غصون المحبة Posted فبراير 5, 2008 Report Share Posted فبراير 5, 2008 واو البارت روعه حده بليز مو قادره انظر ردي نزلي لنا بارت Quote Link to comment Share on other sites More sharing options...
غصون المحبة Posted فبراير 5, 2008 Report Share Posted فبراير 5, 2008 يعطيج العافية خيووو ننتظر البارت الجاي Quote Link to comment Share on other sites More sharing options...
بطة المنامة Posted فبراير 5, 2008 Report Share Posted فبراير 5, 2008 يالله نبي باارت جديد اققووول مابي احزااان مابي اقعد اصييح وايد اقعد اقعد اتأثر من القصص!! يلااااااااااااا واحد اثنين بارت جديد Quote Link to comment Share on other sites More sharing options...
bent cool Posted فبراير 6, 2008 Report Share Posted فبراير 6, 2008 ننتظر البارت يسلموو Quote Link to comment Share on other sites More sharing options...
فـ قلبي ـي Posted فبراير 6, 2008 Author Report Share Posted فبراير 6, 2008 بدون اسم أحسن >> يشرفني مرورج وردج أول وحده .. danat aldonya >> أني حبووبه مو حبوب والقصة مو حقيقية !!.. ويشرفني متابعتج للقصة غصون المحبة >> الله يسلمج .. عجبج البارت (( ان شاء الله إلي جاي بعد )) بطة المنامة >> امممم ,, ان شاء الله مافي أحزان bent cool >> يشرفني مرورج ومتابعتج للقصة . . شوي وبنزل الحزء الرابع أنتظروني .. Quote Link to comment Share on other sites More sharing options...
فـ قلبي ـي Posted فبراير 6, 2008 Author Report Share Posted فبراير 6, 2008 الجزء الرابع الساعة 7 ونص بالضبط تحرك الباص من البحرين (( إلى سوريا )) أم علي لها كرسين حاجز أبو علي لها ثنين عشان ترتاح بروحها زينب ومعاها ولدها .. وريم وعلي في الباص حركة وترتيب والجوازات .. والكل ساكت وصلوا الجسر ,, جسر الملك فهد ,, نزلوا وقعدوا النساء بعيد عن الرجال ريم كانت قاعده على الكراسي مع عمتها وزينب .. جت مره كبيره شوي قعدت .. ريم قامت عشان تخليها تقعد أم محمد : لا مايحتاج زين المكان قعدي السلام عليكم ريم : وعليكم السلام .. زينب كانت تسولف مع أمها وما سمعوها تسلم أم محمد أنتبهت : يؤؤه أم علي .. أنتين هني ويانا في الباص شحوااااالج أم علي : هــــــــــلا أم محمد الحمدلله زينه وانتين شخبارج .. وقاموا يحضنون بعض أم علي : يالقاطعه وينج جم سنه ولا شفناج ولا تمرون علينا ولاشي ؟؟ أم محمد : ويش نسوي بعد الدنيا مشاغل .. وقعدوا يسولفون أم علي وأم محمد كانوا جيران .. وأبومحمد وأبو علي أصدقاء عدل وبعد كان بينهم شغل .. بس أبو محمد توفى يوم كان عمر ولده محمد 10 سنوات .. بعدها أم محمد راحت سكنت في بلد أهلها وأبو علي كان يزورهم بس مع السنوات والأشغال أنقطعت الزيارات .. أم محمد : شخبار علي للحين دلوع ومدلل ... ريم من سمعت علي درات وإبتسمت أم علي : ههههههههه ويش دلووع بعد لا اللحين رجال كبر وخطبنا له وهذي خطيبته أم محمد : ايه ويش حلاوتها الله يخليه ويخليها .. أم علي : ويخليج .. وشخبار محمد اللحين إكبر له .. كان ليل ونهار ويانا ويه علي يجننوني يعفسون البيت ههههه أم محمد : هههههههههه أي كبر اللحين وهي تناديه : محــــــــمد محمد محمد جه إلى أمه وكانت أم علي وياها وريم قاعده وياهم محمد : نعم آماه بغيتين شي ؟؟ ريم فتحت عيونها (( باااال هذا ويانا وطلعوا يعرفون عمتي اوووف )) أم علي : شخبارك محمد ماعرفتني ؟؟ محمد : هــــــــــــلا أم علي الحمدلله زين اسأل عنكم أنتون شخباركم وشخبار عمي أبو علي (( هو يكلمها وهو يطالع ريم )) وريم دارت راسها تسولف مع زينب أم علي : ايه تسأل عنا لو تعرفنا جان جيت زرتنا له محمد : ويش نسوي أشغال .. إن شاء الله الأيام جايه وأزوركم .. وهو ماشي (( حليووه هالبنيه .. حبيتها إبتسامتها بتذبحني .. اكيد هذي إيمان بنت أبو علي بقول إلى أمي تخطبها .. حبيتها )) بعدها قالوا لهم قوموا كملوا الجوازات والتفتيش ركبوا الباص .. أم علي وأم محمد سوالف طول الطريق وكل وحده تقول لثانيه قصصها وويش صار ماصار علي : ويش فيها أمي اليوم واجد تسولف وهذي منهي إلي تسولف وياها ويش عرفها بها ريم : ما ادري ما اعرفها بس سمعتها تقول كانوا ويه بعض في الفريق ومات رجلها وراحت ديرة أهلها علي : اييييه هذي أم محمد .. أنا شفت محمد وسلمت عليه عبالي بروحه طلعت وياه أمه ريم من سمعت محمد تغيرت ملامحها وسكتت كان الطريق طويل وتعب الساعة 3 ونص نزلوهم المحطات وتغدوا وكملوا الطريق .. ريم كل ما تدور تشوف واحد يطالع فيها .. تضايقت شوي بس قالت تتحمل وتسكت محمد من شاف ريم نسى الدنيا كلها والناس وبس يفكر فيها وفي إبتسامتها كان بس قاعد ويطالع فيها علي نام وريم متملله .. تقعد فيه : علي قوووم له الا نمت اقعد عااد علي فتح : عمري نامي ملل الطريق طويل تنامين أحسن ريم : اووكي نام اني باروح بقعد ويه زينب وعمتي ريم راحت قعدت على كرسي عبدالله (( ولد زينب )) وحطته في حضنها وقعدت تسولف ويه زينب وبنات توأم كانوا قدامهم الساعة 6 ونص المغرب نزلوهم في محطه .. صلاة وراحة شوي وبس بكملون الطريق عائلة علي قعدوا في صوب .. أم علي : تعالوا أم محمد قعدوا ويانا أم محمد : لا مايحتاج أم علي : ويش مايحتاج كله واحد تعالي لا تستحين هذا الا علي ولدج ومحمد حسبت ولدي ومحمد يعرف زينب كله واحد وياه .. وخطيبة ولدي بعد كله واحد تعالوا يلا راحت أم محمد هي وبناتها (( نور ونوراء عمرهم 16 سنة توأم )) محمد رجع يدور أهله ماشافهم .. نادته أخته وراح لهم قعد وياهم وريم تضايقت شوي من وصل محمد .. علي : عمري قومي نروح البراده ريم (( اخيرا باقوم )) : يلا قووم محمد سكت وأستغرب علي يقول إلى اخته عمري محمد : ماشاء الله هذي إيمان كبرت أتذكرها صغيره زيـنب : ههههههههههه لا مو إيمان هذي .. خطيبة علي تغيرت ملامح محمد وسكت .. أم علي : إيمان الله يحفظها ويخليها عرسناها وجينا .. من أسبوعين كان عرسها على ولد عمها أم محمد : ايه الله يبارك ليهم ان شاء الله شوي وقاموا راحوا الباص .. محمد راح مع خواته البراده .. علي وريم كانوا هناك علي: بس عاد .. بسج كاكو ريم : انزين بس خلاص يلا راحوا يحاسبون وهم طالعين ريم : اوووووووووه لحــــــــظه نسيت علي : ويش بعد ريم : علوج Extra أحمر محمد سمع ريم .. علي : لو سمحت عطني Extra دفع وطلع خوات محمد أشتروا وكملوا ودفعوا محمد : عطني Extra أحمر نوراء : اووه محمد بتاخذ علوج أول مره غريبه محمد : ويش فيها مايصير ناخذ يعني دفع وطلعوا الساعة 12 الليل كان الباص هدوء الكل نايم وتعبان والباص بارد ظلام وفيه إضاءه خفيفة حمره ريم (( اووووووف ياربي ملل ملل ومافي أحد أسولف وياه )) وتقعد علي : علي اقعد عاد تمللت علي : ويش نسوي نقعد نامي أحسن ريوومي نامي وكمل نوومه ريم : ويش أني ما اعرف أنام في الباص قاعده متملله أخذت تلفونها وقالت بتشوف الصور عن الملل وهي تطالع الصور .. استلام بيانات من (( ضاع الولد )) .. ريم أستغربت وضحكت : أي ولد !! قبلت ..تم الإستلام .. مرحبا شخبار ؟؟ أرسلت له: مرحبتين ياهلا .. بخير من ؟ استلام بيانات من ((وصـيت قلبي *_^)) .. قرأ الكلام واستانس ورد عليها ضاع الولد : أنا واحد وصيت قلبي *_^ : أدري واحد *_^ بس من ؟؟ ضاع الولد : إلي قدام عليي فانيلة حمره .. ريم تذكرت أن محمد عليه فانيله حمره (( بل ليكون هو )) ضاع الولد : ويـــنج ليش ماتردين ؟ وصيت قلبي *_^ : هلا.. أنت تعرف من أني ؟؟ ضاع الولد : أيه ريم له ؟؟ .. ريم سكتت (( بل يعرف أسمي بعد )) وصيت قلبي *_^ : انزين اللحين وش بغيت ؟ ضاع الولد : نسولف عن الملل أنا مافيني نومه وأنتين شكلج مو نايمه .. ريم ماردت عليه ضاع الولد : إنزين قولي ليي يعني ويش وصيت قلبي ؟؟ وصيت قلبي *_^ : واضحه يعني وصيت قلبي ضاع الولد : امممم مافهمت .. ريم (( اووووف شكله هذا مايفهم بسرعه )) وصيت قلبي : يعني وصيت قلبي ما يحب غير واحد إلي هو خطيبي علي .. محمد سكت ومارد (( انقهر )) وصيت قلبي *_^ : انزين وانت يعني ويش ضاع الولد ؟؟ ضاع الولد : يعني ضاع وصيت قلبي *_^ : ؟؟ ضاع الولد : يعني أنا ضعت .. ريم مافهمت شي بس قالت كيفه وصيت قلبي *_^ : اها زين ان شاء الله يحصلونك وقعدوا سوالف ريم ومحمد طبعا بلبلوتوث (( مو بلوتوث مسنجر صار )) وصيت قلبي *_^ : يلا بااي ضاع الولد : وين وين لحظه بتنامين توج تقولين مابتنامين ؟؟ وصيت قلبي *_^ : لا بس علاوي قعد مع السلامة مشكور سولفت ويايي عن الملل *_^ ما أمداه يرسل لها : بندت لبلوتوث وطلع عنده فشل للإرسال علي : ويش تسوين في التلفون ريم : ما أسوي شي أطالع الصور متملله .. زين قعدت عشان أسولف وياك قعد علي يسولف مع ريم سوالف ويذكرون أيام الحب (( سوالف عن الملل )) ريم تذكرت كلام محمد (( خاطري اجرب الحب بس مافي وحده تناسبني .. آه خساره ماشفتها قبل )) الساعة 6 ونص وصلوا .. آخر منطقه في السعوديه وبعدها يدخلون الأردن كان الجو بارد .. كملوا الجوازات وطبعا النساء بروحهم والرجال بروحهم ريم كملت من الجوازات وراحت مع بنات أم محمد وقعدت معاهم أم محمد : تبين حليب أصب لج ريم ماحبت ترد أم محمد : أيه صبي ليي واذا يصير في هذي الكوبه السوده (( كان كوب أسوده فيه ورد لونه أحمر طبعا هذي كوبة محمد بس ريم ماتدري )) أم محمد : ان شاء الله من عيوني .. وصبت لها ريم : مشكووره أم محمد وقعدت ريم تبرد الحليب من بعيد علي ينادي ريم ريم : اللحين باجي لحظه ,, أم محمد بروح له وبكمل الحليب وباجيب الكوب .. راحت ريم علي وهو رافع حاجبه : هذي كوبة من وليش تشربين حليب ماتنتظرين اللحين بنشتري ريم : عااااااادي .. أم محمد قالت بتصب ليي وماحبيت أردها علي وهو يسحب الكوب من عندها : اووووكي بس جيبيها ريم : خلني أكمله لا تكته .. علي ولا كأنه يسمع .. ريم انقهرت ماشربت من الحليب بعدها راح ومعاه ريم : مشكوووره أم محمد وعطاها الكوب أم محمد : كله واحد تبي أصب لك علي : لا وهو رايح مع ريم .. وكان توه واصل محمد محمد : صبي لي حليب أماه أم محمد : لحظه قوموا غسلوها محمد : ليش تغسلينها وهو يطالع خواته .. منهي شربت فيها أم محمد : ريم خطيبة علي ولد أبو علي جايه ويه خواتك وصبيت ليها واللحـينـ .. ماكملت كلامها محمد : لا بس صبي ليي بس أم محمد صبت له الحليب .. ومحمد شرب الحليب وهو مستانس حده من صوب ثاني .. علي : تفشلنا تروح تشرب من عند الناس .. لا بعد بكوبتهم ماتدري نظيفه مو نظيفه سيده تشرب ريم ساكته ومتملله ترد عليه (( ومقهوره خاطرها في الحليب )) أم علي : جان انتظرتين شوي بجي علي وبنشتري صدق ويش دراج تشربين وبس ريم ساكته بعد ولا تكلمت (( تعرفهم هم دائما جذي مايحبون ياخذون أكل او طباخ من عند الناس وبعد على قولتهم يخافون عليها )) ريم قعدت عبدالله في حضنها تلعب معاه وتبوسه .. شوي ووصل علي وعطاهم الحليب وسندويشاات ريم : ما ابي شكرا علي : أشربي حليب مو توج كنتين تبين حليب وبتصيحين عليه ريم (( شكلها زعلانه )) : بس خلاص اللحين غيرت رايي ما أبي حليب وقامت راحت الباص كملوا كلهم .. وجهزوا جوازاتهم وراحوا الساعة 11 ونص وصلوا سوريا وكان أبو علي عند الباص ينتظرهم .. نزلوا من الباص أم علي : تدري منهو ويانا في الباص .. ولد صالح الله يرحمه محمد وأمه وخواته أبو علي : صدق وينهو ريحة الغالي أم علي : اللحين بينزل نزل محمد وحضنه أبو علي وسلم عليه (( وتذكر أبوه كان رجال طيب وصديقه ومحمد يشبه ابوه )) نسيت أوصف لكم محمد (( محمد طوله مثل طول علي تقريبا وبعد جسمه حليوو رياضي شعره حرير بس مو طويل .. ملامحه حلوو وأسمر شوي .. سمارته حلوه )) أبو علي يكلم محمد : اللحين وين بتسكنون محمد : ما ادري بندور سكن ؟؟ أبو علي : يعني ماحجزتون .. بس عجل ويانا في نفس الفندق تعالوا .. أبو علي حاجز في (( ماجد سويت )) وراحوا كلهم ماجد سويت .. شقة أبو علي كانت مقابلة شقة أهل محمد علي وريم لهم غرفة خاصه .. وأبو علي وأم علي غرفة .. والثالثة زينب وولدها أول يوم كان تعب ومن وصلوا تسبحوا وناموا .. مرت ثلاثة أيام على وصولهم وريم تروح مع عمتها وزينب الحرم يصلون ويزورن ويرجعون وكان محمد كل يوم يقعد عند باب العماره (( ينتظرهم )) الساعة 4 العصر زينب قالت إلى ريم تروح معاها السوق وأم علي بتقعد مع ولد زينب .. السوق كان بعيد عن سكنهم .. بمسافه زينب كانت تشتري وتعطي ريم تحمل عنها لجيااس (( مسكينه ريم )) ريم : بس عاد ذبحتيني قاعده وأحمل لج تعبت أني ما اقدر أمشي بس زينب : بس خلاص أوقفي هني دقيقة باروح وباجي مناك بس شوي ما بتأخر ريم : لا تتأخرين اووكي حدج خمس دقايق وراحت زينب .. وقعدت ريم ساعة تنتظر زينب .. وكانت مضايقه من الشباب و حركاتهم وخايفه زينب تسوقت وخلصت إلي تبيه ومرت أشتر لها أكل من المطعم وراحت الشقه .. دخلت بأجياسها زينب : اوووووف تعبت تكسرت تعب تعب .. احنا وينه والسوق وينه أم علي : وين ريم ؟؟ زينب تضرب على راسها : اووووووووووووه نسيتها .. نسيتها *أحد ينسى إلي وياه* أم علي وهي قايمه : ويش نسيتينها لبنيه ماتدلي مكان وهديتينها بروحها قومي روحي ليها قووووومي زينب : بعيد الســــــوق ما اقدر وين علي .. أبويي ؟؟ أم علي راحت شقة أم محمد تسأل عن أبوعلي قالت لها أم محمد : مر سلم وطلع .. ومحمد طالع بعد أم علي وهي تدوور في الصالة : اللحين ويش نسوي بنت الناس جبناها وضيعناها يالنحيسه قومي روحي ليها زينب وهي تتصل : ما اقدر تعباااانه بعيد السوق رجايلي ما اقدر.. اوووف مايرد أبويي بعد أم علي وهي متوتره وخايفه : ويش نسوي اللحين اذا درى علي بيفضحنا .. رحتين فيها منه .. أتصلي شوفيه وهي داخله الغرفة : راحت بت الناس .. في ذمتي أمها موصيتني عليها ويش بقولون ضيعنا بتهم وهذا أبو علي بعد ما ادري وينه . . ريم وش بكون حالها اللحين ؟؟ موقف علي من حركة أخته زينب ؟؟ محمد..!!..؟؟ . . أنتظروني في الجزء الخامس وأتمنى عجبكم البارت وأنتظر ردوكم وتشجيعكم Quote Link to comment Share on other sites More sharing options...
m!ss M Posted فبراير 6, 2008 Report Share Posted فبراير 6, 2008 القصه حدهاااا روووعه تسلمين عنوني وبانتضار البارت اللي بعده Quote Link to comment Share on other sites More sharing options...
غصون المحبة Posted فبراير 6, 2008 Report Share Posted فبراير 6, 2008 يسلمووووو على البارت البارت حده روعه يعطيج العافية خيوو ننتظر البارت الجاي بس لاطولين عليا Quote Link to comment Share on other sites More sharing options...
بطة المنامة Posted فبراير 6, 2008 Report Share Posted فبراير 6, 2008 هههههههههه مدامج قلتيي اممم في ردج يعني اكيد القصة فيها احزااان يلاااا ننتظر البارت الجديد!!! Quote Link to comment Share on other sites More sharing options...
ولائية Posted فبراير 6, 2008 Report Share Posted فبراير 6, 2008 يلا بسرعة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.