بسمة تحدي Posted نوفمبر 7, 2009 Report Share Posted نوفمبر 7, 2009 يآآآي قصة حدهآ حلوة شوقتيني أبي البارت بسرعة بليييز محمد يكسر الخاطر ومسكينة بشآير بتتعذب معآه ننتظر التكملة عيني Quote Link to comment Share on other sites More sharing options...
lonely banota Posted نوفمبر 7, 2009 Report Share Posted نوفمبر 7, 2009 7adha faan waiting 4 u Quote Link to comment Share on other sites More sharing options...
مينونة ومخرفة ومخرخشة Posted نوفمبر 8, 2009 Report Share Posted نوفمبر 8, 2009 وينج خيتوو .. نبي البارت فيني فضول اعرف الباقي .. نتظرج حبيبتي .. Quote Link to comment Share on other sites More sharing options...
المحــــــ روح ــــــرق Posted نوفمبر 8, 2009 Author Report Share Posted نوفمبر 8, 2009 فديتكم والله من عيوني الحين بانزل 3 بارتات Quote Link to comment Share on other sites More sharing options...
المحــــــ روح ــــــرق Posted نوفمبر 8, 2009 Author Report Share Posted نوفمبر 8, 2009 نزل محمد حق هله وبشاير وقعد ام احمد:محمد وين راحيت محمد:يمه رحت آبدل وآقولهم اني مب ياي الشغل باجر ام أحمد:إي احسن لك يمه ريح ابتسم محمد حق امه وتموا ساكتين مدة مرة وحدة دلال تحجت دلال:حمود استح على ويهك وقوم طلع مرتك محمد"حسبي الله على بليسج يادلول متى تعرسين ونرتاح انتي الي بتييبين لي المصايب الحين غصبن عنهه امي بتلاحظ فغصبن عني باطلعهه لا تحس امي :يمه ياذبحهه لج تره من صجي طويلة لسان وانسانة حشرية نفس الذبانة كل مكان تتواجد الكل ضحك وبشاير في قلبهه تقول فديتك والله دلال:إذا آنه ذبانة انت شتطلع محمد:إذا قلتي شاطلع تدرين شبيصير دلال:هاا اوكي انزين ماتبي آصب لك جاي محمد:واهوه بيموت من الضحك لان اخته خافت :إي صبي ,,, بشاير عقب صلاة المغرب بنطلع اوكي بشاير:اوكي الي يريحك شوي وإلا تلفونه يصيح محمد:اوهو شيبي حسينو هالحزة دلال من سمعت طاري حسين واهيه بتموت وتقول في نفسهه حسين الي مادري متى بيحس فيني ام احمد:إي والله حسينو لا تغلط عليه هاا اهوه ولدي نفس ما انت ولدي وريال شكبر تقوله حسينو محمد:انزين انزين خل آقوم آرد عليه وقام عنهم ,,, هاا يالغثيث حسين:الحين آنه صرت غثيث محمد:لا من زمان حسين:المهم قولي شنو آخر الاخبار محمد:الوضع مستتب حسين:وليحين ويه مووونيييييييييرا محمد:وليش تقول اسمهه هلون حسين :والله انت ادرى محمد:ماعلي منك وباكون وياهه اليوم وباجر ولي آخر العمر حسين:حمدلله والشكر تدري انك ماتصون النعمة عندك وحدة نفس بشاير وتطالع الي ماتنطرى محمد:شنو ماتنطرى لتغلط ها حسين:آغلط تقول آغلط واهيه اساس الغلط محمد:محمد واهوه يصارخ ,,, حسين يحمار وايد سكت عنك هاااااا حسين:سكت عني الحين بديت تصارخ علي وتغلط عشانهه محمد:انت الي بديت بالغلط ياحسين حسين :لين عقلت وهديت هالانسانة عنك تالي بتعرف من حسين سلام يلي اعتبرتك اجرب انسان لي صك حسين الخط وقلبه معوره على رفيجه ,,, صج الحب عمي بس مب لهدرجة وين عقله يوم يحب هالإنسانة يامه حذرته ومافاد شذنب بشاير الحين,,, بس خلاص كيفه مالي شغل فيه لين تسنع عقب خل يحاجيني امه محمد مانسه سالفة حسين ومب عارف شيسوي قال بيخليه جم يوم ليما يهده الوضع عقب المغرب محمد وبشاير طلعوا مع بعض في السيارة محمد:امممم بشاير وين خاطرج تروحين بشاير:براحتك محمد:مادري تبين مطعم بحر اي شي قولي بشاير:كيفك محمد:اوكي خلاص بنروح شرايج نروح ذي المطعم يمدحونه وايد بشاير:اوكي نزلوا من السيارة وبدوا يتمشون ..بشاير توقعت انه من ينزلون من السيارة محمد بيحط يده في يدهه وبيمشون بس الي صار العكس محمد كان يمشي بعيد عنهه وماكان يحاول يتجرب منهه ويحس انه مب قادر يتقبل انه يمشي وياهه هالشي حز في خاطرهه بس ماعلقت دشوا المطعم وقعدوا وعقب ماطلبو وكل شي محمد ساكت وبشاير بالمثل نقدر نقول بشاير بدت تحس بالوضع معنه ماصار لهه إلا يوم بس مب قاعدة تحس انه محمد ملكهه ,,, ومحمد يطالعهه ويقول في نفسه مافي يعيبج بس سامحيني قلبي مانولد لج قلبي نولد بس حق منيرة وقطع حبل افكارهم تلفون بشاير بشاير في نفسهه ويي يامريوم اكيد الحين بتحرجيني بحجيج ان رديت وردت ع التلفون مريم:هب السعد هبايبه كللللللللللللللللللللوش صباحية مباركة ياعروس بشاير :اوش اوش بالعدال مينونة انتي مريم :آنه مينونة ولا انتي ينناج حب محمد بشاير:مريوم شرب مريم:الحين آنه صرت شرب اوكي المهم ماقلتي لي شخبار العرس بشاير:انتي ادرى مب معرسة قبلي مريم:غبية انتي ؟؟ بشاير :هىء مريم:انزين قولي شسويتي شماسويتي شقالج وهلون يعني بشاير:وه وه وه فراقة انتي ..سمعي بعدين باحاجيج انزين مريم:اشكره محمدج وياج بشاير: إي مريم:انزين آكلمج بعدين بشاير:إي وقولي حق مروة لتتصل وتفشلوني آدري متعاونين علي مريم:وههههههههههههههههههههههههههههههههه ماشاءالله ذكية تره بشاير:تعلموني عنكم مريم:انزين كسرتي خاطري حاسة فيج بنخليج الحين بشاير:اوكي مريم:انزين سلام صكت بشاير الخط ووصل الاكل محمد:يلا سمي بشاير:ابتسمت من غير تعليق محمد:بده ياكل وبشاير تطالع الاكل مستحية ومخهه يفكر شلون خطيبي وماقالي كلمة حلوة شلون خطيبي ومايود يدي نفس باقي المخطوبين ليش مب قاعدة آحس اني مخطوبة وانه انسان ثاني ملكني صج انه يوم مر علينه وصج اني ماجربت هالشي من قبل بس قاعدة آحس انه الوضع مب طبيعي مب قاعدة آحس انه الصبي يبيني ,,,, قاطعهه محمد محمد:بشاير ماتبين تاكلين بشاير:هاا محمد:بشاير الاكل وصل تره بشاير:اوكي محمد ابتسم لهه واهوه يتخيل انهه منيرة عقب ماكملوا محمد وصل بشاير ونزل سلم على امهه وابوهه وعقب ماراح … ام حمد:ها بشور مرتاحة بشاير"شاقولج كنت مرتاحة واليوم صرت مب مرتاحة ":إي يمه مرتاحة الصبي زين بو حمد:الحمدلله بشاير:وين حسون وحمدو ام حمد:حمد رجع من الشغل ورقد وحسون وين بيكون يعني في الفريج واكيد بيتصل لج عقب شوي مري علي بشاير:إي بس ذي سوالفه وماكملت جملتهه إلا حسن متصل حسن:هاااااااا عروستنه الحلوة >>يتمصلح بشاير:هاا نعم خير شتبي حسن:بل شهلنفسية قلباج الريل علينه بشاير:مب رادة عليك حسن:الحلوة بتمر علي ولا لا بشاير:وليش ربعك ماييبونك حسن:لا وحشتيني انتي فآبيج انتي اتييني بشاير:إي آنه بعد آقول بالضبط وحشتك ,,,, حسون حدي تعبانة آبي آرقد خل ربعك اييبونك حسن:رشود اخوه ماخذ سيارته وحماني تدررين انه سيارته متكنسلة وشسمونه بشاير:بس بس هكاني بايي ان طقيت لك رنة وماجفتك داش السيارة والله بامشي حسن:ماشاءالله كلش ماتحبين تذلين صح بشاير:صح يلا باي حسن:ناطرج حسن ليحين متعلق في فريجهم القبلي ولازم كل يوم يروح فمغربل بيتهم كل يوم يروح ويلا تعالوا آخر الليل ردوني ان ماردوه ربعه ... الجزء الثامن بعد مرور شهر حال بشاير ومحمد ماتغير كان يضطر يمر عليهه ويطلعهه يوم او يومين في الاسبوع وبشاير ماتحجت بولا كلمة ساكتة عن الوضع ومحمد كان يحس انه بشاير مايعيبهه شي بس مب متقبلهه محمد ماكان يعرف عن بشاير ولا شي غير شتدرس وفوين وتفاصيل عامة عن شكلهه امه اهيه رغم انهه حست انه مب طبيعي يعني مغصوب او شي من هالمثيل إلا انهه كانت تسأل دانة عن كل صغيرة وجبيرة في حياته عرفت عنه كل شي شيحب شيكره شياكل شيشرب من وين يشتري ثيابه دانة طبعا قالت لهه كل شي إلا سر منيرة,,, . وطبعا اكيد تبون تعرفون محمد وحسين شصار شنو وضعهم الحين محمد وايد ابتعد عن حسين صار نادر مايطلع وياه او يحاجيه غيرر عن قبل الي كانوا 24 ساعة لاصقين في بعض طبعا كله من فعايل منيرة كانت تكره محمد بحسين لان تحسه حجر عثرة ويمكن يقلب عليهه محمد ,, وحسين مب عاجبه الوضع بس مثل مايقولون ماباليد حيلة . بشاير كانت تحس بشعور غريب وتمت تتسائل ياربي" شنو هالشعور معقولة حب بس أي حب آنه ماحصلت منه ولا شي عشان آحبه عمري ماحسيته حنون معاي مايسوي شي غير انه يأكلني ويشربني في هالمطاعم ومرة او مرتين الي ياب لي فيهم هدايا صج انه اهمه مب رخاص بس آحسه مغصوب آنه ليش ماتحجه ليش ماواجهه ,, بشاير نسيتي روحج انتي الصريحة والجريئة الي لو شنو ماتسكتين لين احد ضايقج او غثاج ,, شلون ساكتة عن محمد وانتي تحسين انه الوضع مب طبيعي ماحس روحي حالي حال أي وحدة مخطوبة آتذكر شلون مريم كانت تقولنه عن سوالفهه ويه خالد ريلهه يوم كانوا مخطوبين غير ياربي غير حتى ولو محمد عمره ماقالي عطيني يدج عمره ماضماني عمره ماقالي آحبج حتى ولو آنه محتاجة حق هالشي وهالشي من حقي آنه مب قاعدة آطلبه بالحرام إلا بالحلال ,,آنه لازم آعرف السبب شنو يعني اهوه ماتقبلني بس شفيني من قاصر ياربي بس بس مابي آفكر" محمد بينه وبين نفسه"سامحيني يابشاير آدري اني ظالمج بس شاسوي عطيني الحل حرام آطلقج وحرام آخليج هلون والله مافي شي يعيبج مب قادر آخلي منيرة وآحبج قلبي مايطاوعني صج اني ماقمت آحس انه منيرة معاي مثل قبل بس حتى ولو منيرة حب حياتي انتي ماباقول دخيلة عليهه بس دخلتي علي بالغلط ,,, لازم آواجهج وآبرر لج كل شي ... الي عرفته من دلال انه بشاير تسولف وتضحك عادي بس وياي رغم اني مب ماعطيهه حقهه تبادلني بإبتسامات رضا "والله اني ماستاهلج يابشاير ولازم آوقف الي قاعد آسويه وياج لازم تجوفين حياتج حتى لو كنتي ملكي في الاوراق بس اشلون مابي بشاير تروح حق غيري ,,, اوه شقاعد آقول بشاير مب قلبي مب قادر يحبهه بس ليش قاعد يحس اني مابيهه تطلع من حياتي خلاص خلاص انسه يامحمد شيل هالبنتين من بالك الحين منيرة"شفيني بديت آرد حق لعبتي من صبي لي صبي ,, إي صح محمد بعيد عني ووواثقة انه مابيروح حق غيري بروحه مايدري عن مرته فبيتم لي لو آحاجي الف صبي ,, بس حرام علي محمد يحبني ,, اوكي يحبني بس شضمني يتم وياي لي النهاية. دلال"والله كاسرة خاطري بشاير يوم كنت آقول انه مستحيل يحب بشاير ماجذبت الله يهديه لازم آحاجي محمد لازم وآوقف الي قاعد يصير مهما يكون بشاير مالهه ذنب... ومرة وحدة راح فكرهه في صوب ثاني ... حسين آآآآه ياحسين وينك ياحسين متى تحس فيني وتحبني نفس ما آنه آحبك ,,, قاعدة آرفض أي احد يتقدم لي وآقول باجر بيحس فيني باجر بس للأسف مب قاعدة آحصل شي يلا لازم آفوض امري لله فوضت امري إلى الله إن الله بصير بالعباد . حسين: الله يسامحك يامحمد قاعد تبيعني يوم ورا يوم عشان هالبنت الي سمعتهه ماتشرف الله يسامحك يارفيج عمري الله يسامحك الله بس إن شاء الله عقلك يرجع حق راسك وتستوعب الي انت فيه يا محمد مردك بترد وبتتأسف مني ,,, دام الوالدة قاعدة تحن علي على سالفة الزواج لازم آتزوج ,, يه الوكت الي لازم آفرحج فيه يايمه وآخليج تدورين لي بنت الحلال الي تشاركني حياتي . مروة"آيه عليج يابشور آحسج مب مرتاحة مع هالمحمد واول مرة آحسج غير صرتي لا تشكين لي ولا تحجين اول مرة آحسج ضعيفة ومب بيدج شي حتى لسانج مربوط ,,,, يارب مايكون علي نفس محمد يارب صج اني مادري شسالفة بالضبط بس اكيد محمد مب اوكي وياهه آنه لازم آعرف الموضوع كامل ,,, الله يخليك لي يا علي وإن شاء الله تسعدني كثر ماتقدر الجزء التاسع صبح صباح يديد على ابطالنه اليوم اليمعة الساعة 12 الظهر صاح تلفون بشاير وقحصهه من رقادهه مروة يتصل بك بشاير:الوووو مروة:ليحين راقدة بشاير:إي تعبانة مارقدت امس من وكت ليش شصاير مروة:انزين بتيين بيتنه او لا بشاير:لا ماعتقد آيي لو بايي بايي في الليل باجوف يعني مروة:اوكي ضروري آبيج ان ماييتي اليوم باجر تييين بشاير:اوكي عمتي تامرين على شي ثاني مروة:وه مالت عليج لا سلامتج بشاير:اوكي ذلفي عيل مروة:سلام قامت بشاير وفي بالهه الف شي وشي وواهيه حاملة الفوطة عشان تدش تاخذ شور سريع "ياربي قدرني اواجهه اول مرة آحس لساني يعصيني ومب قادر يطلع الكلمة يارب ساعدني مالي غيرك ياربي يا حبيبي ,,,اليوم اليمعة واكيد محد في بيتهم كلبوهم راحوا بيت يدتهم واكيد بيكون اهوه في البيت هالحزة يلا لازم بسرعة آخلص وآطير على بيتهم ,,,, عند محمد: كان قاعد في حجرته ياربي شفيهه منيرة متغيرة علي مب قاعد آحس منهه بأي اهتمام ياربي شسالفة ,,, خلني من منيرة الحين منيرة امرهه سهل الحين بشاير شاسوي وياهه لازم اليوم آتصل لهه وآقولهه عن كل شي وماعتقد انهه بتخبر امي اكيد بتطلب الطلاق بس ,, اوهو مادري شاسوي بس لازم آقولهه لازم وفجأة انطق الباب محمد:من أحمد:بوجاسم آنه احمد محمد:دش دش مايحتاي تستأذن أحمد:صباح الخير محمد:صباح النور أحمد:شخبارك وشخبار العرس وياك اكيد مستانس ماميش احلى من ايام الخطوبة واول ايام العرس محمد:"اثاريك ماتدري بلي في قلبي " الحمدلله على كل حال أحمد:انت ليحين تحبهه محمد:إي ومب قادر آنساهه أحمد:شلون يعني مب قادر تنساهه جربت وماقدرت ,, محمد آنه آدري انك ليحين على علاقة وياهه واحد من الشباب جافك معاهه وخبرني ,, آنه ماباقولك لا تسوي وغيره انت عود وفاهم وفي كل شي عاقل إلا في هالشي كلمة مينون شوية ع الي قاعد تسويه حرام عليك والله المرة الي عندك اغلى من الذهب وانت جوف قلبك رابطه مع من ليش ماتحاول تجرب اسبوع اسبوعين تهد منيرة وتربط روحك ابشاير تعاملهه احسن معاملة تحبهه تعزهه تغليهه تحسسهه انهه زوجتك وام عيالك وان ماقدرت خلهه مب جذي تقول ماقدر وماقدر والله حرام حرام ,,, جوف امي وابوي يمكن مالاحظوا لكن دلال وآنه حاسين بكل شي محمد:احمد بس أحمد:لا بس ولا غيره قلت لك جرب الحب ايي بعد العشرة يمكن تحبهه محمد مابتخسر شي ويمكن نظرك يرد لك وتصير مفتح لانك الحين عمي ماتجوف ,, آنه ماباطول عليك فكر في الي قلته لك ,,انت اخوي وآبي مصلحتك اكثر من أي شي,,يلا باخليك الحين باروح آوصل مرتي بيت اهلهه مع السلامة محمد:الله وياك سلم على ام يوسف وحب يوسفو عني أحمد:يوصل إن شاء الله مع السلامة محمد:يسلمك يلا آبي آجوف تواصلكم حبايبي عشان نواصل وعطوني كومنتاتكم وشكرن فديتكم Quote Link to comment Share on other sites More sharing options...
الجسمي17 Posted نوفمبر 9, 2009 Report Share Posted نوفمبر 9, 2009 تسلمين اختي على القصة و يعطيج العافية Quote Link to comment Share on other sites More sharing options...
مينونة ومخرفة ومخرخشة Posted نوفمبر 9, 2009 Report Share Posted نوفمبر 9, 2009 فديتج حبيبتي تسلمين ع البارات .. محمد : باط جبدي شفيه مايفكر يعني مايجوف حركات منيره اوووف قاهرني احد يحصل له وحده مثل بشاير ويخليها .. منيره : ثقيلة الدم ماحبهاااااااا بليز موتيها ككخ او خلي محمد يعرف انها خاينة .. حسين : حراااااااااام عاد نبيك تخطب دلول .. ترى بذبحك البنيه تحبك .. دلال : ماعرف شبيصير فيها اذا حسين خطب وحده غير .. ان شاءالله يخطبها .. نتظرج احنا لاطولين علينا .. Quote Link to comment Share on other sites More sharing options...
المحــــــ روح ــــــرق Posted نوفمبر 9, 2009 Author Report Share Posted نوفمبر 9, 2009 الجسمي:تسلم اخوي ويعطيك العافية ع التواصل اختي مينونة فديتج متابعة يقولج الحب عمي وإن شاء الله نطريني اول ماخلص شغل بانزل بارتين ويلا نبي نجوف تواصل اكثر وتسلمون كلبوكم فديتكم Quote Link to comment Share on other sites More sharing options...
المحــــــ روح ــــــرق Posted نوفمبر 12, 2009 Author Report Share Posted نوفمبر 12, 2009 الجزء العاشر بعد ماطلع أحمد تم يفكر فيهه إذا تم على عناده مابيستفيد شي لو شيسوي هله مابيتقبلون منيرة قال في نفسه خل آجرب مع بشايرصج اني مستحيل آحبهه بس باتعود عليهه يمكن آفرحهه شوي يمكن آغير حياتي بس منيرة مستحيل آهدهه ومستحيل آحب غيرهه ."قام سيدة اتصل في بشاير طلعت بشاير من الحمام عقب ماخذت شور وجافت تلفونهه يرن قامت بتجوف من الي متصل ,,,بشاير"اووو محمد متصل شيبي اكيد بيقول تبين آوديج بيت يدتي لو بتمرج دلال ومن هالسالفة وه خل آجوف محمد"لازم آحاول آقولهه حجي لازم آعود نفسي حتى لو ماكان من قلبي":سلاااام بشورة بشاير"وييي الاخ مب صاحي شفيه ليكون غلطان بس يقولي بشورة آنه بشاير يعني بشورة" بشاير : "واهيه مستغربة" هلا وعليكم السلام محمد:شلونج فديتج بشاير:"آشك انه صاحي" أأ الحمدلله تمام وانت محمد:"مسكينة ماتنلامين اكيد مستغربة" دوم ياربي وآنه بعد الحمدلله آسأل عنج بشاير:سألت عنك العافية محمد:بشورة شرايج نطلع نتغده وعقب نتمشى وإذا تبين شي من السوق وهلون بشاير"بتصيدني جلطة صج بتصيدني جلطة الاخو طبيعي يعني":هاا براحتك محمد محمد:خلاص آبرز وآمرج اوكي بشاير:اوكي محمد:يلا تحملي بروحج بشورة مع السلامة بشاير:هاا وانتي بعد يسلمك صكت بشاير الخط واهيه منصدمة من قلب وتقول في نفسه الحين الي حاجيته اهوه نفسه محمد ليكون غلطان بس قالي بشورة وبشورة يعني بشاير يعني آنه ماميش غيري اوهو مادري مادري خل آجوفه وآفهم السالفة وآنه االي يازعم باروح آواجهه ليكون صار مايستحي مني بس شلي قلب حاله مرة وحدة ها مادري مادري خل آتصل في دلول وآسألهه بشاير خذت التلفون واتصلت بشاير:دلول حبيبتي دلال:وه آنه حبيبتج شعندج خلصيني بسرعة بيزات تره ماعندي بشاير:مالت عليج بيزات تقولي دلال:صج شفيج تعالي صج مابتمرينه اليوم بشاير:من جذي متصلة لج دلال:عياااااااااارة اكيد تبيني آييبج لان تخافين تحركين سيارتج ويخلص بترول السيارة اتصلي في ريلج مب فاضية لج آنه بشاير:انتي حمارة ولا شنو دلال:لا شنو آنه بشاير:ههههه بايخة حدج دلال:شكرن اخت بشاير الحين خلصيني شتبين بشاير:دلول اخوج اليوم طبيعي دلال:إي طبيعي شفيه مريض ولا شنو بشاير:مادري أتصل فيني <<وقالت لهه السالفة دلال:"استغربت دلال لان عاررفة بكل حركات اخوهه بس ماحبت تبين حق بشاير:انزين ريل ويبي يدلع خطيبته حرام ,, تغربلوا وياكم الصبيان ان دلعوكم بلوة وان سينوا لكم بلوة بشاير:انتي خاطرج اني آشدخج اليوم صح ,, فهميني دلول فهميني ,, محمد عمره ماقال بشورة ولا يحاجيني بهلطريقة دلال:انزين انتي طلعي معاه الحين وجوفي يمكن الصبي حس انه وايد يحبج وخاطره يدلع بشاير:شدددخل المهم باطلع وباخبرج شصار وسلمي على الكل امج ويدتج وخالاتج وبناتهم وحبي لي سوسف وسلمى على هنادي دلال:وه مابقى احد المهم يوصل فديتج بشاير:اوكي حبيبتي سلام صكت بشاير الخط وتذكرت مروة واتصلت فيهه بشاير:هااا ليحين راقدة وويعة مروة:همممممم بشاير:قومي قومي وايد خمدتي مروة:آنه المفروض آسوي التلفون سايلنت بسبتج لين آرقد ماتخلين الواحد يرتاح في رقدته بشاير:اكيد سهرانة مع الغيوم مالج مروة:غيوم شاقولج الحين لو سمحتي اسمه علي ولو تتكرمين وتتفضلين وتقولين المهندس علي وايد احسن بعد بشاير:هههههههههههههاي مهندس تقولي الله يعيني الصراحة شلون باتقبل وجوده في عايلتنه شلون مروة:آبي آعرف الصبي شمسوي لج عشان تكونين كارهته على طول يقولي انج نفس اخته بشاير:وع بس وع آنه اخته خلصوا الاخوان عشان يكون ذي اخوي المهم خلصينه من سالفة الغثيثة مروة:هاا بتمرين او لا بشاير:لا ماعتقد خليهه لي باجرمحمد بيمر علي بنطلع وآخاف نطول مروة:اوه شصار بيطلعج وين كالعادة جسميز ولا بيتزاهت ولا مطعم مني مناك بشاير:تتطنزين حضرتج مروة:إي طلعاتكم كله قصيرة ودقيقة وإلا انتوا رادين بشاير:لا هالمرة بنتسوق بعد مروة:اوو تطور بشاير:آقولج بايخة بس ماتنلامين من الغثيث الي تحبينه مروة:مش حرد عليكي يلا ذلفي وباجر آجوفج بشاير:اوكي ام هباش مروة:متى صرت ام هباش بعد بشاير:طول ماتحبين ذي مالج الغثيث بتكونين ام هباش مروة:شدخل ياربي بشاير:اوكي ويلا بس عورتي راسي ذلفي مروة:اوكي باي صكت بشاير الخط وطلعت لهه ثياب لبست جينز ازرق وتي شيرت ابيض وفيه كتابة بالاحمر وحطت لهه مكياج خفيف كلش كحل ومسكرة وقلوز ولبست دبلتهه مع الخاتم الي عطتهه اياه ام احمد هدية ولبست عبايتهه وشيلتهه إلا محمد متصل ونزلت له في السيارة عند محمد محمد:"يارب قدرني على هالشي خلني مارتبك ولا آخاف وآجرب الي قاله احمد" محمد يوم جاف بشاير طالعة من البيت على طول نزل عشان يفتح لهه باب السيارة بطلت بشاير عينهه واهيه تقول في نفسهه بييي مفاجأة وره مفاجأة اليوم ليكون الاخ مغلط مادري والله بنجوف المفاجآت الياية بعد محمد واهوه يفتح الباب ويبتسم لهه وبشاير في نفسهه ياحلو هالابتسامة والله فديتك آنه والله محمد:سلام شلونج بشورة بشاير :تمام وانت محمد:دوم ياربي تمام آنه بعد تمام دامج تمام بشاير:لاا مب محمد هذي بس خلني اليوم ضد الصدمات لان قاعد اتييني صدمة وره صدمة خله دوم هلون ياربي "جنه حاس والله يوم الي كنت باحاجيه عن هالموضوع تغير الحمدلله ياربي الحمدلله محمد:اممم بشور شنو خاطرج تاكلين بشاير:الي انت بتاكله انه باكله محمد:"يحليلج والله جان زين آقدر آحبج صج مافيج شي ينعاب" ضحك محمد :بعد تبين مشاوي امم بحري امم هندي لبناني شنو تبين بشاير:على ذوقك محمد:اوكي في مطعم اكلات بحرية حده عذاب امشي وجربي وعطيني رايج بشاير:اوكي محمد في نفسه لازم آتجرب لازم اتحس اني طبيعي وآبي آتجرب منهه لو خلال هالاسبوعين قام محمد وبحركة لا إرادة وحط يده على يد بشاير بشاير نقزت لان اول مرة يسوي هالحركة آخر مرة لمسهه يوم كانوا في الملجة وحق التصوير بس محمد:شفيج خفتي آشيلهه يعني بشاير:هاا لا لا بس محمد:اوكي سوري بشاير:"لا بليز خلهه لتشيلهه" لا عادي محمد رد حط يده على يدهه وشوي شوي شبك يده في يدهه بشاير:طارت من الفرحة تقول في نفسهه يعني اخيرن بده يتحقق حلمي محمد بيصير ملكي مب بس على الاوراق محمد في نفسه يارب قدرني آسعدهه لو بس هالفترة وصلو المطعم ونزلو ومحمد مافارق يد بشاير عقب ماقعدوا سوو الاوردر ضل محمد ساكت فترة محمد:بشاير بشاير في نفسهه عيون وروح بشاير:نعم محمد: ناقصج ثياب اكسسورات او أي أي شي بشاير:لا عادي ماميش شي ناقصني محمد:متأكدة بشاير:إي متأكدة محمد:اوكي عقب مانكمل بنروح الستي واي شي يعجبج اخذيه اوكي بشاير وعلى ويهه احلى ابتسامة:ماتقصر محمد :رد لهه نفس الابتسامة وفي نفسه جان زين آقدر أحبج والله تصيرين حلوة لين تبتسمين بس منيرة في عيني احلى هالايام صج متغيرة بس آحبهه وآموت فيهه بشاير"خاطري آسمع منك كلمة آحبج آموت فيج هالأمنية بتحقق لي او لا " ليش ماستجمع قوتي وآسأله إذا يحبني او لا ليش محمد:بشاير مابتاكلين الاكل وصل بشاير"ابتسمت بدون رد " بدوا بالاكل ومحمد قاعد يدور له سوالف من تحت الارض وتم يتسأل من وين تشترين ثياب وومن هالاسئلة العامة الي تصيع الوكت بس بشاير حست انه سوالفه حلوة وخلصوا اكل وراحوا يدرون في الستي وكان مخلي يده في يدهه صج انه كان يحس بشعور حلو وغريب بنفس الوقت وياهه بس كلمة والثانية يقول في نفسه منيرة غير بعد ماكملوا ركبوا السيارة محمد:ها بشورة في خاطرج شي بعد ولا بس بشاير:الصراحة إي خاطري فيه شي محمد:"احتار شبتطلب مثلن اول مرة تقولي تبي شي من عندي" قولي آمري تدللي بشاير:مايامر عليك عدو,, الصراحة ,, وسكتت محمد:قولي شفيج ليش مستحية بشاير:لا ولا شي محمد:بشاير قولي شتبين ولا بازعل ها بشاير:الصراحة آنه متعودة كل يوم عقب العصر آكل تايم اوت واهيه منزلة راسهه محمد:يعني طلبج التايم اوت بشاير:واهيه جريب وبتصيح :إيي محمد:"يطالعهه وعجباه المنظر مستحية تطلب من هالشي ومنيرة مايتم شي ماتطلبه وبدون ماتستحي ,,لا إرادين تم يقارن بينهم من ناحية هالشي :ورد عليهه الحين جريب دموعج بتنزل وباطلب شي ووو على تايم اوت ,,, ماعاش التايم اوت يخليج تصيحين الحين آشتري لج كارتون تايم افا عليج بس بشاير:"ابتسمت"مشكور ماتقصر محمد:"لا إرادين طلعت منه" فديتج آنه والله بشاير:"نزلت راسهه بدون رد واهيه مستحية محمد:"جني قلت لهه فديتج إي قلت هاا شلون طلعت آنه ماقول حجي حلو مني والطريج مادري مادري شصار طبعا بعد ماشره محمد كارتون التايم اوت حق بشاير وصلهه بيتهم ونزل عشان يسلم على عمه وعمته ام حمد وبو حمد محمد وبشاير: السلام عليكم ام حمد وبوحمد وحمد وحسن:وعليكم السلام وراح محمد عشان يحب راس عمه وعمته وبعدهه حمد:اووو النسيب عندنه اليوم محمد:هلا والله بحمندي شلونك شمسوي حمد:والله تمام الحمدلله وانت شخبارك وشخبار الزواج وياك محمد:والله ماشي الحال حسن :نغز له ماشي الحال ولااااا محمد:"فهم نغزته وابتسم وبشاير شوي وتروح تكفخ حسن عطته نظرة وفهمهه وقعد يضحك ام حمد:محمد يمه مافي روحه تقعد اتعشه ويانه محمد:لا عمتي لاتكلفين على روحج ماصار لنه وايد متغدين بوحمد:يلا عاد كل شي ولا ترفض حق الغالية ام حمد طلب محمد:لا والله مب قصدي بس مابيهه تكلف على روحهه حسن:جب جب استريح بس بو حمد:انت متى بتسنع ريال شكبره تقوله جب حسن:يه زين مني آطيح الميانه وياه لا حمد:هاااااااااااااااع حلوة ذي تطيح الميانة عجبتني برذر حسن :افا عليك بس آعجبك آنه محمد:"يطالعهم واهوه مستغرب حجيهم نوعن ماهمجي بس حلو فيه خفة دم" امه بشاير متفشلة من الوضع وبس قرر محمد انه يقعد وعجباه الوضع وتموا سوالف وضحك وكل واحد يعيب على الثاني وبشاير شوي بانت على طبيعتهه وعرف انهه نفس اخوانهه كله تتعايه وتحب تتسبب خل نرد حق دلال شوي اتوقعون شنو الصدفة الي بتلاقيهه لما ترد البيت على الساعة 10 ردت دلال من بيت يدتهه وامهه ومرت اخوهه سبقوهه امه اهيه قعدت مع بنات خالاتهه وجذي واهيه جريبة من بيتهم جافت صبي واقف عند بيتهم ومب مبين لهه من هالشخص بركنت سيارتهه ونزلت ويوم وقفت عند الباب عشان تدش دلال:لو سمحت طبعا اكيد عرفتوا من حسين:لف ويهه دلال:"دلال في هاللحظة مب عارفة شتسوي يدهه تمت ترتجف خايفة مستانسة ماتدري شتسوي حسين في نفسه"اول مرة آجوف بنية وآحسهه حلوة بس هذي اكيد دلال اول مرة آجوفهه عشان آحسهه حلوة شفيني آنه بعدبس والله كبرت وحلوت وايد " حسين :اكيد دلال انتي صح ؟ دلال:إيي امم تبي محمد حسين:إي والله اهوه موجود دلال:لا والله اهوه مب موجود بس اول مايرجع باخبره او لا تعال دش نطره حسين:لا لا مابي آزاحمكم في هالوكت دلال:لا شدعوة البيت بيتك حسين:تسلمين دلال دلال:"الاااااي ياحلو اسمي في لسانه " حسين:سلامتج بس لتنسين تخبربينه "وعينه في عينهه ولانزلهه وهالحركة اول مرة يسويهه مع بنية " دلال دخلت البيت واهيه بتطير من الوناسة نظرات حسين حلوة كانت يارب يحس فيني يارب امه حسين"ياربي شصادني جني اول مرة آجوف بنية شدعوة شفيني اعوذ بالله منك يا ابليس بس البنية حلوة خبلتني يننتني في دقيقة يمكن حبيتهه حب من اول نظرة ههههههههههههههههه شفيني آنه آحب إي وليش ماحب مب قاصرني شي آنه " الجزء الحادي عشر ضل الحال نفس ماهوه محمد صار يجوف بشاير اكثر وصار يحب يجوفهه ويرتاح لهه وتقربوا من بعض اكثر بس ليحين مقتنع انه مايحب بشاير وكان مايحاجي منيرة وايد وماكان يعرف السبب كل ماتتصل يحس ماله خلق لهه محمد وبشاير في حجرة بشاير,, كانت بشاير قاعدة في حضن محمد ومحمد يمسح على شعرهه محمد:بشاير عمري بشاير:بصوت رومانسي :همم محمد :بشاير انتي تحبيني ,,, محمد سأل هالسؤال واهوه بنفسه مايدري ليش سألاه بشاير:"استغربت من السؤال"اممم وانت محمد:الحين آنه سئلتج جاوبيني بشاير:واهيه مستحية ,, إي محمد:إي شنو بشاير:الي قلته محمد:آنه شقلت بشاير:الي سألته محمد:آنه شسألت بشاير:اوووو محمد انتي تدري محمد :آبيج تقولي إيي وتكملين بشاير:انت قلت جاوبي ماقلت قولي إي وكملي وجاوبت محمد:يعني شنو تكسرين بخاطري الحين انتي يلا قولي والله زعلت بشاير ويدهه في يد محمد :إي آحبك محمد:آيه عليج والله بشاير في نفسهه "وربي خاطري آسمعهه منك وربي" محمد :"آنه ليش كنت باسمع منهه هالكلمة مني صجي آنه ماحبهه بس آحب قربهه قلبي مايحبهه بس يحب شكلهه اوه آنه متعود عليهه بس وتموا يطالعون بعض بنظرات حلوة وكل ساعة واحد يبتسم لثاني وتجرب محمد منهه وحب خدهه محمد:بشورة بشاير:عيوني محمد:طلبتج بشاير:وآنه عطيتك محمد مد حق بشاير خده يلا هني بشاير:شنو هني محمد:يعني شنو مثلا آبي كف آبي حبة حلوة بشاير:استحت وحبته وانتهى اليوم بسلام بشاير تحس انهه تحبه وتموت فيه بس ليحين ماحصلت منه حنان اكثر وكلمة أحبج بس عاجبهه الوضع محمد صار لازم كل يوم يجوفهه ويرتاح لهه ونسه منيرة شوي لانهه مضيعة روحهه بالصبيان واهوه ولا يدري بس الي يعرفه انه منيرة حب حياته ومستحيل يتخله عنهه حتى لو لهه مع بشاير _______________________________________________________________________________ الجزء الثاني عشر بعد مرور 5 اشهر احداث وايد صارت في قصتنه باقولهم لكم بالتفصيل وشنو صار بالضبط مع ابطالنه نبتدي... طبعن اول واهم شي محمد وحسين شصار لهم وشنو وضعهم ليحين نفس قبل ... لا خبركم عتيج محمد رد مع حسين نفس قبل ربع واخوان وحسين تطمن عليه يوم يوم جاف انه كثر قعداته مع مرته بس حسين ودلال شصار لهم :اوو حسين ودلال يحليلهم كناري قصتنه حسين خطب دلال ودلال وافقت على طول واهل دلال وين بيحصلون ريال احسن من حسين وام حسين تموت على دلال وتعدهه نفس بنتهه ,, وماباقولكم يعني عن علاقة حسين بدلال مافي احلى منهه طول الوكت حبيبي وحياتي وماعيش بدونك ,, الله لايغير عليهم مروة شخبارهه مع المهندس علي ,,, طبعن علي خطب مروة من اهله وينطر الرد بس ماعتقد يرفضون علي ريال ماميش منه وايد ريال والنعم فيه مريم رفيجة بشرى وينهي ماسمعت عنهه من زمان ,,, مريم طبعن مريم الله يسلمكم تخرجت من الجامعة والحين تشتغل في وحدة من هالشركات وطبعن علاقتهه نفس ماهيه حلوة ومافيهه أي غبار مع ريلهه خالد بس الي زاد انهه صارت ام وليد ,, آيه عليه ولود قمر الله يخليه لهم هنادي واحمد شخبارهم,, اوه هنادي واحمد ويوسف طبعن يوسف الحبوب عقب جمن شهر بيصير عنده اخو او اخت هنادي حامل في الشهر الرابع وطبعن طايرين من الفرحة وهلون وياكثر طلبات هنادي تقعد ريلهه في عز الفير آبي هلون وهلون واحمد مسكين ماباليد حيلة غصبن عنه بينفذ الي تبيه كل شي ولا هنادي والي بتييبه هنادي حمد وحسن حالهم ماتغير حسن كله هياتة وماله بارض دراسة وحمد قز مغازل وشغل منيرة نسيتوهه اولا لا اكيد تذكرونهه منيرة درت انه الاحوال بين محمد وبشاير تحسنت وخافت على عمرهه خافت انه محمد يبتدي يحب بشاير واهيه تضيع بروحهه ضايعة مع الصبيان وقعدت تفكر بأشية شيطانية تخرب هالعلاقة ياترى بتسوي شي خل نجوف شبيصير بس يلا نرجع لأبطالنه... Quote Link to comment Share on other sites More sharing options...
مينونة ومخرفة ومخرخشة Posted نوفمبر 12, 2009 Report Share Posted نوفمبر 12, 2009 محمد وبشاير : وااااااي فديتهم ان شاءالله دوم جذي مع بعض .. بس هالبايخه منيره يااارب ماتفرق بينهم .. حسين ودلال : يحليلهم الكناري .. اخيرا حسينو حسيت في دلول .. تسلمين اختي ع البارت .. انتظر البارت الياي .. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.