Aseer_Dubai Posted سبتمبر 16, 2007 Report Share Posted سبتمبر 16, 2007 تسلم فديتك ورجعت الكم ولي رجعة Quote Link to comment Share on other sites More sharing options...
Aseer_Dubai Posted سبتمبر 16, 2007 Report Share Posted سبتمبر 16, 2007 ولي عودة Quote Link to comment Share on other sites More sharing options...
Aseer_Dubai Posted سبتمبر 16, 2007 Report Share Posted سبتمبر 16, 2007 ولي عودة Quote Link to comment Share on other sites More sharing options...
Aseer_Dubai Posted سبتمبر 16, 2007 Report Share Posted سبتمبر 16, 2007 وانتظروا التفاصيل والشرح Quote Link to comment Share on other sites More sharing options...
دموع ميره Posted سبتمبر 16, 2007 Author Report Share Posted سبتمبر 16, 2007 الحلقة الرابعة:... طبعا مثل ما تعرفون ان بو نوار وافق على مروه في الشغل...وقالها انه اهو يرفض كل الطلبات الا من بنته نوار.. في بيتكم فاطمه...ساره اتصلت في بدور وقالتلها انها تأخرت وااايد واهي في بيتكم خالد...واهي خايفة انه امهها اترد البيت...وسكرت الموبايل...واشويه وصلت بدور البيت..ويلسوا يتضاربون اهي وساره...وساره كانت تنصحها انها اتشوف خالد في بيتهم...وشو بيكون موفقها اذا ام خالد يت وشافتها يالسه ويا خالد في بيتهم وبروحها...ردت بدور عليها انه ام خالد ما تقدر اتقولها شئ...لانها بتخبر خالد عليها...لكن ساره نصحتها انه اللي اتسويها غلط...عقب بدور عيارتها انها اتقابل طارق في المراكز ...ساره ردت عليها انه اتقابل طارق في المراكز جدام الناس...وبدور اتقابله في البيت بروحه...بعدين وصلت امهم فاطمه وشايله معاها اغراض للبيت....وزقرت عليهن علشان يشلون عنها الاغراض...وطلبت من ساره قلاص ماي...الا اشوي خالد دق الباب...وبدور راحت تفتح له الباب...سلم ودخل وراح ام امها...وسلم عليها...وعطاها الاغراض اللي نستهم ويا امه...عقب فاطمه طلبت منه انه ييلس ...لانها تبي في موضوع...ويلس خالد...عقب فاطمه قالتله انه لازم يعتمد على نفسه ويشتغل...بدل ما امه اتروح واتسلف الفلوس عند الناس...رد خالد عليها انه قدم في اكثر من مكان بس ما ردوا عليه...وعقب فاطمه قالتله قدم في الجيش...عالاقل خف على امك المسكينه وكد عليها....وافق خالد على كلامها...واستاذن منها ويوم يبي يطلع من بيتهم وصلت مروه البيت وسلمت عليه وسالته عن اخباره...وطلع خالد وراح..ومروه راحت عند امها وسلمت عليها ويلست حذالها واهي فرحانه...ويوم سالتها امها عن فرحتها ردت عليها مروه...انه عبدالله الناشد وافق عليها انها تشتغل في شركته...وامها تضايقت منها اشوي... تعالوا انروح المطعم...عادل واخته سعاد كانوا يالسين...وسعاد سالت اخوها ليش اهو حزين ومضايج...وانها ما تتحمل الحاله اللي اخوها فيه...وانه لازم يرمس ويسال ساره ان كانت اتحبه ولا لا....بس عادل ما عرف شو يسوي.. وكان متلوم..على الي سوااه...ومب عارف كيف يسألها...او يصارحها بحبه...وانها احتمال راح ترفض اذا عرفت انه عاجز... نرجع بيتكم فاطمة....فاطمه كانت تنصح بنتها انها ما تشتغل في شركة عبدالله الناشد...ماتبي اتقدم تنازلات اللي قبل قدموها...وان ابوها يوم كان عليه قضيه..راح عند كل المحاميين لكنهم طرشوه عند اخوها عبدالله...لكن مروه بغت هالشغل..وماتبي تخسر وظيفتها في مكتب المحاماة...ذكرت امها بحلمها من الصغر انها تبي اتكون محاميه وراح اتواصل حلمها ...بس امها قالتلها انه في اكثر من الف مكتب محاماه الا مكتب خالها...بس مروه رفضت ...وبغت اتدرب في مكتب خالها..... تعالوا لنوار واهي راقده وتحلم انهت تتزوج مروان...واهي فرحانه واااايد...وعقب ظهر طيف سلوى ...وموران يضحك معاها...وعقب سلوى خذت مروان معاها وراحوا...تضايقت نوار ونشت من النوم..وطالعت البرواز اللي فيه صورتها وصوره مروان... في غرفة المسائله في المحكمة عبدالله الناشد يرمس نبيل عن تفاصيل قضيه جتل اربيعه...ويقوله انه يتذكر شئ يمكن يفيده في الجلسه...بس نبيل اصر انه ما عنده شئ الا انه ما جتل اربيعه...لانه مات بجرعه الزايده....وعقب عبدالله الناشد طلب من الشرطي ياخذ نبيل ويوديه...وطلع من الغرفه...وفي الممر كان معاه مندوبه وطلب منه يقرا تفاصيل القضية...ويجمع الادله...طلع جدامهم بونبيل وسلم عليهم...وطلب من عبدالله الناشد العون انه يساعد ولده...وقاله خذ حلالي كله بس ساعد ولده...وصل اخو المجني عليه...اخو خليفه وقال لبونبيل...انه نبيل اهو اللي جتل اخوه...واذا القانون ما خذ حقهم...راح يثأر منه اهو بنفسه....وراح...وعد عبدالله الناشد بونبيل انه يتابع القضية وبيشوف شو بيصير ...وراح يخبره عن كل شئ...وانه راح يطلع نبيل براءه...وفي السياره عبدالله الناشد يرمس مندوبه عن اخو خلقة يوم يه وهددهم انه راح يثأر من نبيل اذا ما عاقبه القانون...وقاله مندوبه انه لازم يحطون حد للموضوع.... تعالوا شوفوا نوار رايحة المستشفى اتزور سلوى...ويوم دخلت حجرتها ما شافتها وسالت عنها الممرضة قالتلها انها اترخصت وراحت بيتهم......عقب في السيارة اتصلت على مروان واتلومه ان زوجته طلعت من المستشفى واهو ما خبرها...وعقب طلبت منه عنوان بيته....وصلت بيته ودقت الباب نزلت سلوى وفتحت الباب وشافت نوار عند الباب.سلمت عليها نوار وعطتها الباقة ودخلت البيت سألتها عن حالتها ...عقب سالت عن مروان ...وقالتلها نوار انها تعزمهم في المطعم اللي يحبه مروان...وافقت سلوى على العزيمة...وراحت اتيب لها العصير...ونوار كانت اتفكر واتشوف صوة عرسهم....يوم وصلت سلوى عطتها العصير...عقب نوار سألتها وين تشتغل...بس سلوى ردت عليها انها ما تشتغل وان مروان يبيها اتم في البيت وتتفرغ له....ناقشوا عن الشغل....وعقب ردت عليها سلوى...ان طاعة الزوج واجبة....ونوار تضايقت من كلامها اكثر..... في الشقه خالد كان يالس مع اربيعه وشلة شباب...اربيعه طلب منه انه يلعب...بس خالد ما لعب لانه ماعنده فلوس...علق واحد من الشباب على خالد...قام اربيعه وطردهم من الشقه كلهم...وراح لخالد وقاله انه مافي شئ خسره غير القمار والسهر...وذكر خالد انه صاحب الشقة يبي فلوس الايجار ...وانه هالشهر القسط عليه...وافق خالد وقاله ان شا الله راح ادبر...ويوم طلع في السياره اتصل في بدور وقالها انه يبي يشوفها باجر ضروري...وفي بيتكم بدور تضايقت ساره من اتصال خالد نص الليل...وقالت لبدور شو يبي خالد متصل فيها هالحزة وما صبر الين الصبح...ردت عليها بدور انه يبي يشوفني باجر ضروري..عقب ردت ساره واترمس طارق ( عادل ) على المسنجر...وقالها طارق انه كان ينتظرها من فترة ...ويتاسف عن الموقف اللي صار .... تعالوا نشوف بونوار شو سوا.....في مكتبه كان بونبيل عنده ويترجاه انه يساعد نبيل في هالقضية...قاله بو نوار انه بيسوي باللي يقدر عليه وانه راح يساعده والباجي على الله...عقب قاله بو نبيل انه راح يعطي المبلغ الي يحدده بو نوار فطلب منه 70 الف وفي حال ما طلع نبيل 50 الف....وكتب بو نبيل الشيك لبو نوار...وراح... راحت بدور بيتكم خالد ودقت الباب وخالد كان يترياها وفتح لها الباب...عقب سالته بدور عن السالفه...رد عليها انه في مشكلة وانه اربيعه كان معطنه شيك... الحين ملزم عليه انه يرد المبلغ...يوم سألتها بدور على المبلغ قالها 5 ألاف درهم اتفاجأت بدور من المبلغ..وسالته متى عاطنه المبلغ وكيف يعطيه واهو مايشتغل...بس خالد قالها عاطني ايام كنت اشتغل....فدبريلي المبلغ ابسرعه...بس بدور قالتله انه المبلغ اكبير وااايد...وانها ما تقدر ادبر هالمبلغ لانها ما تشتغل وتاخذ مصروفها من اختها وامها...وحدها تقدر اتساعده 100 او 200 ..وانها ما تقدر تسأل اهلها عن هالمبلغ....زعل خالد عليها وقالها انا كنت اعتقد انج اللي تساعدني في هالمشكلة...وانا ما كان لي حد غيرج اعتمد عليها...بس خلاص ماعليه انا بروحي بدبر المبلغ حتى لو ابيع عمري...حزنت بدور وقالتله ماعليه انا بشوف لك المبلغ...اشويه اتصلت عليها ساره وتقولها ردي البيت لانج تأخرتي...وسكرت عن ساره ووعدت خالد انها راح تدبر المبلغ...وراحت...اشويه اتصلت ليلى في خالد ...وقالها انا الحين بييج عند البنك... في مكتب كان بونوار يالس مع مروه ومساعده...يناقشون قضية نبيل وطلب من مساعده انه يشوف القضيه وابعادها...رمس مساعده انه نبيل ما جتل اربيعه بس حقنه بابره علشان يفتح عيونه...بس اربيعه مات...وان نبيل ما ياخذ مخدرات وما يحقن...اهني عبرت مروه عن رأيها في القضيه ان نبيل برئ..وانه ما جتل اربيعه... فرح عبدالله الناشد بطريقة تفكير مروه في ابعاد القضية...وعبر عن اعجابه الشديد فيها...وفي ذكاءها عقب طلعوا .... تعالوا لنوار واهي يالسه في المطعم تتريا مروان وزوجته سلوى...عقب عدلت مكياجها...وقالت الحين بخليك اتشوف الفرق بيني وبين سلوى...طبعا الكلام موجه لمروان... وصلت سلوى وسلمت عليها ويلست...سألت نوار عن مروان لكن سلوى ردت علييها انه مروان اعتذر لانه صار له ظرف طارئ....عقب نوار قالتلها زين عيل بجذي عالاقل ناخذ راحتنا في الكلام.. في بيتكم فاطمه...بدور نشت اشوي اشوي..وراحت برع الغرفه ...راحت حجره امها وخذت الفلوس من شنطتها وطلعت..راحت غرفتها وبغت ترقد نشت ساره وتسألها انها من وين يايه ووين كانت...ردت بدور عليها انها كانت اترمس خالد بالموبايل...عقب سألت عن امها ومروه...قالتلها ساره انه ام خالد يت وراحوا معاها علشان يختارون زوجة لخالد...فكرت بدور بكلام اختها ساره... تعالوا اشويه للمطعم...نوار وسلوى وافقات عند باب المطعم...يرمسون اتصل مروان على سلوى وقالها اطلعي انا وصلت...واستاذنت سلوى من نوار وراحت .... بدور اتصلت في خالد وسألته عن موضوع اللي اختها ساره خبرتها اياها...خالد رد عليها وكان يالس مع ليلى...وقالها انتي الحين اتصدقين كلام ساره وتجذبيني انا...قالها انتي يبي الفلوس وان البيت اللي اهو فيه ما تدخلها الا بدور...وسكر عنها ويلس يتغزل في ليلى... نوار يالسه في حجرتها وتفكر في مروان وتطالع البوم صورها مع مروان...عقب شلت الدفتر وكتبت مذكراتها ...وسكرت الدفتر وقالت سامحيني يا سلوى مروان لي وبس... نرجع لبدور واهي مب راقده في الصاله تتريا امها واختها مروه...يوم وصلوا شافتها امها انها بعدها مب راقدة سألتها ليش بعدها واعيه...ردت بدور عليها انها كانت تترياهم...وعقب سالتهم عن موضوع انه صدق انهم راحوا مع ام خالد علشان يدرون زوجة لخالد...رددت عليها مروه هيه صح انتي شلج خص في خالد لو يتزوج ولا لا...شو اهو ولد عمج ولا شئ...عقب مروه قالت لبدور انها شافت اعلان لوظيفه...واقترحت عليهم انهن يرحون ويشوفون...ردت عليها بدور ان التاكسي ما بيوديهم من غير فلوس...ضحكت مروه عليها وقالت انا محد يبط جبدي غير بدور...عطتها الفلوس وراحت بدور لغرفتها...عقب فاطمه طلبت من بنتها انها اتروح باجر الجمعية وتشتري اغراض للبيت وبالمره تسأل خواتها لو يبون شئ من الجمعية...سألتها مروه انها استلمت الراتب ولا...ردت امها عليها هيه استلمت الراتب عشان جي ابيج اتروحين الجمعية.... تعالوا الصبح خالد وامه كانوا يالسين على الريوق...عقب سألته امه انه شو رأيه انه يتزوج...خالد اتشكل ويه ورد على امه انه منو بيرضى يزوج بنته له واهو ما يشتغل...امه قالتله انته تزوج والشغل الله كريم...بس خالد رد عليها انه ما يبي يتزوج...وانتي ليش مصره تزوجيني....وانتهت الحلقة... ترقبونا في الحلقة الخامسه.... Quote Link to comment Share on other sites More sharing options...
فهد مندي Posted سبتمبر 16, 2007 Report Share Posted سبتمبر 16, 2007 شكرا جزيلا على هذه التغطية الجميلة منكم وبالتوفيق دائما تحياتي Quote Link to comment Share on other sites More sharing options...
دموع ميره Posted سبتمبر 16, 2007 Author Report Share Posted سبتمبر 16, 2007 تسلم لنا يا اخوي فهد وهذا واجبنا يا الغالي... وشاكرين لك مرورك الرائع Quote Link to comment Share on other sites More sharing options...
Aseer_Dubai Posted سبتمبر 16, 2007 Report Share Posted سبتمبر 16, 2007 تسلم مديرنا الغالي على المرور الجميل وتحياتي الحارة لك Quote Link to comment Share on other sites More sharing options...
((عـــذب بن عـــمـــران)) Posted سبتمبر 16, 2007 Report Share Posted سبتمبر 16, 2007 (edited) شغل عدل والله ادمووع واسير نبي جديدكم لا تحرموونه منه Edited سبتمبر 16, 2007 by ((عـــذب بن عـــمـــران)) Quote Link to comment Share on other sites More sharing options...
عاشقـــ البحر ــــة Posted سبتمبر 17, 2007 Report Share Posted سبتمبر 17, 2007 شكرا دموع على هالجهود الرائع والى الامام ابدعتي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.