نتابع معكم احداف الحلقه الأولى
ترررررررن تررررررررن <----------- صوت تلفون
روزانا : الووو أنت من ؟
أنا اليخاندرو ، چي ماعرفتيني ؟ اليخاندرو :
روزانا : إمبلا عرفتك بس أني حمقانه عليك
اليخاندرو : افااا ما هقيتها منّش
روزانا : عجل حقويش طالع ويّا ماريا ؟
اليخاندرو : والله العظيم غاصبيني اطلع ويّاها ، وإنتين تدرين ان انا احبّش اكفر منها
روزانا : روح روح ليها وخلها تنفعك ... طرررراخ صكت السماعة في وجهه -------------->
اليخاندرو : الوووو الوووو روزانا
طلع اليخاندرو وهو حمقان وسوّا حادث بالسيارة ( وكلّه بسبت روزانا)
ترررررن ترررررن <--------- صوت التلفون في بيت روزانا
الخدامه : الوووو من ؟
شخص : هاده بيت روزانا؟
الخدامه : ئي ويش تبغى ؟
الشخص : عيطي عليها رحم الله والديش
الخدامه ( سادّه التلفون بإيدها ): روزانا ... روزانا
روزانا : هااااا
الخدامه : واحد يبغاش في التلفون
روزانا ( ترد على التلفون ): هااا ... من؟
الشخص : انا الطبيب مال الدختر ... وترى اليخاندرو مرقّد هني لانه مسوّي حادف
روزانا اغمي عليها على طول وقامت امها وجابت ليها ماي وخنّه وقعدت
(روزانا وهي تصيح ): امّاه .. هكّو اليخاندرو مسوّي حادف بالسيارة ولازم نروح اليه المستشفى ونجوف ويش صاده
امها : ئي حارسيني دقيقه بلبس دفتّي وباجي
ويطلعون روزانا وامها فلت بالسياره ... ويوصلون المستشفى
وعند الاســتعلامات
وينه حجرة اليخاندرو ؟ روزانا:
السكورتي : چوفي آخر حجره على اليمين في هاده المرر ؟
روزانا : ئي چفتها
السكورتي : حجرة اليخاندرو مقابله الحجرة إلاّ تحت هالحجرة
ام روزانا : رحم الله والديك
واوّل ما روزانا فتحت باب الحجرة وهي تصيح (من الخوف على اليخاندرو)
چافت ماريا قاعده ويّاه في الحجره ويضحكون
قامت روزانا شدخت بالباب ودخلت
روزانا ( الى ماريا ) : صدق قليلة حيا ....انتين ما تستحين
وجت بتطلع روزانا من الحجره
لكن اليخاندرو قال الى ماريا :قومي طلعي ترى اني احب روزانا
قامت ماريا وطلعت وهي تصيح وقالت : ماني هادّتنكم في حالكم .. بتجوفون
وجت روزانا وقعدت تحت اليخاندرو
روزانا : شحوالك انت الحين ؟
اليخاندرو : عاش من سمع هالصوت
ام روزانا : إحم إحم
يدخل الدكتور الى الحجرة
الدكتور : ماشاء الله .. الحين انت واجد احسن من اوّل
روزانا ( تسأل الدكتور ) : متى بترخصونه ؟
الدكتور : في الليل ان شاء الله
ام روزانا : يوووو ... حقويش مو الحين ؟
الدكتور : يبغى لينّه نكمّل بعض الاجراءات
روزانا : اني ماني طالعه إلاّ رجولي على رجوله
عقب ما رخصوا اليخاندرو راح ويّا روزانا بيتهم
ام روزانا : حيّاك يوليدي ...لا تستحي
روزانا : أنت إقعد هني في الصاله واني بروح اسوّي ليك عشى
عقب ما راحت بشوي رن التلفون
ترررررن تررررررن
وقام اليخاندرو وشاله
اليخاندرو : الو .... الوو
-----------------------------------------------
نبقى مع فاصل إعلاني وبعدين نكمّل المسلسل المدبلج ( حب علشان البيزات )
اتمنى ان يعجبكم الموضوع
انه ناقلته فيمكن يكون قديم اشوي عليكم