بدرةالبحرين Posted مارس 27, 2005 Author Report Share Posted مارس 27, 2005 الجزء العاشر في هالوقت عين كانت تشوف ساره وكانت بتطلع من مكانها من القهر كان محمد ! محمد كان ياي يشوف ربعه في الجامعه وبالصدفه شاف هالموقف .. الف فكره كانت في مخه كان يحترق من داخله كان وده لو ايود ساره ويذبحها تقرب محمد منهم ونادى ساره بهدوء يخفي وراه بركان ثاير محمد : ساره ساره حست روحها بتطلع يوم شافت محمد تبلعمت ماعرفت شنو ترد محمد : ممكن تيين وياي شوي حمد وجه نظرات ناريه لمحمد .. من هذي وليش يكلمها بهالطريقه .. ليكون اخوها ؟؟ يالله شنو هالمصيبه محمد طالع حمد بنظرات توعد وتهديد ساره لا إراديا مشت ورا محمد واهي ميته من الخوف محمد وقف مجابلها واهو ميود روحه عشان ماينفلت منه الكلام : ممكن تشرحين لي شسالفه ؟ ساره كانت تطالع يمين يسار .. محتاره تقول الصج ولا تسكت .. تخاف محمد مايصدقها محمد بقلة صبر : شفيج سكتي ؟ ردي على ساره اوهي خايفه : محمد باقول لك بس الله يخليك لا تسوي لي سالفه محمد واهي يطالعها بنظرة شك : قولي شسالفه ؟ ساره بحذر : هذي الصبي كان وياي في اكثر من محاظره ودايما يلحقني ويمشي وراي ويكلمني بس انا ماعطيه ويه .. والبنات كلهم شاهدين محمد وده يصدقها : وليش كنتي واقفه وياه ؟ ساره واهي خلاص شوي وبتصيح : انا كنت رايحه اطلب اهو تعرض لي وقعد يكلمني محمد والشرر في عيونه : اللي مايستحي انا باأدبه ساره تحاول توقفه : محمد بس محمد دفع الباب بقوه ووصل لي مكان حمد اللي كان قاعد ويا ربعه محمد : لو سمحت تفضل وياي شوي حمد : خير ؟ محمد بأحتقار : قلت لك تفضل وياي شوي حمد قام بتردد بس كان يمثل القوه وان مو مفتكر او خايف محمد : ممكن اعرف انت ليش تلاحق البنت ؟ حمد تبلعم : انا مالحقها محمد بعصبيه : جاب ياللي ماتستحي .. ترضى احد يسويها في خواتك ؟ حمد : اناا محمد : انت واحد نذل .. تلحق بنت الناس على بالك مافي وراها احد ؟ ولا شنو اهي في بالك ؟ ترى هاي بنت عايله مو مثل ماتظنها حمد : وانا اشهد بهالشئ .. ساره مافي مثلها محمد : باقص لسانك اذا يبت اسمها بعد .. شنو تشهد ؟ اصلا من انت ؟ اسمعني ! اذا مره ثانيه شفتك لو لمحتك تلحق هالبنيه او تتعرض لها صدقني ماتلوم الا نفسك فاهم ! ومشى عنه محمد ورد حق ساره اللي كانت واقفه مكانها تنتفض من الخوف واهي تشوف محمد يكلم حمد محمد : ساره ساره : نعم ؟ محمد متحسف على الاسلوب اللي كلمها فيه : خلاص انا تفاهمت وياه " سكت شوي " وانتي ليش ماتخبرين بدر او اي احد فينا ؟ ساره واهي تطالع الارض : كنت خايفه اقولكم تصير سالفه محمد : اي سالفه ! هذي سمعة .. واهم شئ سمعتنا وانتي تدرين بهالشئ ! ساره : اي محمد : زين روحي نادي نورة عشان نروح البيت .. ماله داعي بدر اييكم ساره : اوكي انت روح السياره اوحنا بنيي محمد : زين باوقف جدام المبنى اوكي مشت ساره واهي تفكر .. ليش تنحط في مواقف سخيفه ويا محمد دايما محمد .. ساره راحت عند البنات ساره : يالله بنات سمحو لن احنا بنمشي نورة بأستغراب : وين بمنمشي ساره تهمس لها : بعدين بقولج قومي يالله نورة : زين يالله بنات مع السلامه الكل : مع السلامه ساره واهس تسحب نورة : يالله بسرعه نورة : افف هديني زين .. شفيج ؟ ساره : ماتبين تعرفين نورة : شنو مابي اعرف قولي يالله ! وقالت لها ساره السالفه من اولها لي اخرها نورة : بلل عاد الا محمد .. ها قولي وين كفخج ؟ ساره بنظره حاده : ماكفخني ! شفيج ! بس الصراحه كنت خايفه يسويها نورة : بس يالله افتكيتي من حمد الغثه ساره بأرتياح : اي والله دشو البنات السياره محمد واهي يمشي بالسياره : عيل ماتغديتو ها ؟ نورة : انا تغديت محمد واهو يطالع ساره : ساره ؟ ساره : تغديت محمد يطالعها من تحت النظاره : مو انتي قلتي لي باروح اطلب ؟ يعني ماطلبتي ساره تبلعمت: هاا .. اي انا تريقت وايد محمد : زين انا يوعان اول شئ باروح اتغدى مكان نورة : زين .. سارو اكلي مره وحده ترى مو طابخين اليوم ساره بغت تذبح نورة .. مو ناقص الا هالسالفه عشان تتفشل ازيد .. شنو بيقول الحين همها بطنها اففففف محمد واهي يطالع ساره : وين تبين تاكلين ؟ ساره بتردد : مادري .. عادي اي مكان محمد : نروح اروما ؟؟ ساره : اي اوكي عادي في هالوقت رن تلفون محمد .. بدر كان متصل فيه محمد : هلا بدر بدر بعصبيه : شنو هلا بدر ؟ يا اخي وينك ؟ مو انت قلت بتروح وبترجع ؟؟ نسيت ان احنا معزومين على الغدى محمد تفاجئ : اوووه صج نسيييت والله ! بدر : لا حول .. والحين شاقول حق ابوي وعمي ؟ محمد : قول لهم ماحصلته انا بعدين اخترع سالفه بدر : يعني ماتقدر توصل على وقت محمد واهو يطالع ساعته : لا ماظن انا الحين جريب السيف بدر : سيف ! محمد : اي ويا نورة وساره بنروح اروما نتغدى بدر : الله على الخيانات ! ابتسم محمد وسد الخط وصلو المطعم و اختارو طاوله وقعدو محمد واهو يطالع المينيو : شتبون ؟ نورة : انا بعدين باطلب الحلو وياكم .. اكل مابي محمد يوجه كلامه لساره : انتي شنو بتاكلين ! ساره : سلطة محمد : وبعد ؟ ساره : بس محمد ماهتم لكلامها وطلب 2 اسباغيتي الفريدو وسلطة نورة واهي تطالع تلفونها : غريبه فطيم متصله فيني ! ساره : اي ماراحت اليوم المدرسه نورة ردت عليها : هلا فطوم فاطمه : هلا ( تكح) اقول نورة : قولي فاطمه : تذكرين الشنطه البيضه اللي في ميلانو ؟ نورة : اي فاطمه : اكا يايبين منهم ويا يبين الوان غير .. اخذ لج ؟؟ نورة بأستغراب : ليش وين انتي ؟ فاطمه : احنا في المجمع .. ويا امج وامي نورة : اهاااا زين الحين يايه .. مابي افوت الفرصه فاطمه : اي فرصه انتي الثانيه ؟ نورة: امي في المجمع معناتها اسوي shoping من قلب وسدت الخط محمد : وين ان شاء الله ! نورة : باروح وبارجع .. على ما انتو تاكلون انا راجعه ساره بخوف : قعدي نورة .. نورة : شفيج خايفه ليكون حمود بياكلج ؟ ساره اهني انقهرت ازيد وسكتت محمد بقهر : شنو حمود اصغر عيالج ! نورة ماردت عليه شالت شنطتها ومشت عنهم ساره كانت وايد وايد متفشله .. ساكته ومو قادره تتكلم تحس غلط قعدتها وياه بروحهم .. الله يهديها نورة ليش سوت جذي محمد كان يتأملها لا شعوريا .. كانت مستحيه ومنزله راسها واقل من 10 دقايق يابو الاكل محمد واهو يشيل الشوكه : يالله اكلي .. ترا احلى شئ عندهم سباغيتي الفريدو ساره ابتسمت ابتسامه صفرا : ماجربته من قبل محمد واهو ياكل : اححححححححح حاااااار ساره ضحكت لا شعوريا وشوي شوي ارتاحت .. لان محمد اكييييد يعتبرها نفس اخته ويعزها مثل نورة ساره واهي تاكل : اي والله وايد حلو .. جرب السلطه وايد عجيبه طالعها محمد وابتسم : عطيني اشوف محمد تغيرت ملامح ويهه : امممم ساره بخوف : مو حلوو ؟ محمد : هممممم لا اوكي بس اكلتي احلى ساره بغرور : لا اسمح لي .. الصبيان مايعرفون حق الاكل اهم شئ ياكلون محمد ابتسم : الا انا ! اهم شئ يكون حلو في المجمع نورة : فطوم اخذي سوده بعد واخذي حق سارو فاطمه : اي راسي بروحي تعبانه .. اخذي اللي تبينه حقج وحق سارو انا مالي شغل انا مخلصه من زمان نورة : زين باخذ لها نفسج فاطمه بقهر : لا لا اخذي لها نفسج مابي احد ياخذ نفسي نورة رفعت حياتها : عشتوووو ! منيره واهي تضحك عليهم : اصلا انا اختاريت حق ساره يالله امشو بسرعه نورة : زين منيره : الا وين ساره ؟ نورة : تتغدى ويا محمد منيره تغيرت ملامحها .. ماكانت مرتاحه مهما يكون مو عدله تقعد وياه بروحها .. بس ماتبي تقول شئ عشان ماتجرح اختها ! ولا تقدر تقول حق ساره شئ لان محمد مثل اخوها وتخاف اذا قالت شئ تتغير علاقتهم ببعض وساره قليل تكلم محمد .. في المطعم محمد : الحمدالله صج انتفخت ساره : الحمدالله انا بعد محمد يتفحص صحنها : خصلتي ؟ ساره برعب: اي ! محمد : ماكليتي .. يالله كملي صحنج ساره : لا كليت شوف نص السلطه كليتها محمد : زين نطلب حلو ! ساره : ماتبي تنطر نورة ؟ محمد : خلها تولي محد قال لها اهي خسرانه .. تبين ولا تبين تصيرين خسرانه نفسها ! ساره : لا انا ماقدر اكل بعد خلاص محمد : كيفج انتي خسرانه وطلب محمد ايس كريم بالكيك والفواكه وكمله بسرعه دفع الحساب وطلعو محمد يعطي ساره المفاتيح : روحي السياره .. واتصلي في نورة عشان اتيي انا الحين بايي ساره : اوكي وطلعت ساره وقعدت في السياره الجزء ال 11 يخفي وايد تطورات ومفاجئات في رايكم شنو بيصير ؟؟؟؟ نطروني Quote Link to comment Share on other sites More sharing options...
@صدي الحرمان@ Posted مارس 27, 2005 Report Share Posted مارس 27, 2005 ولله وايد حلوه القصه لا اطولين علينه Quote Link to comment Share on other sites More sharing options...
alhaira Posted مارس 27, 2005 Report Share Posted مارس 27, 2005 مشكوووووووورة اختي ع الجزء لكنش وااااااااايد طولتي يلا احسن من ولا شيء ثانكس again Quote Link to comment Share on other sites More sharing options...
فديتني^بحرينيه Posted مارس 27, 2005 Report Share Posted مارس 27, 2005 مشكورة اختي على الجزء مابقيتي تنزلينه بس يلا ننتظر البيقيه؟؟ Quote Link to comment Share on other sites More sharing options...
بدرةالبحرين Posted مارس 27, 2005 Author Report Share Posted مارس 27, 2005 تسلمون على الردود .. وان شاء الله الجزء بحاول انزله الليله او باجر الصبح Quote Link to comment Share on other sites More sharing options...
ili مافيا عراد ili Posted مارس 27, 2005 Report Share Posted مارس 27, 2005 اللللللللللللللللللللللللللللللللللللللللللللللله الللللللللللللللللللللللللللللللللللللله رووووووووووووعه بليزززززززززززززززززز نبي الجزء 11 الليله Quote Link to comment Share on other sites More sharing options...
سويت موني Posted مارس 27, 2005 Report Share Posted مارس 27, 2005 يسلموووووووووووووووووووووووووووووووووووووو Quote Link to comment Share on other sites More sharing options...
roze-flower Posted مارس 27, 2005 Report Share Posted مارس 27, 2005 مشكورة أختي ..................... روعه أهي حقيقيه Quote Link to comment Share on other sites More sharing options...
دلعلع Posted مارس 27, 2005 Report Share Posted مارس 27, 2005 تسلمون على الردود .. وان شاء الله الجزء بحاول انزله الليله او باجر الصبح ثانكس عالجزء ويفضل ان تنزلينه الليلة اقرع ويشرط Quote Link to comment Share on other sites More sharing options...
غزال الريم Posted مارس 27, 2005 Report Share Posted مارس 27, 2005 الجزء قصيررررر وااااااااااايد ولي يسلمج كبري الاجزاء شويه ويعطيج العافية وننطر التكملة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.