ورد ابيض مخملي

ههههه يعني حسب الطول يالله اهم شي الصغار يمرحون ويلعبون الفلوس تجي وتروح

عجبني الموضوع واايد حلو شعر اهل البيت وشعر الامام علي (عليه السلام) وشعر الفرزدق له معنى كبير في النفس لو نتأمل احنا بس ...

شكرا على المعلومات المفيدة

مثل المواد الي قلتها بالضبط وزعوها علينا اليوم بس الله يساعدنا على الارتقاءلازم هالمقرر يسوي رجيم قاسي ويضعف شوي ( خل يحذفون لى ) يساعتها الواحد يفرفش شوي ويتغشمر

مشكورة فعلا انا وايد اسويها الوسادة مهمة في حياتي حتى وانا قاعدة عالنت لازم معاي وسادة

الحين هاي بعد فيها شي عادي شفيها لما الزوج يشيل شنطة زوجته بلا نقص رجولة بلا بطيخ. بعد الزواج شراكة في كل شي بين الطرفين ومسؤلية مشتركة افترضوا يعني البنت عندها ولد وحاملته وحاملة شنطة اغراض البيبي بعد تحمل اشياء ثانية وشنطتها الشخصية ما تقدر. عادي لما زوجها يحمل الشنطة اذا من طيب نفسه وبرضاه هو عبارة عن مساعدة ماكو شي في هالمسألة. الناس اجناااااااااااااااااااس تتحلى بالافكار يحكمها الاحساااااااااااااااااااااس حتى وهي تختار الرجل لما يشيل الشنطة هذا من ذوقه واحساسه وان دل على شئ فهو طيبته وشهامته وليس نقص رجولته

جسمك بلا غسل ندري وين اندفن .. لكن الزهرة رغم الغسل والكفن ما ندري بقبرها ما نعرف خبرها كل جرح من عالم جروحك حفظ للزهرة سر .. شل اليألمك ما يألمها ! ضلعك مشابه ضلعها والكسر طبق الكسر .. حتى دمك مقتبس دمها إلك خنصر قطيع من ايدك اعلى التراب .. مثل خنصرها ذاك اللي انجرح ورا الباب صدرها وصدرك بنفس النوايا منصاب عشنا نرثيك ونرثيها طول العمر .. لكن اللي يخلي الألم يستمر ما ندري بقبرها وما نعرف خبرها قالوا الزهرة اللي واراها علي بظلمة ورجع .. خفية بالليل يكتم أوجاعه واللي واراك انت في الظلمة علي بذات انوجع .. ياليي بالخيل سحقوا اضلاعه يتاماها تنادي ارحم قلبنا يارب .. يتاماك البراري الوحشة ليها مهرب فقدها وفقدك مصيبة روتها زينب ندري عبد الله فوق الصدر دفْنِتَه .. لكن المحسن الهالزمن جثته ما ندري بقبرها وما نعرف خبرها من يعرج كربلاء نلقاك ويجمعنا الصحن .. بالملايين تمتلي الحضرة ومن يعرج طيبة ما نلقى ضريح ام الحسن .. والمساكين كلها تنتظره واظن قبرك عليم ابشدة الظُلامة .. واكيد الفاطمة في مشهدك علامة اسمها واسمك اول صيحة للقيامة اخاف يعاتبنا جدك في يوم الحشر .. شالعذر واحنا قلناها قبل العذر ما ندري بقبرها وما نعرف خبرها مشكورة شوق

وايد اسمع عن هالحالات واعرف بعضهم معرفة شخصية وللاسف انتحروا اسف على عمر الشباب الي ضيعوه هدر اسف على اهاليهم الي تركوا دموعهم تنهال صبح ومسية اسف على الدين الي مافكروا فيه وفي حكمه اسف عالعقاب الي ينتظرهم يوم الدين اعرف شخص انتحر بس السبب في البداية مو هو رفاق السوء جروه للمخدرات واهله عرفوا وهم جدا اسرة محافظة ومنعوه لكن النتيجة انه مات بجرعة زايدة تقريبا هاي مو انتحار ذاتي شارك في هالشي رفاقه الي عرفوه عالمخدرات وخلوه يدمن انا اعرف هالشخص ولما عرفت القضية تأثرت بس الله يرحمه. المشكلة ان الشباب البحريني لما يعيش في مشاكل وما يلقى من يواسيه ويخفف عن يبتعد عن الدرب الي سلكه بهدف التغيير والخروج من الواقع المرير الي عاشه ممكن هذا الخروج يكون ايجابي وممكن يكون سلبي ويدفعه للادمان او الانتحار او الانحراف او المغازل بلاوي الله يبعد لشباب عنها .

ما احب منظر الشباب الي جي احلى شي لباسهم المعتاد يا ثوب وغترة وعقال او بنطلون وقميص ما ننسى السير هع خلهم يكشخون بس بحدود الشرع لا يطلعون برة مو حلو التشبه بالبنات كل واحد له شكله وستايله الي يدل عل شخصيته وحلو الشاب يكون ملتزم وناضج وعلى عكس ذلك الشاب الي يلبس ترجية او قلادة يدل على انه شاب منحرف ما تعجبني هالشخصية. شكرا عالموضوع

مشكورة شوق انا من زمان ودي اروح قطر وديني معاج اذا بتروحين

احب لون الاسود في السيارات ههههههههههه بس ما عندي خبرة عن المايتسوبيشي انا احب اللكزس ههههههه

لا ثالث لا تيأسون الفصل الثاني اسهل من الفصل الاول بوايد عندكم 6 مواد اجا ممتع بتدرسون عن الحرب العالمية الاولى والثانية وعن الثورات الجزائرية وغيرها معاهم الحبيب بو رقيبة ههههههههه وهتلروا موسلينو والحزب النازي في المانيا والفاشي في ايطاليا حلو الاجا الفصل الثاني وايد استمتعت فيه بس حضروا كل درس ولا درس تفوتونه عليكم بدون تحضير لان اكثر مادة يبي لها دراسة الاجاوراح تدرسون العلوم سهل بتتعجبون 3 وحدات حلوة اول وحدة انظمة بيئية وتربية حوض الاسماك وغيرها عجيب المقرر والثانية عن الوراثة والكروموسومات والثالثة عن القوة والحركة والمعول ههههههههههه والرافعة وايد حلو وسهل بس اخر وحدة انتبهوا للمسائل وبجيبون درجة حلوة . وراح تدرسون الدين واااااااااااااااااايد سهل غزوات ماخذينها من قبل وكل يكررونها مع كم سورة يبي لها حفظ.وبتاخذون عرب سهل وايد اسما الزمان والمكان واسم الفاعل واسم المفعول والمصدر احب العرب لو انا يمكم شرحت لكم دروسه ههههههههههه بس انا بعيد في اخر القارة هع يمكن هههههههه . والانج بتاخذون وحدات عن الرياضة والمنتخب الاحمر هالله هالله ما تغلبونا هههههههه وعن الموسيقى والاختراعات والاكتشافات والقواعد بعد سهل الكونتبل والاون كنتبل والباسيف وسوالف حلوة درسوا الريايتنغ والقرامر وموفقين ان شاء الله. واخر شي غرااااااااااااااااااااااااااااااامي الريض حلو الفصل الاول كان شي ممل 5 وحدات الا مثلثات والا سوالف بس الفصل الثاني حلو 3 وحدات الاولى الخضراء سهلة حللي بالقوسين ومشي هههههههههه والوحدة الثانية معادلات ومتباينات والقانون الطويل فلة فهمي البداية بتواصلين لاخر الوحدة حل معادلتين آنيتين واخر وحدة الدائرة 7 نظريات معطيات ومطلوب وبرهان قليل فيه عمل كل بدون عمليات هههههههههههههه بس حلوين. انا ارتفعت ولله الحمد لما كنت ثالث عدادي في الفصل الثاني والحين انا ثالث ثانوي وان شاء الله اتخرج بالنسبة الي في بالي

يا حلووووووووووووووووو المدرسة قريب بنشوف 6 وحد توووووووووو وناسة ونااااااااااااااااااااااااااااااسة وناسة كلها 3 شهور ونص ونتخرج سوف نقضي امتع الاوقات اذن الله وكا ابلة عطيات تولول

1- عضو جريء ( Mohamed) 2- عضو هاديء ( شيخة بنت الشيخ) 3- عضو متفلسف ( دمع العين ) هههههه سا محنا 3- عضو صريح ( شوق بحرينية) 4- عضو مزاجي ( زنجبيل المملكة ) 5- عضو إنطوائي ( ما اعرفه) 6- عضو شعبي ( الامبراطور بو علاوي) 7- عضو ذكي( نس نس) 8- عضو مفهّي ( ما اعرفه) 9- عضو حليييييييييييو ( القلب اليتيم) 10- عضو طيّب (rilly rose) 11- عضو شيطان ( دلوعة ) خلج في قسم الالعاب ههه 12- عضو كئيب (دموع الالم) 13- عضو مليق 14- عضو متعاون 15- عضو مهمل 16- عضو ذويق (بنت الحدادة ) 17- عضو عصبي ( ماعرفه) 18- عضو شلاخ (ما اعرفه) 19- عضو ساذج (ما اعرفه) 20- عضو دايخ ( ولد شيوخ ) بدون زعل عاااااد

فنكوش ومن قال لك ان انا مواليد 1991 انا اكبر من جي بس ظروف اخرتني سنة ( طافت علي سنة ). اختي بنت الحدادة بالنسبة لسؤالج عن رأيي في مساواة طلاب العلمي بطلاب التجاري فهذا جوابي : 1)طلاب العلمي ياخذون ريض وايد وحيا وكيم وفيز سواء كانوا بديل اول او ثاني ما يفرقون عن بعض وايد ويدخلون اختبارات عملية في المواد العلمية مثلا احنا نشرح جهاز هضمي للخروف والارنب والكلية والقلب وغيرها من اعضاء والي ياخذ طب في الجامعة بعدين راح يمر في التشريح يعني ما يخاف ومتعود على هالسالفة في الثانوي مثل ما يقولون ( من المهد الى اللحد) لازم كل شئ يكون لنا فيه تمهيد احنا لما ندرس الاعداد مثلا مو على طول يعطونا الاعداد المركبة ( الغير حقيقية ) يمهدون لها يمشون بالتدريج طبيعية ثم صحيحة ثم نسبية ثم حقيقية ثم مركبة يعني كل شي له اساس وطلاب التجاري ما يمرون بسالفة الامتحانات العملية يعني غير مهيئين للطب نفسيا هاي نقطة. 2)من جانب اخر اذكر مرة في الثانوية حضروا لنا ناس من الجامعة وقالوا لنا على فكرة انتوا توحيد يصير الي ماخذين تخصص تجاري ياخذون طب وتخصصات علمية في الجامعة الكل استغرب من البنات وقلنا ما يصير لان تجاري يدرسون بس فيز 101 وكيم 101 وحيا 101 وعدد قليل من الريض يعني ما عندهم خبرة في الدراسات العلمية الي تؤهلهم للعمل في مجال الطب فيما بعد . وبعدين واصلوا محاضراتهم وقالوا لنا : ترى على فكرة حتى طلاب العلمي في منهم ناس وايد ياخذون في الجامعة تخصصات تجارية مثل الاكاونت ( محاسبة ) والبانكينك ( اعمال مصرفية ومالية) وادارة اعمال وغيرها فكانت رأيي انا ان طلاب العلمي ممكن لو اخذوا تخصص تجاري في الجامعة يمشون فيه بس جي مو حلو بعد 3 سنين دراسة علمي واخرتها ياخذون شي تجاري واشوف ان التجاري احق من العلمي في مثل هالشغلات بس يقولون والله اعلم ان العلمي اشطر من التجاري في الجامعة حتى في الخصصات التجارية لان على قولة الاخ دمع العين جمبازي +عيار = ما يحب يعور راسه هههههههههه ترى صج مال تجاري ضاربين الدنيا جوتي وكل شي عندهم عادي . 3)انا برأيي ان طلاب العلمي دامهم دخلوا علمي يعني حابين التخصص والمواد العلمية فليش يدخلون في الجامعة تخصصات تجارية هذا الشي وراه سالفة سوق العمل والوظائف المطلوبة وخصوصا ان مجال الشغل في التخصصات التجارية كبير في هالعصر لكن انا قريت انا الدولة حاليا تهتم بالوظائف للتخصص العلمي حتى قريت مقال في الجريدة عن انهم بيفتحون معهد للبيئة لطلاب العلمي ومحتاجين اشخاص عندهم مهارة في الهندسة الوراثية والحين صاروا محتاجين للخبراء في مجالات العلاج الطبيعي وغيرها من الاشياء مطلوبة حاليا هذا غير ان التخصصات التجارية حاليا في اكتفاء في سوق العمل حتى الي يشتغلون في البنوك صاروا يفنشونهم من شغلهم وقالوا لنا الدكاترة الي كلمونا عن التخصصات لما وزعوا علينا الاوراق لا تختارون على اساس ان هالوظيفة حاليا مطلوبة وهاي لا لان سوق العمل يتغير كل 4 سنين واحنا اذا بنتخرج من البكلوريوس يعني قول يبي لنا 4 سنين ونص او 5 سنين في هالفترة وايد اشياء تغيرت. 4)واخيرا اختي طولت عليج بس يبقى الانسان يمشي بدربه من البداية ويتعمق من الجذور افضل من انه يمشي نص الدرب ويقطعه ويروح درب غير ماله خبره فيه ممكن يتعثر فيه وممكن يضيع وهذا ما اقصده بموضوع ان طلاب العلمي مو دايما يحالفهم الحظ في التخصصات التجارية وطلاب التجاري لا يضيعون روحهم في التخصصات العلمية هههههههه مثل ما يقولون الي ما يعرف الصقر يشويه . وموضوعج اختي غاية في الروعة راقني وااااااااايد .

1)ماهو شعورك(ي)في الأيام الأخيره في المدرسه؟ انا فرحانة واااااااااااااايد اني بتخرج من المدرسة وبروح الجامعة، صح اني بشتاق للايام الحلوة الي قضيناها في الثانوي وبشعر تجاهها بالحنين بس كل شي يروح مثل ما قالوا : الحياة بسمة ودمعة وذكرى اما البسمة(السعادة) فهي تزول واما الدمعة(الحزن) فهي تجف وتبقى الذكرى مدى الايام.2)ماهي اجمل الذكريات التي قضيتها فيها؟ ذكريات جميلة يا اخوي ما تنسى احلى المراحل واحلى سنين العمر، ذكريات مع ربعي وايام الشطانة الي نشرد فيهامن الحصص وايام الهدوء الي كنت اخجل حتى ارفع يدي واشارك وايام الدراسة الصعبة والاشياء الجديدة الي تعاون الصف كله علشان الي فاهم يعلم الي مو فاهم وايام لعب الاونو في الحصص ههههه وااااايد ذكريات شقول وشخلي. 3)ماهو أخجل موقف مريت به ؟ انا وايد مواقف مخجلة مريت فيها احيانا المعلمة توقفني طول الحصة على ذنب ما ارتكبته واحيانا يطلعوني برة الصف على الرغم اني كل هادئة بس يجون البنات يتكلمون معاي وانا اطيح فيها ومرة ودوني للمشرفة بس لاني رحت اطبع اوراق وما استأذنت من المعلمة علشان انها تأخرت وما شفناها في الصف ، في مواقف محرجة وايد ما اقدر اقولها .4)ما هي اعلى درجه حصلت عليه طوال الدراسه؟والعكس؟ انا في ابتدائي شطورة وفي عدادي شطورة وفي ثانوي شطورة في الثلاث مراحل اخذ مئات وبالنسبة لاقل درجة فهي كانت في صف اول عدادي ههههههههههه . وانا قاعدة اخر مقعد في الصف علشان جي محد يحفظ اسمي ولاحد يعرفني من المعلمات الا قليل لاني في اول وثاني ثانوي تقدر تقول عديمة المشاركة في الصف بس درجات في الاختبارات اوكي بس توجيهي صرت جريئة اكثر واشارك مع ان الي قاعدين ورا كل مظلومين عبالهم كسالى وشياطين . ومشكور اخوي عالموضوع الرائع

انا سويت اشياء وايد مهمة في حياتي خلال هالاجازة القصيرة ومو حابة اخذ تحسين او ارفع تظلم راضية عن نسبتي حتى لو انظلمت في مادة او مادتين الحمد لله على كل حال واذا لي حق الله ياخذه ويعوضني الفصل الثاني مشتاقة لربعي ولسوالفنا وغشمرتنا في المدرسة الي راح نقضي فيها 3 شهور ونص ونتخرج باذن الله بالتوفيق

ههههههههههه في البداية فنكوش ليش مساكين عيال التوجيهي ؟ شنو انت ما تدرس مادامك تدرس لا بد لك من المرور في التوجيهي احلى صف بس خلكم انتوا يالكتاكيت. اختي بنت الحدادة بالنسبة للاسئلة الي ما جاوبت عليها بقول لج بعض الاشياء شناوية تدرسين بالجامعة؟؟ واي جامعة تفضلين؟ تخصصي تبع كلية العلوم بس ما اقدر اقوله، ان قلته بتعرفيني على طول والجامعة ابي ادخل جامعة البحرين ولو ان ناس وااااايد قالوا لي معاملة الدكاترة سيئة والدراسة هناك صعبة وعندي اقارب انسحبوا منها بس انا عنيدة لا في التخصص سمعت كلام حد ولا في اختيار الجامعة اثر فيني حد انا بدخل الجامعة هذي واذا ما ارتحت فيها بروح جامعة ثانية. شنو اول ثلاث رغبات لج في جامعة البحرين؟؟ مثل ما قلت لج اختي ما اقدر اقول جي الكل بيعرفني بس الثلاث رغبات تبع كلية العلوم. وبالنسبة لروب التخرج وزعوه عليكم؟ ماوزعوه بس قالوا لي بنات ان لونه ذهبي بس مو متأكدة. اذا وزعوه اي لون وممكن تصورينه لنا؟ اذا وزعوه وسمحت لي الظروف اصوره بحطه لج تشوفينه. وانا قلت رأيي بتخصص حيا وكيم وفي اخت بعد نصحت فيه بس انا اقول كل واحد وميوله وكل واحد وقدراته اللي ما يقدر على الحيا وما يحب الكيم هالتخصص ما يناسبه ترى يروح ملح واللي حاس نفسه يحب هالمواد وشاطر فيها حياه في التخصص بيستمتع فيه وااااااايد .

انا بروح مشتاقة لربعي وهاي اخر فصل مابي يضيع ولا يوم ولا ساعة ولا دقيقة ولا ثانية ان شاء الله يكون من احسن الفصول علينا وعلى المؤمنين والمؤمنات يوم الاربعين يالله نروح الماتم اذا الله كتب وقت ثاني وتعالوا انا قالوا لي الاربعين الاثنين مو بالاحد بس في كلا الحالتين انا بروح المدرسة

مبروك للي ارتفعوا وهارد لك للي نزلوا واللي ثبتوا ان شاء الله من حسن لاحسن ذاكروا ذاكروا لا تهملون في الفصل الثاني

يمكن دفعتكم تختلف هع

بالنسبة لتخصصي حاليا (علمي ) قسم كيم وحيا رأيي فيه : تخصص ممتع وحلو جدا لمن يعشق الاحياء لان الاحياء عبارة عن معلومات لو فهمتها حتى في النهائي وانتي تحفظين راح تلاقين تمشين بسرعة لانج تتذكرين المعلومات الي استمتعتين لما قالتها المعلمة في الحصة والريض هذا غرامي وغرام اغلب اصحاب العلمي نحبه وااااااااايد علشان ان الريض ينمي فينا قدرات ابداعية نجمع فيها بين سرعة البديهة وحل المسائل الصعبة وفك التعقيد فيها يساعدنا على حل المشكلات في الحياة والمسائل الي تطلب تفكير تساعدنا في تنمية التفكير تبعنا علشان جي الريض مهم جدا في الحياة وكل خطوة نسويها تكون عبارة عن ريض بس احنا ما ندري والكيم عجيب شي حلو مع المركبات الكياميائية وكيفية تحضيرها اووووه حلوة السالفة على مركب ايثيلي وبنزين عطري وناااااااااااااسة وهذا غير الفيز الي مراجعته بالنسبة لنا شبيهة بالانج للفاهمين كل شي من الدفتر وكانه تذاكرين رايتنغ ههههههههه وانا مرتاحة في تخصصي واحبه وايد وايد وايد وايد . بالنسبة لتخصصي الجامعة هو تكملة لمواد الثانوية لان انا تخصصت علمي في الثانوية والجامعة حبيت بعد اخذ تخصص من المواد العلمية ماراح اقوله الحين راح اقوله في الوقت المناسب لاني ما احب ادرس في الثانوي علمي والجامعة اتخصص تجاري هالشي ما يعجبني وانا ما دخلت علمي الا لحبي في المواد العلمية. باقي اسئلتج عندي عنها معلومات بسيطة بس مو خبرة وتجربة علشان جي ما رديت.

اختي عيون غزلان انا من صف اول ابتدائي للحين توجيهي وانا اخر مقعد في الصف انا احب جي اقعد اخر وحدة بس على فكرة لاني شيطونة ولاني كسلانة بل العكس تماما

الفصل الاول : 1) ريض 106 2)عرب 101 3)انج 101 4)دين 5) اجا (جغرافيا)102 6)بدن 7)تقن 8)كيم 9)حيا الفصل الثاني : 1)ريض 107 2)عرب 102 3)انج 102 4)دين 5)اجا الديمقراطية ههه 6)بدن 7) ثقف ( متج) 8)فيز 9)اسر الي باللون الاحمر تبادل بين القسمين الي درسوا مواد الفصل الاول بيدرسون العكس في الفصل الثاني يعني تتبادلون المواد

اي اختي rilly rose متأكدة وعندي ورقة فيها مواد الفصل الجاي لو عندي سكنر جان جبتها لكم بس ما عندي والسكر ( مادة اختيارية للعلمي ) احنا صفنا اختار علوم بحار لان نحب الاحياء يمتعنا في الصف وما نحب مواد تجارية مثل السكر والقان والسفر والاكاونت ما نحبهم وبالنسبة للبدن ما ندرسه خلاص لان في صف اول ثانوي اخذنا بدن الفصلين علشان جي توجيهي ماكو ولا فصل بدن هذا بالنسبة لمدرستنا مدرستكم ما ادريوالدين خلاص كان اخر واحد الي اخذناه هالفصل والفصل الجاي ما ندرس ولا مقرر دين وبالنسبة لجبر 6 فيمكن انتي ( فيز وريض) يدرسون هم 3 ريض يمكن بعد معاكم ريض قطوع مخروطية لكن احنا كيم وحيا ندرس ( 2 ريض )