بنت عــراد Posted يوليو 23, 2005 Report Share Posted يوليو 23, 2005 (edited) هاي شلونكم انه ابي اقول لكم مشكلتي مع الشخص اللي احبه والله تعبت موب عارفة شاسوي ساعات اصيح من الحيرة اللي انه فيها ارجوكم انه سجلت في المنتدى علشان تنصحوني واالله حرام اللي قاعد يصير لي وله انه احب واحد قدي من سنتين او اكثر بشوي ونحب بعض حب صادق موب حب مراهقين وهالخرابيط يعني احنا متأكدين من مشاعرنا وانه واثقة فيه انه صاج معاي واحنا اتفقنا انه بعد ما يتخرج من الجامعة ويشتغل يتقدم لي وانه بنطره بس المشكلة انكم تعرفون الوضع في الديرة وايد صعب اهوه باقي له سنتين ويتخرج و يقول لي يمكن يبي له عالاقل سنتين زيادة ليما يكون نفسه ويكون قادر على الزواج ويخاف في هالوقت انا اروح من ايده انا قلت له ووعدته اني بنطره بس بعد اهوه خايف يظلمني معاه يقول يمكن لا قدر الله بعدين يصير شي والله ما يكتب انه نصير لبعض في هالوقت اهوه ما راح يسامح نفسه على اللي سواه فيني وبعد اهوه مسكين موب عارف شلون يفاتح اهله بالموضوع يخاف يرفضون وعبالهم انه اهوه ياهل وما يعرف يختار مسكين تعقد من كثر ما يقولون له لا تحب لك من بنات هالزمن ترى ذلين ما رواهم الا المشاكل وبنات موب زينين ومن هالحجي وبعد اهمه عايلتهم وايد يتشرطون في البنت موب اي وحدة تعجبهم ويخاف يطلعون فيني الف شي وبعدين نفترق عقب سنين الحب ذي احنا وايد خايفين من المستقبل شنو بيصير لنا لان حرام عقب علاقتنا ذي ما نكون مع بعض انا ماقدر استغني عنه واهوه بعد يحبني ويمووت فيني لو يمر يوم ما نكلم بعض نموت صار لي اسبوعين جذي معاه خايفين وموب عارفين شلون نتصرف في رايكم شنو الحل نفترق احسن لان صج الحين بنتعذب بس بيكون عذابنا اقل من لو بعدين افترقنا ؟ لو نظل على علاقتنا وانشالله ما يصير الا الخير دام نيتنا صافية حبيبي قالي انه اهوه مابيرضى علي اني اكلمه بعدين اكون لشخص ثاني بس الانسان مايدري بقدره نصحوني قولوا اي شي؟؟ استمر معاه لو نفترق واحنا مالنا ذنب رفيجتي اللي اهيه اقرب الناس لي قالت لي نبتعد عن بعض بس من وقت للثاني نسأل عن بعض يعني انا عرف اخباره ووهوة يعرف اخباري علشان لو افترقنا بعدين لا قدر الله تكون الصدمة اخف علي وعليه واذا صرنا مع بعض نعوض هالسنين كله والفراق والحرمان كلكم ردوا عاد Edited يوليو 23, 2005 by بنت عــراد Quote Link to comment Share on other sites More sharing options...
بحرينية كشخة Posted يوليو 23, 2005 Report Share Posted يوليو 23, 2005 مادري شنو اقولج خيتو,, صراحة قصتج تحير,, آنه اقول مثل ماقالت رفيجتج تركو بعض بس تمو سألو عن بعض,, وان شاء الله بعد سنتين ايي لج واخطبج,, واتكونين ماخسرتي شي,, تحياتي.. Quote Link to comment Share on other sites More sharing options...
Crazy Angel Posted يوليو 23, 2005 Report Share Posted يوليو 23, 2005 والله ما ادري !!!!!!!! انشاء الله غيري يلق لج الحل Quote Link to comment Share on other sites More sharing options...
عشوق البحرين Posted يوليو 23, 2005 Report Share Posted يوليو 23, 2005 السلام عليكم مساء الخير على الجميع اختي صاحبة المشكلة(بنت عراد) هذي المشكلة يعاني منها معظم الناس في هذي الايام وانتي انتظرتي هالمده كلها بدون زواج ومثل ماقلتي الشاب باقي له سنتين ويتخرج يعني مابقى شي ومثل ماصبرتي المده الي راحت تقدرون تصبرون بعد سنتين وعندي لكم حل مثالي ليش ما يكلم اهله ويخبرهم انه يحب بنت و يبي يحجزها على اساس من يتخرج تكونين له وماتروحين من يده انا حاس فيكم والله بس هذا مو عذر علشان تنترقون انتوا بيدكم تكونون لبعض بأصراركم واحترامكم لحبكم ومثل ماقلتي حرام بعد كل سنين الحب ينتهي كل شي بدون ماتكونون لبعض انتوا لازم اتقررون وتكونون اقوياء وتواجهون الايام الياية ولا تضعفون جدام اول مشكلة تواجهكم واحلى مافي الحب عذابه اخزي ابليس ولاتهدمون كل الي بنيتوه ترى في هالزمن نادرا ما تلقى الحب الحقيقي والصادق من الطرفين انا من رائيي تنتظريه مثل ما انتظرتي طول السنين الي راحت وتتركين الافكار السوداوية والله يعطيكم على قد نيتكم انتي بس ادعي من الله تكونون لبعض وماتفترقون والله سبحان وتعالى ان شاء الله يستجب لكم خصوصا ان حبكم صادق ونيتكم سليمه معذرة على الاطاله Quote Link to comment Share on other sites More sharing options...
مزيونة البحرين Posted يوليو 23, 2005 Report Share Posted يوليو 23, 2005 خل يقول لاهله ويحجزج ما فيها شي وايد تصير هالايام سالفه الحجز Quote Link to comment Share on other sites More sharing options...
وحيد اليعقوبي Posted يوليو 23, 2005 Report Share Posted يوليو 23, 2005 أختي ( بنت عراد) أتركيه!!! اسمحي لي ردي صحيح قاسي بس المستقبل أقسه وامر اذا طالت المده !! ويتراولي سنتين مده مو طويله ممكن التغلب عليها مع اشوي صبر مهما تكونين متفاهمه مع حبيبك اقولج وانا من الشباب الصريح لاتسبحين ضد التيار. ولي اكبر منج بيوم ادرا منج بسنه وحيد اليعقوبي Quote Link to comment Share on other sites More sharing options...
فجوووور الحداد Posted يوليو 23, 2005 Report Share Posted يوليو 23, 2005 مرحبا اختي الحل الوحيد في يدج و يده اذا بيخاف يقولون له ان اهو ياهل ترى الواحد لو شنو يصير عمره بيظل في عين اهله ياهل و حتى لو اهله ما تعجبهم اي وحده هاي ما يمنع انهم ما يوافقون عليج ولا طلعون فيج اف عيب هاي اختياره اهو و اهو الي بيتزوج مو اهم و اهو لازم يعرف شلون يوقف و يقول انا اخترت فلانة كشريكة حياتي توكلوا على الله ولا يردكم احد و عن الشغل و تكوين النفس اهو خله يتقدم لج ويتفق مع اهلج انه عقب ما يكون نفسه تتزجون انشالله و الله لا يفرقكم عن بعض ونصيحتي لج لا تهدون بعض لانكم بتخسرون سنين من الحب الطاهر و البريء و هم بتخسرون حب حقيقي والله يخليكم لبعض انشالله Quote Link to comment Share on other sites More sharing options...
أحلى قلب Posted يوليو 23, 2005 Report Share Posted يوليو 23, 2005 للأسف أنا ردي مثل رد الأخ وحيد اليعقوبي إلي أكبر منك بيوم أفهم منك بسنه والظاهر الأخ وحيد مر أبهالمرحله ومايبي أحد يمر أبه . وللأسف الشديد هم أنا ألحين أمر أبهالمرحله حب صار لك أكثر من سبع سنوات ويوم صبرت وتميت معاه أفكر وقبل لا يفكر أبني مستقبلنه وللأسف كان الكلام نفس قصتج يا أختي من بعد ما وقفت معاه وتخرج وأشتغل وبنيت مستقبله وتعرفت على أهله وكل شي صار كأنه مثل المخطوبين لبعض بس قدرة الله أكبر من هالشي من يومين بس عرفت إني خسرانه في حبي لأن قاعد إفكر في الزواج من غيري. على الأقل طالعي مستقبلج وفكري في نفسج الأفضل وأشلون أنتي تبنين مستقبلج وما تكونين محتاجه حق أحد وأنتي ماصارلج وايد معاه بس سنتين تتألمين اليوم أشوي وتنسين باجر مع تفكيرج في مستقبلج. أنا أسفة على الإطالةوأخذي العبرة من غيرج يا أختي قبل لا يصير الأوان وتندمين وأنتي على راحتج عقلج في راسج وتعرفين خلاصج ومن الردود أخذي الحل المناسب. Quote Link to comment Share on other sites More sharing options...
5oshgel Posted يوليو 23, 2005 Report Share Posted يوليو 23, 2005 مرحبا اختي الحل الوحيد في يدج و يده اذا بيخاف يقولون له ان اهو ياهل ترى الواحد لو شنو يصير عمره بيظل في عين اهله ياهل و حتى لو اهله ما تعجبهم اي وحده هاي ما يمنع انهم ما يوافقون عليج ولا طلعون فيج اف عيب هاي اختياره اهو و اهو الي بيتزوج مو اهم و اهو لازم يعرف شلون يوقف و يقول انا اخترت فلانة كشريكة حياتي توكلوا على الله ولا يردكم احد و عن الشغل و تكوين النفس اهو خله يتقدم لج ويتفق مع اهلج انه عقب ما يكون نفسه تتزجون انشالله و الله لا يفرقكم عن بعض ونصيحتي لج لا تهدون بعض لانكم بتخسرون سنين من الحب الطاهر و البريء و هم بتخسرون حب حقيقي والله يخليكم لبعض انشالله Quote Link to comment Share on other sites More sharing options...
القيثارة الحزينة Posted يوليو 23, 2005 Report Share Posted يوليو 23, 2005 وااايد اجوف مشاكل جذي هالايام من مثل هالنوع اهو خله يفاتح هله بالموضوع ويقنعهم انه يحبج ومعجب فيج ويخطبج ولما يكمل جامعه تتزوجون ان شاء الله حرام يضيع حبكم اللي بنيتوووه سنين الله يكون في عونكم والراي الاول و الاخير لكم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.