قطرات حب Posted نوفمبر 26, 2007 Report Share Posted نوفمبر 26, 2007 بسم الله الرحمن الرحيم السلام عليكم اخواني وخواتي المشكلة وبإختصار.. بنت خالتي تزوج من سعودي.. المهم كانت حياتهم مستقرة لمدة 3 سنوات.. كانوا عايشين في البحرين.. لأنه عنده بعثة عمل لمدة 3 سنوات.. المهم كان أوكي معاها.. وخبركم هو سعودي فما سألت عنه.. وعطته الثقة.. عقب فترة حملت ويابت بيبي صبي.. وكان زوجها في عطلة الويد اند يروح السعودية.. المهم في مرة من المرات راح السعودية.. ويوم رجع معتفس!! متغير عليها.. كل ما تكلمه يصارخ عليها.. بدون سبب.. خذ على هالموضوع أسبوع.. وهي ما قالت حق أمها أو أي أحد من العائلة!! تلعوزت حالتها.. وقام يطقها.. ويسبها في عرضها.. هي كانت واااايد تحبه.. وتستحمل عشان ولدها.. ومرت الأيام.. وقام يهددها بالطلاق.. وبالفعل طلقها!!.. بدون أي سبب مبهم!!!!!!!! طلقها وسافر.. وهي ماتدري شنو مسوية.. تخيلوا كانت تقوله ليش انت جذي شنو صادك؟ ليش متغير؟ يقولها انت السبب!!!!!! المهم مشت الأيام.. وبنت خالتي المسكين مو متقبلة الموضوع.. وكله تصيح.. تطالع ولدها وتصيح.. ودوها أمي وأمها.. حق مطوع يقرأ عليها.. وما في فايدة؟؟ بس يقول لكم.. الخبر اللي اليوم بفلوس.. باجر ببلاش؟؟؟ (((( طلع متزوج!!!))) وعنده 4 عيال.. وعايش حياته على احسن ما يكون!! بس المأسى.. أن بنت خالتي ما صدقت الموضوع.. وللحين على أمل أنه يرجع لها ولولدها؟؟ مر على الموضوع جم سنه!! أمي.. وأمها وباقي خالاتي.. شنو قالوا.. يجوفون خطابات.. ويكلمونهم عنها.. عشان يجوفون لها واحد ريال خايف ربه يتزوجها!! على وعساه يغير حياتها اللي كأنها جحيم؟؟ فيا أخواني وخواتي.. كل واحد ووحدة قرأ هالمشكلة.. ويعرف خطابة .. يطرش لي رقمها على الخاص!! ولكم مني جزيل الشكر و الإمتنان.. والله لا يبليكم مثل ما بلاها.. وتحملوا بروحكم ولا تصدقون اي احد.. تحياتي.. وبانتظر منكم الرد.. Quote Link to comment Share on other sites More sharing options...
امير الشوق Posted نوفمبر 26, 2007 Report Share Posted نوفمبر 26, 2007 السلام عليكم ورحمة الله وبركاته.. بس حبيت اعقب على الموضوع واقول رايي بصراحة وهو ان الغطلة الاولى كانت منها هي واهلها، المفروض يسالون عنه بشتى الطرق حتى يعروفون كل شيء عنه وبصراحة اغلب الخليجيين اللي يتزوجون بحرينيات يكون مصير هذا الزوج الفشل وبالخصوص السعوديين والكويتين.. ان شاء الله الله يفرج عنها ويكشف عنها الهم والغم وتحصل لها رجال يسندها ويكون لها الحامي وينسيها كل شي.. بس عندي هالمنتدى للزواج وان شاء الله يفيد http://zawajbahrain.com/index1.html Quote Link to comment Share on other sites More sharing options...
اللبؤة الحنونه Posted نوفمبر 26, 2007 Report Share Posted نوفمبر 26, 2007 الله يقدم الي فيه الاخير وانا بالصراحة مااعرف أي رقم Quote Link to comment Share on other sites More sharing options...
..^ذبانة كشخه^.. Posted نوفمبر 26, 2007 Report Share Posted نوفمبر 26, 2007 مسكينه عورت قلبي .. ومثل ماقال امير الشوق المفروض تسال عنه .. والله اختي ماعندي رقم خطابه .. بس ترى غلط تدورون لها المفروض اشوي تطلعونها من الحاله الي فيها بعدين تتزوج .. الله يخفف عنها انشالله ويساعدها يارب Quote Link to comment Share on other sites More sharing options...
M.A.J Posted نوفمبر 26, 2007 Report Share Posted نوفمبر 26, 2007 سعودي عااد .. انه عمري ما جفت سعودي عدل .. مع احترامي لهم يعني كلش ما تسألون عنه ولشي .. المهم .. دام انه طلقها يعني خلاص كلشي انتهى تربي ولدها وتزوج وتعيش حياتها الحياة ما توقف عند احد Quote Link to comment Share on other sites More sharing options...
A.Pirlo Posted نوفمبر 26, 2007 Report Share Posted نوفمبر 26, 2007 ويا اخوي M.A.J 100% Quote Link to comment Share on other sites More sharing options...
انين القلوب Posted نوفمبر 26, 2007 Report Share Posted نوفمبر 26, 2007 الله يعينها Quote Link to comment Share on other sites More sharing options...
قطرات حب Posted نوفمبر 27, 2007 Author Report Share Posted نوفمبر 27, 2007 يعطيكم العافية كلكم على مساعدتكم لي.. ولو بالكلامات الطيبة.. وترى كلامكم كله عدل.. Quote Link to comment Share on other sites More sharing options...
رغوده المحرقاوية Posted نوفمبر 27, 2007 Report Share Posted نوفمبر 27, 2007 الله يساعدها للاسف ما عندي رقم خطابه Quote Link to comment Share on other sites More sharing options...
tatu حبايبي Posted نوفمبر 27, 2007 Report Share Posted نوفمبر 27, 2007 مسكينة =( ماتستاهل والله ماعرف قدر الي تحبه =( وللاسف ماعندي رقم اي خطابه =( Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.