يارا Posted مارس 19, 2005 Report Share Posted مارس 19, 2005 مساء الخير يه بدرة وين التكملة لا تتاخرين بلييييييييييييييييييييييييييز مشكووووورة ويعطيج الف عافية Quote Link to comment Share on other sites More sharing options...
فديتني^بحرينيه Posted مارس 21, 2005 Report Share Posted مارس 21, 2005 اختي خلاص مانبي التكمله اصلن نسينه احداث االقصه؟؟؟؟؟؟؟؟؟ Quote Link to comment Share on other sites More sharing options...
فوفه Posted مارس 21, 2005 Report Share Posted مارس 21, 2005 اذا السالفه تطول تصير بايخه حلات الشي حار بحار علشان ماننسى القصه وايد تاخرتي أختي علينه ،، Quote Link to comment Share on other sites More sharing options...
blonde girl Posted مارس 21, 2005 Report Share Posted مارس 21, 2005 (edited) وينج اختي ؟؟!والله اني تمللت وانه انطر يلاااااااااااااااااااااااااااااااااااااااااااااااااااااااااااااااااااااااااااا!!! عاد؟؟! بســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــرعه بليـــــــــــــــــــــــــــــــز!! <_< Edited مارس 21, 2005 by blonde girl Quote Link to comment Share on other sites More sharing options...
مــ قـلوب ــافية Posted مارس 21, 2005 Report Share Posted مارس 21, 2005 اوفففففففففففففففففففففففففففففففففف وانا كل يوم ادش واقول بشوف القصة ولا ألقاقها انا نسيت القصه اصلن مادري شنو صار في الاحداث لو سمحتي اختي لو سمحتي بسررررررررررررررررررررررعه بلييييز يعني Quote Link to comment Share on other sites More sharing options...
غريبه Posted مارس 21, 2005 Report Share Posted مارس 21, 2005 مصخت السالفه هذي كله عشان الكمبيوتر اليديد؟؟؟؟؟؟؟؟؟؟؟ لايكون صار فيج شي؟ Quote Link to comment Share on other sites More sharing options...
ذيبة محرق Posted مارس 21, 2005 Report Share Posted مارس 21, 2005 خلاااص مافي تكملة Quote Link to comment Share on other sites More sharing options...
بدرةالبحرين Posted مارس 21, 2005 Author Report Share Posted مارس 21, 2005 الجزء التااسع عقب ماخلصوو الاكل تيمعوو كلهم يم التفزيون .. وفي هالوقت استأذنت هند عشان تروح فوق لانها حست بتعب بس اول ماوقفت طاحت لان راسها دار شيخه صارخت : بنتييييييييييي هذي أخر شئ سمعته هند فتحت هند عيونها واهي في المستشفى والكل حواليها خايفين عليها حاولت انها تتكلم بس كانت وايد تعبانه بسبب المهدئ عشان جذي ردت رقدت .. شيخه كانت ميوده يدها وتمسح عليها وتدعي الله يقوم بنتها بالسلامه .. بو محمد كان محتار يروح يمين يسار ينطر الدكتور يوصل عشان يخبرهم شفيها هند ! مو معقوله البنت اتطيح عليهم مره وحده .. محمد يحط يده على جتف ابوه : يبه لا تحاتي ان شاء الله مافيها الا العافيه بو محمد : ان شاء الله .. بس مو جنه طول الدكتور ! محمد : عادي يبه الحين بيوصل وعقب دقايق وصل الدكتور وطمنهم ان هند مافيها بس شوية تعب وارهاق عشان جذي راح تيقى عندهم تحت الملاحظه يوم وبعدها بيرخصونها ذيج الليله محد غمض له جفن الكل كان يحاتي هند وشيخه رقدت عندها في المستشفى .. صباح اليوم الثاني الساعه 6:30 الكل متميع على الطاوله في بيت بو بدر منيره واهي تحط سلة الخبز على الطاوله : صباح الخير بو بدر : صباح الخيرات منيره واهي تتفحص الطاوله : وين فطوم ؟ ساره برعب : مادري ! منيره بسرعه راحت غرفة فاطمه ومثل ماتوقعت فاطمه نايمه على السرير بثياب المدرسه ! منيره بملل : فطوووم ! قومي يالله بتتأخرين فاطمه واهي تبطل عيونها بصعوبه : يمه مريضه منيره ابتسمت : وبعدين وياج ؟ ترا كل يوم تقولين نفس الحجي فاطمه : يمه صدقيني اليوم صج ! منيره : وكل يوم تقولين اليوم صج ! فاطمه : يمه والله صدقيني شوفي درجتي منيره بطرف عينها : زين بس يا ويلج يا فطيم اذا طلعتي جذابه راحت منيره تييب الترمومتر وقاست درجة فاطمه منيره وعيونها مبطلين ع الاخر : والله يا فطيم صج مريضه درجتج 38 فاطمه واهي تحس براحه نفسيه : شفتي منيره : بعد عمري والله .. ارتاحي حبيبتي قومي بدلي ثيابج وانا الحين باخليهم ايبون لج الريوق فاطمه قامت بدلت وطرشت مسج حق ربعها عشان تحرهم انها مابتروح المدرسه اليوم في غرفة الاكل بو بدر : عيل وين فاطمه ؟ منيره : فاطمه تعبانه وهالمره صج درجتها 38 بو بدر : ماتشوف شر .. خلها ترتاح .. زين انا ماشي وترا اليوم احنا مابنيي على الغده منيره : بدر ومحمد ؟ بدر: مابنيي يمه معزومين اليوم منيره : زين عيل ساره : واحنا بنتغدى في الجامعه منيره : يعني محد يبي غدى ؟ سلمان بأعتراض : انا ابييي منيره باسته : فديته اللي يبي غده انت اولهم سلمان تطمن على مستقبله وراح الحديقه عشان ينطر باص الروضه فضى البيت ومنيره راحت تتاكد ان فاطمه تريقت بدر كان واقف بسيارته جدام بيت بو محمد وكان يتحرطم كالعاده على نوره بس شيسوي مافي فايده .. واليوم اصلا مزاجه كان رايق وكان يحس روحه مستانس نورة واهي تفتح الباب : السلام عليكم ساره وبدر : عليكم السلام بدر واهو يطالع نورة : عسى ماشر شفيها عيونج منتفخه ؟ نورة باستغراب اول مره بدر يسئلها مثل هالسؤال : مو راقده عدل ساره كانت مشغوله تعدل اوراقها بدر : ليش عسى ماشر نورة بألم : امس هند تعبت وودينها المستشفى بدر بصدمه : والله ! شفييها شصادها ؟ نورة : الدكتور قال تعب وارهاق بدر : ماتشوف شر .. ماتستاهل والله وعشان يكسر بدر الصمت طلع شريط راشد الماجد اللي خذاه من سياره ساره وحط اغنية " يسألوني " وطول على هالمقطع يسألوني ليه احبك .. حب ماحبه بشر وليه انتي في حياتي .. شمسها وانتي القمر وليه صوتك لي وصل صحراي يملاها زهر علميهم يالحبيبه آه آه يا اغلى حبيبه وفي هاللحظه التقت عينه بعين نورة " كان يطالعها من المنظره " نورة حست بشعور غريب ونزلت عينها بسرعه .. بدر حس ان نورة حست ان كان يقصدها بهالاغنيه ابتسم وقعد يدن يدن مع كلمات الاغنيه وصلو الجامعه وبدر راح الشركه وطول الوقت تفكيره ويا نورة اللي مايقدر ينكر ان مشاعره تزيد كل يوم صوبها الساعه 9 هند كانت في البيت ويا امها راحت عشان ترقد شوي شيخه اتصلت في منيره وقالت لها سالفة هند .. منيره حست ان شيخه وايد متضايقه عشان جذي بغت تسليها شوي منيره : اقول مادام ان مافي اليوم احد على الغدى شرايج نروح المجمع نتغدى ونتشرى شوي من زمان مارحنا شيخه : لا يا اختي مالي مزاج والله .. وعليه هند كاسره خاطري منيره : مافيها الا العافيه يالله عاد طلبتج خلنا نروح شيخه بتردد : زين بس باييب امووله وياي تعرفينها بتسوي مناحه منيره : اي مايخالف يبييها .. الساعه 11 باييج اوكي ؟ شيخه : ان شاء الله سدت منيره الخط وراحت تتطمن على فاطمه شافتها راقده بس قبل ماتسكر الباب قعدت فاطمه فاطمه : يمه منيره : ها حبيبتي ليش مو راقده ؟ فاطمه : خلاص شبعت رقاد منيره : تعالي باشوف درجتج .. هممممم 38 فطوم لازم اوديج المستشفى .. سمعي عقب ساعه برزي روحج باوديج المستشفى فاطمه : اوكي في الجامعه ساره تمشي وحمد يلحقها اليوم وايد مصخها كان جنه يمشي وياها ساره كانت تتأفف منه ماصدقت توصل ركن المطاعم سلمت على ربعها وقعدت بس ماتهنت لأن حمد قعد مجابلها ربعها خلاص تعودو على سالفة ساره وحمد وكل يوم يحاولون يقنعونها تكلمه بس ساره مستحيل ترضى الساعه 10 خلصت منيره من الدكتور .. الدكتور طق فاطمه ابره وعطاها ادويه منيره : يالله الحين بوصلج البيت فاطمه : ليش وين رايحه ؟ منيره : باروح المجمع فاطمه : بايي وياج منيره : لا وين تيين بروحج تعبانه فاطمه : عااااد يمه منيره بملل : زين تعالي في الجامعه ساره قامت تروح تطلب لها اكل وقفت مجابل المطعم بس مانتبهت لحمد حمد : احممم ساره نقزت من الخوف حمد : ساره ممكن اكلمج شوي ساره طنشته حمد : بليز كلها كلمتين ! ساره بأدب : لو سمجت اخوي لاتسوي لي مشاكل وروح عني حمد تقرب منها وجابلها : صدقيني ما بطول في هالوقت عين كانت تشوف ساره وكانت بتطلع من مكانها من القهر كان محمد ! محمد كان ياي يشوف ربعه في الجامعه وبالصدفه شاف هالموقف .. الف فكره كانت في مخه كان يحترق من داخله كان وده لو ايود ساره ويذبحها تقرب محمد منهم ونادى ساره بهدوء يخفي وراه بركان ثاير محمد : ساره ساره حست روحها بتطلع يوم شافت محمد تبلعمت ماعرفت شنو ترد محمد : ممكن تيين وياي شوي في رايكم شنو بيصير بنعرف في الجزء العاشر بداية اشكر كل من تابع القصه وسئل عني بالرسايل الخاصه .. للأسف كانت عندي ظروف خاصه الله لا يبليكم حالة وفاة .. الله يرحمه ان شاء الله وصدقوني مافي شئ يأخرني عليكم الا اذا كان شئ جايد Quote Link to comment Share on other sites More sharing options...
M@N@MY@7 Posted مارس 22, 2005 Report Share Posted مارس 22, 2005 مشكووورة (( بدرة البحرين )) لكن الجزء واجد قصير نزلي اجزاء اكثر اختييي Quote Link to comment Share on other sites More sharing options...
الملاك الصغير Posted مارس 22, 2005 Report Share Posted مارس 22, 2005 الله يرحمه ويغمد روحه الجنه والغايب حجته معاه B) لكن لا تطولين علينه احنه ننتظرج Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.