يوسف محمد

فديتك يالطفل الحزين وماقصرتي يالغالي على تهنئتك الجميلة واتمنى الله يقدرني واقدم لكم اعمال تليق بمستواكم االراقي ولك كل الشكر وكل عام وانت بألف خير اخوك /يوسف محمد

تسلمين يالوردة وماقصرتي على تهنئتك الجميلة اللي مثل روحك الطيبة .. واسف على التأخير في الرد .. ولكن حبيت اشكرك واتمنى شذى عطرك دائما يفوح كالعادة بأحلى ريحة زكية .. وتسلمين يالوردة يوسف محمد

اهلين وسهلين يااحلى دلع حياك الله وعلى راسي مشاركتك وزيارتك الكريمة لي في المنتدى بالنسبة لبان الصبح والله كانت موجودة في موقعي الالكتروني بس حاليا مغلق مؤقت .. تقدرين اتحصلينها في السوق في شريط وطنيات يوسف محمد الاخير واتمنى تعجبكم مع تحياتي / يوسف محمد

العزيزة الغالية لاتغرك الدنيا .. ( بنت الفريج سابقا ) كل عام وانتي بألف صحة وعافية والعائلة الكريمة بخير وسعادة وماقصرتي على التهنئه الجميلة منك وهذي الشي مو غريب عليك خاصة وانك دائما سباقه وتخجليني بأسلوبك الجميل وتشجيعك المستمر واتمنى انه مر عليكم العيد وانتي في احسن حال مع خالص التمنيات لك بدوام السعادة يوسف محمد

تسلمين يالعزيزة يوم اخر وشكرا على المتبعة والاهتمام حبيبي المزيون .. بالفعل كانت اول فقرة في اول يوم من البرنامج للفنان احمد الجميري .. يعطيك العافية وماقصرت الغالية لاتغرك الدنيا .. على راسي وماقصرتي على المتابعة مع التحيات / يوسف محمد

الاخت عابرة سبيل .. شكرا لك على هالتواصل العزيزة لاتغرك الدنيا .. على راسي هالكلام واتمنى اني قدمت شي بسيط حق فنه وفنانينه وارضيتكم ولو بجزء بسيط من خلال هذا البرنامج الله يخليك وماقصرتي يالعزيزة يوسف محمد

العزيزة الوردة .. تسلمين وماقصرتي على كلامك المحمل بشذى الورد والرياحين .. وعساك دوووم وردة متفتحه بين هالناس العزيزة لاتغرك الدنيا .. انا اللي اعجز عن شكرك وتقديرك على وقفتك المستمرة والدائمة معاي والف الف شكر لكم جميعا يوسف محمد

تسلمين يالهنوف وماقصرتي على هالتواصل الجميل والكلام اللي احلى منه . وان شاءالله دوووم تردحين وانتي مستانسه وفرحانه وياربي ايقدرني اني اسعدكم واقدم لكم اعمال ترضي ذوقكم الراقي مع كل التحية والتقدير ،، يوسف محمد

العزيزة لاتغرك الدنيا .. انا الحين اقول فخر لي اني اتواصل معاكم العزيزة احلى قمر .. اول شي وينك وين هالغبه عساك بخير ثاني شي .. مشكورة وماقصرتي على هالكلام الطيب والله يسلمك ويخليك مع كل التقدير لكم / يوسف محمد

عزيزي ولد المحرق .. تحياتي لك .. في شريط اسمه وطنيات يوسف محمد موجود فيه كل اغاني المنتخب اللي سويتهم وعندي عمل راح ينزل جريب اسمه البحريني ياي وهو مع مجموعة من نجوم الفن في البحرين راح يطرح قريبا طب وتنقه يالحبيب وانا تحت امرك يوسف محمد

العزيزة لاتغرك الدنيا .. تسلمين وماقصرتي وشكرا على هالوصف اللي اخجلتيني صراحة فيه واللي اتمنى اني استحقه العزيزة الهنوف .. الف شكر لك على تواصلك وكلامك الجميل وماقصرتي اما اهات البحرين .. تسلمين يالغالية العزيزة على هالموضوع وعلى هالطرح الجميل منك وماقصرتي على اسلوبك وكلامك .. وبالفعل انا كسبت ناس احترمهم واقدرهم وانتوا بالفعل كنزي وثمرة جهدي الله يخليكم ودمتم سالمين يوسف محمد

الغالية لاتغرك الدنيا .. مو عارف اشلون اشكرك واثمن لك هالكلام الجميل والراقي منك .. والله اخجلتيني وايد .. وانا ماقدمت هالاعمال الا حبا وتقديرا لكم واحترما لذوقكم الفني الراقي .. والله يقدرني اني اقدم لكم كل ماهو مميز وجميل الله يخليك يالغالية وماقصرتي على هالكلام الجميل والراقي مع تحياتي / يوسف محمد

دبوحه .. غالي والطلب رخيص بس خبريني متى عرس اختك وانا حاضر لك .. مهاوي المحرقية .. عزيزتي الشريط موجود في الاسواق بس نفذت الكمية وان شاء الله الاسبوع القادم في السوق راح يكون اهات البحرين .. عيني عليك باردة .. تعجبني هالمتابعات الحلوه . مع تحياتي / يوسف محمد

الاخ العزيز الغالي .. بحريني .. تسلم حبيبي على المتابعة والاهتمام واشكرك على هالجهد الكبير ويشرفني انك واحد من الاشخاص اللي اعتز فيهم واعزهم وايد اخي الغالي ولد عراد .. ماتقصر يالغالي على تعاونك وتشجيعك معاي والله يقدرني اني ارد لك هالجمايل جمهوري العزيز والغالي بالفعل الشي اللي اعتز فيه وهو بالنسبة لي نبراس في طريقي الفني هو محبتكم وترديدكم للاغاني اللي اقدمها والله يقدرني اني اقدم لكم كل جديد ومميز مع كل التحيات / يوسف محمد

عزيزة اهات البحرين .. شكرا على مشاعرك الجميلة والنبيلة ودعمك وتشجيعك المستمر لي بالنسبة للجنة التحكيم . .. انا احترم قرارهم وهم اساتذة وفنانون كبار لهم وجه نظرهم الفنية .. يمكن اني مااديت بالشكل المطلوب او ماكانت الاغنية بوهة نظرهم بالمستوى اللي يطمحون اليه .. عموما الحمد لله على كل حال يكفيني فخر اني لي جمهور واخوان مثلكم يتابعون اعمالي ويشجعوني .. واقول لاخواني الفنانين اللي فازوا الف مبروك لهم ويستاهلون مع تحياتي / يوسف محمد

الاخ العزيز والحبيب علي شرفي اولا تشرفت بزيارتك الكريمة لي في المنتدى .. وثانيا شكرا على تهنئتك الجميلة والراقية مثلك واحب اني اسجل لكم تقديري وامتناني للجهود الكبيرة والواضحة اللي تقدمونها في من خلال جمعيتكم فتحية لك شخصيا ولجميع اعضاء الجمعية .. وماقصرت يالحبيب احتي الوردة .. ماقصرتي يالغالية والف الف شكر لك على كلامك الرقيق مثلك مع تحياتي / يوسف محمد

عزيزتي العيزانه .. شكرا على اطراءك وتشجيعك وزيارتك الكريمة لي في المنتدى .. بالنسبه لشريط ليلة العمر بالفعل خلص من الاسواق لكن ان شاء الله راح اطرح الطبعة الرابعة له الاسبوع القادم راح ايكون الشريط في الاسواق .. مع خالص التحيات والتقدير .. وباحاول اطرشه لك على الايميل بس يمكن مايصير لانه مدة الشريط اكثر من 45 دقيقة بدون توقف مع كل الاحترام ،، يوسف محمد

الاخت العزيزة بنوته البحرين .. وانتي بألف صحة وسلامة وماقصرتي اخي الغالي والعزيز فامو / كل عام وانت بألف خير وعسى ايامك القادمة فرح وسعادة ونجاح دائم الاخ العزيز / ولد عرد .. تسلم يالغالي وماقصرت وكل عام وانت بألف صحة وسلامة تحياتي / يوسف محمد

اخي العزيز المزيون .. تسلم على هالمتابعة والتشجيع وماقصرت اخي العزيز ولد عراد .. على راسي والله وماقصرت على التواصل الجميل اخوكم / يوسف محمد

العزيزة .. نووور تسلمين وماقصرتي على التهنئه والمتابعة العزيز ولد عراد .. الله يخليك وماقصرت العزيز المزيون .. على راسي تهنئتك العزيزة واهات البحرين .. ماقصرتي على المتابعة والاهتمام والتهنئه وماقصرتوا جميعا وهذي النجاح اهديه لكم جميعا مع تحياتي / يوسف محمد

العزيزة فله ..شكرا على شعورك النبيل وماقصرتي العزيزة لاتغرك الدنيا .. على راسي كلامك واطراءك وماقصرتي على هالتواصل الجميل والدعم الكبير وان شاء الله دوووم اتكونين مستانسه مع اغانينه اهات البحرين .. افا عليك لاتضايقين روحك .. صج خلص الشريط من الاسواق ولله الحمد .. بس ان شاء الله راح تنزل الطبعه الثانية اليوم ولايهمك عزيزي المزيون .. تسلم حبيبنا وعلى راسي مع اجمل تحياتي لكم جميعا يوسف محمد

اخي العزيز عقوووول .. يشرفني اني اتواصل معاك وهذي ايميلي [email protected] مع كل التحية والتقدير

يسلموووووووووووووو على المجهود الرائع

عزيزتي بنت الفريج انتي دائما مبدعة في كلماتك واختيارك لاسمائك بس ماتحسين النك نيم فيه اشوية اسى والم .. اتمنى مايكون هذا الشي منعكس على واقعك .. مع رجائي بأن يحيطك الامل وتغمرك السعادة دائما وان تنظري للحياة بأمل وتفائل مع كل التحية اخوك / يوسف محمد

افا عليك معزوم وراح اقعدك يمي بعد تسلم حبيبنا على مشاركتك