وهلة

مرحبا ... أنا أدرس في الجامعه الأهليةوأنصحج فيها إذا بتدرسين .... تعتبر أفضل جامعة خاصة وهي في المرتبة الثانية بعد جامعه البحرين .. ومعترف فيها في البحرين ومعترف فيها من وزارة التربية .... المشكله إن رسومها وايد .. في البكالوريوس رسوم الماده 390 دينار للماده الوحده... وطبعا للدبلوم أقل بس مو وايد بس من ناحيةو التدريس والمدرسين ممتازة ... فيها من كل المستويات من الدكاتره والبروفيسورية وغيرهم ... انصحج فيها إذا إنتي رايحة تتعلمين ... بالنسبة للتسجيل أهمه ألحين يسجلون لحقي

إذا كان للوالد إسم الله عليه علاقات أول شي بجوف أمي شفيها ؟؟؟ شاللي ناقصها ؟؟ بعدلها وبزينها وإذا طلع بس يبي يستانس أول شي بهدده خخخخخخخخخخ باخذ منه تلفونه خخخخخخخخخخ بطلع الأرقام اللي فيه وبتصل حق وحدة وحدة ......... بشرشحهم .......... وطبعا بدون ماالوالدة تدري .... بيني وبين الوالد الصراحة الموضوع ما نعرف شلون بنتصرف فيه إلا إذا كنا إحنا جزء من المشكلة ( الله يكافينه الشر )

الصراحة مادري شاقول لك يا أخوي ، الوحدة فينا ما تستحمل الشيين وأنا شخصياً ما راح أتقبل أي شي لا الخيار الأول ولا الثاني ... بس في حال خيرتنا بين الإثنين فمن الناحية العاطفية أقول لك مابي أشوفه لا يخوني ولا يتزوج علي بس أعتقد الخيانة بالنسبة لي أهون من الزواج علي ... ومن الناحية العقلانية فبقول يتزوج بالحلال ولا أشوفه يخوني بالحرام لأن الله حلل للرجل أربع ... وفي هالشي ما نعترض على أمر الله ... والله كريم بس والله لو يفكر يتزوج علي أذبحه

مشكور أخوي إبن الرفاع على التعليق ... حبيت أقول لك إن رايي أنا متمسكه فيه , وفي نفس الوقت معاك في اللي قلته .. لأن كلامك صح بس حق الناس اللي تفكر وساعات ناس ما يبون يهال بس الله يعطيهم وناس يتمنون ياهل وما يعطيهم .. أنا أعرف ناس وايد قالو نبي إثنين والله عطاهم خمسه أو أربعه أو سته ؟؟؟ شلون مادري ... مع إنهم قايلين بيحددون النسل !!!! عموماً أخوي إبن الرفاع .. في النهاية هذي كتبة الله .. والناس في ديرتنا بخير والله وزع الأرزاق وعطا كل إنسان رزقه يعني الواحد ما بيموت من اليوع بس المشكله في اللي حاكرين فلوسهم .. وفي الأساس هي فلوس الفقاره المساكين .. شتقولهم ؟؟؟؟ يعني لو طلعوا الزكاة والصدقات ما أظن بيكون فيه فقير ... وفي نفس الوقت ديرتنا مسئولة عن كل طفل إشمعنا دول الخليج تصرف لهم رواتب ؟؟؟ أعتقد إنك فاهم قصدي وأجوفك عقب سنه إن شاء الله

أخوي إبن الرفاع .. شلون تقول ليش تييب هالكثر عيال ؟؟؟ من وجهة نظري أعتقد مو هو اللي يابهم .. الله اللي أوجدهم في هالدنيا ... وأنا معاك إن الإنسان يتحكم في عدد العيال اللي إييبهم ... بس لا تنسى إن كل إنسان مكتوب عليه وهو في بطن أمه شلون بيعيش وشنو بييب ووين ومتى وووووو !!! و ناس وايد يقولون إحنا نبي واحد أو إثنين وبعدين يقولون الثالث يه بالغلط أبي أعرف الغلط وين إذا الله اللي خالقهم .... والحمد لله ديرتنا بخير بس المشكله اللي فيها مو بخير ... مادري شنو أقول لك بالضبط لأن إحتجاجك صاير على الخالق مو على المخلوق .. ولا تنسى إن الأرزاق بيد الله ... إلا إذا إنت بتتدخل في الأرزاق بعد ... وبعدين الله وزع الأرزاق وقال للأغنياء يعطون الفقير رزقه بس شنسوي إذا التجار حابسين الفلوس عندهم جنة مال أبوهم مو جنة رزق الله ؟؟؟ طبعاً أقصد البعض مو الكل ... والله يكون في العون وأحب أقول لك شي بعد .. هو طرح مشكلته ... حبيت تساعده أجرك عند الله ... ما حبيت تساعده شي راجع لك... هو ما قال تعال يا إبن الرفاع ساعدني ؟؟؟؟

قسم بالله لو أصيدها بس لا أقطها من فوق برج المؤيد وبعدين أدوسها بالسيارة ... لا وبعد ما بيهدا بالي ...

هل خطر ببالكم إن أقل ما نفعله في حياتنا اليومية كالتعطر والتبرج بالنسبة للمرأة يعتبر زنا ؟؟؟ أكيد كل واحد منا غفل عن هالنقطه وأصبح العطر والزينة كماليات وروتين يومي ويزداد عند الخروج من المنزل ؟؟ ليش ؟؟ الزنا أنواع ودرجات تصل إلى إرتكاب الفواحش والمنكرات والكبائر ... سواء للرجل أو المرأة ... نعلم جميعاً أن عقاب الزاني أو الزانية الرجم في الدنيا حتى الموت ... فما عقابه في الآخرة إذا لم يعاقب عقاب الدنيا ؟؟؟ هل يغفر له الله ما تقدم من ذنبه إذا تاب توبه نصوحة وأستغفر لله ؟؟؟ مع إننا نعلم جميعاً إن عقاب الآخرة أشد وأعظم ... هل يعفى من العقاب إذا تاب من قلبه ؟؟؟؟ كان الله في عوننا ... لا نغض البصر ونتعطر ونتبرج وعاداتنا وتقاليدنا تسهل للرجل كل محرم مثل الزنا ويقولون ( إن الرجل لا يعيبه شي ) ما مدى صحة هالشي ؟؟؟ وين الدين ... لم كل هذه الغفلة .. أريد رأيكم بصراحة .. واللي ما يعرف في الدين لا يفتي ... أرجو التأكد من المصادر ...

عن نفسي أنا أخترت هالإسم عن طريق الصدفة في البداية ما تم إسم ما حطيته كله يقول لي إن مافي هالإسم ( يعني الإسم مأخوذ ) بس مادري شلون ياني الإسم صدفه وهو " وهلة " والوهلة تعني اللحظة الثانية وكل شي في حياتنا يمر مثل اللحظة ولازم نستغله إستغلال صحيح .... عشان جذي عجبني هالإسم وهلة إسم بسيط مثل معناه ...

يا الأم كان زوجها هاجرها وغارت من بنتها وإفترت على زوج بنتها .... أو إن البنت كانت مقصرة والزوج جاف في الأم اللي ما جافه في بنتها والله أعلم الحمد لله والشكر على جذي ناس الله يكافينه شر هالزمن اللي ما يرحم أحد !!!!

المذيعة كوثر البشرواي ( طبيعة ونعومة غير طبيعية ) وإحتشام في نفس الوقت

ليس لي في الشعر إلا القليل ... ولكن قصيدتك روووووووووعة .. يعطيك ألف عافية أخوي جعفر ..

أكيد الهوندا الأكورد لأني من لفيت راسي جفت هوند ا الله يزيد ويبارك

روعة

أنا مع المرأة اللي تدير بيتها بدل ما تدير وتحكم دول ومكاتب ومصانع و و و و ... بس هالشي ما يمنع إن المرأة تقدر تدير مناصب قيادية أكثر من الرجل نفسه أحياناً تجد الرجل ما يقدر يشك خيط في إبرة في حين إن المرأة تقدر تاخذ قرارات صارمة وتفرض إحترامها على الناس .. والبعض يقدر يوفق بين بيته وشغله بس أغلب الحريم لازم بيكون في تقصير منهم في جانب من هالجوانب ولا شك إن الرجل بيكون في نفس الوضع بس دور الأم في البيت أكثر أهمية من دور الأب ... المرأة دامها قدرت تدير بيتها فهالشي مو سهل لأن في إعتقادي إن إدراة البيت أصعب وأخطر مهمه في الحياة لأن الميزان معرض للإختلال في التوازن فشلون بتقدر تحافظ على توازن بيتك؟؟؟ ... هالشي اللي ما أظن أحد بيقدر يتحمله طول الوقت طبعاً أقصد الرجل .. شي ثاني إن المرأة يمكن في عملها تتخذ قرارات بسهولة بس في بيتها ما بتقدر تاخذ أي قرار إلا بعد دراسة عميقة لأن قراراتها في البيت يترتب عليها مصير عيالها وزوجها .. أما الرجل ؟؟؟؟ ما بقدر أقول عنه شي لأن الحمل كله على ظهر المرأة .. الرجل يشتغل ياكل وينام ... وباقي الأمور في البيت الله يعلم عنها هو خبر خير .. أكيد ما أعم في كلامي لأن في بعض الرجال هم الأب والأم بس قلة منهم الحين ... الأم قدرت تصنع دول وعمال ومصانع ومكاتب و و و كل ذي بتربيتها لأولادها ... فشلون ما تقدر المرأة تتولى مناصب قيادية وأكبر قيادة هي اللي ماسكتها ؟؟؟؟ شي أخير نسيت أقوله المرأة هي السبب في تولي الرجال مناصب قيادية محترمة لأن وراء كل رجل عظيم إمرأة أعظم سواء كانت الزوجة أو الأم أو الأخت .... أو أي كانت .. فأتمنى لو يقدر الرجل هالشي ...

صح لسانك .. قصيدة رائعة جداً .. وإن شاء الله نشوف جديدك

الغيرة وكثرة المعجبين والمعجبات مما يسبب أزمة وإزعاج في الحياة اليومية وعدم الإستقرار

جدتي ثم أمي ثم أبوي ثم أبني هالأربعة ما أتمنى أشوف الدمعة في عيونهم ...

إش صاير عسى ماشر ؟؟ ما فهمت شي ؟؟؟؟؟؟؟؟؟؟؟

الصراحة معظم كلام بو حمود صح يمكن ذكر مبالغ غير صحيحة بس ما يمنع إن يكون كلامه في من الواقعية ، يعني شلون أبي أعرف تقارنون البحرينيين بالكويتيين البحريني إذا خذ قرض يدفع اللي له واللي عليه في الشهر عشان يسدد قسط واحد أما الكويتي فما تزيد قيمة القسط عن عشرين دينار وهالمعلومة ياتني من مصدر كويتي مئه بالمئه ... وعلى فكرة الجندي عندهم بالراحة يستلم 700 دينار من قال رواتبهم مثلنا ؟؟؟ يمكن هالـ 700 ياته بعد سنتين عمل بس الجندي البحريني لو يشتغل ألف سنه ما صار راتبه 500 وعليه عليه ... والبحريني ألحين الصراحة ما يقدر يتحرك أو يسوي أي شي في حياته بدون قرض حتى الترفيه صار بالقروض .. والله يعين أجيالنا ....

شنو ؟؟؟ دارت الأيام مثل البخت مافيه إلا العافية ... أمس جايفينه في الفريج يدور بسيارته ....

تسلم أخوي على هالموضوع .. ويعطيك ألف عافيه

الفاضله وهله .. شرفني مرورج الحلو على موضوعي المتواضع ...... بس أختي إللي بيدفع البلاء لديه الأماكن الرسمية لدفعها .... وكما لا يخفى عليج هناك الكثير من الجمعيات الأسلاميه المنتشره في رجاء المملكه .... أما إذا كان الفقير وقف في وجهك .... فطبعا الأمر يرجع لج انتي وحدج ........ ولكن دفعها في الأمكان الرسمية أفضل بكثير ... فهم ذو درايه بعملهم ...... وأختي ندري أن الربيه ما تسوه شي .... بس شكلج قصدج أن أحنه أبخله وما نبي ندفع .... خخخخخخخخخخخخخخخخخ شكرا أختي الفاضله على مرورج الحلو والتعليق الأحلى أخوي العزيز أبن الرفاااع .. أحياناً الإنسان لا يجد متسع من الوقت حتى يذهب إلى الجمعيات الإسلامية ويتبرع هناك .. وشنو اللي يضمن إن الجمعيات الإسلامية تسلم التبرعات للفقراء والمحتاجين .. وبعدين ما أعتقد فيها شي إذا الحسنة تطق بابك .. فشلون تردها ؟؟؟؟ بالعكس أغتنم هالفرصة بحسن نيتي ... ومن قال لك إن فيه بحريني مو محتاج ؟؟؟ الصراحة أغلب البحرينيين محتاجين ومافيها شي إذا ساعدنا شخص بأي مبلغ لو كان رمزي .. مع خالص شكري

إبن الرفاع إنت من وين تييب هالمواضيع ؟؟؟

مشكور إبن الرفاع على هالموضوع ... بس شلون نقدر نفرق بين المحتاج واللي مو محتاج ... أنا أقول الواحد يطلع ربيه دافعة بلاء عن عمره .. إلا ربيه ما بتضرك شي هم إنت سويت خير وهم دفعت عن نفسك بلوة ... المهم إنت نيتك تساعد محتاج ( وعلى نياتكم ترزقون ) .. بس إذا طلع مو محتاج فهالشي في ذمة الطرار بصراحة أنا مالي شغل ...

الله يرحمه ويرحمنا أجمعين