طبعا كان كل شي في يدها من البدايـة
كان بأمكانها ما تخسر روحها فلوس و وقت و تنزل البحرين..تدور طلاب
صح هالكلام ولا لا ؟!؟......
و الصراحـة أنا لو منها،، جان فعلا ما انزل البحرين ادور طلاب
لأن أهل البحــرين ما يصوتون،،
يعني الناس الي تصوت ما يوصلون ربع البحرينين !!..
يعني اييب لي طالب اصرف عليـه..
و بالنتيجة ما احصل من وراه فلوس تصويت ؟؟..
ليش هاللفة ذي كلها..؟؟ احسن لي من البدايـة ما اييب مشتركين بحرينين !!
و بعدين ليش الواحد يقص على روحـه،،
و يعلق فشــله على ناس ثانيين..!!
ليش مانعترف و نقول ان فعلا خالد و شروق كانوا مقصريـن
و ان مافيهم من شخصية الستار بشي
شرووق تستاهل النومنيــه بكل جدارة..
و تستاهلها من الاسبوع الثاني بعد
بس لجنة التحكيم تساهلت وياها على حساب انتصار
و سلام..........