waseeem Posted أكتوبر 27, 2006 Report Share Posted أكتوبر 27, 2006 شكرك اخي على طرح الموضوع ولو طرحته بالنقاش من الاول كان نفس الشيء لان احس الموضوع نقاشي حتى اني عند قرائة الموضوع حسيت انه انحط قبل اليوم . اخي الكريم كنت من قبل اطالع مسلسلات , في قنوات عدة ولكن كان اللبس فيهم تقدر تقوم فيه نوع من الحشمة , حتى في المسلسلات الخليجية . لكن اليوم والله لما اطالع مسلسلات خليجية , ما كنت اشوف في اي مسلسل خليجي بنت لابسه بنطلون جيينز ضيج ويبرز المفاتن كلش , كنت من قبل الاحظ المسلسلات السورية بهذا الشيء اما الخليجية ما كنت الاحظه كلش , لكن في مسلسلات اليوم اقدر اقول لك مو ايصال رسالة اللي كنا واثقين انهم يوصلونها ويعالجون قضايا , ولكنه الغزو الاعلامي الذي سلبياته اصبحت اكثر من ايجابياته , حتى تشوف الاطفال ابي البس مثل الفنانه .... وهكذا حتى انهم اصبحوا يقلدون الغرب في كل شيء , بدل من ان نجعل الغرب يقلد المسلمين اصبحنا العكس , لان المعلومات الانتاج الفكري للاسف في المسلسلات العربية مقتبسة اللهم شيء بسيط من الاضافة والتغير . ليس فيه الانتاج الفكري الاسلامي الصح في الديكور في التمثيل في الممثلين في كل شيء . من اجل هذا امتنعت اني اتابع مسلسلات اطلاقاً , ولا ارتاح حتى ان بعض المسلسلات الدينية طغى عليها طابع الاستشراق فلا امن اني اطالع مثل هكذا مسلسلات . فمهما تكلمنا فهم لن يسمعونا وانما هم يقتبسون ما يريدون حتى ان كان عملهم هذا لا يخدم الاسلام بل قد يضره تحياتي اليك اخي الكريم Quote Link to comment Share on other sites More sharing options...
دكتورة الميانين Posted أكتوبر 27, 2006 Report Share Posted أكتوبر 27, 2006 (edited) الغلط انه نجوف الغلط وانقول الزمن تغير محد مخرب المجتمع غير هالتفكير اللي يودي في ستين الف داهية المجتمع تغير بس دينا ماتغير وبيتم الأسلام عنوانه واذا الاسلام دينا صج لازم مانرضا بالي قاعد يصير الحراااام حرااام والسموحة يسلمو خيو موضوعك عجبني وياليت الكل يفكر نفسك جان احنا بألف الخير وما صرنا مثل الغرب ارد واقول الله يهدينا ويهدي الجميع لاحول ولا قوة الا بالله يارب أقضي ع الفساد والعقول الراقدة وصحصحها وارجع وقول السموحة ثنكس فور يو خيوو الله يعطيك العافية ويثبتك Edited أكتوبر 27, 2006 by دكتورة الميانين Quote Link to comment Share on other sites More sharing options...
Bounty Posted أكتوبر 27, 2006 Report Share Posted أكتوبر 27, 2006 يعطيك الف عافيه خوي على طرح الموضوع خوي المسأله مب مساله لبس وبس الا حتى حركاتهم وقضاياهم اللي يطرحونها مثل ما قلت ابدا ما قاعده تعكس اي شي من الدين الاسلامي يعني يبون يقولون انهم يعالجون قضيه شرب الخمر والسكر باظهار هالمشاهد بالمسلسلات؟!! هذي مب طريقه يعالجون فيها مشكله هذي طريقه ينشرون فيها افكار غلط عن ديرتهم وبالنسبه للي يقول اكا الغرب محد قالهم شي!!!!!!! خوي الغرب ما وراهم دين اسلامي ما وراهم عقيده ولا ايمان احنا المسلمين اللي المفروظ نظهر هذا الشي الى العالم ونبين مدى ايجابيه هذا الدين الحين اللي يجوف المسلسل فلانه لابسه قصير وفلان سهران يسكر شيقول؟؟!! ان الاسلام يبيح هالمنكر !!!!! معااذ الله << اوكي مب شرط كلهم متحجبين ومتنقبين لاكن بعد الحشمة والاحترام واجب الحين حتى الرقص يرقصون بالمسلسلات << والله العظيم عييييييييييييييييييب عليهم ... واقول لك خوي اللي يخلي المسأله تتفاقم اكثر بعد هو ان كل ناس تطالع غيرها يعني الممثله الفلانيه جافت الثانيه تلبس حفرة وقصير تقول ليش اهي احسن مني وتروح تسوي مثلها والا المسلسل الفلاني يقول اووووه اللعام حطوا مشاهد رقص وعادي ليش ما نحط السنه وبزيادة هذا لان لما يسوون الغلط محد يردعهم بالعكس يشجعون غيرهم انهم يقلدون عليهم المفروظ تكون فيه رقاابه على المسلسلات < واهي موجوده لاكن مادري شتراقب اذا كانت تطلع لنا المسلسلات بهالشكل ما دري شتسوي هالرقابه << Quote Link to comment Share on other sites More sharing options...
شمـ البحرين ـوع Posted أكتوبر 28, 2006 Report Share Posted أكتوبر 28, 2006 يسلمو ماحوزي على طرح هذا الموضوع ... فعلا صارت المسلسلات لا تطاق مع انها قصص حلو لو عالجت بطريقة اخري ... كما وانها تعطي انطباع سئ وصورة مهزوزة لمجتمعاتنا .... Quote Link to comment Share on other sites More sharing options...
علاية Posted أكتوبر 28, 2006 Report Share Posted أكتوبر 28, 2006 انا معاك اخوي وتسلم على الموضوع لان كنت افكر اكتب موضوع بهل الصدد فعلا هالمسلسلات الحالية كلها هم وغم والله كل مسلسل خلص في الشهل الفضيل كانت نهايته بشعة او حزينة حتى تأثر في نفسية المشاهد والله، القناص شستفدنا منه؟؟ من فترة قريت بالجريدة عن صبي طق صديقه طق يبي يقلد القناص؟ احلى حلقة عندي"بلا رحمة" نهايتها هم حزينة وعورت قلبي وصراحة مع انه الناس احرار بس لبس الفنانات تغير صاروا عادي يلبسون اليد بدون اكمام والجبنيز والقصير قبل جم سنه مافي هاللبس؟ قيود الزمن نهايته غريبة ومالها معنى؟؟ للأسف الأمبراطورة م ومع انه قصة خيالية الاا انها تدل على فراغ ماله اساس ، يعني خلصت المشاكل والمواضيع الواقعية وحتى لو قصة كلها تلصق بين الفنانين والفنانات حتى كاد يعقوب يضم شيماء علي شهل الحركات مايدرون ان عندنا مراهقين وناس تطبق هاللي تشوفه، من جذي صار كل شئ عادي مثل قصه البوية اللي جسدتها شجون مادري شسمها وصارت منتشرة بديرتنا بس وين احنا ننفخ في جربة مبطوطة اختكم Quote Link to comment Share on other sites More sharing options...
Ba7rainia_Cz Posted أكتوبر 29, 2006 Report Share Posted أكتوبر 29, 2006 المشكله يا جماعه ان اغلب الناس يتكلمون وهم مو فاهمين كل مسلسل شفتوه قلتوا ما وراه هدف ولا قيم.. تعرفون ليش قاعدين تكررون هالجمله؟؟؟ لان قبل كم سنه لما طلعت مسلسلات فجر و وداد الكواري والكل حبهم.. الكاتبات قالوا ان احنه كنا نبي نحل قضايا المجتمع ونظهره حلى حقيقته وعندنا هدف والخ والباقي قام يعيد كلامهم وكأن محد له راي ولما شفتوا ان مسلسلاتهم تغيرت قلتوا وين الاهداف والقيم وهذا مايمثل مجتمعنا.. هاجمتوا الامبراطوره مثلا لان مسلسل خيالي.. في احد فكر ان المسلسلات والافلام الخياليه هي جزء من الفن اللي انتوا تتكلمون عنه؟؟ احسن الافلام الامريكيه واللي الكل تابعها مثل star track, lords of the rings والى اخره هي افلام خياليه.. هل قاموا الناس يقولون هاي الفلم ماله معنى ولا يمثل مجتمعنا و واقعنا؟؟؟؟ طبعا لا! لان هالشي واضح ان ماكان المفروض يكون واقع اصلاّ!! في شي اسمه entertainment!!!! ترفييييييييييييه ... هذي الاشياء للترفيه.. مثل ما ان فيه اخبار ومسلسلات دينيه و برامج اغاني وبرامج عن الحيوانات وغيرها وايد في مسلسلات خياليه ولا لها بالواقع اي صله.. يعرضونها للترفيييييييييييييييييييييه!! مو عشان تتعلمون منها! لاتقولين لي لبس ضيج ومشاهد مو واقعيه.. لان اصلا هذا هو الهدف.. ان مايكون واقعي.. وعلى قولة بحريني 17 اذا مو عاجبك شوف المسلسلات الدينيه.. اظن ان كل قصده ان التلفزيون في ألف برنامج وبرنامج.. وكل واحد يشوف اللي يعجبه ويريحه.. اللي يبي يرفه عن نفسه يشوف مسلسلات تعجبه وحتى لو كانت غير واقعيه وغير هادفه.. انه ادري اني ماقاعده اوصل اللي في بالي صح.. بس اتمنى بعضكم يفهمني خصوصا اللي يدرسون اعلام Quote Link to comment Share on other sites More sharing options...
علاية Posted أكتوبر 29, 2006 Report Share Posted أكتوبر 29, 2006 المشكله يا جماعه ان اغلب الناس يتكلمون وهم مو فاهمين كل مسلسل شفتوه قلتوا ما وراه هدف ولا قيم.. تعرفون ليش قاعدين تكررون هالجمله؟؟؟ لان قبل كم سنه لما طلعت مسلسلات فجر و وداد الكواري والكل حبهم.. الكاتبات قالوا ان احنه كنا نبي نحل قضايا المجتمع ونظهره حلى حقيقته وعندنا هدف والخ والباقي قام يعيد كلامهم وكأن محد له راي ولما شفتوا ان مسلسلاتهم تغيرت قلتوا وين الاهداف والقيم وهذا مايمثل مجتمعنا.. هاجمتوا الامبراطوره مثلا لان مسلسل خيالي.. في احد فكر ان المسلسلات والافلام الخياليه هي جزء من الفن اللي انتوا تتكلمون عنه؟؟ احسن الافلام الامريكيه واللي الكل تابعها مثل star track, lords of the rings والى اخره هي افلام خياليه.. هل قاموا الناس يقولون هاي الفلم ماله معنى ولا يمثل مجتمعنا و واقعنا؟؟؟؟ طبعا لا! لان هالشي واضح ان ماكان المفروض يكون واقع اصلاّ!! في شي اسمه entertainment!!!! ترفييييييييييييه ... هذي الاشياء للترفيه.. مثل ما ان فيه اخبار ومسلسلات دينيه و برامج اغاني وبرامج عن الحيوانات وغيرها وايد في مسلسلات خياليه ولا لها بالواقع اي صله.. يعرضونها للترفيييييييييييييييييييييه!! مو عشان تتعلمون منها! لاتقولين لي لبس ضيج ومشاهد مو واقعيه.. لان اصلا هذا هو الهدف.. ان مايكون واقعي.. وعلى قولة بحريني 17 اذا مو عاجبك شوف المسلسلات الدينيه.. اظن ان كل قصده ان التلفزيون في ألف برنامج وبرنامج.. وكل واحد يشوف اللي يعجبه ويريحه.. اللي يبي يرفه عن نفسه يشوف مسلسلات تعجبه وحتى لو كانت غير واقعيه وغير هادفه.. انه ادري اني ماقاعده اوصل اللي في بالي صح.. بس اتمنى بعضكم يفهمني خصوصا اللي يدرسون اعلام حبيبتي شدني ردج، وكلامج بعضه عدل وبعضه غير مفهوم" اي غير واضح، ويبيله شرح مختصر بشكل مفيد" انا درست اعلام، بس شالرابط اللي بينه وبين هالموضوع يعني القصد اني قريت ردج كذا مرة ماعرفت شاللي تبين توصلين له؟؟ ممكن تبينين لنا رايج احس عندج تفسير بيكون حلو Quote Link to comment Share on other sites More sharing options...
علاية Posted أكتوبر 29, 2006 Report Share Posted أكتوبر 29, 2006 اختي بحرينية سي زد كلنا ندري ان هالكتاب يبون يوصلون افكار ويطرحون قضايا وهم يبون يسلون الأفراد بأعمالهم الدرامية وغيرها لكن الأعتراض اللي قائم على الطريقة اللي فيها نوع من الخلل "طريقة توصيل الفكرة" الأغلبية ماتوصلهم الفكرة بالطريقة المفيدة، يعني المراهقين شيسون لما يطالعون لبس وتصرفات الأبطال مابيقولون هذي دور، لا بيقلدونه حتى لو فيه خطر، دون الأدراك، ولين سألتوهم بيقولون المسلسل الفلاني صار فيه جذي حبيت اقلد الفنان الفلاني بلبسه لاني احبه حتى لو لبسه كان مايناسب العادات والتقاليد، ولما قال اخوي ماحوزي ان الفتيات يقلدون الفنانات باللبس فعلا هذي اللي صاير يعني هالسنة اللبس كله قصير ويد قصيرة بس برزي روحج حق عقب جم سنه طالعي اللبس جم سنه الاا عقب فترة بسيطة بتشوفين مثل سالفة البوية اللي قبل كانت شبه معدومة لكن احين انترست الديرة منهم بسبب عمل درامي اختي وبالنسبة للترفيه والتغيير اللي تكلمتي عنهم،احنا لمسناهم فعلا،لكن وين وظيفة نقل التراث الأجتماعي والترابط ومراقبة البيئة مثل ماقال هارولد لاسويل هههههههه ماشفنا شئ لاتقولين لي لبس ضيج ومشاهد مو واقعيه.. لان اصلا هذا هو الهدف.. ان مايكون واقعي.. هالجملة ابيج توضحينها اذا تكرمتي لان اللبس الضيج صار واقع ونشوفه برع بسببهم وصار في تقليد احنا نحب الخيال ومافيها شئ اذا شفنا قصة خيالية بالعكس، لكن الخيال المفروض مايتعدى الحدود اختي انتي مالاحظتي التلصق اللي بين الفنانين والفنانات اللي كان قبل مستحيل نشوفه احين يدهم على بعض وغير الحركات اللي تحرجين لما يكون يمج ياهل او مراهق وشكرا اختكم Quote Link to comment Share on other sites More sharing options...
Ba7rainia_Cz Posted أكتوبر 30, 2006 Report Share Posted أكتوبر 30, 2006 انه معاكم ان اللبس والحركات اللي في المسلسلات تخجل العين لما تشوفهم.. انه ماكنت ضد اي احد من هالناحيه انه ضد اللي يقولون احنه نبي نستفيد ونتعلم من المسلسلات ونبيها تمثل واقعنا ومجتمعنا.. اعطيج مثال.. برامج داوود حسين اللي يقلد فيهم الممثلين والمغنيين.. هو نوع من انواع الترفيه .. ونفس الشي المسلسلات.. نوع من انواع الترفيه.. وانتي كطالبه اعلام تعرفين ان الاعلام التلفزيوني ينقسم الى عدة اقسام ومنها البرامج التعليميه والاخباريه والترفيهيه... اذا قلت لج صنفي المسلسلات وين بتحطينها؟؟ القسم التعليمي؟؟ ولا الاخباري؟؟ لا طبعا! بتصنفينه مع القسم الترفيهي... ودام انه ترفيهي ليش نطالب ونبي المسلسلات تكون تعليميه؟؟؟ نرجع للمثال... برامج داوود حسين مافيها رقص واغاني؟؟ مافيها بنات ترقص؟؟؟ مافيها لبس مادري شلون؟؟ قط سمعتوا احد يعترض عليها؟؟؟؟؟؟ انه شخصيا ما سمعت.. ليش ماكان فيه نفس النوع من الانتقادات؟؟؟ انه اقول لج ليش... لان الناس تقلد كلام الغير... مثل ماقلت في ردي السابق ان الكاتبات بعد مسلسلاتهم الاولى قالوا احنه كنا نبي نقدم مسلسلات واقعيه بطرح جرئ تمثل واقعنا عشان نتعلم منه ونصحح اغلاطنا... الحين الــــــــــــــــــــــــــــــــــــكل يعيد هالكلام وراهم وينتقد مسلسلاتهم الحاليه ليش ان هالكلام ماينطبق عليهم.. مافكروا ان هالمسلات موجوده اصلا عشان الترفيه وكل مسلسل يختلف عن غيره من ناحيه المضمون والهدف.. نرجع حق مثال (الامبراطوره).. ليش الناس اعترضوا ان خيالي وان فيه مسدسات وخطف والخ.. مو هذا نوع من مسلسلات الاكشن اللي نشوفها ونقراها في الكتب؟؟ يعني نوع ثاني من المسلسلات.. تغييييييير! بغض النظر عن لبس الممثلات اللي انه ما اعترض عليه ولا اشجعه.. (هذي مو سالفتي) الاخ اللي كتب هالموضوع كان عنده نقطتين.. 1) لبس الممثلات اللي يخالف الدين. 2) ان المسلسلات ماتمثل واقعنا ولا لها هدف.... وانه رديت على نقطته الثانيه وردا عليج اختي عن سالفة البويات.. انه متخرجه من الثانوي سنه 2001 وكان عندنا بويات في المدرسه.. يعني قبل مايطلع في المسلسلات.. وثاني شي عن اللبس.. يمكن اللبس يخلي المراهقات يبون يقلدون ويلبسون نفس الممثلات.. لكن كلنا عندنا اهل.. عندنا ام و اوبو وخال وعمه ينصحونا.. اذا الاهل سمحوا حق عيالهم يلبسون مثل هالبس معناته الخلل مو في المراهقات.. ولبس الممثلات اكيد مابيخلي الاهل الكبار يتخلون عن قيمهم وعاداتهم ولا بيسمحون حق عيالهم يقلدون.. الخلل مو في المسلسلات ولا من المسلسلات.. الافضل ان نفتح عيونا حوالينا عشان نعرف وين السبب الحقيقي.. اتمنى اني كنت اوضح هالمره.. تسلمين اختي على السؤال.. (وعلى فكره انه ابي ابحث وادقق في مجتمعنا والتغييرات اللي صارت فيه.. وابي احاول ألقى ناس معاي تساعدني.. وبعدين نقدر نصلح في مجتمعنا.. تساعديني؟؟) Quote Link to comment Share on other sites More sharing options...
بحريني محد يقدر عليه Posted أكتوبر 30, 2006 Report Share Posted أكتوبر 30, 2006 لأن الزمـن تغيـر ،، و إحنا أحين في زمـن العولمـــــه ،، يعني انت لما تمشي بـ الشارع ،، أو تروح مجمع ،، أكثـر البنات يكونون سفـور ،، و لا بعضهم قصير و ضيج و فاضح ،، فـ ليش يحجبون الممثــلات و مادري شيسوون ؟ عمومــن ،، يعطيكـ العافيه على هـ الموضوع الرائـع ،، تـ ح ــــياتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.