MaHoOoY

السلام عليكــم و الرحمة .... شلونك الفنان"أحمد إيراج"؟ عساك بخير؟؟ تو اليوم جايفة الموضوع و قريته كله 19 صفحة تعبــــــت ..<<تونا مخلصين جامعه فتسنى لي أن أطالع حلقة "قعدة ما تنمل "و تذكرت ان بحرين توداي في اقسام للفنانين و قلت بشوف اذا في لك قسم و أشيد في اسلوبك في الرد .. إنسان ذوق و محترم أمانةً و أقولها ,,, من أشــــد المعجبين بتمثيلك.. تدخل المتابع وياك في الجو .. تعيش الدور صح .. ادوار محترمة عن جد ,, و حتى لو الدور دور" شخص أزعر" هم الأداء تحس فيه محترم ما يزيد عن حده <<مو مجاملة .. عشان تتأكد لاحظ أني ما أرد في المنتدى و لا اشارك وايد الا اذاا الموضوع عن جد لمسني و من ضمن أجابتك على الاعضاء شدني رد و اقتبسته "انا مع طرح كل المشاكل الخاصة بمجتمعنا لايجاد الحلول ولكني ضد المباشرة المطلقة .. اوضح لك اكثر .. لا يجب علينا على سبيل المثال ان نظهر كل شي بالتفصيل بل يجب علينا استخدام ا لرموز والتي من خلالها يحلل المشاهد قصد المخرج .. لا تنسى اننا الآن امام جمهور خليجي واعي وذكي ومثقف فنيا لا يجب ان نطرح عليه مشاكلنا بالتفصيل الممل من حيث الحوار والسيناريو .. واتمنى انك قد فهمت قصدي " في مسلسلات خليجية عرضت رمضان الأخير كان فيها مثل ما أطلقت عليه " مباشرة مطلقة" و ملموووسة نقدر نقول و مشاهد مانقدر نطالعها مع الصغار أو أخوانا .. بدون ذكر اسماء المسلسلات طبعاً .. طيب سين سؤال... أولاً : هل لمست هذا الشئ فعلاً أو لا؟!! وشرايك في الممثلين الي من هالنوع و المخرجين؟ و هل تقبل مثل هالنوع من الأدوار؟! و أني من رايي أن المخرج الذكي أهو الي يقدر يوصل المعلومة للمشاهد بدون ما يدخل في تفاصيل صغيرة و خارجة عن العادات و التقاليد .. ســـــــــؤال بعيد عن الفن لك حرية الأجابة:: شرايك بالشباب الي يسووون تسريحات حالياً بشعرهم ...و شرايك بالــlowest؟؟ و هل هذي حرية؟

معليش أخوي .... أسمحلي أقولك كلامك كله غلط صح هو عيد الحجاج ... بس عندنا مشايخنا يحددون لنا اليوم الصح حسب علمهم و فقهم هذا عيد المسلمين يعني له دخل بالديين ماعتقد أن أحنا أفهم من علمائنا و فقهائنا و صح كل واحد عنده عقل بس لا يشغله في دي السوالف لأن مكلف و راح يتحاسب على أفعاله و سواء كان مشايخنتا عطتنا اليوم صح أو غلــط فهذا مسؤليتهم بينهم و بين ربهم هم الي راح يتحاسبون و دام أحنا ماشيين على الي نقلده فما علينا حررج و عيـــدكم مبارك

شحجي شقول مسلسل رووووووووووعة قمة في الاداء نشوف فيه علاقات مفتقدينها بهالزمن تشوف الزوجة شلون كل همها عيالها و زوجها تشوف فيه الولد شلون ما يرضى بكلمه على ابوه تشوف الابو شلون يحرص على عياله و يتألم عشانهم تشوف فيه علاقة الجار بجاره شقووووووول و شخلي الله يوفقهم أفضل مسلسل بلا منااااازع

المسلسل قمة في الروعة و الفن الى الأمام دوماً المقلة و ننتظر العمل القادم و شكر لجميع القائمين على هذا العمل لأن بهم جميعاً نجح المسلسل

المسلسل قـــــــــمة في الروعة و النجاح و فعلاً هذا هو الفن الحقيقي في احترام و اخلاق و في علاقات جميييلة للأمام دوماً أحمد المقلة >>>نفتقدك في المسلسلات البحرينية بس معليش احنا و قطر اخوووان

مرحبــا ... عُدنا و العود أحمدُ حلقة اليوم 30 في رايي ما كان له داعي تحطون الصور البذيئة لمن بغو يفبركون صور سارة لو بس حطيتون الشخص و هو يقص وجه سارة بتكون الفكرة وضحت للناس100%

اختي المسلسل مب بحريني المسلسل ملك شركة سكوب الكويتية لفجر السعيد وكان ممكن يصور في الكويت طبعا احنا اكثرنا مب جدي واحنا اكثرنا مايمشون بالقصير وهم الزواج العرفي مب ساد عندنا ولا تزعلين احنا اكثرنا ابيوتنا ابيوت فقاره ولا شبابنا اكثره امطيخ في الديسكوهات بس بعد اختلف معاك كل القضايا اللي في المسلسل قضايا اجتماعية موجودة في المجتمع هدؤ وعواصف عمل اعتز فية ولا انكر اعتزازي بعيون من زجاج يمكن مب يمكن اكييييد القضايا المطروحة كانت صادمة للمشاهد بس انا اوعدك ولا تزعليت عملي الجاي راح اكون روماتسي يمكن اكون الجزء الثاني من هدؤ وعواصف مشكور خيي ع الرد احنا لمن انتقدنا المشاهد هذي ما كان قصدنا نبا مسلسلات الرومانسي حلو لمن الواحد يقدم المسلسل يطرح فيه كل الجوانب مشاكل الجامعة - البطالة - الفقر - مشاكل زوجية - مشاكل الشارع بس مو يحتكر مشاكل الفنادق و على كلٍ خلص الشهر الكريم و افتكينا من حراق العصاب و اتمنى السنة الجاية نشوف مسلسل ينسينا هذااا المسلسل و يمحيه من ذاكرتنا و ماتوقع هذا الشئ يصير بس نتمنىىى

أخونا القفاص ألاحظ أن ردودك ما ترد على اي منتقد ياريت بس تعطينا شلي كنت تفكر فيه يوم تصور المسلسل وين القصة؟ الشراشف في البحرين زايدة و تسوون ليها دعاية مثلاً؟ أوكي عرفنا أن في في البحرين قضايا اغتصاب بس عشان توصل الفكرة لازم تفصل يعني؟؟ لازم تكثر من هالمشاهد الوضيعة ؟! و الي قال عن المسلسلات المدبلجة ان احنا ما نعترض ياناس ياعالم أفهمو احنا ليش معترضين و محتجين لأن هذا يمسنا كبحرينين و بحرينيات هذا مسلسل بحريني يعكس أخلاقنا و اسلوب حياتناا و احنا مو مثل ما صور لينا القفاص بتاتاً يمكن في حالات اغتصاب بس صاير المسلسلات كله على دا الموضوع فجهت السالفة و يــــــــــاريت القفاص يرد علينا بردود تشفي غليلنا و ياريت اتمنى من كل قلبي يستضيفونه في العيد و بكون اول متصلة

مشكلة إذا التفكير وصل بكم الى هذا الحد الأدنــــــى زبدة كلامك أن بعدين المواقف الي الحين احنا قاعدين نعارضها بعدين تصير على ارض الواقع و الموضوع normal أتمنى لوفي فنانين كبار مثل (حياة الفهد)(سعادعبدالله)(ابراهيم الصلال) يقولون رايهم في المسلسل أتمنـــى بس عشان مو تقولون أن هذي افكارنا احنا الجهال

هدي حالج خيووو المسالة ماتستاهل المشهد انعرض وماراح يتغير لو شنو يصير والمشهد انعيد ونكرر مو صدق بنرد ع الاطفال لو بيحاسبون ماجفنا شي من المسلسل اذا ما نرد على تساؤلاتهم نخليهم يكتشفون بروحهم؟ لا بالله فلحنا و من متى المسلسلات صارت للكبار؟ و أني ما قلت ان كلنا عبايات و لا قلت كلنا محترمين بس كـــــل مسلسل يوضحون فيه كل الفئات الشين و الزين و الطيب و الشري أني اشوف المسلسل كل فساد في فساد و كل أفكار غلط و ما منه هدف و لا رسالة معيــنه بس أختي لو بتعدين المشاهد الي فيه قلة حيا تطلع ازيد من من اللقطات العادية الاختلاف في الرأي لا يفسد في الود قضية لنا عودة غداً

أخجل من كون المسلسل بحريني قبل يومين بنت في الجامعة مصرية تسأل : أنتو فعلاً هذي حياتكم؟ أني ودي اسأل القفاص : أحنا فعلاً جدي؟ أحنا ما نمشي الا بالقصير؟ أحنا الزواج العرفي ساد عندنا؟ أحنا اصحاب الاملاك و البيوت المبالغ فيها ؟ أحنا شبابنا أغلبه مطيح في الديسكوهات ؟ مادري شالي صااار وين ( هدوء و عواصف ) من ( عيون من زجاج)؟!! أقترح لو تتوقفون عن الكتابة سنتين و تجمعون قضايا مهمة وواقعية العمل راح ينجح أكثر و شنو سر الشرشف الابيض ... 3 ايام ينعرض أتوقع واجد مصخت السالفة حتى الصغار صارو يلاحظون دا الشئ ...>>>ماتابع المسلسل لأن ناجح

خـــواتي المسألة مو مسألة نطالع أو ما نطالع المسألة عادات و تقاليد و احنا خليجين أبد لا تحطونا في كفة مع المصريين و غيرهم ( مع احترامي ليهم) بس الكل يعرفنا الخليج بعبايتنا و احترامنا و حشمتنا يجي مخرج و كاتب و يعفسون كل هذاا ما نقول الفكرة غلط بالعكس دا الشئ موجود بس يقدرون يوصلونه لينا بدون هالمشاهد لا يسيئون لينا كخليجين و بحرينين أكثر من اللازم و عن المشهد ايل قلتو عنه فن اخراجي مو انبطح عليها فعلاً أوكي مو مشكلة بتروحين لكل جاهل طالع هاللقطة بتقولين ليه هذا فن اخراجي >>>عسى بس فهم ليكم انشاء الله بتقولون ما نخلي الجهال يطالعون ؟!! عجل خلاص تساوينا ويا الغرب لأن الأفلام الاجنبية أهي الي نحاسب لمن نخلي اولادنا يتعابعونها بس لمن نخلي ليهم مسلسل خليجي المفروض نكون متطمنين آســفة يمكن أنفعلت بس من حر ما فيني و الاختلاف في الرأي لا يفسد في الود قضية إذا كل هذا و لاشئ اذاً على الدنيا السلام