°•±¼ Sar7anh ½±•°

1- كم مرة رسبت في دراستك؟ ولا مرة 2-لو لقيت المصباح السحري وقالك اختر امنيتين في الدنيا واحققها لك شو بتختار؟ مب طماعة ابي امنية وحدة بس إني أنام و ما أقعد ...... 3-كم المبلغ اللي في جيبك الحين!! ما عندي مخبا 4-انت تدرس ولا موظف؟ ادرس 5-كم ساعه تنام باليوم؟ وايد ... 6-شو تسوي اذا تبي تنام وهب قادر؟ غصب اهو !! اقوم من لفراش لين اتييني النودة 7-لما تكون متضايق أو (طفشان) وقاعد روحك في البيت شتسوي؟ اي شي اجوفه جدامي اتعبث فيه تلفزيون كمبيوتر بطيخة .. اللي اهو 8- كم ساعه تقعد على النت؟ ما أعد 9- شو شعورك اذا اخترب الانترنت عندك؟ ملل و ضيقة خلق و اي احد اجوفه جدامي اطلع الحرة فيه هاي غير السب و التلعن 10- اذا اكتشفت ان صداقتك مع انسان طلعت مزيفه شو بيكون شعورك؟ بتحسف على كل لحظة قضيتها معاه و بلعن الساعة اللي جفت رقعة ويهه فيهاا 11- اذا اخلف احد اصدقائك وعده معاك شوبتسوي؟ بازفه و باخذ منه موقف و باغير نظرتي له بس عقب جم يوم بانسى الموضوع 12-هل سبق انك احببت؟ لا 13- شو رايك بالشعر وهل تكتبه ومن هو افضل شاعر عندك ؟ الشعر حلو بس مو كل وقت احب اقراه يعني على حسب المزاج كنت اكتب و هونت افضل شاعر مادري كلهم 14- ما افضل اسم نال اعجابك في المنتدى ؟ وايد اسامي 15-في كم منتدى أنت مسجل ؟ واحد 16-كم مرة سافرت؟ وين؟ مادري ما عديتهم وين : كل مرة مكان بس ما حصل لي الشرف اني اطلع من آسيا 17- مااهم شخص في حياتك ؟ امي 18-وين تحب تقعد لما تكون معصب؟ على السرير ... 19-شو نوع موبايلك وليش اخترت هالنوع؟ 3200 مو انا اللي اخترته بس صار الموضوع صدفة 20- شو لونه؟؟؟ برتقالي على احمر مال يهال 21-اكتب احلى مسج عندك!! صباح الخيرات يا عمري بس من عند رفيجتي لحد يفهم غلط 22-اكتب تاريخ ميلادك... 30/8/1988 23-اول حرف من اسمك.... °•±¼ ش ½±•°

عجيب الموضوع الساعة جم ترقد؟؟ وحدة عشر عشرين كله يمشي جم ساعة ترقد في اليوم؟؟ ما ينعدوون ثلاثة ارباع اليوم راقدة و يايتني عطلة بعد .. خذ و فجج شنو اول شي تفكر فيه قبل رقادك؟؟ افكر في مشاريعي اللي باسويها في اليوم الثاني لما تيلس من اول شخص يطرى على بالك؟؟ولمـاذا؟ الكمبيوتر لماذا مادري ما فكرت اسال نفسي هالسؤال بس تعودت ان اول ماقعد اشغله هل تتمنى تعدل رقادك؟؟ اممممممم اتمنى و ما اتمنى ابي يصير نومي منظم عشان انا بعد اصير مرتبة بس في نفس الوقت ابي ارتاح تتوقع شنو السبب في فوضوية نومك؟؟(النت؟السهر مع الربع /او ماذا؟) مادري استهتار ماكو شغل ...

ثانكس اختي .. حلوة القصيدة

الاسبـ1111ب سلمج الله يمكن واحد يحس روحه وحيد و ما يبي يدش الجات عشان ما يخترب يقوم يسجل في المنتدى و يتعرف او يمكن عايش في غابة او في صحرا و ما عندهم جيران ولا فريج ولا اهل مقطوع من شجرة شيسوي ما عنده غير المنتدى يتعرف على الناس منه ادري اعذار اقبح من الذنب نفسه بس هاي اللي طلع معاي الحلوول يمكن ان يخلون شغلة جذي في المنتدى اوتوماتيك ان لين مر اسبوع على الشخص مثلا و اهو للحين ما حط ولا مشاركة ينلغي تسجيله أو نفس الهوتميل لين خذا له شهر مادري جم و ماستعمله يكنسلونه بعد في المنتدى ان لين ترك الشخص المنتدى لمدة سنة ينطرد ...

الحمدلله الدنيا للحين بخير و في ناس و كثيرين متمسكين بمبادئهم و مستحيل يفرطون فيها و ضمايرهم الحية اهي اللي تردعهم عن فعل الذنوب معاج حق في اللي قلتيه عن هالفئة من الناس بس مرده بيي يوم و بيحسون فيه بقيمة ضمايرهم اللي باعوها ..

انا ما عندي قدوة معينة و أساساً حتى لو اعتبرت شخص انه قدوة ما راح اقلده في كل شي راح اقلده في الاشيه الزينة بس و من ناحية الغلط كلنا نغلط ما في انسان كامل اذا غلط في حق غيري اكيد بانصحه و بافهمه ان اللي سواه غلط و لازم ما ينعاد اما اذا غلط في حقي فيعتمد على نوع الغلط اذا كان عود اكيد ما راح اغفر له و شكراً ع الموضوع ..

موضوع مؤثر بس الحين الناس يحاولون قد ما يقدرون ان يكونون في حالهم و ما يتدخلون باحد مات عاش اكل ولا شرب كل واحد يقول انا مو ناقص مصايب عشان ادخل روحي في شؤون غيري و اشربك عمري احنا اللي علينا ان ننصح و الناس و كيفهم مشكورة على نقل الموضوع

بالاضافة لردود الاعضاء حبيت اقول شي اغلبية المعارضين لفكرة عمل المرأة اهم الرجال و ناسي انه مستفيد من هالشي لان ظروف الحياة كلما لها تصعب و الريال صار محتاج حق راتب زوجته و اذا قلنا انه مو محتاج حق هالراتب المرأة من حقها انها تتوج تعب السنين اللي ضاعت في الدراسة و تشتغل شغلة تحقق وجدانها و تصير عنصر مفيد في المجتمع و من حقها انها تشغل وقت فراغها في شي ينفعها و ينفع اللي حولها و اهم شي ان في اشغال مخصصة باسم المراة و الريال ما يقدر يسويها و حتى اذا قدر ما يكون بنفس الجودة اللي تأديها المرأة و انا عصبت بسبة الموضوع بس مشكور على الطرح ....

في حال لاحظت شخص عزيز عليك يتجاهلك شراح تسوي؟؟ بحاول ادور سبب التجاهل و اذا ما لقيت بسئله و اذا ما رد علي في امان الله ولو فرضا رحت له وكلمته وقالك انه مشغول شراح تسوي؟؟ بعتذر على الازعاج و ما بيجوف ويهي مرة ثانية ومثلا كلمته واعتذر لك هل تسامحه؟؟ على حسب العذر اللي بيعطيني اياه وفي نظركم ليش الشخص يتجاهل غيره؟؟ يمكن مشغول .. اكتشف اني ما اصلح له أو املله .. احد ناقل له كلام غلط عني و صدّقه و قرر يبتعد ..... وايد اسباب قبل جم يوم ياتني رفيجتي تشتكي من نفس المشكلة و انا من صجي عورت راسي معاها و تميت اعطيها حلول بالاخير اكتشفت ان الاخت مكبرة الموضوع و رفيجتها لا متغيرة عليها ولا شي ساعات احنا ناخذ الامور بحساسية و نظن ان الشخص قاعد يتجاهلنا بس يمكن تكون ظروف شاغلته او شي و احيانا يكون الموضوع صج و مهما كانت الاسباب من عافنا عفناه لو كان غالي

نفس الشعوووووووووووور يبتيهااا

ههههههههههههههههههههههه بالعكس فن عجيب توقيعه بس اخوي حاسب وياك كائنات من الجنس اللطيف اهني لازم تراعي شعورهم

الجهتين ما يقصرون في المدرسة يراقبون الطلاب و يوجهونهم و يعاقبونهم على الغلط و نفس الشي الاهل يحاولون يربون عيالهم احسن تربية و قليل اذا لقينا ناس ما يعرفون يربون عيالهم بالطريقة الصحيحة بس عيال هالزمن ما ينقدر عليهم و في اسباب وايد حق هالتصرفات المخالفة (التدخين وغيره) يمكن ضعف الايمان اصدقاء السوء التاثر بالقصص و المسلسلات و غيرها ... و الحل تكاتف البيت و المدرسة للحد من هالسلوكيات و الله يهدي الجميع

من هو اعز واغلى انسان في حياتك(شخص واحد بس)؟؟؟ امي شنو ممكن تسوي علشان الشخص اللي تحبه،(هل تسوي اشية مستحيلة علشانه؟؟ انا كلي فداها من هو ابعد انسان عن قلبك؟؟ من هو الشخص الذي لاترفض له طلب؟؟ لا يوجد من تفضل لتبوح له عما في قلبك (لفتاة ام الشاب)؟ على حسب الشي اللي بابوح به في اشيه ما تنقال الا حق بنت و اشيه ما تنقال الا حق ولد و مشكورة عالموضوع

انا ما اطالع تلفزيون بس اذا فكرت اشغله احطه على قنوات الاغاني ((ميوزك بلس .. روتانا .. نجوم .. إي تي في .....وربعهم )) الاقتراحات ان يشيلون الدعاية و البرامج يخلونه بس اغاني ورا بعض على مدار الساعة أسوأ المحطات مادري وايد في يمكن اكثر شي القنوات الاوروبية الماصخة <_<

حلوة الاغنية مشكور وايد

من أنت ؟ ومالذي تفعله هنا ؟ انا السرحانة ،، قاعدة ارد ع الموضوع لو ظهر في داركم بئر نفط ... هل ستخبر الدولة أم ستشربون وتطبخون منه؟ باتحول من الدار لان بيلعوزني لو قدر لك أن تدخل السجن فماهي القضية التي تتمنى ان تدخل بها إليه ؟ قضية تخليني اتم فيه يوم واحد بس اجرب الشعور و اطلع أنت مكلف بحذف حرفين من حروف اللغة العربية .. أيهما ستختار ولماذا ؟ اول حرف (الألف) و اخر حرف (الياء) عشان اعرف شلون بنعيش و شلون بنتكلم من غيرهم يمكن نحس بقيمة لغتنا في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟ القنبلة بادفنها في صحراء عشان محد يتضرر منها اما الوردة باخليها لي يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟ مو دايما .. بجملة واحدة فقط أكتب تعريفاً لكل كلمة من الكلمات التالية: الوطن : الاصل الأم : راس مالي في هالدنيا الليل : الهدوء الحب : أساس الحياة الصمت : أبلغ من الكلام أحياناً أمريكا : قارة المرأة : نصف المجتمع الإنترنت : اختراع خطير البوابة : مكان ندش داخله و يودينا مكان غير ككككك الماسنجر : طريقة اتصال على افتراض أن كائناً أتى من المريخ ووجد أمامه صحيفة ، برأيك كيف سيعرف أنها صحيفة عربية؟ اهو ياي حق منطقة عربية يعني اكيد كل شي فيها عربي من صحيفة و غيره كيف تتخيل العالم دون هذه الأشياء ( القهوة ، الكمبيوتر ،، الحب ، يوم الأربعاء) ؟!! انا واقعية ماحب اتخيل اختر منصباً واتخذ قرارا ! ؟ عاجبني الوضع اللي انا فيه مابي مناصب غير عاد المتنبي وقصدك لتبحث له عن عمل ، ماذا ستقترح عليه ؟ باقول له خلني احصل عمل حق روحي بعدين ادور حق غيري يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت ؟ عذر أقبح من ذنب لماذا النسوة ... مدمنات ثرثرة ، هل هي طبيعة أم تمرد ؟ يتراوى لي صدفة صارت نسبة الثرثرة في النساء اكثر من الرجال لان في رجال هذارين بعد لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا ؟ انتي ،، لانج ضيعتيني بهالمو ضوع أختر خمسة أعضاء من المنتدى وامنحهم ألقاباً ؟ ماعرف احد وجه رسالة لشخص لا يعرفه إلا أنت ؟ الله يسامحك ما هو لون النسيان؟ شفاف ثلاثة تواقيع لأعضاء في المنتدى تود لو حذفت ولماذا ؟ وثلاثه شدت انتباهك لجمالها ؟ وايد في مو بس ثلاثة .. بس مافي بالي شي الحين

ما شا الله كاتبها بالعريض بعد انت منو عشان تحكم على بنات الشات انهم مو متربيين !! انت لا قعدت وياهم ولا عرفت نواياهم من الشي اللي يسوونه و مالك حق تعمم هالشي الشات فيه الشين و اللي اهم الاغلبية بس فيهم الزينين و اللي يمكن احسن منك بعد انا مو قاعدة ادافع عشاني كنت منهم بس قاعدة اقول رايي في الشي اللي اجوفه غلط و اكبر غلط انك تذم ناس من غير دليل عالعموم الله يسامحك و يهديك

اشكرة شلخة حاط اقتباس من عنده اذا تبي تثبت لنا انك صاج قول من

- بنسبة كم في المائة تمثل الشخصية الحقيقية ؟؟ يمكن 80 % -من شخصيتك بالمنتدى ؟؟؟ احاول قد ما اقدر انها تكون نفس شخصيتي خارج المنتدى بس لازم تكون غير غصبا عني -هل تأثرت بشخصية المنتدى ؟؟؟ امممممم ما أظن -ماذا قدمت لك الشخصية المثالية ( شخصية المنتدى ) ؟؟؟ ولا شي يمكن صفات تكون فيني اساساً و ايي اهني و اثبتها بس ما ضافت علي شي زود -وهل أثرت على سلوكك العام ؟؟؟؟ لا أبداً -والى أي مدى تشعر بانتمائك لها ؟؟؟؟ اكيد انتمي لها و تنتمي لي لاني ما انتحل شخصية غير هاذي انا اهني و برع ووو مشكورة

ما رايك في بنت الشات؟؟؟؟؟؟؟ اعتقد سؤالج موجه حق الشباب بس انا باعطيج رايي في الموضوع ما انكر اني قبل كنت وايد ادخل الشات تقريبا بشكل يومي بس كان شي طبيعي لاني كنت متأثرة باللي حولي و كان طيش مراهقة توها متعرفة على عالم النت بس مع مرور الايام حسيت ان اغلبية اللي يدشون كلهم يهال لدرجة اني صرت اكره الموضوع و الحين صرت مادش بس هالشي ما يعني ان دخول الشات غلط هذا يعتمد على الشخص نفسه اذا بيتصرف بشكل ايجابي او سلبي نفس ما انا قاعدة في المنتدى و اناقش بعد الشات في نقاش و يدخلونه وايد ناس محترمين و بعدين يعتبر وسيلة للتعارف و انا وايد عندي ربع عرفتهم من على ايام ما كنت ادخل الشات و للحين وياهم ومع اني تركت الشات بس بعد اقول لج ان مو غلط اني ادشه و ياليت لو تعطينا رايج الشخصي في هالموضوع

افااا ما عليه شر ان شا الله و الله يقيمه بالسلامة

البحرين السعودية ،، قطر ،، الكويت ،، الامارات عمان

صعب اقدر احدد شنهي اصعب اللحظات بس اكيد الحل اهو اللجوء الى الله و بالنسبة لج ان شا الله شدة و تزول و الله يبعد عنا البلاوي و المصايب مشكورة عالموضوع

اشكرج اختي على اسلوبج الراقي في طرح الموضوع و الله بصراحة انا اول ما جفت موضوعج كنت بارد و باقول نفس الكلام اللي قالوه البحريني و محمد بس ترددت منو انا عشان اتحكم فيهم و اقول لهم حطو جذي ولا تحطون جذي و انا توني ما صار لي شي في المنتدى ما كانت عندي الجرأة صراحة بس رايي من رايهم و انا وحدة ماحب ادخل الديوانية كلش هالمواضيع البايخة كرهتني فيها و السموحة على الكلام اللي قلته اذا ما عجبكم بس هاذي رايي اللي اتمنى انه مع الايام يتغير

اذا حسيتي ان الولد يستاهل ,,, تقدري تطلبي منه الزواج؟؟ لا مستحيل و حتى لو ضاع من يدي اللي خلقه خلق غيره و اكيد في وايد احسن منه وكيف تقدري اقناعه بان قصدك شريف لان البعض يسيء الظن بالفتاه ؟؟ انا سبق و قلت مستحيل اسويها بس لو حطيت روحي مكان البنت اللي بتسوي هالشي اكيد باكلمه باسلوب عقل و رزانة و خالي تماماً من المياعة و الدلع عشان يعرف اني انسانة خلوقة و مو مالت خرابيط هل انتم من مؤيدين الظاهره,,, عن نفسي ما أأيدها بس بعد الشي مو غلط