ماحوزي85

موضوع حلو واشكرج على روحج الطيبة .. وعسى الله يديم حالج على هالحال ان شاء الله هالمشهد .. كغيره من المشاهد تخلينا نتساءل وين احنا من الدين .. ووين الدين منا!؟ انا ماراح ادخل في تفاصيل كثيرة .. بس الي يحز بالنفس هو مستوى العلاقات بين الشباب والبنات والي وصلت لحد كبير من عدم الجدية (( مجرد تضييع وقت )! العلاقات الجدية مانقول انها صح! بس على أقل تقدير راح تنتهي بنهاية ( أو ينوى أن تنتهي بنهاية ) حلال ! بس هذا النوع من الأمور الي قلتيها يوضح مستوى عقلية البعض! بصراحة البنات في سن الـ 14-18 سنة يسوون أمور يشيب لها الراس شكثر بنات يكلمون بالـ 2 والـ 3 والـ 4 وأكثر لمجرد المتعة واضاعة الوقت! تطلع مع هذا شوي .. ومع ذاك شوي .. ولا توقف لحظة وحدة تسأل نفسها : هل الي قاعدة اسويه صح؟ معقولة ماراح يأثر هالشي على مستقبلي؟؟ مايعتبر هالشي خيانة لزوجي الي باخذه في المستقبل ؟؟ لأن البنت مستحيل تقول لزوجها يافلان انا سويت علاقة مع صبي وطلعت معاه وسويت جذي وجذاك!! للأسف المستوى التوعوي كل ماله بالنازل!! والشباب في اعمار 21-26 لاعبين لعبتهم بالبنات!!! ياخذون منهم الي يبون ويقطونهم عظم بليا لحم !

مشكوورين على المرور انا اشوف ان رئيسة الجامعة الحالية ماقدمت شيء يذكر للطالب واحسن شي يتحركون الطلبة على عريضية يطالبون فيها بمطالب معينة او تنحي رئيسة الجامعة عن مقعد الرئاسة البروزنزي يا ان تكون قد المسؤولية .. وتحط مصلحة الطالب في المرتبة الاولى .. أو تغادر بسكات! مشكورين كلكم على المرور .. بالخصوص دانة ابوها

مشكوووووورين على المشاركات الحلوة .... لحد ألحين كل الي قاعدين نقوله هو مجرد ملاحظات .. ومشاهدات بس ما تشوفون إن من واجبنا كطلاب إن نحاول نسوي شي .. حتى لو ماصار أي شي؟؟؟ الصيفي + المسائي الحجة فيهم الميزانية صح؟؟ طيب شنو شغلة مجلس النواب؟؟؟ المفروض يفتحون تحقيق في مسألة الميزانية هذي ووين قاعدة تروح الفلوس؟ جامعة البحرين جامعة حكومية مو جامعة خاصة .. يعني الحكومة تدعمها وفي حالة وجود أي عجز المفروض إن الحكومة تغطي هالعجز بدال ما تسن القوانين الي توقف ضد مصلحة الطالب!! والله العظيم من استلمت الشيخة رئاسة الجامعة ليومنا هذا ماسمعت عن أي قرار في مصلحة الطالب؟\ كل القرارات تعسفية وأشكرة يبون يطفشون الطلاب من الجامعة والسبب طبعا ( تجهيز الدواء قبل الفلعة ) !! مايبون عدد الخريجين يرتفع وهم ماعندهم أشغال لهم! ولما نوصل لهالاستنتاج بنوصل لمليار قضية سياسية .. تتداخل فيما بينها وتصنع الواقع المرير للوضع في مملكتنا الحبيبة احنا أنباء البلد نتخرج بالباكلريوس ( بشق الأنفس بسبب القوانين الغريبة ) حتى ننصدم بان فرص العمل المتاحة لأمثالنا هي : كيشر في سوبر ماركت ولا .... سايق في شركة .. أو حارس أمن في وحدة من هالمؤسسات حتى اشعار آخر واذا تهون عليك نفسك وترفض ياراعي البكالريوس انك تشتغل هالاشغال ( مع ان الشغل مو عيب ) فاقعد في بيتكم وابعد المذلة عن نفسك!! خل نرد لموضوعنا ..... ( لا تنفجر مرارتي ) حجة المسائي والصيفي هي الميزانية .. والمفترض من الحكومة ويا الفلوس الي سواها ارتفاع اسعار البترول ان ماتبخل بأي رقم حتى لو كان من 6 أصفار على طلابها .. والي بيحملون على عاتقهم مسؤولية بناء هالبلد! نرجع لقضية المعدلات ... والانذارات والفصل المفترض ان الجامعة تاخذ في عين الاعتبار مصلحة الطالب بشكل رئيسي اذا طالب انهى عدد من الساعات ( احيانا 70 + ساعة ) ولما يكون المعدل تحت المقبول .. ينفصل بكل بساطة؟؟ تروح عليه هالـــ 72 ساعة الي درسهم في الجامعة ... فلوس وجهد وتعب وفي الأخير وبكل بساطة الدنيا .... مفصول .. وكأنك يا ( ... ) ماحملت الجت ( حشيش ) أي عقل يقبل هذا؟؟ أي منطق يقبل هذا؟؟؟؟؟ ثانيـا .... وهذا الأهم في هالقضية مسألة الفصل عند معدل أدنى معين هذي ظالمة بكل المقاييس المفروض تكون في آلية ثانية لمعاجلة المسألة ... لكنهم كالعادة ... طبعا يتقنصون هالفرصة لتقليل عدد الخريجين المحتمل لأقل من النص ... ومحظوظ يالي تطلع بـ BS من جامعة البحرين العريقة! بس لي متى؟؟ لي متى بنظل نكتب في منتديات ... ونهدر ونتحلطم و " نتحرطم " بينا وبين نفسنا لي متى بنظل قابلين في الواقع المر عمليا .. ونظل بس نرفضه نظريا؟؟ الساكت عن الظلم يشارك فيه! وصح إن تعديل الأوضاع في جامعة البحرين مو سهل .. بس لازم تصير حركة طلابية منظمة لتصحيح مسار الجامعة الرئيسية في البحرين ..... وإلا بنكون مشاركين في هالجريمية الكبيرة في حق العلم وفي حق الطلاب وبنفسكم شفتوا ان الجامعة هالفصل ماراح تقبل حتى طلاب فوق الـ 85% في فصلها الأول!!!!! لي متى بنسكت؟؟ لي اليوم الي ترفض الجامعة فيه الطالب الي معدله 95%؟؟؟؟؟؟ لي متى؟؟؟

وقع المدرب الإيطالي المحنك فابيو كابيلو عقدا مدته 3 سنوات مع نادي ريال مدريد الإسباني فابيو كابيلو المدرب السابق لنادي يوفنتوس الإيطالي ، سبق له أن درب نادي ريال مدريد في موسم 97 وفاز معه ببطولة الدوري الإسباني لكرة القدم! هذا ويذكر أن ريال مدريد غائب عن الفوز بالبطولات لحوالي 3 سنوات .. وكابيلو هو أكبر مدرب يوقع مع مدريد بعد فيسنتي ديل بوسكي الذي فاز مع الريال بالدوري الإسباني في موسم 2002-2003 وقد لمح فابيو كابيلو إلى أن بيكهام باق في الفريق .. على عكس روبيرتو كارلوس الذي لا يفيد الفريق كسابق عهده.

الكورس الثاني في ناس يدخلون الكورس الأول بمعدل 72 بس بالواااااسطة

مشكور أخوي على الإضافة واحنا كطلاب يهمنا نعرف شنو بيكون مصيرنا من كل هذا لأن بصراحة سياسة جامعة البحرين ليست مجرد سياسة جامعية! لكنها تعكس التوجه الحكومي العام في شأن التوظيف وإيجاد فرص العمل وإعاقة الطلاب عن التخرج دليل واضح على عجز .. أو خل نقول عجز وهمي .. عن إيجاد حل لمشكلة البطالة! قلل عدد الخريجين يقل عدد الأفواه المطالبة بوظائف ذات مستوى ! للأسف هذا هو حال قطاعي التوظيف والتعليم في مملكة البحرين!!!! ننطر مشاركات أكثر وتفاعل أكبر... يمكن في وجهات نظر تضيف أشياء .. ويمكن في وجهات نظر " تعدل " أشياء

منذ قدوم الرئيسة الجديدة للجامعة قبل حوالي الـ 3 سنوات .. والقوانين الجامعية الجديدة التي تسن .. تصب في "ضد" مصلحة الطالب الغاء التحويل إلى البرنامج المسائي إلغاء الدراسة الصيفية بعد أن كانت مقتصرة في السنتين الماضيتين على مواد المستويين الأول والثاني فقط سياسة الفصل عند انخفاض المعدل عن الحد الأدنى ما الذي ترمي إليه هذه السياسة بالتحديد؟ [move]Against the student policy[/move] هل هو خفض عدد الطلبة المتخرجين من الجامعة؟؟ بالتأكيد الجواب : نعم ولكن مجرد الإجابة بنعم أو لا .. لا تكفينا لوضع الحدود الخارجية للصورة المبهمة فالسياسة في حد ذاتها يمكن تعطينا أكثر من دلالة مثلا .. وضع حد أدنى للمعدل وسياسة الفصل من الجامعة من الممكن إن تكون مجرد محاولة لـ " زيادة جودة الخريجين " !! لكن إذا وضعنا كل الدلائل على نفس الطاولة وقارنا بينها بواقعية راح نلقى أكثر من قانون أو ممارسة .. تدل على الرغبة الجامحة في وضع العقبات في طريق الطالب الجامعي والمحاولة الجاهدة لخلق بيئة غير ملائمة للطلبة للدراسة! ممكن أحد يفهمني ليش إلغاء البرنامج المسائي مع العلم إنه ممكن ينفع عدد كبير من الطلبة الي يدرسون وعندهم ظروف ويبون يشتغلون شغلة مناسبة؟؟ ممكن أحد يفهمني ليش إلغاء البرنامج الصيفي مع العلم إن معظم الطلبة عندهم إتجاه للدراسة الصيفية داااائما أبدا العذر " الأقبح من الذنب " يكون : الميزانية!! وكأن الجامعة تجهز العذر من الآن لمسألة " الخصخصة " المنتظرة! في حالة خصخصة جامعة البحرين فراح تكون الرسوم بطبيعة الحال أعلى حتى من السابق قبل " الميثاق "!!!!!!!! ولما نوصل لمسألة الميزانية .. تبدأ المتاهة .. وتبدأ أمور الخلط بين السياسة والوضع الأكاديمي وتبدأ الأمور تختلط بين مطالبة طلابية إلى شعارات سياسية ونيابية وتوصل إلى درجة بطيخية!! السؤال الي يطرح نفسه .. واحنا نعرف 100% ان هذي هي سياسة جامعة البحرين شنو الي لازم احنا الطلاب نسويه؟؟ المسيرات أثبتت فشلها! ومجلس الطلبة مجرد "شكل" في القضايا الحاسمة!! ( مع احترامي لأعضاء المجلس .. وجهودهم مشكورة بس هذا واقع إدارة الجامعة مو واقع المجلس ) هل راح نبقى راضين بالي يصير وكأننا مجرد أصنام مصمتة؟؟؟ على الأقل نبدأ نتناقش ونتكلم عن شنو الي لازم يصير ... حتى لو ماصار ....... كالعادة!

للأسف أغلبنا نرد بمزاح .. ومانعطي الموضوع جدية كافية ... لما نجي نناقش موضوع لااااازم نحط في بالنا شغلة مهمة!! سبب المشكلة! وهل من الممكن الحد منها ..؟ هل المشكلة خطيرة؟ سبب المشكلة يتخلص في عدة نقاط! أبرزها : التربية! البيت أهم جزء في تركيب أي مجتمع! ولما يكون بيئة مناسبة لظهور مثل هالأمور في " تركيب " شخصية البنت أو حتى الشاب تبدأ مشكلة خطيرة أغلب البنات الي يلبسون هاللبس بتلقى أهلهم راضين عن هالشي .. وعندهم أن هالشي طبيعي .. ويمكن لدرجة إن العكس عندهم " تخلف " ! بس لا ننسى نقطة مهمة وهي ان ناس كثيرين يكونون ملتزمين في بيئات غير ملتزمة لكن العامل النفسي يلعب دوره نقطة ثانية .. المجتمع! مجتمعنا ما يرفض هالتصرفات بشكل جماعي! يعني في فئات ترفض وفي فئات ماعندها مشكلة في فئات الي يهمها الأمور الاقتصادية والمالية بدون التطرق لأي موضوع من المواضيع الدينية باعتبارها مقصورة على العبادة والصلاة فقط .. وكل واحد حر في دينه (( حسب تفكيرهم )) شنو الحل؟؟؟ الحل صعب يتنفذ بشكل عام وجماعي لأن الخلل في البيت قبل لا يكون في المجتمع أصلا الخلل الموجود في المجتمع أساسه الخلل في الأسرة والبيت إذا الآباء والأمهات خافوا الله في بناتهم وأولادهم ورفضوا مثل هالسلوكيات يمكن ... يمكن ساعتها نشوف تغير في المظاهر المشينة الي قاعدين نشوفها! بس انا ان شاء الله خلال اليومين الي جايين بطرح موضوع أعم وأشمل موضوع اذا الله كتب ..

مدرب فاشل للاسف ماادري ليش احس انه اسوأ مدرب في المونديال وان ماعنده اي فكر كروي هجومي منتخب فرنسا عقيم جدا هجوميا

من زمان اسلم مشكور على الخبر اخوووووي والله يثبته

فرناندو توريس لما تكلمت انا عن الاحتراف قلت لازم يكون الاحتراف فكري ( بالعقل ) قبل لا يكون بالـفلوس يعني مايكفي انك تقبض مكافآت حتى نقول عنك محترف الاحتراف اساسا جاي من انك "تتقن" مهنتك!! وكرة القدم "مهنة" المحترف شي ثاني .. أكثر منتخبات العالم تلعب بتشكيلة مختلفة في كل كأس عالم عدا منتخبات قليلة جدا البرازيل على سبيل المثال شتان مابين 98 و 2002 وحتى مابين 94 و 98 يمكن في لاعبين كثر من تشكيلة 2002 حاليا بس السبب ان سكولاري كان معتمد على الشباب اكثر بس لولا ذلك يمكن شفنا اختلاف كبير حيل شقصد من جملة ان نستفيد من المشاركات؟؟ ان يكون التأثير على "الكرة" السعودية وليس اللاعبين المشاركين في المنتخب وبس! هالشي ما يتوقف على اللاعبين المشاركين في البطولة لوحدهم! بس لازم يكون في فكر اداري واعي لازم يكون في تخطيط طويل الأمد! نشارك بـ 2002 ... وحصلنا 3 نقاط! شنو كانت اخطائنا؟ نشارك بـ 2006 ونحصل 4 نقاط! طيب شو كانت اخطائنا؟؟؟ الاستفادة من الاخطاء مو شرط بس من اللاعبين! في شي اسمه اسلوب مدرسة كروية! والرهبة الدفاعية دام كانت موجودة في 2002 المفروض ان الادارة المشرفة على المنتخب تحط في بالها هالشغلة! مو نرد 2006 بنفس الوجه في 2002 لو لعبتوا ضد المانيا مرة ثانية كان ممكن تاكلو اكبر من 8-0 على هالمستوى الدفاعي.!!! ولو اني اشوف ان في جرأة في تنظيم الهجمات بس القوة البدنية ماهي موجودة عند مهاجمين منتخب المملكة وعلى هالاساس تكون الهجمات مجرد محاولات جريئة بس لازم يصير في تغيير وتصحيح والا مافي فايدة من المشاركة اصلا! السعودية ان شاء الله اذا تأهلت لي مونديال 2010 هل راح تشارك بعد لمجرد المشاركة؟ المفروض ان يكون في خطة فعلية لتحسين وضع الكرة للوصول الى العالمية بشنو اسبانيا احسن؟ بشنو المانيا احسن؟ اذا كان مهد الكرة عندهم فاللاعبين يتغيرون! بس اذا الادارة تخطيطها صح فالمستوى يظل صح! ليش يكون هدفنا الدور الثاني مثلا؟ ليش مايكون الهدف تحقيق انجاز تاريخي؟ خل نحط هالهدف على بعد 20 سنة ونشتغل عليه!! انا اقول ان السعودية تقدر لان عندها الامكانيات بس دولة مثل البحرين صعب عليها اصلا تخطط حتى للوصول الى المونديال انتو واجهة الكرة بالخليج

بالنسبة لي اتملل ملل الدنيا كله من بعد الغدا لي الساعة 10 بالليل تقريبا احس الدنيا ملللل مع ان المفروض هالحزة تكون راحة بعدها طلعة بس الطلعة يبي لها ربع سنعين مو ناس يفشلوووون!!

بصراحة أقولها صدام مايهمني في شي .. بس الامريكان جذاذيب وكل شغلهم جذب × جذب وخصوصا سالفة قصي وعدي بس هالي كاتب الموضوع ... ( تبع الوصلة ) واحد طائفي رجعي والدليل كلمة الروافض وشكرا ماكملت الموضوع كامل أول شي!!!!! لكن المهم .. خذ الي يفيدك وخل الي يضرك ولعنة الله على القوم الظالمين

بحريني أصلي ساكن بمدينة حمد أصلي ماحووووووووووووووزي

وأنا أختلف معاك المنتخب السعودي اخذ نقطة كان يستحقها التوانسة اكثر اكثر فترات المباراة كانت تونس تلعب بتقنية عالية .. وكأنهم أوروبيين!! مباراة اوكرانيا فضيحة ومايحتاج نتكلم عنها بس مباراة اسبانيا؟؟!! لعبوا اسبانيا بالاحتياط ولعبوا بالمدافعين لعبة باسات وتمريرات على حافة منطقة الجزاء والله حتى السعوديين نفسهم الي اعرفهم من منتديات ثانية فشلانين من اداء منتخبهم السعودية مو اول مرة تتأهل المونديال عشان نتعذر بالاعذار الي ذكرتها هذا رابع مونديال يتأهلون له مباشرة! 94.98.2002.2006 يعني رابع مونديال!! وليما الحين يشاركون بدون فكر وبدون تحضير سليم التحضير مو انك تلعب مباريات ودية بس! المفروض يكون عند المدرب تقدير سليم لامكانيات لاعبينه ويوظفها حسب امكانيات الفرق المنافسة اوكرانيا لو تلعب ضد السعودية مرة ثانية بترد تهزمهم 4-0 ويمكن اكثر والسبب ان دفاع السعودية مو على مستوى ان يكون في بطولة من وزن كاس العالم!!!!!!!!! بطولة كاس العالم محتاجة لنوعية من اللاعبين يكون محترفين فكريا مو بس نظريا ( يقبضون رواتب )

من الناحية التقنية .. بيكهام حاليا ماقادر يساعد واصابة اوين خلت روني وحيد في الهجوم فما عادت الكرات العرضية ذات نفع! بس سؤالي وين والكوت؟؟ عمومـا البيكس يظل كبير والدليل هدفه الي سجله

كانت مباراة البطاقات بدل ماتصير مباراة الأهداف بس خسارة مابنشوف ديكو ضد انجلترا ولا كوستينا يالله ........ بالتوفيق لانجلترا ضد البرتغال

لعبة حظ!!! بس بعد احلى هدف في الموندياااااال

يسلمو على الخـــــبر بس المنتخب ماكان الحظ الي وقف ضدهم!! لعبهم مايأهلهم ياخذون اي نقطة

خسارة اصيب كنا نبيه يلعب ضد انجلترا!!! عشان نشوف مباراة نارية ونرد نشوفه ضد اشلي كول مرة ثانية بس للاسف !!!

الي عندهم بزنز لا تفكر بيفكرون في شي اسمه سياسة او مبادئ ثانيا - لاعب واحد رفع علم غانا وغانا اعتذرت عن هالحادثة بالذات بس العيب لما واحد يدعم فريق افريقي ومايقدم اي دعم لاي فريق عربي أو يقدم دعم بنفس القدر!!!

بووو اذا يقدر يصيد راس المصور من مسافة ليش مايسجل في المباريات! فاضين الصحفيين مشكور على الخبر

فايننس 222 شالمطلوب للفاينل؟؟؟ اشوف جابتر 16 و22 مع انهم مو موجودين ضمن النوتس الي في موقع الويب سيتي تبع الدكتور المحترم لو يبي يشلخ الطلبة الي مايحضرون يازعم؟

يعني الصالة الرياضية بالصخير!

ماأبي اصير حشور ..... بس في "أودام" تحط الدرجات على اساس ان "مرتاح" للطالب لو مو مرتاح انا ماادرس في الحقوق ولا ادري عن من تتكلمون .. بس من تجربتي في الجامعة اعرف ان ممكن جدا نشوف دكتور يحط لبعض الطلبة الدرجة العليا وينزل البقية في سافل ارض لان مزاجه جذي مو لان الطلبة يدرسون او مايدرسون! هذي حقيقة واقعة ماادري اذا رفيقكم منهم او لا لاني مااعرفه