دلوعة مغرورة Posted سبتمبر 6, 2007 Report Share Posted سبتمبر 6, 2007 مشكوره ع البارت وفي الانتظار التكمله Link to comment Share on other sites More sharing options...
حلا الكويت Posted سبتمبر 6, 2007 Author Report Share Posted سبتمبر 6, 2007 الجزء الثالث بعد مرور اسبوع من الاحداث...طلال علاقته مع حلا زادت كان يوميا يكلمها ويطلع معها...وكان يتجاهل مسجات الحب من شذى واتصلاتها حتى انه غير رقم جواله خلاص يبقى ينساها قبل لا يتزوج حلا...لان ما يبي يظلمها معه وبالنسبه للصبي الي دعمته امامه...خلصت سيارته واتصل عليه طلال واستلمها منه بعد ما تشكر منه..... ********************** قعدت امامه هالمره من النوم بدري ...لبست على راحتها ونزلت تريقت مع امها وابوها وبعدها راحت لمحاضرتها....ما تبي يتكرر موقف اسبوع الي طاف وصلت قبل موعد المحاضره 5 دقايق لقت رفيجتها غنيمه جالسه....تعرفت عليها من أول سنه لها بالجامعه وسنه عن سنه تزيد صداقتهم ...غنيمه كانت حضريه بس كانت تملك تقريبا نفس شخصية امامه وهالشي الي ساعد في تقوية صداقتهم...... امامه :هاي غنيمه منصدمه:اموم شعندج مداومه مبجر؟ امامه:هههههه حرمت بعد الي صار ذاك الاسبوع غنيمه:هههه أي تعالي صار عليه؟ امامه:مافي أي شي جديد امس اخوي اتصل عليه وسلم له سيارته غنيمه:أي الحمدالله عدت على جذي شوي ولا يسمعون صوت شباب يتحمدون لواحد على السلامه...ومن عادت امامه لازم تلتفت تعرف شسالفه وانصدمت يوم شافت الصبي الي دعمته ملفوفه ايده ومجبسه...لفت راسها بسرعه لرفيجتها واهي ترتجف امامه:غنوم لحقيني ..بمووووووووت غنيمه مو عارف شسالفه:شفيج اموم؟ امامه:التفتي وراي شوفي الشباب غنيمه:شفيهم؟؟ امامه بخوف:شفتي الي جالسين حوله غنيمه تلتفت:أي شفيه؟ امامه ترتجف:شفتي الي يسلمون عليه؟ غنيمه:واااي أي شفيه؟ امامه تغمض عينها:هذا الي دعمته لااااا يا ربي معاي بنفس المحاضره لااااااا غنيمه:هههههههههههه حلفي امامه بعصبيه:من صجج انتي تضحكين؟ غنيمه:هههههههههه وليش معصبه؟ امامه بتبجي خلاص:تلقينه الحين يقول لربعه هذي الي ما تعرف تسوق اهي الي دعمتني وعاد اخذي على شماتت الشباب غنيمه ماتت من الضحك:هههههه من صجج انتي؟!! امامه توقف:خلااااااااص انا بطلع ما اقدر اقعد غنيمه تمسكها من يدها:وين بتروحين يالمينونه ما يدري عنج اصلا ما شافج؟ امامه:يا ربي شسوي غنيمه:انتي لا تلتفتين ...ماراح يشوفج دخل الدكتور والكل جلس بمكانه ...وتم يشرح وامامه بعالم ثاني ....اما الصبي فكان جالس بناحية اليمين بعد سطرة الي جالسه عليها امامه بسطرتين...يعني ممكن انه يشوف كل الي جالس جدام.... طبيعة دكتورهم مو حلوه اذا لاحظ احد سرحان يسأله ويحرجه جدام الكل..واهو جذبت نظره امامه لانها كانت سرحانه وما تكتب شي وخاصة انه يعرفها دوم تحضر متأخره الدكتور:انتي جاوبي؟ الكل يلتفت على وين يأشر ...امامه كانت بعالم ثاني...بس غنيمه طقتها من تحت وساسرتها غنيمه بصوت واطي:اموم الدكتور يسألج ردي عليه امامه بخوف:نعم أول ما قالت نعم التفت الصبي على مصدر الصوت يعرف هالصوت جدم نفسه شوي وانصدم يوم شاف البنت نفسها الي دعمته...البنت الي من أول يوم شافها ماراحت عن باله...حس انه بيطير من الفرحه (معاااااي بنفس المحاظره ما اصدق) الدكتور:جاوبي على السؤال امامه ما كانت تدري اهو كان يتكلم عن شنو او شنو سألهم نزلت راسها وسكتت الدكتور بصوت عالي شوي:مره ثانيه انتبهي معاي وانا اتكلم..شسمج؟ امامه منحرجه :امامه جاسم علم الدكتور عند اسمها والصبي انقهر من الدكتور حس انه احرجها فرفع ايده الدكتور:نعم الصبي:اجاوب الدكتور: تفضل فيصل بعد ما خلص اجابته ورد الدكتور يشرح ...امامه التفتت تبي تعرف مين الي نقذها..طاحت عينها بعينه وابتسم لها واهي أول ما شافته ما عرفت شتسوي نزلت راسها بسرعه..... بعد ما خلصو المحاضره...طلعت امامه وغنيمه رايحين الكفتيريا وطول الطريج واهي تسب بالدكتور امامه:بغيت اذبحه ..شفتيه كيف فشلني غنيمه:هههههههه عادي بس حبيب القلب انقذج امامه طقها بنوت الي بايدها:جب وبلا كلام زايد واهي طقها ما كانت تشوف جدامها إلا تصطدم بواحد وطيح منها النوت و كتب الي دعمته نزلت تاخذ الكتب واول ما رفعت عينها بتمد له الكتب...انصدمت لاااااااااااا مو معقوله حرام الي يصير اهو مره ثانيه امامه منحرجه:أسفه فيصل بابتسامه ياخذ منها الكتب:ما عليه امامه قصبن عليها ابتسمت له:هذي المره الثانيه الله يستر من الجايه فيصل:ههههه ما عليه امامه تأشر على ايده المجبسه:هذي بسببي يوم دعمتك؟ فيصل:أي بس تراه كسر بسيط مو اكثر وهالشي مكتوب امامه حست انها لازم تمشي:انا اتأسف للمره الثالثه ما كنت اقصد فيصل يبتسم له:حصل خير امامه ما صار شي امامه استغربت يوم عرف اسمها بس تذكرت الي صار بالمحاضره وحبت انها تشكره امامه بحيا:مشكور على الي سويته اليوم فيصل يسوي نفسه مو فاهم عشان اتم زود:على شنو؟ امامه باحراج:لو ما كنت رافع يدك جان اهو تم يهزأ بي فيصل:هههههه لا عادي حياج امامه:عن اذنك...واتأسف مره ثانيه فيصل:لا هذي المره رابعه امامه ما قدرت ما تضحك:ههههههه فيصل تم يتامل ضحكتها واهي انحرجت وسلمت عليه ومشت على طول أول ما وصلو الكفتيريا غنيمه:يعني الحين بتفهميني أنج مخليه كل شباب الكليه وتدعمين شخص واحد مرتين امامه:ههههههههههه شسوي بعد طلع بوجهي بس والله فشله غنيمه تغمز لها:فشله وانتي طيحتي معاه سوالف وهذره امامه:ما كنت اهذر معه..كنت اتشكر من الي سواه اليوم غنيمه:أي خير علي انا هالكلام امامه:غنوم يوزي عني تراني موصله حدي غنيمه:طبعا بتفكرين شلون بتصبرين اسبوع يلا تشوفين حبيب القلب امامه تكب عليها شوي ماي من الي كانت تشربه:حطي لسانك داخل فمك لا قصه لك غنيمه:هههههههههه يا حماره اللحين كيف بمشي امامه:لا تحاتين انتي بالكويت اوقفي بشمس دقيقه وتنشفين هذا اذا ما تفحمتي غنيمه:ههههههههههههههههههه امامه:تصدقين غنوم؟ غنوم تمسح الماي:ها؟ امامه:نظراته تذبحني فيه حور بعيونه تعطيه ملامح طفوليه غنوم:هههههههههههه يعني صاحبك فيه حور امامه تتنهد:ايه غنوم:ههههههه عيل من يوم ورايح نسميه بو حور امامه:ههههههههههه ليه له اسم اسمه فيصل غنوم بصدمه:بعد حفظتي اسمه امامه:اهو بعد عرف اسمي غنوم بجد:اموم ديري بالج لا تستعيلين بحبج له امامه:هههههههههههه أي حب أي خرابيط بس انا اسولف لك مجرد اعجاب مو اكثر غنيمه:بنشوف يا اموم *********** حلا وطلال على اتفاق تام انهم يتمون اخوان مو اكثر وهالشي حلا الي ابتدت فيه لانها تعرف وواثقه أن في بنت بحياة طلال بس تبقيه يصارحها حلا كانت بالعياده مندمجه بملف المريض الي جدامه ....رن جوالها واهي ردت عليه من دون لا تشوف الرقم... حلا بتعب:الووو طلال:احلى الو حلا ابتسمت:هلا طلال طلال:افا ما عرفتيني حلا:رديت بدون لا اشوف الرقم طلال:اها ..وينج الحين؟ حلا:انا بالعياده..خير.؟ طلال:كنت بعزم احلى حلا على الغدا حلا بفرح:وحلا ما تقدر تقول لأ دام العزيمه منك طلال بفرح:يا بختي كذا انا ما اقدر خفي علي شوي حلا:ههههه اخوي وبتغلى عليه من حقي طلال تضايق من كلمة اخوي ما يعرف ليش...كان يعتقد بتقول له حبيبي او ريلي أي شي غير اخوي حلا:الو طلال..معي طلال عصب:انا 10 دقايق وامرك حلا مستغربه من تغير مزاجه:بس انا جايه بسيارتي طلال مهو قادر يفكر :خلااص خليها على العشى او ماله داعي احسن باي حلا منصدمه من اسلوبه المفاجأ:باي تمت حلا تفكر بطلال ((شفيه جذي فجأه تغير ..انا ما قلت له شي؟؟ ولا اذكر اني غلطت بحقه؟؟؟... الله يعيني عليك يا طلال مزاجك تغير صار وايد صعب)) طلال من الناحيه الثانيه مو عارف ليش سوى جذي ...(( الحين انا زعلت لانها قالت لي اخوي...مو هذا الي ابيه!!...ليش صرخت عليها...يا ربي ليش احس اني ابيها وبنفس الوقت ما ابيها تكون زوجه لي....اخاف يا حلا اني احبك ..مع انك زوجتي ولي الحق بس ما اقدر...سامحيني قلبي لشذى وبس)) دخل طلال البيت واهو معصب على الآخر ...شافته نوال خافت عليه راحت صوبه بسرعه نوال بخوف:طلال ايش فيك؟؟؟ طلال:ما فيني شي يمه نوال:كيف ما فيك شي...وشكلك كذا طلال يصعد الدري:يمه تعبان ابي انام...لا تقعدوني على الغدا نوال مستغربه:أن شاء الله قعدت نوال بالصاله تابع برنامج طبخ ...رن جرس الباب افتحت الشغاله ودخل مشعل ..سلم على نوال وقعد جنبها نوال:حيا الله من جانا مشعل:الله يحييك نوال:ما بغيت تجي تتغدا عندنا هذا بيت اختك مو بيت احد غريب مشعل:ما عليه يا نوال ظروف الدنيا نوال:انت لو تسمع كلامي وتتزوج ما بتكون حياتك كذا مشعل بضيق:نوال انتهينا من هالموضوع نوال تقرب منه:يا مشعل قولي منو اهي وانا اخطبها لك مشعل بحزن:ما في فايده نوال البنت راحت بنصيبها نوال تضايقت على حال اخوها:تلقى غيرها يا مشعل مشعل يبتسم بحزن:ما بلقى مثلها ابد اقطعت كلامهم الشغاله... الشغاله(ميري):ماما نوال ماكو لبن حق غدا نوال:الحين جايه تتكلمين يوم قرب موعد الغدا ميري:شنو سوي ماما انا توني اكو شوف نوال:خلاص روحي المطبخ ميري راحت المطبخ واهي تتحلطم على نوال نوال :ذبحتني هالشغاله مشعل يوقف:انا اروح اجيب من الفرع نوال:لا خلك بمكانك اقول لامامه واهي جايه تجيب معها مشعل:براحتج دقت نوال على امامه واهي بالجامعه...كانت تمشي بالمواقف رايحه لسيارتها...اول ما شافت الرقم ردت على طول.. امامه:هلا بالزين كله نوال:هلا بزينة البنات..وينج حبيبتي؟ امامه:انا بالجامعه يمه الحين راده البيت نوال:اجل جيبي معك لبن من الجمعيه للغدا امامه:من عيوني نوال:تسلم عيونج حبيبتي....لا تتأخرين خالك مشعل عندنا امامه:صدق مشعلووه عندنا حدي ولهانه عليه نوال بعصبيه:مشعلوووه بعينك عيب عليك هذا خالك مشعل يسمع نوال ويضحك عليها كيف معصبه امامه:ههههه انزين يمه لا تعصبين نوال:بلا هرج زايد ولا تسرعي بطريق امامه بملل:أن شاء الله يمه والله اني حفظت هالجمله من كثر ما تقولينها نوال:أي باين عليك انك حفظتيها ابد ما سويتي حادث امامه بدلع:يمه كنت مستعجله على المحاظره شسوي نوال:الحمدالله الله ستر ما صار بولد الناس شي امامه تغمض عينها تذكره:...... نوال:الووو اموم امامه:خلاص يمه جايه بطريق أن شاء الله نوال:اوكي باي امامه :باي ركبت امامه سيارتها وراحت الجمعيه القريبه من الجامعه تشتري لامها تمت تحوس بالجمعيه أول مره تدخلها شافت واحد معطيها ظهر ظنت واحد من الي يشتغلون بالجمعيه كان لابس بلوزه بيضه وبنطلون جينز فاتح ويحوس بالارفف ... امامه:لو سمحت وين القى اللبن؟ التفت الريال على الصوت الي يكلمه وانصدم يوم شاف الي جدامه امامه تمنت الارض تنشق وتبلعها ولا يصير معاها كذا .... امامه منحرجه:انا..ما..كنت ..على بالي انك... فيصل وده يموت من الضحك على شكلها بس من داخل متشقق أن شافها صارله يومين يدور عليها بالجامعه فيصل بابتسامه حلوه:تبين مكان اللبن امامه عينها بالارض وتهز راسها بمعنى نعم فيصل ياشر بصبعه:هناك آخر ثلاجه تلقينه امامه بصوت واطي:مشكور وتنحاش على طول يوم وصلت خذت اللبن وتمت تضحك بقلبها على الموقف (( يعني انا ما لقيت إلا هالريال اسأله...امبيه شبيقول عني اللحين اكيد على باله اقصده...يا ربي والله فشله..بس متغير أول مره اشوفه مسوي قفل وايد احلى عليه ..)) ردت للواقع وخذت اللبن وحاسبت وطلعت شافته يركب سيارته ويبتسم لها...اهي نزلت راسها وعلى طول ركبت سيارتها وقلبها يدق بسرعه... ما فيصل استغل هالفرصه وعرف سيارتها... *************** طلال كان بغرفته يتغلب بسرير مهو عارف شيسوي ....حس انه غلط بحق حلا يوم صرخ عليها ...ماسك جواله بيده ومتردد يدق عليها يراضيها بكم كلمه....((ليش صرخت عليها اهي ما تستاهل الي اسوي فيها...انا ليش افكر فيها كيفها بتزعل ولا لأ انا ما يخصني شي ...اصلا اهي حاسه أن قلبي ملك لغيرها .....اهي الي وافقت على هالزواج بكيفها خل تستحمل..قلبي عمره ما بيكون لها)) رمى موبايله على الارض وغمض عينه وراح في سابع نومه...... ****************** بعد الي صار بينهم طلال صارله يومين ما كلم حلا ولا سأل عنها ...وحلا المسكينه خايفه عليه وتحاتيه ..ما تعرف كيف تتصرف معه ..صار مزاجه صعب..ما يرد على مكالمتها ولا مسجاتها... بس حبها له يخليها تسوي أي شي عشانه حتى أن كان هو الغلطان...قاعده بالعياده تفكر بلي اخذ منها قلبها وصار يشغل كل بالها وتفكيرها....اتصلت على امامه تبي تسأل عنه مهي قادره تستحمل بعده عنها زود..تم يرن يرن بس ما ترد قالت اكيد بالمحاظره ((اففف شسوي الحين....صارلي يومين مادري عنه...يا ربي اخاف فيه شي...ما ابي ادق على البيت اخاف خالتي نوال تحس بشي....)) تحوس بأوراقها وبالها مع طلال تبي تكلمه وتطمن عليه ..مهي قادره تشوف أي مريض كنسلت كل مواعيدها....فكرت تدز له مسج بس اكيد بيحقرها..اخر شي قررت تروح له المكتب وتشوفه فيس تو فيس ************************** طلال الي كان ناوي يروح لحلا ويراضيها ...بعد تفكير طويل اخذ لها باقة ورد وتوه بيطلع من مكتبه ...ينصدم من الي جدامه طلال بصدمه:ششش شش شذى!!!!! شذى تقرب منه:أيه شذى يا طلال شذى الي نسيتها طلال حس أن حواسه كلها انشلت:.......... شذى تمسكه من قميصه وبكل دلع:نسيتني طلال؟؟ طلال يرجع خطوه للخلف:ليه جايه؟ شذى تقرب منه بعد ما سكرت باب المكتب:لاني احبك ومستحيل اتخلى عنك طلال يبتعد عنها:شذى الله يعافيك الحب الي بينا انتهي لازم تنسيني شذى:انساك!!! هذا من سابع المستحيلات..طلال انت تعرف شكثر احبك شلون تبيني انساك بيوم وليله طلال يتعذب من كلامها:بس انا ريال متزوج اللحين ما يصح الكلام الي تقولينه شذى:ما يهمني المهم ابيك لي طلال طلال :انا صرت لغيرك شذى بصراخ:لاااا تقول جذي انت لي انا وبس طلال :شذى هدي شوي احنا بالشركه شذى تبجي وتمشي رايحه وراده بالمكتب:طلال ليش تسوي فيني جذي انت وعدتني بالزواج ليش جذبت علي طلال عوره قلبه :شذى انا احبك والله احبك وابقى اتزوجك بس ما اقدر شذى تروح له وتقعد جدامه:ليش ما تقدر ؟؟ليش؟؟ طلال ما عرف شيرد عليها نزل عينه بالأرض:........... شذى بصوت كله عذاب:انت تحبها؟ طلال رفع عينه لاول مره احد يسأله هالسؤال:...... شذى منصدمه:ساكت ..يعني تحبها طلال:انا..انا.. شذى تشد قميصه وتصارخ:جذاااااااب انت ما تحبها تحبني انا وبس طلال تنزل دمعه من عيونه:أي احبك انتي ..انتي يا شذى الي بقلبي بس ما بايدي شي اسويه زواجي من حلا تم وما اقدر اسوي شي..بس صدقيني محد ساكن قلبي غيرك شذى تترجاه:طلقها طلال وخل نعيش حياتنا طلال بعصبيه:هالموضوع تناقشنا فيه وقلت لك طلاق ما بطلق كيف تبغيني اطلق حلا شذى:ولييييش ما طلقها اهي منو؟.؟؟ مو تقول ما تحبها خلها تروح بنصيبها طلال يشد على ايدها:مو عن ما احبها يعني اكرها حلا عزيزه على قلبي وما مر يوم زعلتني فيه شذى بترجي:راضيه اكون زوجتك الثانيه بس اكون معاك طلال :تبيبني اتزوج على حلا!!! مستحيل ما اقدر شذى تبجي:طلال حرام عليك لا تقول جذي كلامك يعذبني طلال يبي يقهرها وقف بعيد عنها واهو داري أن الكلام الي بيقوله يجرح فيه نفسه قبل لا يجرحها طلال:خلاص شذى انا قمت اميل لحلا وان شاء الله اهي بتنسيني حبي لك وبحبها لي راح نقدر نكمل حياتنا وانا احس وايد مرتاح معها..وانتي أن شاء الله بتتزوجين وتنسيني شذى:لاااااااااااااا انت جذاب تقص علي طلال قلبه ذاب من الكلام الي يقوله:انسيني يا شذى وللأبد شذى تترجاه:طلاااااال انا احبك حرام عليك طلال يلف وجه عنها:ردي بيتكم شذى شذى تناظره بانكسار:...................... طلال يلف عليها وبكل جديه:خلاص انسيني واذا صحيح تحبيني اتمني لي السعاده مع حلا وانا من كل قلبي اتمنى الله يرزقك الرجال الصالح شذى تمت تناظره :هذا اخر كلام عندك طلال بحرقه:أي هذا اخر كلام عندي شذى والشر يطلع من عينها:وانا اقول لك انت لي انا وبس وجدامي العمر كله يا طلال وانا انتظرك لان ادري انك ما تقدر تنساني ولا حلا تقدر تنسيك حبي طلال : شذى طلعي لا تخليني اعصب شذى:انا بطلع بس لا تتوقع بخليك تعيش بسعاده لانك لي وانا لك..لو هالشي بياخذ من عمري..لو ادمر حياة الكل انت لي انا وبس مع السلامه حبيبي طلعت من المكتب وطلال مو مصدق الي صار حس بخنقه مهو قادر يتنفس وعوار بطنه بدا يرد عليه...قعد على كرسي المكتب وفتح زرار قميصه وتم يتنفس بصعوبه ويتعصر.... بهاللحظه باب المصعد انفتح وطلعت منه حلا وركبت فيه شذى الي كان شكلها مو مرتب خاصة المكياج اخترب من البجي ....قلب حلا نقزها من هالبنت بس تعوذت من بليس وكملت طريقها وشذى بعالم ثاني تفكر كيف تاخذ طلال من حلا الي ما كانت تبعد عنها غير شبرين لو كانت تدري جان نتفتها بيدها من الحره الي بقلبها....... وصلت حلا عند باب المكتب واخذت نفس عميق ودخلت...... تغيرت ملامحها يوم شافت طلال طايح على الارض واهو يعتصر من الالم... ركضت صوبه واهي تصارخ على احد يساعدها حلا تبجي:طلال..طلال حبيبي رد علي شفيك طلال كان مصكر عيونه ما يقدر يفتحها ويحس بصعوبه بالتنفس بس كان يسمعها فرح بقلبه يوم سمعها تناديه حبيبي..انا حبيبها !!! آآآآآه يا حلا جان زين اقدر اعطيك قلبي حلا يزيد صياحها وتهزه من كتفه:طلال تكفى رد علي...(تصارخ) احد يجي يساعدني جت السكرتيره وبعدها الكل التم من صراخ حلا..وطلبو الاسعاف ونقلوه المستشفى حلا ركبت معه بسيارة الاسعاف وطول الطريق ماسكه يده وتبكي...واهو راح بعالم ثاني بعيد عن عالم حلا وشذى....وجاسم لحقهم هو وناصر بسيارته وصلت سيارة الاسعاف المستشفى وفحص عليه الطبيب وطلع عنده فشل كلوي يعاني منه من زمان بس اهو متجاهله ..وضروري عملية زرع كليه ... حلا الي كانت منهاره من البجي وابوها يحاول يهديها...وعمها جاسم كان عند الدكتور وعرف شفيه طلال...طلع عند حلا يطمنها... حلا تبجي:عمي شفيه طلال...؟؟ جاسم:ما فيه شي يا بنتي هدي ماله داعي للصياح حلا:كيف تبغيني اهدا يا عمي وانا شفته بعيني يتألم جاسم:ما فيه إلا الخير اهو مرهق من الشغل حلا انهارت حست أن عمها يخبي عنها شي:عمي ارجوك قولي شفيه طلال ناصر:يا بنتي ما يصير إلا تسوينه بنفسك هدي شوي جاسم يسحب ناصر على جنب عشان حلا ما تسمعه جاسم بصوت واطي:طلال محتاج لكليه وانت عارف أن انا عايش على كليه وحده ناصر منصدم:يعني طلال ورث نفس المرض جاسم:الظاهر كذا عنده فشل كلوي ناصر:انا عمه واكيد بتكون مناسبه له جاسم:اهو ما يحكم القرابه المهم انت روح عند الدكتور خل يسوون لك فحص وانا بنشر اعلان اذا في متبرعين ناصر:أن شاء الله...بس حلا؟ جاسم:حلا خلها علي ..اخذها للبيت و هناك اقولهم ناصر :الي تشوفه راحت حلا مع عمها جاسم ...وطول الطريق تحاول تعرف منه شفيه طلال بس اهو يقولها تصبر لين يوصلون.... نوال انصدمت يوم شافت وجه حلا الي كله صياح... نوال بخوف: ليه تبكين يا حلا.؟.؟. حلا تلم نوال وتبجي بحضنها:خالتي طلااال طلال نوال تشوف جاسم:شفيه طلال جاسم:ما فيه إلا الخير انتو اهدو شوي عشان اعرف اقولكم نوال تهدي حلا:خلاص حبيبتي هدي شوي امامه نزلت من فوق يوم سمعت صراخهم...شافت امها ضامه حلا واهي تبجي بحضنها...ركضت صوبهم امامه بخوف:خير يمه صاير...؟؟!!! حلا يوم شافت امامه لمتها وتمت تصيح:طلال يا ميمي طلال اخوج امامه بصراخ:طلول شفيه؟؟؟؟؟ جاسم بعصبيه:بس يا حلااا خالص قلت لك طلال ما فيه شي اهدي خل اعرف اقول لكم حلا جلست جنب نوال وتحاول تمسك دموعها,,,اما نوال وامامه جالسين على اعصابهم مو عارفين ايش السالفه نوال الي للحين ماسكه نفسها:ممكن تفهمني وشفيه طلال؟ جاسم بهدوء:طلال فيه فشل كلوي نوال مسكت قلبها و حلا تمت ساكته من الصدمه امامه:كيف.؟؟ ومن امتى.. ؟؟ جاسم:الظاهر انه مصاب فيه من زمان بس اهو مجاهله وهالشي خلاه يوصل لمراحل متأخره والحين محتاج لكلى حلا :انا يا عمي انا مستعده اعطيه جاسم مستغرب:أن شاء الله نلقى متبرع انتي مو ملزومه حلا :كيف تقول كذا عمي..انا مستعده اعطيه قلبي لو يبقى نوال كبرت بعينها حلا:لا يا بنيتي انتي توج صغيره حلا تترجى عمها:عمي تكفى خل اسوي التحليل اذا طلع ينفع خلاص اهم شي عندي طلال يعيش جاسم بعصبيه:شالكلام انا ما ارضى تعطين كليتك له والكلام انتهى امامه:خلاص يبه انا بسوي الفحص جاسم يوقف وبكل عصبيه:ولا وحده منكم بتتبرع له هذا آخر كلام طلع عنهم وخلاهم بحيرتهم..طبعا جاسم قال كذا يظن أن حلا بتعايره طول حياته بكليتها الي متبرعه فيها ...وما حب يرضى لامامه حتى ما يعطي فرصه لحلا مر يومين العايله كلها بالمستشفى عند طلال...وحالته تسوء يوم عن يوم وما في أي متبرع مناسب..وناصر ومشعل ما تصلح كليتهم لطلال... حلا من ورا عمها سوت الفحص وطلعت مناسبه ..واتفقت مع الدكتور أن ما يخبر احد من الاهل لان حلا تعرف الدكتور زميلها بالمستشفى قبل واهو وافق واتفقو يقولهم انه متبرع رجال وما يبغى احد يعرفه....طبعا الوحيد الي كان يدري ناصر وامامه واهي حلفتهم ما يقولون لاحد خاصة طلال... الكل كان ينتظر طلال يطلع من غرفة العمليات ...وجاسم حاول مع الدكتور يعرف المتبرع بس ما في فايده.... طلع طلال من غرفة العمليات ...بعد ما نجحت زرع الكليه...ونقلوه غرفته تحت تأثير المخدر ..والدكتور طلب منهم يردون البيت ويردون له باجر يكون طلال صحى .... جاسم ونوال وامامه رجعو البيت....ومشعل الي استغرب عدم وجود حلا ..ونوال سالت وردت امامه أن عندها دوام متأخر.... بعد ما الكل راح ....راح ناصر يسأل عن حلا والدكتور طمنه عن حالتها..وقاله نفس الكلام بالنسبه لطلال انها تحت المخدر .... ************************* قعدت نوال من النوم امبجر تبي تكحل عينها بشوفة ولدها طلال.... نوال تقعد جاسم:بو طلال ...بو طلال جاسم:اممممم نوال:اصحى ابقى اشوف ولدي جاسم:ساعه كم اللحين نوال:7 الصبح جاسم:حرام عليك يا مره الزياره الساعه 8 نوال: على ما تجهز انت وبنتك تكون صارت 8 جاسم يقوم بملل:أن شاء الله راحت نوال تقعد امامه واهي لبست بسرعه خاصة أن عندها كويز ساعه 11 الظهر وما درست له ... خلص جاسم وطلعو يميع رايحين لطلال..... أول ما وصلو استغربو وجود ناصر بالمستشفى بس الوحيده الي كانت تدري امامه... سلمو عليه وعلى طول دشو لطلال ....وامامه وقفت بره تسأل عمها عن حلا... امامه:عمي طمني صار على حلا ناصر :الحمدالله اهي قعدت من البنج وباجر الصبح بتطلع امامه:شبنقول اذا سألو عنها ناصر:انا نفسي مو عارف شقول اكيد طلال بيسأل عنها امامه بضيق:حتى امي وابوي مستغربين انها مو موجوده ناصر:اذا اسألو قولي لهم انها مريضه حيل وما تقدر تجي امامه:أن شاء الله وبعدها دخلو عندهم عشان ما يشكون بالوضع طلال طبعا ما صدق يوم عرف الي فيه...وتعب من كثر ما تسأله امه وتأنبه ...شوي ويدخل عليهم مشعل... مشعل:السلام عليكم الكل:وعليكم السلام مشعل يروح لطلال: حمد الله على سلامتك طلال:الله يسلمك مشعل:خوفتنا عليك..ليش ما قلت لنا من قبل طلال:والله يا مشعل ما كنت ادري على بالي آلام عاديه مشعل:الحمدالله على كل حال طلال طول الوقت أول ما دشو واهو فاقد حلا ...يذكر آخر كلمه سمعها واهي تناديه حبيبي...بس استغرب انها مو موجوده نوال:شفيك يمه طلال خالك يكلمك طلال:خير مشعل ما سمعتك مشعل:هههههههههه خلاص كلامي ما ينعاد طلال:براحتك...اقول اموم امامه خافت لانها تدري أن بيسألها عن حلا:خير طلال:حلا وينها؟؟؟ امامه تشوف عمها:مريضه طلال ما صدقها:عمي حلا شفيها؟ ناصر:البنت شوي تعبانه ما قدرت تقوم من الفراش أن شاء الله باجر تجي لك طلال يحس أن عمه خاش عنه شي:عمي حلا فيها شي؟ ناصر:يا ولدي ما فيها شي بس تعبانه طلال:يمه انا كيف جيت هنا؟ نوال:حلا دخلت عليك المكتب ولقتك طايح بالارض طلال يذكر ذاك اليوم وضاق صدره يوم تذكر الكلام الي قاله لحبيبة قلبه شذى....وكيف جرحها((كلا منك يا حلا..انتي الي فرقتينا عن بعض...والحين مو جايه تسألين عني...حتى ما كلفتي نفسك ترفعين التليفون..انا الغلطان يوم ظنيت انك ممكن تنسيني حبي لشذى....انا راح اعلمك مين طلال...)) امامه تقطع تفكيره:طلال انا استأذن اللحين عندي كويز بروح ادرس له طلال:مشكوره حبيبتي تعبتج معاي امامه تضحك له:تعبك راحه يا احلى اخو بالكون أن شاء الله العصر اجيلك طلال:اوكي نوال:ديري بالك على نفسك ولا تسرعي امامه:أن شاء الله يمه ....مع السلامه الكل:مع السلامه *********************** حلا الي أول ما فتحت عيونها شافت ابوها يمها اسألته عن طلال واهو طمنها...وبعدها طلع عنها راح لطلال حتى ما يشكون بالموضوع... تحس بألم بطنها بس يوم تذكر انها تبرعت لحبيب قلبها طلال تنسى الألم ....لو بيدها تقوم تروح تجلس يمه ..تبي تكون معه لآخر لحظه بحايتها...بس طلال بيبادلها نفس المشاعر ولا بيتم يجاهلها كزوجه.... **************** وصلت امامه الجامعه اتصلت على غنيمه قالت لها انها تنتظرها بالكفتيريا..اول ما وصلت اشرحت لغنيمه الي صار لطلال عالسريع و بدو دراسه بعد ما مرت عليهم ساعه كان يعمها الهدوء...فجأه صرخت غنيمه خلت الكل يلتفت غنيمه بملل:وااااااااااااااي امامه مركزه:................ غنيمه تتأفف:افف شنو هذا ماني فاهمه شي امامه:ههههه يعني انا الي فاهمه غنيمه:اموم لا نحضر ليكون عاد بنقدم شي امامه تشوف الورقه الي جدامها: ولو لازم نحضر غنيمه تشوف بنت مقربه صوبهم.. البنت:هاي بنات امامه وغنيمه:هايات البنت:انتي غنيمه صح غنيمه مستغربه:أي نعم البنت تأشر على امامه : اممم ما اذكر اسمج بضبط بس الي اعرفه انكم معاي بالورشه امامه:أي تذكرتج البنت:بس حبيت اقولكم أن الدكتور اعتذر لاني قاعد اشوفكم تراجعون غنيمه بفرح:صج.. البنت تضحك عليها:أي صج توني راده من مكتبه غنيمه:يس يس واخيرااا غاب ما اصدق بعزمكم على الغدا البنت:ههههه لا مشكوره انا برجع البيت حدي تعبانه طول الليل سهرانه ادرس غنيمه:وييييي خليج مثلنا درسي قبل الكويز بساعه البنت:هههههههه بدعتو امامه:ههههههه مشكوره حبيبتي والله انك ريحتينا البنت بابتسامه:العفو..انشوفكم باي غنيمه وامامه:باي غنوم تصفق بايدها:واااي ما اصدق وناسه امامه:هههه فشلتينا عيب الي يسمعج مأجل امتحان ما جنه كويز وسؤالين بس غنوم:ولو اسمه شي تأجل...اموم قومي وديني أي مكان خل نحتفل امامه:هههههههه اشهد انك مو بصاحيه...انا بروح البيت اريح شوي وبعدها ارجع لطلال المستشفى غنيمه باحباط:وانا!!! امامه:انا الي استغربه منك كيف زوجك مستحملك 24 ساعه لاهيه عنه غنيمه:حتى اهو عنده شغل ما يرجع إلا 4 العصر وبعدين حرام عليج مو 24 ساعه بس وقت الدوام امامه:خلاص اجل روحي البيت طبخي له شي ياكله مو كل مره من الخادمه غنيمه :روحي زين تسوين نفسج ما تدرين أن ما اعرف اطبخ وبعدين انا ادرس يعني من حقي أن اييب خادمه امامه:عشان كذا ما اييد زواج وقت الدراسه غنيمه:تمي عانس عيل... امامه:سم الله علي من العنوسه غنيمه:دامج ترفضين كل واحد يتقدم لج بتعنسين وبطيحين بجبد اهلج امامه تشهق:انتي ليه لسانك كذا طويل الله يعين زوجك عليك مأكلته الويل غنيمه:يولي زين اصلا يحمد ربه اني رضيت فيه ..روحي بيتكم آنسه امامه لا تتأخرين احسن لج امامه:وانتي؟؟؟ غنيمه :بمر على ماما شوي وبعدين برد البيت امامه تلم اغراضها:اوكي عيل اشوفك باجر ...باي غنيمه :باي راحت امامه لسيارتها...وكانت المواقف بعيده تمت تمشي بالحر واهي تتأفف من الجو...وصلت السياره وبكل تعب شغلتها واهي راجعه بالسياره بتطلع من المصفط حست أن السياره مو متزنه ...ردت وقفتها ونزلت تشوف التاير....لقت واحد منهم مفشوش ....استغربت لان السياره ما كان فيها شي يوم نزلت منها ....تمت واقفه بمكانها مو عارفه شتسوي طلال بالمستشفى ما عندها غير مشعل...مسكت الموبايل بيدها واتصلت على مشعل ...((الرصيد غير كافي لاكمال المكالمه...)) ((امامه بقهر:لاااااااااااا ما اصدق ما عندي رصيد شلون بدق عليهم اللحين ...مو معقوله برد ليه غنوم مره ثانيه يا ربي وقته اللحين بهالحر..ومطينة التعبئه بعيده ....افففف شالحال)) من بعيد كان يراقبها فيصل واهو متشقق أن خطته انجحت بعد ما عرف سيارتها قرر يكلمها ما لقى غير هالطريقه....مر بسيارته ناحيتها ولا كأن مسوي شي ...مر من صوبها بعدها رجع ليه وره وفتح الدريشه وبابتسامه فيصل:بغيتي شي اختي؟ امامه كانت معطيته ظهرها واهي تسب وتلعن بالرصيد وبالحاله الي اهي فيها امس تمت تقرق طول الليل مع غنوم ونست تعبي ...التفتت على الصوت لقته فيصل ملامحها كلها تدل على صدمتها ((ما اصدق مستحيل ما في احد بالكليه غيره كل مره بويهي)) فيصل من داخله ميت ضحك على شكلها بس رد كرر سؤاله بطريقه ثانيه:محتاجه شي ؟ امامه بغرور:مشكور فيصل وماسك ضحكته:خير شفيها السياره؟ امامه تلف عنه وتروح لسيارتها:قلت لك ما فيها شي ..تفضل فيصل يصفط سيارته على جنب وينزل:دام فضلج امامه بحلقت عينها:شتبغى انت!!! انا قصدي تفضل روح بيتكم يعني فيصل ما قدر يمسك نفسه من اسلوب كلامها:ههههه ما اقدر اروح بيتنا واشوف وحده من بنات كليتي بأزمه امامه وعينها بالأرض:قلت لك مشكور اخوي اللحين جاي فيصل:ههههه اخوك اصلا بالمستشفى امامه من الصدمه ما عرفت شترد:........ فيصل:هههههه اخوك بعد الحادث صار صديقي وانا توني جاي منه امامه حست باحراج أن هذا رفيج اخوها واهي جالسه ترادده...دخلت سيارتها وسكرت الباب من دون أي كلمه مهي عارفه شتسوي.. قرب فيصل وطق عليها دريشتها...فتحت له واهي مهي قادره تحط عينها بعينه بعد الي قالته فيصل:ممكن تنزلين من السياره لين اصلح التاير امامه بحيا ويها احمر وبرقه:اخاف كلافه عليك فيصل متشقق من شكلها:ما في كلافه..انتي بس نزلي من السياره...(رفع حاجبه) واذا تبين تنتظرين بسيارتي بدل الحر براحتج امامه رفعت عينها له مصدومه:نعم فيصل وهذا الي كان يبيه:هههههه انا قلت براحتج امامه تنزل من السياره واهو يبتعد:انتظر بالحر احسن فيصل يبتسم لها ...وتم يصلح التاير الي اهو السبب بخرابه....وكل شوي ياخذ له نظره واهي واقفه تتأفف من الحر ماسكه ورقه وتهف فيها...واهو مستانس على الوضع فحب يطفرها شوي فيصل وعينه على التاير:وشلون طلال اللحين؟ امامه فهمت عليه لان توه يقول انه جاي منه:بخير فيصل:متى بيطلع من المستشفى؟ امامه:مو انت تقول توك جاي منه؟ ليه ما سألته؟ فيصل :قلت اسألك امامه مستغربه:وكيف كنت بتشوفني؟ فيصل توهق:اممم مادري توقعت اشوفك امامه وكأنها شكت بالوضع:ما كأنك طولت وانت تصلح التاير فيصل :احم احم ..خلصت امامه:مشكور فيصل يمد لها يده:العفو...ماما هذا تصليح 5 دينار امامه ما قدرت تمسك نفسها هالمره هالصبي خفيف دم بشكل:هههههه فيصل يضحك واهو يتأملها:هههههههه امامه وتشوف يده ولبسه كيف متصخين : مشكور ..وسامحني وصخت ملابسك فيصل بابتسامه تذوب:تعبج راحه امامه تقرب لسيارتها عشان تركب:مع السلامه فيصل:بحفظ الرحمن *********************** تمت تتقلب بسرير مهي قادره تستوعب أن طلال جنبها بالمستشفى ومهي قادره تكون جنبه...قامت من سريرها بكل تعب لبست عباتها وشيلتها و كل الي يهمها شي واحد انها تشوف طلال وتطمن عليه...... راحت صوب قسم الرجال وسألت عن غرفة طلال....اول ما وصلت ترددت تدش بالاول..خذت نفس عميق وفتحت الباب...لقت طلال نايم واهو شاد على ملامح ويهه... ارتاحت جزئيا انه نايم عشان تشوفه على راحتها ...خذت كرسي وقربته جنب السرير وقعدت تتأمله ....تحس قلبها متعلق بهالانسان الي عمره ما بادلها بنفس الشعور....ساعات تحس مشاعره اتجاهها كلها حب وحنان وساعات تحس أن يكرهها ويأنبئها على شي اهي ما تعرفه.... نزلت دمعه من عينها حرقت خدها من حرارتها الي تعكس الالم الي بقلبها......وتحس انه العذاب الي اهو فيه اهي سببه اهي الي منعته من الي يحبها.... مسكت يده وابتسمت له وتمت تفكر كيف بتكون حياتهم اذا بادلها نفس الشعور.... حست بألم بطنها وهالشي خلاها تضغط على يد طلال.... فتح عيونه عالخفيف ما صدق الي يشوفه جدامه وحلا ما كانت حاسه فيه كانت تعتصر من الالم... طلال بالاول كان ناوي يصرخ عليها ليش ما جيت تسأل عنه..بس يوم شاف ملامحها كيف تعتصر من الالم وانها ماسكه يده تغيرت مشاعره ناحيتها بكل حنيه.... طلال بصوت حنون:حلا شفيج.؟. حلا أول ما سمعت صوته رفعت راسها له وعينها جت بعينه والخوف بقلبها...بس اهو ابتسم لها وهالشي ريحها وبادلته الابتسامه وعدلت جلستها.... حلا بابتسامه:ابد ما فيني شي...انت شلونك حمد الله على سلامتك طلال:الله يسلمك..انا بخير بس زعلان منك حلا:ليه سويت؟ طلال :عمي قالي انك تعبانه ليه جيتي .. حلا خافت يعرف ايش فيها بس حمدت ربها أن اقتنع بكلام ابوها:لا بس كانت انفلونزا حاده والحين خفيت طلال:ليه ما جلستي بالبيت اريح لك حلا بكل صراحه:لاني خايفه عليك وما اقدر ما اكون جنبك وانت تعبان طلال تم يناظرها ويشوف الحب بعينها...وهالشي بدل لا يريحه يجعله يعصب زود...يحس أن خاينها وانه اذا بادلها نفس الشعور بيخون شذى...المشاعر بقلبه في حالة فوضى وهالشي مخلي مزاجه متغلب ...ومعاملته مع حلا تعتمد على مزاجه.... طلال بسخريه:وايش بتسوين لي يعني لا انك دكتور ولا سيستر حلا انصدمت من كلامه ... سحبت يدها من يده وعينها بالارض وطلال حس انه فقد يد حنونه كانت تخفف عليه احزانه طول عمره..ما يبي يفقدها ولا يبي يحبها مهو عارف كيف يعاملها ... حلا توقف وبكل حزن وعينها بالارض:آسفه اني ازعجتك بس المهم اني تطمنت عليك ..مع السلامه طلال ما صدق يوم شافها بتطلع وبتخليه مسكها من يدها واهي التفتت عليه ...ناظرت عيونه الي تترجاها انها تجلس....مهي عارفه كيف تتصرف معه نزلت دمعه من عيونها..وطلال أول ما شافها عوره قلبه عليها.... طلال ماسك يدها:ليه تبكين؟؟ حلا بصوت كله عذاب:طلال ليش تسوي فيني جذي شتبي مني؟ طلال سحبها جنبه بسرير..واهو عدل جلسته وصارت جنبه وتم ماسك يدها ويلعب بالدبله...الي ربطت حياة اثنين ضحية حكم ابو بلا مشاعر... طلال:حلا انا آسف حلا ساكته مو مصدقه كيف يعاملها ساعات تحس انه احن شخص بالكون وانه يحبها بس يكابر بهالشي ...وساعات تحس أن يكرهها ويحسسها انها هدمت حياته بزواجه منها... طلال بترجي:حلا ردي علي حلا:طلال ليه تزوجتني؟؟؟ طلال انصدم من سؤالها:شتقصدين؟ حلا بحزن:انت مجبور تاخذني طلال استغرب كيف انه حلا حست بهالشي ((اكيد بتحس من معاملتي لها...ادري يا حلا انك فاهمتني وربي ادري اني اجرحك بهالشعور بس مو بيدي)) حلا ملت من سكوته: طلال انت تعرف كيف كانت علاقتنا قويه من يوم حنا صغار...طلال انا ادري انك مو رغبان فيني ولا تقدر تنكر هالشي بس انا ما قصرت بحقك ليه تعاملني كذا طلال حس أن الحياة انتهت ...ترك يد حلا بكل تعب...و تأكد أنها عرفت أن ما يبغيها وانه مجبور....هيجان من المشاعر والافكار ...خلته يقلب للمشاعر الحقد والعتاب لحلا طلال باستهزاء:انتي قمتي بكل حقوقك اتجاهي!!! حلا اتنرفزت من مزاجه وقامت:ايش قصرت فيه؟ طلال بعصبيه:أي حقوق قمتي بها انتي قبل الزواج تعامليني كذا كيف بتعامليني بعد الزواج حلا مهي قادره تنطق:........ طلال:زوجك بالمستشفى بين الحيا والموت ما فكرتي تكونين جنبه ...كل الي سويتيه انك وصلتيني المستشفى اكيد عشان ما يتهمونك انك انتي السبب حلا منصدمه من كلامه :...... طلال يكمل وصوته يعلى: ما عندك كلام تردين فيه علي... حلا تبجي:انا كنت... طلال يقاطعها وبعصبيه:بتقولين لي تعبانه ...ما عرفتي ترفعين سماعة التليفون وتتصلين علي...يومين ما تسألين ولا تتصلين حلا مهي عارفه شترد بعد كل العتاب تدري لو بتقوله عن السبب بيندم على كلامه بس ما تبغى تحسسه انها تذله او تتمنن عليه بشي...فضلت اهي تسمع كلامه الي يعذبها ولا انها تعذبه بالكلام الي المفروض تقوله....اهي تدري أن طلال ما صار بهذا المزاج وهالعصبيه إلا لان فقد الي يحبها .....نفس ما اهي بدت تحس انها بتفقد حبيبها طلال يشوفها كيف ساكته وما ترد :ردي علي ليه ساكته ؟ ولا كنتي متوقعه اني بموت وبفكج مني حلا بكل هدوء رفعت عينها المليانه دموع :طلال اذا تبغاها طلقني واخذها لا تعذبني وتعذب حالك بهالكلام..انا يهون علي كل شي بهالدنيا إلا اني اشوفك كذا متعذب و بسببي طلعت من الغرفه ولا عطت أي مجال يرد عليها...طلال انصدم من كلامها ((لااااا مو معقوله حلا تدري اني احب وحده.......حرااااام انا كيف سويت فيها كذا....كيف ما فكرت انها بتفهمني ...يا ربي انا شلي سويته كيف اصلح الي صار...والله انك غاليه علي يا حلاا كيف تبقيني اطلقك ما اقدر و كيف احبك قلبي ملك لشذى...تتمنين لي الخير وانا الي من تزوجتك وانا دوم معذبك معي...ما بلقى مثل طيبة قلبك يا حلا)) حلا تمت تصيح وراحت غرفتها رمت نفسها على السرير وتمت تصيح على حالها وكيف قدرت تقول لطلال هالكلام ((انا تخلييييييت عنه....كيف رضيت اخليه لغيري بهالسهوله...كنت اقدر اعطيك حياتي يا طلال...عطيتك قلبي وما صنته ....ليه ما صارحتني انك تحب وحده...ليه ما قلت لي جان رفضت الزواج ولا انك تعذبني معك كذا....احبك مهما سويت فيني ..)) *********** امامه الي ردت من الجامعه وارتاحت لها شوي...رن موبايلها وقعدت مخترعه من الحلم الي شافته...تمت مده تشوف موبايلها واهو يرن ...سكت ورد رن مره ثانيه ارتاحت شوي بعد ما تاكدت أن الي شافته حلم..مسكت الموبايل ولفت الجهه الثانيه امامه بصوت كله نوم:الو مشعل:سنه على ما تردين امامه :الناس تسلم بالاول مشعل:شلونج آنسه امومه ؟ امامه:والله لوني اني نايمه وانت خربت علي مشعل:هههههه امامه :تضحك بعد؟ مشعل:شسوي بعد هذا وانتي توج قاعده من النوم لسانج كذا طويل امامه:هههه خلصني اللحين ليكون مقعدني عشان تقولي هالكلام مشعل:لا مو عشان جذي... امامه:عيل مشعل:بمر اخذج نروح نسأل عن حلا بعدها نروح المستشفى لطلال امامه توهقت:ليش نروح لحلا ماله داعي مشعل مستغرب:شلون ماله داعي مو انتي قلتي انها تعبانه امامه ما لقت حل غير انها تكذب:واااااي مشعلوه انا اليوم رايحه لها جم مره بروح مشعل بخيبة امل:اها خلاص عيل امرج نروح حق طلوول امامه:ايي مالي خلق اسوق عطني ربع ساعه واكون جاهزه مشعل شهق:ربع ساعه يالظالمه وااااااايد ...انا قريب من بيتكم لج 10 دقايق بالكثير وتكونين عندي بره امامه:اففففففف لا تقعد اذلني والله ما اروح معك مشعل:طاع هاذي الي يقول ميت عليك انا...خلاص روحي بسيارتك امامه بدلع:لا مشعل تكفى تعبانه مالي خلق اسوق مشعل:عيل لك 5 دقايق وبلا هذره زايده وروحي اجهزي امامه:توهم 10 شلي سواهم 5 مشعل:من هذرتك راحت 5 دقايق عليك ..بتجين ولا اكمل طريجي امامه تقوم من السرير:لاااااا خلاص كاني والله قمت مشعل يضحك عليها:ههههه ...باي بالمستشفى عند طلال...وصلت نوال وجاسم ..وناصر راح لطلال بالاول بعدها استأذن انه بيروح يجيب حلا ... طلال كان منسدح عالسرير وباله كله مع حلا نوال:طلال يمه شفيك عمك يكلمك طلال توه يستوعب رجوع عمه واستغرب يوم شاف انه حلا مو معه((كيف اتوقع انها بتجي لي بعد الي سويته فيها.....آآآآه عليج يا حلا ما تستاهلين الي يجيك مني...والله مو بيدي قلبي لشذى)) ناصر :طلال حلا تسلم عليك وتعتذر منك ما تقدر تجي طلال ما قدر يسأل ليش لأنه الوحيد الي عارف:براحتها عمي نوال مستغربه:ولييه يا ناصر شفيها؟انت مو قلت انها صارت احسن؟ ناصر مو عارف شيقول:والله اهي تعبانه وان شاء الله تجي لطلال بيوم رجعته للبيت نوال ما عجبها الوضع....وجاسم الي عصب جد من حلا جاسم:بس الاصول و الواجب تكون جنب خطيبها بهالوقت ناصر:والله يا جاسم البنت تعبانه وانا مربيها على الاخلاق والاصول..وما اظن في شك بهالموضوع طلال عصب من ابوه ما يسمح لاحد يغلط على حلا:يبه البنت تعبانه وانا عاذرها جاسم شاف طلال بنظره:كيفك انت معها توه بيرد ناصر ويقطع كلامه دخول مشعل وامامه مشعل وامامه:السلام عليكم الكل:وعليكم السلام امامه:طلول حبيبي شلونك اليوم؟ طلال بابتسامه صفرا:الحمدالله مشعل:يالله شد حيلك واطلع الربع فاقدينك بالديوانيه طلال:والله اني مشتاق لهم ولسهراتهم جاسم يوقف بعصبيه:انا بروح اشوف امتى بيرخصك الدكتور استغربت امامه من عصبية ابوها...اما مشعل تعود على مزاجه وعصبيته المفاجأه من يوم هو صغير... امامه قعدت يم عمها وتكلمه بصوت واطي امامه:عمي شلون حلا؟ ناصر:اليوم رخصوها بس ما رضت تجي لطلال مادري شفيها وردت البيت امامه حست أن صاير شي بينهم:خير عمي ما دريت وشفيها؟ ناصر بحزن:البنت نفسيتها تعبانه مادري صاير لها امامه طمنه:لا تخاف عمي انا انشاء الله بعد المستشفى اروح لها واتطمن عليها ناصر:ما عليك زود طلال طول الوقت مشعل يسولف معه واهو يحاول يسمع الكلام الي يدور بين امامه وعمه...بس كل الي قدر يسمعه أن امامه بتزور حلا استأذن مشعل وطلع ورجعت معه نوال بعد ما قالهم جاسم أن الدكتور بيرخصه بكرا الصبح.... جاسم:ليه ما رحتي مع امك وخالك؟ امامه:بروح ويا عمي لحلا جاسم:بكيفك انا ماشي وراي شغل..مع السلامه الكل :مع السلامه ناصر:يلا يا بنتي نمشي خل اخوك يرتاح امامه تاخذ شنطتها:براحتك عمي سلم ناصر على طلال وطلع ..وامامه توها بتطلع ناداها طلال... التفتت عليه:نعم طلال :بتروحين لحلا؟ امامه:أيه طلال بكل شوق:وصلي لها سلامي قولي لها طلال يسلم عليك امامه تبتسم له:من عيوني يوصل طلال:خلاص روحي لا تأخرين عمي امامه:اوكي ..مع السلامه طلال:مع السلامه طلال بيعرف منو المتبرع له بكليته؟؟!! حلا بتسامح طلال على كلامه وبترجع له او تطلب الانفصال؟؟!! امامه وفيصل بيعترفون لبعض بحبهم؟؟!! مشعل ليش رافض فكرة الزواج؟؟!! Link to comment Share on other sites More sharing options...
marioma Posted سبتمبر 6, 2007 Report Share Posted سبتمبر 6, 2007 يسلموؤوؤ في انتظار البارت الياي .. Link to comment Share on other sites More sharing options...
*.. Majo0oD ..* Posted سبتمبر 7, 2007 Report Share Posted سبتمبر 7, 2007 ثانكس على القصة Link to comment Share on other sites More sharing options...
danat aldonya Posted سبتمبر 7, 2007 Report Share Posted سبتمبر 7, 2007 روووووووووووووووعه بانتظار البارت الياي حبوبة Link to comment Share on other sites More sharing options...
ريم المها Posted سبتمبر 7, 2007 Report Share Posted سبتمبر 7, 2007 واااااااو القصه حدها فن نبي التكمله بليييز Link to comment Share on other sites More sharing options...
marioma Posted سبتمبر 7, 2007 Report Share Posted سبتمبر 7, 2007 ننتظر ؟ Link to comment Share on other sites More sharing options...
الريــم Posted سبتمبر 7, 2007 Report Share Posted سبتمبر 7, 2007 تسلمين عالبارت ننتظر الباقي لا تتأخرين يعطيج العافيه Link to comment Share on other sites More sharing options...
حلا الكويت Posted سبتمبر 7, 2007 Author Report Share Posted سبتمبر 7, 2007 الجزء الرابع طلع طلال من المستشفى وحلا للحين على حالها...والكل يظن انه من مرضها .....يوم طلع طلال من المستشفى ما زارته وكل ما يسأل عنها يتعذرون بمرضها....طلال كان مضايق من نفسه على الي قاله لها..بس بنفس الوقت يحس انها تستاهل دام هي الي ضيعت من يده شذى امامه يوم زارت حلا ..ما عرفت منها غير انها تعبانه من العمليه وما تقدر تشوف احد وامامه صدقتها بالرغم من انها شاكه بالموضوع بس ما حبت تضغط عليها..... مر اسبوع سريع وما في أي تغيرات بين حلا وطلال ...حلا محتفظه بكرامتها وطلال عايش على انتقامه منها...بس حاس انه فقد شي كبير وده يروح ويتسامح منها وكل شي ينتهي بس حبه لشذي مانعه من هالشي......((مو معقوله انسى شذي ..ما اقدر اسلم قلبي لحلا مره ثانيه وضيع مني مثل شذى...كيف اضيع مني واهي تحبني..انا بغبائي ضيعتها انا السبب بكل شي..حلا عمرها ما زعلتني ولا جرحتني...يا ربي اخاف احبها والله اخاف)) امامه لهت مع امتحاناتها ...وما كانت تهتم بموضوع حلا الدراسه ماخذه كل وقتها وتفكيرها قعد طلال من النوم مبكر هالمره يحس بنشاط بجسمه بعد ما صارح مشعل بلي صار بينه وبين حلا وقرر انه يصالحها اليوم بعد رحله طويله من اقناع مشعل له نزل الصاله لقى امامه جالسه على الكنبه تراجع اوراق بايدها... طلال:صباح الخير امامه:صباح النور طلال:ها اموم عسى مستعده للامتحان ؟ امامه:خايفه طلال مو دارسه عدل طلال يقعد جنبها:ليه؟ امامه:لهيت معك بالمستشفى وحلا كانت تعبانه وما كان لي مزاج ادرس طلال بحزن:آسف اموم امامه:من صجك انت ...انا كم طلال وحلا عندي ..انتو تسوون الدراسه وطوايفها طلال:هههههه امامه تلم اغراضها وتعدل لبسها:يلا طلول انا بمشي ما ابقى اتأخر طلال:بأمان الله........ ديري بالك لا تسرعين امامه بملل:واااااااااااي بس ذبحتوني كل ما احد فيكم يشوفني بطلع يقولي لا تسرعين طلال:ههههه مو حرام امهات وايد يبقون عيالهم مو مستقنين عنهم امامه تحذف عليه كوشيه:جب طلال:ههههه عيب تقولين جب لأخوك الكبير امامه:روح زين مو فاضيه لك..خل الحق على امتحاني ابرك لي طلال:الله يوفقك امامه تبوسه على خده:باي طلال:باي فيصل بسيارته يراجع حق الامتحان خاصه أن الماده وايد صعبه ...شاف سياره صفطت جدامه..وحس بروحه تطلع يوم نزل منها الشخص الي يسوقها...امامه ما غيرها الي متعبته ومخليته طول الايام الي مرت يفكر فيها...تم يشوفها واهي كانت مستعيله تكلم غنيمه بالموبايل تأخرت عليها بيراجعون يميع قبل الامتحان..أول ما اختفت عن عيونه استوعب أن باقي 3 دقايق على الامتحان خاصة انها صارت احلى محاظره عنده دام يشوف فيها امامه وزع الدكتور الاوراق بعد ما رتب الطلبه بحيث يصير الترتيب كل طالب وراه طالبه ويتكرر هالشي بكل عامود تجنب للغش...ومن حسن الحظ صار فيصل ورا امامه واهي من الخوف الي فيها ما استوعبت أن فيصل وراها لانها قعدت قبله ....واهو تشقق من الفرحه... فيصل طبعا كان دارس زين للامتحان عكس امامه الي كانت تكره الماده والدكتور ...والظروف ما ساعدتها تدرس عدل... امامه فيها طبع اذا توترت وما عرفت الاجابه تهز ريلها...فيصل حس بصوت ويوم رفع ويهه عن الورقه شاف امامه جدامه يسمعها تنافخ وتتأفف مسك ضحكته عشان ما يحس فيه دكتور يحب عفويتها وشخصيتها المرحه ...امامه كانت ورقتها مايله وفيصل طل بورقتها وشاف بشنو متوهقه...التفت يدور الدكتور شافه بعيد عنهم و كان لاهي مع واحد من الطلبه يسأله ... قرب شوي لامامه وقالها الاجابه اهي ما استوعبت أول شي الصوت تعرفه وثانيا صوت كان شوي واطي التفتت وراها ..وتشوفه اهو ما غيره الي مسهرني الليالي وبسببه ما قمت اركز واحس انه يوم عن يوم يزيد شوقي له... ردت بسرعه لوضعيتها بعد ما ابتسم لها....ورد قرب من اذونها... فيصل بصوت واطي:امامه لا تعاندين كتبي الاجابه امامه معصبه على جرأته اهي عرفت الاجابه منه بس عناد له مهي كاتبه كرر فيصل الحركه حق اكثر من سؤال كان يشوف شنو الي مو مجاوبه عليه ويحاول يقولها الاجابه واهي عناد له ما تكتب وعدلت الورقه وخلتها جدامها بحيث ما يقدر يشوف شي...واهو تنرفز منها ((يعني تنقص درجات عشان تعاندني هذا جزاي اني اقولها الاجابه)) من حرته منها طق كرسيها على الخفيف بريله...وقالها امامه لا تعاندين فيها نجاح والسقوط .... وهالشي خله امامه تعصب و تلتفت عليه وبنفس الوقت التفت الدكتور وعلى طول راح لها... الدكتور معصب:يعني ما تعرفين عقوبة الي يغش بالجامعه امامه تصرقعت:انا...ما..غش..يت الدكتور يمسك ورقتها:انتي f بالماده قبل لا تمتحنين فاينل امامه ما قدرت تتكلم اول شي لانها منقهره من فيصل ثانيا من الي سواه الدكتور وطريقة صراخه جدام الكل...كانت بترد عليه بس مسكت نفسها وخذت اغراضها وطلعت بكرامتها.... ركبت السياره وردت البيت على طول تبجي ((كله منه اهو السبب اهو الي خلاني التفت....يعني انا بعد غبيه هذا جزاه يقوله الاجابه...بس انا ما ابغيه يكلمني ...يا ربي اللحين انا ليش التفت عليه ....كان يجازف بنفسه عشان يعطيني الاجابه وانا بغبائي ما رضيت...بس مو من حقه يكلمني....اللحين خذيت f بسبته ...واااااي اكرهه اكرهه)) وصلت البيت ما لقت احد...وصت الخادمه محد يقعدها..رمت نفسها على السرير تمت تصيح بحسره لين نامت... طلال عدت عليه اكثر من ربع ساعه واقف عند بيت عمه متردد يتصل على حلا يطلب يشوفها ..... رد دق على مشعل... مشعل شاف رقمه رد عليه :هههههههههههههههه طلال:بسم الله ليش تضحك؟؟؟ مشعل:لا تقول لي للحين ما دخلت بيت عمك طلال بحيره:متردد مشعل مشعل:طلال حرام عليك الي تسويه تراك رجال مو ياهل ذبحتني وانا افهم فيك طلال يرد لغروره:بس مو انا الغلطان عشان اعتذر مشعل:ولييييييييييه ردينا يا طلال طلال:مشعل ما اقدر احس قاعد اكذب على نفسي اني انسى شذى..بس هم اكذب على نفسي اذا قلت لك ان طول الايام الي طافت مرتاح,,والله يا مشعل ان ما في دقيقه مرت ما فكرت فيها بحلا ..حتى انا نفسي استغربت كيف اني ما فكرت بشذى مشعل:يا طلال للمره المليون اقولك حلا ان شاء الله بتنسيك اياها بس انت مو معطيها فرصه ابد طلال بحزن:اخاف مشعل اخاف مشعل:ليه تخاف؟ طلال:اخاف احبها وتضيع مني وقلبي تحطم مره ما ابيه يتحطم مره ثانيه مشعل:يا طلال حلا تحبك وصدقني بتكون اسعد انسان اذا بادلتها نفس الشعور...انت بس عطها فرصه وتخلى عن غرورك طلال مصدوم:انا مغرور؟؟؟ مشعل:ههههه انت مدرسه بالغرور والكبرياء طلال:ههههه حرام عليك مشعل بجد:انزل لحلا ولا تضيع وقتك بالتفكير طلال:انت تشوف كذا.؟ مشعل:انت يا طلال بطريقتك قاعد تهدم علاقتك مع حلا قبل لا تبتدي طلال يتنهد:آآآآه يا مشعل والله انها غاليه علي وربي ندمان على كل شي اسويه بها يزعلها مشعل:اجل اذكر ربك واتعوذ من الشيطان وانزل اخذ بخاطرها طلال بخوف:واذا ردتني مشعل:ما اظن انها بتردك حلا اكبر من هالشي..وانت عارف كيف انها تعزك طلال ارتاح شوي:يعني انزل مشعل:هههههه بعدك ما نزلت خلصني انزل ولا اجيلك وانزلك قصب عنك طلال:ههههه وانت كله تهديد خلاص بنزل مشعل:بتوفيق طلال:مشكور يا خالي العزيز.. مشعل:العفو خل اروح اشوف شغلي ..باي طلال:باي نزل طلال وبيده بوكيه ورد جوري احمر لحلا... تم مده واقف عند الباب ومحد يفتح...توه بيمشي الا ينفتح الباب طلال:ماما حلا مني الشغاله:أي اكو فوق طلال:بابا ناصر موجود؟ الشغاله مو مستوعبه:أي هذا بيت مال بابا ناصر طلال يتكلم نفسها عشان تفهمه:بابا ناصر اكو بيت الشغاله:انا قول هذا بيت بابا ناصر طلال وده يذبحها من غباءها :روح قول لحلا ريال يبي يشوف انتي الشغاله:شنو اسم انته؟ طلال تنرفز من لقافتها:مايبي يقول ..بس قول حق ماما حلا في ريال يبي يشوف انتي الشغاله تهز راسها:انزين بابا تعال اقعد صاله انا يروح نادي ماما طلال يستهزأ:انشالله ماما صعدت الشغاله ونادت حلا...بالاول توقعت عمها بس الشغاله كانت تعرف جاسم وقالت لها لأ...لبست شيلتها قالت يمكن احد غريب ما ظنت ابد انه ممكن يكون طلال أول ما نزلت الصاله شافت ظل ريال تعرفه..وشلون ما تعرفه واهي عايشه على الهوا الي يتنفسه حلا بصوت واطي وكله وله:طلال التفت لها بابتسامه حلوه:اهلين حلا حلا سرعان ما اختفت ابتسامتها يوم تذكرت الي قاله لها وبدلتها بملامح حزن وتعب والم طلال حس فيها وهالشي عور قلبه زود ...قرب منها وقدم لها البوكيه الورد طلال:تفضلي حلا: لمين؟ طلال يبتسم:لمين يعني...لاحلى ورده بالكون حلا من غير نفس:شكرا طلال:حلا للحين زعلانه مني؟ حلا تبتعد عنه وتجلس على اقرب كنبه لشخص واحد:ما في شي يستاهل ازعل عليه طلال أول مره يشوف حلا بهالقسوه..قرب منها وجلس على ركبته مجابلها واهي خافت من قربه...مسك يدها وشد عليها شوي... طلال يناظرها بعيونه:سامحيني حلا..ما كنت اقصد الي قلته حلا مو مصدقه الي يسويه طلال عمره ما شافته بهالحنيه قلبها يقول مسامحتك من دون لا تتأسف بس عقلها رفض:قلت لك ماله داعي للأسف طلال يشد اكثر:تزعلين علي انا حلا!!! حلا تحاول تفك يدها منه بس مو قادره..قربه منها يخليها تستسلم له لأي شي يطلبه..ما تبي هالتأثير تبي تكون اقوى من جذي حلا بترجي:طلال فك يدي طلال:ماراح افكها لين تقولين انك مسامحتني حلا تنزل راسها وبكل حسره تكلمت:طلال احنا ما نصلح لبعض ..لازم ننفصل وانت اخذ الي تحبها و الله يوفقك بحياتك طلال منصدم:كيف يعني ننفصل.؟ حلا نزلت دمعة الم من عينها:طلال طلقني طلال يوقف بعصبيه:هالكلام تنسينه...كيف تبقيني اطلقك؟؟ ما اقدر ما اقدر؟ حلا تغطي ويها بيدها وتبكي :عيل شلي تقدر عليه انك تجرحني دوم بكلامك...واذا مو بكلامك بتصرفاتك ..طلال انا ادري انك ما تحبني وادري انك تحب وحده غيري ليه تظلم نفسك وتظلمني معك ليييه.؟؟؟؟؟ طلال عور قلبه قرب منها وبكل حنيه:كيف تقولين كذا حلا انتي عارفه معزتك بقلبي رفعت عينها له واهي تترجاه:تكفى طلال طلقني ما اقدر استحمل الي تسويه فيني..ما ابي مكانتك بقلبي تتغير طلال بعصبيه:لا تقولييييييين اطلقك هالشي انسيه حلا تصرخ:ليييييييش انساااااه مو انت بعظمة لسانك قلت انك ما تحبني... ليه تعذبني طلال مو عارف شيرد عليها شي من داخله يمنعه أن يتخلى عنها بعد ما صارت له ...حلا ملت من سكوته حلا بالم:هالكثر يا طلال تحبها ..ليه تعذب نفسك يا ولد عمي طلال دمعت عينه:............. حلا ما قدرت تشوف دموعه نست كل شي وقربت منه ومسحت دمعته بصبعها و بكل حنيه وحب ناظرته..رغم العذاب والالم للحب الي تشوفه بعيونه للبنت الي بتحرمها من اعز الشخص بهالكون حلا:طلال ما يهون علي اشوفك متعذب كذا ...اذا عمي جابرك علي انا مستعده اكلمه بنفسي وتتزوجها ولا انك تبكي يالغالي طلال ما قدر يسوي شي جدام الحب الي يشوفه بعينها...كل الي قدر عليه انه يضمها فجأه لصدره ويبكي مثل الطفل ...حلا انصدمت من حركته كانت بتبتعد بس يوم سمعت صوت بجييه ...حنت له وضمته لها وتمت تهديه بكلمات كانت دوم تقولها له وتريحه...كان محتاج لحنانه اكثر من أي شي...يحس انه ممكن يحبها وينسى شذى بس ما يبي ينجرح مره ثانيه ..شذى مو معطيته فرصه انه ينساها... حلا بصوت هادي:لا يا طلال مو انت الي تبكي...مو انا الي اكون سبب بدموعك ..الي تبغيه بيصير يا ولد عمي بس لا تسوي بعمرك كذا..انا مستعده بنفسي اروح اكلمها لك طلال تم يبكي واهو حاضنها وكل الي يقوله والله صعب ما اقدر...والله ما اقدر حلا تمت تبكي معه وتمسح على راسه:ايش تبغى يا طلال؟؟ انت آمر طلال بعدها عنه بعد مده وتم ماسك يدها يترجاها:ابغيك حلا محتاج لك حلا مستغربه منه ما توقعت منه يقول كذا:انا دوم موجوده طلال لك بس...بس طلال يناظرها بخوف:بس شنو؟؟ حلا منزله راسها :بس مو بمكانة الزوجه..زواجنا فاشل طلال طلال يرفع راسها:انا ابيك تكونين لي بمثابة كل شي حلا بألم:طلال لا تقول كلام من ورا قلبك طلال:انا ادري ان بحبك لي بتنسيني ياها بس محتاج للوقت حلا ساكته:....... طلال:بس محتاج للوقت يا حلا حلا بعد صمت من التفكيروبخوف :واذا ما نسيتها؟؟ طلال بأمل يبرق من عيونه:ادري انك بتنسيني اياها بحبج وحنانج..بس محتاج للوقت حلا تبتسم له بحب:لك الوقت كله يا ولد عمي طلال بيطير من الفرحه:صدقيني ندمان حلا على كل الي سويته لا تلوميني كنت بين نارين حلا:طلال انا ما الومك ليش حبيت..انا الومك ليه ما قلت لي..مو انا حلا الي دوم اسرارك عندها ليه ما قلت لي انك تحب طلال بكل صراحه:كنت حاس اني بجرحك بهالموضوع حلا:كيف يعني؟. طلال يسحبها معه لي الكنبه ويجلس جنبها وتم ماسك يدها :كنت احاول اقولك بس شي من داخلي يمنعني..احس اني بجرحك ان صارحتك مع اني كنت اعتبرك مثل اختي واكثر ..كنت اظن اني لو قلت لك بتتركيني وبتبتعدين عني وحياتي من دونك يا حلا ظلام..ويوم انخطبتي لحمد حسيت بضيق من داخلي كيف بتكونين لرجال غريب شعور تناقض حسيت فيه وهالشي خلاني انسى اقولك عن موضوعي لانك ارتبطتي برجال حلا :طلال دام مشاعرك اتجاهي اخوه مو اكثر ليه تزوجتني ( تبكي) مو حرام تظلم نفسك وتظلمني معك طلال:حلا ارتباطي بك صار وانتهى وانا ما اقدر انفصل عنك هالشي مستحيل..حتى لو تمينا اخوان لمده..ليه تنحل مشكلتنا حلا:بس انت ما تحبني كيف بنعيش حياة سعيده؟؟ طلال:مين قال اني ما احبك !! حلا انا كل الي اعرفه واحسه اني ما اقدر ابتعد عنك صحيح احب بنت غيرك بس انا قدرت ابتعد عنها ولا اسمع صوتها ولا اعرف عن اخبارها اشهر اما انتي ما اقدر صدقيني اسبوع عدا علي دهر..وبيدك تقدرين تنسيني حبي القديم يا حلا حلا ساكته تناظر عيونه :.............. طلال:تذكرين حلا طول المده الي كنت مسافر فيها..كيف كنت اكلمج كل يوم وبالزيارات انتي اول وحده اجي اشوفها ...لانك الوحيده الي ما اقدر ابتعد عنها حلا تمت ساكته تفكر بالتناقض الي بكلامه ((والله ماني عارفه يا طلال...الي تسويه يحسسني انك تحبني بس انت تتجاهل هالشي واسلوبك بالكلام يأكد لي انك مازلت تحبها...الا تعشقها)) طلال يهز كتفها:حلا انا اكلمك ..وين سرحتي؟ حلا:طلال طلال:عيونه حلا استحت نزلت راسها:تسلم ..انت شلي ريحك؟ طلال:وجودك جنبي طول عمري حلا :متأكد؟ طلال:بموووووت يا حلا لو بعدتي اكثر والله ما اقدر اشوفك زعلانه علي وكارهه الدنيا بسببي حلا تبتسم له:خلاص ابشر يا ولد عمي لك الي تبغيه طلال طااااار من الفرحه:قصدك سامحتيني حلا تبتسم له:عمري ما زعلت منك كيف اسامحك؟ طلال يبوس يدها:الله لا يحرمني منك حلا تسحب يدها:والله منك طلال يبي يحرجها:يعني تحبيني؟ حلا حمرت خدودها ونزلت راسها:... طلال يرفع راسها:ما جاوبتيني؟ حلا:انت ليه كله تحرجني طلال يغير الموضوع:هههههه ...خلاص قومي غسلي وجهك من هالدموع واجهزي خلينا نطلع نغير جو حلا بفرح:ان شاء الله بعد يومين طلعت النتايج .... غنيمه:امامه ترا اليوم طلعت نتايج الامتحان امامه تكمل اكل:وانا شكو خذيت f قبل لا امتحن الفاينل غنيمه بحزن عليها:انا لو منج اقول حق الدكتور انه اهو الي قاعد يغششني انا مالي شغل امامه :امووت ولا اسوي كذا...كفايه انه كان يعطيني الاجابات وانا مطنشته انا الي استاهل غنيمه منصدمه:انتي من صجج؟؟؟ امامه :أي صدق عيل اتغشمر غنيمه توقف:اقوم اروح اشوف درجتي احسن من خرابيطج امامه:انا بروح معاج شسوي بروحي هني غنيمه:كملي اكلج امامه تلم اغراضها:خلصت اكل مشينا راحو مكتب الدكتور وكان زحمه الكل بيشوف درجته وقفت امامه بعيد شوي وغنيمه قربت صوب المكتب تدور اسمها بورقه معلقه على الباب... وامامه بقلبها تدعي انها تشوف فيصل ولهانه عليه.. غنيمه تروح لامامه:امووووووم باركيلي ماخذه B امامه:اللحين ماخذه B وكذا طايره من الفرحه؟ غنيمه:اذا هذا دكتورنا B تعتبر A بس للحين باقي الفاينل امامه :هههههههه غنيمه:تعالي خل اشوف لج درجتج يمكن غير رايه امامه تمسكها من يدها:تبين هذا يغير رايه انتي تعرفين شكثر يكرهني غنيمه تسحب يدها:انا بروح اشوف ماراح نخسر شي ردت واهي مو مصدقه وامامه مستغربه من شكلها امامه بحزن:تضحكين علي ليه حاط لي F غنيمه:هههههههههههههه امامه زعلت:مشكوره ضحكي بعد غنيمه :اموم يالخبله ما سقطج امامه منصدمه:شوفي غنوم ترا مالي خلق مزحك البايخ غنيمه تسحبها لين المكتب:شوفي بعينج امامه تشهق:مااا سقطني حاط لي C غنيمه:شفتي امامه تلمها:وااااااااااي غنوم ردت فيني الروح ما توقعته يجذب علي غنوم :ههههه الظاهر بس كان بيخرعج إلا صوت واحد وراهم ....:لا ما كنت بخرعها امامه توهقت:دكتور!!! الدكتور:امامه لحقيني المكتب بالمكتب امامه:خير دكتور الدكتور:طبعا مستغربه ليه ما حطيت لج F امامه بغرور:اكيد؟! الدكتور:تعرفين الطالب فيصل الي كان وراج امامه توهقت ما تدري تقول أي ولا لأ سكتت الدكتور:المهم يالي المكتب وقال لي عن كل شي امامه مستغربه:وشلي قاله.؟. الدكتور:قال انه كان يطلب منج آله حاسبه وانتي التفتي بتعطينه امامه مستغربه:.......... الدكتور يكمل:وانا التفت بنفس اللحظه وانتي يمكن من الخوف ما وضحتي لي الموضوع بس اهو أول ما سلم لي الورقه يالي المكتب وفهمني و انا اثق فيه لأنه طالب شاطر واكثر من مره ماخذ عندي ماده امامه بعالم ثاني ((معقوله راح دافع عني ...يعني انا اهمه ..اكيد اهمه ولا جان ما حاول يقول لي الاجابه او راح يوضح للدكتور...يا ربي ليش يسوي فيني جذي ليش يعلقني فيه زود)) الدكتور:امامه معاي امامه :أي دكتور..انا آسفه على الي صار الدكتور:خلاص الحين انا صلحت ورقتك والنتيجه رصدتها لج شدي حيلج بالفاينل امامه:أن شاء الله مشكور دكتور الدكتور:تشكري من فيصل لو ما قالي جان انا حاط لج f امامه :أن شاء الله مع السلامه طلعت امامه من المكتب ولقت غنيمه تنطرها غنيمه:ها اموم شقالج؟ امامه:تصدقين فيصل اهو السبب غنيمه مو فاهمه شي:فيصل!!! امامه تبتسم:ما هان عليه اخذ f كلم الدكتور وقال له انه طلب مني آله حاسبه عشان كذا انا التفت غنيمه:يا عيني يا عيني امامه:وااااي غنوم ابي اتشكر منه جان الحين انا ساقطه توها بتتكلم غنيمه بس عيون امامه وقفتها التفتت على المكان الي تشوفه ...الا فيصل ياي ناحيتهم ويبتسم لها وامامه ما في أي ملامح على ويها من الصدمه....من داخل متشققه لو طلبت مليون دينار جان حصلته فيصل قرب منهم:السلام عليكم غنيمه توهقت امامه ما ردت فردت بصوت واطي:وعليكم السلام فيصل يشوف امامه :انا آسف على الي صار بس ما كنت اتوقع انه بيلاحظ شي امامه منزله راسها ما تبي تبين له انها مستانسه او انها بدت تحبه:............... فيصل يشوف غنيمه :صدقيني اختي انا كلمت الدكتور وياي بنفسي اتأكد اذا رصد لها الدرجه ولا لأ غنيمه:أي رصدها ما قصرت فيصل بفرح:الحمدالله انا فهمته أن اهي مالها شغل واهو تفهم امامه بصوت شوي حاد:لو سمحت لا تعيدها مره ثانيه فيصل انقلبت ملامحه:انا ما كان قصدي ان..... امامه تقاطعه:لو سمحت انا ما اسمح لك كل ساع تجي تكلمني ما بينا كلام ومره ثانيه لا تعب عمرك وتعطيني اجابات انا عارفه كيف احل..مو يعني انك رفيج اخوي يحق لك تسوي الي سويته فيصل:انا.... امامه:غنوم مشينا ومشت مع غنيمه....وتركت فيصل بحالة ذهول مهو عارف شيقول وشلون يوضح لها انه يحبها ومو قصده يضايقها...بس كبرت بعينه زود يوم قالت هالكلام هذا يعني انها مو صاحبة سوالف... ركبو سيارةغنيمه اهي الي بتوصل امامه البيت... امامه قاعده يمها ساكته ندمانه على كل كلمه قالتها لو ودها تقوله اني احبك بس اخلاقها تمنعها..... غنيمه:اموم اموم سرحانه بفيصل:هااااا غنيمه:كلامج كان قوي عليه الولد ما يستاهل امامه تنزل راسها:ادري والله ادري غنيمه:انتي تحبينه؟؟ امامه:مادري غنوم بس ما اقدر اسمح له يسوي كذا غنيمه:صح كلامج امامه:بس ابغي اشوفه كل يوم غنيمه تبتسم على تناقض كلامها:صدقيني صج الي قلتيه مبالغ فيه شوي بس صدقيني بتكونين كبرتي بعينه امامه:........ غنيمه:مع الايام تعرفين اذا من نصيبك ولا لأ امامه بحزن:الله يسمع منك ************ بعيد عن كل هالاجواء.....اثنين يعيشون احلى لحظاتهم من دون لا يحسون طلال الي حاس انه عايش بنعيم طول ما حلا جنبه...خلاص تأكد من مشاعره اهو يحب شذى صحيح بس حلا بدت تحتل مكانها بقلبه.... اما حلا ما اقدر اعبرعن فرحتها مهي مصدقه أن الي جدامها اهو طلال ما غيره ..طلال الي حبته وضحت بالكثير عشانه......((يا ترا بتكون في تضحيات اكثر من جذي!!!!)) طلال يتأمل حلا واهي تضحك ومستانسه طلال:سامحيني حلا اني حرمتك من هالضحكه طول الايام الي طافت الي المفروض تكون احلى ايامنا حلا تبتسم له وتمسك يده:صدقني طلال ما ابيك تتأسف كافي انك معي اللحين ..هالشي ينسيني الالم الي راح كله طلال يبوس يدها:الله لا يحرمني منج ولا يفرقنا قولي آمين حلا استحت من حركته وسحبت يدها وبصوت اقرب للهمس:آمين طلال:امووووت على الي يستحون حلا انحرجت خلااص:طلال خف علي شوي طلال:هههههههه حلوي خلينا نجدم العرس ونسافر شرايج؟ حلا بفرح:صدق؟ طلال يمسك يدها:أي صدق ما ابيج تبتعدين عني لحظه ..لو بيدي اللحين نعرس ونسافر حلا:هههههههههه طلال:انا بكلم عمي بالموضوع بس الاول اشوف رايج حلا:الي تبقيه يا طلال يصير طلال مو مصدق الي اسمعه:نسافر اللحين حلا بصدمه:من صجك طلال :أيه حلا:ههه ما يصير احنا بس مالجين بعد العرس أن شاء الله نروح المكان الي تبغيه طلال بدلع: ما ابغى كيف تبغيني اصبر ليه العرس بعد اسبوع واااايد حلا تتأمله مو مصدقه الي جدامها اهو طلال ما غيره ...معقوله بدا يحبني وينسى الي يحبها...او انه يحاول يسعدني وهالشي كله من ورا قلبه..اوعدك يا طلال ما استغنى عنك وحتى لو كان فيه مذله لي..احبك يا ولد عمي (ابتسمت) طلال استغرب من سرحانها:وين سرحتي ؟ وليش تبتسمين؟ حلا بكل حب:اقول يا ربي لا تغيره علي طلال حز بخاطره:ادري يا حلا اني متغلب بس الظروف واوعدج بتغير وبسعدج كثر ما اقدر حلا:وجودك يمي يكفيني طلال يشوف ساعته:انا ما اقدر اذا تميت اكثر ماراح امسك نفسي حلا تمثل الخوف:واااااااي ابي بابا طلال معصب:بابا ها ...بعد جم يوم ماكو بابا اكو طلال وبس حلا :واحلى بس طلال:هههههههههههههه مر اسبوع بطيء على طلال وسريع على حلا...كان كله طلعات ومكالمات يوميا بينهم ...الي خلى طلال يتعلق بها زود.......وينسى شذى تقريبا على الاقل دام ما يفكر بها كثير اليوم طلال ينتظره من اسبوع يوم عرسه يوم ارتباطه بحلا الي شكلها بتكون اسيرة قلبه ...كيف قدرت تسحره بكم يوم وتنسيه شذى بهالسرعه....بصالة المعرس الكل ايي يهني قرب منه واحد يبارك له :مبروووك يا طلال طلال بابتسامه:الله يبارك فيك يا فيصل ما قصرت على الجيه فيصل:ولو جم طلال عندنا ..عبالنا يا ريال طلال:ههههههه آمين مشعل:لاحق يا خوي يا فيصل على عوار الراس فيصل يغمز له:تظن جذي يا خوي..يعني طلال رمى نفسه بالنار مشعل وفيه الضحكه بس ماسكها:أي يا خوي اخذها نصيحه مني خل طلال يجرب ويقولنا اذا احترق ولا لأ طلال: اللحين بدل لا طمنوني تحبطوني انتو ربع انتو مشعل وفيصل:هههههههههه بعدها راح فيصل يسلم على ناصر وجاسم ويبارك لهم.... ويبارك ....تنهد بصوت عالي بدرجه أن مشعل اسمعه مشعل:اشفيك بعد؟؟؟؟ طلال بفرح:ما اصدق وربي مو مصدق مشعل:الله يتمم عليك طلال :ما اصدق يا مشعل خلاص بتكون لي ...وربي لا عوضها عن كل ايام المر الي عاشتها معي مشعل يبتسم له:هههههههه يعني اطمن ان شذى خلاص باي باي طلال يعدل البشت:ههههههههه لا ما اقدر اطمنك بس الي حسه أن حلا صارت بقلبي ..بس شذى حبي الاولي مستحيل انساها بهالسهوله مشعل:دام حلا صارت بقلبك أن شاء الله ما بتسمح لحد يشاركها فيه طلال:حلالها مشعل:هههههه طلال يشوف ساعته:ما جنهم تأخرو مشعل:اثقل يا ريال عيب عليك طلال:هههههههه لا تلومني شوي دقت امامه على مشعل وقالت له انه بعد ساعه يجون لان حلا اللحين بتدش..... العرس كان بقاعة سلوى ....وايد حلو وفخم والاحلى من هذا كله اهو حلا... كانت اسم على مسمى ...شكلها كان وايد ناعم واصغر من سنها ...فستانها ناعم لونه افوايت مع الشك الذهبي مخصر على جسمها من فوق ويجي من تحت على شكل ذيل السمكه .... طرحتها كلها شك ذهبي وزايدتها حلاة مع بشرتها البرونزيه ومكياج ذهبي ناعم طاااااااالعه مره حلوه دخلت على اغنية (بدر) راشد الماجد...وكأنه الاغنيه توصفها .... انطفت كل الانوار والاضاءه الوحيده كانت على حلا ,,,وعيون الحاظرين كلها عليها.... كانت مثل البدر الكل يذكر ربه ويقولون يا حظ طلال فيها.....امامه كانت معها بكل خطوه تعدل الطرحه والفستان..... امامه كانت متغيره 180 درجه قاصه شعرها بحيث يكون قصير من وره ومن جدام اطول بحيث يكون الطول ليه رقبتها تقريبا .....وصابغته كستنائي طالع روعه عليها.....لابسه نفنوف احمر يكون كت صوب الصدر وبعدها يكون مخصر على جسمها قصير فوق الركب وبالاخر يكون مشكوك شك اسود خفيف وفوقه جاكيت قصير مشغول بالاحمر والاسود...وحاطه كحل اسود بارزه عينها اكثر وحمرا حمره ..طاااااااالعه جنان وصلت حلا الكوشه بعد مرحلة العذاب الي مرت فيها واهي تتأفف من الطرحه والنفنوف...اول ما جلست تمو يرقصون لها امامه ورفيجاتها... بعدها تمت المصوره تاخذ لها اكثر من لقطه ...وبدو يسلمون عليها اهلها ورفيجاتها ويصورون معها..... حلا تبتسم من دون تفكير تحاتي كيف بتكون مع طلال بروحها....كيف بتسافر معه بعد كم ساعه معقوله بيعاملها كزوجه ولا بيحرمها من احلى شهر تعيشه أي زوجه مع زوجها... قربت منها وحده قطعت عليها تفكيرها البنت:مبروك دكتوره حلا حلا تبتسم لانها ما حست فيها:الله يبارك فيج البنت: ممكن اصور معاج حلا استغربت منها لانها ما تعرفها بس قالت يمكن من رفيجات اموم وابتسمت لها بمعنى أي وخذت المصوره لهم صوره حلا:عقبالك حبيبتي البنت:الله يسمع منج واخذ الي بالي قولي امين حلا بصدق نيه:آميييين البنت:ديري بالج على ريلج ترا رياييل هالوقت مالهم امان لا تثقين فيه بزود حلا استغربت من كلامها وبنفس الوقت تضايقت:طلال ولد عمي قبل لا يكون زوجي وانا اثق فيه البنت:اسمه طلال بعد..اموت على هالاسم حلا خلاص انفجرت من هالبنت(ما تستحي هذي!!):أي اسمه حلو البنت:ما اطول عليج عروس ...بس حبيت انصحج واعطيج هالظرف بيدج واتمنى تشوفينه قبل لا تسافرين حلا مستغربه:ظرف شنو؟؟ البنت تغمز لها:بعدين تعرفين استانسي بعرسج ..ما شاء الله عليج كلج حلا اسم على مسمى حلا :عيونج الحلوه راحت البنت بعد ما اعطت حلا ابتسامه ...حلا خبت الظرف تحتها واسرحت بكلام هالبنت....امامه لاحظت ابتسامة حلا اختفت من بعد هالبنت..راحت لها تعرف شسالفه؟ امامه:حلوي شفيج؟ حلا سرحانه:.... امامه تقرب اكثر:حلووووووي حلا :هلا ميمي امامه:هههههههه تفكرين بطلول حلا استحت منها:ههههه امامه:منو الي مساع سلمت عليج؟ حلا:ميمي الله يهديج الي بالعرس نصهم سلمو علي أي وحده تقصدين؟ امامه:اقصد الي من كلمتج وراحت وابتسامتج راحت معها ..الي لابسه تركواز حلا :أييه عرفتها.. والله ما اعرفها توقعتها رفيجتج امامه مستغربه:رفيجتي!!! ما اعرفها وسالت امي هم ما تعرفها حلا:مادري اسأليها امامه بعصبيه:المشكله انها طلعت وهالشي استغربت منه حلا :وين راحت.؟ امامه:شدراني عنها حلا بتردد:ميمي طلبتج امامه:انتي تدللي وآمري مو بس تطلبين يا حرمة اخوي العزيزه حلا تعطيها ظرف من تحت:هالظرف خليه عندج حلفتج ميمي أول ما نطلع انا وطلال واصعد فوق اغير لبسي جيبيه لي الغرفه امامه:من عيوني...شفيه؟ حلا ما تبي امامه تعرف بشي:ما فيه شي بس ابوي كاتب لي شي وحلفتج ميمي لا تفتحينه امامه:ههههه ليه هالدرجه تظنيني ملقوفه ويقطع عليهم كلامهم..صوت صاحب الدي جي يطلب من الحريم يتغطون المعرس قريب يدش حلا بخوف:امبيييييه طلال بيدخل امامه تشوف الساعه:هههههههه نسيته خل اروح اجيب شيلتج خالي مشعل بيدخل معه بعد 10 دقايق دخل طلال مع ابوه وعمه ناصر ومشعل والبسمه ما فارقت ويهه....يوم وصل الكوشه باس راس حلا وبعدها ناصر سلم عليهم وجاسم ومشعل وجيت نوال وقفت جنبهم مع امامه وصورو وبعدها الكل طلع وتم طلال.... جيت امامه تعدل لحلا شعرها بعد ما شالت الشيله .. التفت لها طلال لاول مره يشوف وحده بهالجمال وهالحلاة...كانت الانوثه والنعومه طاغيه عليها....ابتسم لها وقرب من اذنها.... طلال بهمس:ايش كل هذا يا حلا حلا ماتت من الحيا وعينها بالارض طلال :مبروك علي انتي يا احلى عروسه حلا:الله يبارك فيك..مبروك علي انت طلال:هههههههههه بواقة كلام وتمو يسولفون وطلال كل شوي يقول لها كلمه حلوه ..تخلي حلا تذوب وهالشي يعلقها فيه زود.... مر الوقت سريع وحلا رفضت ترقص بعد محاولات من امامه....قربت منهم تقولهم عشان يمشون امامه تبتسم:مبرووك يا احلى عروسين حلا وطلال:الله يبارك فيج امامه:طلال ما قلت لي رايك بلوكي اليديد طلال يشوفها بسرعه ويرد عينه لحلا:احد عنده الحلا هذا كله صوبه ويشوف غيره امامه طنقرت:لا والله الحين حلوي الشيفه احلى من اختك طلال:محد شيفه غيرج حلويتي كلها حلا ما خلت الجمال لاحد امامه مستانسه من الي تسمعه بس تتدلع:انزين يا طلول اشوف منو بيسهر معك طلال:هههههههه خلاص اللحين مالج أي اهميه حلا اهي كل دنيتي حلا خلاص بتموت من الحيا طلال مو راحمها بكلامه...وامامه مستانسه عالوضع امامه:اقول طلال تراك مصختها البنت بتموت من الحيا هذا جدامي كذا تقولها شبتسوي من وراي.؟ حلا ماتت من الحيا تعض على شفايفها:مييييمي طلال:هههههههه مالج شغل ماراح اقولج امامه:انت الظاهر بتفضحنا جدام الناس اقول قوم اخذ عروستك ويلا طلعو أول ما تشتغل الاغنيه طلال بفرح:واخييييييييرا بنقوم امامه:ههههههههههههههههههه اخوي استخف حلا منحرجه:ميمي وخري عن ويهي احسن لج ولا تنسين الي موصيتج عليه امامه تذكر:أي ذاكره توه بيلتفت طلال يسألها عن هالشي... تشتغل الاغنيه ويوقف طلال ويده بيد حلا لين طلعو من الصاله والبسمه ما فارقتهم.... اوصلو قاعة الاكل ..قطعو الكيكه واخذت لهم المصوره كم لقطه..وطلال مساتنس عالوضع المصوره تطلب منه يقرب اكثر وحلا منحرجه واهو متشقق من الوناسه.... طلال يساسر حلا:انا حبيت هالمصوره حلا منحرجه:تزوجها طلال يشوفها من فوق ليه تحت:البدر عندي شبي بالنجوم بعدها راحو قسم خاص لهم يتعشون فيه ...بس طلال رفض يبي يطلع معها ... الطياره باقي عليها 5 ساعات ....استأذنت حلا منه وراحت الغرفه تغير ملابسها....دخلت عليها امامه وعطتها الظرف وخلته حلا على الطاوله واطلعت امامه واهي غيرت ملابسها.... تمت تناظر نفسها بالمنظره والفرحه بتطلع من عيونها مو مصدقه انها خلااااص زوجه طلال...وانه بدا يبادلها الشعور نفسه ... قعدت على الكرسي تلبس جوتيها ...تذكرت الظرف راحت للطاوله فتحته وتمت تقراه طلال مل من الجلسه بره ويا قرقة اموم على راسه ..... طلال بملل:اموم جب ترا مالي خلقج امامه:لا والله من اللحين قمت تتأفف مني طلال:ولييييييييييه شتبيني اسوي فيك امامه:ليه تقولي كذا جدام حلا الحين تتكبر علي طلال:اموم اكسري الشر وقومي شوفي ليه حلا تأخرت امامه تقهره:انت شفيك كله مستعيل ...البنت عروس من حقها تتجهز على راحتها طلال بخوف:أي بس تأخرت وايد ..اخاف صار فيها شي اموم امامه بدت تحاتي:لا ما فيها إلا الخير لا تقعد تفاول ...خل اروح اشوفها طلال :اوكي انطرج لا تتأخرين علي تطق الباب محد يرد...استغربت وتمت اطق الباب لين يالها صوت حلا من بعيد حلا:منو؟ امامه:حلوي هذي انا فتحي الباب حلا:ميمي انا بالحمام لحظه شوي امامه بخوف:حلووووي فيج شي؟ حلا:لا ما فيني شي ..روحي اللحين جايه امامه:اوكي لا تتأخرين اخوي بيموت شافت ماكو رد من حلا رجعت لطلال ... طلال وقف أول ما شافها:وينها؟ امامه:ههههههه وليش خايف جذي؟. طلال:لانها طولت امامه:ابد ما فيها شي اللحين جايه طلال يقعد:ريحتيني حلا الي مهي عارفه شتسوي منصدمه من الي بالظرف ما تقدر تطلع لهم بهالشكل اكيد بيشكون بالموضوع وخاصة المكياج اخترب من الدموع ...اخذت لها دقايق ارتاحت فيهم ودخلت الحمام غسلت وجها وعدلت الميك اب وطلعت لهم مع ابتسامه كأن مو صاير شي.... قرب منها أول ما شافها(( يا ربي شالجمال)) وباس يدها:خلصتي حبيبتي حلا بحيا وارتباك من نظراته:أيه امامه:اركد يا خوي وخف على البنت كلها جم ساعه وسو الي تبيه صوت من وراها...وضربه خفيفه على جتفها نوال:حسبي الله عليك من بنت ..عيب عليك ما تستحين من اخوك امامه تشهق:بسم الله الرحمن الرحيم نوال تضربها عالخفيف:وليه تسمين شايفه جني امامه:هههه لا يمه مو قصدي بس ما شفتك وانتي جايه نوال:جايه اسلم على ولدي وحرمته يا ام لسانين طلال:تسلمين يالغاليه نوال تسلم عليهم:ما اوصيكم على بعض اثنينكم غالين عندي...حطها بعينك يا طلال وانتي يا حلا خلي طلال بعيونك حلا :من عيوني خالتي ودعو بعض ...وبعدها اخذها طلال يتعشون بمطعم...ونوال وامامه ردو يعابلون الي بالعرس طول الطريق حلا ما انطقت بكلمه بالها مع الكلام الي بالظرف ((معقوله!! ما اصدق مستحيل!! شلون كل هذا يصير ومحد يدري وكيف طلال ما قال لي!! ليه يصير كذا؟؟)) طلال شاك بالموضوع من يوم هم بالصاله وهو حاس أن حلا مضايقه من شي.... شافها مسنده راسها على الدريشه وسرحانه ...اخذ يدينها وضغط عليهم بخفه...بالبدايه ارتجفت من حركته لانها كانت بعالم ثاني بعدها التفتت عليه لقته يبتسم لها .... حلا:شفيك؟ طلال واهو وعينه على السيارات :ما فيني شي..بس حسيت انج سرحانه حلا بدت تحاتي أن يحس فيها:اها وصل طلال المطعم ...نزل فتح لحلا الباب ومسك يدها واخذها للطاوله الي حاجزها...اول ما قعدو ..طلال حاس ومتاكد أن حلا مو طبيعيه ويحاتي انها تفكر بسالفته مع شذى الي اهو بدى يحس أن قيمتها بقلبه تتلاشى تدريجيا.....وحلا تحتل مكانها بكل جداره طلال:حلويه حبيبتي شفيج؟ حلا تبتسم له:ما فيني شي طلال ما حب يخرب او ليله لهم:تدرين انج طالعه احلى من القمر حلا بحيا:تسلم طلال :حلوي ما يصير كل ما قلت لج كلمه تستحين مني انا ريلج حلا:حلاة البنت بحياها طلال:أي بس مو على زوجها وحبيبها (يغمز لها) ولا شرايج؟. حلا:ما ادري طلال حس أن مالها مزاج:هههههه انزين شنو تبين تاكلين حلا تذكرت الي بظرف:مالي نفس آكل طلال يقرب كرسيه منها:حبيبتي شفيج احس انج متضايقه من شي؟ حلا مهي عارفه تقوله اللحين ولا بعدين بس تحس انها مهي قادره تكلم احد ومالها مزاج تقعد معه اهو بالذات... حلا بعد تفكير:ما فيني شي بس احس بدوخه شوي ومالي نفس للأكل طلال يحرجها:ليكون حامل حلا؟ حلا طلعت عينها بره :شنو؟. طلال مات ضحك من شكلها:هههه اتغشمر معاج يا بنت الناس شفيج جذي...مو بالمسلسلات اذا وحده راسها يعورها وتحس بدوخه ومالها نفس للأكل معناته حامل حلا :هههههه أي عاد مو كل مره طلال تم يتأملها:ما اتخيل شكلج حلوي مع كرشه جدامج حلا انحرجت وبنفس الوقت عصبت من كلامه:لا والله طلال :هههههه شفيج اليوم صايره جبريت ..بالعكس بتكويني تهبلين بكرش او بدونه حلا تغير الموضوع:متى طيارتنا؟ طلال فهمها وابتسم:باقي 3 ساعات ونكون هناك بالمطار حلا بملل:وطول 3 ساعات بنتم بالمطعم طلال تضايق من كلامها ما يدري ليش يحس انها ما ودها تقعد معه:حلا ممكن تقولين لي شلي مضايقج حلا حست انها انفضحت خلاص:مو اليوم طلال بعدين طلال باصرار:لا اليوم واللحين..انا ما تعودت اشوفج جذي حلا حاس انج مضايقه مني حلا خالص مهي قادره تمسك نفسها تمت تصيح ...طلال انصدم يوم شافها تصيح مو معقوله ...شفيها حلا أول مره اشوفها جذيه...ما هانت عليه تبكي قدام الناس حس أن الموضوع كبير ماراح يقدر يتفاهم معها بالمطعم... مسكها من يدها وراحو للسياره وطول الطريق واهي تبكي واهو يحاول يهديها بس مافي فايده... وصلو البحر فتح الباب لها عشان تنزل...اول ما رفعت عينها له ما قدرت تستحمل ضمته وتمت تبجي تبيه يفهمها ويحن عليها مثل ما حنت عليه ذاك اليوم... طلال من جد خايف عليها:حلا حبيبتي شفيج؟؟ حلا تشاهق من البجي:.......... طلال:ما يصير حبيبتي عروس تبجي بليلة عرسها..قولي لي منو مضايقج؟. حلا:ليه كذا يا طلال ليه ما قلت لي شنو تتوقعون كان مكتوب بالرساله؟؟!! منو البنت الي سلمت على حلا بالعرس وسلمتها الظرف؟؟!! امامه بتم زعلانه على فيصل ولا بيراضيها؟؟!!! Link to comment Share on other sites More sharing options...
ريم المها Posted سبتمبر 7, 2007 Report Share Posted سبتمبر 7, 2007 نبي البااااااااااااارت بليز ابي اعرف شنو بصير Link to comment Share on other sites More sharing options...
Recommended Posts