M@N@MY@7 Posted مارس 6, 2005 Report Share Posted مارس 6, 2005 هااااي والحين بنزل اليكم جزئين من القصة .... الساعة 8.25 في الصالة يالس بو سيف وام سيف وأم منصور وبو منصور وشمة وسلامي وهنود منسدحات عند التلفزيون ويطالعن سبيس تون .. ويدخل منصور والريم .. منصور + الريم : السلااااام عليكم الجميع : وعليكم السلام أم منصور : حشااااا وينكم من العصر طالعين منصور : سرنا العزبة وبعدين يبل حفيت عشان نتعشا الريم : براكم اترخص منكم بسير اصلي أم سيف : برايج الغالية سيري الله يحفظج بو سيف : بلاك منصور شكلك مستهم ومتبهدل ويهك معتفس منصور : لا والله ياعمي مافيني إلا الخير بس شوي صداع الحين بسير اتسبح واصلي وارقد وانشالله يخف أم منصور : فديتك ياوليدي تريد بندول منصور : لامايه فديتج مااريد اتعود على البندول الريم تسير اتصلي .. يوم خلصت صلاتها سارت صوب حجرة فطوم بس حصلت فطوم راقده .. الريم : حليلها فطوم والله اني حاسه بمعناتها زين انها يوم رقدت عشان تنسا اللي صار الصراااااحه اللي ياها مب هين من باجر الصبح الساعة 7.30 فطوم في حجرتها يالسه تتلبس ... فطوم : اوووووف شو البس ؟؟؟؟؟ خلاص بلبس وردي حلوووووو ... وجحلت عيونها وخلت لمعة ورديه ورفعت شعرها بس نزلت خصلات بس كان شكلها يخبل ... وهيه نازله في الصالة تشوف خالها وتسلم عليه بو منصور : هلا والله بشيخة البنات فطوم : فديييييييييت خالي انا كم خال عندي بو منصور : امممممممممم 2 محد غيرهم انا وسلوم فطوم : لا انت غير وخالي سالم غير اصلا يخطف شهر ولا اشوف خالي سالم كثرك بو منصور : حتى نحن بس فطيم وحده عدنا فطوم : لاااااا لييييش تزقرني فطيم حرام عليك تكبرني وانا بعدني بعز شبابي بو منصور : الصراحة فطيم احلى من فطوم فطوم : لا مايخصني انا تعودت على فطوم ماتعود على فطيم بو منصور : خلاص فالج طيب فطوم بعد شي في خاطرج فطوم : هههههههههه لااااااااا بو منصور : برايج عيل انا اترخص عنج بطلع فطوم : برايك خالي الله وياك وتنزل فطوم وتيلس في الصاله وهيه يالسه يدش منصور من باب الصالة ياي من برع .. منصور وقف في مكانه يتأمل فطوم بس فطوم مالاحظت إن حد دش .. منصور : احم احم السلام عليكم فطوم غمضت عيونها ولفت وراها : وعليكم السلام منصور مارمس ولا كلمه سيده سار صوب المطبخ ... فطوم : يالله ياحظي شو اريد بعد صبحت في هالويهه اللي الكل يتمناه ... وايي منصور ويايب وياه كوب الجاي وايلس الكرسي اللي عدال كرسي فطوم ... مخلي عمره مش مستهم بالسالفة اللي استوت امس .. منصور : اقول فطوم فطوم : شوووو منصور : شو اليوم فطوم : الاربعاء منصور : امممممم فطوم : ليييييييييش منصور : لابس يوم الجمعة بنرد فرنسا من سمعت هالكلمة انها خلاص ما بتشوفه .. قالت في خاطرها لا حرااااااااااااام مااتحمل منصور : اليوم العصر بنرد بوظبي فطوم : لا منو قال كيفكم هووووو منصور : شوووووو ؟؟؟ شو رايج فطوم نسكن عندكم بعد فطوم تحك راسه : والله فكره ليييش ماخطرت على بالي منصور : هههههههههههه تنكتين يعني فطوم : ليييييش بتردون حرااام عليكم منصور : شو حرام علينا يوم الجمعة سفرتنا وخلص يوم السبت مدارس .. وانت بعد ماشي باقي عن امتحانات الثانوية العامة إلا شهر ... شو شهر بعد أقل عن شهر فطوم : دخييييييلك لاتذكرني بروحي مستهمة شو كثر احاتي النسبة والله جني داخله حرب مب امتحان منصور : الا شهر وبيخطف وبترتاحين بس بتبتلشين بالجامعة وصدعتها فطوم : ههههههههه منو قال لك اني بدش الجامعة ؟؟؟؟؟؟ منصور : لا والله عيل بتعرسين فطوم اعتفس ويها : لا بس بسافر ادرس برع شووو رايك ايي عندكم فرنسا منصور : تبيني احش ريولج تعالي برع درسي فطوم : هههههههه مب كيفك منصور : لا والله كيفي لي حق عليج ... وكلمتيه هيه اللي تمشي اتسمعين ولا اقص لسانج فطوم : باسم لله .. كلتني منو قال لك اني افكر اسافر انت ابدا محد يمزح وياك خبله انا اسافر ادرس برع بروحي منصور : تحريتج بعد خبله فطوم : ههههههههههههه منصور : برايج عيل اترخص منج بسير النادي فطوم : الله وياك منصور يلف صوب الباب ..... فطوم فطوم : تلف صوبه خير منصور : الله يسامحج على اللي سويتيه في قلبي فطوم تنزل راسها : ............. منصور سار عنها ... فطوم تلومت على اللي سوته في منصور وقالت لييييييييش اخلي ودوم تاخذه عني ليييييييييييييييش ؟؟؟؟؟؟؟؟ وسارت حجرتها وانسدحت على الشبرية وطلعت دفتر الخواطر مالها ... وكتبت فيه (( يا من ملك قلبي بصوته .. وسلب عقلي بعيونه .. )) تدخل ودوم والريم على فطوم بسرعة فطوم تخلي الدفتر تحت المخدة .. الريم : السلام عليكم فطوم : وعليكم السلام هلا والله الريم : اشحالج اليوم فطوم : الحمد لله احسن عن أمس ودوم : فطوم شو بلاج شو صار لج امس كنت وايد تعبانه فطوم : لا ماشي بس صداع ودوم : حليله حتى منصور فديته امس كان تعبان فطوم من سمعت كلمة فديته يلست اتصيييييييح ودوم : فطوم بلاج لييييش اصيحين فطوم : لاماشي الريم : فطوم اشفيج فطوم تلف ويها عنهن وتطلع برع الحجرة ودوم : بلاها فطوم الريم : لاماشي بس انا بسير ارمسها وانت يلسي هنيه ودوم : خلاص اوكيه اترياج تسير الريم ادور فطوم وحصلتها يالسه في الصالة اللي عدال حجرتها الريم : فطوم بلاج فطوم : لاماشي الريم : فطوم نحن شووو قلنا فطوم : والله غصبا عني من أسمع طاريه يفز قلبي الريم : فطوم غناتي مسكي اعصابج والله تراها ودوم حاسه بشي فطوم : عشان جيه انا طلعت ولا كنت برتكب جريمة فيها الريم تضحك : لييييييييش فطوم عصبت علي الريم : بعد اضحكين ماسمعتيها بعد تتفداه الريم : ايه عاااد لا جلبين اليوم علينا نحن اليوم المغرب بنسير بوظبي خلاص يعني مابشوفج حرام عليج خلينا نتهنا شوي بهذا اليوم فطوم : خاص حياتي بس عشانج بمسك أعصابي على ودوم بعد شي في خاطرج الريم : لا فديتج ،،،،،، بس خلينا نسير عندها أخاف تحس فينا فطوم : خلاص يلا انسير منصور في النادي .. سعيد : منصور تعال ليش يالس تعال اركب لك خيل منصور : لا مالي بال اركب هزاع : خله خله حليله طايح الريال يفر منصور دبة الماي على هزاع سعيد : شوووووووووو منصور يلف صوب سعيد : لا ماشي هذا هزاع تعرفه يسولف هزاع : اسولف هاااااا منصور : هزاع اجلب ويهك لا اسويلك شوارع فيه سعيد : منصور من متى تحب يا ملعون الصير هاااااا منصور : انا شكلي واحد يحب الله يهديك بس سعيد : منصور عيونك يقولن انك صدق تحب منصور ماقدر يجذب على سعيد ..نزل راسه تحت نزل سعيد من الخيل وسار يلس عند منصور على الكرسي سعيد : منصور من متى تحب منصور : من أول مايينا من فرنسا سعيد : كككككككككككك مسرعهن طيحتك في يوم منصور : ايه سعيد اللي فيني يكفيني سعيد : أأأأأأأأأخ إلا نفس حالتي منصور يطالع سعيد : انت شفت وحدة حلوة قلت احبها يومين وتشوف لك وحدة ثانية لا حبيبي مب هذا الحب سعيد : لا والله يامنصور هذي غير عن كل اللي اعرفهن هذي الصراحه قبضت قلبي بحلاها منصور : أأأأأأأأأأخ ولا انا حالتي حاله وياها سعيد : ليش انت ترمسها منصور : كل يوم اشوفها جدامي بس مااقدر اقول اللي عندي سعيد : ياحظك بعد شو تباه يوم كل يوم تشوفها أكييييييد تحبك منصور : ياليتها تحبني جان ماشفت هذي حالتي سعيد : لييييييييش انت رمستها منصور : ياليتني مارمستها سعيد : ليش شو صار منصور : قالت انها ماتحبني وماتكن لي أي شعور سعيد : كككككككككككككككككك زين والله اني مارمست اللي عندي أخافها تقول لي نفس الكلام منصور : نصيحة يا يابوعسكور لاتقولها انك تحبها والله البنات ماينعطن ويهه سعيد يريد يقول حق منصور انها اخته اللي يحبها بس يخاف منصور يعصب منه لأن سعيد مغازلجي عشان جيه بتحسبه يلعب عليها .... في جهة البنات .. الريم : اووف طفرت من اليلسه خلونا نطلع نتمشا في الحديقة فطوم : صدقج والله شو طفرنا من اليلسة الريم : يلا قومن عيل في نفس الوقت يصيح تلفون فطوم .. الريم : فطوم تلفونج يصيح نحن بنطلع وبنترياج في الحديقة اوكيه فطوم : خلاص برايكن فطوم اطلع تلفونها من الشنطة .. فطوم : الووووووووو أسوم : هلا والله بالقاطعة فطوم : اسوووم هلا والله اشحالج اسوم : جب جب زعلانه عليج فطوم : افااااااا لييييييييييش اسوم : حشا حرقته تلفونج كم ادق ولاتردين عليه على الاقل ردي على مسجاتي فطوم : اسفه فديتج بس كنت مشغوله شوي اسوم : مشغوله ولا حبيب القلب عندج فطوم : أي حبيب قلب واي خرابيط دخييييييلج اسوم : افااااا ليييييش ومنصور البطران وين راح فطوم : والله هذي يباله يلسه اسوم : خلاص برايج مابغصبج تقولين الحين بس يوم السبت بتقولين كل اللي عندج فطوم : خلاص فالج طيب تامرين أمر كم أسوم عدنا اسوم : فالج مايخيب برايج عيل مابطول عليج فطوم : خلاص الله وياج اسوم : فداعة الله تنزل فطوم تحت وتيلس ويا الريم ودوم في الحديقة يسولفن ... وتدخل سيارة يلتفتن كلهن عند الباب الريم : هذا سيارة منصور وبعد سعيد وياه فطوم : يا ويلي انا حبيب قلب الريم ياي صوبنا الريم نزلت راسها مستحيه .. منصور + سعيد : السلام عليكم البنات : وعليكم السلام يلف سعيد صوب الريم : اشحالج الريم الريم : اطالع سعيد : بخير وسهاله اشحالك انت سعيد : بخير ونعمة منصور يطالع ودوم وودوم اطالع منصور: اشحالج ودوم ودوم اتشققت : بخير اشحالك انت منصور : بخير وسهاله يلس منصور عدال فطوم لأنها يالسه اروحها على الكرسي وايلس سعيد على الأرض .. فطوم عادي مخليه عمرها بس كانت ترتجف منصور حس بأن فطوم ترتجف ومخلي عمره مايعرف .. منصور حب يغايظ بفطوم .. منصور : اقول ودوم ودوم : هلا منصور : لو سمحتي الغالية اريد ماي فطوم لفت الصوب الثاني عشان مايحس ابها منصور ولا ودوم اعتفس ويها لأنها قالها يا الغالية سعيد متكهرب يريد يرمس الريم بس مايقدر لأن اخوها قاعد وياهم فطوم حست بأن سعيد يريد يرمس الريم بس ماقادر وحبت تبعد منصور عنهم فطوم : اقول منصور تعال اريدك بسالفة منصور: شوووو خير فطوم : لا بس تعال وياي نمشي الصوب الثاني منصور : اوكيه يلا قومي سعيد اتكشخ فرح يالس يطالع الريم سعيد : الريم الريم : نعم سعيد : امممممممم الريم : ............... سعيد : الريم الصراحة من شفتج ماأدري شو صار لي الريم : ............... سعيد : الصراحة انا اعرف اكثر من بنت بس الصراحة ولا وحدة دخلت قلبي غيرج الريم عصبت منه لا بعد يعرف بنات .. توقف تريد تسير عنه سعيد : الريم لحظة ماخلصت كلامي الريم : ............... سعيد : الريم اشفيج ردي علي انا غلط عليج الحين الريم : لا وتربع صوب البيت سعيد : اوووووووووو شو قلت انا الحين عشان جيه تعصب علي ياليتني مارمست مثل ماقال لي منصور الظاهر طحت طيحة منصور بس لا هيه ماتكرهني السكوت علامة الرضا على قولتهم بس ليش عصبت اوووو شو قلت انا .. فطوم : منصر اريد اقول لك شي بس لاتعصب منصور : عادي قولي شو عندج فطوم : الريم منصور : اشفيها فطوم : تحب منصور : شوه هالرمسه فطوم : منصور انا قلت لك لاتعصب الريم تحب سعيد منصور من سمع اسمع سعيد يلس يضحك : ككككككككككككككك فطوم : اشفيك ليش تضحك كلامي فيه شي منصور : لاحشا بس سعيد يحب وحدة وهو قالي اليوم فطوم : لا مستحيل و الريم منصور : فطوم دخيلج لاتخلينها تتعلق ابه ولاتقولين لسعيد نها تحبه فطوم : الله يعينها الريم لو درت خلاص اوكيه خلنا نرد عندهم منصور : اهااااا وانا الحين عرفت ليش انت يايبتني بعيد عنهم اثرج مب هينه فطوم : احم احم لازم بنت خلفان منصور : فديت خلفان انا وبنته فطوم اعتفس ويها .. وسارت عنه جدام فطوم : ها سعيد وين الريم عيل سعيد : ماادري بس سارت البيت منصور : وينها ودوم تأخرت حشا مب ماي بعدني لو طالب ذبيحه اتي ودوم وياها البشكارة يابة دله الجاي وعصير وماي منصور : حشا انا بس طلبت ماي مب كل هذا ودوم : انا قلت احسن ايبه كله عشان يمكن تغير رايك وترد تتطلب عصير ولا جاي فطوم : برايكم اترخص انا بسير عند الريم سعيد : سلمي عليها فطوم اطالع منصور وتضحك منصور عرف شو تقصد فطوم فطوم : يلا ودوم مابتقومين ودوم : لا بيلس وياهم سعيد : شوووووو وين بتلسين ويانا اتشوفين حد بنات ويانا يالسات ودوم : باسم الله انزين لاتهازب بسير سعيد : يلا يلا جلبي ويهج .. تسير فطوم صوب الريم بس ودوم يلست في الصالة اطالع التلفزيون فطوم : الريم اشفيج الريم : لحقيني لحقيني فطوم : اشفيج ؟؟؟؟؟؟؟ الريم : يحبني فطوم : منوووووووو الريم : سعيد فديته فطوم : شوو من قالج الريم : هو اللي قال فطوم : في ذمتج الريم : والله ليش مب مصدقه فطوم : تعرفين ان سعيد قايل لمنصور انه يحب وحده الريم : اكييييييد انا طبعا فطوم : يا بختج والله عقبالي يا ربي الريم : انشالله يارب فطوم : انت قلتي له انج تحبينه بعد الريم : لا ماقدرت ارمس بكلمه فطوم : مابتقولين له الريم : لا استحي فطوم : كيفج الريم : وينه الحين فطوم : يالسين في الحديقة الريم : ودوم وينها لا يكون يالسة ويا منصور فطوم : ههههههه لا سعيد ماخلاها تيلس وياهم ... الريم : احسن دواها تصدقين اني كرهتها فطوم : حرام عليج الريم : لا بس انقهرت منها فطوم : كيفها خليها شو تبينها مب بإيدها قلبها اللي حب منصور الريم : انزين خلينا ننزل تحت فطوم : يلا قومي طلعن البنات وسارن صوب الصالة .. ولقول ودوم يالسة عند الدريشة فطوم : ايه ودوم شو اسوين ودوم : اطالع الريم : منو اطالعين ودوم : اطالع منصور بعد منو الريم : ايه عيب اخويه مايحب البنت اللي مرتبشة فطوم : خلونا نطلع عندهم ... ودوم : يلا بسرعة قبل لايطلعون وسارن البنات صوب الحديقة بس يوم طلعن شافن منصور وسعيد يبون يطلعون .. فطوم : ها وين سعيد ويطالع الريم : لا بنطلع بنسير انحوط شوي فطوم : برايكم الله وياكم وهالله هالله بسواقة منصور : ماتوصين حريص بشخط ويلات فطوم : ايه منصور شو هالرمسه منصور : ههههههههه لا امزح فطوم : برايكم سيروا ودوم : لا ليش خليتيهم يسيرون الريم : ايه شو تبينهم ودوم : لا كنت بيلس ويا منصور الريم : ويا ويهج عقلي شوي ودوم : خلاص خلاص بعقل الساعة 6.30 العائلة كلهم يالسين في الصالة .. بو منصور : الريم دقي حق منصور طالعيه وينه تأخرنا الريم : انزين بو سيف ليش مستعييلين يلسو ويانا ا اللين باجر ام منصور : والله خلصت الاجازة ويو السبت مدارس ومنصور يوم الجمعة برد فرنسا يدخل منصور .. السلام عليكم الجميع : وعليكم السلام بو منصور : ها منصور وينك تأخرت ورانا درب منصور : يلا هبابنا عيل ويطلعون كلهم برع يودعونهم . يوم السبت .. في المدرسة فطوم : اووووف متى بعدي هالسبوع أسوم : والله صدقج ماشي وقت نريد ندرس ورانا ثانوية عامة فطوم : والله صدقج انا ميته خوف اسوم : الله يعينا الصراحة انشالله الامتحانات يعدن على خير فطوم : دخييييييلج بروحها النسبة يبالها محاته اسوم : والله صدقج النسبة يبالها محاته أكثر من الامتحانات يدق الجرس وراحن كل وحدة على حصتها ... وتخطف الأيام والأسابيع .. وأول يوم في امتحانات الثانوية فطوم طالعه من قاعة الامتحان اسوم : هاه فطوم بشري شو سويتي في الامتحان فطوم : الحمد لله سويت زين وانت اسوم : والله ياحيني فطوم : برايج سيارتنا برع شي في خاطرج اسوم : لا سلامتج الغالية وتخطف أيام الإمتحانات بسرعة وأخر يوم في الامتحانات .. طالعات البنات من القاعة مرتبشات والفرحة مب شالتنهن فطوم : الله ونااااااااسه وأخيرا هم وانزاح موزة : صدقج والله افتكينا من الحنه في البيت والمدرسة فطوم : انا متحلفة نسوي ربشه في المدرسة اليوم شووو رايكم نلعب كورة طايرة اسوم : يلا انا موافقه بس عندي اقتراح فطوم : شوووووو اسوم : بنسوي فريقين نحن والمسات شوووووو رايكم فطوم : والله انج فنانه سيري زقري المسات اكيييييد بوفقن ويلسن يلعبن ويا المسات وطبعا غلب فريق البنات ...... يخطف اسبوع على انتهاء الامتحانات فطوم ملانه طفرت من البيت تحس انها ماعندها لاشغله ولا مشغله ... تسير ادق حق الريم فطوم : الوووو الريم : هلا والله بنت العمه فطوم : هلا فيج الغالية اشحالج واشحال خالي الريم : بخير وسهاله الكل بخير فطوم : الريم حبيبتي طلبتج قولي تم الريم : تم فطوم : مايخصني تعالي عدنا .. عفت البيت والله طفره ملل لاعة جبدي الريم : خلاص بشاور ابويه وبخبرج فطوم : خلاص اتريا اتصالج تسير الريم ادق حق ابوها تقوله يوديها العين على أساس بتبات ويا فطوم .. وطبعا ابوها وافق ؟؟؟؟؟ ادق الريم حق فطوم فطوم : هاااااااا بشري الريم : ماطاع فطوم : لا حراااام انا بدق حق ابوج وبخبره الريم : اقص عليج وافق فطوم : حلفي متى بتين الريم : باجر الصبح فطوم : خلاص اترياج الريم : اوكيه برايج عيل اشوفج باجر فطوم : يلا باي Quote Link to comment Share on other sites More sharing options...
M@N@MY@7 Posted مارس 6, 2005 Report Share Posted مارس 6, 2005 الصبح الساعة 8.45 توصل الريم العين .. وتدخل الصالة الريم : السلام عليكم أم سيف : وعليكم السلام هلا والله الريم : اشحالج عموه واخبارج أم سيف : بخير وسهاله اشحال اهلج الريم : كلهم تمام ،،، ام سيف : قربي قربي بنتي الريم : قريب عموه عيل وين فطوم أم سيف : فوق في حجرتها ويا ودوم الريم : ودوم هنيه أم سيف : هيه بايته عدنا من أمس الريم : عيل برايج عموه بسير عندهن ام سيف : برايج الغالية سيري تسير الريم فوق وتشوف ودوم وفطوم يالسات في الصالة يطالعن التلفزيون الريم : السلام عليكم فطوم : هلا وغلا والله شرفتي حضرتج الريم : هيه شرفت وتسير اتسلم عليهن ويلسن يطالعن التلفزيون .. الساعة 10 الضحى فطوم : اوووووف طفرت انسير اشوي نيلس على الكمبيوتر الريم : يلا انسير يسيرن يفجن الكمبيوتر .. فطوم يالسه على ايميلها .. فطوم : اووووووف محد اون لاين الريم : صدق خبله منو بدش الحين كلهم رقود إلا شوي ويدش منصور ودوم : منو هذا اللي دش فطوم : منصور ودوم : حلفي قومي قومي انا برمسه فطوم : ماابا ودوم : دخيييييييييلج الله يخليج الريم : حرام خليها تيلس لاتموت علينا فطوم : خلاص مدام الريم قالت انا موافقة منصور : هلا وغلا والله بفطوم ودوم : اهلين بس انا مب فطوم منصور : هههههههههههه ودوم : والله صدق منصور : عيل منو ودوم : حزر فكر منصور : محد غير فطوم لأن هذا ايميلها ودوم : لا انا ودوم منصور : حلفي ودوم : والله منصور : ليييش داشه على ايميل فطوم عيل ودوم : لا انا عند فطوم اصلا ويوم شفتك داش قلت حق فطوم انا برمسه منصور والله فكره خل شوي اعصب بفطوم منصور : اشحالج الغالية اخبارج ودوم خلاص بتموت : بخير اشحالك انت منصور : بخير فديتج مدام اني ارمسج ودوم خلاص ذايبه .... وتناقز على الكرسي فطوم : ايه كسرتي كرسية الريم : الله يعينا على خبالها منصور : ودوم بهديج شيء ودوم : اوكيه منصور : إذا أرسلت لك رسالة أقول فيها ( أحبك موت ) وش راح ترسل لي ؟؟ فطوم عصبت على الاخر بس مسكت عمرها لاتقوم تصفع ودوم ودوم حليلها طايره من الفرح ... ودوم : فديته ياربي الريم : ايه لاتقولين له انج تحبينه ودوم : جب انت شو يخصج تبيني اخصره نقعي لا ودوم اطرش : راح ارسل لك قلبي شووووو تبا بعد زياده ويلس منصور يغايظ فطوم ويطرش كلام حب وخرابيط حق ودوم ودوم حليلها مصدقة .. يصيح تلفون الحجرة فطوم : الووووو البشكارة : فتوم قولي لودوم ماما مال هيه تحت عشان يريد يروح البيت فطوم : اوكيه فطوم : ايه ودوم امج تحت روحي تباج عشان تردون البيت ودوم : اوكيه ون منت ودوم اطرش لمنصو ر: اقول مادريت منصور : لا شووو ودوم : فطوم خطبوها جماعة منصور خلاص تيبس بمكانه الريال منصور : متى هالكلام ودوم : عقب ماخلصن الامتحانات بيومين يو يخطبونها منصور : والله ودوم : هيه ،،،، اقول برايك برد البيت منصور : الله وياج ودوم : اوكيه خلاص بطلع منصور : لا لاتبندين عطيني فطوم ابارك لها فطوم : مرحبااااا منصور : هلا والله اشحالج فطوم : تمام اشحالك انت منصور : بخير والله صدق هالخبر اللي سمعناه فطوم : هيه منصور : منو هذا اللي خطبج اعرفه انا فطوم : هيه واحد من ........ iفطوم : مرحبااااا منصور : هلا والله اشحالج فطوم : تمام اشحالك انت منصور : بخير والله صدق هالخبر اللي سمعناه فطوم : هيه منصور : منو هذا اللي خطبج اعرفه انا فطوم : هيه واحد من بوظبي منصور : حلفي من بوظبي منو أنا اعرفه فطوم : اظني تعرف قوم سالم منصور : أي سالم فطوم : اللي كانو يسكنون عدالكم ولدهم سالم اللي كان يدس في بريطانيا والعام تخرج منصور : هيه عرفته ولد محمد ....... فطوم : هيه هو منصور : لايكون وافقتي فطوم تريد تغايظه ... ماادري بس الريال يمدحونه .. بس بعدهم مايوا يرمسون بس مطرشين جماعة يرمسونا منصور : يعني انت بتوافقين عليه فطوم : ماادري يمكن ؟؟؟؟؟؟ منصور : والله اذا خذتيه بجلب حياتج فوق تحت فطوم تبتسم .... : هههههههه ماتقدر منصور : اوكيه خذيه شوفي شو بصير له فطوم زاغت قالت خيبه والله يسويها منصور .. فطوم : برايك منصور شي في خاطرك انا بطلع منصور : لا سلامتج بس ...... فطوم : بس شوووو منصور : لا ماشي سلامتج فطوم : الله يسلمك برايك مع السلامة منصور : الله وياج الريم : والله حرام عليج فطوم : شووو حرام ماشفتيه يوم يرمس ودوم الريم : تعرفين انه يغايظج ومايريد يكسر بخاطر ودوم فطوم : سيري لا صدق عصبت منه يوم يالس تغزل ابها الريم : ههههههه ياويلي علي اللي يغارون فطوم تفر عليها المخدة .. يبي يبي تلفوني لا اصفعج الحين ... ويوصل المسج الثالث (( بحظر زفافك يا حياتي بحظر زفاف اللي هويته .. وبرزف عشانك لا تحاتي بهديك كل اللي بغيته .. بهديك دمعي وعبراتي والهم اللي فيني رميته .. وبحظر ولو بعرسك مماتي وشايل معي قلب نسيته .. )) فطوم من قرت المسج يلست اتصيح . الريم تشل التلفون وتقرأ المسج الريم : فطوم والله اذا ماقلتي لمنصور انج تحبيه وتوقفين ودوم عند حدها .. والله اني اللي برمسها وبوقفها عند حدها .. فطوم : لادخييييييييلج اباها هيه تودره وتخليه حقي الريم : انزين شو ناويه اتسوين فطوم : بعدين بقول لج الريم : انزين طلبتج لاترديني وغلاتي عندج رمسي منصور فطوم : خلاص اوكيه عشان خاطر عيونج ادق فطوم حق منصور بس محد يرد على التلفون فطوم : محد يرد يمكن زعل لني مارديت على مسجاته الريم : كله منج معذبه اخويه فطوم : جب جب يعني هو مب معذبني انا اكثر منه متعذبه ومتحمله عشانه بس الريم : لا تسمعج ودوم الحين وتصفعج فطوم : تخسي إلا هيه تحلم تاخذ منصور الريم : ياويلي يا ويلي فطوم : سكتي عني خليني ادق مرة ثانية يمكن يرد ادق فطوم بس محد يرد عليهاطلعت فطوم من المسنجر وسارت عند الريم في الصالة .. فطوم : الله ياخذ ودوم الريم : لييييييش ؟؟؟؟؟ فطوم : قالت حق منصور اني انخطبت الريم : حلفي هاي مينونه هم بعدهم مايو يرمسون يمكن يغيرون رايهم فطوم : دخيييييلج منصور معصب ومتحلفلي اذا خذيته بجلب حياتي الريم : حليله منصور وااايد عليه الصراحه فطوم اطالعها بعين : ليييييش والله ؟؟ الريم : والله صدق حراااام مايستاهل منصور اللي تسوين فيه انت تدرين انه يحبج ومستحيييييييل يحب ودوم فطوم تنزل راسه : انزين شووو تبيني اسوي مااقدر اكسر بخاطر ودوم حتى هيه تحبه حليلها الريم : ودوم اصلا ماتحبه هيه عيبها بس فطوم : انزين والحل ؟؟؟؟؟؟ الريم : ماادري الصراحه يبالها تفكير طوووووووويل يوصل مسج لتلفون فطوم ..... تفج فطوم المسج (( عرفت قدري عندهم مالي معزة في قلبهم ... أبني قصور المحبة والهدم هو طبعهم )) """ منصور """" الريم : من منو المسج فطوم : منصور الريم : يبي التلفون اشوف تعطي فطوم التلفون الريم ويوصل المسج الثاني (( بغيتك أكثر من اللي بكا في ليلة الزفة .. يشوف اللي تمناها تحل لواحد غيره )) فطوم : اووووووف حرااااام شو هااااا الريم : دواج حد قالج ماتردين عليه من قبل يرد يطرش منصور مسج حق فطوم (( سمحيلي فديتج انا في الكلية عندي محاضرة )) ترد اطرش فطوم له مسج (( مسموح حبيبي )) منصور من قرا المسج الفرحة ماشالته واعتذر حق الاستاذ وطلع ودق حق فطوم .. فطوم : خيبه منصور دق الريم : عطيني انا برد الريم : الووووووو منصور : اهلين الريم : اشحالك منصور : بخير .. الريم : واخبارك منصور : سيري جلبي ويهج عطيني حبيبتي ارمسها الريم : اكين اكين منو حبيبتك لا حبيبي مغلط هذا بيت خلفان مب بيت ودوم منصور عصب من الريم : ايه والله لو كنت عندج جان صفعتج تحلمين انت اخذ ودوم لا حبيبتي حقي فطوم بخذها غصبا عن اللي يبا واللي مايبا الريم : باسم الله هدي محد بياخذها فطوم ارتاح منصور : ادري ... مب لازم اتقولين عطيني ارمسها فطوم : الووووو منصور ميت من الفر ح : هلا والله فطوم : اهلين اشحالك منصور : بخير دام اني سمعت حسج فطوم : ............ منصور : فطوم دخيييييييلج عيدي الكلمة اللي كتبتيها في المسج فطوم : ماكتبت شي في المسج منصور : لا كتبتي شي عيدها دخييييييلج فطوم : مااذكر شو كاتبه في المسج منصور : ايه لا تستهبلين عليه فطوم : ............ منصور : المهم انا برمس ودوم وبقولها اني مااحبها فطوم : لااااااااااا حرام منصور : مب غصب (( ماينجبر قلب على قلب )) فطوم : لاحرام عليك منصور : فطوم انا احبج انت فطوم : وانا قلت لك انك انت مثل اخويه لاغير منصور عصب منها : فطوم انت تحبني وانا ادري فطوم قافطه : لا منووووووو قال منصور : قلبي فطوم : لاغلطان قلبك انا مستحيييييل .. انت مثل اخويه انت ماتفهم منصور خلاااص عصب وماقدر يرمس بكلمة .. فطوم : منصور منصور : ......... فطوم : .............. منصور : اوكيه خلاص باي سيده سكر الخط ما خلاها ترمس بكلمة الريم : فطوم والله انج هبله ومينونه بعد فطوم : ليييييش والله الريم : كل مرة تقولين له إنج ماتحبينه فطوم : انزين شو تبيني اسوي الريم : خلاص خلج جذيه على طول اللين ودوم تاخذه اوكيه فطوم : ........... الساعة 3.30 الظهر في الحديقة ... أبو سيف وام سيف والريم وفطوم ومنصور الزغنوطي .. وسيف وشمة وسلامة يالسين يلعبون كورة قدم الريم :فطوم قومي نلعب وياهم فطوم : يلا قومي بو سيف : انا بعد بعلب وياكم فطوم تناقز : الله ابويه بيلعب ويانا بو سيف : يلا ام سيف قومي لعبي ويانا أم سيف : يالله بستر وين تبوني اللعب الحين لو يشوفني حد بقولون خرفت الحرمة بو سيف : كيييفج بس شجعيني أم سيف : اكييييييد لازم سار سعيد يحوطهن بالسيارة على اليبل كاامل فطوم : الله صدق هالمكان فناااااااااان ماعليه كلام ميروه : إللي يشوف هذا اليبل مايقول في دول الخليج يوديهن سعيد عند ضريح سيدنا أيوب .. كان كبييييييييير بس وايد حلوووو .. تمشي شوي تلقى مصلى للنساء والرجال ... بعدين دخلهن حجرة .. مغطايه بسيادات ومدخنه الحجرة .. الريم : ووووووع شووو هالريحه فطوم : بس بسمعونج ورانا حريم الريم : لاعة جبدي من الريحه أأأأأأخ شوووووو هالريحه .. سعيد : شوووو الشيخه الريم تبين يدخنونها بالعود حقج الريم : المفروض هذا سعيد : هههههههه ضحكتيني فديتج الريم ويهاااااا أحمر يزوي : إحم إحم يزوي واقفه سعيد يضرب يزوي على راسها : يا الساحره يزوي : هههههههههه سعيد : انزين يلا طوفن جدام وداهن سعيد عند باب تحت .. وكان ريال واقف يخبرهم .. أول مافتحوا الباب شافوا ريل كبييييرة وريل خيل .. أونه الريل الكبيرة ريل سيدنا أيوب و ريل خيله ... سعيد : يزوي لاتروحين بعيد تعالي هنيه يزوي : لاتخاف علي حرمه سعيد : أي حرمه دخيلج ماطلعتي من البيضة يزوي : سمعتك تراني سعيد : شووووو يعني تعالي فكينا بسرعه يزوي : انزييييييين حشرتنا ودوم : اقول سعيد سعيد : خير ودوم : خلنا نرد اخاف يعصبون علينا سعيد يطالع الريم : ها شو تقولين نرد ولا يزوي : هيه خلنا نرد اكيد قوم مبارك وصلوا سعيد : مشكله الرزه إنت منو رمسج يزوي : أنا الناطق الرسمي للريم صح ريموه الريم اطالع سعيد وتضحك : صح غناتي يزوي سعيد : يلا انزين بسرعه فكنا من حشرتكن منو يشل بنات وياه .. يرد سعيد ويا البنات عند الحريم .. قبل ماينزل سعيد من السيارة صاح تلفونه .. بس مارد عليه .. ورد مرة ثانيه صاح التلفون شله بسرعه ونزل من السيارة وسار بعيد عنهم .. ميروه : والله شاكه فطوم : بشوه ميروه : سعيد يرمس بنيه فطوم : اشدراج ميروه : سمعته يقولها صبري شوي الريم واقفه وياهن وتسمع كل شي وعيونها انترسن دموع .. بس فطوم حبت تغير الموضوع فطوم : ميروه اكيد تتخيلين ميروه : والله اني سمعته الريم وهيه ماسكه عمرها : قومن انسير عنده اريد اسمعه فطوم تغمز لميروه : الريم استهدي بالله اكيد هاي ميروه تتخيل الريم وهيه معصبه : بتقومين وياي ولا بسير بروحي فطوم : انزين هدي لا يشوفنج الحريم الريم : يلا بسرعه قبل لايسكر من عندها تقوم فطوم وياها الريم وميروه ويزوي ودوم .. سارن صوب سعيد كان يرمس تلفون .. الريم بس وقفن هنيه عشان مايشوفنا .. سعيد مالاحظ انه حد كان يراقبه ماخذ راحته داق سوالف سعيد : دخيلج فهميني مااقدر ................ الريم : فطوم سمعتي بأذنج فطوم : ............... سعيد : خلاص فالج طيب حبيبتي الريم من سمعة كلمة حبيبتي ماقدرت تمسك عمرها يلست اتصيح .. سعيد لف يشوف منو اللي يصيح يوم شافهن واقفات يطالعن والريم منهاره وتصيح .. يلس يطالع .. سعيد : انتن ؟؟؟؟؟؟؟؟؟!!!!!!!!!!! البنات : ........................... تربع الريم وهيه تصيح وتربع وراها فطوم .. ودوم : صدق ماتستحي سعيد : ...................... ودوم : تستاهل اللي بتسويه فيك سعيد : ................. تسير ودوم وميروه ويزوي عن سعيد يخلنه بمصيبته اللي يابها حق عمره .. فطوم يالسه تهدي في الريم عشان تسكت بس ماقدرت تهديها .. الريم : اكرهاااااااااااااااا مستحييييييييييل اخذه لو اموت فطوم : الريم فديتج هدي مااحب اشوفج جذيه الريم : والله انه خايس بس مستحيل اسكتله فطوم : دخيلج سكتي الحين بسمعونج قوم امايه واكيد بيدرن بالسالفه الريم دخيلج لاتكبرين السالفه وتستوي مشاكل مافينا عل عوار الراس الريم تاخذ نفس طويل وتمش دموعها : صدق خبله اصيح على هالأشكال يسير عندها اللي لاقطنها من الشوارع يزوي : ههههههههههههه الريم : وانت حق شو اضحكين اللي فيني يكفيني فطوم : بس خلاص فكنا مافينا نحن مب في البيت يوم انسير البيت يصير خير ميروه : ودوم قومي انسير نيب ماي عشان الريم تغسل ويها سعيد حالته حاله .. مايعرف وين يودي ويهه من الريم .. سعيد : شوووو سويت انا والله اني مينون الله عاطني وحده لاشفت بجمالها واخلاقها واسير اربع ورى هالبنات اللي ماادري شو من الشي هن .. شوووو سويت انا ياربي .. الحين لو درا منصور والله ماايوزني اخته اكيد من حقه ماايوزني .. يقاطعه حبل أفكاره صوت منصور ومبارك .. منصور : سعووووود سعيد : ها ..هــ هااااا شووووو منصور : باسم الله عليك لايكون ضربك يني سعيد وهو مرتبك : أي يني واي خرابيط الله يهديك مبارك : عيل بلاك وين وصلت سعيد : ماشي .. إلا هنيه منصور : زين يلا قوم نتغدا سعيد : يلا قوموا من جهة البنات .. يحاولن في الريم تقوم تتغذا بس هيه ابدا مب طايعه ماتريد اجابل شيفة سعيد فطوم : ياغبيه قومي عشان تبينين له انج مب مهتمه فيه الريم : مافيني مااريد اقوم اخاف اذا شفت ويهه اضارب وياه يزوي : الله وناسه بنشهد حدث عالمي وفريد من نوعه البنات : هههههههههههه الريم : والله انكن فايجات احر ماعندي ابرد ماعندكن ميروه : قومي لاتفضحينا فطوم : صدق والله خليج قويه جدامه عشان يعرف انج مانجرحتي من كلامه الريم : اخاف فطوم : قوي قلبج وخليج قويه الريم : انزين يلسن شوي خمس دقايق اللين مااهدي شوي بعدين بنسير فطوم : انزين خلاص يلا ضحكي بس الريم تبتسم ابتسامه بس في قلبها كلها حزن وكره لليوم اللي عرفت فيه سعيد وللحظه اللي سمحت لقلبها يحبه .. من الجهة الثانية الكل كان يالس الحريم والعيال والشباب ام منصور : وينهن هذيل البنات مايبن غدا ام مبارك : والله صدقج سارن ولا ردن ام سعيد : سعيد ابوي دق على ودوم قالهن تعالن سعيد بتردد : انشالله امايه يدق سعيد على تلفون ودوم .....ترررررررررن ..تررررررررن ودوم : هذا سعيد الريم : مب الفايده جانه سعيد فطوم : ردي عليه ودوم : الوووو سعيد : هلا ودوم : خير سعيد : قوم امايه يقولن تعالن بسرعه ودوم : اوكيه باي فطوم :شووووو يبون ودوم : قوم امايه يبونه نسير ميروه : يلا قومن الريم خليج حرمه ولاجنه شي مستوي الريم : لاتوصين من هاي اللحظه بتبدأ المعركة يزوي : ياسلااااااااام اسمينا بنشهد هذي المعركه الريم : لاتطنزين الأيام يايه وبتعرفين منو الريم فطوم : يلا لاحقين على المعركه سارن البنات عندهم .... البنات : السلام عليكم الجميع : وعليكم السلام ام سيف : وينكن حشا من ساعه نترياكن فطوم : سمحونا بس كلنا نخطط ام مبارك تضحك : حق شو تخططن فطوم اطالع سعيد : حق المعركة ام منصور : أي معركة هاي اللي بتسونها الريم تقرص فطوم عشان تسكت : لا ... امزح ام سيف : والله انكن حركات .. يلا قربن نتغدا برد الغدا سعيد يريد يرفع عيونه في عيون الريم بس مب قادر يواجها .. اما الريم من برع هالله هالله ومن داخل يعلم الله .. منصور : عقب الغدا بنرد البيت فطوم : صح بنسير نرتاح ام سيف : خلاص انشالله الساعه : 5.30 العصر كانن البنات يالسات برع يسولفن ويغيرن على الريم الجو عشان تنسا اللي استواه .. ايي مبارك وسعيد .. الريم من شافت سعيد قامت تريد اتسير داخل .. مبارك : اشفيها الريم من شافتنا شردت ولا عشان شافت سعيد واستحت وسارت داخل فطوم اطالع سعيد : لا ماشي بس جذيه سارت تريد ترتااااااح مبارك : اهااااااا .. اقول فطوم تعالي اباج بسالفه فطوم : خير شو صاير مبارك : لا بس تعالي بعدين بتعرفين دخلت فطوم ويا مبارك داخل .. ويلسوا في الصاله يخبرها السالفه كان مبارك يالس يرمس فطوم بسالفه منصور وانها وايد معذبتنه وياها .. فطوم ودموعها في عيونها : مبارك دخيلك افهمني مبارك : شو افهمج خبريني شو الحل الحين فطوم : دخيييييييلك لا تعذبني في هاللحظه ايي منصور ويسمعها تقول حق مبارك دخيلك لاتعذبني وهيه تصيح .. منصور لفت فيه الدنيا ماقدر يتصور اللي كان شاك فيه طلع صح .. كل اللي كان متوقعنه طلع كله صح وان فطوم تحب مبارك ومبارك يحبها .. منصور ماقدر يمسك عمره يلس يطالع ودموعه ينزل وهو مب حاس بعمره .. فطوم انتبهت لمنصور وقفت في مكانها اطالعه .. منصور لف عنهم وسار الحجرة وسكر الباب على عمره .. اما مبارك ماشاف منصور يوم كان واقف لأنه كان عاطنه ظهره مبارك : والحين فطوم رمسيه حرام عليج فطوم : مبارك خلني في حالي سارت فطوم حجرتها وحالتها حاله ... اما منصور كانت حالته لاتسر عدو ولا صديق .. منصور : لا مستحيل فطوم تحبه فطوم تحبني انا تحبني انا .. انا شو يالس اقول شو اقص على عمري سمعتها بإذني تقوله لاتعذبني شو يعني كلامها اكييييييد تحبه مايباله شك .. ليش ياربي ليش انا من كنت صغير وانا اعزها واقدرها ويوم شفتها في بوظبي خذت تفكيري وقلبي .. ليش ياربي تعذبني ليش ياربي كل اللي يحب لازم يتعذب شو سويت انا بحياتي عشان اشوف اللي اشوفه الحين .. منصور يحاول يهدي عمره شوي : لازم انساها والله انه ماتستاهل اني افكر فيها أو دموعي تنزل عشانها .. فيه مية وحده تستاهلني مب هاي اللي ماتعرف المشاعر والحب .. يمسك تلفونها ويطرشلها مسج : خيانة وإنتهت آخر سوالف عشقي المجنون .. في ليلة حلمي الوردي تحطم في نهايتها .. في ذيك الليلة كان أهون عليه أحيا بدون عيون ولا أشوف اللي شفته من حبيبة قلبي ساعتها ... خياااااااااانه .. آآآآآآآآآآآآآه .. خياااااااااانه .. فطوم من سمعة نغمة المسج انقبض قلبها حست انه من منصور .. شلت عمرها وسارت فجت شنطتها وطلعت التلفون وبينها وبين نفسها : يا ربي مايكون المسج من منصور .. جااااااااري فتح الرساله والصدمه الكبرى طاحت على راسها .. فطوم : لااااااااااامستحييييييييييل ليش فاهم غلط لا ياربي شو بقول عني الحين لازم يعرف السالفه لازم .. اترد اطرش له ( منصور دخيلك انت فاهم غلط ) يرد عليها منصور بمسج ( أرجوك تسكت لا تكلم ولابحرف .. مالك عذر مالك كلام تقوله .. ياشيخ آسف وين بلقى لها صرف .. مادام قلبك انكشف لي ميوله ) فطوم ( ياناس خلي راح عني وانا اشوف .. ياناس ذاك اللي أحبه تخلى .. ياناس قولوا له ترى القلب ملهوف ) منصور ( لك تحياتي ابا أرحل .. رحله من دون جيه ألف شكر على الخيانه .. ألف شكر للأسية وإنتي وحده بكيفج .. حبي عشره .. حبي ميه ) فطوم ( حتى بالمحبة يكذبون .. ) منصور ( الحب للي يقدرون المحبة .. ماهو للناس مايراعون الاحساس .. وفن الهوى ياناس ماينلعب به .. صعب ولاتنبض به قلوب يباس ) فطوم ( منصور دخيلك اسمعني للمره الأخيره وبعدين ارمس ) منصور ( خلاص مااريد اسمع منج شي ولو سمحتي يا بنت عمتي مسحي رقمي من تلفونج وخلاص لاطرشين مسجات .. الصراحه قلبي عاااااااافج ) فطوم من قرت المسج عصبت على الأخر وغلقت تلفونها وفرت عمرها على الشبريه ويلست اتصيح وادش عليها الريم .. الريم :فطووووووم بلاج فطوم : ................ الريم : فطوم قولي شو صار لا يكون .. وتقاطعها فطوم : منصووووووور الريم : شو سوى فطوم تشل راسها وتقولها السالفه كاملة الريم : والله ماعندج سالفه يالسه اتصيحين عليه نحن شو قلنا خلاص بنعلن الحرب عليهم كلهم فطوم : والله تنكتين بعد اقولج يتحسبني احب مبارك وانت تقولين لي حرب الريم : والله مبارك احسن واحد فيهم فطوم : لا حبيبتي كلهم من نفس الطينة الريم : خليها علي والله لايندمون كلهم على اللي يسوونه فينا فطوم تعدل يلستها : وشووووووو بتسوين يا أم الأفكار الريم : سمعيني زين .. بس قبل وين باقي الشلة فطوم : برع يالسات ويا سعيد الريم : ووووووووع مالقن غير سعيد ايلسن وياه دقي على تلفون ودوم وقوليلها اتي فطوم : تشل تلفونها وادق حق ودوم ودوم : الووووووو فطوم : إإإإإإإإيه تعالن داخل بسرعه فيه اجتماع ودوم : اوكيه باي ودوم ترمس اميروه ويزوي : يلا قومن نسير داخل في إجتماع عشان المعركه سعيد : وين ايلس بروحي هنيه ودوم : ايلس كلمها شووو رايك احسن لك سعيد : ودووووووووم ودوم وهيه سايره داخل : شووووووو قلت شي غلط .. وتدخل عنه داخل . وانسدح سعيد على الكرسي يفكر بحل حق مشكلته .. وايي مبارك وهو يدندن : أبرك الساعات وأطيبها .. يوم أشوفك يا بعد عمري .. راحة الدنيا أحسبها .. في وجودك يا سنا البدري .... سعيد : والله أنك متفيج مبارك : حبيبي هدي أعصابك .. كله ولا عتابك سعيد : بروووك يوز عني والله تراني واصل حدي مبارك : شووووووهاال البلشه اليوم الكل واصل حده بلاكم نحن يايين نستانس مب نضايج سعيد يعدل يلسته : وين منصور مبارك : ليش انا مب تارس عينك سعيد : محد يفهمني كثره مبارك : انزين جربني يمكن أنفع سعيد : سير أزقر منصور وتعال مبارك : شووووووووو اشتغل عندك سعيد : هاي من أولها مبارك : شووو من أولها مافهمت سعيد : في موضوع خطير لازم يباله حل قوم يلا ازقر منصور مبارك : والله عمره طويل الريال هذوه وصل منصور : هاااااا أكيد تحشون فيني سعيد : أفاااااااا والله انا حبيبك وربيعك بحش فيك منصور : ززين والله زين يوم حد يحاتيني سعيد : منصور ايلس لازم نستعد حق الحرب مبارك : هههههههههه شووووو استويت يا البنات حرب سعيد : اوهوووووو مبارك انا ارمس جد مايالس امزح مبارك : حتى انا ارمس عم ولا خال كككككككككككك سعيد : مباااااااااااااارك بتيوز ولا اقوم لك منصور وقلبه يحترق كاره مبارك وده يقوم يجتله : بس عاد اشطولكم وبتضاربون سعيد : منصور سمع لازم تعرف شو صار اليوم منصور : شوووووو سعيد : السالفه ...........................الخ منصور معصب : حلف بس انت سعيد : منصور دخيلك والله مااقصد منصور : شوووو ماتقصد لاتنسا هذي اختي يعني ماارضالها سعيد : خلاص دريت بس تعرف انت ماقدر اتعدل مره وحده لازم شوي حتى ينصلح حالي منصور : استغفر الله .. واقول انا ليش يقولن حرب سعيد : تراها حرب كبيرة ناويات علينا منصور : خلاص ولايهمك انا بدش المعركة وياك مبارك : اقول تسلحوو زين تراها حرب مب لعب ههههههههههههههه منصور : كككككككككك تنكت بعد مبارك : اوهوووووو نسيت خلاص بدش وياكم المعركه بس إذا تعورت عليكم سعيد : اقوووول أول شي لازم أنكون مستانسين ونضحك من الخاطر منصور : أكيييد مايباله كلام سعيد : لازم نسوي ربشه شوي مبارك : شوووووو بتسوي بتفجر قنابل من أولها سعيد : مبارك أنت كله طايح طنازه اليوم مبارك : شووووو اسوي اغير الجوووو كله متكهرب سعيد : منصور قوم شغل سيارتك منصور : ليييييييش سعيد : شغل المسجل وطول عليه منصور : بتيول سعيد : هيه منصور : والله مافيك حيله يا ولد مطر مبارك : الله وناسه سعيد : مبارك سير أزقر الأولاد الباقين ( عبدالله وسيف وراشد وحمدان ومحمد وسالم ) سار منصور شغل السيارة وطول على المسجل أأأأخر ويلسوا كلهم اييولن Quote Link to comment Share on other sites More sharing options...
النشمي_الشروقي Posted مارس 6, 2005 Report Share Posted مارس 6, 2005 مشكووورة Quote Link to comment Share on other sites More sharing options...
M@N@MY@7 Posted مارس 7, 2005 Report Share Posted مارس 7, 2005 يزوي : شووووو هالحشره شو مستوي تسير ميروه اطالع الدريشه : لحقن يترابعن البنات كلهن عند الدريشه الريم : مالت يبون يلفتون نظرنا فطوم : فديته منصور يعرف ايول الريم : فطووووووووم شو قلنا فطوم : خلااااااص نسيت تطلع أم منصور : شووووووو هالحشره اللي مستويه الريم : امايه لحقي هذا ولدج مستخف برع فضحنا جدام الخلق يطلعن الحريم ويطلعن البنات وياهن .. منصور من شاف أمه اطالعه .. يسير أونه أيبس عند أمه وعيووونه كلها عند فطوم يغايظها الريم : أمااايه هزبيه فضحونا شوو بقولون الناس عنا مستخفين محد غيرنا ام منصور : منصور منصور مسك المسجبه بإيده : نعم يا أم منصور أم منصور : بند المسجل فضحتونا منصور : أمايه عادي فديتج أم منصور : سير بند بسرعه جدامي البنات : ههههههههههههههههه سعيد ومنصور ومبارك الشرار طالع من عيونهم . الريم يلا بنات انسير داخل الريم اطالع الشباب : النتيجه للحين 1 / صفر منصور يطالع سعيد : بدت المعركه يا بو عسكور سعيد و مبارك : ............................. الريم يلا بنات انسير داخل الريم اطالع الشباب : النتيجه للحين 1 / صفر منصور يطالع سعيد : بدت المعركه يا بو عسكور سعيد و مبارك : ............................. منصور : والله تشجعت أكثر الحين سعيد : والله لراويج ياعروسة المستقبل يدخلن البنات .. داخل الحجرة ويسكرن الباب اطيح يزوي على الشبريه : هههههههههههه والله بموت من الضحك فطوم : والله الشرار طالع من عيونهم ميروه : انا شكلي بطلع من المعركة أخاف مافيني على المشاكل الريم تضربها على جتفها : سيري والله انج خوافه ميروه : والله إنكن تزيغن الريم : كيفج حبيبتي تريدين اطلعين من المعركة طلعي من الحين ودوم : ميروه شوووووو هالرمسه ميروه : أخاف والله ماتعرفينهم زين يقاطعها صوت تلفون فطوم الريم : لايكون .... وتقاطعها فطوم : لا هذا أبويه فطوم : الووووووو بو سيف : هلا والله فطوم : هلا ابويه اشحالك عساك بخير بوسيف : بخير مانشكي باس ومن صوبج فطوم : والله كلهم بخير بوسيف : انشالله مستانسين فطوم : الحمدلله نترياكم توصلون بوسيف : لا ابويه مابني نحن فطوم : لييييييييش بوسيف : خلاص انت بتردون باجر فطوم : شوووووو منو قال ؟؟؟ وليييييييش ؟؟ بوسيف : منصور يبونه بشغل ضروري يرد فطوم : شووووو هاااااا مااستانسنا بوسف : والله دار خليفة ماعليها كلام فطوم : والنعم والله بس ماقلنا شي بوسيف : بتستانسون هنيه بعد بخطوبة الريم انشالله فطوم اطالع الريم وتغمزلها : انشالله ابويه بوسيف : وينها عيل امج من ساعه ادق على تلفونها ومغلق فطوم : ماادريبها والله بس صبر شوي بوديلها التلفون تطلع فطوم من الحجرة وتزقر أمها ... فطوم : أماااااااااااااااايه أم سيف : خير اشعندج فطوم : تلفون ابويه ام سيف : هاتي التلفون تطلع فطوم وتسير الصاله وتعطي امها التلفون فطوم : امايه يوم بتخلصين طرشي تلفوني الحجرة ام سيف تأشرلها بإيدها عشان تسير ترد فطوم الحجرة .. وهيه ادندن .. :يا صاحبي وش فيك قاعد لحالك .. وليش انت متغير ومشغول بالك .. صارحني قاسمني عناك وهمومك .. ماأطيق أشوفك متعب الهم حالك ترد عليها الريم : ياصاحبي ضاقت علي الليالي .. باللي شغل قلبي وفكري وبالي .. خوفي أسولف وأخسر إنسان غالي .. يا أخسرك أو أخسره في بالي .. فطوم : ياصاحبي وش فيك الريم : ياصاحبي مهموم فطوم : حيرتني وأحترت باللي تقوله .. وإن كان عندك سر بالله قوله .. ماعاش من يخسر غلاك بسهوله .. ولاعاش من يقطع بعمره وصاله .. الريم : خايف أقول وأصدم إحساس قلبك .. واحد لعبي بالغرام ولعبك .. هو حبني وإنت تذكر يحبك .. لاهو وفاء حبي ولاهو وفالك فطوم : ياصاحبي وش فيك الريم : ياصاحبي تعبان فطوم : يعني أنا وأنت بهالحب ضعنا .. واللي نحبه ياحسافه خدعنا .. ماإنت الغلامه وداني فوق معنى .. والغدر طال إحساس قلبي وطاله .. الريم : هذا الذي وصال بينك وبيني .. وأسهر عيونك في غرامه وعيني .. كلمة أحبك لي تجيلك تجيني .. والشوق نفس الشوق جاني وجالك .. فطوم : ياصاحبي وش فيك الريم : والله تعبان فطوم : ياصاحبي مهما تكون الحقيقة .. أو تشتعل بالقلب مية حريقه .. أنا من اللي صعب يخسر رفيقه .. لجل المحبة أو أبدل بداله .. الريم : وانا من أجل الحب ما أخسر رفيقي .. ولا أغير عن طريقه طريقي .. واللي جمعني معك حبٌ حقيقي .. لك ماتبي حتى حياتي بدالي فطوم : ياصاحبي وش فيك الريم : لا لا لا يهمك فطوم : ماأطيق أشوفك متعب الهم حالك .. الريم وهيه بعدها ادندن : بس خلااااااص وسلاااااامتكم يزوي وميروه ودوم يصفقن .. يزوي : والله مافيكن حيله الريم : مشكورة هذا من طيب أصلج ميروه : والله خطيرة روعه شووووو متفقات انتن فطوم تسير تيلس عدال الريم وتخلي ايدها على جتف الريم : انا والريم روح وحده في جسمنا وقلوبنا عند بعض والله ماتعرفون شوووو كثر أحبها الريم تحب فطوم على خدها : فديييييييتج ياربي حتى انا احبج يزوي : لاااااااااا ونحن وين رحنا توقف فطوم وتفج الدريشه : يزوي سمعيني انت بنت خالتيه يعني مش وايد وياج كثر الريم وهذي أول مرة نطلع ويا بعض يعني بعدني مش للين هناك وياكن حتى ودوم صح انا وياها وايد ويا بعض بس مااقولها كل اللي في قلبي مثل الريم يعني فهميها انا احب اقول كل شي حق الريم ويمكن مع الايام اقولج كل اللي عندي ميروه : اما انا ارتاح اكثر شي حق ربيعتيه نورة الريم : اما انا تعرفون حق منو ارتاح بدون مااقول ودوم : انا ماعندي حد محدد يزوي : الحمد لله حتى انا ماعندي حد اقوله لأني مااحب اقول حق حد لأني مااثق في حد فطوم : انزين خلونا من هذي السالفه لازم نفكر الحين شو بنسوي الريم : انزين تعالي يلسي عشان نخطط زين مازين ميروه : يعني انت مصرات على الحرب ودوم : اذا ماتبين عادي طلعي بس لاتفتنين ميروه : ههههه شو قالولج فتانه ودوم : لا مااقصد فطوم : لا ميروه انتي اكبرنا يعني تعرفين اكثر منا يعني مانستغنا عنج ميروه : اوكيه بس خلن الفكره اليديده علي الريم : اوكيه يا الزعيمة فطوم : اووووووه نسيت الريم : شووووووو فطوم : الريم تعرفين شو قال ابويه الريم : شوووووو فطوم : قال بنرد باجر لازم عشان اونه منصور عنده شغل ولازم يسير الريم : لا شووووهاااااا فطوم : وازيدج بعد وقال بتفرحون بخطوبة الريم الريم تغير لون ويها : اووووووف فطوم : شوووووو بتسوين الحين الريم : بخذه بعد شو بسوي يزوي : شووووووو تخبلتي الريم : سمعن اللي استوى لازم يتم سر بينا ومااريد حد يعرف خاصة أمهاتنا يعني نحن متفقين على كل شي قبل مانكشف سعيد يعني انا مااقدر ارده الحين وإذا قلت لهم اللي استواه اكيد بتعصب عموه ام سعيد وبتعصب امايه ومستحيل تخليني اخذ سعيد وبتستوي المشاكل فطوم : انزين بس..... الريم ودموعها في عيونها : هذا حظي لازم ارضى فيه ماأريد اسوي مشاكل بين عائلتنا حرام ادفعهم غلطة سعيد فطوم : بس الريم خلاص طبن السالفه خلونا في المهم ميروه : انا بسير اييب عصير حقنا وبرجع اوكيه ودوم : يلا ميروه انا بقوم وياج طلعت ميروه ودوم سارن المطبخ اييبن عصير وهن سايرات شافن الشباب يالسين في الصاله بس طنشن ودخلن المطبخ وهن طالعات المطبخ منصور : حووووو قولن حق فطوم تلفونها في الصاله سارن داخل وخبرن فطوم وفطوم طلعت معصبه فطوم سارت صوبهم فطوم : منصور مبارك يوم شاف فطوم حب يخليها وهيه منصور بروحهم وشل سعيد وطلع برع منصور : نعم فطوم : هات تلفوني منصور : مب عندي فطوم : عند منو منصور : هكوه على الطاولة ولاتتهمين بعدين والله ماسكيته بس شليته من الكرسي وخليته على الطاولة حتى مافجيت وشفت فطوم سارت صوب الطاولة وشلت تلفونها : منصور منصور لف يريد يطلع برع فطوم : منصور اسمعني للمرة الأخيره دخيلك منصور : شوووو بتقولين مثلا انا مثل اخوج ومبارك ..وتقاطعه فطوم فطوم : لاااااااحرام عليك انت غلطان منصور : شوو غلطان سمعتج اتقولين له لاتعذبني شو قصدج فيها فطوم تتنهد : بخبرك كل شي وانت كيفك بتصدقني ولا لا منصور : انزين خلينا نطلع برع احسن أحس عمري مخنوق داخل فطوم : انزين طلع منصور وفطوم من البيت وساروا برع منصور : يلا قولي اسمعج فطوم : بقول كل شي بس بشرط ماترد علي ولابكلمة منصور : موافق فطوم : منصور مبارك زقرني كان يرمسني عشانك يقولي حرام باللي تسوينه في منصور ويقولي حسي فيه وانا رديت عليه حرام لاتعذبني اكثر مب انا متعذبه منصور نزل راسه وابتسم ......... فطوم : هذي هيه السالفه ومشكوووور على المسجات الحلوة وتلف وسارت عنه سار منصور وانسدح تحت الشيره : والله شووووو سويت انا شكيت فيها حرام عليه .. بس والله ارتحت من رمستها لازم اعتذر حقها والله ماتستاهل المسجات اللي طرشتهن الساعه 7.32 الحريم والشباب الكبار والصغار يالسين في الصاله والبنات الصغار يالسات بعد ام سيف : هنود سيري زقريهن البنات سارت هنود تزقرهن فطوم : خير امايه ام سيف : يلسن ويانا بغيتكن بسالفه فطوم : خير امايه ام سيف : سيرن لمن قشاركن لازم باجر انرد هنود : لا لييييييش ام سيف : منصور عنده شغل ولازم يرد ضروري فطوم : انشالله سارن البنات يلمن اقشارهن .. وعقب ماخلصن سارن يلعبن كيرم بس حصلن الكيرم عند منصور ومبارك الريم : اوووووف شو هاااا منصور : خير لييييش تتأففين الريم : نريد الكيرم منصور : بشرط الريم : شووووو منصور : ادشون ثنتين ونحن ثنين شو تقولين الريم : اوكيه موافقه وتلف الريم صوب البنات : منو بدش تلعب وياي فطوم : انا منصور : يلا مبارك انت وياي مبارك : لامافيني بسير ارقد تعبان سعيد يطالع الريم : انا بدش وياكم منصور : اوكيه يلا يلسوا يلعبون يبون يطلعون حد .. بس ماقدروا ويت الساعة 12 وبعدهم ماخلصوا ميروه : بسكم بنسير نرقد فطوم : سيرن برايكم انا اليوم مابرقد لين حد يفوز يزوي : والله برايكم مااشوف من الرقاد سارن البنات يرقدن بقت فطوم والريم ومنصور وسعيد يلعبون وشوي وتطلع الريم من اللعبة الريم : فطوم انت الأمل الوحيد لاتخلينهم يفوزون منصور : ههههه بعد هاي فيها حرب الريم : هيه اكيد فيها حرب فطوم : افااااا يالريم مابخليهم يتعادلون ويانا منصور : الريم سيري هاتينا ماي الريم : انزين بعد نص ساعه طلع منصور وتمت فطوم وسعيد يلعبون الريم : فطوم دخيلج لاتخلينه يفوز سعيد : انا مستعد اتنازل عن اللعبة عشانج الريم من طرف خشمها : لامايحتاي انا اثق في قدرات فطوم سعيد : .......................... تقريبا بعد ربع ساعه فازت فطوم على سعيد بس فرحة الريم كانت كبيرة يقول ماخذه كاس الريم : اخيرا منصور : اوووف تعبت بسير ارقد سعيد : مبروك الفوز الريم الريم اطالعه من طرف عينها : عشان تعرفون قدرنا زين مطت الريم فطوم وسارن يرقدن منصور : يلا سعيد قوم نرقد سعيد : لامافيني رقاد منصور : الله ياخذ عدوك طالع الساعه 2.30 سعيد : برايك سير رقد انا بيلس شوي منصور : برايك تصبح على خير سعيد انسدح على الكرسي ويلس يفكر في الريم وكيف بكلمها .. سعيد : آآآآآآخ ياقلبي والله مادري كيف بخلي عيني في عيونها والله اني مستحي منها ........ وينج يالريم وتشوفين قدرج وغلاتج عندي .. سمحيلي يالغالية والله ماكان قصدي شوووو اسوي بحياتي ماقدر اتغير في دقيقه .. بس مهما تسوين لو تذبحيني بتمين الغالية واللي عمري مابزعل منها واقطع عمري عشان رضاها .. تاخذه الأفكار يمين ويسار حتى داخ ورقد .. الساعه 11.30 كانوا كلهم في المطار يتريون طيارتهم .. سعيد يتحرقص لأنه كان مقرر يسير يرمس الريم بس ماحصل الفرصه عشان يرمسها .. سار اشترى وردة وقرر انه هو يسير يعطيها واللي يصير ما يصير سعيد يمشي وخطواته ثجيله عليه لأنه بيواجه الريم جدام البنات .. كانن البنات يالسات على الكراسي بروحهن بطرف .. وايي سعيد ويوقف في ويهه الريم وترفع الريم عيونها .. سعيد يخلي الوردة جدام عيونها : خذ وردة العمر من فضلك .. خذها من ايدين مهديها .. مازفت لحد من قبلك .. يانهر جاري يغذيها .. روح المولع فدا عمرك .. أرضاك فالوقت يرضيها .. خليتها من لحض سمرك .. في الود تامر وتنهيها .. توقف الريم ويوقفن وراها البنات .. بس ولا وحده رمسة ويقاطعهم صوت (( على المسافرين رحلة رقم 2014 التوجه إلى بوابه المغادرين فوراً أكرر النداء )) ..تشل الريم الوردة وتمط وياها فطوم بسرعه تسير بدون ماترد عليه يزوي تقلد سعيد : خذ وردة العمر من فضلك سعيد يطالع الريم وهيه تمشي : يزوي عيب ودوم : أول مرة أعرف إن أخويه رومانسي سعيد : والله انكن متفيجات يلا بسرعه ماسمعتن بنسير يسير سعيد وخاطره يرمس الريم وترد عليه في الطياره .. الريم ماسكه الوردة وهيه سرحانه فطوم : حوووووووو وين وصلتي الريم : وياج فطوم : لاعند سعيد الريم : تخسين فطوم : لا والله ذابة البنت يوم عطوها الوردة الريم : تصدقين فطوم توني أعرف سعيد رومانسي فطوم : هههههههههههه الريم : اووووف محد فاهمني فطوم : دخيلج لاتعكرين مزاجي بسوالفج انت وسعيد الريم : والله انج سباله مب منج من اللي يشكيلج فطوم : أمس كنتي تكرهينه وماتبينه واليوم متي يوم عطاج الوردة الريم : قلت لج محد فاهمني فطوم : اووووف منج خليج يا فارس المستقبل بسير اشوف قوم ميروه الريم تلف صوب الدريشه وتفكر في سعيد : أأأأأخ منك ياسعيد كيف معذبني وياك .. مهما سويت بتم غالي مهما صار .. بس لازم تعرف قدري وماتفرط فيني عشان بنات الشوارع .. بس والله عيونه يت في عيوني ماقدرت امسك عمري زين ماطحت عليهم .. وتقاطعها صوت سلامه (( 2 ابتدائي أخت فطوم .. لايكون نسيتوها )) سلامه : ريموه عطيني الوردة الريم : شوووووو سيري لا سلامه : دخيلج حرام الريم : اسفه حبيبتي سلامه : انزين منو عطاج اياها الريم : ريلي عطاني وردة سلامه : شوو تقصين علي الريم : سلامي سيري عني لااضربج تسير سلامي وهيه تتحرطم .. وسارت تتخبر سعيد ومبارك عن الريم الريم : سعيد منو ريل الريم سعيد يطالع مبارك وهو مبتسم : ........... مبارك : ليييييش منو قالج الريم : هيه قالت شل سعيد سلامه وخلاها في ثبانه : قولي لي شو صار بالضبط سلامه : سرت قلت لها عطيني الوردة بس ماطاعت وقالت ريلها عطاها الورة مبارك وهو ناقع من الضحك : هههههههههههههههههههههه سعيد : انزين تريدين تعرفين منو ريلها سلامه : منوووو انت تعرفه سعيد : هيه اكيد اعرفها سلامه : منو انا اعرفه سعيد : بعدين بتعرفينه بس سيري عند الريم وقوليلها يقولج ريلج يحبج وسامحيه سلامه : انزين سارت سلامه عند الريم سلامه : الرررررريم الريم : خير شو تبين سلامه : يقولج ريلج يحبج وسامحيه الريم وهو تضحك : هههههههه منو اللي وصلج الكلام سلامه : سعيد الريم : سيري قوليله هيه ماتحبك ومب مسامحتنك سلامه : انزين سارت سلامه عند سعيد سلامه : سعيد قالت الريم انها هيه ماتحبه ومامسامحتنه مبارك خلاص بموت من الضحك على سعيد : ههههههههههههههه سعيد والشرار طالع من عيونه : خلاص سلامي سيري عند قوم امج Quote Link to comment Share on other sites More sharing options...
M@N@MY@7 Posted مارس 7, 2005 Report Share Posted مارس 7, 2005 سارت سلامه عند امها .. مبارك : هههههههههههههه سعيد : بروك خلاص عاد لا أفج حرتي فيك مبارك : ولا ماتحبك العروس ههههههههه سعيد : مبارك مبارك : خلاص بيسر عنك لاتجتلني بسبتها سعيد : أحسن بتسوي خير يوم بتفارج مبارك : والله ماتستاهل قعدتيه وياك بيسر عندهم احسن لي عنك سار مبارك عن سعيد ويخليه بأفكاره سعيد : لييييش جيه قالت اكيد بعدها معصبه علي .. فطوم : الله ياخذج شي سوق الحين الساعه 3 الظهر الريم : انزين لاترقدين وايد فطوم : ليش انت وين بتسيرين الريم : بسير الم قشاري فطوم : انزين سكري الباب وراج وبندي الليت الريم : انزيييييين الساعه 2 الظهر طلعوا من المطار وساروا البيت .. في بيت بو سيف .. ام سيف : يالله كيف اشتقت للبيت فطوم : يالله عاد يا امايه إلا يومين ام سيف : هاليومين جنهن سنتين منصور يطالع فطوم ويضحك : اكيد ماشافت اللي في بالها ام سيف : منصور يالله بالستر شو قصدك وقف منصور يريد يسير : بو العيال حد غيره ام سيف تريد تغير السالفه : وانت وين ساير منصور : بسير اسلم على الربع تعرفين بعد باجر برد بوظبي وخلاص مابتشوفيني شرات الحين مجابلنكم اربع وعشرين ساعه بيلس احاتي الشغل بعدين انقبض قلبها فطوم من سمعة الرمسه .. ام سيف : لييييش يالله بالستر منصور : تعرفين بعد عموه الشغل خلاص جريب بنودع البطاليه مالتنا ام منصور : الله يوفقك يا وليدي وسوق شوي شوي وانشالله اسمعك تحاتي حرمتك ياربي منصور يطالع فطوم : انشالله الله يسمع منج فطوم ويها استوى مثل الطماطه وتنزل راسها .. منصور يطالع امه: بعد امايه فيه اوامر ثانيه فطوم بسرعه بدون تردد : هيه فيه انصدم منصور من ردة فعلها والكل يطالعها منصور : شوووو بعد فطوم : ههههههه سلامتك منصور : الله يسلمج يلا عيل اترخص منكم ام سعيد : اقول ام منصور ام منصور : عونج ام سعيد : شو رايكم انخلي الأسبوع الياي الملجه تعرفين بعد سعيد بمسكونه زام اسبوعين بعدين ماشي وقت ام منصور : والله ماادريبكم اللي تشوفونه قامت الريم وسارت عنهم فوق .. ام منصور حست ان بنتها شي فيها ..وقامت ولحقتها ام منصور : الريم فديتج اشفيج الريم : سلامتج امايه ماشي ام منصور : ماتريدين سعيد الريم اطالع امها وعيونها ادمع وتنزل راسها ام منصور : الريم قولي اذا ماتبينه مش غصب الريم : لا والله اريده عادي ماعندي مانع ام منصور : عيل ليش اتصيحين الريم : ماادري احسن اني مضيجه واريد اطلع كل اللي في قلبي ام منصور : قوليلي بابنتي انا امج وبفهمج اكثر وحده الريم : لا والله امايه تعرفين دلع البنات يعني قبل العرس ام منصور : يعني مب عشان سعيد الريم : لا والله مب عشان سعيد ام منصور : برايج خلاص انا سايره عندهم الريم : امايه متى بنرد بوظبي ام منصور : باجر الصبح تطلع ام منصور عنها .. وتسير الريم تفج الدريشه وتشوف سعيد منسدح على الكرسي في الحديقة ويرمس تلفون : أأأأأأأخ ياسعيد متى بتتعدل اكيد يالس يرمسها الحين ،، أوف لو اعرف رقمك جان راويتك الشغل كيف ،،، والله فكره اكيد فطوم تعرف الرقم لازم اخذه منها .. سارت الريم تسبح ولبست بجامتها وانسدحت على الشبرية وتدخل فطوم فطوم : ها الريم هديتي الريم : ههههههههه فطوم : اشفيج الريم : فطوم طلبتج فطوم : شووووووو الريم : تعرفين رقم سعيد فطوم : شووووووو اكيد ينيتي الريم : فطوم صدق ماامزح فطوم : شو تبينه الريم : عطيني الرقم بعدين بتعرفين السالفه تشل الريم تلفونها وادق حق سعيد وتحاول انها تغير صوتها .. سعيد : اقول هزاع برايك عندي خط هزاع : برايك الله وياك سلم على منصور سعيد : سلام يوصل فمان الله يرد سعيد على الخط : الووووووووو الريم احم احم : الووووووو سعيد : هلا منو وياي الريم : انت منو سعيد : والله انت اللي داقه الريم : سمحلي اخوي بس بغيت اتخبرك هذا مب رقم محمد سعيد : لاأختي غلطانه الريم : انزين هذا تلفون منو سعيد : اوووف قلت لج غلطانه ماتفهمين هذا مب رقم محمد يعني سمحيلي الريم : اشفيك اخوي معصب سعيد : الصراحه يأختي بلا هالحركات البنات تراها مكشوفه الريم : انزين انت ليش عصبت انا شو قلت الحين سعيد : ياأختي فكينا من شرج انا ريال معرس وأحب حرمتي ومستحيل اقص عليها عشانج الريم : ................. سعيد يبند الخط في ويها ... الريم امبطله عيونها : ................ فطوم : حووووو شو صار وياج الريم : لامااصدق اللي سمعته فطوم : شوووووو صار الريم : تعرفين شو قال فطوم : شوووووو الريم : ياأختي فكينا من شرج أنا ريال معرس وأحب حرمتي ومستحيل اقص عليها عشانج فطوم : بذمتج قال جيه الريم : والله انه جيه قال فطوم : يحليلك يا ولد عمي الريم : لامستحيل هذا سعيد فطوم : والله انه يعزج ويحبج بعد الريم : ووووع لو سوا ماسوا بتم سبال فطوم : ليش الريم : يسير عند حبيبته فطوم : ايه عاد عقلي تعرفين الأسبوع الياي الملجه الريم : حتى ولو مابغير شي في الموضوع فطوم : انزين شو بتسوين الريم : اقول فطوم شو رايج نسير العصر السوق وتعرفين بعد باجر بنرد بوظبي يعني بتروحين ويانا بوظبي لازم تزهبين وياي حق الملجه من بوظبي فطوم : انا موافقه نسير السوق العصر بس سيرة بوظبي يمكن الريم : ليش والله مب كيفج فطوم : اذا وافقة امايه ماعندي مانع اسير الريم : لا ولا يهمج عموه بطيع خلي عنج فطوم : انزين الريم منو بودينا السوق العصر الريم : الدريول بعد منو فطوم : ههههههه الدريول محد في المزرعة الريم : اوووووف عادي منصور بودينا فطوم : لا مابسير ويا منصور الريم : إيه عاد لاتخربين عليه فطوم : انزين لاتحشرينا قومي خليني ارقد الحين الريم : وين ترقدين قلنا بنسير السوق الساعة 3.45 الريم يالسه في الصالة أجلب في هالتلفزيون .. فطوم : حوووووو الريم : باسم الله زيغتيني فطوم : اقوووووول الريم : توج بترقدين اشياج لايكون حلمتيني فطوم : هههههه .. الريم : انزين اشعندج فطوم : شووووو نسيتي المعركة الريم : لامانسيت فطوم : انزين شووو بنسوي الريم : فطوم تستهبلين انت فطوم : لاأحاول الريم : خلاص انسي سالفة المعركة فطوم : لاااااااااا لييييييش حرام والله كان وناسه الريم : مايصير ،، لأن نحن باجر بنرد بوظبي وقوم ودوم بعيد عنا وقوم ميروه راحو بيتهم يعني مايصير فطوم : صح نسيت الريم : سيري سيري كملي رقادج بعدين بنسير السوق فطوم سارت تيلس عدال الريم : خلاااااص طار الرقاد الريم : أحسن عشان تلسين وياي تونسيني فطوم تشل الريموت وتيلس تبدل في هالقنوات : اووووف ملل الريم : إلا من كمن ساعة يايين من صلاله فطوم : إلا يومين يلسنا فيها الريم : اقوووول فطوم فطوم : خير الريم : والله اني زايغه من الملجه فطوم : ليييييش عاااادي الريم : والله حاسه انه شي بصير قلبي ناغزني فطوم : شووووو بصير يعني إلا ملجه الريم تفرها بالمخده : ماتفهمين غبية فطوم : هيه فهمت عشان بيدخل عليج سعيد في الملجه الريم : وين أنا وين أنتي فطوم : طبي سالفه الملجه يصير خير أللين ذاج اليوم .. دقي لمنصور قولي له متى بودينا تشل الريم تلفونها وادق لمنصور الريم : الووووووو منصور : هلا الريم : وين انت منصور : في المول الريم : شوووو اسوي منصور : يالس على النت لييييش شي تبون الريم : اممممممم هيه منصور : شووووو الريم : اباك توديني السوق اليوم منصور : انزين عقب صلاة المغرب اوكيه الريم : اوكييييه بااااي فطوم : هااااا شوو قال الريم : بودينا عقب المغرب فطوم : وينه هو الريم : في المول يالس على النت فطوم : حلفي الريم : والله لييييش فطوم قامت : بسير اشغل النت الريم : والله انج متفيجه فطوم : كيفي سارت فطوم شغلت النت ودخلت المسنجر فطوم : اووووف محد أون لاين والله ملل طفره محد يدش ... وينه عيل منصور أونه يالس على النت .. أوهوووو أحسن لي ابند النت شلت تلفونها ويلست تلعب باللعبة .. شوي ويصيح تلفونها فطوم : الووووو أسوم : هلااااا والله بالقاطعه فطوم : هلاااا والله اسومه اشحالج أسوم : بخير وسهاله اشحالج انت فطوم : بخير ونعمة اسوم : هاااا بعدج طايحه في صلالة فطوم : ياليت اليوم وصلنا العين اسوم : وين مايلستو عيل فطوم : شوووو انسوي منصور ولد خالي عليه شغل والريم اجهز للملجه اسوم : شووووو ملجة الريم فطوم : اوو نسيت اقولج ،، سمعي الخميس الياي ملجة الريم بياخذها سعيد أخو ودوم اسوم : وين كل هذا صار فطوم : ماادري والله شافوا الريم وخطبوها حق سعيد اسوم : يحليلج يا الريم ،، يلا عقبالج فطوم فطوم : لاااااا مستحيل اسوم : ليييييييش فطوم : مااريد اعرس مافيني اسوم : انزين خلينا من سالفة العرس ،، شوو عشان التسجيل في الجامعة فطوم : اوووو تصدقين نسيت سالفة الجامعة والتسجيل اسوم : ويا ويهج من يومين البنات يسجلن فطوم : خلاص باجر بنسير اوكيه اسوم : اوكيه خلاص باي فطوم : بااااي اتسير فطوم عند الريم في الصالة فطوم : الريم الريم : خير فطوم : اويه نسينا سالفة الجامعة الريم : صح والله نسيت فطوم : انا باجر بسير اسجل الريم : وين باجر بنروح بوظبي فطوم : حبيبتي الجامعة أهم الريم : انزين انا بسجل في جامعة زايد فطوم : شووووو لاحبيبتي انت بتين تسكنين في العين الريم : انزين متى العرس بكون فطوم : امممممم اكيد السنه الريم : لا مااريد فطوم : شووووو ماتريدين مب كيفج الريم : انزين لا تسجلين باجر اترييني بنسجل ويابعض فطوم : متى يعني الريم : ورا باجر عشان بسير اييب اوراقي من بوظبي فطوم : اووووكيه خلاص ،، يلا قوي انصلي العصر الريم : يلا .. الساعة 7.30 الريم تدخل على فطوم الريم : يلا بسرعه فطوم : انزين خليني الف شعري الريم : اوووف منج اخرتينا فطوم : مابطير السوق الريم : طالعي الساعه الحين سبع ونص فطوم : انزييين الحين بلبس عباتي الريم : اقوول شوو بنشتري فطوم : لا والله عيل حق شوو انسير السوق الريم : شو رايج نشتري قطع الفساتين وبنفصلهن في بوظبي فطوم : اوكيه يلا طلعي خلصت في السيارة ... منصور : هاااا وين تبن اوديكن الريم : مااعرف أي مكان منصور : شوووو أي مكان فطوم : ودنا المول الريم : ليييييش المول فطوم : الريم اشفيج بنشتري قطع الفساتين منصور : هههههههههه الريم ماتعرف شرقها من غربها الريم : والله ماادري شوو فيني حاسه شي بصير منصور : توكلي على ربج وانشالله خير الريم اطالع برع وتقول في خاطرها : الله يستر يارب مايصير شي وانشالله سعيد يكون بخير يصيح تلفون منصور ويطالع فطوم ويضحك .. منصور : هلااااا والله بالمعرس سعيد : اهلين هااااا وينك منصور : والله ساير السوق سعيد : شوو اسوي منصور : شال العروس ماادري شو تريد من السوق سعيد يتنهد : منصور طلبتك منصور : طلب وفالك طيب سعيد : فالك مايخيب بس بغيت ........... (( ويسكت )) منصور : خير يابوعسكور سعيد : بغيت رقم الريم منصور يطالع الريم ويضحك : ليييييش شوو تباه سعيد يتأفف : دخيلك عشان سالفة صلالة منصور : اهاااااا ،،، انزين هم عدالي تريد ترمسهم سعيد : لا مب الحين بس عطني الرقم منصور لحظه بشاورهم سعيد : لااااا دخيلك مااريد تعرف اني بدقلها منصور : اوكيه بدقلك بعدين سعيد : انزين يلا باي فطوم : منصور شوو يريد سعيد منصور : لا بس يسلم الريم ماعاطنهم ويهه اطالع برع مستهمه ...؟؟؟؟؟؟ في بوظبي عائلة بومنصور .. توهم واصلين من العين الريم سارت حجرتها .. اتفر عمرها على الشبريه الريم : والله اشتقتلج ياحجرتيه .. ويقاطعها صوت المسج ..(( ياليتني إنسان معدوم الاحساس .. ماأحس بفرقاك ولاأبكي على غيابك )) الريم : هذااا رقم سعيد . خيبه من وين ياب رقميه .. ياويلي اخافه عرف يوم دقيت استهبل عليه .. ويوصل المسج الثاني (( محظوظ من يهوى له إنسان يهواه .. ومحظوظ من خله يراعي شعوره )) الريم : شوووو اسوي احسن اطنش مابرد على مسجاته .. ويصيح التلفون .. الريم : ياويلي دق لامابرد لو يموت .. بس سعيد حرقه التلفون وهيه ماترد ... يطرش لها مسج (( ردي علي اباج بسالفه ضروري)) الريم : لاااااااا وينج يافطوم لو كنت عندي الحين .. ويرد يتصل سعيد .. والريم متردده .. بس ماطاعت ترد عليه .. سعيد عصب على الأخر ويرد يطرش لها مسج (( أنسى ياقلبي هواهم ليش ترضى بالمذله .. هم تسلوبك تراهم وإنت ياغافل لك الله )) الريم ترد أطرش له مسج (( مع غيري ألعب وبين له مهاراتك .. لو كنت مثلك بدون إحساس لاعبتك )) سعيد (( لا تجرح إحساسي أنا إنسان حساسي .. ليتك تداريني وتحس ياجاسي .. )) الريم ماردت عليه ،، بس سعيد رد وطرش مسج (( ابسألك يابحر ليش أمواجك تعاني .. أنت مثلي يا بحر فاقد عزيز وغالي )) الريم (( ما أرد للجمرة وأشيلها بكفي .. جرحتني مرة واظنها تكفي )) سعيد يدق تلفون يريد يتفاهم وياها ،، بس الريم معنده ماطاعت ترد .. رد سعيد يطرش مسج (( الريم ردي علي ،، وإذا مابتردين قولي )) يرد يتصل فيها .. الريم : ارد ولا لا .. برد بشوفه شوو يريد الريم بتردد : الوووووو سعيد : اخيرا رديتي علي الريم : ............. سعيد : اشحالج الريم الريم : بخير اشحالك انت سعيد : من سمعة حسج اكيد بكون بخير الريم : ............. سعيد : سمعيني ادري انج مضيجه علي عشان سالفه صلالة بس ..... وتقاطعه الريم : هذي مب أول مرة تذكر سالفه يبل حفيت ولا أذكرك سعيد : ادري بس تعرفين الشباب لازم يمرون بهذي المرحلة الريم : لا مب شرط عندك مثلا اخوي منصور مايطالع البنات ولا يخصه بهسوالف سعيد : خلاص سمحيلي واوعدج والله مااعيدها ولا بطالع حد غيرج بس دخيلج رضي علي الريم :............ سعيد : الريم .شفت بنات وايد ورمسة بنات وايد بس عمري ماطيحني في هواهن ولا حبيت حد إلا انت .. صح اني ارمسهن بس والله اتسلى الريم : مب حرام عليك تتسلى بمشاعرهن سعيد : خلاص دخيلج الريم لااذكرين .. والله وراسج عقب هذيج اللي رمستها في صلالة مارمست حد غيرها واذا تبيني اغير رقميه انا حاضر بس انت قولي الريم : خلاص حصل خير .. وانا لازم اسكر عنك الحين سعيد : خلاص برايج مع السلامة الريم : الله وياك تخطف الأيام بسرعه وماشي باقي عن الملجه غير يومين فطوم : اقووووول الريم الريم : شووووو فطوم : متى بتي راعيه الصالون عشان الحنا الريم : اليوم العصر بتحنين وياي فطوم : هيه عيل شووووو الريم : رمستي ودوم فطوم : رمستها باجر بيتحنن هيه ويزوي وميروه ويا بعض الريم : اهاااا . تسكت الريم وتيلس اطالع المجله .. فطوم يالسه اتفكر .. فطوم تفكر : وينه منصور الحين ثلاث ايام ولاشفته مع اني 24 ساعه طايحه في بيتهم .. تشل تلفونها واطرش مسج (( يادنيا ضيعتينا وتوهتينا وعاندينا بس تكفين أنا والغلا كله لاتفرقينا )) .......... بس لاجواب من منصور ؟؟؟؟؟ ترد اطرش مسج ثاني (( وين غايب عن عيوني وين يامطول بغيباتك .. )) ........ بس لاجواب من منصور . تقاطعها الريم : فطوم فطوم : ها هاااااااا الريم : وين وصلتي فطوم : يالسه العب بالتلفون الريم : انزين خلينا ننزل طفرت فطوم : اوكيه يلا قومي يا العروس الريم ويها طماطه : فطوووووم فطوم : خلا خلاص يلا ننزل .. في الحديقة الريم يالسه تشرب جاي .. وفطوم تلعب كورة مع هنود .. يدخل منصور البيت .. بس ماراح صوبهن سيده سار البيت . وفطوم اطالعه وهو يدخل البيت فطوم : اشفيييييه منصور الريم : اشدراني فطوم : الريم سيري طالعيه دخيلج الريم : شوووو يهمج فطوم : اكيد يهمني انت تعرفين بغلاة منصور عندي الريم : انزين ... سارت الريم داخل البيت عند منصور اطالعه شوووو بلاه منصور يالس على الكرسي ومخلي راسه بين ايديه .. تدخل الريم عليه وتم واقفه اطالعه وتقول في خاطرها : يارب تستر مايكون صاير شي ،، بس شكل منصور واااايد مضيج .. تسير الريم تيلس عدال منصور .. الريم : منصور منصور : ........................... الريم تشل ايدين منصور من عيونه : منصوووووور اشفيك منصور : ماشي بس راسي يعورني الريم : منصور قول اشفيك منصور : لا والله ماشي بس مضيج من الدوام الريم : لييييش بلاه الدوام منصور : يتني دورة برع وانا مااريد الريم : شووووو لااا كيف جيه منصور : ماادري بس برمس ابويه بطالعه شو بقول الريم : يعني بتسافر منصور : لااا مستحيل ماصدقت اخلص دراستيه برع تبيني ارد اسافر الريم : انزين الحين شوووو بتسوي منصور : ماادري بخلي أي حد يرمسهم الريم : انزين لاتضيج مايستاهل تسوي بعمرك جيه يوقف منصور يريد يسير حجرته الريم : وين بتسير منصور : بسير حجرتيه ارتاح الريم : تباني اسويلك شيء منصور : لا مشكووورة بس يبلي ماي الريم : انشالله تسير الريم المطبخ ومنصور سار حجرته يرتاح ... أما فطوم يالسه اتحاتي في الحديقة : أأأأأأأأأأأأوف وينها الريم هالكثر يالسه تسأل شوو فيه ،، والله انا صرت أحاتي والله اني حاسه ان منصور مضيج أخر شي ،، أووووف منج يا الريم وينج ،، وانا حق شو ايلس هنيه بسير داخل اطالعهم . تسير فطوم داخل بس ماحصلت حد في الصاله . يطلع حمدان من الحجرة حمدان : فطووووووم فطوم تنقز في مكانها : خيبه زيغتني شووو تريد حمدان : اشفيج حشااا عقلج مب عندج فطوم : اااااوف منك انت شووو تريد الحين حمدان : بسير بيتكم الحين بتروحين وياي فطوم : لا سير بروحك حمدان : انزين ماخبرتج فطوم : حمدان فكني سير وين ماتبا تسير حمدان : اوكيييه بفارج بس بشرط فطوم : شووو شرطك حمدان : بقولج لغز واذا حلتيه بسير فطوم : لاتقول ولاعندك خبر انا سايره عند الريم فوق يلس بروحك حمدان : بطقاق مش منج مني انا اوني بونسج فطوم وهيه راكبه الدري تشوف الريم وهيه نازله الريم : انت هنيه فطوم : حشاااا وينج تأخرتي الريم : انزين تعالي وياي فوق في حجرة الريم ...... تنسدح الريم على الشبرية وتيلس عدالها فطوم فطوم : هااااا شو السالفه الريم : ماشي فطوم : الررررررريم قولي والله اني حاسه انه شي بصير الريم : سمعي ،، منصور يته دوره برع ولازم يسير وهو مايريد يسير فطوم : لااااااااااا الريم : اشفيج فطوم : حراااااام مااقدر اتحمل الريم : ههههههههه حليلج والله فطوم : انزين كم بييلس هناك الريم : امممممممم تقريبا ثلاث سنوات فطوم : شوووووووووووو الريم : ثلاث سنوات تقريبا فطوم : جذابه الريم : والله هو قال فطوم : لا مايخصني والله مايسير الريم : إإإإإإإيه بلاج شووو مايسير فطوم : ما أبا بسير وياه الريم : هههههههههه ضحكتيني فطوم : مايخصني مااباااااااااااااااا الريم : شوووووو رايج تاخذيناه وتسيرين وياه فطوم : لااااا مااريد اخذه الريم : أوهووووو تعاينابج شوووو تبين فطوم : لايسير ايلس هنيه في بوظبي الريم : كيفج هو فطوم : وينه بسير ارمسه الريم : حلفي بتسيرين ترمسينه فطوم : هيه بسير الريم : سار يرقد فطوم : لا لازم ارمسه الريم : دقيله طالعيه راقد فطوم : اوكيييييييه ادق فطوم حق منصور .. بس هو مارد عليها .. وترد تتصل ويرد عليها .. منصور : الووووووووو فطوم : اهلين منصور : هلا والله فطوم : اشحالك منصور منصور : الحمد لله بخير فطوم : صح هالرمسه اللي سمعتها منصور : أي رمسه فطوم : بتسير دورة ثلاث سنوات منصور : هيه وبعد اسبوع السفر فطوم : لاااااااااااا منصور : لييييييييش فطوم : منصور لاتسير منصور : ليش ماتبيني اسير فطوم ويها قافط وماتعرف شو ترد : لا بس تعودنا عليك منصور : كنت اتحراج اول وحده بتفرح اني بسافر فطوم : انا مستحيل افرح منصور وهو متشقق : فطوم بسألج سؤال فطوم : تفضل ؟؟؟؟ منصور : انا شووو بنسبالج فطوم ويها طماطه ماتعرف شوووو تقول : ............ منصور : شو ردج ؟؟؟؟؟ فطوم : منصور برايك بسكر وسير كمل رقادك منصور : شوو قصدج تتهربين من الجواب فطوم : لا بس بسكر مشغوله الحين منصور : برايج بس اذا حصلتي جواب لسؤال ردي اوكيه فطوم : اوكيه منصور : مشكووورة على الاتصال فطوم : لا افاااا عليك هذا الواجب يلا سير ارقد منصور : ماظني ارقد طيرتي الرقاد فطوم : خل عنك وسير ارتاح يلا مع السلامه منصور : الله وياج الغالية الريم : هااااا شوو قالج بشلج وياه فطوم : لا مابسير وبتشوفين شو بسوي ويقاطعهم صوت المسج (( ياترى لو قلت أحبك وش يصير ؟؟ خايف الكلمة صغيرة واللي جدامي كبيرة )) فطوم ترد اطرش مسج لمنصور (( من له أحلى عيون نظرته تثير الجنون وعشانه الدنيا تهون .. أكيد منصور يكون )) منصور (( ردي على سؤالي )) فطوم (( إنت ادرى بغلاتك وتعرف ردي ........ )) منصور متشقق (( أدري بس أنت ماتدري .. وابيك تدري إنك أروع ماخلق ربي )) فطوم (( أربعة مايتعوضون : 1- صحتك .. 2- راحة بالك .. 3- أهلك .. 4- إحم إحم أناااا )) منصور : (( مافيه شك أكييييييد مايباله كلامه )) الريم : إإإإإيه بسج يلا الحنايه اكيد بتوصل الحين فطوم : انزززززين خلاص بغلق تلفوني الريم لحظه دقي طالعيها وينها راعيه الصالون فطوم : اوكييييييييه راعيه الصالون : الوووووو فطوم : ها وينج راعيه الصالون : منووووو فطوم : انا الريم راعيه الصالون : انا الحين عند البيت فطوم : اوكيه باي الريم : ها وينها فطوم : عند الباب تقول الريم : انزين يلا ننزل بنتحنا تحت فطوم : لاااا بنتحنا في حجرتج الريم : ليييييش فطوم : مااريد منصور يشوفني الريم : أأأأأوف منج اوكيه بسير ازقرها الساعه 7.40 في حجرة الريم .. تدخل ام منصور عليهم ام منصور : ها الريم اتحنيتي الريم : امايه بسني بعقه ام منصور : لا وين تعقينه ماصبغ فطوم : صدقها خالوه وين تعقينه يبالج ساعه بعدج الريم : وانت فطوم متى بتعقينه فطوم : بعدج بعقه الريم : يععععععع مااحب اتريا الحنا للين مايصبغ ام منصور : باقلج ساعه اتريي الريم : أمري لله ام منصور : اقول الريم مايا منصور اليوم البيت الريم : هيه كان هنيه العصر ام منصور : محد في حجرته الريم : ماادري يمكن طلع عيل ام منصور : انا طالعه بسير ادقله اطالعه وينه ،، ماتبن شيء قبل لاانزل الريم : خلي البشكارة تيبلنا ماي فطوم : اقول خالوه ،، هنود منو بحنيها ام منصور : هنود بتتحنا وياي باجر فطوم : اهاااااا ام منصور : يلا برايكن خلاف بييكن اليوم المرتقب هو يوم الملجة ... الصبح الساعه 8.30 منصور كان يالس يتريق ويصيح تلفونه .. منصور : هلااااا ملايين ولايسدن بالمعرس سعيد : هلا والله منصور الغالي اشحالك منصور : الحين الغالي ولا عشااان بتاخذ اختيه سعيد : لا حشاااااا انت غالي من زمان وانت تدري بغلاتك منصور : زين والله زين وشحالك سعيد : بخير وسهاله اشحالك انت منصور : الحمد لله عايشين سعيد : زين والله منصور : ولا شووو المعنويات اليوم سعيد : اممممم تصدق زايغ ماادري لييييييش منصور : افاااا شووو خليت للعروس عيل سعيد : والله مب راقد من امس ماياني الرقاد منصور : افاااا كله هذا عشان الملجه سعيد : اللي يقول عرس الحين منصور : انزين متى بتي بوظبي سعيد : والله ماادري بس قلت بطلع الظهر من هنيه منصور : لا شوو الظهر تعال الحين نيلس وياك شوي سعيد : اوكيه خلاص الحين بسير اغير ملابسي واايك شي في خاطرك منصور : سلامة الغالية ماتقصر بس هالله هالله على عمرك سعيد : انشالله يلا فمان الله منصور : الله يحفظك اتي فطوم بيت قوم الريم .. فطوم : السلام عليكم منصور وأبو منصور وأم منصور : وعليكم السلام فطوم : اشحالكم منصور : الحمد بخير وسهاله اشحالج انت فطوم : الحمد لله ام منصور : وينها عيل امج فطوم : ماادري قالت بتي بعدين منصور : انا اترخص عيل ام منصور : وين يا منصور منصور : بسير اتمشا على البحر ام منصور : الله يحفظك فطوم : خالوه وينها الريم ام منصور : في حجرتها تسير فطوم عند الريم في حجرتها ..... بو منصور : شوو رايج يا ام منصور نخطب فطوم حق منصور ام منصور : والله انا من زمان حاطه عيني على فطوم بس منصور شكله مايريد يعرس بو منصور : ليييييش مايريد يعرس ام منصور : منصور هاليومين يحاتي السفر بو منصور : خلاص أخرناه السفر ام منصور : والله زين عيل بو منصور : انا برمس منصور بسالفه فطوم ام منصور : لا لا ترمسه خله على هواه هو اذا يباها بيتكلم مانريد نغصبه على شي با بو منصور وهذا عرس ومسؤوليه بو منصور : إللي تشوفينه خلاص انا طالع الحين ام منصور : الله يحفظك في حجرة الريم ..... فطوم : السلام عليكم الريم : هلا والله فطوم : اشحالج يا عروستنا الريم : مضايجه فطوم : افااا ليييييش الريم : سكتي دخيلج والله ميته خووووووف فطوم : عادي افا عليج إلا كمن ساعة وبخطفن بسرعه ولا بتحسيبهن . الريم : انشالله يعدي هاليوم على خير فطوم : اقول قوم ميروه الحين بيون الريم : حلفي فطوم : توني مرمسه يزوي وقالت انهم الحين بطلعون ،، وقوم ودوم بيون الظهر .. الريم : زين والله عشان تونسوني فطوم : الريم تراه إلا ملجه مب عرس الريم : ياليته اليوم العرس وافتك فطوم : خييييييبه مستعيله البنت الريم : هههههه لا مستعيله ولاشيات بس مافيني اتعرض للموقف مرتين فطوم : انزين تعالي ننزل طفره ملل هنيه الريم : يلا فطوم والريم يالسات في الصالة يسولفن ويدش عليهم مبارك ومنصور .. منصور ومبارك : السلام عليكم الريم + فطوم : وعليكم السلام مبارك : اشحالج فطوم فطوم : بخير اشحالك انت مبارك : بخير ونعمة هالعروس اشحالج الريم : الحمد لله فطوم : اقول مبارك وينهم عيل قوم ميروه مبارك : بعدهم ماوصلوا انا طالع قبلهم من البيت منصور : يلا مبارك خلنا نطلع انسير الخيمة الحين بيوصل المعرس مبارك : يلا عيل برايكم في الخيمة مبارك ومنصور يالسين مبارك : منصور دقله سعيد طالعه وينه اتأخر يدق منصور لسعيد بس محد يرد .. ويرد يتصل مرة ثانية بس محد يرد منصور : مايرد على التلفون مبارك : غريبة وينه عيل عن تلفونه منصور : اكيد ناسنه في السيارة ونزل مكان ويصيح تلفون منصور .. منصور : هذا سعيد مبارك : رد عليه طالعه وينه منصور : مرحباااااا والله بوعسكور ؟؟؟ : السلام عليكم منصور يطالع مبارك : وعليكم السلام منو وياي ؟؟؟: لو سمحت اخوي انت منصور منصور : هيه نعم منصور ؟؟؟؟؟: وياك ضابط الشرطة منصور : خير شووو مستوي ؟؟؟؟ : والله ماعرف شوووو اقولك بس سعيد عندنا في المستشفى مسوي حادث يشهق منصور : شوووو ؟؟؟؟ : والله اسمحلي اخوي بس توه من ساعه ناقلينه المستشفى منصور : أي مستشفى ؟؟؟؟ : مستشفى ===== منصور : خلاص دقايق وانا عنكم مبارك : شوووو صاير منصور : سعيد مسوي حادث بسرعه قوم مبارك : الله يستر انشالله مافيه شي منصور : ماادري بسرعه في المستشفى .............. منصور ومبارك يايين طااااير ويترابعون في الممرات .. حتى وصلوا الطوارىء يمسك منصور الدكتور : هاا دكتور بشر سعيد شي فيه الدكتور : انت اخوه منصور : لا ربيعه الدكتور : والله ماعرف شوو اقول بس حالته خطيرة وعنده نزيف حااااااد منصور يطيح على الكرسي : لاااااااا دخيلك دكتور سوله شيء الدكتور : انا سويت اللي بإيدي بس نحن محتاجين لدم لأنه فقد وااايد من دمه مبارك : انا بتبرع بدمي منصور : حتى انا الدكتور : اوكيه بس لازم يحضرون اهله مبارك يطلع تلفونه ويدق حق بو سيف بو سيف : الووووو مبارك : مرحبا بو سيف : هلا مبارك مبارك : عمي سعيد مسوي حادث بوسيف : شوووووو مبارك : عمي دق حق ابوه وقوله ايون المستشفى ضروري بوسيف : انشالله يلا مع السلامه منصور : يلا دكتور انا ومبارك منتبرع بالدم الدكتور : اوكيه تفضلوا وياي دقايق والعائلة كلها في المستشفى بو سعيد : هادكتور بشرني عن ولدي الدكتور : والله شوو اقول يا الوالد حالته خطيرة ونحن محتاجين لدم ومنصور ومبارك دمهم مايطابق دم سعيد ونحن ننتظر حد يتبرع بدم بو سعيد : انا بتبرع بدمي بو سيف : الله يهديك يابوسعيد وين تتبرع بدمك وانت فيك السكري،، دكتور طالع دمي يمكن يمشي الدكتور : تفضل وياي في بيت بو منصور ام سيف : فطوووووووم تنزل الريم وفطوم من فوق فطوم : خير امايه ام سيف : نحن سايريين المستشفى خلن بالكن على البيت تشهق الريم : خيررررر منو في المستشفى ام منصور ودموعها في عيونها : سعيد مسوي حادث الريم وامزرن عيونها دمووووع : لاااااااااااا فطوم ماسكه دمعتها : امايه نحن بنسير وياكم الريم : انا لازم اسير ام سيف : انزين سيرين لبسن عبيكن في المستشفى ............. اتي الريم ويها احمر من الصايح تربع عند منصور الريم : منصوووور دخيلك قولي سعيد بخير منصور وهو يصيح : سعيد بمووووت بمووووت الريم : لااااااااا دخيلك لاتقووول بو منصور سار يمسك بنته : الريم اتعوذي من بليس وانشالله سعيد يقوم بالسلامة الريم : اريد اشوفه دخيلكم خلوني اشوفه ايي الدكتور : الحمد لله دم بو سيف مطابق لدم سعيد بس بعدنا نحن محتاجين لدم اكثر الريم : دكتور اذا محتاج دم انا بتبرع بو منصور : الريم الريم : دخيلك ابوي يمكن دمي يطابق لدم سعيد الدكتور : تفضلي اختي وياي الريم واقفه تريد تتبرع بالدم .. من خذوه منها الدم طاحت غشيانه ونقلوها تحت الملاحظه لأن حالتها كانت منهاره في حجرة الملاحظه : فطوم وافقه على راسي الريم تترياها اتقوم والحريم يالسات في نفس الحجرة يترين حد ايي يبشرهم فطوم تمسح على راس الريم : أأأأأأخ يا الريم والله انج كنت حاسه انه شي بصير شوووو بتكون حالتج لو قمتي وقالولج سعيد مات مستحييييييل لا شووو يالسه اقول انا ليييش افاول على ولد عمي .. أأأأأخ يا منصور حالته واااايد تعبانه شووو اسوي مااقدر اواجهه هذي المواقف .. من الجهة الثانية .............. يطلع الدكتور وشكله تعبان أخر شي يترابعون كلهم عنده منصور : هاااا دكتور بشر الدكتور : نحن نقلنا له الدم اللي تبرعتوبه حقه بس بعدها حالته ماتعدت الخطر ،، بس..... منصور وهو يصارخ : بس شوووووووووو الدكتور : الصراحه الحادث كان فضيع وانا اعتقد انه مستحيل يعيش منصور يمسك الدكتور من جتف : لااااااا مستحيل خذ عمري وعطه سعيد مستحييييييل يموت مستحيل ،، بو منصور يمسك منصور ويشله على طرف : يا منصور هدي مب زين اللي تسويه بعمرك منصور : ابويه هذا سعيد تعرفه شوو يعني سعيد هذا اكثر من ربيع واخوه هذا عمري هذا.... ويطيح على جتف ابوه ويصيح بو منصور : عيل شوووو خليت حق اختك شووفها حليلها طايحه وحالتها حاله ،،،،،،، منصووووور الريال يكون قوي في هالمواقف مب ضعيف يستسلم ،، واذا الله كاتب هذا يوم سعيد نحن مانقدر نعترض على مشيئة ربك استغفر ربك وسير صل لك ركعتين وادعي لسعيد يقوم بالسلامه ... يسير مبارك ويشل منصور ويوديه المسيد عشان يصلون الظهر .. ويحاول مبارك يهدي في منصور .. بعد الصلاة كان منصور يريد يرد المستشفى بس مبارك ماطاع ... منصور : مبارك ادخيييييلك ردني المستشفى مبارك : منصور انت حالتك تعبانه وين تبا ترد هناك منصور : اريد اسير اشوف سعيد يمكن يحتاجني مبارك : انزين بشلك المستشفى بس طلبتك هدي نفسك مب زين اللي تسويه بعمرك منصور رد راسه على ورا وتنهد : أأأأأأأأخ خلاص بس ودني المستشفى لاتخليني انزل وسير بروحي مبارك يشوف منصور وحالته مب احسن عنه : خلااااااص الحين بوديك في المستشفى ....... فطوم واقفة على راس الريم تتراياها تقوم .. ودقايق وانتبهت الريم .. ام منصور تمسك بإيد الريم : الريييييم الريم اطالع من حواليها : ووووين سعيد ام منصور : سعيد بخير ماعليه شر بس ردي ارتاحي الريم وهيه ازاعج : لا اريد اشوف سعيد قبل مايموت ام منصور : بسم الله عليه شو يموت انت الثانية انشالله يقوم بالسلامه الريم : امايه وغلاتي عندج وديني اريد اشوف سعيد امايه دخيلج بمووووت اذا ماشفته ام منصور : باسم الله عليج يعل يومي قبل يومج فطوم : خالوه شوو هالرمسه انا بسير ارمس ابويه بخليه يكلم الدكتور عشان الريم تشوف سعيد سارت فطوم ترمس ابوها ... بعد اصرار اقتنع الدكتور ادش الريم على سعيد بس محد يدش غيرها لأنه حالته ماتتحمل .. تدخل الريم على سعيد .. اللي بشوف سعيد بهلحالة بقول مستحيل يعيش كانت حالته تقطع القلب ... تمشي الريم صوب سعيد وجسمها يرتجف من فوق اللين تحت وخطواتها ثجيله عليها ودموعها في عيونها بس ماسكه نفسها ... تتقرب الريم من سعيد وتخلي ايدها على راسه وتمسح على شعره .. حست بحرارة في ايدها .. يلست تكلم سعيد عساه يرد عليها ... الريم : سعيييييييد دخيلك لاتخليني وتروح دخيلك سعيد انا احبك ماتعرف شووو كثر محتاجتلك .. سعيد عشاني رد سعيد وغلاتي عندك رد علي .. سعييييييد واطيح على صدره ويلست اتصيح .. وحست دقات قلب سعيد قويه على راسها .. مسكت ايده ورصت عليها .. وحبته على يبهته ويوم كانت تريد تسير جان يمسكها سعيد من ايدها .. من حست سعيد يرص على ايدها حست جسمها يرتجف من الخوف وردت صوبه .. الريم : سعيييييييد .. سعييييييييييييد سعيد ويحس الألم يقطع جسمه بس حاااول انه يرد عليها وبصوت متقطع : الرــــالرـــ الرييييييم الريم وهيه تصيح : سعيد سعيد دخيلك لاتروح وتودرني سعيد انا احبك أحبببببببببك سعيد يحاول يفتح عيونه بس مش قادر : الرررررريم انا احبج الرريم ..... الريم : سعيد لاتتكلم دخيلك سعيد يمسك ايدها ويقربها من قلبه ويرد يغمض عيونه .. الريم وهيه ازاعج : سعييييييييييييد لاااااااا لا تخليني يدخل منصور وهو يربع صوب سعيد ويشوف الريم طايحه تيبس في مكانه مايعرف شوووو يسوي .. يدخل الدكتور معاه سسترات .. الدكتور عند سعيد والسسترات يشلن الريم وينقلونها حجرتها ويعطونها مهدي ... منصور واقف ودمعته تسابق الأحداث .. منصور : دكتوووور بشر الدكتور : لا الحمد لله سعيد ماعليه شر بس هذا تأثير المنوم منصور يتنهد : الحمد لله الدكتور يخلي ايده على جتف منصور : أطمأن سعيد تعدا مرحله الخطر بس المشكله النزيف اللي عنده منصور من سمع رمسه الدكتور ارتاح شوي : يعني فيه أمل يعيش الدكتور : مااعرف العمر بإيد الله بس انشالله باجر بكون كل شي واضح منصور : مشكور دكتور وماتقصر يطلع منصور يبشرهم بالخبر اللي سمعاه من الدكتور . طبعا الكل فرح وسار يريد يبشر الريم .. بس للأسف الريم ماتدري باللي حواليها .. الساعه 5.30 العصر ... ترجع فطوم البيت بعد التعب .. ومن الساعه 11 الصبح وهم في المستشفى .. تسير بيت قوم الريم عشان تشل اخوانها وترد البيت . وهيه داخل البيت تشوف البنات يالسات يلعبن ولايدرن بالسالفه وباللي صاير وتشوف عبدالله ( أخو سعيد ) يالس على الكرسي وهو يصيح .. تتقرب منه فطوم تحاول تهديه. فطوم : عبدالله عبدالله يطيح في ثبانها : اريد اشوووووف سعيد فطوم : عبود سعيد مافيه شي الدكتور بشرنا بأنه تعدى مرحلة الخطر عبدالله يشل راسه ويمسح دموعه : حلفي فطوم : والله يالله اشوف امسح دموووعك وسير ازقر سيف بنسير البيت عبدالله : سالم هنيه فطوم : شووو خالي سالم هنيه عبدالله : هيه توه ياي وسار يبدل ملابسه عشان بسير المستشفى فطوم : خلاص انا بسير عنده تسير فطوم حجرة خالها سالم ودق الباب سالم : ادخل تفتح فطوم الباب وتمسك خصرها : هااااا سلوووووم سالم يلفت يطالعها : سلوووووم في عينج اسمي سالم وعلى مااعتقد اني خالج ويا هالويهه فطوم تسير تسلم على خالها : جان ماايت يلست في سوريا مب احسن سالم وهو يالس يعدل سفرته : تصدقين ماكنت في سوريا فطوم : وين عيل كنت سالم : اممممممم البحرين فطوم : شوو شو اسوي في البحرين سالم : ماشي انحوط فطوم : خالي انت حياتك كلها كشتات حوامه ولاتيلس في البيت وانت الحين اشكبرك ولاعرست قولي ماتريد تستقر وتعرس سالم لفت صوبها وضحك : هههههههههه فطوم : شي يضحك الحين سالم سار يلس على الكرسي : سمعي بقولج كل شي بس يتم سر بيني وبينج اتفقنا فطوم وهيه متحمسه : اوكيه قول سالم : انا عايبتني وحده واريد اخذها فطوم : مااااالت عليك اكيد من بنات المولات سالم: لا شوو المولات اقولج بخذها يعني بتكون حرمتي فطوم : ههههه ادري انها بتكون حرمتك بس منو هاي اللي تباها سالم : أأأأأأأأأأخ اشحلاتها تخبل فطوم : سلوووووم قول منو هيه سالم : اخت ربيعي فطوم : عاااااش والله وكيف شفتها سالم : سمعي قصتي .. من شهرين كنت ساير بيت ربيعي وكنت بدش الميلس وانا حليلي ماادري انه حد كان قاعد .. شفتها يالسه اتلاعب اخوها الصغير فطوم : انزين وبعدين كمل سالم : شووو اكمل بس خلصت السالفه فطوم : شو اسمها سالم : اعتقد اسمها علياء فطوم : اشدراك ماعندها خوات سالم : مرة كانت داقه على محمد اخوها اللي هو ربيعي وسمعته يقولها علياء .. وهم ولدين وبنت يعني اكييييد محد غيرها فطوم : أأأأأأأأف منك مب هين طلعت سالم : انزين انت الحين من وين يايه فطوم : من المستشفى سالم : اشحاله سعيد انشالله بخير فطوم : الحمد لله حالته تعدت الخطر سالم : الحمد لله انزين انا الحين بسير اشوفهم.. فطوم : لاتعب عمرك مابخلونك ادش اتشوفه سالم : لييييييييش فطوم : ماادري ماطاعوا يخلون حد يدش عليه سالم : انزين الريم اشحالها هيه الحين فطوم : ماادري بس زينه ماعليها شر .. سالم : انا رمست بو سعيد وتحمدله على سلامة سعيد والصراحه انا الحين تعبان وبرقد وبسير عقب صلاة المغرب بسلم وبرد فطوم وهيه سايره صوب الباب : كيييفك برايك انا سايرة بيتنا سالم : بتردون العين فطوم : لا بيتنا اللي هنيه في بوظبي سالم : انزين سكري الباب وراج فطوم : اوووووووكيه عقب صلاة المغرب الساعه 7.30 .. في المستشفى ... كان بو سعيد يالس على الكرسي وعداله بو سيف .. ايي سالم .. سالم : السلام عليكم بو سيف وبو سعيد :وعليكم السلام بو سيف : هااسالم بسك من الحوامه سالم : ههههه شو بسني حد يشبع من الحوامه بو سيف : يالله بالستر اسميك ..... ويسكت ويرد ايلس على الكرسي سالم تقرب من بو سعيد : ها يا بو سعيد اشحالك انشالله بخير بو سعيد : الحمد لله بخير سالم : اشحاله سعيد انشالله بخير بو سعيد : الحمد لله حالته احسن عن أول في نفس اللحظه ايي الدكتور ... سالم : هادكتور بشرنا انشالله الولد بخير الدكتور : الحمد لله ونحن الحين بننقله غرفة خاصه يعني ترومون تشوفونه بو سيف : والنزيف اللي عنده الدكتور : الحمد لله النزيف بدأ يخف يعني يباله كمن يوم وبوقف النزيف اللي عنده بوسعيد : يعني خلاص حالته نفس قبل ويقدر يتكلم الدكتور : الحمد لله ترومون تكلمونه ويكلمكم .. وتستحقون سلامته سالم : ماتقصر يادكتور والشر مااييك الدكتور : تسلم اخوي الحين تفضلوا الغرفة رقم 11 دقايق وبكون عندكم بو سعيد : مشكوور دكتور سار سالم يسلم على الريم ... سالم : السلام عليكم الريم وام منصور : وعليكم السلام سار سالم يسلم على الريم : هااااا ريموه اشحالج الريم : الحمد لله عمي اشحالك انت سالم : دامج بخير انا بخير الريم تنزل راسها : انا مب زينه سالم سار يلس عدالها : ليييش افا يا بنت اخوي الريم : عمي شفت سعيد سالم يريد يغلس عليها : الريم انت إنسانه مؤمنه واللي كاتبه ربج لازم نرضاه ولازم مانعترض عليه .... وتقاطعه الريم : عمي لا تقووووول دخيييييلك سعيد حي لاتيلس تقص علي سالم : هههههههههه ،، لا سعيد ماعليه شر وابشرج بعد نقلوه غرفة خاصة ويسولف وشفته وسلمت عليه ،، الريم والدمعه في عينها : قول والله سالم : شوو اقص عليج والله ماعليه شر بس انت شدي حيلج وخلينا نطلعج من هالمستشفى اللووووعه الريم والابتسامه على ويها : انا بخييييير امايه سيري ترخصيلي اريد اطلع سالم وام منصور : ههههههههههههههه الريم : عمي فديتك ودني عنده اريد اشوفه سالم : لاماشي ربعه عنده الحين ام منصور : ومنصور وينه سالم : منصور يالس على راس سعيد والفرحه طاره ويها الريم : اووووووووف هذيله ربعه مالقوا غير الحين ايون سالم : انا بسير عنده يوم بيطلعون ربعه بيي اشلج الريم : اوووووكيه سالم سار عند سعيد ... والريم تشل التلفون وادق حق فطوم .. فطوم : الووووووووو الريم : هلاااااا فطوم : مرحباااا والله اشحالج ريماني الريم : بخير والحمد لله اشحالج انت فطوم : الحمدلله الريم : ويييينج انت فطوم : في السيارة الحين يايين لييش شي في خاطرج الريم : سلامتج بس البنات الباقيات وياج فطوم : معايه ودوم وميروه ويزوي ماخلتها خالوه تريدها تمسك علاوي الريم : اهااااا ابشرج سعيد نقلوه غرفة خاصه فطوم : حلفي متى الريم : والله عمي سالم كان هنيه وبشرني فطوم : هيه ياج سلوووم العصر شفته ورمسته الريم : شوووو سلوم بعد خليه يسمعج بسفرج فطوم : ووووويه ياويلي خفت عاادي سلوم يعني سلوم الريم : انزين كيفج بس يالله بسرعه عشان نسير عند سعوووودي فطوم : ويا ويهج سعووودي بعد الريم : يالله يالله جلبي ويهج بااااي فطوم : باااااي توصل فطوم وميروه وودوم المستشفى يسيرون غرفة الريم .... فطوم : السلام عليكم الريم والابتسامه على ويها : وعليييكم السلام هلاااا والله ميروه : اشحالج الريم الريم : بخير اشحالكم انت ودوم : نحن بخير دامج انت وسعيد قمتو بالسلامه الريم : هههههههه الحمد لله ان سعيد قام بالسلامه فطوم : عندي لج خبر بمليوووون الريم : شوو يالله قولي شو صار فطوم : اممممممممم رخصوج تقدرين اطلعين الريم : والله وسعيد ميروه : سعيد بعده لازم ايلس في المستشفى لأن النزيف بعده ماوقف الريم نزلت راسها : ................... دقايق يدخل سالم ... : يالله الريم ربع سعيد ساروا الريم تنقز من الشبريه بسرعه تسير تشل شيلتها وتعدل من شكلها .. فطوم : هههههههههه حوووو يالله سالم ماسك عمره من الضحك : يالله بسرعه الريم بعدين بمنعون الزيارات عنه الريم تلبس نعالها : يالله في غرفة سعيد .. يدش سالم معاه الريم وفطوم وميروه ويزوي .. فطوم : السلام عليكم الجميع : وعليكم السلام فطوم : الحمد لله على السلامه سعيد سعيد وعيونه عند الريم : الله يسلمج ميروه : ماتشوف شر ياسعيد سعيد : الشر مااييج ودوم سارت يلست عدال اخوها : ماتشووف شر يا الغالي سعيد : الشر مااييج تضرب فطوم الريم على جتفها عشان تسلم ... فطوم :حوووووو رمسي الريم : اشحالك سعيد سعيد : الحمدلله اشحالج انت الريم : بخير دام بخير الحمد لله على السلامه سعيد : الله يسلمج ياربي ،، الحمدلله على سلامتج انت بعد الريم : الله يسلمك سالم : احم احم سعيد ترا الريم لها الفضل في حياتك سعيد يلف صوب سالم وعلامات الاستفهام على ويهه سالم : الريم حليلها تبرعت لك بدمها سعيد مسك طرف الشبريه لأن ألم النزيف بدأ يعوره ،، بس مسك عمره عشان خاطر الريم ويلف صوبها : الريييم مشكوووورة الغالية لو لاج جان انا ...... وتقاطعه فطوم : حتى ابويه له الفضل حتى هو حليله تبرعلك سعيد : فديتك ياعمي والله مايقصر بس خليني اشوفه بشكره ولايهمج فطوم : هههههههههه سارت الريم تيلس عدال اخوها منصور .. منصور : هالريم اشحالج الحين الريم : الحمد لله منصور : ريموه يوم بيطلع سعيد من المستشفى بنطالبه بدمج ولايهمج بنطلعه من عيونه الريم : هههههههه لا افاا كله ولا سعيد فدوه له دمي سعيد يلف صوب منصور والريم : اسمع حد يحش فيني منصور سار يلس عدال سعيد : افاااا حد يروم يحش بالشيخ سعيد سعيد النزيف عنده بدأ يزيد بس ماحب حد يعرف ويحاول يضحك : هههههههههههه يدخل مبارك : السلام عليكم الكل : وعليكم السلام مبارك : هاا سعيد اشحالك سعيد : الحمد لله منصور : اشم ريحه أكل مبارك : ميروه قومي خلي العشا في الحجرة الثانية لأن الحين بيون أهالينا قامت ميروه وفطوم والريم وشلن العشا الحجرة الثانية وسار مبارك ينزل الأكل الباقي اللي في السيارة .. يلس منصور حذال سعيد ومسك بإيده : سعييييييد شي يعورك سعيد : لا ماشي يعورني منصور : سعيد انا منصور مب أي واحد تقص عليه سعيد : ماشي النزيف شوي يعورني منصور : انزين انا بسير ازقر لك الدكتور سعيد مسك ايد منصور : لا مب الحين .. بعد شوي بييي ابويه مااريده يستهم دخييييلك منصور منصور : سعيييد دخيلك مااريد افقدك والله ماتعرف شو كانت حالتيه يوم سويت حادث والله بغيت اموت قبل لا أسمع انك مت سعيد وبدت الدمعه تنزل من عيونه : والله حتى انا احبك يا منصور انت اكثر من ربيع انت حبيبي وعمري ومااقدر اعيش من دونك منصور يمسح دمعه سعيد : ههههههه والريم وين سارت سعيد : الريم ،، الريم الحين استوت دمي يعني شي مهم في حياتي مستحيل اقدر اعيش من دونها بعد لوو فقتها اكيييد بمووت منصور : بعيد الشر عنك تدخل الريم عندهم وتوقف عند الباب .. يلف سعيد صوب الريم : الرييييييم تعالي اريد اقول لج شي تتقرب الريم وتوقف عدال اخوها منصور : خييييير شو بغيت سعيد يمسك ايدها : الريم سمحيلي عذبتج وياي والله اني مااستاهل كل اللي سويته فيني صبرتي علي واتحملتيني والحين دمج يجري في عروقي انا للحين مب مصدق ان دمج يجري في عروقي ،، سمحيلي الغالية خربت ليله الملجه عليج الريم ويها احمر تحاول تسحب ايدها من ايد سعيد : لا افااااا يا سعيد انت غالي علي وليله الملجة عادي بنعوضها انشالله منصور : احم احم بعدني انا واقف الريم بسرعه سارت الحجرة الثانية من القفطه ... دقايق ويدخل مبارك وينضم إلى سعيد ومنصور والبنات في الحجرة الثانية .. وشوي يدخل سالم .. منصور : مرحباااا بعمي قرب قرب سالم : هاا شباب اشحالكم مبارك : بخير وسهاله سالم : هاااا سعيد شوو الأخبار سعيد : توك من ساعه طالع من عندي يعني اوضاعي نفس ماهي متغير شي علي سالم سار يلس عدال منصور : اقووول شباب بعرس شو رايكم منصور وهو منصدم : شوووووووو بتعرس سالم : هيه بعرس ليش مستغربين منصور : حووو سلوم سير قص على غيرنا سالم : شووووو سلوم بعد هاي بلاك انت وحرمتك اتزقروني سلوم شوو اصغر عيالكم انا منصور وهو مستغرب : منو حرمتي سالم : فطووووووم بعد حد غيرها منصور اعتفس ويهاا وحب يغير السالفه : انززززين عمي انت صدق تريد تعرس سعيد : هيه والله صدق سالم ولا يالس تقص علينا سالم : والله صدق بعرس أأأأأأأأخ فديتها سعيد : اوهووووو شكله الريال يحب سالم : بس انت تعرف الحب انا حالتي حاله انت بربك مجابلتنك الحبيبة بس انا مرة وحده شفتها واعتفست منصور : عمي يالله قولنا منو هاي سعيده الحظ سالم : خلوها مفاجئة ويدخلون بو منصور وام منصور وام سعيد وبو سعيد وام مبارك وام سيف وبو سيف : السلام عليكم الكل : وعلييييكم السلام بو سعيد : هااا سالم بعدك ماسرت سالم : سرت ساعه ورديت ام منصور : زين والله انت دواك حد يخطبلك عشان ماتفكر تسافر سالم يطالع الشباب وده يضحك : على ايدج يا حرمه اخووووي ام منصور : صدق تريد تعرس بخطبلك ولا يصير خاطرك إلا طيب بو منصور : سالم تريد تعرس سالم : تبوووون الصراحه ام سيف : سالم بلاك اكيد نريد نعرف اذا تريد تعرس ولا لاه سالم : اول شي قوموا العشا برد بعد العشاا بقول لكم رايي الكل سكت وساروا يتعشوون إلا سعيد كانوا مانعينه من الأكل .. لأنه عنده فحوصات .. تدخل فطوم عند سعيد في الحجرة الثانية وشاله له كوب ماي .. سعيد : هاا فطوم ليييش ماتعشيتي فطوم : مااريد بيلس وياك سعيد سند راسه على المخده : ................ فطوم : سعيد اشفيك شي يعورك سعيد : لا ماشي فطوم : عيل لييييييش سكت سعيد : فطوم بسألج سؤال جاوبيني فطوم : قوووول بجاوبك سعيد : الرييييم تحبني ولا لاه فطوم خاطرها تضحك : ............... سعيد : ................. فطوم : اممممم مااعرف أسألها أنت سعيد : سألتها أكثر من مرة ولاجاوبتني فطوم : مااعرف شوو اقولك سعيد : قوليها انها ماتحبني صح فطوم : سعيد انت للحين ماتعرف اذا الريم تحبك ولا لاه ،، بعد كل اللي سوته فيك ..ويقاطعها سعيد : اريد أطمأن فطوم : بقول لك السالفه كامله من يوم ماشافتك الريم سعيد رفع راسه : قووووولي فطوم : أول مرة شافتك فيها يوم كنا في المبزة وانت تعرف شو صار هناك وثاني مرة في بيتنا يوم العيد بس الريم ماكانت مهتمه ،، بس يوم كنا في العزبة كانت وايد مهمته انها تشوفك وتبي الصدق كانت تقولي انها ....... ويدخل سالم ومبارك عليهم وتسكت فطوم .. سالم : ها فطوم لييييييش ماتعشيتي فطوم : مااريد شبعانه سعيد وده يقوم يصفع سالم ومبارك يريد يعرف وبعدين .. بس مايقدر وشوي يتولفون كلهم وايلسون يسولفون .. بو منصور : هااااا سالم ماقلت لنا تريد تعرس ولا لاه سالم : الصراحه انت سبقتوني انا كنت بقول لكم اريد اعرس واباكم تسيرون تخطبولي ام منصور : هذي الساعه المبارك ومنو العروس سالم : اخت ربيعي محمد واسمها علياء الريم : علياء وسالم ماتركب سالم : هههههههه ولا الريم وسعيد ووووع ماتركب ،،، يفر سعيد دبة الماي على سالم عشان يسكت الريم : ههههههه ام سيف : انزين خلاص من يقوم سعيد بالسلامه بنسير نخطبها لك سعيد : لااا لاتخلونه يترياني للين مااقوم خطبوله الحين حرام يترياني للين مااقوم بالسلامه بو سعيد : صدق سعيد خلاص يوم الاثنين بنسير نخطب لسالم وسعيد ماعليه شر سالم طاااير من الفرح مايعرف شوو يسوي وده لو ايول بس من الفرحه سار يحب راس سعيد الكل يضحك عليه .: هاهاهاهاهاهاهاهاهاهاهاهاهاهاهاهاه ام منصور : لازم تحب راس اخوك مب راس سعيد سالم سار يحب راس اخوه بو منصور : والله من الفرحه اسمحووولي يوم الخميس ......... الساعه 7.30 المغرب سالم يالس في الصاله ويزااااااعج يزقر بو منصور .. ام منصور : بلااااك طار الدنيا من حسك سالم : وينه حمد ام منصور : سار يصلي سالم : أي صلاة الناس خلصت الصلاة وطلعت وريلج بعده ام منصور : وانت اشعايلنك سالم : اتأخرنا على العرب فضيحه ام منصور : ههههههه اسميك مستخف إلا خطبه وانت جيه محتشر ولو عرس ماادري شوو بتسوي سالم : اوهوو لو العرس بتشوفيني طاير في السما ام منصور : لووو رفضوك ومايوزوك بنتهم سالم : فال الله ولا فالج هب هب اتفائلي بالخير دقايق ويدخل بو منصور : السلام عليكم ام منصور وسالم : وعليكم السلام سالم : حشه يا حمد مب صلاة إللي يقول قيام الليل بو منصور : ساير امشي المسيد قلت بسوي رياضة شوي سالم : انزين يالله هبابنا تأخرنا على العرب بو منصور : اتريا بو سعيد وبو سيف ومبارك ومنصور اللين ماايون عشان كلنا انسير سالم : حشااا وين تبابهم هذيل كلهم نحن إلا رايحين نخطب مب رايحين كشته سار بو منصور يلس على الكرسي .. : اتريا بو سعيد وبو سيف قالوا الحين يايين في الطريج وانت طالع مبارك ومنصور وينهم سالم ومعصب على الأخر يدق على منصور .. منصور : الووووو سالم : وووووووينك منصور : هلا والله بمعرسنا سالم : خليتوا انتوا فيها معرس منصور : أفاااا ليييش يا طويل العمر سالم : انقفض يالله تعال بنسير عند العرب وابوك يالس يترياك اونه لازم تسير منصور يالس يرمس سعيد ومبارك : هذا سالم محتشر يريد يسير يخطب سالم : حووووو وينك منصور : كنت ارمس الشباب اللي عندي سالم : لايكون يالس عند ربعك منصور : لا يالس عند سعيد سالم : انزين تعال بسرعه منصور : بعد نص ساعه بنكون عندك سالم : شوو بعد نص ساعه يالله تعالوا الحين منصور : أسف اسمحلي عمي سعيد عنده غسيل الحين مااقدر اودره سالم : انزين قول حق مبارك بيي ولا لاه منصور يرمس مبارك : بروووك يقول لك سلوووم بتسير وياه مبارك يطالع سعيد : إذا رخصني بو عسكور بسير سعيد : برايك سير منصور بيلس وياي مبارك : خلاص بسير طبعا سالم يسمع كل اللي انقال منصور : مبارك بخاويك سالم : حووو منصور منو هذا سلوووم منصور : هههههههه اكيد انت حد غيرك سالم : استح على ويهك انا عمك وجريب بستوي معرس يعني مااريد حرمتي تسمعكم تزقروني سلووووم منصور : هههههههه اسمع هذا بعده ماوافقوا عليه ومحتشر اقوووول اشدراك انها تباك الحرمه اكيييييد بترفض سالم : ليييييش ترفضني والله ماشي ينعاب فيني ريال ولي هيبه والكل يتمناني اناسبهم منصور : والنعم الساع محد قال شي يالله بسكر الدكتور يا واسمحلي عمي انشالله في العرس بخاويك ولا عليك وبرزف بعد بس انت طول بالك وسع صدرك وخبرني بكل التفاصيل يوم بتطلع من عند العروس المنتظره سالم : ههههه انشالله بس قول حق مبارك بسرعه كلهم وصلوا إلا هو ،، منصور : انشالله فمان الله في بيت بو محمد ... سالم يالس عدال محمد ربيعه .. محمد : هااااا يا بو غنيم شوو بلاك اشوفك تتحرقص سالم يلف صوب محمد : محمد دخيييييلك طمن قلبي قول الصدق أختك تباني ولا لاه محمد : وانت لييييش مستعيل وأختي بتحصل أحسن عنك ريال ولا عليك قصور سالم : تسلم بو جسيم بس قلبي مب مطمأن ،، القاضي من ساعه عندها حشا مب سؤال بيسأل محمد : هههههههه الله ياخذ العرس جانه جيه يسوي بالريايل سالم : هههههه ماشفت شي بس خليه ايي دورك وتيلس في مكاني بعدين بتحس محمد : هههههه فال الله ولا فالك حشااا علي تخبلت ادخل القفص اللعين لااا ياخوي مااريد انتهي بعدني في عز شبابي ،، انت ماادري ليييييش فكرت في العرس اسميك يبت نهايتك على ايدك سالم يتنهد : أأأأأأأأخ لو تدري يا محمد باللي صار يوم شفت اختك الله ياخذ الحب اللي مايرحم الواحد خلها مستورة بس اخافه لو يدري بأني شفت اخته وحبيتها ودخلت قلبي اكيييييد بيرفضني دقايق يدخل المطوع ومعاه بو محمد ... بو محمد : مبرووووك يا بو غنيم سالم سار يحب راس عمه وقلبه ينتفض : الله يبارك في حياتك عمي المطوع : مبرووكين ومنك المال يا خوي ومنها العيال انشالله الكل : انشالله بو منصور : نترخص عيل نحن وانشالله بينا اتصالات بو محمد : وين مايلستوا بو سيف : وين مستعيلين سمحونا انشالله اليايات أكثر مبارك واقف عدال سالم : هاااا المعرس شوو الأوضاع الحين سالم : اسكت عني اخاف اطيح عليكم وامووت مبارك : ههههههه والله انك سالفه اترخصوا الجماعه من بو محمد وساروا البيت ... في بيت قوم فطوم .... (( اللي في بوظبي )) فطوم والريم يالسات يسولفن في الصالة .. شوي ويدخل سالم وهو يدندن : مالي عزا من دونه لتيمني هواه .. كل الحسن في عيونه لويهه ومحياه .. الناس مايسوونه لعالي مستواه .. قلبي فضى مضنونه وارجوك لاتنساه .. فطوم : اشفيه الريال مستانس اكيييييد نجح في الامتحان الريم : هههههه لا خسارة كنت اتوقع دور ثاني فطوم : ههههههههههههه سالم : حووووو فطيم وييين امج فطوم : ووووووع اسمي فاطمة والكل يزقرني فطوم وفطيم مااحبه ووووووع يكبرني اللي يسمعك الحين بقول هذي عيوز سالم : عيوز انزين كم عمرج الحين فطوم : اممممممم 18 سالم : ههههههههه صغيرونه الريم : هههههههه طالع عمرك الحين عمرك 26 وتوك تفكر تعرس سالم : ههههههه مشكله اللي بدشكن الجامعه مايعرفن شي ،، سيرن نقعن هذا العمر المناسب للزواج فطوم : ههههههه المهم بشرنا شوو صار في العروس المرتقبه وافقت عليك سالم : اكييييييييد بتلقا واحد شراتي الريم : والله خاطريه اشوووفها عشان اكسر خشمك عندها سالم : ههههههههه ترومين اصلا محد بشوفها اخاف عليها من عيونكن فطوم : انزين متى بتملج عليها سالم : يوم بقووووم سعيد بالسلامة دقايق وتنزل ام سيف عندهم : هااا سالم شوو صار وياك سالم يغمز للريم وفطوم : مالي حظ فيها يا أختي أونه تقول كبير عليها ام سيف : وابوي شو كبير هيه انزين كم عمرها سالم اونه زعلان :24 ام سيف : إلا فرق سنتين والله شو تريد واحد عمره 20 اصغر عنها بس خلها تولي وانا علي بتنقالك هذيج الحرمه الزينه .. الريم وفطوم : هههههههههههههههههههههه سالم : هاهاهاهاهاهاهاها اقص عليج وافقت ام سيف : مالت عليك والله انك ماتيوز من حركاتك سالم : ههههه سمحيلي اختي قلت بشوف شو ردت فعلج ام سيف : والله ماعندك سالفه ،، فطوم اتصلتي في سيف اطالعينه فطوم : هيه اتصلت وقال ببات عند حمدان والريم بتبات عندنا ام سيف : انزين انتن تعشيتن الحين فطوم : هيه تعشينا ام سيف : سالم انت تعشيت سالم : اهيه تعشيت وخطفت على منصور وسعيد شليت لهم اكل بعد ام سيف : واشحاله سعيد بعد الغسيل سالم : واااايد تعب حليله بعد الغسيل لقيته راقد ومنصور حليله شكله مايرقد في المستشفى ام سيف : الله يكون في عونهم محد اييه الرقاد في المستشفيات سالم : خلاص عيل انا بترخص بسير اوطي راسي تعبان من امس مب راقد الريم : لازم تحسب الدقايق والثواني عشان ... ويقاطعها سالم : ههههههه والله مايفوتج شي يابنت حمد ام سيف : برايك سير وط راسك وسلم على حرمة اخوك سالم : سلام يبلاغ يالله بنات مع السلامه فطوم والريم : مع السلامه سارت ام سيف حجرتها ،، وفطوم والريم يالسات في الصاله .. الريم : حليلك يا سعيد والله مايستاهل فطوم : صدق والله مايستاهل زين انه سلم من هالحادث الريم : اليوم ماسرنا المستشفى انسلم عليه فطوم : حوووووو عقلي بملج الريال الريم : هههههه لا شو يمل مني أصلا وده أقعد وياه 24 ساعه فطوم : ههههههه لاتستعيلين بتقعدين وياه العمر كله الريم : انشالله الله يسمع منج فطوم مسكت تلفونها والريم ألتهت بالتلفزيون .. فطوم : اوهوووو اريد اطرش حق منصور مسج بس ماادري متردده .. اوووف بطرش واللي فيها فيها خليه يقول رزه عني : (( منصور لووو سمحت بطلب منك طلب وياليت ماتردني فيه ،، لووو سمحت سير وط راسك ورقد انت الحين من يومين مب راقد )) قرأ منصور الرساله : أأأأخ يافطوم كم اشتقت لج احس اني من زمان مايلست وياج أأخ كم اشتقت لسوالفج ومغايظج .. ويرد يطرش : غاليه والطلب رخيص ،، وتصبحين على خير فطوم : وانت من اهله يلست فطوم اتابع الفلم مع الريم ... فطوم : حليله جتلوه الريم : احسن دواه اكره شرير فطوم : لييييييش حرام عليج والله حلوو شكله الريم : ووووع من وين يته الحلاه شعره اشقر فطوم : ههههههههه ويقاطعهن صوووووت تلفون فطوم .. استغربت الريم وفطوم من التلفون الحين الساعه 11.30 فليل منو بدق هالوقت .. تشل فطوم تلفونها وشافت رقم منصور وقف قلبها قالت اكييييييد شي صار بس ماردت على الريم بسرعه : الووووووو منصور : هلا والله بهالصوت فطوم : شوو صاير منصور : ماشي ليييش زغتي فطوم : اووووف قلبي طاح .. فطوم اطالع الريم وتأشر لها بأنها بتسير وبترد سارت فطوم بسرعه حجرتها .. فطوم : الوووووو منصور : وين سرتي فطوم : كنت في الصاله مع الريم انطالع التلفزيون ودرتها وسرت حجرتيه منصور : اهااااااا الريم بتبات عندكم فطوم : هيه ،، بس انت ليييييش مارقدت انا شوو قلت لك وليييييش داق فهالوقت تصدق طيحت قلبي منصور : هههه هذيل كم سؤال الحين سألتيهن فطوم : مايهم كم سؤال بس انت جاوب منصور : اولا ماياني الرقاد لأني مااحب ريحه المستشفيات وثانيا كنت ملان قلت خليني ادق واعرفج انج ماترقدين هالوقت بس تصدقين من الساعه 10 وانا ماسك التلفون اريد ادق بس كنت متردد واااايد فطوم : هههههه الله يهديك بس انزين اخبارك بعد منصور : تمام تصدقين اشتقت لمغايظج فطوم : هاهاهاهاها ولايهمك اطلع من المستشفى انت قبل بعدين بتشوووف مقالبي اللي مابتسلم منها منصور : خخخخخخخ كلها مكشوفه طبعا فطوم : بتشووووووف شووو بسوي منصور : المهم اخباره معرسنا فطوم : ههههه سلوووم حليله مرتبش الريال والله خاطريه اشوووفها اللي سرقت قلبه منصور : والله ماينلام مب اول واحد يطيح في الحب الكل طااااح فطوم حبت تغير السالفه : انزين اخباره سعيد بعد الغسيل منصور : فديته سعيد وايد تعب من الغسيل ،، بس النزيف الحمدلله وقف خلاص وهذا اخر غسيل له فطوم : والله يعني جريب بيطلع منصور : ماادري يوم سألت الدكتور قال يباله يومين ثلاث ايام وبيطلع فطوم : زين والله ،، يالله خلاص اجلب ويهك وسير ارقد منصور : ههههههه مابييني الرقاد من سمعت حسج فطوم : شووووووو منصور : لا اقول مافيني الرقاد فطوم وخاطرها تضحك : انزين يالله سير اتعوذ من بليس وسم بالرحمن ورقد منصور : انشالله يالله تصبحين على خير فطوم : وانت من اهله سكرت فطوم من منصور : أأأأأأأأأأأخ يوم اريد انساه ارد أذكره أأأوف منك يامنصور ،، وانا ليييش معوره راسي فيه بسير اشوووف ريموه اكييد بتحتشر الحين بس شو بقولها الله يسلمني منها بس في الصالة ......... الريم اتابع الفلم .. تدخل فطوم وهيه عقلها مب عندها .. الريم : هاا منو اللي داق فطوم : ................ الريم تلف صوب فطوم وشافتها سرحانه : حوووووو انت فطوم : ............ الريم تفرها بالمجله .. فطوم انتبهت : أأأأأأخ فلعتيني الريم : وووووين وصلتي اكييييد شفتي فارس الأحلام راكب حصان وياي يشلج فطوم :ههههههه لا وحياتج شفته راكب حمار ابيض الريم : هاهاهاهاهاهاهاهاهاهاهاها بطني ياويلي تعرف تنكت بعد المهم من اللي داق فطوم : ها .. لا هااي .. هاي هيه هاي اسوم ربيعتي الريم : اشفيج حشاا إلا سؤال وجيه سويتي انزين شو تباج فطوم : هاا ماشي تسلم علي وتتخبرني عن الجامعه الريم : اهااا ،،،، وطنشت الريم السالفه .. وسارت تمكل الفلم .. بس فطوم الجسم بس عند الريم اما العيون والعقل والقلب طبعا مكان ثاني (( يلعن الحب ويومه جان جيه أمبهدل الكل )) يوم الجمعة الساعه 5.20 .. في المستشفى .. سعيد يالس وياه منصور وعبدالله اخوه .. دقايق يدخلون : الريم وفطوم وام سيف وام منصور فطوم : السلام علييييييييييييكم الكل : وعليكم السلام ام منصور : اشحالك سعيد هاا شو هباتك اليوم سعيد : بخير وسهاله عفت ريحه المستشفى ودي اطلع من هنيه ام منصور : انشالله بتطلع بس يالله شد الهمه سعيد : يلف صوب الريم : ها الريم اشحالج الريم : بخير اشحالك انت سعيد : بخير وسهاله دقايق ويدخل الدكتور : السلام عليكم الكل : وعليكم السلام الدكتور : هااا سعيد اشحالك اليوم سعيد : بخير والحمد لله الدكتور يالس يطالع الملف ............؟؟؟؟؟؟ منصور : هادكتور متى بيطلع سعيد الدكتور : اممممممم انشالله بعد يومين عبدالله : أخيييييييرا يعني يوم الاحد الدكتور محطي ايده على راس عبدالله : صح يوم الاحد انشالله ام سيف : مشكووور دكتور وماقصرت الدكتور : لا ياأختي هذا واجبنا سعيد : صدق لو لاكم جان انا الحين تحت التراب منصور يلف صوب سعيد وده يصفعه : هذا بفضل ربك وهذا الكلام اللي يالس تقوله مب زين الدكتور : خلاص عيل انا بمر عليك انشالله يوم الأحد عشان أوقعلك على الملف عشان تطلع سعيد : مشكووور دكتور وماقصرت سعيد يلف صوب منصور : هاااا منصور بلاك احتشرت منصور يالس يشرب جاي : ............... سعيد طنش السالفه لأنه يعرف منصور مابرد عليه الحين قال يوم بيطلعون برمسه احسن .. سعيد : اخباره سالم ماشفته اليوم ام منصور : محتشر يريد يملج ماادري شو عايلنه هالريال سعيد : هههههههه انزين خلوه يملج حد قابظه ام منصور : الله يهديك وين يملج وانت مرقد في المستشفى فضيحه شو بقولون الناس عنا سعيد : خلاص انا بطلع يوم الأحد وبقوله يملج يوم الخميس ام منصور : لا لاترمسه بشل البيت على راسه مصدع راس حمد مسوي فلم هندي في البيت الريم : هههههههه الله يهديك ياعمي وحليله تولع الريال سعيد يلف صوبها ويخزها بعينه ويقول في خاطره : أأأأأأأخ يا الريم منج خليج ساكته تولع جروحي من اسمع حسها منصور وقف يريد يطلع .. ام منصور : وين منصور منصور : بسير اتمشا مليت من اليلسه سعيد : بترد ولا لاه منصور وهو لاف صوب الباب : اكيييد برد يطلع منصور .. فطوم تتحرقص تريد تطلع بس ماترعف كيف .. فطوم تساسر الريم : اريد اسير ارمس منصور الريم : سيري حد قبظج فطوم : كيف اطلع شو بقول حق امايه الريم : عادي قولي لها بتسيرين تمشين وبتردين فطوم : ههههه انزين قومي وياي الريم : اااااااسفه لييش اكون رزه بيلس اجابل سعيد ابرك لي من مجابلج انت ومنصور فطوم : أأأأأأأأف بطلع واللي فيها فيها وقفت فطوم تريد تطلع .. ام سيف : فطوم وين تبين فطوم : بسير ..أأأأأ .. بسير هناك ام سيف : ويييين فطوم اطالع الريم : بسير اتفقد المستشفى يمكن حد يحتاج شي الريم : هههههه وقفي عند باب الطوارىء اذا حد ياي وعنده حاله بسرعه ساعديهم مااوصيج سعيد : هههههههههههه فطوم : هههه سخيفه امايه بسير اتمشا اريولي عورتني من اليلسه ام سيف : لاتروحين بعيد فطوم : انشالله طلعت فطوم ادور على منصور .. بس مالقته .. سارت غرفة الإستراحه وتشوف منصور سادح راسه على اليدار ويالس على الكرسي .. وسارت يلست على الكرسي اللي عداله بس هو ماحس فيها .. فطوم : احم احم السلام عليكم منصور مالف صوبها : وعليكم السلام فطوم : ............... منصور : ............ فطوم ترمس عمرها : اوووووف يستهبل ولا ماحس فيني اني يالسه هنيه فطوم : اقول اخوي تعبان منصور : لا بس مهموم فطوم : أأأأأأفا وانا وين سرت منصور لف صوبها : فطوووووووم فطوم تنزل راسها : ...................... منصور : أأسف ماعرفتج فطوم : اكيييييد مابتعرفني وين وصلت بأفكارك منصور : وووين وصلت اللي جريب في بوظبي ماطلعت برع الحدود فطوم : هههههه انزين بلاك لييييش مهموم منصور : ماادري شو اقولج بس غامضني سعيد والريم فطوم : لييش بلاهم منصور : ماادري بس نفس ماشفتي ليله ملجتهم اختربت بسبة الحادث والريم تعبت من الصدمه ،، بس سعيد تصدقين أول ماوصلت وشفته كله لونه احمر من الدم النزيف كان حاااد وهو يهاذي بالريم والله ذيج الساعه كان ودي امووووت ولا اشوف سعيد بهلحاله وتوج سمعتيه شوو يقول (( وهو يقلد سعيد )) : صح والله لو لاكم جان أنا الحين تحت التراب.. فطوم : ماينلام سعيد اللي شافه في الحادث توقع انه بموت مابعيش وللين يومك محطي فكرة الموت براسه الله يهديه بس وانت بعدين حق شوو شال هموم الدنيا كلها على راسك طالع شكلك كيف استووويت ويهك مصفر واضعفيت منصور : شو اسوي سعيد غالي عندي ،، ومحد غيرج يفهمني فطوم : منصووووور منصور : عونج فطوم ويها طماطه : دخيييلك هون على نفسك شووووي اذا انت ماتهمك حياتك انا تهمني منصور دخييلك عشان خاطريه وين ذيج الضحكه اللي ماتفارق ويهك وووووين مقالبك الحلوووو منصور : هههههههههههه تشوفين الوقت مايناسب فطوم : بنخليه يناسب ولايهمك بس لاتسوي بعمرك اكثر من جذيه من الحادث انت في المستشفى مافارجت سعيد ،، صح ان سعيد يهمني ولد عمي قبل كل شي بس انت تهمني اكثر منصور مستانس وده يطير : وأخييييييرا طيبتي قلبي بكلامج فطوم : لييييييييش شو سويت انا منصور : انت ابدا ماسويتي شي بس معذبتني وكاسره قلبي حليله دومج مجاهلتنه فطوم وده تبلعها الأرض ولاتسمع هالرمسه خلاص ذابت وقفت تريد تسير .. منصور : ووووين يلسي وياي فطوم : برد عندهم وانت تعال هناك بدال مايالس بروحك ..........،،،،،،،، سارت فطوم وخلت منصور يالس بروحه .. منصور : أأأأأأأخ كان ودي اقول كل اللي في خاطريه ودي تعرف بغلاتها عندي ودي تعرف شو كثر اعزها أأخ منها ماخلتني ارمس شردت أأأأأأأخ ياقلبي شو اسويبك محد قال لك تعشق وتحب تحمل ماياك واللي بيك منها .. يوم الأحد يطلع سعيد من المستشفى ورد العين وقوم فطوم يلسوا في بيتهم اللي في بوظبي .. منصور دومه مطيح في العين عند سعيد بس يوم الثلاثاء والاربعاء ماسار كان محتشر ويا عمه عشان الملجه يوم الخميس وسالم جنه ملك بوظبي من فرحته .. المهم تخطف الأيام بسرعه لأنها كلها كانت استعدادات للملجه ... يوم الملجه .. الصبح الساعه 6 .. سالم يالس في الصاله يشرب حليب .. تنزل فطوم والريم .. الريم : عمي ليييش قايم من الصبح سالم : ههههه تعرفين بعد ليييش تستهبلين فطوم : نسينا اليوم يومه الريال اكييييد مارقد سالم : ههههه وانتن ليييش قايمات من الصبح الريم : ماشي قمنا نصلي بعدين الأنسه فاطمة قالت ننزل نشرب حليب سالم : اهاا انزين يلسن هذيه دله الحليب ،، يلسن وياي سلني عشان الوقت بسرعه يخطف سارن الريم وفطوم يلسن عدال سالم .. فطوم : اقووول خالي سالم : واخيرا رحمتيني وزقرتيني خالي فطوم : هههههههه لييييش سالم : دومج كله سلوووم سلوووووم ازقريني جنج نسيتي اني خالج فطوم : هههههه غصبا عني ازقرك خالي ودي ازقرك سلووم بس شو اسوي خلاص بنحترمك لأنها ملجتك اليوم سالم : دخيلج لاتفضحيني عند علياء الريم : أأأأأاخ ياعلياء وييينج اطالعين فارس الأحلام يفكر فيج ليل ونهار ابد مب راحمتنه شاله عقله سالم : خخخخخخخخ اليوم بشوفها مااصدق فطوم : انزين خالي اقوووول سالم : قولي فطوم : خالي شووو رايك انا والريم يوم بدش اطالع علياء بندش وياك سالم شرق بالحليب : شوووووووووو الريم : ههههههه صدقها فطوم عمي فديتك خلنا اندش وياك سالم : يالله يالله هذا اللي ناقص بعد فطوم : وااااي بنشوفها قبلك وبنترس راسها علييييييك سالم : والله يا ويلكن بخليها تقول لي كل اللي بتقولنه فطوم : انزين بنشوووف سالم : انا حق شو يالس وياكن بسير اتمشا على البحر ابرك لي الريم : واااااي بحر عمي عمي شلنا وياك سالم يفر عليها المخده : سير نقعي هكيه الدرب فطوم : خالي يالله شلنا البحر من زمان ماسرنا سالم : واااابوي اسحب بنات ويا من الصبح شو قالوا لكم خبل الريم : عيل حرمتك مابتسحبها وياك سالم : شو هاي بعد تسحبها وراك شو عنز هيه فطوم : ههههههههههههه سالم : حرمتي غييييييير تصدقين مابفكر اسكن هنيه اخاااف عليه من شرج يا الريم وانت وفطوم الريم : هههههه ماادري وين بتسكنها على القمر سالم : امممممم تصدقين القمر شوي عليها فطوم : والله متشوقه اني اشوفها سالم سار عنهن ... ودرهن في غيظهن .. تيلس فطوم والريم في الصالة يشرب حليب .. ويخططن كيف بكون في ليلة الملجه وشوو بسون .. دقايق ويزل بو منصور .. بو منصور : السلام عليكم فطوم + الريم : وعليكم السلام بو منصور : لييييش قايمات من وقت الريم : مايانا رقاد بو منصور : سالم راقد ولاقام الريم : وووين هذا اصلا مارقد طلع سار يتمشا على البحر بو منصور : هههههه الله يهديه ميت على العرس مايعرف انه مسؤوليه فطوم : خالي اصبلك حليب بو منصور : هيه صبيلي فديتج بطلع برع بيلس عند الزرع تصب فطوم حق خالها حليب ويطلعون كلهم برع ايلسون عند الزرع (( حديقة البيت خخخخخخخ )) .. المهم يالسين داقين سوالف ودقايق ويحدر منصور عندهم .. منصور : صباح الخير الكل : صباح النور سار منصور يحب راس ابوه وقعد عداله : هاا شيبتنا اشحالك اليوم بو منصور : شيبه في عينك شوفني ولاشعره بيضه في راسي الريم : باسم الله على ابويه بعده في عز شبابه منصور : هههههههه خيبه كلهم طاحوا علي حشا حشا محد يمزح فطوم : هههههههه كله ولاخالي منصور : ونعم الخال بو منصور : انت وين ساير بهالكشخه منصور : ماشي اليوم الخميس وين بسير يعني ماشي دوام قلت بطلع اتمشا الريم : طلعنا وياك ملينا من البيت منصور : هههههه هذا اللي ناقص بعد سيري لاه انا ساير العين الريم : ليييييش شو اسوي العين منصور : من يومين ماسرت عند سعيد بسير اسلم عليه بو منصور : حق شوو بتسير اليوم هم بيون عشان الملجه لاتسير ولاعندك خبر يلس طالع عمك اذا يريد شي منصور : هذا عمي من يومين مجابلنه عفته الريم : صح والله وين بتسير بعد سعيد بيي اليوم وسلم عليه واشبع منه منصور : خيخطف الوقت بسرعه محد حس فيه إلا سالم لأنه يالس يعد الدقايق والثواني (( ماينلام معرس )) المهم في بيت العروس .. البنات كلهن تولفن في بيت قوم فطوم يوم خلصن تعديل وخرابيط .. كلهم سارن بيت العروس وينزل وهن متغشيات لأن الحوش انترس رياييل .. يدشن من باب الصاله وهن مايعرفن وين يسيرن يصادفن محمد عند الباب اخو العروس فطوم : السلام عليكم محمد : وعليكم السلام فطوم : لو سمحت اخوي انت من اهل البيت محمد : هيه تفضلي بغيتي شي فطوم : لابس نحن مانعرف وين نسير نريد انسير عند العروس محمد : دشي الصاله ولفي يمين ودشي الباب الثاني العروس يالسه داخل فطوم : مشكوور اخوي محمد : ماعرفنا من الخوات فطوم : نحن نقرب لسالم سالم يستوي خالي محمد : هيه مرحبابكن قربن قربن البيت بيتكم فطوم : مشكوور وماقصرت اسمحلنا بس نحن اول مرة اندش بيتكم سارن البنات داخل ( الريم وفطوم ودوم وميروه ويزوي وشيخه وشمه :: شيخه أخت ميروه وشمه بنت عمهم اللي في دبي :: ) محمد وقف في مكانه يطالع المزيونه اللي رمسته ؟؟؟؟ محمد : والله انه تخبل اطيح الواحد من حسها والله انهن كلهن غراشيب سارت شيخه وشمه عند الحريم في الميلس أما الباقيات يدخلن على علياء ويسلمن عليها ويعرفنهن بأعمارهم .. الريم ترمس ميروه : أأأأأأوف اشحلاتها من حقه عمي متخبل عليها ميروه : صدق والله انها كشخه ماينلام سالم انه محتشر على العرس الريم : علياء علياء : خير الريم الريم : تصدقين سالم شال البيت محتشر عليج يريد يعرس اليوم قبل باجر علياء ويها طماطه : ههههههه حليله فطوم : دخيييييلج شال البيت على راسه طوول الوقت يدندن وتصدقين بعد من امس مب راقد علياء خلاص ويها اشارات : هاهاهاهاها سالم الحين جيه الريم : وووين ماشفتيه ماادري انت شو سويتي بعمي تخبل من شافج علياء : الريم فطوم بس عاد مااتحمل استحي فطوم : ههههههههه يحليلج ياحرمه خالي .. الريم : تصدقين ماالومه الريال الصراحه سكتينا كلنا ماشالله عليج وااااايد حلووووه علياء : عيونج الحلوه الغالية وانتن ماشالله عليكن عرايس فطوم : أي عرايس دخيييلج محد فينا عروس غير الريم علياء : هيه حرمه سعيد الريم : ههههههه أي عروس دخيلج اختربت ليله ملجتيه علياء : انشالله بتتعوض ولايهمج فطوم : سمعة عمي يقول الاسبوع الياي بملجون على الريم علياء : يالله عاد ريموه ضحكي الريم : هههههههه فطوم : دخيلج لاضحكين تعرض تقويمها ميروه : هههههههه يزوي : حووو حد على الباب افتح ولا لاه Quote Link to comment Share on other sites More sharing options...
محد قد الهنوف Posted مارس 7, 2005 Report Share Posted مارس 7, 2005 مشكووووووورة القصة روعة متى راح اتكملونها Quote Link to comment Share on other sites More sharing options...
حزينة القمر Posted مارس 8, 2005 Report Share Posted مارس 8, 2005 يلا كملوا القصة وايد حلوة Quote Link to comment Share on other sites More sharing options...
M@N@MY@7 Posted مارس 8, 2005 Report Share Posted مارس 8, 2005 محمد : علياء .. علياء : خير بنات عندي داخل محمد : سالم بدش عليج طلعي وسيري الميلس الحريم عليا ء: والحريم وين محمد : الحريم في الخيمه علياء : انشالله الريم : علايه خليني بنسير وياج علياء : انزين يالله فطوم : والله ليسفرنا خالي علياء : ماعليكن منه .. سارت علياء ميلس والبنات وياها .. دقايق ويدخل محمد وسالم .. البنات بسرعه اتغشن من شافن محمد داش محمد : خلاص انا اترخص .. :: ويضرب سالم على جتفه .. سالم هو وده يصفع البنات بس مسك عمره : السلام عليكم الريم : وعليكم السلام هلااا والله بالعم سالم : انتي شو رزج انا اسلم على علياء علياء : وعليكم السلام سالم يحر البنات بعين يباهن يطلعن بس هن أكبر طااااااف ... سالم : اشحالج علياء علياء وهيه منزله راسها من المستحى : بخير والحمد لله اشحالك انت سالم : بخير وسهاله فطوم تقرص الريم عشان يطلعن فطوم : خلاص عيل نحن نترخص منكم سالم : سويتن خييير فيني الريم : حشااااا وده يصفعنا علياء اطالعهن وتقولهن لااطلعن سالم : يالله فارجن الريم : انزييييين بس بنرد ..لاص ماساير بعد ماطلعن البنات من عند سالم وعليا .. حل السكوت بين الأثنين اللي هم سالم وعليا كل واحد مايعرف شو يقول ولا شو يبدأ .. بعد صمت طويل قرر سالم انه يرمس .. سالم : احممممم .. أأأأأأ .. احمممممم رفعت عليا عيونها اطالعه وخاطرها تضحك . بس من المستحى ردت ونزلت راسها .. سالم : اشحالج عليا علياء وهيه مبتسمه : الحمدلله سالم : أأأأأأ .. مااعرف شو اقول عليا : ................... سالم : عليا الصراحه بقول كل اللي في خاطرية ،، من شفتج وانا حالتي حاله ماادري شو صار فيني يقول خبل استويت ،، عليا : ماعندي أي تعليق لأني تبي الصراحه ماخطرت على بالي سالم حس بخيبة أمل : يعني ماتحبيني عليا وهيه منصدمه وكلمتها ظهرت لاعفويا : شوووووووووو سالم : يعني انت مغصوبه علي عيا : اسمع يا سالم مب شرط كل اللي يتزوجون يكونون يحبون بعض في بعضهم يتزوجون وتنولد المحبه والاحترام بعد الزواج ،، يعني عشان انك ماخطرت على بالي ولافكرت فيك مب شرط اكون اني مغصوبه عليك أو اني مااحبك ،، لااااا اسمحلي اقول انك ماتفكر بعقلك تفكر بقلبك وصدقني ياسالم انا فكرت فيك من يوم ماتقدمتلي يعني قلت مع الايام بتعود عليك وقلت محد غيرك بيسعدني ويخاف علي وبعد الكلام اللي سمعته من الريم وفطوم ..... يقاطعها : شو الريم وفطوم اكييييييد حشن فيني عليا : ههههه لاوالله كله يمدحنك ماخلن كلمه ماقالنها سالم وهو متشقق : شوو بذمتج مدحني عليا : ليييش مستغرب سالم : ماادري بس غريبة عليا نزلت راسها : قالن لي عن حشرتك في البيت بسبة الزواج . سالم : ههههه انزين شو رايج نسوي العرس اخر شهر 8 عليا يقول حد صب عليها ماي بارد : لاااااااا سالم وعلامات استفهام على ويهه : ليييييش عليا وهيه منصدمه شو قالت وليش صرخت حست بالقفطه ونزلت راسها : لابس كنت اقول جنك مستعيل سالم : ههههه زيغتيني ،، لامستعيل ولاشيات عندج شهرين يكفن صح ولاه عليا : اللي تشوفه ،، خلاص عيل انا بترخص عنك سالم : لا وين تو الناس عليا وقفت : شو تو الناس الحين الله يعيني على حشرة الريم وفطوم شو بسكتهن بيسلن سين وجيم سالم : عليا لاتحتكين فيهن هذيله مخبل عليا : لا حرام عليك والله انهن سوالف سالم : هههههه أي سوالف دخيلج عليا : ماعليه تعودت عليهن بس الحين اسمحلي لازم اسير سالم : مااقدر اشوفج مرة ثانيه وارمسج بالتلفون عليا وهيه سايره صوب الباب : نووو وي أخر مرة تشوفني فيها ،، طلعت وخلته بروحه : شوو نو وي كيفها هو ماعليه كل يوم بطيح في بيتكم .. سارت عليا عند الحريم في الخيمة وسلمت ويلست وياهن .. الريم وفطوم يمططنها يبن يودنها داخل عشان يسألن شو صار . سحبن عليا داخل ويلسنها على الكرسي ويلسن تحت مجابلاتنها .. الريم : يالله عليوه قولي شو صار عليا : لا بعد شو هاي عليوه عيب حبوبه انا حرمة عمج فطوم : أهوووو قولي شو قلتو عليا : امممممم ماشي تمينا ساكتين الريم : لا والله تقصين علينا عليا : خبرت سالم عليكن الريم : شوو شو قلتيله عليا بخبث : قلت انكن حشيتن فيه فطوم : حرام عليج نحن عليا وقفت تريد تسير : لا اقص عليكن مارمست عنكن الريم : انزين وين بتسيرين عليا : عيب بسر عند الحريم بقولون بعدين هاي مافيها مذهب .. فطوم :اوكيه خلاص يلا ظهري عند الحريم طلعت عليا ويلست الريم وفطوم في الصاله .. الريم : أأأأأأوف منها عنيده فطوم : والله كان في خاطرية اسمع شو بقولها الريم : غربلاته عمي ماخلانا نيلس .. يحدر عليهم محمد وهو حليله مايدري بأن حد يالس في الصاله كان يتحسب عليا داخل عشان يعطيها المداخن توديهن عند الحريم . فطوم من شافت محمد وقفت في مكانها امبهته عيونها ونست تتغشا .. محمد يلس يطالع الغزال اللي واقف ::: محمد نزل راسه : سمحلي تحريت عليا هنيه الريم : لا عادي اخوي عليا طلعت محمد : سمحيلي كنت اريد اعطيها المدخن فطوم : عطني انا بشلهن محمد : لا خلاص بزقر على البشكارة الريم : حق شو يا اخوي عادي نحن استوينا من اهل البيت محمد : سمحيلي ماعرفتكن منو الريم : انا الريم سالم يستوي عمي وهذي فطوم وسالم يستوي خالها محمد : اهاااا انت اخت منصور الريم : هيه محمد : وانا محمد اخو عليا وانا البجر فطوم سارت شلت المدخن بس عادي مااهتمت فيه ،، (( لان اللي في القلب واحد ومستحيل حد ياخذ مكانه عندها وغلاة منصور محد يسواها عندها مهما صار )) .. طلع محمد من عند الريم وفطوم وسار صوب سعيد ومنصور يالسن عند السيايير وهو عقله عند فطوم .. (( هيهاااااااااات تاخذها )) منصور : يالله الاسبوع الياي ملجه سعيد وبنفرح فيه محمد وهو منصدم لاااا لايكون العروس هيه اللي في بالي محمد وبخبث : والله مبرووووك منو سعيدة الحظ سعيد : أخت منصور محمد حس براحه : اهااااا الريم سعيد وهو منصدم : اشدراك اسمها الريم محمد : هههههه لاتوني محصلنهن في الصاله شلت المدخن توديه حق الحريم سعيد : اهااااااا وايي سالم : ها انتو هنيه منصور : أأأاخ ياعمي حطمت القاعده سالم محطي ايده على جتف منصور : يالله عقبالك منصور نزل راسه وتنهد : انشالله سعيد : الأسبوع اليا ملجتيه سالم : والله خلاص سعيد بنسوي العرس ارباعه اخر شهر 8 شو رايك سعيد : والله خلاص موافق محمد : هههههههههههه مستعيل الريال يخطف اليوم بخيره وبشره .. وكل واحد يسير بيته يوطي راسها بعد هالصدعه .. منصور سار بيتهم وهو شال حب فطوم في قلبه وخوفه من المستقبل ،، وسالم شال فرحته وخله راسها بكل أمان ورقد ،، أما سعيد فرحته بتكتمل بعد اسبوع وطه راسه وهو مرتاح ،، اما محمد شال طيف فطوم في عقله ولايدري باللي راح يصير في المستقبل وحبه بزيد أو بنقص .. تخطف الأيام والريم مرتبشه بالملجه . قبل الملجه بيوم في بيت قوم فطوم .(( بعدنا نحن في بوظبي لاتروحون بعيد ،، خخخخخخخ )) الريم : فطوم خايفه فطوم بلامبالاه تصفح المجله : مب أول وحده بملجون عليها الريم : أأأوف منج غبيه خايفة يستوي شي نفس ذيج المرة فطوم سكرت المجله : الريم توكلي على ربج وانشالله مايصير شي إلا اللي كاتبنه ربج الريم : ونعمه بالله ،، بس ... فطوم : لابس ولاشي وانشالله مايصير الا الخير الريم : ماادري بس اخاف يستوي بسعيد شي فطوم : أوهوووو ياويل حالي الريم شلت التلفون وطرشت مسج حق سعيد : (( تصبح على كلمة احبك وتنام على شوق يغليك وفي داخلي قلب يودك ودايم يفكر فيك )) فطوم : حو شو اسوين الريم : اطرش حق سعيد مسج فطوم : وين تبين الساعه الحين 10.30 الريم : انشالله الساعه 1 مايهمني فطوم : مالت عليج انت وياه الريم تتريا سعيد يطرش : .................. ؟؟؟؟!!!!!!! الريم : لييييش ماطرش فطوم : يمكن راقد الريم :............. ترد اطرش : ((عودت عيني بالسهر يانظرها سهران واعاني وانت نايم ومرتاح )) ................................؟؟؟؟؟؟!!!!!!لاجواب والريم بدت تخاف ..وترد ترسل (( تم ارسال الرساله والمصيبة لاجواب لاسقاني من وصاله ولاذكر سر الغياب )) سعيد قام من رقاده معصب : شوو هاااا مايخلون حد يرقد يشل التلفون وكان وده يكسره يفج الرساله ويقرأ مسجات الريم .. سعيد : أأأأأأأخ ياعوقي سعيد : (( هلا باللي تذكرني وكنت احسبه ناسي بعد عني برسمه وهو اقرب من انفاسي )) الريم : وووووووواااااااي فديته ياربي فطوم : هههههه الله يكملج بعقلج الريم : فطوووم دخيلج عطيني مسج حلوووو فطوم : هههههه ككككك هاهاهاها ضحكتني سيري لاه اشتغل عندج وعند ريلج الريم : مالت عليج ؟؟ الريم : (( أسفه ازعجتك ؟؟ بس يمك خذتني لهفة الخاطر ما امهلتني انتضر باجر )) سعيد : (( الريم سمحيلي الغاليه بس الصراحه وعيتيني من رقادي ،، تصبحين على خير انا تعبان )) الريم تلومت وخلت في خاطرها : (( مسموووح ،، وانت من اهله )) عدت الليلة والريم تفكر بباجر وشو اللي بصير ياترى بتم الملجه على خييير ولا بستوي شي يمنع الملجه .. الريم من حظ سعيد ولا لاه ..؟؟ ومحمد شي بسوي ولا لاه ؟؟؟ يوم الملجه الكل كان مرتبش بس الريم .. كانت خايفة يستوي شي في الملجه .. من جهة سعيد كان فرحان من الخاطر وأخيييييييرا حلمه بتحقق والريم بتكون حرمته بعد طول الإنتظار بعد ساعات بتكون من نصيبة ولاشي يمنعه منها .. منصور : ها سعيد بلاك اشوف ويهك مصفر سعيد : هههههه من الخوف تصدق منصور : هاهاهاهاها الله يهديك بعد ساعه تقريبا بتحقق حلمك شو تريد بعد مب انا حالتي حاله والله يعيني على ماابتلاني سعيد : شو رايك الاسبوع الياي تملج على فطوم منصور : ههههه الله يهديك اصلا هيه ماتباني ولاتفكر فيني خلها على هواها يمكن تحن علي سعيد : اسمع شوري واملج الاسبوع الياي منصور : هههههه مصخناها كل اسبوع ملجة واحد يعني بعد ملجتي بتكون ملجه مبارك واللي بعده ملجه ابوي وابوك سعيد : ههههههه حتى شوابنا تريدهم يعرسون منصور : هههههههه الله يهديك سوالف سعيد : انزين شو قلت منصور : بشوووو سعيد : بشو بعد بملجتك منصور : الله يهديك ياسعيد اصلا فطوم ماتفكر فيني وانا مش مستعد اتزوج سعيد : برايك على هواك سالم يدق حق فطوم تلفون .. سالم : الوووووووو فطوم : هلا والله خالي سالم : شو هالحشره فطوم : صوت الفرقة سالم : انزين وين عليا اريد ارمسها فطوم : عليا بعيد عني وين مااشوفها سالم : أأأأوف وين سارت فطوم : اشدراني سالم : انزين يوم تحصلينها خليها ادق فطوم : اووووكيه باي Quote Link to comment Share on other sites More sharing options...
M@N@MY@7 Posted مارس 8, 2005 Report Share Posted مارس 8, 2005 فطوم سارت صوب الريم اللي كانت يالسه .. الريم : وين سرتي فطوم : ماشي إلا هنيه الريم : أأأاوف مليت حشااا لو بعده عرس فطوم : لييييش الريم : هاي المصورة الله ياخذها لعوزتني فطوم : تصدقين يقول عرس مب ملجه عمي ماسوا جيه الريم : هههههه لاتقارنين سعيد بسالم شو ياب الشباب عند الشواب فطوم : هههههههههه سكتي سكتي عليا يت عليا : هااااا الريم خلصت المصورة الريم : أأأوف طرتها قلت لها بعدين مليييت فطوم : اقول عليا سالم دق يسأل عنج عليا : ليش شو يريد فطوم : اشدراني بس قال لي خليها ادق عليا : انزين دقي له على تلفونج لأني مااعرف الرقم فطوم : اووووكيه سالم : الووووو فطوم : خالي هذيه عليا سالم : عطيني اياها عليا : الووووو سالم : مرحبااااا الساع بالغاليه عليا سارت بعيد عن الريم وفطوم وحشره الفرقه : هلا فيك والله اشحالك سالم : والله اني كنت تعبان بس من سمعة حسج ارتحت عليا : هههههه وينك انت سالم : موجود اقول عليا بغيت منج خدمه عليا : حاضرين شو بغيت سالم : اريد اشوووفج عليا : شووو سالم : الحين بدش الخيمه عشان اشوفج عليا : وين تبا كله بنات هنيه سالم : انفادهن شو يخصني فيهن انا ياي اشووفج عليا : لا لا فضيحه وين بدش سالم : أوني ياي اسلم على بنت اخوي عليا : اللي تشوفه سالم : باي انا الحين ياي سارت عليا عن الريم وفطوم كانن يالسات فطوم : هااااا شو يباج خالي عليا : بدش الخيمة بيي يسلم على الريم الريم : اونه يسلم علي ولا على بعض الناس عليا ويها طماطه : هههههه لا علي وانت الصادقه دقايق ايي سالم : السلام عليكم الكل : وعليكم السلام سالم : ها الريم مبرووووك الريم : الله يبارك فيك سالم يلف صوب فطوم : عقبال فطوم فطوم تنزل راسها : انشالله سالم يمسك ايد عليا وايلسها على الكرسي .. الريم : عمي وين تبا اطلع برع فضيحه سالم : هههههه انا اصلا ياي حق حرمته شو اباكن انتن فطوم : ههههههههه حركات سالم : حوو المصورة تعالي صوريني مع حبيبتي عليا ويها اشارات .. الريم : ياويلي انا شو خليتوا حقنا عيل سالم : سيري لاه تحلمين انت سعيد يحبج قد ماانا احب عليا عليا : حووو بس عاد فضحتونا سالم : فديت اللي نطق انا فطوم : خالي عيب نحن يالسين وجيه الله يعين لو قمنا سالم : هههههه عادي حرمتيه الريم : بعد العرس قول حرمتيه سالم : عادي تراني مالج دقايق وأتيهم أم منصور : سالم يالله بالستر وين يالس هنيه سالم : ياي اسلم على الريم الريم : ياي تسلم علي ولاه ...... ام منصور : يالله يالله برع فضيحه وين منخش عند البنات سالم : أأأأأاوف انزين طالع حشااا كلتوني عليا : .................... فطوم : يالله خالي الله يحفظك سالم : يالله عليا باي مابشوفج بعدين عليا وهيه مبتسمه : الله وياك ام منصور : ها الريم سعيد بحدر الحين الريم : لالالالالالالا ام منصور : لييييش الريم : امايه دخيلج استحي ام منصور : عادي شو مستحاه بعد ريلج خلاص استوا فطوم : بعد حق شو المستحى اوني اللي يقول اول مرة بتشوفينه عليا : يالله الريم عاد احليله الريال من متى يتريا هاليوم الريم : ......................... ام منصور : ماعليكن من كلامها ،، الحين بدش وياه منصور الريم : خلاااااص كلتوني حشااااا حشااااا الله يعيني دقايق ويدش سعيد ومنصور .. وبدت حشرة الفرقه .. سعيد خطواته صعبه صوب الريم أما منصور عااااادي كااااشخ يقول المعرس ومرتبش .. وصلوا صوب الريم وقفت الريم ونزلت راسها .. سار سعيد وحبها فوق راسها وقف عدالها .. منصور وقف عدال فطوم .. فطوم : .................... منصور : اشحالج فطوم فطوم : بخييير منصور : يالله شوو هالحلاه غطيتي على العروس فطوم : نزلت راسها وسارت عدال عليا .. وتبدأ الفرقه اطرب ،، منصور ماقدر يمسك عمره .. قام ويرزف جدام الريم وسعيد وسعيد يصفق ويشجعه دقايق وحمدان وسيف ينظمون لمنصور ويبدأ اليواله ،، بس منصور يسكت الواحد بيوالته محد يروم عليه ولد حمد .. فطوم بس كانت عيونها عند منصور ،، أأأأأخ محلاته يخبل محلاته يوالته يسكت الكل والله انه هيبه بكل شيء .. منصور سار صوب فطوم وايبس جدامها وفطوم ويها طماطه .. فطوم : عااااش منصور منصور نزل تحت وهو يبس وعق على فطوم كلمه خلتها تتيبس في مكانها : فديتج ياربي سارعنها صوب سعيد .. ثواني ويحدر بو منصور وسار يسلم على سعيد والريم .. منصور سار صوب ابوه ايبس جدامه .. بومنصور : عاش منصور مافيك حيله منصور مسك ايد ابوه : قوم وياي انيول بومنصور : لا لا لاه مافيني منصور سار الصوب الثاني وهو ايبس جدام سعيد .. حتى غرا سعيد وقام سعيد وياه يرزفون وانشلت الخيمة بالحشرة .. ميروه : والله روووووعه ودوم : قومي ميروه ننعش جدامهم يزوي : وين تبين فضيحه ودوم : هههههههههههه فطوم من قال منصور الكلمة وهيه في عالم ثاني ماقدرت تتحمل الموقف وطلعت برع الخيمة وسارت صوب البيت وهيه داشه البيت حصلت مبارك ومحمد يالسين .. مبارك : هااا خلص العرس محمد : هههههههههه أي عرس مبارك : عرس سعيد فطوم : ......................... محمد لاحظ ان فطوم فيها شي : هاااا فطوم شووو فيج فطوم : لا ماشي بس حشرة في الخيمة مبارك : ليييش منصور يالس داخل شو عيبته اليلسه هو قال بوصل سعيد وبرد فطوم : هههههههه ولابيرد جلبوا الخيمة سعيد ومنصور ايواله مرتبشين داخل محمد : وانت ليييش طلعتي فطوم : هاااا لابس .... ويقاطعها صوت تلفون مبارك مبارك : الووووووو ...................... مبارك : مرحبا الساع اشحالك وين دارك ... ويطلع برع ويخليهم بروحهم في الصاله فطوم : اسمحلي محمد بسير محمد : لحظه بغيتج بسالفه فطوم : خيييير محمد : فطوووم مااعرف شو اقول او كيف أبدا بس الصراحه عيبتين فطوم لفت الصوب الثاني : محمد لاتكمل محمد : لييييييش فطوم لفت صوبه : محمد لاتفكر فيني ولاتخليني اخطر على بالك لأن مستحيييييل يستوي اللي في بالك محمد وهو منصدم : ليييييييييش فطوم : انا احب واحد وهو يحبني .... ويقاطعها محمد : شووو شو هالرمسه الضايعه فطوم : لايروح فكرك بعيد بس انا احب منصور محمد : هو تقدملج فطوم نزلت راسها : لاااااا محمد وبستهزاء : هههههه وكيف عرفتي انه يباج فطوم رفعت ويها وهيه كلها شجاعه وقوة تواجه : منصور شاريني وانا واثقة فيه كل الثقة محمد : ................................ فطوم : اسمحلي بس اللي دار بيني وبينك لايطلع برع انزين محمد : خلاص انزين زين انج اعترفتيلي قبل لاانصدم ويستوي فيني شي فطوم : اسمحلي بس هذي الحقيقة ولازم تعرفها مااريد اعيشك في اوهام محمد وحس بخيبة أمل وقفطه : لالالا ماحصل إلا الخير وسمحيلي فطوم لفت عنه : مسموووح يالله برايك سارت فطوم عن محمد وخلته يالس يفكر باللي صار : ياربي ليييييش جيه حظي ومنصور شووو احسن عني بس والله ياحظه فيها .. أما فطوم سارت الحجرة وعقت شيلتها ويلست على طرف الشبريه : أأأأوف من وين طلع هذا انا ماافتكيت من شكوك منصور بمبارك ويطلع لي هذا ياربي لهدرجه انا حلوة .. هههههههههه أأأأأخ منك يامنصور والله توني اعرف انك جريء لهدرجه أأوف محلاة الكلمة اللي طلعت منه والله ماادري كيف بجابله بعد اليوم ماادري شووووو بكون موقفي منه ياليتني مااحتكيت فيه ياليتني تجاهلته ............ انزين انا شو سويت بمحمد حرام عليه والله قفطه حسيت انه استحى مني وشو بكون موقفي اذا درى منصور بالسالفة يارب محمد مايقول حق منصور والله بتستوي مشاكل وبطيح كلها على راسي ...... ويلست تفكر اللين ماطاحت ورقدت وهيه بفستانها ومكياجها .. أما من جهة الريم عيونها يمين ويسار ادور فطوم وين سارت ..: وينها هاااي تودرني في اليوم اللي احتاجلها فيه ... يمر الوقت حتى كل واحد سار بيته .. سارت الريم حجرتها وراسها بينفجر من الحشره ويالله يالله شاله عمرها وتدخل الحجرة وتشوف فطوم طايحه وراقده على الشبرية : شوووو هذا هاي راقده وانا يالسه ادورها والله انها هبله راقده بفستانها .. سارت الريم توعي فطوم : قوومي عقي فستانج فطوم ويالله يالله تفج عيونها : أأأأأأوف مااقدر برايه الريم تمطها من ايدها : يالله قومي وين بترقدين ويا هالفستان قامت فطوم وهيه مدوخه وسارت تتغسل وتبدل ولبست بجامتها وسارت ترقد ولارمست بكلمه .. الريم سارت تغير ملابسها وتتغسل ويلست تفكر بسعيد .. وباللي صار اليوم .. اللين ماتعبت من التفكير وطاحت عدال فطوم ورقدت .. الساعه 6 الصبح تقوم فطوم من رقادها ويلست تتمدد على الشبريه .. وتشوف الريم راقده عدالها وبسابع نومه : ياحظج يا الريم اللي تحبينه استوى من نصيبج مب انا مالت علي .. تشل تلفونها اطالع كم الساعه وتشوفها الساعه 6 : خييييبة بسير اصلي .. شلت عمرها ودخلت الحمام تغسلت .. وطلعت وصلت لها ركعتين وهيه يالسه اتصلي وصلها مسج .. خلصت صلاتها وسارت صوب تلفونها وتفج التلفون (( صباح الخير صباح الحلوين ومن بدري قايمين يحرسهم ربي من الحاسدين والعين )) وهيه بعدها ماخلصت قراية المسج يوصل : (( يا فتاح يا عليم يا رزاق يا كريم ارزقني مسجات من قارىء هالعبارات )) فطوم : أأأخ منك يامنصور ،، ربي بلاني فيك ،، وفي هالحظات تذكرت محمد : الحين محمد مستحيل يسكت عن السالفه او يخليها تعدي مرور الكرام انا جرحته بكلامي والله ماادري كيف طلع الكلام وقلت له اني احب منصور محد يدري اني احب منصور غير الريم ودوم أأأأوف والله ابتليت ماادري شو اسوي والله احسن ارد العين وافتك من منصور ومحمد والحشره .. نغمة مسج : (( ......................... في الانتظاااار؟؟؟ منصور )) فطوم : (( صباح معطر بذكر الله مبعوث لأحلى خلق الله ينور دربك ويبارك يومك انشالله )) منصور : (( أأأأسف وعيناج من رقادج )) فطوم : (( لا اصلا انا كنت واعيه قبل مايوصلني المسج )) فطوم : (( منصور قرأ هذي الكلمات زين واريدك تفهم معناها : وينك بغيت احط واحد بديلك واحد بغا بالحب ياخذ مكانك واحد لعبي لعبة والله وكيلك لو مانهيت القلب روح زمانك )) منصور يلس يقرأ المسج ويفسر معناه مية تفسير خطر في باله بس ياترى فطوم شو تقصد بهالكلام .. فطوم غلقت تلفونها بس قبل ماتغلقة طرش لمنصور : أأأسفة بس لازم اغلق تلفوني ,,,,,, فطوم غلقت التلفون ويلست تفكر شوو بتسوي لمشكلتها تقول حق منصور ولاه اطنش السالفه .. سارت فطوم توعي الريم فطوم : الريم قومي الريم : مافيني تعبانه فطم : الريم دخييييييلج في موضوع لازم تعرفينه يالله عاد قومي الريم قامت : يالله قولي فطوم : قومي غسلي وصلي وبعدين بقول الريم : أوهووووو يعني ما يتأجل الكلام بعدين فطوم : لا مايتأجل السالفه خطييييييرة ولازم تعرفين فيها يالله عاد اريد حل للمشكله الريم : انزين سارت الريم تغسل وصلت .. ويوم خلصت سارت يلست عدال فطوم .. الريم : يالله قولي شو عندج فطوم : امس يوم طلعت عنج من الخيمة ودخلت البيت حصلت مبارك ومحمد .............الخ وخبرتها كل السالفه الريم : جذابه حلفي فطوم : والله الريم : خيبة شو هالبلشه فطوم : انزين شو اسوي الريم : خبري منصور بكل شي فطوم : ههههه خبله عشان يجلبها علي الريم : لاتخافين منصور يمكن يحل الموضوع فطوم : لا مااقدر اخاف تستوي مشاكل وكلها اطيح فوق راسي الريم : انزين وشو بتسوين فطوم وهيه تقلدها : انزين وشو بتسوين ،، انا موعتنج ادورين لي حل يا غبية الريم : امممممممممممممم خليني افكر فطوم : يالله فكري .. حل السكوت بينهم كل وحده ادور حل يرضي .................................................. .................................................. .................................................. ........................(( بعدهم ماخلصوا تفكير اتريوا ليش مستعيلين ؟؟)) .................................................. .................................................. ..............................................وووو وويت الريم بترمس (خخخخخخخخخخخخ) الريم : وجدتها فطوم : هيا قولي الريم : لا استطيع ان اقول قبل ملىء معدتي انني جائعه من امس لم اذق طعم الأكل فطوم : أأأأاوف منك ليش وقت كرشتك دعيها تولي ( سمعوا التنقيع في الرمسه خخخخخخخخخ) الريم : هههههههههههههههههه أأأأخ بطني سيري تعلمي لغة عربية فطوم : هاهاهاهاها ،، انزين شوو اللي وجدتيعا الريم : أولا دعينا ننزل الى المطبخ نبحث عن شي يسكت اصوات الوحوش التي في المعده . فطوم وخاطرها تصفع الريم : حسنا حسنا هيا دعينا ننزل حتى لاتلتهمك الوحوش نزلن المطبخ وكل وحده تفكر في المشكله .. بعد ماخلصن انطعاز ..يلسن في المطبخ يكملن السالفه الريم : سمعي عندي فكره جهنميه تقضي على القلق ( اونه جهنميه انجلبت نفنوفه ام الأفكار الجهنمية خخخخخخخ).. فطوم : قولي يالله الريم : انت سوي طاف حق هزيه سالفه انت ليش يأور راس مال انته هزا موهمد مافيه يسوي كركر مشان منصور هو يعرف ازا يسوي كلام مشان منصور ، منصور بسوي موشكله كبيره مشان هوه فطوم وخاطرها تضحك بس يالله جلبته هندي وياها : انته شنو يقول انا فيه كوف <<<< اونه خوف الريم ماسكه عمرها عشان ماتضحك : انته اسمع كلام مال انا ومافيه كوف فطوم : اوكيه كلاص انا يسوي طاف حق هزا موهمد (( شو ياب الطاف حق الهنود خخخخخخخخ)) من جهة منصور بعد ما داخ من حل كلمات فطوم .. يلس يقول في خاطره : أأأأأوف شو قصدها لايكون تحب حد ولاه ........ ويقاطعه صوت تلفونه منصور : الووووووو هزاع : مرحبا الساع منصور : هلا والله اشحالك الغالي هزاع : بخير وسهاله اشحالك انت وين دارك منصور : الحمدلله وداري في دارك هزاع : وين انت في العين منصور : لا في بوظبي هزاع : اهاااا واخبار المعرس منصور : ههههههه كاشخ على الأخر هزاع : وينه هو منصور : ماادري يوم خلصت الملجه سار صوب العين هزاع : يعني ماباتوا في بوظبي منصور: لا ماطاع ابوه هزاع : اهاااااا ،، انزين اقول اليوم الربع بسيرون الشاليه شو رايك اتي ويانا منصور : امممممممممم اوكيه موافق شو ورانا بعد هزاع : اوكيه اترخص منك بسير ادق حق سعيد منصور : وين ماقلت لي متى بتون الشاليه هزاع : العصر انشالله منصور : اوكييييه سلم على الربع هزاع : سلامن يوصل فداعه الله منصور : فداعه الرحمن ينزل منصور تحت عساه يلقى فطوم ويفسر معنى المسج اللي دوخ بالراسه شو المقصود فيه .. بس للأسف مايحصل غير الريم يالسه تقرأ الجريده منصور : صباخ الخير الريم مارفعت راسها من الجريده : صباح النور منصور : شوو تقرين الريم : امم الأخبار بعد شو ماشي جديد منصور : اممممم وينها فطوم مااشوفها الريم : سارت تسبح منصور يالس يتحرطم : أأأأأوف وقت السبوح الحين شو يصبرني .. الريم : شو تقول منصور : ماشي كملي اخبارج احسن لج يطلع منصور برع يتمشا عند الزرع يلقى ابوه وامه يالسن.. منصور : السلام عليكم ام منصور وابو منصور : وعليكم السلام ام منصور : قرب قرب وليدي اشرب لك حليب تراه زين على الصبح يلس منصور عدال امه : صبيلي الغالية مانقدر انردج بو منصور :ها يا منصور محد باقي غيرك منصور مافهم قصد ابوه : شو قصدك الوالد محد باقي غيرك ام منصور : يعني قررنا انا وابوك انيوزك منصور يقول حد صب عليه ماي بارد : لالالالالالالالالالالالالالالالالا بو منصور : لييييش يالله بالستر انت ريال وماشي ناقصنك منصور : لاااا بعدني بعدني صغير ام منصور : شووو صغيره هكوه سعيد كبرك وبعرس منصور : سعيد غير وانا غير بو منصور : لا لا ماشي غير نحن قررنا وامك حاطه عينها على بنيه سنعه بنت ناس منصور راح فكره عند حبيبة القلب ::أأأأأخ وينج يا الغالية يبون ايوزوني وينج فديتج تعالي سمعي الكلام اللي يالس اسمعه لا مستحيل اتزوج غيرها لوو اموت والله مستحيل مااقدر اعذب قلبي اكثر من هو متعذب بس انا مش متأكد انها تحبني لاااا فطوم تحبني ومستحيل تتخلى عني مستحيل اخذ غيرها والله لو جبروني والله لسافر وماارد البلاد ابد وحبها ااخ ياحبها بشله معاي اتعذب بحبها ولاني اتعذب مع وحده غيرها ام منصور : منصوووووووووووور منصور : هاااا شو شوووو ام منصور : شو رايك انخطبها لك منصور : .................... ام منصور : انا حاطه عيني على بنت عبيد سلطان ال...... منصور : لا ادخيلج امايه دخييييييلج مااريد لاتجبريني دخيييييلج والله حرام مااريد مااريد بو منصور : شووو ماتريد نحن مب ضامنين اعمارنا نريد انيوزك ونفرح فيك منصور : فرحوا بالريم انا لا ماافكر في العرس الحين ام منصور : ............................... منصور: امايه دخيييلج لاتخليني اسوي شي مايرضيكم لاتخليني والله لأخذ الدورة وبهج من البلاد بو منصور : ................. منصور وقف يرد يسير : انا اليوم ساير الشاليه ويا الربع والسمووووحه منكم ،،،،،،، سار يحب راس ابوه وامه وطلع من البيت وشخط بسيارته من الغصة اللي فيه .. العصر الساعه 4.30 يتصل سعيد منصور منصور: الوووووو سعيد : مرحبا مرحبااااا الساع بالغالي اشحالك منصور : الحمد لله بخير وسهاله اشحالك انت سعيد : الحمدلله مانشكي باس منصور : الحمدلله واخبار الربع سعيد : كلهم تمام كلنا يايين صوب بوظبي منصور : منو اللي ياي وياك سعيد : هزاع بسيارته ويا خليفه وبطي وانا بسيارتي وياي أحمد وعبدالله منصور : ماشالله كل الربع ولا محمد وينه سعيد : محمد ساير صلالة ويا الأهل منصور : زين زين والله خلاص عيل انا ساير البيت اجهز اغراضي سعيد : هاا بتسير البيت منصور : هههههههه هيه البيت توصي على شي سعيد : أأأأأأأأأ .. هيه سلم منصور : انشالله من عيوني سعيد : نخطف عليك ولا بتسير بسيارتك منصور : لا لاتخطفون بسير بسيارتي سعيد : اوكيه يالله فمان الله سار منصور البيت وهو داش يدعي ربه انه مايشوف حد عشان يطلع بدورن مايكدر نفسه فيهم ..... دش منصور الصاله والحمدلله محد في الصاله وسار فوق حجرته وهو يمشي شوي شوي عشان محد يحس فيه ودش حجرته وطلع شنطته وخلاه له ملابسه .. وطلع وهو يفكر في فطوم يريد يرمسها يريد يفسر المسج اللي طرشته ... ينزل تحت وسار صوب باب الصاله وهو ياي يطلع يسمع حد يزقره وبصوووت كله حنان ورقه : منصووور منصور وقف في مكانه وقف قلبه لأن هذا الحس انحفر في قلبه وطه شنطتها على الأرض ولف وعيونه كانت فيها لمحة حزن .. فطوم وابتسامه عجيبة على شفايفها والغمازة محلوه ويها : منصووور وين بتسير منصور يشوف ويها ويلس يتأمل هالجمال فطوم : منصور وين بتسير منصور : امممممممم بسافر فطوم : شووووو منصور : بسافر فطوم : لا لييييييييييييييييش؟؟؟ منصور : امممممم شو اقولج بس جذيه لازم اسافر ضروري فطوم : لييييييش شو السالفه التي تخليك بسرعه اتسافر منصور : امممممم تبين الصدق فطوم : اكيييييييييييييييد منصور : بسير الشاليه فطوم ومعقده حياتها : شوووووووو شو شاليه بعد منصور : هههههه شاليه بعد له اسم ثاني فطوم : ليييييش شو تسوي الشاليه منصور : اتكشت فطوم : اهاااا بتسير بروحك منصور : لاااااااااا طبعا فطوم : اكييييد يا ربعك منصور : لاااااااا ايخسون شو اباهم اصلا انا ساير الشاليه ويا ربيعتي فطوم مب مصدقه اللي يالسه تسمعه : ........... ربيعتك منصور : هههههههههه هيه ربيعتي فطوم ودمعه من عيونها نزلت ومنصور لاحظها تقرب منها ومسكها من ايدها : فطوووووم فطوم تسحب ايده من منصور وتربع فوق عنه منصور : فدييييييييت دموعها ياربي ليييييش جيه قلت حرام عليه الحين اكييييييد زعلت منصور تنهد وسار وشل شنطته ولف صوب الدري عساه يلمح طيفها قبل مايسير بس للأسف لاااااا جوااااب ..شل عمره وسار الشاليه عند الربع Quote Link to comment Share on other sites More sharing options...
محد قد الهنوف Posted مارس 8, 2005 Report Share Posted مارس 8, 2005 مشكورة على القصة القصة روعة ننتظر البقية انشاء الله Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.