lily Posted مارس 2, 2005 Report Share Posted مارس 2, 2005 هاااي شخباركم شلونكم عندي لكم سؤال بس قبل بقول السالفة هذا في وحدة رفيجتي اعرفها من سنيين واعرف كلشي عنها اهي بنية حلوة خفيفة دم ذكية شاطرة في دراستها ....الخ السالفة تبدا قبل ست اشهر تقريبا تقدم لها واحد من عائلة محترمة خلق ودين وحالة مادية ميسورة كانت على قولتهم شاب لقطة ...او عريس لقطة ... المهم بدخل في صلب الموضوع بسرعة لمن تقدم لها كانت تقدم عادي من الاهل يعني جت الام وكلمت امها وشافت لبنية وقالت لها ابيها حق ولدي وجذي .. امها قالت بسال لازم نسال عن لصبي وعن العائلة وجي لان ام المعرس كانت تبي تجيب المعرس البيت عشان يشوف البنت بس لبنية ما تحب هالحركة تقول انها ما تبي تصير معرض كلمن يا وشافها وقعد وياها اهي لازم اول تسال عنه وتقتنع فيه بشكل مبداي بعدين توافق انه يجي بيتهم.... وافقت الام اخذو اسبوع وسالو عن لصبي طلع كل شي فيه زين ... واتصلو لام المعرسوقالو لهم ترى احنا سالنا عنكم وانتو عائلة زينة ومعروفة وجدي واذا تبون تيون البيت حياكم اي وقت بس الام قالت ان الولد يفضل يكلمها في التليفون اول وافقو الطرفين بعدين تمو يكلمون بعض تقريبا سبوعين او ثلاثة وحبو بعض وهو في كل اتصال كان يقول لها انها ذكية وعاجبته وكلامها حلو واسلوبها ذكي ((لبنية مثقفة وايد )) كل هذا كان قبل ما يشوفها ..... ذاك اليوم اتصلت ام المعرس وحددو موعد ويو البيت عشان يشوفها صبي اول ما شافها تلعثم في لحجي وغير رايه تكلمو اقل من ربع ساعة وقال انه اكتفى من المقابلة وبيرجع لبيت وامه بتصصل فيهم عشان يحصلون الرد اهني لبنية مسكينة انصدمت ...شنو امه تتصل فيهم تعطيهم الرد وهو اللي قال لها في التليفون انه يحبها وبيتزوجها في ازيد من جذي لمن راحو لبنية قالت لامها اللي محيرنها اماه قالت لها مافي الا ننطر اتصال امه ويوم ثاني اتصلت الام وقالت ترى سامحونا مافي نصيب الام انزهقت قالت لها ليش اهم مو كانو متفقين وجدي قالت لها كل شي قسمة ونصيب وهو عنده مواصفات معينة يبيها في لبنية ما حصلها فيها ... الام عصب بس تحملت وقالت لها بعصبية شنو هالمواصفات ياخذ له اسبوعين يكلم بنتي ويقولها لها احبج وبتزوجج وانتي ذكية وكلامج حلو شنو اللي ازيد من هالمواصفات امه المعرس عصبت من الام لانها قامت تصارخ عليها قالت لها بنتج صج حلونة بس متينة!!! وولدي ما يبي متينة ومن ذاك اليوم لبنية مسكينة رفيجتي جتها حالة احباط الحين هالسالفة صارت من العطلة الصيفية للحين صارت اقل شي تمرض وذبلت اهي حلوة وايد حلوة بس الحين وييها كانها عيوز لصبي جرحها ...اهي مو متينة يعني درام ولا كبت يعني صج اهي وزنها زايد بس مولهالدرجة ..... ..................... المهم سؤالي اهو هل اذا واحد تقدم لوحدة وعجبه فيها كل شي يرفضها عشان جسمها انها متينة انه ما انكر ان الجسم شي ضروري بس اللي صار والله حرام يعني اهم حبو بعض والحين بتركها ويتخلى عنها عشان بس الجسم يعني عروس متينة لهالدرجة ما تنفع وشكرا Quote Link to comment Share on other sites More sharing options...
شـ ـ ـ ـوق Posted مارس 2, 2005 Report Share Posted مارس 2, 2005 يه كلمته بس اسبوعين وحبته صج ما يستحي على ويهه عقب ما كلمها وما ادري شنو قال ما يبيها Quote Link to comment Share on other sites More sharing options...
أميرة المروج Posted مارس 2, 2005 Report Share Posted مارس 2, 2005 مو شرط اهم شي اخلاق الانسان وتصرفه مو ضعفه ومتنه وشكرا Quote Link to comment Share on other sites More sharing options...
nazkoo Posted مارس 2, 2005 Report Share Posted مارس 2, 2005 مافيها شي صج اهو غلط انه كلمها جيف ماشافها قبل عشان عقب يقول انها متينه ومايبيها عادي تره تصير هالاشيه ويحس الشخص عقب مايفكر انه الشخص الثاني مايناسبه Quote Link to comment Share on other sites More sharing options...
مهاوي المحرقيه Posted مارس 2, 2005 Report Share Posted مارس 2, 2005 والله الصبيان ما ينعرف كلامهم يعني تجوفين كلامهم تصدقين و تجوفين افعالهم تستغربين يقوولووون لااااااا عادي و مو مهم شكلها اهم شي هي تحبني و انا احبها وشاط عمره و ماادري شنو على الطل يقولووووووووون اهم شي عندي اخلاق البنت و هو اذا البنيه طلعت كريهه غير رقمه و عنوانه بعد مسكيييينه البنيه عورت قلبي صج حقير يلا الله يعوضها باللي احسن منه هاي والله ما يستاهلها و هو لو كان صج يحبها ما بيتركها بس في شي اسمه رجيم البنيه تقدر تضعف لو تبي Quote Link to comment Share on other sites More sharing options...
بنت الليل Posted مارس 3, 2005 Report Share Posted مارس 3, 2005 والله الصبيان ما ينعرف كلامهم يعني تجوفين كلامهم تصدقين و تجوفين افعالهم تستغربين يقوولووون لااااااا عادي و مو مهم شكلها اهم شي هي تحبني و انا احبها وشاط عمره و ماادري شنو على الطل يقولووووووووون اهم شي عندي اخلاق البنت و هو اذا البنيه طلعت كريهه غير رقمه و عنوانه بعد مسكيييينه البنيه عورت قلبي صج حقير يلا الله يعوضها باللي احسن منه هاي والله ما يستاهلها و هو لو كان صج يحبها ما بيتركها بس في شي اسمه رجيم البنيه تقدر تضعف لو تبي وهذا هو الصحيح Quote Link to comment Share on other sites More sharing options...
عاشقه الدموع مالكه الاحزان Posted مارس 3, 2005 Report Share Posted مارس 3, 2005 شلون جذي يكلمها ويخليها تحبه ويرفضها علشان هي مينه هذا صدق عديم اخلاق ليش البنات اللي يختارونهم وتقدمون لهم علشان جمالهم ولا عشان اهي اخلاقه ولا امه بعد الحمد الله وشكر الله يهدي الجميع ان شاء الله والله يعوضها باللي احسن منه ان شاء الله وعلى فكره هو لو كان يحبها من صدق ما يرفضها علشان هي متينه بس في اختراع اسمه رجيم البنيه تقدر تضعف من جسمها طلع غبي من صدق عديم التفكير جاهل Quote Link to comment Share on other sites More sharing options...
اميرة الورود Posted مارس 3, 2005 Report Share Posted مارس 3, 2005 مرحبا الصراحة الاثنين غلطانين اولا بما انه تقدم رسمي فمن حقه يشوفها قبل ما يكلمها يمكن يشوفها تعجبه شكلا بس لما يكلمها ما يعجبه اسلوبها واهي بعد المثل ولكن في حالتهم الاثنين غلطانين المفروض يكون عنده فكره عن شكلها قبل ما يخطبها واصلا من حقه واهي نفس الشي ما ادري هاي وجهة نظري وشكرا اختكم اميرة الورود Quote Link to comment Share on other sites More sharing options...
شرقية Posted مارس 4, 2005 Report Share Posted مارس 4, 2005 طلع على حقيقته انسان سطحي لازم هالموقف يقويها و الله بيعوضها باللي احسن منه Quote Link to comment Share on other sites More sharing options...
bent abooy_69 Posted مارس 5, 2005 Report Share Posted مارس 5, 2005 اهم شي اخلاق الشخص بس بعد اهم شي الشكل مو كلش قبيحه يعني ياخذ وحده من مستوى شكله او اقل بشوي او اكثر بشوي ثانكس Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.