا ستوى وبنروح إيطاليا وبنييب لين وجاسم والي تبين بشاير بطلت عينهه "شدراه عن سالفة إيطاليا" محمد:تره كنت آسمع كل الي تقولينه كنت آدري انج تدشين علي كل يوم وتحاجيني تره صج كنت راقد بس آحس فيج ياقلبي ياروحي انتي بشاير:محمد محمد:عيونه وقلبه انتي بشاير:آحبك محمد:يه وآنه آموت فيج يالعسل ,,, بشاير بشاير:همم محمد:الحين انتي بشورتي مالتي صح بشاير:ههههههههههههههههههه صح الجزء الحادي والعشرين والأخير بعدهه كانت كل يوم بشاير تروح حق محمد الدختر وتقعد وياه مدة طويلة ليما شوي شوي تعافه ويه اليوم الي يطلع فيه من الدختر ... ام أحمد:بشاير يمه مانسيتي شي بشاير:لا خالتي مانسيت شي كل شي حطيته محمد:يلا اوف بسرعة آبي آطلع ام أحمد:اشوله هلون مستعيل هكانه ننطر أحمد يخلص الاجراءات وبنطلع محمد:بشاير تعالي باقولج أم أحمد :وه وه لا حية ولا مستحة جدامي بتساسرهه بشاير ومحمد :ههههههههههههههههههههههههههههههه محمد:لا يمه وين راح فكرج بس باقولهه آحبج ام أحمد :وييي لو آنه استحيت بشاير:وييي خالتي شقصدج هههههههههههههههههههههههههههههههههههه محمد:انزين بشاير لاتييين من بعيد باقولج .... آحببببببج وجان يدش أحمد عليهم احمد :حبتك العافية محمد:بييي حدك مصدق روحك أحمد:قوم قوم بس بشاير:يلا محمد آساعدك محمد:لا لا خلوني عاد بروحي والله اكا آمشي اوكي بس آعري شوي جني شايب بشاير:امش بس خل آساعدك لتسوي روحك بطل محمد:مصرة يعني بشاير:حدي محمد:فديت المصرين آنه بشاير بصوت خفيف :فديت روحك آنه محمد:آيه عليج يلا مشينه بعد اسبوعين من تحسن حالة محمد بدوا يفكرون بتجهيزات العرس بدوا يتشرون اثاث وحجزوا صالة العرس . في يوم الحفلة فرحة بشاير ومحمد ماتنوصف بشاير"واخيرن تحقق حلمي آنه بالبس النفوف الابيض الي آحلم فيه من زمان ولا حصلت الإنسان الي يموت فيني ويحبني امنيتي تحققت الحمدلله لك يارب " محمد"يارب قدرني آسعد بشاير اكثر واكثر الإنسانة الي توقعت آكرهه صرت آحبهه اكثر من أي شي ياناس آحبهه آحبهه " دشوا المعاريس على اغنية مكتوبة بأسمهم "محمد وبشاير" وكانت بشاير مستحية و محمد البسمة مافارقت شفاه وصلوا ع المسرح وبدت المصورة تاخذ صور لهم ماتم صورة ماخذتهه ومحمد عاجبه الوضع المصورة كانت جريئة شوي ومحمد مستانس وصار عرسهم حده فن وقعدوا في فندق يومين وعقبهه اكيد تدرون وين راحوا البلدة الي طلبتهه بشاير بلد العشاق كان احلى شهر عسل بين اثنين راحوا وايد اماكن واستانسوا وايد ,,,,وتحقق حق بشاير اكثر من الي تمنته بعد مرور ثلاث سنوات ..... دلال وحسين تزوجوا ..حسين شغله ماشي على احسن حال ومحله بعد ودلال تخرجت من الجامعة واشتغلت مدرسة مواد تجارية ,,وحالين عندهم علي عمره سنة ونص ودلال حامل في الشهرالخامس ,,, وحياتهم ماشية طبيعية بينهم الحب والاحترام ,,, الله لايغير عليهم هنادي وأحمد ...يوسف كبر وصار في الروضة وجنى صار عمرهه سنتين وطبعن يوسف يغار منهه وايد بس في نفس الوكت مايرضه عليهه وهالشي طبيعي بين أي اخوين ..احمد فاتح هنادي في موضوع الرحم وتضايقت في البداية عقبهه تقبلت امر الله ونعم بالله ,,, وحياتهم مافي احسن منهه مروة وعلي تزوجوا وعلي راح امريكا عشان يكمل دراسته وحصل شغل هناك براتب زين وراحت مروة وياه وحالين عندهم مريم وعمرهه شهرين وحياتهم ماشية طبيعية وثنينهم مب مقصرين على بعض بس لازم يعانون من نار الغربة حمد عقل عقب ماتزوج بنت خالته وهد عنه حركات البنات وغيرهه ومرته حالين توهه حامل وحياتهم ماشية طبيعية امه حسن تخرج من المدرسة ودش الجيش يعني يمشي على خطى اخوه بس ماعنده حركات بنات وخرابيط والله يهديه دوم منيرة نسيتوهه ولا ليحين تذكرونهه !!؟,,, محمد ماسوه لهه شي الزمن اهوه الي سوه ,,, منيرة مريضة بسرطان الثدي وتحت رحمة ربهه يعني نقدر نقول صارت تعيش الايام الاخيرة من حياتهه ,, ام حمد وبو حمد وام أحمد وبو أحمد ,, كبار العايلة حياتهم ماتغيرت نفس ماهيه بس الي صار انه بيتهم انترس يهالوا وكل ماييهم ياهل يديد يستانسون ابطال قصتنه بشاير ومحمد بشاير تحس انه محمد كل شوي يحبهه اكثر ومحمد بعد يحس بهلأحساس حالين عندهم بنوتة اسمهه لين وعمرهه سنتين لين تشبه بشاير بالضبط وجاسم 5 شهور,,,,, ومحمد يبي ينفذ وعده وييبون خمسة يهال بشاير:حبيبي من صجك تبيني آييب خمسة محمد:وليش مب من صجي جوفي شحلوهم اليهال بشاير:آنه كل ماقول حق احد يطنز ويضحك يقولون لي محد الحين إييب هالكثر محمد:واحنه شعلينه من الاوادم اهم شي احنه عاجبنه كيفهم اهمه خل اييبون بس واحد ,,, انزين بشورتي ماعلينه انتي تحبيني بشاير: ويييي محمد كل يوم تسألني هالسؤال محمد:إي كل يوم جاوبيني بشاير:آموت فيك محمد:تدرين بشوورتي ماكنت آتوقع اني باحبج في يوم من الايام كنت حاط في بالي انه الحب مايي عقب الزواج لازم يكون بس قبل بس انتي علمتيني وايد اشية علمتيني انه الحب إييي عقب العشرة وهلون والله آموووت فيج آنه بشاير:فديتك ياقلبي ,,يصير آطلب منك طلب حبيبي محمد:انتي مب تطلبين انتي تامرين بشاير: فديتك والله ,,, واهيه تجرب منه ,,, آبيك تضمني ضمة مابعدهه فراق .... النــــــــــــــــــــــــــــــــــهايــــــــــــــــــــــة مع ضمة فراق آتمنى انه قصتي تكون عجبتكم وآدري انه فيهه وايد اغلاط خبركم اول مرة ومن يه على بالي آكتب قصة سيدة تيبتهه فوايد شسمونه وشسمه واني ماحاولت آفخم في الاحداث يعني اني آسويهه خيالية حبيت انه تكون شي صج نعشيه شي من الواقع الي اهوه الحب عقب الزواج وإن شاء الله آلقاكم مع ورايات يديدة وآتمنى تقولون لي رايكم بصراحة وتقولون لي عن الاغلاط عشان ماكررهه في الرواية الياية وللأمانة بعض الشخصيات حقيقية وبعضهم نوب ..... ونلقاكم على خير ضــــــمة فـــــــراق المحــــــ روح ــــــرق Quote Link to comment Share on other sites More sharing options...
غلاي قطر Posted نوفمبر 29, 2009 Report Share Posted نوفمبر 29, 2009 وااااااو روووووعه حبوبه يعطيييييج الف عااافيه Quote Link to comment Share on other sites More sharing options...
عالمه وفاهمه Posted نوفمبر 29, 2009 Report Share Posted نوفمبر 29, 2009 يسلموواا على القصه الحلوه وننتظرالبارت الياي يعطيج العافيه Quote Link to comment Share on other sites More sharing options...
مينونة ومخرفة ومخرخشة Posted نوفمبر 29, 2009 Report Share Posted نوفمبر 29, 2009 وايد حلوه .. تسلمين حبيبتي .. وناطرين قصة ثانيه منج .. يعطيج الف عافية .. Quote Link to comment Share on other sites More sharing options...
حلوه اموره Posted نوفمبر 29, 2009 Report Share Posted نوفمبر 29, 2009 اعجبتني قصتج وااايد واصراحه بداية حلوه لج وانشاالله انجوف منج الأحلى تحياتي Quote Link to comment Share on other sites More sharing options...
المحــــــ روح ــــــرق Posted ديسمبر 1, 2009 Author Report Share Posted ديسمبر 1, 2009 تسلمون والله ماقصرتوا ع المتابعة آشكركم من كل قلبي غلاي قطر وحلوة وامورة ومينونة مشكورين فديتكم Quote Link to comment Share on other sites More sharing options...
lonely banota Posted ديسمبر 1, 2009 Report Share Posted ديسمبر 1, 2009 taslmeen 3ala 8a9a 9j 3ajeeebaaa i really like it Quote Link to comment Share on other sites More sharing options...
المحــــــ روح ــــــرق Posted ديسمبر 2, 2009 Author Report Share Posted ديسمبر 2, 2009 تسلمين فديتج ع رايج الحلو وماقصرتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.