فـ قلبي ـي Posted فبراير 6, 2008 Author Report Share Posted فبراير 6, 2008 مشكووووورين عـ المتاابعه ,, ان شاء الله أشوفكم دووم تردوون حبيت أقول إلى بطة المنامة تابعي القصة إلى النهاية وان شاء الله سعيده (( مو حزينه )) وأحداث القصة بعضها حقيقية . . انزين بقول لكم مساامحه مابقدر أنزل بارت إلى اذا شفت ردود أكثر صراحه في ناس يدخلون ويقرأون ومايردون حرام جذي (( زعلانه )) أتمنى أشوف تشجيع وردود أكثر عشان أنزل بااارت . . يلا تشجيع Quote Link to comment Share on other sites More sharing options...
بطة المنامة Posted فبراير 6, 2008 Report Share Posted فبراير 6, 2008 يعني احنا مو ماليين عيينج حررررررام نبي البااارت بسرعة انه جفت اخر رد ردج دخلت بسرعة قلت اكيد حطيتي بارت يديد !!! يعني ناس تخرب على ناااس ردوو شنو بتعبكم على الاقل بس كلمة شكر Quote Link to comment Share on other sites More sharing options...
ولائية Posted فبراير 7, 2008 Report Share Posted فبراير 7, 2008 (edited) حراااااااااااااااااام عليج اني اليوم دخلت قلت اكيد كملت البارت الخامس ويعطيج العافية Edited فبراير 7, 2008 by ولائية Quote Link to comment Share on other sites More sharing options...
bent cool Posted فبراير 7, 2008 Report Share Posted فبراير 7, 2008 وين البااارت حراام .. نزليه يلا ننتظر << نبي بارتين اليوم Quote Link to comment Share on other sites More sharing options...
بكاء القمر Posted فبراير 7, 2008 Report Share Posted فبراير 7, 2008 بانتظار التكملة .. يعطيج العاافية.. Quote Link to comment Share on other sites More sharing options...
فـ قلبي ـي Posted فبراير 7, 2008 Author Report Share Posted فبراير 7, 2008 ولائية ,, الدرة اليتيمة >> يشرفني انضمامكم إلى المتابعين للقصة وأتمنى أشوف ردودكم كل مره bent cool >> حرام عليهم إلي مايشجعون .. وأنتظري بنزل البارت عشانكم بطة المنــامة >> فديتج تملين عيووني بس بعد أبي تشجيع .. . . يلا شوي (( بس شوي )) وبنزل البارت بس عشان إلي ردوا اوووك أنتظرووني Quote Link to comment Share on other sites More sharing options...
h_lo0ove Posted فبراير 7, 2008 Report Share Posted فبراير 7, 2008 السلام عليكم وااو قصة روعة أختي فـ قلبي ـي أتمنى تقبليني متابعة لقصتج؟؟!! يلا وين البارت أنتظر ؟؟ Quote Link to comment Share on other sites More sharing options...
فـ قلبي ـي Posted فبراير 7, 2008 Author Report Share Posted فبراير 7, 2008 h_lo0ove >> تشرفني متابعتج للقصة يالغاليه وأكيد أقبلج في عيــوني نورتي الصفحه بمرورج يلا عشان عيوونج وعيون (( بطة المنامة )) وكل إلي يردون .. . . الجزء الخامس دخل الشقة .. زينب : أبــــــــوي لحقنا أم علي سمعت صوت أبو علي وطلعت : أبـــــو علي روح لريم السوق ضيعتها بتك هناك روح لبنت الناس اللحين ويش حالها .. جايبينها في ذمتنا .. أبو علي يطالع زينب زينب : والله نسيتها نسيتها أبو علي وهو واقف : انزين قولي ليي وين باروح أجيبها أبو علي طلع وراح السوق مكان إلي تركت فيه زينب ريم محمد : حـــــــــلفي أماه واللحين وينه هي ؟؟ أم محمد : ما ادري ويش دراني أم علي جت تدور أبوعلي وقالت السالفة (( أمداها قالت السالفة أم علي )) محمد محتار وش يسوي (( والله خاطري أروح أذبح هذي زيـنبوو )) وطلع بره قعد عند الباب ينتظر خبر أبو علي وصل السوق وشاف ريم واقف وساكته .. ريم من شافت عمها حضنته وقعدت تصيح ريم : زينب خلتني برووووووحي وتصيح أبو علي : بس لا تصيحين جيت لج له يلا أمشي البيت وأمسحي دموعج لا يطنزون عليج الناس بقولون مره وتصيح .. ريم حاولت تسكت وأخذ عنها أبو علي لجياس وراحوا محمد كان قاعد عند الباب على أعصابه مرعلي وسلم عليه وهو يضحك علي : ويش فيك الا قاعد عند الباب وشكلك مضايق محمد (( بل شكله مايدري بشي )) : لا مافيني شي بس متملل قلت أقعد بره شوي علي وهو رايح فوق : اذا متملل روح القهوه كلهم شباب البحرين هناك وأقعد وياهم دقايق ووصل أبو علي ومعاه ريم محمد : هلا أبو علي ويش صاير .. حصلتها .. وهو يطالع ريم ريم كانت ساكته بس يبين عليها كانت تصيح أبو علي : ماصار شي اكي مافيها شي بس هي ماتدلي وتخاف وراح وياهم وبعدها راح شقته علي يصرخ : أفتحـــــــــي الباب أقولج لا أكسره دخل أبو علي وريم من شافت علي راحت تركض له وتصيح علي عصب أكثر : زيــــــنبوووووو أفتحي أحسن لج أبو علي : بس علي حصل خير ويش فيك معصب بس اكي مافيها شي علي ساكت ومارد على أبوه : مابتفتحين هاااا ماعلي أراويج .. ريم راحت غرفتهم أم علي : وين شفتها ؟؟ أبو علي : واقفه بأجياس بروحها والعالم وسيايير وصبيان ومن شافتني قعدت تصيح علي : لكن كله منج يوم قلت ليها ماتروح وياها قلتين خلها تروح ويه أختك وبتتحمل بها .. وأخذ لجياس ودخل غرفتهم ريم كانت قاعده وتصيح : مو أجياااااسي ودهم ليها أني ما اخذت شي بس كنت رايحه وياها وهي ماقصرت خلتني أشتغل عندها ولابعد تنساااني علي أخذ لجياس وطلع بره .. (( في الصالة بلكونه )) أم علي : لاااااااااء خلهم لا ترميهم أغراض اختك .. علي كمل ورماهم من البلكونه (( خساره عليهم )) (( علي اذا يعصب يسوي كل شي .. أشياء محد يتوقعها )) علي : بس ريمي حبيبتي لا تصيحين له ريم وهي تصيح : ايه ما اصيح انت ماشفتني هناك وحالتي ماظل واحد ماتحجج بي وواقفه بأجياس صار ليي ساعة .. بس أني أبي ارووح البحرين .. باروح بيتنا إلى أمي وأبويي أحسن ليي .. وحاطه إيدها على وجهها وتصيح مااني باجر أروح البحرين .. باجر علي وهو يحاول يهديها : ويش ترووحين البحرين تونا جايين وبس ماعليج من زينبوو مره ثانيه ما أخليها توديج وياها وبعد كل مكان تروحينه وكل طلعه ويايي بوديج أنا كل مكان وباروح وياج بس سكتي محمد : قوووووومي عاد روحي أماه أم محمد : ويش أروح ويش بقولون عني لا ماني رايحه محمد : عاااد عااد لا ترديني قومي .. أم محمد راحت ودخلت كان أبو علي وأم علي قاعدين في الصالة أم محمد : شخباركم وينهي ريم شخبارها ماصادها شي أم علي : لا الحمدلله بس تصيح تبي ترجع البحرين أم محمد : يؤه ويش ترجع البحرين توها جايه الله يهديها بس .. انزين وزينب وينه ؟؟ أم علي : قافله حجرتها عليها خايفه من أخوها أم محمد : صراحة عنده حق بعد وحده تنسى مرت أخوها وهي وياها .. يلا عجل أني باقوم باروح وسلموا عليهم أم محمد راحت وخبرت ولدها بكل شي محمد (( على إفادي ريم )) : زين يسوي فيها إن شاء الله يذبحها لو أنا دست في بطنها مر اليوم ممل وكريه .. ريم كانت ساكته وتصيح تبي ترجع البحرين .. وعلي يحاول يهديها وأتصل إلى أمها وكلمتها وقعدت تصيح أكثر .. علي كان مضايق شوي على حال ريم (( وشوي وبصيح وياها )) أبو علي وأم علي قاعدين متمللين .. هدوء محد يسولف ويضحك .. زينب كانت مقفله الباب .. خايفه يضربها علي (( حاسه بلي سوته )) يومين مروا بسرعه مافيهم أحداث تذكر .. بس كانت ريم في هاليومين تروح إلى بنات أم محمد وتقعد وياهم سوالف وضحك وبعدها ترجع .. ريم صارت مع نور ونوراء ربع وحبتهم وقعدت تسولف وياهم عن أيام المدرسة وسوالف البنات .. وقصة حبها مع علي .. ونور ونوراء حبوها ومستانسين معاها .. وكانوا نور ونوراء ينقلون كل الكلام والسوالف إلى أخوهم وكل إلي تقوله ريم بالتفصيل .. (( هو طالب منهم )) أسبوعين صار لهم وريم كانت تطلع مع علي وتروح السوق معاه .. واحيانا تكون معاها أم علي وزينب زينب .. علي ما سوا لها أي شي لأنه ريم قالت له بس خلاص نست السالفة وطلبت منه وطبعا هو سمع كلامها وردت علاقتهم مع بعض وزينب طبعا تأسفت من ريم على الموقف .. ريم وهي تبتسم : اصلا أني نسيت السالفة زينب : أي نسيتينها واني مانسيت أغراضي خساره عليهم (( وتسوي روحها حزينه )) علي : زين عشان هالمره ماتفكرين تعطين مدامي ولا جيس زينب : بل بل الله يدفع البلى .. بعطيها ويش بتسوي علي : ايه عبالج هذي مدام علي الغالية .. و((ريم بس قاعد وتقول احم احم )) علي : ويش ويش ماسمعت عيدي الاقلتينه .. ويش باسوي جان دكلمره رميت بس لجياسج من البلكونه هالمره أنتين وولدج ريم : هههههههههههههههههههههه عجيـــــــــبه عجبتني زينب : ويـــــــه عدال لا تموتين من الضحك .. لا تخاف آخر مره أعطيها شي وقعدوا سوالف وضحك للفجر من الصبح الساعة 7 ونص كانوا قاعدين من وقت ريم : يااربي تعبانه فيني نومه مانمت أني الا ساعة زينب : وأني بعد أزيد منج أم علي : قلت ليكم ناموا من وقت ورانا رووحه وأنتون قلتون عادي مابتتعبون .. ما أدري أم محمد قعدوا أولا وهي رايحه لهم شقتهم بيت أبو علي و محمد بروحون الشام اليوم .. والساعة 8 بيوصل الباص ولازم يكونون جاهزين أبو علي : يلا نسووان وصل الباص .. قوموا علي (( متكشخ لابس فانيله بيضه وفيها حرف R مكتوب مثل الدم على طول الفانيله وبنطلون جينز كشخه .. وشعره طبعا على وره ولابس نظاره شمسيه.. صدق رووعه )) محمد (( بعد متكشخ لابس أسود في أسود شعره طول شوي حاط فيه جل .. ولابس نظاره شمسيه )) ريم : وش هالكشخه .. تجنن ما أقدر .. علي : احم أنا دائما كشخه .. ويعدل شعره ريم : فديتك أي دوووم محمد كان يمشي ورى ريم وعلي .. قال بصوت واطي : ايه الله لينا احنا ريم سمعت كلام محمد بس علي شكله ما سمع .. وصلوا الشام وكانوا كلحين يروحون مكان ..ريم وعلي كانوا واقفين بعيد ريم : اوووف حر حر باموت حراانه .. عطشانه علي : لحظه بروح أشتري ماي وبجي .. راح علي يشتري ماي محمد تقرب من ريم : تدرين ريم اليوم انتين صايره حليووه ريم وهي تبتسم : مشكووور وأنت بعد صاير حليوو .. لابعد لابس لوني المفضل محمد : أي لأني أحبج أحب كل شي تحبينه .. ووصل علي ريم طالعة محمد بنظره وهي تاخذ الماي من عند علي : مشكور عمري يلا نروح ليهم الساعة 2 ونص الظهر كملوا من الشام وكانوا تعبانين والجو حار هناك وتعب ريم كانت تعبانه وكلحين تذكر كلام محمد (( لأني أحبج أحب كل شي تحبينه .. يحبني وش فيه هذا )) أبو علي عزمهم على مطعم في الشام ,, عشان يتغدون ,, وأخذ طاوله كبيره عائليه .. قعدوا وطبعا ريم كان صوبها علي .. ومحمد كان قبالهم مع خواته ريم (( وش فيه هذا قاعد ويطالع ما أعرف آكل منه )) علي : ويش فيج ماتاكلين أكلي له ريم تكلمه بهدوء : أستحي أكل .. أحسهم كلهم يطالعوني علي (( ولا يدري بشي )): ههههههههه يطالعونج محد يطالعج يلا كلي كملوا الغده ورجعوا أبو علي وعائلته راحوا شقتهم .. وأم محمد وبناتها وولدها راحوا شقتهم .. محمد كان شوي مضايق وشوي مستانس .. مضايق لأنه ضايقها وبين لها أنه يحبها ومستانس لأنه شافها وقابلها وهو ياكل بيت أبو علي كلهم ناموا من وصلوا .. ريم فكرت شوي في كلام محمد و نامت من التعب الساعة 8 ونص الليل قعدت ريم .. طلعت كانت أم علي محد وهدوء الشقة فتحت ريم غرفة زينب .. زينب نايمه هي وولدها راحت شقة بيت أم محمد طقت الجرس .. محمد فتح الباب : هلا ريووم تفضلي ريم (( ويش بعد ريووم ويش فيه هذا )) : هني عمتي ؟؟ محمد: أيـــه هني دخلي ليها .. وهني نور ونوراء ريم (( يلا تحرك له عشان اطوف )) : انزين يصير أطوف محمد يبتسم وهو رايح : أي اكيد تفضلي أم علي : قعدتين ريــم ريم وهي واقفه : ايه عمتي .. وين علي ؟؟ أم علي : اني يوم أطلع كان داخل يتسبح .. قعدي له ريم : ايه يعني اووكي اني باروح اكيد اللحين خلص .. مع السلامه محمد انقهر (( جايه تسأل عنه يعني مو لينا )) دخلت ريم الغرفة كان علي يمشط شعره علي : وين رحتين أدورج .. نايمه اللحين اجي مافيه احد ريم : ههههههه قعدت ورحت شقة بيت أم محمد هناك عمتي سألتها عنك ورجعت علي : اممم .. رحتين بس عشان تسألين أمي عني ريم (( بل وش فيه بعد .. صدق وأني ليش رحت شقتهم .. بل جان مو حس بشي )) علي : الا ساكته ريم : ماعندي شي .. تغير الموضوع : وين بتطلعني الليلة ؟؟ علي : ولا مكان باروح القهوه هناك الشباب ينتظروني اللحين ويمكن نروح السوق ريم : وأني ؟؟ علي : انتين بتجين القهوه .. روحي قعدي ويه أمي شقة أم محمد ريم : يعني مابتطلعني ؟؟ علي وهو ياخذ تلفونه : لا حبيبتي واجد مشغوول ريم انقهرت وطلعت .. أم علي : الا جيتين طلع علي ريم ويبين عليها مضايقة : أي بروح القهوه يقول أم علي (( حست بريم زعلانه )) : ايه يعني أم محمد : جان بتروحين ويه البنات بروحون السوق وياهم أخوهم ريم : لا ماباروح أم علي : رووحي له بتتمللين بروحج .. قومي رووحي ألبسي يلا قوومي ريم : لا ماباروح ريم حاولة تبين أنها ماتبي تروح بس عمتها حاسه بها متملله وقالت لها الا تروح طبعا محمد استانس وقعد يتكشخ (( ريم بتروح وياهم )) طلعوا السوق وريم كانت ساكته ماتتكلم .. محمد كان يسوي حركات تضايق ريم واجد ريم (( وش فيه هذا شكله نسى إني مخطوبه )) وهم يشترون ريم شافت ربعها مجموعة بنات : هلا ريوووم شخبارج ريم : الحمدلله بخير اسأل عنكم .. بال من زمان ماشفتكم : أي من زمان ماتلاقينا .. وطبعا سلموا على نور ونوراء .. ومحمد وقف بعيد شوي عنهم وحده منهم تقربت من ريم وهي تغمز لها : هذا خطيبج حليوو كشخه بعد .. ماشاء الله ريم انحرجت : لالا مو خطيبي .. هذا أخو البنات (( وتأشر عليهم )) : اهاا عبالي خطيبج تناسبون بعض تصدقين وهي تضحك ريم شوي عصبت : ماتضحكين تصدقين بعدها راحوا البنات .. وكملوا ريم انحرجت شوي من الموقف وبعد نور ونوراء سمعوها يعني أكيد بقولون لأخوهم ريم : الاااااااي عجيبه هذي الفانيلة (( كانت فانيلة سوده وفيها حركات وخطوط حمره كشخه )) بشتريها إلى علي نور : يلا .. وهي تكلم إلي يبيع .. لو سمحت بجم هذي البايع قال لها السعر وقال إنها آخر وحده الكل أشترى اللون الأسود وباقي وحده .. وألوان ثانيه ريم (( اممم ما ادري أشتريها له لكن خله إلي في القهوه يشترونها له )) : بس خلاص ما أبيها نوراء : ويش ماتبينها أشتريها لخطيبج له كيفج آخر وحده .. سوده بعد مافي غيرها ريم : مع إنها عاجبتني بس خلاص مابشتريها محمد : أنا بشتريها ودفع ومشى ريم وقفت وسكتت (( وش فيه هذا وش هالحركات يمكن أشتريها سيده أخذها )) محمد : الا واقفين تحركوا له يلا مشوا .. ريم والبنات مشوا الساعة 11 ونص علي رجع الشقة (( راجع وفي أيده أجياااس )) دخل الغرفة ماكانت ريم موجوده .. قال أكيد قاعده معاهم في شقة أم محمد بروح يناديها وهو طالع كانت أم علي وزينب عند باب شقتهم علي : أماااااه وين ريم ؟؟ زينب (( بااال رحنا فيها الله يستر)) أم علي : طالعه ويه بنات أم محمد علي وهو يطالع أمه : برووحهم إلى هالحزه أم علي : لاااااااااء وياهم محمد علي سكت وماتكلم .. دخل وياهم الشقة وراح ينتظر ريم في الغرفة ريم : يلا تأخرنا شوفوا الساعة جم يلا أبي أرجع البيت محمد (( ياااربي ياريت ما أفارقج وكل يوم ويايي أطلعج )) : توه الناس مو من اللحين ريم تطالعه : ويش توه الناس شوفوا الساعة جم 12 الا .. اذا ما بترجعون برجع بروحي محمد وهو يطالعها بنظره : متــــأكده بترجعين بروحج ؟؟ ريم (( ياربي وش ليي اجي وياهم )) أخذت نفس : انزين اللحين تقدرون ترجعوني البيت نور حست بريم شوي وبتصيح : ريووم ويش فيج اللحين بروح يلا ماعليج من محمد ريم ومحمد ونور ونوراء رجعوا البيت ريم دخلت كانت أم محمد وزينب وأبو علي قاعدين في الصالة ريم وهي ترمي لجيااس : السلام عليكم .. الكل : وعليكم السلام زينب : هااا أجوف اجيااااس شكلج تشريتين واجد .. ريم : اممم يعني زينب وهي تغمز ليها : أقول ريم ترى علي ينتظرج في الحجره وقال إذا جيتين تروحين له ضروري . . ليش علي قعد ينتظر ريم في الغرفه .. يمكن معصب ؟؟ نور ونوراء بخبرون أخوهم عن موقف البنت وإلي قالته إلى ريم ؟؟ ريم <<< محمد >>> علي . . أنتظروني في الجزء السادس وأتمنى عجبكم الجزء وأشوف الردود الحلووه أنتظر تشجيــعكم Quote Link to comment Share on other sites More sharing options...
h_lo0ove Posted فبراير 7, 2008 Report Share Posted فبراير 7, 2008 (edited) الاااااااي رديت اول وحده على البارت عجيب البارت روعه اووف ها لمحمد يقهر <<< قاهرني أني يسلمووووو على البارت يلا انتظر البارت الجاي Edited فبراير 7, 2008 by h_lo0ove Quote Link to comment Share on other sites More sharing options...
bent cool Posted فبراير 7, 2008 Report Share Posted فبراير 7, 2008 تسلمين حبيبتي ع البارت و يلا ننتظر لا تتاخرين علينا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.