Jump to content
منتدى البحرين اليوم

بنوته المزيونه

الأعضاء
  • مشاركات

    42
  • انضم

  • آخر زيارة

Everything posted by بنوته المزيونه

  1. وعليكم السلام ورحمة الله وبركاته... أختي أستاذ عبدالرحمن الراوي وايد تمام... شرحه في العملي ما عليه عيب الصراحه يفهمج بطريقه مبسطه ويشرح من قلب .. أهم شيء تكونين متواصله معاه خطوه بخطوه أذا ما فهمتي شيء سئليه أو روحي له المكتب وبيشرح لج ... أما من ناحيه النظري أساسا النت وورك ماده تعتمد على الحفظ يعني فهمي وحفظي و توكلي على الله وأهو في النظري شرحه تمام يشرح بالعربي والأنجلينزي وانتي خلج دارسه أول بأول عشان تكونين فاهمه والأختبارات والأمتحانات تكون سهله عليج.. أما من ناحية الدرجات انتي اللي عليج سويي لو قال لج سلمي الأسايمنت هل يوم حاولي تسلمينه في الوقت المحدد لانه لو سلمتيه في الوقت المحدد وفي خطأ شيء بسيط يمشي لج السالفه و يحط لج علامة كامله ... ومعاملته: طيب محترم متفاهم مع الطلبه يتقبل الأعذار لو غبتي لو سمح الله مريضه أو عذر ثاني مقبول يعني... اتمنى كفيت ووفيت عزيزتي والله يوفقج ويسهل عليج ويوفق كل الطلبه والطالبات... وأي أستفسار حاظرين لج ... تحياتي
  2. السلام عليكم... بسئلكم في فرق بين الكتاب والملخصات لانه احنا دكتورتنا قالت بتعطينا ملخص للجباتر... بس انا قلت بدرس من الملخصات مو من الكتاب؟؟ الكتاب أحس في حجي وايد؟؟ بس اللي يدرسون هل مقرر حاليا وعندهم الملخصات والكتاب شنو الأفضل في الدراسه؟؟ والله خايفه من هل ماده طالعين لنا بطلعه يديده إلا يبون ندرس من الكتاب؟؟؟ وإللي عنده خبره من قبل يخبرنا؟؟ تحياتي
  3. تسلم اخوي (( ولد المحرق )) على الخبــر وربي يعطيك ألف عافيه بس أبي أستفســر المدارس هم بعد معاهم ولا الدوام القبلي تحياتي بنوته المزيونه
  4. مرحبا للكل.. أشكر كل من رد على الموضوع ونورتوا صفحتي بردودكم الحلوه والصريحه.. والله صج من قلب الحمدلله والشكر من صج هذول الناس هلوون وين عقلهم.. وصح كلامكم من بدال ما يبذرون هل فلوس في شيء ما يسوى في ناس واايد بحاجه الى هل فلوس ... والله سنقدر نقول كلمن له عقل ويعرف اشلون يشغل عقله في الشيء العدل .. وكلمن يعرف انه الله سبحانه وتعالى بحاسبنا على كل شيء في دنيتنا سويناه حتى الفلس وين صرفناه وفي شنو بعد.. الله يهديهم.. تقبلوا تحياتي ومره ثاني أشكركم أخواني وخواتي على مروركم وتنوير صفحتي بأناملكم ... تحياتي...
  5. يسلمووو أخوي على الخبر... والله يوفقهم.. تحياتي
  6. يسلموو أختي ThHb NaDer على الرد... والله أقولج شيء غريب ههههههه... تحياتي
  7. صباح الخير والنوير لكل الأعضاء... انا اليوم كنت أقرء الجريدة وجفت ذي الموضوع وقلت والله شيء غريب من صج هذول الناس أوصلوا لهدرجه لحبهم لي مهند ونور.. صج حنا نجوف سنوات الضياع ومن منا يجوف نور... بس عاد كلمن الله عطاه عقل ولازم يشغله في الشيء العدل مب معقوله نحبهم ونعشقهم وأهيا في الاساس حيا حلقه لا راحت ولا يات مرده مع الزمن بننساها مثل ما نسينا روزاليندا و الخ ؟! و أكيد حنا عندنا عادات وتقاليد وحياة غير عن حياتهم...!.؟ وخبركم من تطلق ومثل ما أذكرت جريدة الأيام حاله طلاق ذي السنه أوصلت الى 200 ويمكن الحين أكثر.. ومن طلب من الزوج اللي يتقدم للبنت تغير أسم ريلها ويصير مهند والعكس... المهم ما آبي أطول عليكم من الصبح.. جوفوا الموضوع عيل,,,, ................................................................................................................ زار قصر‮ »‬شاد أوغلو‮« ‬مع زوجته وبناته بحريني‮ ‬يدفع ‮٠١ ‬آلاف دولار لأجل عيون‮ »‬مهند ونور‮«‬ كتبت‮ - ‬بدور المالكي‮: ‬ دفع بحريني‮ ‬أكثر من ‮٠١ ‬آلاف دولار ليستمتع برؤية الغرفة التي‮ ‬كان‮ ‬يعيش فيها الممثلان التركيان وأبطال مسلسل نور ومهند،‮ ‬خلال فترة تصوير المسلسل الذي‮ ‬يحظى بجماهيرية‮ ‬كبيرة لدى‮ ‬جمهور المشاهدين في‮ ‬الخليج والوطن العربي‮. ‬ وتعود تفاصيل الواقعة كما ترويها إحدى قريبات الأسرة والتي‮ ‬كانت معهم في‮ ‬رحلة السفر إلى تركيا عادوا منها قبل‮ ‬يومين،‮ ‬بأن قريبها الذي‮ ‬اصطحب معه في‮ ‬الرحلة وزوجته وبناته الخمس كان‮ ‬يقف ضمن الطابور أمام قصر‮ »‬شاد أوغلو‮« ‬والذي‮ ‬فتحته الحكومة أمام الزوار والسياح‮ ‬منذ أكثر من شهر بعد النجاح الجماهيري‮ ‬الواسع للمسلسل‮.‬ وقد دفع السائح البحريني‮ ٠٥ ‬دولارا عن كل فرد من أجل جولة قصيرة في‮ ‬القصر،‮ ‬ولكنه كان‮ ‬يكرر الزيارة‮ ‬لأكثر من مرة تحت إلحاح زوجته وبناته وخصوصا أن الزيارة تطول‮ ‬في‮ ‬غرفة نوم‮ »‬نور ومهند‮« ‬والتي‮ ‬كانت تثير إعجابهن ولاسيما أغطية السرير التي‮ ‬تم تصويرها أكثر من مرة‮ ‬لتفصيل أغطية مثلها‮ ‬في‮ ‬المنامة،‮ ‬الى ان وصل المبلغ‮ ‬الى حوالي‮ ٠١ ‬آلاف دولار‮. ‬ وتضيف القريبة أنهم‮ ‬لم‮ ‬يكتفوا بما صرفوه‮ ‬من مبلغ‮ ‬للفرجة،‮ ‬بل قاموا أيضا بشراء اكسسوارات وشنط وملابس وهدايا‮ ‬للأهل والأصدقاء طبعت عليها صور لنور ومهند وبقية أبطال المسلسل وكذلك أطقم للسفرة،‮ ‬بمبالغ‮ ‬تعادل ثلاثة أضعاف سعر الجولات في‮ ‬القصر‮.‬ وأوضحت أن أغلب زوار القصر كانوا من الخليجيين،‮ ‬مشيرة الى ان بعض السياح الخليجيين دفعوا آلاف الدنانير من أجل‮ »‬نور ومهند‮« ‬وحتى من دون أن‮ ‬يلتقوا بهما‮. ‬ المصدر جريدة الأيام عدد اليوم...
  8. أختي الغالية &*. سوار العسل &*. أشكــــرج جزيــل الشكــر على المــوضوع الجميل والله يوفق عمالقة الفن على تمثيلهم المميز ويوفق المبدع والمتألق دوووم الكاتب عبد العزيز الحشاش وتسلمين يا قلبي والله لا يحرمني من قلمج المنور مع أرق التحيات بنوته المزيونه
  9. أخوي الغالي ( حمد المحرقي ) أشكـــرك جزيـل الشكــر على الخبـــر الجميل والله يحفظ ملك القـلوب وإن شاءالله الله يهديهم جميهم إلى الطريق المستقيم وربي يعطيك ألف عافيه وتسلم على المجهود مع تحياتي بنوته
  10. أخوي الغالي (( حمد المحرقي )) أشكـــــــرك جزيل الشكر على الخـــبر القيم وربي يعطيك العافيه وتسلم على المجهود وبانتظار جديدك تحياتي بنوته المزيونه
  11. أختي الغالية (( عاشقة التمثيل )) تسلمين على الخــبر والله يوفق النجم المبدع يعقوب عبدالله وأحنا بانتظار اعماله الحلوه وربي يعطيج الف عافيه مع أجمل التحيات بنوته
  12. انشاءلله يكون المسلسل ناجح كما تعودنا على الرائعه واود الكوري والمخرج المبدع أحمد يعقوب المقله... تحياتي
  13. ربي يعطيك العافيه على هذه الصور الرائعه.. واتمنى لك المزيد ... تحياتي
  14. أشكرك أخوي أحـمـد البنعلي على الصور الروعه... ومن كل قلبي الله يوفقهم ويسهل عليهم... تحياتي...
  15. مشكورة أختي زيونة 87... وما قصرتي على الرد ... اهااا عرفت شنو سالفة الإنذارات عيل... والله يبعده عن الكل وانشاءلله محد يصير عليه ولا علينا... تحياتي لج
  16. سلامي للجميع... كنت آبي أسئلكم الصراحه لأني مو فاهمة شنوالأنذار اللي في جامعتنا... لأني سمعت من البنات يتحجون عليهم أنذار وأمنزلين لهم مواد أقل منا ... ووحده تقول آنه مجموعي 1.30مادري 1 وشيء والثانية أكثر ما أدري أقل ... وحاولوا يضيفون قالوا لهم عليكم أنذار أول مادري ثاني ( المهم ممكن تفهموني شنو سالفتهم عشان خبركم اذا تحجوا يكون عندي معلومة )... مشكورين أخواني وخواتي...
  17. يعطيج العافية أختي ... والله آنه ما ألوم البنت ولا الولد ... لأنه التربية لها أساس قوي البنت اللي تطلع من بيتهم جذي وأهلها ما يقولون لها شيء اشتبون احنا نقول نعقر عليها ونكسب أثم واهي تأخذ حسناتنا ونأخذ سيئاتها.. والولد اللي هله يعرفون تصرفاته ما يحاسبونه... والله هل زمن الناس ما تشغل عقلها صج ناس تلبس دفه وشيله وبعد فيهم حركات حدث ولا حرج وناس مو متحجبة ومحترمة نفسها وما عاش من يتعلف فيها والعكس صحيح...الخ والحين الأصبيان إذا جافوا أي بنت تعلفوا فيها انتوا اشعليكم منها لازم يكون عندهم ايمان بالله وغض النظر جافوا وحده هلون نزلوا راسكم وكأنك ما تجوف والله يهدي الجميع انشاءلله.... تحياتي لكم...
  18. مرحبا... سوري على هل خبر حبيت أقولكم أنه مب صج هل الكلام للحين لازم يكون المعدل 3 للدراسة البكالوريوس... لأنه أنه حضرت المحاضرة اللي صارت في 32 وحضرها الدكتور على ما أعتقد أسمه فواز وكان بحضور صادق الشعباني وبعد واحد ونسيت أسمه اهو دكتور المهم سئلنا صج المعدل صار الحين 2.8 للمواصلة البكالوريوس قال لاااا للحين الخبر %% المعدل 3 . أختكم بنوته المزيونه
  19. مشكورة أختي أي والله فكرة حلوووه واتمنى تنفذ
  20. أشكرك أخوي على هذا الموضوع الحلو ... وأشكر أختي معذبتهم على الرد الجميل والرائع ...وحبيت أضيف شيء بعد في صج ناس أمزيدينها في اللبس وفي ناس أجوفهم متحجبين او لا بس لبسهم محترم بس وفي نفس الحال ومثل ما ذكرت أختي معذبتهم عن العباءة ناس دفتهم over والعكس.... والله يهدي الجميع أنشاءلله بس في البدايه لازم اتيي الهداية من الإنسان نفسه ... وعن نفسي آنه أروح مبنى 15 بس الوقت اللي عندي محاضره وعلى طول أمشي ... تحياتي لكم أختكم بنوته المزيونه
  21. أشكرج أختي على هل خبر ....... أنشاءلله يارب هل مره يصدقون بنتفائل وانشاءلله خير .. تحياتي
  22. أختي Monmon_Cute ... أي صح كلامج أهما قالوا لي لازم أروح قاعه 12 عشان يغيرون لي أوقات الجدول بس آنه حاولت كذا مره وقالوا لي ما يصير بس يصير أني أنقل عن طريق الدكاترة أسئل دكتوري يوافق اذا قال اي أروح الى السكشن اللي أبيه وأذا وافق خلاص يغيرون بس بين الدكاترة بس الجدول لو شنو ما يصير يتغير أشكرج أختي على ردج تحياتي لج
×
×
  • Create New...