فجوووور الحداد

مرحبا شباب ..شابات..كبار.. وصغار.. وبعد (ههههه يزعم حركه فن خخخخخ) شخباركم وشلونكم انشالله كلكم اوكي المهم أنا بابدي موضوعي.. مثل ما أغلبيتكم أتعرفون أن في مشروع أسمه مشروع أنجاز انزين وهاي المشروع يمشي على بنات الثنويه (الي اهوه احنه) مدرسه مدينه عيسى الثنويه للبنات (علمي ) احم احم المهم احنا في قررنا ان شركتنا اتكون مجله واسم مجلتنا مجله المستقبل للتوزيع والأعلان ... بتكون طبعاً مجلة أعلانية وفي هاي المجله طبعا بنحتاج اعلانات ولاتقولون ان مجلتنا ما بتنجح ووو.....الخ الخ لان شركتنا مدعوه من الشيخه حصه آل خليفه و البسنس وومن الشهيره هدى جناحي.. المهم قررنا اتكون شركتنا اعلانية وطبعا احنا اندور صبيان او بنات part time يدورون لنا اعلانات ويبيعونهم وطبعا يحصلون نسبه معينه واحنا الحين حصلنا اعلانات وانشالله يكملون العدد الي في بالنا .. اذا اي احد عنده اعلان او يحب ان يشارك في مجلتتنا الي بتتصدر في الأسواق قريباً يرسل لي على ايميلي : [email protected] وطبعا الي عنده أي استفسار عن أنجاز يزور هاي الموقع: www.injazbahrain.org [email protected] وترى الشركه صجيه مو شلخ واي احد عنده اعلان أو يحب ان يشتغل عندنا يرسل لي ايميل على بريدي الخاص المكتوب فوق تحيــــــــاتي لكم كلكم مراوي ترى فجور اسم بنت خالتي مو انا ... انا مروو

مرحبا اختي شكرا على الموضوع الحلو و المهم بس حبيت اوضح نقطة ان الحجاب حجاب الروح قبل لا يكون قطعة من القماش تنحط على الراس و تغطي الشعر فشفايدة البنت حاطة على راسها حجاب و اهي تصرفاتها زفت و الحمدلله اصلن ذي الشي يعكس نظرة غلط على المرأة المسلمة و مسامحة على التطويل

اسمح لي اخوي بس اذا فكرت في لحظة انك تهدها في محنتها ذي فهاي التفكير غبي اهي محتاجة لك في هالفترة اكثر من اي شخص و انت اقرب الاشخاص لها و في رايي انك تطلبها من ابوها بعد ما تهدى الاوضاع شوي عشان ما تزيد الطين بلة

اي اكيد ممكن السيطرة ع هاي البنت مرة ثانية والله يهدي كل البشر وحده سبحانه اذا وعت البنت حق الغلط الي سوته ممكن انها تستغفر ربها و ترجع للسراط المستقيم ليش لا

مرحبا اختي الحل الوحيد في يدج و يده اذا بيخاف يقولون له ان اهو ياهل ترى الواحد لو شنو يصير عمره بيظل في عين اهله ياهل و حتى لو اهله ما تعجبهم اي وحده هاي ما يمنع انهم ما يوافقون عليج ولا طلعون فيج اف عيب هاي اختياره اهو و اهو الي بيتزوج مو اهم و اهو لازم يعرف شلون يوقف و يقول انا اخترت فلانة كشريكة حياتي توكلوا على الله ولا يردكم احد و عن الشغل و تكوين النفس اهو خله يتقدم لج ويتفق مع اهلج انه عقب ما يكون نفسه تتزجون انشالله و الله لا يفرقكم عن بعض ونصيحتي لج لا تهدون بعض لانكم بتخسرون سنين من الحب الطاهر و البريء و هم بتخسرون حب حقيقي والله يخليكم لبعض انشالله

اخوي مادامك شفت ان في المسن اهو محظور و مثل ما قلت اهو ما يعرف لا رقم تلفونها ولا ان اهي مسافرة يعني لا تخلي للشك مكان في قلبك و هالميل الي وصلها اياه بالنسبة لي اكبر دليل انها ما تكلمه لانه قال انه يتصل ع البيت مو الموبايل و مستحيل اي بنت تكلم شاب تعطيه رقم البيت (تخاف من الفضيحة) يعني حاول انك تتفهم الموضوع منها من غير ما تجرحها و تبعدها عنك لانك اذا عطيتها اسلوب في الكلام غلط و بينت انك شاك فيها اهي لا شعوريا بتبتعد عنك خصوصا اذا يات في هالموضوع مظلومة حرام انك تخلي في قلبك شك في هالموضوع و انت بروحك تقدر تحله حاول و ما بتندم

صح لسانج اختي عدل الي قلتيه

شكرا اختي ع الموضوع الروعة و كلامج 100%صح و ما عاش من يقول عنج متشددة او معقدة

اخوي الحب ماله عمر يعني اذا انت في الجامعة او ثنوي يعني لا تحط في بالك الي يقولون لك انك صغير او عمرك صغير ع الحب بالعكس حط في بالك ان في لك وحدة و بيجمعك فيها القدر في يوم من الايام هالوحدة ذي موجودة في مكان سري اعتبرها بهل الشكل احلم فيها و حط لها كل ذرة من شعورك و بيي اليوم الي بتوصلها هالمشاعر و بيي اليوم الي محد يتحكم في قلبك غيرها انت اصبر و بيي هاليوم و بتقول قالوا لي

قوة اخوي يمكن صج عندها ظروف انت ما عليك غير انك تراعي هالظروف و حاول قد ما تقدر انك تهديها و تطلعها من محنتها بدون ما تجرحها او تحسسها انك تبي هالشي مو بس عشانك عشانها اهي بعد والله القلب اذا حب مستحيل ينسى الي يحبه او يفكر انه يجرحه و اكبر غلط انك تفكر انك تهدها او تتخلى عنها وبيصير ويهك جدامها صغير و واحد مو قد انك تتحمل المسؤلية او تتحملها اذا تضايقت اصبر عليها شوي و انشالله بترجع لك البنية الي تحبها و احسن منها بعد خل ايمانك بالله قوي

ببساطة شديدة ليس للحب اعمار

اخوي العزيز انا اقول لك ان الي سويته صح انت اصلا شلون تتندم ع وحدة هدت قلبك و خذت اجرب الناس لك رفيجك ولا بعد اهخي شلون يطاوعها قلبها انها تدش بيتكم لو اي واحد مكانك مستحيل انه بيرضى في انه ياخذها لا تتندم اخوي انت سويت خير لما هديتها و كل واحد له نصيبه ولا يعورك قلبك اهي ما تستاهل

كلامج اختي عدل انت اصلا شلون يصير عندك ثقة في وحدة و اهي مخطوبة كلمت واحد و شلون يصير عندك ثقة في وحدة اتصلت فيك و قالت لك انا معجبة و احبك و مادري شنو اي ثقة ذي هاي ثقة عميـــــــــــــــــــــــــــــــــــــــــــــاء و مالها لزوم اذا تبي رايي ابتعد عنها و خلها الله يستر عليها

مرحبا اختي اذا تبين نصيحتي اهو خله يتقدم لج الحين و و يتفق مع اهلج انه بعد الدراسة راح يتم الزواج اهو مو اول واحد يخطب و بعدين يكمل دراسته و يرجع عشان عروسته والله حرام تدفنون حبكم بيدينكم و اذا ارفضوه اهلج حاولي تبينين لهم شكثر اهو يعني لج و انج ما تقدرين تعيشين بدونه ترى محد يقدر يعوضج الحب الحقيقي و اذا خسرتي هالحب يمكن ما تلاقين مثله في دنياج هالقرار بيدج انتي وياه حطوا يدكم في يد بعض و قرروا الاحسن حق الاثنين و هاي نصيحة اقدمها لج من قلب وانشالله الله ييسر لكم مشكلتكم و تنحل خلي ايمانج بالله قوي

السؤال اهو ليش معظم ربات البيوت يشوفون ان المرأة الي تشتغل مو ربة بيت صالحة مع ان ممكن ان المرأة توفق بين بيتها و شغلها ليش لا انا اشوف ممكن تكون المرأة العاملة ربة بيت صالحة

مرحبا اول شي لازم كل وحدة قبل لا تحب تفكر يعني شلون تسمح حق روحها انها تحب واحد متزوج لا و يمكن عياله كبرها يعني و اذا صار و انه متطلق و عنده عيال هاي حجي ثاني يعني ما بتكون سبب في انها تخرب بيت احد ف انا اعتبر نفسي موافقة بس في حالات معينة

اول شي حبيت اشكرك اخوي ع الموضوع الشيق انا وحدة عن نفسي اذا كانت مرت ابوي جلبة و سوسة ع قولتك باوريها الويل و سواد الليل و اخليها تتمنى انها ما دشت بيتنا بس اذا كانت المرة طيبة و حليوة ليش لا اعاملها بكل طيب و احترام بس صج ما اتمنى انه تصير عندي مرت ابو الله لا اييب هاليوم

بييييييي يا جماعة وايد ظلمتوا البنات البنات مجرد كائنات ناعمة او مثل ما يقولون الجنس الناعم و بعدين انا ما الوم الشاب ع المعاكسات و في نفس الوقت ما الوم الشابة الصبي بفطرته يحب انه يلفت انتباه الفتاة في الشارع ولا تقولون البنت لابسة ثياب غير محتشمة ولا تمشي بطريقة غلط يامه مرت ايام امشي انا شخصيا و الحمدلله لابسة محترم و ماشية محترم و نظري للامام و بس و حاطة همي في روحي و مالي شغل في احد و يمشي وراي واحد ولا ثنين هل السبب اهو اني غلط ولا مشيي غلط ولا شكلي غلط ما اعتقد هاي كلها ا وهام و قبل لا تلومون الشباب والشابات ع هاي كله لوموا اهلهم الي ما علموهم من صغرتهم شلون يحترمون الناس و اعراضهم و شلون ان العرض اهو اغلى ما يملكه الانسان ع العموم شكرا ع الموضوع الحلو

ببساطة و الجواب قصير اهو ان المرأة بطبيعة فطرية ما تحب المشاركة في الاشية الي تخصها و تحب التملك و السيطرة و التامة ع كل شي تحبه يعني مستحيل اي بنت ترضى ان تشاركها وحدة ثانية زوجها حتى لو كانت اختها و لو عطوها درر الكون كله يبقى للرجل مكانة و قيمة في قلب زوجته و مستحيل انها تتخلى عن هالمكانة و في نفس الوقت مستحيل ان المرأة تتقبل ان تحل مكانها وحدة ثانية من كل النواحي النفسية و العاطفية وحتى في حب السيطرة احيانا ع العموم هاي موضوع حلو و اتمنى ان الرجال يستفيدون منه و يخلون في بالهم اهم شكثر غاليين عند (بعض الناس )

سمحوا لي شباب انا اشوف كل الشباب المعارضين فيهم مرض اسمه التفرقة العنصرية شفيهااذا كانت المرأة تسوق ولا اهو عشان صار حالها و حقوقها من حالكم و حقوقكم يعني ما لها الحق انها تكون مثلكم في هالشي و بعدين so what اذا ساقت و سوت حادث مع العلم ان الشباب هم الاغلبية العظمى في حوادث السيارات و فعلا البينة فيها خوف لما تسوق بس هاذي مو دافع يمنعها من انها تسوق سيارة و هاي شي ما يخليها تصك السيد ع قولة اخونا المراة تسوق و مو عيب لو طالت بهل الحق و لا طبقته ولا شرايكم يا بنات

قوة جميعا بصراحة و انا اقره الموضوع ما قدرت ايود دموعي من انها تنزل نبأ كانت انسانة عزيزة علينا و خبر وفاتها كانت فاجعة و صج خبر مأساة في ذي اليوم الكل كان حالته حالة و الدموع متنثرة في كل مكان حتى كان هاليوم يوم كئييييييييب بالنسبة للكل شكرا اختي ع الموضوع الي كتبتيه و انشالله و باذن الله نبأ في قلوبنا و ما بننساها حتى ما نموت فجر الحداد

الاخت العزيزة زينب مهما طال غياب الاحباب فهم موجودون في القلب و مكانهم محفوظ في مقلة العين و مهما طال الفراق سيحين اليوم الذي سنلتقي فيه و نعود لنغدو الحياة معا دون اي خوف دون اي تردد الله يرحمها بتبقى في قلوبنا الى الابد و مستحيل ان احنا ننساها فجر الحداد

عظم الله اجركم والله يغمد الفقيدة بواسع جناته فجر الحداد

ادري ان الخاطرة يت متأخرة..و بصراحة ترددت وايد لين ما نشرتها بس انشالله تعجبكم B) ولا احد يتطنز الى نبأ رحلت..و لم اعي بفراقها حتى الان لم اعلم ان حاجتي الى حضنها سيحين اوانه لم اعلم انها جزء مهم في حياتي بل هي حياتي لم اعلم اني اشتاق اليها في كل ساعة في كل دقيقة بل في كل ثانية اشتاق الى صمتها اشتاق الى ضحكها لهوها و لعبها اشتاق الى همساتها في ليل ساكن دافئ اااااااااااه لو تعلمين كم اشتاق اليك لكنتي لم ترحلي لكنك لن ترحلي فانت هنا..في كل مكان انت في القلب..انت الكيان لم رحلتي؟؟؟ سؤال سيظل يراودني طيلة حياتس وداعا...اقولها بصوت حزين مليء بالدموع وداعا..يا شمعة نورت كياني وداعا..يا احلى الاصدقاء اشتاق اليك و ساشتاق دوما على الله ما طولت عليكم ولا مللتكم