منقهرهـ Posted يوليو 28, 2008 Report Share Posted يوليو 28, 2008 ×_× ... جنهـ وآآيد طولتـي هـ ع ولآ آنهـ مضيعهـ .. ننتظـر البآآقـي آسيروـو .. Quote Link to comment Share on other sites More sharing options...
أسيرة الورد Posted يوليو 28, 2008 Author Report Share Posted يوليو 28, 2008 (edited) السموحة ع التاخير عبدالله : زين وين بتروحون .. نوره : حتا ..والله وناسه عبدالله : ليش مروحين قبل نوره : هي نحن كل سنه نروح.. عبدالله : خلاص اوكي الحينه بيي عندكم وبروح وياكم ولا ازعل زوجتي الغاليه نوره والابتسامه في ويها : عساني ما انحرم منك يا ريلي الغالي عبدالله : يا ويل حالي لو ادري انج بتتغزلين فيه ..جان من زمان قلت هيه نوره : ههههههههههه .يالله عاد بسك دلع وتعال بسرعه عبدالله :دقايق وبكون عندكم ان شا ءالله ام ساره تحت تساعدهم في الاغراض نوره وهي تشيل الصحون .. : امايه لا تنسين القهوه ام خالد وهي في المطبخ : زين ذكرتيني ام ساره كانت ترتب الاغراض وفجاه وقفت مكانها .. نوره استغربت وراحت عندها : بلاج خالو ام ساره صدت وبحزن: ما شي .. بس هاي اول رحله نروحها بدون ساره .. نوره حاطه ايدها على جتف ام ساره : ما عليه خالو ان شاء الله هاي اخر رحله نروح بدونها .. المره اليايه بتكون ويانا مع ريلها فهد ام ساره : ان شاءالله .. هند وهي نازله بركيض ولا تتخرطف على الدري ام ساره ونوره بسرعه ركضو وراها هند : ااااااااااااااااااااخ ريولي ام ساره : ها عسى ما تعورتي هند وهي تحاول توقف وهي ماسكه ظهرها : لا الحمد لله ما تعورت وايد .. نوره : دومج هبله حد جي يركض .. هند وهي منقهره وتحاول تنزل من عالدري : مالت عليج قولي الحمد لله على السلامه نوره : تستاهلين ولا بقول شي هند : يالله اليوم سماح ما بقولج شي لانج انتي اللي اقنعتي خالد يودينا نوره : زين تذكرتي هند : زين يالله نروح بيستوي الظهر ونحن بعدنا ام ساره ظاهره من المطبخ : يالله جهزت الغدا وكل شي وين خالد خالد طلع من الغرفه وملامحه لين الحينه حزينه : انا هني نوره راحت عند اخوها وهي مبتسمه : ها جاهز خالد : هيه ..شو عبدالله ما بييه نوره : الحينه في الدرب .. خالد شاف ام ساره وتذكر ساره على طول وقلبه متقطع .. اما في بلجيكا فهد وساره ووصلو الحديقه اللي هي من اكبر حدايق بلجيكا ساره تشوف حواليها : وااااااااااااو الحديقه ماشاء الله عوووده فهد : وحلوه بعد ..شوفي العابهم كيف خطيره يا سلاااااااااااااام .. والقطار ينزل بسرررررررعه وساره ماسكه جتف فهد واول ما القطار نزل ساره ما قدرت تيود عمرها ساره فتحه حلجها:اااااااااااااااااااااااااااااااااااااااااااا ه يا ماما ..ابي انزل ابي انزل هئ هئ ابي انزل فهد ميت من الضحك : لا تخافين بلاج ساره : ماما ما ما ..ابي انزل .اااااااااااااااااااااااااا ه الله الله ياخذ هاللعبه .. فهد : ههههههههههههههههههه امج في دبي مب هني ..ههههههههههه ساره ماسكه جتف فهد بالقووووووووو ومنزله راسها وتصارخ .: ما عليه يا فهد انا براويك تضحك عليه فهد.: هههههههههههههههههههههه بعد ماخلصت اللعبه فهد ميود بطنه من الضحك : ههههههههههههههههههههههههههههههههههههههههه وساره معصبه وهي تشوف فهد : ليش تضحك ان شاء الله شو تشوف ويهي نكته فهد : ههههههههههههههههههه اي بطني بطني يعورني من كثر الضحك .. والله يا ساره عمري ما ضحكت كثر هالمره ساره معصبه : علك ما ضحكت موليه.. تضحك عليه مسود الويه فهد : والله لا تلوميني انتي لو تشوفين شكلج بتضحكين على عمرج .. ساره : كله منك قصيت عليه خليتني اركب اخطر لعبه فهد : والله قلت لج هاي اخطر لعبه ساره : متى قلتلي وانا في اللعبه ..تباني يعني انزل عشان الكل يضحك عليه فهد : وانا شو دراني انج بتخافين .انتي قلتي انج ما تخافين ساره : شو عرفني اللعبه جي بتخوف ياما ركبت قطار الموت في القريه العالميه وفي باجي الاماكن ماخفت جي فهد : الله يخليج تسمين القطار الموت ماالقريه العالميه قطار موت قولي قطار اطفال ساره : زين يا فهد مره ثانيه ما بلعب وياك..والله قلت اكيد ما بشوف امي مره ثانيه فهد : هههههههههههههههههههههه ..باسم الله عليج يا عمري .. ساره : زين بسك ضحك قوم خلا نتحرك .. فهد : زين اي لعبه نلعبها ساره : ما بي خلاص فهد : شو خلاص ياعمري يايين هالدرب كله عشان لعبه ساره : والله هاللعبه عن عشر العاب فهد : زين بعد بنلعب شو رايج في لعبه الماي والله حلوه ساره : شو تبى بدلتي تخيس ماي .. عشان تضحك عليه فهد : والله اللعبه حلوه يالله .. ساره : زين بس اخر لعبه والله صدعت فهد يضخك: لازم من الصريخ ساره عصبت ومسكت شنطتها وضربت على ويه فهد:بسك لاتضحك عليه .. فهد يستعبط: اخ اخ عورتيني ***************************** في دبــــــــــــــي الكل كانو في السياره وخالد يسوق وعبدالله عنده اما ام ساره وام خالد ونوره وراء وفي الدبه هند مع الخدامه هند تتحرطم : الحينه ما خليتوني الا مع الخدامه نوره : شو نسوي ما شي مكان هند : جان انتي يلستي وراء نوره بدلع : عيب انا متزوجه عبدالله : ههههههههههههه هند : شو يخصه الحينه ..ادورين حجه ام خالد: يالله وراء ولا جدام اهم شي بنوديج البر مثل ما تبين .. هند : هي والله ام ساره : اقول خالد متى بنوصل والله تعبت من اليلسه خالد : ان شاء الله بعد نص ساعه عبدالله يشوف ملامح خالد اللي مبين عليه التعب والحزن.. وبعد ما وصلو الكل جهز المكان عشان اليلسه اما ام ساره وام خالد فقاعدين يجهزون الغداء نوره ويا هند يساعدونهم عبدالله وياخالد .. عبدالله : الله شوف الجو محلاته خالد : هي الجو حلو وايد بس ناقصنه شي عبدالله صد : شو خالد : ها ووولا شي عبدالله استغرب من غموض خالد .. وعرف ان خالد قصده ساره بس ما احب يذكره هند وهي تشم مثل الجلاب .. نوره : بلاج تشمين مثل الجلاب هند : اشم ريحة سمج نوره : هيه ترى غدانا سمج هند وقفت :شووووووووووووووووووو انا ما اكل سمج هند وهي رايحه عند امها ومعصبه : امايه ليش سويتو سمج ام خالد : تو الناس الحينه الريحه وصلتج هند : شو اكل يعني ام ساره : لا تخافين شي دياي بعد هند : هيه تحريت بعد .. ام خالد : زين سيري زقري الشباب عشان يتغدون هند : ما بغيتو تحطون غدى شوفو الساعه كم الحينه ؟ استوى العصر ام خالد : بسج يا ام لسان .. ترى نحن واصلين متاخر يالله روحي زقري الشباب نوره انا بروح هند : قالو هند مب نوره نوره بدلع : هناك ريلي واخويه ..يعني اقربلي هند عاقده حواجبها : يالله على الدلع نوره ابتسمت وراحت صوب خالد وعبدالله عبدالله شاف نوره يايه صوبهم : هلا والله باللي يايه عندنا نوره مستحيه : هلا فيك ..يالله ترى الغداء جاهز عبدالله صد لخالد : يالله نروح .. خالد من غير نفس :يالله الرحله كانت حلوه وايد بس عند خالد وام ساره الرحله مب لين هناك اكيد لان ساره محد وياهم .. ( اما في بيتكم سالم) سالم يتغدى ويا امه واخته عاشه سالم يتغدا بسرعه بسرعه .. ام سالم: ليش جي تاكل بسرعه كانه كلب يلحق وراك سالم والاكل بحلجه: مستعيل الربع يتريوني ام سالم : دومك ويالربع ما اتي البيت الا حق الاكل عاشه: لازم حق المصلحه سالم يشوف عاشه : انتي سكتي ما يخصج عاشه سكتت من الزياغ سالم راح يغسل ايديه ..:يالله انا بروح ام سالم : لحظه بقولج شي سالم صد : خير ام سالم : شو تجهزت .. ترى ما باجي شي على ملجتك سالم : اييييييييييييييه تحريت شي مهم الحينه ام سالم : الحينه الملجه صارت مب مهمه سالم : والله انا ما يهمني شي لا ملجه ولا خطوبه ولا عرس اهم شي محد يخرب عليه بطلعاتي سالم : يالله عن اذنكم سالم كان بيطلع ولا تذكر شي ورد بسرعه سالم يدور في مخباته ويدور يمين يسار عاشه : شو تدور سالم : ما شفتى علبة السجاير ام سالم : يعني مستحيل تنسى هالسم سالم : مستحيل متعود عليه ام سالم : وخطيبتك تعرف انك تدخن سالم : تعرف ولا ما تعرف ما يهني ام سالم : الله يهديك بس سالم : هي تذكرت في السياره العلبه يالله باي يمكن ارجع على الساعه 3 فليل ام سالم : ليش من وقت ... كمل لين الصبح سالم شافهم بنظره وراح ام سالم وقفت عشان تغسل ايديها عاشه : ما كملتي يا امايه ام سالم : سد نفسي هالولد عاشه : دومه جذي طايش لازم تتعودين ام سالم : عاد انا ابيه يعرس عشان يعقل ويودر هالخرابيط عاشه : شي امهات وايد يتوقعون ان بزواج عيالهم انهم بيودرون كل شي او بيتغيرون للاحسن والضحيه هي الزوجه .. ام سالم : شو اسوي ما بايدي شي .. عسى الله يهديه ********************** ( بلجيـــــــــكا ) ساره وفهد بعد ما خلصو لعب فهد : ها يا عمري ان شاء الله استانستي ساره وهي تشوف ملابسها : اي استانست كندورتي لين الحينه فيها ماي ..ياريت ما سمعت كلامك فهد : الاهو ماي وبينشف بسرعه .. ساره : والحينه وين بنروح ترى تعبت فهد : بنروح نتغدى ترى انا ميت من اليوع ساره : اوكي وبعدين بنروح الشقه عشان نرتاح ترى من الصبح نحن واعيين فهد : اوكي يا عمري يالله خلا ندور على اقرب مطعم وبنرد الشقه ان شاء الله.. فهد وساره بعد ما صلو لاحدث المطاعم ساره وهي تاكل برقه .. فهد ياكل من الصوب عيش ومن صوب الثاني يقطع الدياي .. ساره تضحك : هد اعصابك فهد : هالدياي ماعرف بلاه ما يتقطع ساره : انا بقطع لك .. ساره برقتها وبهدوء قطعت له وخلته بصحنه فهد رافع حواجبه : يا سلااااام على الرقه ساره : كل شي بالرقه مب بالدفاشه فهد : شو اسوي يا حبيبتي ميت من اليوع ساره : زين يالله كل فهد وهو ياكل لاحظ على قلادة ساره لانها تبين من الشيله فهد رفع راسه : ساره ساره وهي تشرب العصير : مممم فهد : انا وايد مستغرب من شي .. ساره : شو فهد :من اول ما يينا بلجيكا وانتي لابسه هالقلاده وما غيرتيها مع انج تغيرين لبسج دوم وخواتمج وكل شي الا هالقلاده ليش Edited يوليو 28, 2008 by أسيرة الورد Quote Link to comment Share on other sites More sharing options...
منقهرهـ Posted يوليو 28, 2008 Report Share Posted يوليو 28, 2008 وآآي البـآرت حدهـ قصيـر كنت آقره و آقره و فجآه خلص ..! ننتظر تكملت ذي البـآرت Quote Link to comment Share on other sites More sharing options...
أسيرة الورد Posted يوليو 28, 2008 Author Report Share Posted يوليو 28, 2008 هع و اكا البارت و لا تزعلين ساره توترت : ها وووولا شي بس احب هالقلاده وايد لانها هديه غاليه فهد : زين انا بعد عطيتج قلاده بس ما لبستيها اذا ما عايبتنج باخذلج غيرها ساره وهي ماسكه القلاده : لا عايبتني ..بس انسى اغير البسها .. فهد : يالله اتمنى اشوفج لابسه قلادتي .. ساره بتوتر : ان شاء الله ساره خافت انها تنكشف او ان فهد يلاحظ على القلاده انها مكتوبه من وراء حرف خالد وساره (في حــتــا) الكل قاعد يسولف ومستانس وقاعدين على شكل دايره وخالد وعبدالله مجابيلنهم ..ونوره ويا هند وام ساره ويا ام خالد ام خالد : ماشاء الله بسرعه استوى المساء ام ساره : هي والله الحينه الساعه 5 ونص .. خالد ساكت وما يقول شي. عبدالله : الصراحه رحلتكم وايد حلوه هند : افا عليك يالنسيب دوم رحلتنا حلوه ام ساره : بس ناقصنها شي ..الرحله بتحلى اكثر بوجود ساره خالد اول ما سمع اسم ساره رفع راسه وشاف خالته .. هند : يالله ان شاء الله مره اليايه ساره تكون موجوده مع ريلها فهد خالد قام من مكانه وعصب : ساره اتييه حياها الله بس فهد بالذات ما اييه ولا حتى ابيه اييه في بيتنا ولا ابي اشوفه .. قام خالد من مكانه وراح صوب النار .. الكل استغرب من ردة فعل خالد عبدالله قام على طول وراء خالد وشافه واقف عند النار وحاط ايدينه على بعض ومعصب عبدالله وقف عنده : خالد الله يهديك بعدك على ساره خالد : المشكله تعرف شو يا عبد الله عبدالله : شو خالد وهو مغمض عيونه ومتالم : ان محد حاس فيه .. الكل يتوقع ان ساره بالنسبه لي شي عادي ومايعرفون انها بدمي وهي كل حياتي .. عبدالله حط ايده على جتف خالد : والله حاسين فيك .. بس يا خالد البنت تزوجت وترى مب انت اول ريال يخسر حبيبته او خطيبته خالد صد لعبدالله : هيه صح انا مب اولهم .. بس هذيله يمكن ما حبو مثلي او قدرو ينسون بسهوله .. او ان حبيبتهم رفضتهم بس نحن حبنا كان متبادل .. تخيل كنت خطيبها وما باجي شي على الملجه والله يا عبدالله كنت اتريه متى نخلص الثانويه عشان اخطبها وتكون لي ويوم صار كل شي راحت عني وصارت ملك غيري غصبن عني وعنها .. . عبدالله يحرك راسه يمين يسار مايعرف شو يقول : يالله هونها وتهون يا اخوي والله يعوض عليك خالد : مستحيل احب غيرها مستحيل عبدالله : زين يا خالد قوم خلا نقعد وياهم ما نبي نخلي الكل بحس بضيجك بالذات ام ساره ترى فضيحه هند تشوف عبدالله وخالد يرمسون هند : نوره هذيله شو يقولون نوره : جي تشوفين عندي اذن فيل عشان اسمع هند : اييييييييييييييييه يحليله اخوي متعذب كله من هاي ساروووه ..قهر هي مستانسه واخوي متعذب نوره بعصبيه : مب منها .. انت تعرفين هالشي مب بايدنها .. هند ما علقت نوره تزقرهم من بعيد : عبدالله وخالد يالله تعالو عبدالله : يالله نروح يا خالد ..خلى نخلي الرحله حلوه ومانخرب عليهم يالله خالد : اوكي بحاول والكل قعد وكل شخص يقول موقف من مواقفه هند : تذكرين يا نوره يوم رحتو عني وخليتوني .. نوره : ههههههههههههههههههههه .. هي والله عبدالله : كيف نسيتوها نوره : ترى هند اذا ما تروح هني وهناك ما تعيش نحن كنا بنروح ولا هي اختفت ونحن تحريناها في السياره ويانا ويوم تحركنا شوي ما نسمع حس هند ولا عرفنا انا ناسينها وبسرعه نرد عبدالله : هههههههههههههههههههههههه خالد : واقولك يوم ردينا نشوف دموعها اربع اربع شكلها يضحك هند : عيل تبوني اضحك مودريني بروحي في البر.. وام ساره : واحلى موقف يوم سارووه نوره : هيه .ههههههههههههه ام خالد : شو نوره : تذكرين ذيج الرحله اللي اخر مره رحناها ..الجو كان بارد والهوى شوي بيطيرنا .ولا ساره تبى تعدل شيلتها ولا شيلتها تطير منها وهي تركض ورى شيلتها الكل : هههههههههههههههههههههههههه حتى خالد ابتسم تذكر نوره : ههههههههههه .. زين محد شاف عبدالله : والله سوالفكم حلوه عيل (في بلجيكا ) ساره وفهد بعد ما تغدو وصلو الشقه وكانت الساعه عندهم 3 الظهر ..وفي دبي 7 المساء .. ساره : واخيرا وصلنا والله تعبت فهد وهو يفصخ الجاكيت : بس شو استانستي ساره : هي استانست بس في قطار الموت ما استانست فهد: هههههههههههههههههه ساره : عيل انا بروح احط راسي شوي بنام على الاقل نص ساعه شو انت بتنام فهد : مممممممممممممم ما فيني نوم بس بيلس في الصاله بشوف تلفزيون ..روحي حبيبتي نامي .نوم العوافي ان شاء الله ساره بخجل : يالله عن اذنك ساره راحت اسبحت ولبست بجامه .. البنطلون تحت الركب ومع بودي كت يعني جتوفها برع وفتحت شعرها السايح ونامت.. اما فهد فراح يشوف التلفزيون ..ويغير قناه من قناه ..وهو لابس بجامه بحد .. ماخذ راحته الاخ .. اقول حبايبي ترى نسيت انزل لكم هالجزء اتمنى اللي قرووه قبل يقرونه لاني توني تذكرت ساره تصد تشوف فهد : ليش انت وايد تحب تلعب العاب خطيره يعني فهد : اموت على هالالعاب .. فهد : يالله يا عمري اختاري لعبه عشان نلعبها ساره : ماعرف انت اختار فهد : يعني عادي اختار اللي اباه ساره : هيه عادي شو تشوفني خوافه فهد : زين زين ( يأشر على اللعبه اللي على يمينهم ) شو رايج بهاللعبه ساره يوم تشوف شافت لعبة قطار الموت وتخوووووووف صدق مميته .. ساره تبلع ريجها : ها شو هاي اللعبه ما غيرها فهد : هيه والله اللعبه مبينه عليها حلوه ساره خايفه بس ما تبى تبين لفهد.... فهد يشوف ملامحها : شو فيج يا بعد هلي ..اذا خايفه وما تبين تلعبين عادي ترى اهم شي عندي وناستج ساره تبى تبين انها شجاعه : لالا عادي شو يعني الا هي لعبه مثل باجي الالعاب.. يالله نروح فهد راح قطع التذاكر وراحو يلعبون اللعبه .. فهد على اليمين وساره يالسه عنده وبندو الحزام وساره تشوف تحت وصدق اللعبه عوووده وخطره . فهد مستاتس يحب يلعب هالالعاب .. فهد يصد لساره ويشوفها تشوف تحت : ها ساره بلاج ساره : ها ولا شي بس اقول ماشا ءالله اللعبه عوده وايد فهد : هي صح اعتقد هاي اخطر لعبه ساره كانت تشوف تحت اول ما سمعت انها اخطر لعبه صدت شافت فهد وفتحت عيونها : احلف هاي اخطر لعبه فهد : والله مبين عليها وباجي الالعاب احسهم عاديات ساره في خاطرها : رحتي وطي يا ساره لا بلاه عشتي ..وشوي شوي اللعبه تتحرك وفهد الابتسامه على شفايفه.. ساره ماسكه الحديده بالقوووو وهي تقرا القران .. فهد يصد : شو تقرين ساره : ها ولا شي .. ولا اللعبه تتحرك وبسرعه تروح فوق وتحت .. وساره مبنده عيونها وزااايغه وتبى تصارخ بس تستحي من فهد فهد يضحك : هههههههههههه ..يصد لساره يشوفها ميته من الخوف فهد : بلاج شو خايفه ساره مبنده عيونها : لا لا فهد يشوف نزله قويه : اقول ساره امسكي عدل ترى شي نزله قويه ساره فتحت عيونها ولا تشوف صدق نزله قويه شفايف ساره يتحركون بسرعه من الزياغ فهد بخبث: ساره امسكيني ترى الحديده يمكن تنفتح ساره ما عرفت ان فهد يبى هالشي ..صدقت كلامه ومسكت جتفه بالقووووو وفهد مستانس .. والقطار ينزل بسرررررررعه وساره ماسكه جتف فهد واول ما القطار نزل ساره ما قدرت تيود عمرها ساره فتحه حلجها:اااااااااااااااااااااااااااااااااااااااااااا ه يا ماما ..ابي انزل ابي انزل هئ هئ ابي انزل فهد ميت من الضحك : لا تخافين بلاج ساره : ماما ما ما ..ابي انزل .اااااااااااااااااااااااااا ه الله الله ياخذ هاللعبه .. فهد : ههههههههههههههههههه امج في دبي مب هني ..ههههههههههه ساره ماسكه جتف فهد بالقووووووووو ومنزله راسها وتصارخ .: ما عليه يا فهد انا براويك تضحك عليه فهد.: هههههههههههههههههههههه بعد ماخلصت اللعبه فهد ميود بطنه من الضحك : ههههههههههههههههههههههههههههههههههههههههه وساره معصبه وهي تشوف فهد : ليش تضحك ان شاء الله شو تشوف ويهي نكته فهد : ههههههههههههههههههه اي بطني بطني يعورني من كثر الضحك .. والله يا ساره عمري ما ضحكت كثر هالمره ساره معصبه : علك ما ضحكت موليه.. تضحك عليه مسود الويه فهد : والله لا تلوميني انتي لو تشوفين شكلج بتضحكين على عمرج .. ساره : كله منك قصيت عليه خليتني اركب اخطر لعبه فهد : والله قلت لج هاي اخطر لعبه ساره : متى قلتلي وانا في اللعبه ..تباني يعني انزل عشان الكل يضحك عليه فهد : وانا شو دراني انج بتخافين .انتي قلتي انج ما تخافين ساره : شو عرفني اللعبه جي بتخوف ياما ركبت قطار الموت في القريه العالميه وفي باجي الاماكن ماخفت جي فهد : الله يخليج تسمين القطار الموت ماالقريه العالميه قطار موت قولي قطار اطفال ساره : زين يا فهد مره ثانيه ما بلعب وياك..والله قلت اكيد ما بشوف امي مره ثانيه فهد : هههههههههههههههههههههه ..باسم الله عليج يا عمري .. ساره : زين بسك ضحك قوم خلا نتحرك .. فهد : زين اي لعبه نلعبها ساره : ما بي خلاص فهد : شو خلاص ياعمري يايين هالدرب كله عشان لعبه ساره : والله هاللعبه عن عشر العاب فهد : زين بعد بنلعب شو رايج في لعبه الماي والله حلوه ساره : شو تبى بدلتي تخيس ماي .. عشان تضحك عليه فهد : والله اللعبه حلوه يالله .. ساره : زين بس اخر لعبه والله صدعت الجزء الواحد والثلاثـــون) في بلجيكا ) ساره وفهد بعد ما تغدو وصلو الشقه وكانت الساعه عندهم 3 الظهر ..وفي دبي 7 المساء .. ساره : واخيرا وصلنا والله تعبت فهد وهو يفصخ الجاكيت : بس شو استانستي ساره : هي استانست بس في قطار الموت ما استانست فهد: هههههههههههههههههه ساره : عيل انا بروح احط راسي شوي بنام على الاقل نص ساعه شو انت بتنام فهد : مممممممممممممم ما فيني نوم بس بيلس في الصاله بشوف تلفزيون ..روحي حبيبتي نامي .نوم العوافي ان شاء الله ساره بخجل : يالله عن اذنك ساره راحت اسبحت ولبست بجامه .. البنطلون تحت الركب ومع بودي كت يعني جتوفها برع وفتحت شعرها السايح ونامت.. اما فهد فراح يشوف التلفزيون ..ويغير قناه من قناه ..وهو لابس بجامه بعد .. ماخذ راحته الاخ.. في حتا . : ام خالد ترتب الاغراض " يالله بسرعه جهزو الاغراض ولا تنسون شي يالله خلا نروح الوقت تاخر عندنا هند وهي تافف: اوووه امي تو الناس الساعه بعدها 8 نوره : لاتنسيت الدرب يا حلوه .. خالد وهو ماسك دلة القهوه : يالله مشينا هند : ايه مب تنسوني نوره : يوم تعرفين ان يمكن ننساج اركبي السياره اول وحده هند : هي والله بروح اركب اعرف نذالتكم .. الكل ركب السياره .. وهند بعد يالسه وراء مع الخدامه وهي تتحرطم .. هند تكلم الخدامه : الله ياخذج لا تتلصقين فيه الكل : ههههههههههههههههههههه هند وهي منقهره : والله انا منقهره وانتو تضحكون عليه ...مره ثانيه لا تيبونها.. ام خالد : والله ومنو بيساعدنا في الاغراض هند تاشر على نوره: نوروووه شو خانتها نوره تصد وراء : ايه شو نورووه بعد اصغر عيالج هند : عيل هاي حاله .. مقعدينا ويا هالويه ( تأشر على خدامتهم ) والله اختنقت من ريحتها .. ام ساره : انا ما اشم شي هند : لا خالو والله ريحتها كله كريمات وخرابيط تقولين الحينه بتروح مكان ويا ويها ..ماعرف هالفلبينيات ليش يحطون كريمات ورياييلهم مب عندهم حق منو يتكشخون .. نوره : ههههههههههههههههه هي والله صدقتي .. ******************* في بلجيـــكا : فهد حاط ريوله على كرسي الغنفه وياكل مكسرات .. اما ساره فأول ماحطت راسها على الوساده علىطول نامت من التعب .. وبعد مرور تقريبا ربع ساعه فهد يسمع صريخ ساره وصياحها قام على طول وركض على غرفة ساره ولا يشوف ساره يالسه على السرير وهي تصارخ وتصيح .. ساره بصريخ ودموعها على خدها :لالاالااااااااااااااااااا مستحيل لااااا فهد على طول راح وقعد عندها وماسك ايدين ساره وهو متوتر : ساره حبيبتي بلاج شو صار شو فيج ؟؟ ساره وهي قايمه من النوم وهي تصيح : امي يا فهد امي فهد خايف : بلاها امج شو فيها ساره وصوتها شوي رايح من الخوف : حلمانه عن امي حلم مخيف وانا خايفه الحلم يتحقق ويمكن امي صار لها شي .. فهد وهو يمسح على شعر ساره ويحاول يهديها :لا تخافين يا عمري هذا اكيد كابوس مافيهم الا الخير ساره : لالا لاااااااا اكيد فيهم شي اقولك حلم مخيف عن امي ..اذا صار لها شي انا بموت بدون امي ما اقدر اعيش فهد : باسم الله عليج يا عمري لا تخافين انا الحينه بتصل في امج عشان نطمن ساره وهي تمسح دموعها : هيه الله يخليك اتصل فيها بسرعه.. فهد على طول خذ موبايله واتصل في ام ساره .. ساره : ها شو ..ليش بندت فهد بتوتر : موبايلها مغلق ساره فتحت عيونها : شوووووووووو ( تصيح ) عيل اكيد حلمي صدق اكيد امي فيها شي .. فهد خاف على ساره لاول مره يشوفها بهالحال .وهو ماسك ايدها : ساره حبيبتي هذا مب يعني ان فيها شي يمكن ما شي بطاريه في موبايلها... شو رايح تتصلين في نوره او حد من اهلج ساره : هي والله فكره عطتي التلقون .. ساره وهي تتصل ايدها ترتجف من الخوف .. ساره بعد ما اتصلت شافت موبايل نوره مغلق .. ساره قامت من مكانها وتصارخ : موبايلاتهم كلهم مغلقه اكيد فيهم شي .. اااااااااااااااااه يا ربي شو صار فيهم .. فهد راح عند ساره يحاول يهديها وراح عندها : ساره اهدي حبيبتي اهدي ساره : ما اقدر ما اقدر خايفه عليهم فهد راح على طول اييب ماي لان ساره وايد متوتره .. فهد : هاج حبيبتي شربي الماي ساره وتفر الماي : ما ابي شي ما ابي شي فهد يلس عند ساره : ساره اهدي حبيبتي ساره تصيح .. فهد يبى يهديها ويقنعها ان ما في شي وهو يمسح على شعرها : بس حبيبتي بس ما فيهم شي صدقيني ساره وهي تترجى فهد وماسكه ايده : فهد الله يخليك اتصرف شوف شو فيهم عشان خاطري فهد :اوكي حبيبتي خلاص بتصرف فهد تذكر الريم .. خذ موبايله واتصل فيها ساره ودموعها اربع اربع : وين تتصل فهد : بتصل في الريم اكيد تعرف عنهم شي ساره : هي والله ليش ما فكرت في الريم فهد اتصل في الريم اخته .. الريم : هلا والله باخووووي فهد : هلا بالريم الريم : بلاك اخوي ليش زعلان فهد : اقول الريم تعرفين شي عن ام ساره واهلها الريم مستغربه: ليش فهد : ساره كله تتصل فيهم بس موبايلاتهم مغلق .. الريم تذكرت انهم رايحين الرحله : هيه اكيد ما شي ارسال عشان جي تراهم رايحين الرحله وهناك ما شي ارسال .. فهد : اها والله جي السالفه عيل .. زين مشكوره اختي ما قصرتي وبتصل فيج بعدين ..يالله باااي ساره / ها بشر شو قالت فهد: اهلج رايحين رحله من الصبح واكيد ما شي ارسال عسب جي يعطيج مغلق فلا تحاتين ساره : بس يمكن صايرلهم شي فهد : خلاص الحينه بنتصل فيهم .. ساره : يالله بسرعه فهد اتصل كم مره بعدين علق الخط .. فهد وهو مستانس : يرن يرن ساره والابتسامه في شفاتها : والله عطني الموبايل ساره اتصلت في امها وعلق الخط.. ام ساره : الو ساره وهي تصيح : امايه فديتج فديت عمرج ام ساره خافت على بنتها : ساره بلاج ليش تصيحين خالد اول ما سمع ان ساره تصيح على طول وقف السياره بصوب خاف عليها ساره : مافيني شي بس حلمانه عنج حلم مخيف وقلت اكيد صايرلج شي ام ساره : لا فديتج ما فينا شي الحمد لله لا تصدقين الاحلام يا ساره ساره: لا يا امايه انا خقت زياده لان موبايلج كله مغلق ام ساره : اكيد ما شي ارسال هناك .خالد : ها خالو شو صاير؟ ام ساره : ما فيها شي يا ولدي تحرك ساره : الحمد لله ان ما فيكم شي..والله كنت وايد خايفه عليج ام ساره : فديتج لا تحاتينا يا بنتي ساره زين ويا منو رايحين ؟ ام ساره : ويا هند ونوره وعبدالله وام خالد ويا خالد ساره بصوت واطي : خالد فهد اول ما سمع اسم خالد صد وشاف ساره وانقهر .. ساره : زين امايه سلمي عليهم كلهم.. ام ساره : ان شاء الله يوصل بعد ما صكت التلفون .. ام ساره : تسلم عليكم ساره الكل : الله يسلمها .. خالد : خالو شو صار ليش ساره تصيح ام ساره : ما شي يا ولدي هي حلمانه حلم مب زين عني ويوم شافت موبايلي مغلق خافت عليه خالد : اها الحمد لله يعني ما فيها شي ام ساره : لا الحمد لله هند وهي تكلم نوره بصوت واطي : شوفي هذا اخوج يحاتيها ويا ويه وناسي انها متزوجه نوره : سكتي لا يسمعج ويذبحج فهد : ها يا ساره اطمنتي ساره : هيه الحمد لله فهد : وبلاه خالد ساره : ها لا ما فيه شي ليش فهد : سمعت تقولين خالد ساره : لابس سالت قلتلها منو وياكم قالت خالد ..فهد : فهد : اها جي السالفه ..يالله عيل انا بطلع وانتي ارتاحي وكملي نومج ساره قامت من السرير : لا بس ما ابي انام ما فيه بعد احلم كابوس ثاني ساره لاحظت انها لابسه كت واستحت .. ساره بخجل : فهد يمكن تطلع ابي ابدل لبسي فهد يشوف ساره من فوق لتحت : ليش يا عمري لبسج وايد حلو عليج ساره مستحيه : فهاااااااد اطلع بسرعه فهد يضحك: فديت اللي تستحي ومن منو من ريلها بعد ساره بعصبيه : فهد فهد : زين زين بطلع ولا تزعلين فهد راح الصاله اما ساره فراحت تبدل .. في دبي ام محمد ماسكه التلفون .. محمد : الله يهديج امايه لازم تتصلين الحينه ام محمد : هي من متى وانا اتريه حشى مب صلاة الاستخاره هاي محمد: زين خليهم هم يتصلون ام محمد وهي ماسكه التلفون : محمد لا تحشرني وتعور راسي خلني اتصل في مرت عمك واشوف شو سالفتهم .محمد متوتر وايد خايف ان اهل شيخه يقنعونها بالزواج منه وهو ما يباها .. ام محمد : الو شيخه اللي ردت : الو ام محمد : السلام عليكم شيخه قلبها دق لانها عرفت صوت ام محمد : وعليكم السلام ام محمد : شيخه وياي صح شيخه خايفه ان ام محمد تسالها : هلا مرت عمي شحالج ام محمد : الله يسلمج جيف حالج انتي وينكم ما تنشافون شيخه : والله مشاغل الدنيا مرت عمي انتي شحالج ام محمد : بخير يسرج الحال..اقول يمه شيخه وينها امج شيخه : لحظه بدورها اوكي شيخه راحت غرفة امها وهي تركض : امايه امايه ام شيخه وهي تقرا القران . شيخه : اماااااااااااااااايه ام شيخه : استغفر الله بلاج ما تشوفيني اقرى القران شيخه : اسمحيلي بس تلفون ام شيخه : منو شيخه : مرت عمي .. ام محمد ام شيخه قامت من مكانها : وااااا فضيحه اكيد تبى تسال عن ردج .. والله اخاف تسويلنا ضرابه يا شيخه شيخه : انا مالي خص .. الزواج قسمه ونصيب .. ام شيخه : الله يعيني عليها ..بروح ارد عليها .. ام شيخه راحت عند التلفون وهي وايد متوتره .. ام شيخه: الو سلام عليج ام محمد : هلا والله عاش من سمع هالصوت وينج يا ويخيتي ام شيخه : والله موجوده ..انتي جيف حالج ام محمد : بخير يسرج الحال ..قلنا بنتصل نسال عن سالفة ولدي .. شفتج طنشتي السالفه ام شيخه : لا والله ما طنشنا ولا شي ..بس ام محمد : بس شو ام شيخه : بس مستحيه اتصلج ام محمد رافعه حواجبها : ليش ام شيخه بتوتر: مثل ما تعرفين يا ام محمد ان الزواج قسمه ونصيب ومحد يقدر يفرض على حد بالذات الزواج .. ام محمد : شو قصدج .. قصدج ان بنتج ما تبي ولدي ام شيخه : لا مب جي السالفه هي صلت استخاره ومارتاحت ام محمد : يعني ما تبي ولدي ... محمد يالس عند امه ويوم سمع ان شيخه ما تباه استانس وارتاح وايد .. ام شيخه : والله ماعرف شو اقولج بس ما اقدر اغصب البنت ام محمد : ليش بلاه ولدي وين بتحصل احسن منه يعني وهو مب ناقصنه شي .. ام شيخه : والله ولدج سيد الرياييل كلهن بس شو اسوي ام محمد : ما عليه ماعليه هذا يزايه اني اخترت بنتج من بين كل البنات .. ام شيخه :ساكته ام محمد : يالله مع السلامه ام شيخه: ما ابيج تزعلين من هالشي ترى نحن اهل ام محمد بعصبيه : يالله عن اذنج مع السلامه ( ام محمد طبعها صعب شوي ..ومن النوع اللي بسرعه يتضايج) محمد راح عند امه .: ها شو صار ام محمد بعصبيه : وايد شايفين عمارهم ليش هم منو عشان يرفضونك ما عليه يا ولدي بزوجك احسن البنات ولا تزعل .. محمد بخاطره ( ليش ازعل ..يحليلج يا امايه ماتعرفين اني طاير من الفرح ) محمد : لا ما بزعل ولا شي الزواج قسمه ونصيب وانتي بعد لاتزعلين ام محمد قامت من مكانها : شو ما بزعل منو قال عيل هم يرفضونك وتباني اخذهم باالاحضان نحن من الصغر قايلين ان محمد لشيخه .. ام محمد: بس هذا زواج يا امايه ام محمد : انت ما يخصك فيه .. انا من اليوم وساير ما بكلمهم ولا بروح بيتهم ... ام محمد تتحرطم وراحت غرفتها محمد يكلم عمره : لا بلاه سويت مشاكل بين العايله ..شو اسوي يالله ان شاء الله امي بتغير رايها ..الاهم اني صرت حر واخيرا اقدر اخطب الريم فديت عمرها خلا اروح اتصل في خالد وابشره بهالخبر الحلو خالد توه ياي من الرحله وبعده ما بدل راح الغرفه عشان يبدل ملابسه شاف رقم محمد وشل خالد: الو محمد : هلا بخالد والله هلا بربيعي خالد : هلا بو جاسم ..جيف حالك محمد : والله مستانس حدي خالد : ان اشاء الله دوم مب يوم بس ليش شو صار؟ محمد : واخيرا افتكين من سالفتي .. شيخه رفضتني واخيرا يا خالد صرت حر محمد : والله الريال مستانس وهناك الكل يتحراك متضايج.. محمد : اي متضايج ..قول ميت من الوناسه خالد : تقول الحينه انك خطبت الريم ووافقت محمد : ان شاء الله جريب خالد : اقول محمد تخيل بعد كل هذا وهالمشاكل تروح وتخطب الريم ولا تلقاها مخطوبه او يرفضونك والله بموت من الضحك عليك محمد معصب: ويا ويهك وانت ما تخليني مستانس يعني لازم تخرب عليه وناستي خالد : هههههههههههههه لا اقول يعني تخيل محمد : لا ابي اتخيل ولا شي .. يا ويلها اذا رفضتني انا رفضت شيخه بنت عمي اللي ما شي احسن منها واخر شي ترفضني خالد: بعد محد يقدر يغصب حد محمد : الحينه اوني ابيك تشاركني بفرحتي واخر شي تنكد عليه زين خالد انا براويك خالد: هههههههههههههه لا والله اسولف وياك بو جاسم ولا تزعل الله يوففقك حبيبي محمد : هي هالكلام اللي يونس مب مساع .. خالد: زين عن اذنك بو جاسم بروح اتسبح ترى توني ياي من الرحله محمد : خلاص بخليك عيل يالله فمان الله. *************************** في بلجيـــــــــكا : ساره يالسه ويا فهد في الصاله .. يشوفون فلم .. ساره اقول شو سالفة هالفلم لين الحينه مب فاهمه شي فهد : وايد حلو شوفي الحينه جريب النهايه ساره : والله مليت .. فهد : هذا الله يسلمج فلم رعب بس شو روووعه سار فتحت عيونها: صج فهد: هيه ساره : والله انك نذل ناقصه انا رعب كافي الحلم اللي حلمته عن امايه .. فهد: هههههههههههههه ليش تخافين ساره : والله حسب الفلم فهد : ما عليه يا عمري انتي شوفي الفلم واذا خفتي نامي في غرفتي .. سارعه قامت من على الغنفه وفرت عليه الوساده الصغيره : وانت تباها من الله. فهد : هههههههههههههههههه اكيد طبعا على الاقل احس اني متزوج مب عزوبي راقد بروحي ساره : خلا اروح عنك وايد احسن فهد ماسك كندورتها : تعالي وين بتروحين القعده بدونج ممله. ساره تشوف فهد بطرف عينها : فههوووود خلني ارووح فهد : يا ويل حالي .. اول مره ادلعيني محلاتها وهي ظاهره منج ساره : والله انك متفيج فهد : زين شو رايج يا عمري نطلع ساره : لا تعبانه من الصبح ونحن بالحديقه فهد : لا بس نتمشى صوب الشقه وصوب البحر ترى البحر مجابلنا ومره وحده نتعشى برع ولله الجو محلاته ساره : اممممممممممممم زين اوكي ثواني ببدل وبييه اوكي فهد : وانا بعد بتكشخ .. ساره لبست وتكشخت وفهد بعد.. طلعو اثنينتهم صوب البحر جريب شقتهم.. فهد واقف صوب البحر يستنشق الجو ومغمض عيونه : يااااااااااااي محلاته الجو ساره : هي والله الجو وايد حلو فهد صد صوب ساره : محد محلي الجو غيرج يا بعد هلي انتي يا عمري ساره استحت : فهد وبعدين وياك فهد : لا بعدين ولا قبلين بتغزل فيج لين ما اموت.. ..اشواق ويا فاطمه ويا اهلهم وهم يتمشون . اشواق : فطوووووووووووم من العصر ونحن نمشي والله تعبت فاطمه : زين يالله الحينه بنيلس صوب المطاعم هناك اشواق وهي تمشي شافت ملامح فهد.. اشواق كانت تمشي وقفت مكانها . فاطمه تصد صوب اشواق: ايه انتي بلاج ليش وقفتي اشواق واقفه والضحكه على شفايفها .. فاطمه : الحمد لله والشكر بلاج تخبلتي اشواق وهي تاشر على ساره وفهد: شوفي هناك فاطمه : ما اشوف شي شو فيج اشواق تتنهد : فهوووووووووووووودي حبيب قلبي هناك فاطمه: استحي على ويهج .. اشواق قومي خلا نروح هناك بنسلم عليهم فاطمه : لا ما بروح شو يخصنا فيهم ..خليهم بروحهم اشواق :كيفج اذا ما ييتي انا برووح اشواق راحت عن فاطمه فاطمه لحقتها .. فهد : زين يا عمري وين نتعشى ساره : والله على راحتك فهد شاف فاطمه واشواق يايين صوبهم فهد : اف هذيله بعد يايين ساره تصد : منو فهد : رباعتج ساره : لا تغلط عليهم .. فاطمه واشواق بعد ما يو صوبهم فاطمه : هلا بساره ساره : هلا فيج حبيبتي اشواق وهي تلعب باصابعها اونها مستحيه : شحالكم ساره : بخير اشووااق وهي تشوف فهد : شحالك فهد فهد منزل راسه : بخير اشواق وهي تشوف فهد : من زمان ما شفناكم ساره : والله موجودين فاطمه : وين رحتو يالله قولي وين الاماكن اللي رحتوها ساره تقول حق فاطمه على اسم الحديقه وعلى الاماكن اللي راحوها ..اما اشواق فعيونها على فهد وساره لاحظت هالشي ساره تصد لاشواق : بلاج اشواق ليش ما ترمسين اشواق : ها ممم ما شي ساره بابتسامه : شو معجبه في ريلج جنج ..من الصبح عيونج عليه ..شو عايبنج ..اذا عايبنج خذيه عادي فهد يوم سمع هالكلام عصب وايد ..وراح بعيد عنهم اشواق ويها احمر : لا ماشي بس .يذكرني في واحد من اهلنا.. ساره : اها جي السالفه عيل فهد راح بعيد عنهم وهو معصب حده وهو صوب البحر وماسك الحصا ويفره ويكلم عمره : والله ولا مهتمه معقوله لهالدرجه انا انسان عادي ..لهالدرجه انا ولا شي ..في وحده تقول حق وحده ثانيه خذي زوجي .. اخ يالقهر ..الله يسامحج يا ساره . فاطمه : زين ساره عن اذنج اخرناج ..روحي عند ريلج ساره : افا عليج عادي ونستوني اشواق وهي تشوف فهد : يالله باي بعد ماراحو فاطمه: فضحتينا الله ياخذ بليسج ..زين جي البنت حست انج تشوفين ريلها الحمد لله انها ما عصبت ولا قالت شي اشواق : شو اسوي ما اقدر ما اقدر ايينن والله ايننن اقولج هذا مب ادمي هذا ملاك (شواق اطيح على فاطمه بالغشمره ) ذوبني الريال فاطمه ادز اشواق : قومي عني بلاج تخبلتي اشواق : هي تخبلت اينن ماشا ءالله عليه جمال الكون فيه هاي ساروووه صدق محظوظه اشواق : لا تحسدينهم اشواق : بحسدهم عشان يودرها وياخذني فاطمه : والله انج نذله.. ومتفيجه ساره راحت صوب فهد وشافته معصب ساره : يالله نروح فهد واقف مكانه وحواجبه مقروونات من العصبيه وهو يفر الحصا في البحر .. ساره : بلاك فهد فهد بعصبيه : ما فيني شي ساره : شو مافيك شي .. شكلك مبين انك وايد معصب فهد صد صوب ساره: زين حسيتي يا مدام ساره مستغربه : ليش شو استوى فهد : لا ولا شي .. يعني لهالدرجه انا ولا شي عندج .. حتى لو انا ولا شي على الاقل احترميني جدام رباعتج مب تقولين تبينه خذيه .. جي انا لعبه عشان جي تقولين ساره : بس انا مب قاصده هالشي .. بس لانها كانت تشوفك وايد جي قلت لها فهد : يعني بدل ما تعصبين لو وحده ثانيه جان تضايقت ساره بتكبر: هذا لو كان بينهم حب متبادل يا فهد فهد انجرح وايد : يعني انتي تكرهيني ساره صدت صوب ثاني : انا ما اكرهك .بس هذا مب يعني اني اموت فيك ..وبعدين يا فهد انت وايد مكبر السالفه فهد :طبعا كل الي يصير فيه مب مهم عندج وتحسينه شي عادي بس لو عند حبيب القلب خالد بيكون شي ثاني ساره : شو تقصد فهد : ما شي بس انا كنت متوقع انج تغيرتي عليه وعندي امل انج تحبيني في يوم من الايام ساره : محد يقدر يغير القلوب يا فهد فهدبعصبيه : زين خلا نروح الشقه انا تعبان ابي انام ساره : بس انت قلت انك يوعان وتبى تاكل فهد : كلت وشبعت كلت القهر والغصه فهد : باخذلج شي عشان تاكلينه ..يالله نروح الشقه ساره راحت ويا فهد الشقه .. وساره ما قصدت تجرحه بس هي كانت واضحه .. وطبعا ساره قبل كانت تكرهه بشكل واضح بس الحينه هي ما تكرهه ولا تحبه يعني شعورها وايد عادي .. فهد راح الشقه وعلى طول دخل غرفته وبند الباب بصوت عالي .. ساره تكلم عمرها : اسمحيلي يا فهد بس انا ما اعرف اجامل وكنت واضحه لاني مستحيل انسى الانسان اللي متعذب هناك وانا استانس..انا ما احب يا فهد اجامل . الجزء الواحد والثلاثيـــن فهد يتجلب يمين ويسار في السرير وما قدر ينام من القهر اللي في قلبه من كلام ساره لاشواق .. وبعدين يلس على السرير ومسك الوساده في حضنه وهو يكلم نفسه ( انا ليش مكبر السالفه جي.. يمكن هي ما تقصد من كلامها يمكن بس تمزح ماعرف بس احس كلامها كان من الخاطر .. والله ماعرف .. ) ساره بعد ما بدلت لبست بجامه وهي تسحي شعرها ( معقوله فهد زعلان عسب الكلام .. بس انا مب قصدي اجرحه .. هاي اول مره فهد ينام وهو زعلان مني ونحن في شهر العسل ... اووووووه وانا ليش مهتمه والله انا مب غلطانه هو اللي فهم السالفه على مزاجه .. خلا اروح انام احسن لي ) اما عند اشواق وفاطمه .. اشواق هي بالسرير تبى تنام وفاطمه بالسرير الثاني فاطمه وهو صاده لاشواق : اقول اشواق اشواق مغمضه عيونها تبى تنام : مممممم شو تبين فاطمه : والله اخاف سويتي مشكله مع فهد وساره اشواق فتحت عيونها على طول فاطمه : اشوفج فتحتي عيونج توج تبين تنامين اشواق : سمعت اسمه ونسيت النوم فاطمه تفر المخده عليها : مالت عليج انا بالسالفه وانتي بسالفه ثانيه اشواق : ههههههههههههههههه فاطمه : والله اخاف سويتي مشكله احس ان فهد كان معصب اشواق : شفتي هذا دليل ان ساره ما تحبه عيل في وحده بشهر العسل تقول جي فاطمه : يمكن تتغشمر ويانا اشواق : بعد احسها قويه فاطمه : كله منج من كثر ما تبحلقين في الريال .. فضحتينا اشواق يلست وتساندت على السرير : والله مب بايدي غصبن عني ..ما اقدر اشوف هالملاك واغمض عيوني فاطمه : اقول نامي نامي .. ترى الكلام وياج ما ينفع اشواق : هههههههههههه .. هي طبعا ما ينفع .. * فهد وهو يفكر بساره ( اووووووووووووه ما فيه نوم ما اقدر ) فهد قام من السرير وفر اللحاف .. وطلع وكان يبى يروح عند ساره بس يوم فتح باب غرفتها شاف ساره مقفله الباب وساره كانت نايمه فهد وهو واقف عند غرفة ساره ( والله حسافه .. كنت ابي اكلمها ..ما شي الا اترياها الصبح .. راح فهد غرفته وحاول ينام بس بصعوووبه .. وفي الصـــبــاح في بلجيكا .. ساره وهي ناشه من النوم وتثاوب .. راحت غسلت ويها ساره وقفت عند الكبت ( خزانة الملابس) وتكلم نفسها ( مااعرف الحينه اليوم بظهر ولا .. السيد فهد زعلان .. ما شي إلا اترياه في الصاله واساله ) فهد بعده نايم لانه البارحه ما نام موليه .. ساره شافت الوقت تاخر كل مره فهد يقوم قبلها والحينه الساعه 10 وهو نايم استغربت وايد .. راحت ساره غرفة فهد ودقت الباب .. فهد سمع دق الباب ..بزووورفتح عيونه وهو حاط ايده على راسه : اففف فيه صداااع رهيب .. سمع الباب بعده يدق .. قام وغسل ويه ..وشعره السايح شوي ناقز من كثر ما تجلب على السرير البارحه فهد فتح الباب وشاف ساره ساره شافت فهد وتحسه تعبان مب راقد ساره : اسمحلي قومتك من الرقاد .. بس استغربت شفتك للحينه نايم فهد وعيونه نصه مبنده وصوته غليظ شوي لانه توه قايم : اولا يقولون صباح الخير .. وبعدين البارحه ما قدرت انام لين الصبح عسب جي ساره عرفت انها السبب : عيل خلاص بخليك تنام فهد : لا لا شو . لازم تفطرين ساره : عادي بطلب من اي مكان وبخليهم ايوبولي فوق فهد : لا حياتي ما يستوي جي .. انا بوديج لاحسن المطاعم حق الفطار.. بس عطيني فرصه عشان ابدل ساره : اوكي ساره راحت غرفتها عشان تبدل وهي تختار لبس استغربت وايد لان فهد يكلمها عادي .. استغربت توقعت العكس .. ساره لبست قميص بقطعة النمر القميص تحت الركب .. وبنطلون بقطعة ( شامواااه ) الناعم على لون البيج وخلت مكياج خفيف كحل اسود يبرز عيونها العسليات .. وملمع على شفايفها .. ولبست الشيله اللي بلون القطعه.. والشنطه بماركة كوتجي Gucci اما فهد فلبس بنطلون بيج .. وقميص احمر وعليه جاكين بيج ومشط شعره السايح وطلع بس بعده مصدع فهد بند باب غرفته : ساره ساره ساره يت عنده : هلا انا هني فهد شاف ساره : يا ويلي على النمر .. اخاف تيمعين الحيوانات عندنا ساره تشوفه من طرف عينها : فهد تعايب عليه بعد .. اصلا هاي الموضه انت شو دراااك فهد : هههههههههههههه .. لا والله اسولف بالعكس اللبس حلو عليج ..( فهد حط ايده على جبهته ) ساره : بلا ك فهد فهد : وايد مصدع ساره : عادي ااذ ا ما تقدر ما بنروح والله فهد : لا حياتي ..لازم نطلع ساره : زين لحظه بييبلك بندول .. راحت ساره وخذت البندول وخلته في شنطتها فهد ماد ايده : ها وين البندول ساره مشت عنه : ماشي بندلول الحينه لين ما تفطر مب زين حق صحتك فهد مسك ايدها .. ساره صدت استغربت فهد وهو ماسك ايدها عشان يوقفها ومبتسم : فديتج والله تخافين على صحتي ساره نزلت راسها وانحرجت : فهد خلنا نروووح فهد : الصداع خف يا عمري بوجودج قربي ساره : فهد هد ايدي وخلنا نروح ولا ما بطلع وياك فهد هد ايدها : خلاص يا عمري ولا تزعل القمر .. يالله نروح نفطر وبعدين اي مكان تبين راح اوديج .. فهد وساره راحو يفطرووون .. ********************* اما في دبـــــــــــــــــي هند وهي تكلم نوره هند : يالله نورووووو تعالي بيتنا عاد بلاحركات نوره : زين ليش هند : تعالي عشان نتكلم تجهيزات لملجتي نوره : زين بعدها الملجه هنند : مب اكثر عن اسبوعين وانا بعدني ما فصلت تخيلي نوره : زين بييه اول شي بسال عبدالله هند : اووووووووووووه كله عبدالله نوره فاتحه عيونها : بلاج هبله لازم ريلي لازم اساله هند : زين تعالي غدى بيتنا والله ملاااااااانه نوره : اوكي .. عبدالله دخل وهو توه طالع من السبوحه وينشف شعره بالفوووطه .. نوره : اقول حبيبي بتودني بين اهلي . يبوني اتغدى وياهم عبدالله : افا اوني بوديج المطعم عسب نتغدى ويا بعض نوره راحت عنده : صدق عبدالله : هيه والله بس مدام جي خلاص وين ما تبين انا بوديج نوره : خلاص غيرت رايي بروح ويا ريلي حبيبي عبدالله : يا عيني على الكلام .. يا حظي فيج والله نوره مستحيه: عاد لاتحسدنا عبدالله : هي والله اخاف احسد عمارنا .. نوره : عيل بروح اتصل في هند عشان ما تتريانا نوره وهي تكلم هند هند منقهر ه: مالت عليج ما منج فايده والله نوره : بعد الغدى علىطول بييه هند : قومي قومي انتي مب قد الكلمه نوره : ههههههههههههه ... زين ريلي عازمني ..فضيحه ارفض هند: زين بشرط تبيني ارضى .. لازم اول ما اتين تلعبين ويايه اونو نوره : وايد متفجيه هند : كيفج .. هذا شرطي نوره: زين زين خليني الحينه اتلبس اخاف عبدالله اييه وما يشوفني كاشخه هند : زين ويا ويهج باااي نوره اول ما بندت عن هند على طول اتصلت في الريم الريم وهي تشو ف التلفزيون وموبايلها بعيد عنها اول ما سمعت موبايلها يرن نقزت على طول صوب موبايلها الريم : الو نوره : هلا الريم جيف حالج الريم : هلا والله بنووره اللي تذكرني نوره : افا عليج اكيد اتذكرج الريم : تسلمين نوره : الله يسلمج حبيبتي .. اقول شو تسوين الحينه ؟ الريم : ما شي والله ملااااانه في غرفتي ..اشوف التلفزيون من الملل نوره : زين ليش ما تنزلين عند عمج وتسلولفين وياه الريم : مب متفيجه اشوف مرت عمي النحس نوره : هههههههههههههه لهالدرجه تكرهينها الريم : والله انا ما اكرها بس هي عفان الله ما تحب حد بالذات انا وفهودي اخويه فديته نوره : المهم شو رايج اتين بيت ابويه اليوم وناسه الريم : فضيحه كل مره عندكم نوره : افا عليج لا فضيحه ولا شي نحن مب بس ربع نحن بعد نفس الاهل الريم : تسلمين والله هذا من ذوقج نوره : زين انا بروح اتغدى ويا ريلي وانتي روحي قولي حق عمج عسب ااييبج تعرفين بعد درب بوظبي على الاقل اوصل اشوفج الريم : خلاص تمام بكلم عمي وبييلكم ان شاء الله نوره : اترياج الريم : اوكي ومشكوره مره ثانيه اما في بلجيـــكا بعد ما خلصو الفطور.. فهد ياشر على المحلات القريبه.. فهد : شو رايج يا عمري ندخل هالمحلات مبين عليهن رووعه ساره: يالله شو ورانا .. راحو صوب التحف الغربيه الخاصه في بلجيكا اللي على شكل الاحجار الملونه فهد ماسك تحفه بشكل الكاكاو : شو رايج تقولين كانه كاكاو صدقي ساره : هيه والله روووعه فهد : هم حاطين اهم الاشياء بتراثهم وحاطين على شكل التذكار عن طريق التحف ساره: يبالنا ناخذ منه فهد \: هيه اكيد بس شو مممممممممممممم ساره : اونه حتى علمهم مسويين بشكل الاحجار فهد : شو نبى في علمهم ما شي الا علم الامارات الحبيبه اللي مالنا غنى عنها ساره : هيه والله فديت الامارات فهد وهو يبتسم : اقول مب كانا استوينا وطنيين ساره : ههههههههههههههه بعد ما طلعو .. ساره : الصراحه بلجيكا وايد حلوه انا انصح الكل ان يروحها فهد : صدقتي وايد اماكن عندهم ساره تصد لفهد وهم يمشون: اتصدق انا قررت انا ما نروح المانيا خلاص فهد وقف مكانه : صدق ساره : هيه مب انت قلت انا بنروح اول شي بلجيكا بعدين المانيا خلاص ما بروح المانيا احس اني مرتاحه هني وايد فهد مستانس : والله اني مستانس وايد لانج مرتاحه هني وهذا هو الاهم عندي ..خلاص عيل بخلي بعد اسبوع انتم ساره : اسبوووع عيل جي بنكمل تقريبا اسبوعين ونص فهد : عادي شو ورانا ساره :؛ اشتقت حق اهلي وايد فهد: لاحقه عليهم يا عمري .. يالله نمشي ونشوف هالمناطق الحلوه ساره : يالله ***************************** نوره وصلت بيت اهلها وهند مستانسه والكل هند : يالله بسرعه تعالي نلعب نوره :زين .. ( تصد لخالد اللي يالس على الغنفه وهو سرحان ): اقول خالد ما بتلعب ويانا خالد : لا مب في خاطري هند : عيل قبل كنت وايد تحب تلعب خالد : مب متفيج هند تصد لام سار ه: خالو تعالي العبي ام ساره : والله فضيحه شو كبري وتبيني العب هند تروح عند ام ساره وتسحب ايدين ام ساره : عادي هاللعبه ما شي كبير ولا صغير يالله نوره : هيه خالو رووعه يالله ام ساره تضحك : وامكم بتلعب ام خالد : اذا لعبتي بلعب هند تنقز: يا سلام لعبة الاونو بتطلع حلوه ام خالد : بس انا ناسيه اللعبه هند : افا عليج انا بعلمج ..شوفي اذا شي نفس الارقام تحطينهم او نفس الالوان و4 ترى معناتها انج تسحبين 4 كروت واذا خلصت كل كروووتج معناتها انتي الفايزه ام ساره: خلاص يالله عيل نلعب هند : يالله بنيلس على الارض ام خالد : ليش ما شي غنفات يعني هند : محلات اللعبه بيلسه شعبيه يالله خالد قاعد يشوفهم كيف يلعبون .. وخالد استوى انسان هادي من بعد سفر ساره لانه خايف ا ن ساره تحب فهد وتنساه .. .. وهم يلعبون هند : يالله خالو لعبي ام ساره : اوووه ما عندي هند : زين سحبي خالو هند معصبه : نوروووه دورج .. والله تعبت يعني ماحافظه دورج لازم ارمس نوره : زين نسيت هند : 2 كارت نوره فاتحه عيونها : تونا لاعبين كيف 2 كارت هند: بعد شو اسوي اذا هم تو كارت نوره : اكيد غشيتي كالعاده هند : لا حشى عليه ام ساره : زين يمكن ما غشت نوره : خالو توني شافيفه عندها 4 كروت كيف صارو 2 كارت نوره : قومي هند : وين اقوم نوره : يعني وقفي اكيد خاشه الكروت تحتج هند متوتره : لا مب تحتي بلاج نوره ادز هند .. ولا تشوف كرتين تحتها نوره وهي معصبه وماسكه الكرتين : شفتو اقولكم هاي غشاشه هند ويها محمر ام خالد : يعني من الصبح تفوزين بالغش هند : ههههههههههههههههههه .. لا بس هالمره نوره تفر الكروووت : مابلعب اذا بهالغش ما ابي العب هند : خلاص اخر مره نوره وهي صد عن هند : قومي يالغشاشه .. الريم دخلت عليهم : السلام عليكم الكل ما عدا خالد: وعليكم السلام خالد يوم شاف الريم وقف يبى يدخل غرفته الريم: شحالك خالد خالد شافها بنظره لؤم ومارد عليها ودخل غرفته الريم تضايقت من تصرف خالد الريم وهي ويا نوره الريم بحزن: بلاه اخوج ..كل مره يرحب فيه والحينه يطنشني هند باستهزاء : قبل مصلحه حبيبتي لانج ربيعة حبيبته والحينه خلاص راحت حبيبته وانتي بعد رحتي وياها نوره معصبه : هند سكتي هند: شو كلمة الحق هالايام تضايج يعني نوره : هند بتسكتين ولا ؟؟ هند : زين زين بروح عنكم ..خلا اكلم رباعتي احسن نوره تكلم الريم : لا هو مب قاصد .. بس شو ي متضايج الريم : اعرف ليش يمكن لاني اخت فهد ..بس انا مالي خص بتصرفات اخويه .. نوره : لا عادي ولا تحطين في بالج الحينه بكلم خالد الريم : لا لا تكلمينه عادي نوره : لا ابي اعرف ليش جي سواه .. دقايق وبييج نوره راحت على طول عند خالد نوره وهي تدق الباب : خالد افتح الباب شوي خالد راح فتح الباب وياشر بيده : تفضلي يا نوره نوره : دام فضلك يا اخويه .. خالد : واقف ورابع ايديه ومتضايج نوره : يمكن اقولك شي خالد : اعرف شو بتقولين . نوره : الصراحه يا خالد مب حلوه اللي سويته من مساع .. خالد يضرب ايده على الباب ومغمض عيونه : والله مب بايدي يا نوره .. كل ما اشوف الريم اتذكر النذل فهد اللي خذ حلم حياتي مني نوره : ادري انك منقهر يا اخوي .. بس الريم مالها خص .. مب هي اللي قالت لفهد انه يخطب ساره خالد وهو يشوف نوره : بس احيانا اقول في نفسي لو ان ساره ما تعرفت على الريم جان ماعرفنا فهد نوره : كلمة لو ما تنفع ..واذا الله كتب شي راح يصير غصبن على الكل .. نوره حطت ايدها على جتف خالد : يالله يا اخوي غير معاملتك مع الريم لا تنسى انها غاليه على ساره وايد وساره دايما تعتبر الريم اختها فاذا زعلتها كانك زعلت ساره واعرف ان الريم مالها خص ترى الريم تعزك وتعتبرك اخوها خالد : هي صح انا غلطان بهالشي بس ماعرف شو صار لي يوم شفتها نوره : يالله حصل خير والحينه اطلع وكون وياها عادي خالد : ان شاء الله نوره : وابتسم ترى من زماااااااااااااان ما شفنا ابتسامتك خالد : يوم بترد الهوى اللي اتنفسه بتشوفين ابتسامتي نوره : على راحتك يا اخوي .. نوره طلعت من غرفته.. نوره راحت الصاله : الريم الريم وهي يالسه ويا ام ساره وام خالد : هلا نوره: تعالي شوي غرفتي الريم : اوكي نوره والريم راحو غرفة نوره نوره كلمة الريم عن موقف خالد وفهمتها ان خالد مب متضايق منها نوره راحت اتييب المجلات الريم : بل من وين يايبتنم نوره : خاشتنهم الريم : ههههههههه ..مخزن مجلات نوره : من زمان ما قريت مجلات نوره وهي تصفح : شو في هالموديل محلاته يبالي اسوي مثله الريم : هيه سويه بس تعرفين حق الحوامل احلى بيطلع نوره يوم سمعت الحوامل تضايقت الريم : بلاج نوره بحزن: ما شي الريم : لاني قلت حق الحوامل .. انا قصدي يوم بتكونين ان شاء الله حامل احلى بيكون نوره : ادري قصدج حبيبتي بس تصدقين خايفه لاني ما حملت للحينه الريم : بس انتي ما كملتي الا شهرين ونص يعني بعدج .. نصهم يكملون سنه او سنتين او اكثر نوره : هيه صح بس لاني اموت في اليهال وايد احاتي اخاف ما احمل الريم : باسم الله عليج والله انج مكبره السالفه هذا وانتي ما كملتي الا شهرين وجي تقولين ..زين ليش ما تروحين المستشفى وتطمينين نوره : اخاف يقولون شي الريم : ماعرف من وين اتيبين هالافكار .. روحي ولا تحاتين واذا تبين انا بييه وياج نوره : واقول حق ريلي الريم: بعد ما نطلع من المستشفى وناخذ التقارير روحي وقوليله وان شاء الله يكون تاخر عادي الريم: امين نوره : تصدقين اشتقت حق ساره وايد والله احس دبي بدونها ظلمه الريم : هي والله انا اكثر لاني دوووم اكلمها اعتبر ساره كل شي بالنسبالي بس استحي اكلمها لانها في شهر العسل مب حلوه نوره وهي تضحك : ههههههههههههه خليهم بدون ازعاج الريم : ههههههههههههههههه في بلجيــــكا فهد وساره وهم يتمشون راحو صوب المناطق الحلوه وصلو جريب شقتهم ساره : اخ يا ريولي تعبت فهد : وناسه بس الصراحه لو ادري شي هالمناطق والمحلات التراثيه جان من زمان رحنا ساره : زين خلا نرد الشقه فهد يشوف عربانة الايس كريم : لحظه يا عمري باخذ ايس كريم وبرد ساره : زين لا تتاخر ترى حدي تعباااانه فهد : ثواني يا عمري بس انتي وقفي مكانج فهد راح صوب الايس كريم ساره وهي واقفه تتريه فهد .. مر فيصل وربيعه ( فيصل اللي كان يشوف ساره ويبحلق فيها في الطياره اللي فهد عصب من نظراته ) فيصل وربيعه وهم يمشوون فيصل : زين اقولك يا ريال ماعرف شو صارلي ذيج المره ولا اتعب وااطيح ربيع فيصل " جي بنيه تطيح فيصل : ايه لا تتمصخر عليه وهم يمشون فجاه فيصل وقف مكانه ربيع فيصل : بلاك وقفت فيصل واقف وفاتح عيونه ربيع فيصل: بلاك شو تخبلت كانك بووووومه فيصل ياشر على ساره : شوووف شووووف ربيعه : شو فيصل : مب هاي اللي تخبلت عليها في الطياره ربيعه وهو يتامل في ساره : مممممممم ما تذكر فيصل : هيه متاكد ..اف فديت جمالها .. اوووه بروحها بعد محد وياها احلى فرصه ..قوم قوم خلا نروح عندها ربيعه يوقفه : ايه بلا فضايح اخاف حد اييه وتسويلنا مشكله شو تبى في الحرمه خلها فيصل : بس بسالها اذا هي متزوجه ولا ربيعه : وانت شو خصك فيصل : يا اخي مره وحده نفر عليها رقم ربيعه : والله انت روح بروحك ما فيه على المشاكل فيصل : والله انك خواااف .. انا برووح ما يخصني فيك فيصل راح عندساره وبابتسامه فييصل : مرحبا يالحلوه ساره يوم شافته صدت عنه وطنشته فيصل : اقول بس بسال انتي متزوجه ساره معصبه ومعطتنه ظهرها فيصل: والله سؤال متزوجه ولا .. واتمنى لا .. ولا اقول لو هيه شو يعني .. المهم نسولف وياج ساره عصبت وصدت صوبه : صدق انك وقح ولا تستحي على ويهك فيصل : افففففففففف .. بس لا تكمليم حتى صوتج عذب يا ويل حالي .. بس ابي اسال انتي من وين يبتي هالجمال كله ساره : احترم نفسك ولا بتشوف شي ما شفته ساره وهي تضارب فيصل فهد عنند بياع الايس كريم ومستانس الاخ ما يعرف شو يصير فهد وهو ماسك الايس كريم: thanks ولا يوم يصد يشوف شخص يكلم ساره وفهد يركض ويفر الايس كريم فهد راح صوبهم ومسك قميص فيصل فهد وهو ماسك قميص فيصل من جدام وبعصبيه : انت شو تسوي هني فيصل : وانت شو يخصك ليش انته منو ربيع فيصل يشوف الموقف : لا بلاه عشت يا فيصل ..قلت لك ما يخصك ..الله يعينك فهد : انا منو انا ريلها يا حلو فيصل يبلع ريجه : هاه .. شو ريلها ..انا انا فهد وهو يتامل في ملامح فيصل: تعال مب انت اللي كنت تبحلق في مرتي في الطياره فيصل ميت خوووف : ها لا مب انا فهد يشوف ربيع فيصل ياي : لا انت وهذا ربيعك .. قول شو تباني اسوي فيك . .. انت ما تستحي على ويهك ساره : فهد هد قميصه بلا فضايح فهد بصريخ : شو بلا فضايح ما تشوفينه ياي عندج واكيد ملعوزنج فيصل وهو خايف: لا بس بغيت اسالها فهد : شو تبى تقول ها شو فيصل : بس ابي اسالها عن مناطق بلجيكا فهد : لا والله جي تشوفها من اهل بلجيكا شو تشوفني هندي تتجذب عليه ربيع فيصل ياي عشان يساعد ربيعه ربيع فيصل : هده الله يخليك هو ما يقصد فهد : انت مالك خص لا اضربك انت الثاني فهد وهو يشد على قمييص فيصل : تعرف شو ما شي الا اعطيك بكس مال الملاكمه على ويهك اخلي الدم يسل على ملابسك كلها عشان تعرف كيف تغازل مره ثانيه ساره وهي تمسك ذراع فهد : الله يخليك فهد هده بلا فضايح يمعت الناس كلهم عندنا الكل يشوفنا فهد : لا خليني ابي اضربه عشان يتادب فيصل وهو يحاول يسحب ايد فهد بس مب قادرلانه فهد معضل وعليه جسم ومسكة فهد قويه ساره بصريخ : فهد بلييييييييييز بلا فضايح فهد يفر فيصل بالقووو على الارض حتى فيصل اتعور من الطيحه فهد : شوف هالمره بخليك عشان زوجتي بس والله اذا شفتك مره ثانيه بس تشوف زوجتي لا اخليك تنسى اسمك وشكلك بعد لانك بتتشوه من الضرب فيصل وهو يرجع للوراء : اوكي اوكي ساره عصبت وراحت الشقه وفهد لحق وراها ربيع فيصل : قلت لك خلا الحرمه بروحها بس انت ما اتوب فيصل يكح : اح اح .. اسكت مسكته قويه بززووور اتنفس ربيعه : تستاهل فيصل: وانا شو عرفني انه زوجها ربيعه : زين ما ذبحك والله فيصل : اسكت ريولي ترتجف ايده قويه .. ربيعه : تتادب .. عشان مره ثانيه ما تلعوز بنات الناس * ساره عصبت وراحت الشقه فهد وهو معصب اكثر: الحينه يمكن اعرف ليش معصبه ساره : ليش معصبه فضحتنا يمعت الناس كلهم علينا وماسك الريال زين ما ذبحته فهد : حمدي ربج ما ضربته والله لو انتي محد جان شفتي شو سويت فيه .. ساره : هيه هيه خلك اونك روميو فهد : الحينه شو تبين يكون موقفي يوم اشوف واحد يتحرج فيج تبيني اخذه بالاحضان ساره : بس عاد مب بصريخ وضرابه فهد : شو تبين اكون ديوووث يعني ما اغار .. الغيره محد يقدر يتحكم فيها .. ساره وهي تبى تقول فهد قالت بالغلط : اسمع يا ( خالد) فهد وقف مكانه وفتح عيونه وعيونه كلها غضب: شووووووووووووووو خالد ما شاء الله عليج ( مسك ذراع ساره ) لازم لازم ما تحبيني مدام في قلبج ولسانج خالد ساره تتالم : اي اي هد ايدي فهد هد ايدها وهو معصب ساره : ما كنت قاصده اقولها وبعدين اتلخبطت ..يعني ما يستوي اتلخبط بالاسامي فهد : لو اسم ثاني ما قلت شي بس اسم خالد هذا معناته ان لين الحينه في قلبج ساره : الصارحه انت مكبر السالفه فهد : لازم دوم انا الغلطان وانتي برييئه .. فهد طلع من الغرفه وهو معصب والقهر بقلبه وبند الباب بصوت عالي ساره كانت بتناديه بس طنشته ساره وهي تكلم نفسها: اف حتى يباني اتحكم في قلبي .. ماعرف كيف يبت اسم خالد .. والله كيفه يبى يزعل خلا يزعل محد يقدر يتحكم بالقلووب اما فهد فطلع وهو معصب من ساره ومنقهر زياده ان ساره ما نادته .. يعني كانها مب مهتمه فيه.. Quote Link to comment Share on other sites More sharing options...
منقهرهـ Posted يوليو 29, 2008 Report Share Posted يوليو 29, 2008 يسلموـوـو ع البارت النـآيس وننتظر البـاقـي : ) Quote Link to comment Share on other sites More sharing options...
أسيرة الورد Posted يوليو 29, 2008 Author Report Share Posted يوليو 29, 2008 هع و هاي البارت الجزء الثالث والثلاثون فهد طلع وهو معصب من ساره ونزل صوب البحر لان البحر مجابله شقتهم على طووول وشي هناك كراسي وطاولات .. فهد راح صوب البحر لان البحر بنسبه لفهد كل شي وهودايما يشكي للبحر ويحس بالراحه يوم يروح هناك .. فهد يكلم نفسه وهو واقف صوب البحر وعاقد ذراعه ومغمض عيونه ومنقهر ويقول في خاطره ( ااااااااااااه يا ساره توقعت اني قدرت اخليج تنسين خالد.. بس شفت الع** .. حتى في شهر عسلنا تذكرينه ...(رفع عيونه للسماء ) والله ماعرف شو اسوي .. ساعدني يارب . اما ساره فكانت متوتره شوي لان فهد طلع وهو معصب بس هي ماكانت تقصد .. ساره يالسه في الصاله وتنتظر رجوع فهد .. * اما اشواق وفاطمه فهم في شقتهم وطبعا شقتهم وايد جريبه من شقة فهد وساره .. اشواق وهي يالسه على السرير : افففف مللل مللل فاطمه وهي ترتب ملابسها :اي ملل الصبح طلعنا ما تملين اشواق : زين مللل شو اسوي فاطمه : شوفي تلفزيون اشواق قامت من مكانها : قومي لا .. من زين البرامج اشواق راحت صوب الدريشه : خلا افتح الدريشه ( النافذه ) على الاقل اشوف الناس واغير جو ..اشواق وهي تشوف الرايح والراد .. ولا تشوف شوي من بعيد فهد .. اشواق تفتح عيونها زياده عشان تتاكد ولا تاخذ نفس فاطمه صدت صوب اشواق : بلاج كانج شفتي حد بيموت فاطمه تشوف اشواق وهي فاتحه عيونها وشاقه حلجها .. فاطمه راحت عند اشواق : ايه بلاج يالخبله اشواق فاتحه عيونها وتاشر صوب فهد .. فاطمه تشوف يمين يسار : منو .. وين تقصدين اشواق تصد صوب فاطمه : بلاااااج فهوووووودي هناك فاطمه اطلع راسها من الدريشه: منو قال ما يبين وايد اشواق : لانج عميه فاطمه : زين شفتي فهد شو يعني اشواق راحت صوب خزانة الملابس ... فاطمه : ايه شو تسوين اشواق : سكتي خلا اتكشخ .. هاي فرصتي .. بالذات لان ساره محد فاطمه فاتحه عيونها: شو قصدج اشواق وهي ماسكه بدله في ايدنها: قصدي يا حلوه اني بسيرعند فهودي اوني يايه صدفه وبتكلم وياه .. فاطمه : صدق ما جذبت يوم قلت لج ميونه .. انتي ما تستحين على ويهج .. اشواق : بلاج هو يعرفنا يعني عادي اشواق: يالله بروح ابدل واتكشخ وبييه اشواق راحت لبست احلى ماعندها وتمت تحط مكياج وتعطرت .. اشواق بدلع : ها شو رايج فيه ... مب قمر فاطمه : حشى كانج رايحه عزيمه اشواق : بذمتج انا مب جذااااابه فاطمه : اشواق بلا هالحركات اشواق : اصلا انا ليش اضيع الوقت وياج خلا اروووح عند اللي خذا عقلي وتفكيري ابي اعرف عنه كل شي .. يمكن يرتاحلي ويودر زوجته .. فاطمه : اشواااااااااااااق تعالي وين اشواق وهي مروحه : بااااااااااااااااااااااي اشواق راحت عند فهد .. ( اشواق كانت حلوه بالذات لانها جذابه وايد بس طبعا ساره احلى عنها بوايد .. بس اشواق عندها اسلوب حلو فهد وهو متضايق وبعده واقف عند البحر .. اشواق يت عنده وبرقه : احم احم فهد يصد ويشوف اشواق مستغرب اشواق : شحالك فهد فهد مستغرب : بخير اشواق : شو ما تذكرني ..انا اشواق فهد تذكر بالذات لان ساره فضحته جدامهم : هلا اشواق وهي تشوف الحزن بويه فهد : ممممممممممم يمكن نسولف فهد يبى يرووح عنها: لا اسمحيلي مشغول اشواق : فهد لحظه فهد يصد : نعم اشواق برقه ونعومه : يمكن اتكلم وياك .. ابيك بسالفه فهد :بس انا ما اعرفج كيف تبين تكلميني بسالفه اشواق : انته زوج ربيعتي .. يعني انا اعرفك ..يالله بليز فهد يفكر : اوكي بس هنيه بنيلس يعني صوب البحر ترى شي كراسي وطاولات اشواق : خلاص اي مكان وانا بعزمك على الايس كريم اللي عندهم ترى لذيذ فهد من غير نفس : اوكي بس دقايق .*.. ساره وهي تشوف ساعتها حست ان فهد تاخر .. راحت صوب غرفتها وفتحت الستاره ولا تشوف فهد يالس ويا اشواق .. ساره استغربت وايد وعرفت انها اشواق وتذكرت كيف اشواق معجبه فيه .. ساره صكت الستاره .. ساره عاقده حواجبها ومستغربه : غريبه فهد ويا اشواق وانا ليش مهتمه ..معقوله اغار ..لالا لا مستحيل انا اغار راحت ساره المطبخ عشان اتييب لها العصير وهي بعدها مستغربه .. اما اشواق وفهد فهد منزل راسه وساكت .. اشواق وهي تتامل فيه : مممممممممممم فهد بلاك ساكت فهد رفع راسه : اتريه ترمسين ..مب انتي تبيني بسالفه اشواق ماتعرف شو تقول : ممممممممممم هيه صح بس سالفه عاديه ..ابي ابي هيه صح ابي رقم زوجتك فهد عاقد حواجبه : الحينه هاي السالفه اشواق : يعني .. اخاف تسافرون وانا ماعندي رقمها فهد : خلاص اوكي عندج ورقه اشواق : لا ماعندي فهد: وانا بعد اشواق وهي فاتحه كف ايدها : خلاص اكتب الرقم على ايديه فهد مستغرب من جراتها : ليش انا اكتب .. ( طلع القلم من قميصه ) انا بعطيج القلم وانتي كتبي اشواق انحرجت : اوووه صح .. اوكي كم الرقم فهد : ******* اشواق : مشكووووريا فهد فهد يبى يوقف: خلاص يمكن ارووح اشواق مسكت ايده بالغلط عشان توقفه : لا تروح فهد على طول سحب ايده وعصب .. اشواق : اسمحلي ما قصدت بس لا تروح فهد : اسمحيلي بس ما احب ايلس ويا وحده بالذات ما اعرفها والله مب حلوه اشواق : بس نحن نعرف بعض وبعدين عادي.. ولا تخاف من زوجتك تشوفنا فهد بخاطره :يا ريت ساره تحس بشي ولا تهتم اشواق : وين سرحت فهد : لا ولا مكان .. بس ساره عادي عندها اشواق وهي تلعب باصابعها : مممممممممم يمكن اقولك شي بس لا تزعل مني ولا تضايق من سؤالي فهد مستغرب : تفضلي قولي اشواق : الصراحه انا حاسه ان ساره ما تعزك وايد فهد تضايق وااايد وعصب .. اشواق : ما ابيك تزعل ..بس ما احس بينكم حب مثل باقي الازواج فهد بعصبيه : شو تبينا نبين حق العالم انا نحب بعض .. الحب في القلب اشواق : هيه ادري بس فهد وقف : اسمحيلي اشواق انا بروح اما ساره ( ساره ردت مره ثانيه وفتحت الستاره وشافت اشواق وفهد بعدهم ويا بعض ) ساره : غريبه بلاهم .. شو صاير بينهم .. حست ساره بالغيره والقهر بس هي ماحسه بهالشي ( عند فهد واشواق ) فهد : اشواق تاخرت وايد بغيتي شي ثاني اشواق : لا خلاص بس ما عزمتك على الايس كريم فهد : مره ثانيه فهد وهو يبى يروح اشواق :فهد فهد يصد : خير اشواق : لا تضايق من شي .. ترى اذا في ناس يضايقونك وما يحبون سعاتدك .. ترى اكيد شي ناس يحبون يشوفون السعاده بقلبك .. اشواق بابتسامه : مع السلامه يا فهد واتمنى المره اليايه اذا شفتني ما تنسى اسمي .. ترى اسمي مميز اسمي اشواق .. فهد : ان شاء الله يالله عن اذنج راح فهد شقته اما اشواق فتمت تشوفه بابتسامه ..وتقول في نفسها ( ماعرف يا فهد كيف سحرتني ..خليتني جريئه واطلع انسانه ثانيه) فهد راح لشقته وهو وايد متضايق دخل فهد ..وساره كانت في الصاله تشوف التلفزيون ويوم سمعت صوت الباب صدت وراء وشافت فهد .. اما فهد فكان معصب .. شافها بنظره كلها غضب وراح ولا سلم عليها ولا قالها شي .. دخل فهد غرفته وصك الباب بالقووو.. ساره استغربت من هالشي وقالت في نفسها : غريبه اول مره فهد ما يعطيني ويه ..مبين صدق انه معصب .. ارووح اراضي..لا لا لا وانا ليش اراضيه .. هو اللي زعل بروحه وانا مب غلطانه .. ما بروحله .. فهد غير ملابسه وتساند على السرير وحط ايده وراء راسه وكان يفكر بكلام اشواق شو قصدها ان في ناس يحبون سعادته .. .. ورن موبايله فهد من غير نفس : الو الريم : هلا بالغايب اللي ما يسال عني فهد اول ما سمع صوت الريم اخته يلس وبفرحه : هلا بريمااااااان اختي الغاليه الريم : وينك يالقاطع عاد قلنا شهر العسل عاد مب تنسى ان عندك اخت فهد : فديتج والله مستحيل انساج .. الريم : زين جيف حالك وحال سارووونه فهد اول ما سمع اسم ساره اتنهد .. الريم : بلاك اخويه شو صار فهد : والله ماعرف شو اقولج الريم وهي خايفه : لا يكون استوى في ساره شي فهد : لا لا باسم الله عليها ما صار فيها شي الريم : عيل شو صار فهد : بقولج السالفه فهد قال حق الريم السالفه كلها الريم : اها هالسالفه عيل فهد : هي وانا منقهر اكثر ان حتى ما تاسفت يا الريم تخيلي لهالدرجه انا ولا شي بالنبسالها الريم: بس هي ماكانت تقصد فهد : اكيدهو في بالها عشان جي هي تلخبطت وقالتلي خالد بدل فهد .. والله يالريم حاس بالقهر والغصه الريم : فهد انت تعرف ان ساره ما تباك من البدايه ووافقت على هالشي وقلت انك بتحاول تغيرها وتخليها تحبك صح فهد : بس انا والله مب مقصر عليها بشي واحاول انسى كلامها الجارح بس هي ابد ما تحس بمشاعري الريم : انت تعرف هالشي بيصير وانا ياما نبهتك بس انت اصريت .. فلازم تدوس على قلبك وتسامحها او ااطنش السالفه عشان تقدر تخليها تحبك وتستمر علاقتكم ويا بعض .. مب انت تحبها وما تبى تخسرها لازم تحاول .. فهد : مب بس احبها انا اعشقها .. ساره كل دنيتي الريم : خلاص .. الحينه اطلع وانسى السالفه ويمكن ساره حاسه بغلطتها بس ما تبى تعترف .. فهد : يعني تبيني انسى السالفه .. صعبه فهد : ما في شي صعب .. اذا صدق تحبها انسى هالشي بالذات ان لين الحينه الحب مب متبادل .. اما اذا متبادل كنت بقولك شي ثاني .. فهد : خلاص بحاول انسى السالفه وابين لها الع** .. والله يعيني .. الريم : الله يسعدك يا اخويه .. وترى ساره طيبه وايد بس هي متضايقه لانك دمرت حبها فهد : اوكي بحاول اني اطلعها اليوم وانسى اني متضايق الريم : اوكي اخويه يالله اخليك وياها .. فهد : مشكوووره اختي اتصلتي في الوقت المناسب الريم : افا عليك كم اخو عندي فهد : هههههههههه تسلمين يالله مع السلامه الريم : بحفظ الله راح فهد الصاله عشان يكلم ساره .. ويوم دخل الصاله ما شافها فراح غرفتها ساره وهي اتشوف المناظر من الدريشه .. فهد يفتح شوي الباب : احم احم ساره صدت استغربت : منو فهد يطلع نص راسه : منو غير ريلج ساره استغربت لان قبل شوي فهد متضايق منها فهد دخل الغرفه : شو بلا ج .. ليش مستغربه ساره صكت الستاره : ها ولا شي فهد راح عند ساره وقف عندها ساره مستغربه .. بلاه فهد يبتسم فهد بابتسامه : شو رايج يا بعد هلي نطلع اليوم ساره فتحت عيونها : شووووو فهد : بلاج .. ساره : توك معصب فهد يبين الع** ..( مسك ايدها ): عشانج انسى حزني وضيقي وكل شي .. بس عشان ما انحرم منج .. ساره سحبت ايدها ..وانحرجت فهد : ها يا عمري وين تبينا نطلع .. ساره : مممممم ماعرف اي مكان كيفك فهد حاط صبعه على راسه ويفكر : ممممممممممم شو رايج نروح نتغدى في الباخره .. ساره : واااااااااو فكره حلوه صوب البحر يا سلام فهد : وارقى سفينه بعد .. ساره : فكره حلوه خلاص دقايق واتجهز فهد : انا بعد بروح اتلبس راح فهد واتلبس اما ساره فمستغربه وايد من تصرف فهد .. ماتوقعت هالشي ساره : سبحان الله منو اللي غير تفكيره ..قبل شوي معصب ومتضايق .. ساره لبست لون الاحمر .. بقطعة شيفون .. والقميص كله قصات وشكله وايد راقي .. فهد طلع من الغرفه ودخل غرفة ساره وشاف ساره تسحي شعرها السايح ..وشعر ساره كان لين اخر الظهر .. وفيه لمعه طبيعيه .. فهد دخل وراح عندها: فديت الاحمر ساره مطنشه وهي تسحي شعرها فهد : الله شكلج طالع حلو وايد بالذات بشعرج السايح ساره ابتسمت وماردت عليه ساره قاعده تلف شعرها وتغطيه كامل .. فهد : يالله يا عمري ..مشينا ساره : يالله فهد وساره راحو لاحلى وارق باخره .. عشان يتغدون .. *************************** اما في دبــــــــــــي نوره وهي تكلم الريم : زين يالريم عيل انتي جاهزه.. الريم : هيه الحينه بييج .. قلتي حق ريلج انج رايحه العياده عشان الفحص نوره: انا قلت بروح العياده بس ما قلت له عشان الفحص الريم : هيه احسن ..يالله عيل انا الحينه بطلع نوره : اوكي اترياج نوره ويا الريم راحو العياده عشان تفحص اذا نوره ما فيها شي يمنع الحمل نوره وهي تتريه دورها : الريم وايد خايفه الريم : ان شاء الله ما في شي .. لا تحاتين نوره والخوف بملامحها : اخاف اسمع خبر مب حلو الريم : يالله كيف توسوسين توكلي على الله نوره : اويييه .. يا دوري النيرس : نوره دورج نوره : اوييييييييييييه دوري الريم : الله معاج نوره وقفت عشان تروح : ادعيلي الريم : الله وياج يانوره الريم اتريت نوره وايد .. الريم كل شي تشوف ساعتها .. نوره طلعت من عند الدكتوره الريم راحت عندها : ها شو بشري نوره بابتسامه : الحمد لله ما فيني شي الدكتوره طمنتني وقالت كل شي سليم عندي وقالت اني اقدر احمل في اي وقت.. الريم مستانسه : الحمدلله الحمد لله ..ما قلت لج ما بيستوي شي نوره :هيه والله كنت خايفه .. الريم : التاخر شي عادي .. وايد ناس تاخرو في الحمال يمكن اكثر من 4 او 5 سنين وبدون سبب نوره : هيه صح .. خلا ارووح ابشر ريلي الريم : وعقبال ما تبشرينه بالحمل نوره وهي ترفع عيونها للسماء : ان شاء الله .. وربي يسمع منج هند قاعده تتلبس وتتكشخ .. ام خالد : وين بتروحين هند وهي تتمكيج : ولا مكان بس ربيعتي منى بتي بيتنا ام خالد : والله تقولين خطيبج اللي بييه هند : بعد لازم بنتج تتكشخ ..عسب محد يكون احلى منها ام خالد : الجمال يا بنتي جمال الروح مب الشكل هند : انا عندي كل انواع الجمال ام خالد : زين خلا اجهز لها العصير هند : هي والله تسوين خير .. هند وهي يالسه في الصاله ويا ام ساره وام خالد تتريه ربيعتها وكل دقيقه تشوف ساعتها ام ساره : بلاج كل ثانيه تشوفين ساعتج هند : تاخرت ربيعتي وايد خالد طلع من غرفته عشان يطلع ..قاعد يعدل غترته ام خالد : بتطلع يا خالد خالد : هيه امايه بطلع ويا الربع ام خالد : زين تسوي تغير الجو على الاقل ومنى يت وهي تدق الجرس هند وقفت : اكيد منى ربيعتي هند : بروح استقبلها وبييبها هنيه خالد : ليش ما بتودينها الميلس هند : لا هي تبى اتيه غرفتي ابي اراويها اشياء خالد : عيل انا بطلع يالله من رخصتكم هند طلعت عشان ادخل ربيعتها منى وهي تبى تدخل شافت خالد عند باب الصاله منى طبعا الشيله كانها زينه على رقبتها والمكياج كامل في ويها والعطر لاخر الدنيا .. خالد منزل عيونه ويبى يطلع منى تشوف خالد وبدلع : مرحبا خالد رفع راسه ولا يشوف منى ومن غير نفس مرحبتين خالد طلع على طول وما سوالها سالفه منى تصد تشوف خالد وهو يطلع منى تكلم هند : اقول هذا اخوج هند : هيه ماعندي غيره منى : ما قلتي ان عندج اخو بهالجمال والجاذبيه هند : ليش عايبنج .. بس صعب تاخذينه منى بغرور: ليش ان شاء الله شو ناقصني هند : هو اصلا لين الحينه يحب ساره وما يقدر يسناها منى : ااايييييييييييييه هاي ساره ماعرف شو تسوي في الشباب صدق حظها حلو منى : زين نحن لين متى بنوقف عند باب الصاله يالله ندخل .. منى بعد ما سلمت على الكل راحت غرفة نوره وتشوف اغراضها .. منى : ها شو رايج بغرفتي حلوه صح منى : مغيره الاثاث يعني منى : هيه .. منى : اقول عندج كمبيوتر صح هند : هيه ليش منى تحاول تخرب منى : تعالي بدخلج على شي بتستانسين وايد منى : والله شو منى : تعالي منى دخلتها بالشات هند يالسه عند منى : هذا شو بعد منى : صدق مب متطوره هذا شات تكلمين بنات و شباب وهم ما يعرفون اسمج ولا شي منى : ويييييييييييه انا اكلم شباب لا حبيبتي انا مخطووبه منى بحقد لان هند مخطوبه : زين شو يعني جي انتي اول وحده تنخطبين عادي منى : لا لا ما يستوي احس خيانه منى : مالت عليج صدق غبيه .. اي خيانه جي بتطلعين وياه تكلمينه على الشات وهو شو عرفه فيج ولا في اسمج .. يعني كل واحد يقص على الثاني وناسه منى : لا لا ما بيه منى : زين شوفيني كيف ادخل الشات واقص عليهم هند : اوكيه ((منى .. من البنات اللي في هالزمن منتشر عندنا للاسف وايد .. يعني سمعتهم مب زينه وحركات وما يتمنون للباجي الخير .. ويحبون كل البنات اللي وياهم يكونون مثلهم حركات .)). ومنى تدخل الشات .. وهند قاعده تشوفها وتتعلم منها منى : ها شو رايج مب وناسه منى : الصراحه هيه منى : يوم تكونين ملانه دخلي وكل يوم تقصين على واحد هند : وهو مايعرف اميلي ولا شي صح منى : لا مايعرف شي .. هند : ماعرف اخاف .. مب خيانه لاني مخطوبه منى: بس انتي ما سويتي شي غلط .. وبعدين بعد ما تزوجين ودري هالشي هند : مممممممممم اوكي . (هند وايد على نياتها وماتحس بالغلط اللي تسويه تحس كل ما منى تقول شي يعني صح وما فيها شي ) اما في بلجيـــــــــــــــكا : فهد وهو ياكل ويا ساره فهد : الصراحه ما شي احلى من ام الربيان ساره : لا شكله يخوف .. انا احب الربيان الصغار فهد: هههههههههههههه يخوف .. ليش هو حي ساره : الصراحه كانه حي فهد : بس لذييييييييييييذ فهد كمل اكله بعدين وقف عن الاكل وسرح فجاه .. ساره لاحظت هالشي شافت فهد سرحا ن ساره : بلاك فهد فهد يشوف ساره : في شي في بالي ما عرف اقوله ولا لاء ساره : اذا تحس انك تبى تقول قوله فهد بكل حزن : ساره انا اعرف انج تكرهيني ساره انصدمت .. فهد : اعرف ان اللي سويته غلط ان مب من حقي اخذج من خطيبج .. وانا ما الومج اذا عاملتيني هالمعامله ساره ما تعلق فهد: بس غصبن عني والله .. يوم شفتج ذيج المره ما قدرت اشيلج من بالي .. عرفت اني مستحيل اعيش بدونج ماعرف شو صارلي .. كانج سحرتيني ويوم عرفت انج مخطوبه حاولت اشيلج من بالي بس ما قدرت والله ما قدرت ساره : اللي يحب يا فهد يتمنى اللي يحبه السعاده مب انك تاذخني من خطيبي صح فهد : هيه صح .. بس كل ما تذكر انج ما بتكونين لي ماعرف شو يستوي فيه ..بالذات ان الريم دوم تمدح فيج وتكلمني عنج ..حسيت اني اباج وما بتزوج غيرج .. ساره : بس اللي يحب ما يسوي اللي سويته فهد : حاولت انساج ما قدرت والله احس اني بختنق يوم اتذكر انج بتكونين لغيري .. وبالذات انا ياساره عمري ما حبيت من بعد وفاة امي وابوي وانا بامس الحاجه لهم ساره : بس يا فهد وايد ناس يتامه بس ماصار لهم هالشي فهد بكل حزن : صح ..بس انا كنت صغير يا ساره يعني قولي صف الرابع واتذكر كل شي ... امي (ادمع فهد ) امي ما عشت وياها فتره طويله .. في اشياء اتذكرها كيف كانت حنونه وياي .. كانت تلاعبني وادلعني اكثر واحد وكنت متعلق فيها بشكل جنون . اكثر عن ابويه .. وتخيلي سعادتنا ما اكتملت ماتت بمرض خبيث ( فهد ما قدر ايود عمره ) نزلت الدمعه ساره وهي تحاول تخبي دموعها .. فهد : تخيلي يا ساره انا كنت صغير ويوم ماتت امي قلت حق ابويه وين امي قال راحت من الدنيا .. وانا بامس الحاجه لها ولحنانها .. هي كانت كل شي بالنسبالي .. دايما تنصحني وعمرها ما عصبت عليه كانت حنونه .. وابويه من الصدمه ومن كثر ما تعذب ما ركز في سواقته ومات بحادث في السياره تتخيلين اعز اثنين عندج يرووحون بنفس الوقت .. كيف ما تبيني اتعقد .. وانا من صغري انحرمت منهم .. وياريت عندي اخو اكبر .. بعدين عمي يلسنا عنده وهناك بدل ما نحصل الحنان حصلنا من مرت عمي العذاب بدل ما تعوضنا الحنان والحب اللي انحرمنا منه ..عاملتنا بجفاء لانها ماتبانا نيلس عندها .. تخلينا مثل الخدم .. وتفرق بيني وبين عيالها .. ودايما تغيضني ..لانه ما عندي احد يهتم فيه واختي صغيره ما تذكر كل شي فانا كنت ادافع عنها يوم مرت عمي تضربها ساره وهي تمسح دموعها : معقوله في مرت عم بهالقساوه فهد : نحن دايما نتوقع ان في دنيتنا كل شي زين .. بس مانعرف ان في ناس في الدنيا اخس مما نتصوره .. وانا ياساره تعقدت من بعدها .. انحرمت من كل شي..وطبعا مرت عمي ما قصرت ..بهالطريقه كبرت وقلت اني بعتمد على نفسي وسافرت عشان اشرد من تسلط مرت عمي ساره : وعمك ماله شخصيه فهد يتنهد : ااااااااااااااااه .. وايد رياييل مالهم اي سلطه جدام حريمهم .. مع ان عمي طيب وايد ..بس مرته ساره : وكيف ودرت اختك بروحها وسافرت فهد : اختي يوم كبرت مرت عمي كانت زينه شوي وياها عشان جي انا اطمنت .. بس طبعا مؤقتا ساره : ليش يعني فهد : يوم رديت من السفر فاتحني عمي ان يبى الريم حق حد من عياله .. وهني انا رفضت ساره /: ليش هو مب زين فهد : لا ابدا .. من النوع اللي ما يسوي اي شي الا بشور امه يعني تقدرين تقولين ولد امه .. ومايحافظ على صلاته وكان لعوب .. وانا متاكد انه بيبهدل اختي ساره : اها عشان جي هي تكرها وايد فهد : هيه وايد وعصبت علينا وماخلت فينا شي ويوم كبرت واعتمدت على نفسي خذت اختي ويلست في بيتنا ساره : وبيتكم قبل منو عايش فيه فهد : عمي مأجرنه على ناس وطبعا يوم عرف اني قدرت اعتمد على نفسي استانس لانه يعرف ان مرت عمي بتبهدلنا وعطانا كل فلوسنا مال الايجار .. ساره : اها هاي قصتك فهد :هيه وعمري ما شفت السعاده يا ساره الا يوم شفتج فلا تلوميني يا ساره اذا انا تعلقت فيج .. حسيت ان محد يقدر يعوضني عن الحب والحنان غيرج ..وبعدج عني هو موتي .. لاني مستحيل اعيش بدونج يا ساره ساره نزلت راسها وما قدرت تعلق على شي يمكن لانها اول مره فهد ي**ر خاطرها وتحس فيه فهد رفع راس ساره وبابتسامه : ساره يمكن اقولج خاطره وايد عزيزه علي واهديها لج ساره بابتسامه : تفضل فهد : بس عاد ملينا من اليلسه خلا نشوف البحر ... وبقولج على الاقل احس اني في باخره وان البحر عندنا ساره وقفت : اوكي يالله فهد واقف عند ساره وساره تشوفه .. اما فهد فهو يشوف البحر ويقول بكل رقه : ** لو كان بيدي اموت مليون مره . ..بختار موتي ولا فراقك ثواني **لا تظن بعدك في حياتي مسره . . تفداك روحي وراحتي وكياني ** انت ف حياتي كل امالي وانا ما اقدر على بعدك يا بعد خلاني ** حبك سكن روحي وقلبي مقره وعهد الموده لك على طول الزماني ** جمع العذاري ما يسوون شعره منك ولا بيعوضني عنك ثــــــاني فهد يصد لساره : ها شو رايج ساره بابتسامه : الصراحه رووعه .. فهد تقرب من ساره اكثر: محد اروع منج يا بعد خلاني ..وترى هذا شويه يا ساره ترى اللي في قلبي واااايد .. وحبي لج ماله حدود.. ساره تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها .. نتابع بعض اجزاء الثالث والثلاثون فهد واقف عند ساره وساره تشوفه .. اما فهد فهو يشوف البحر ويقول بكل رقه : ** لو كان بيدي اموت مليون مره . ..بختار موتي ولا فراقك ثواني **لا تظن بعدك في حياتي مسره . . تفداك روحي وراحتي وكياني ** انت ف حياتي كل امالي وانا ما اقدر على بعدك يا بعد خلاني ** حبك سكن روحي وقلبي مقره وعهد الموده لك على طول الزماني ** جمع العذاري ما يسوون شعره منك ولا بيعوضني عنك ثــــــاني فهد يصد لساره : ها شو رايج ساره بابتسامه : الصراحه رووعه .. فهد تقرب من ساره اكثر: محد اروع منج يا بعد خلاني ..وترى هذا شويه يا ساره ترى اللي في قلبي واااايد .. وحبي لج ماله حدود.. ساره تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها .. ****** الجزء اليديد*************** ساره تصد لفهد : فهد انت من زمان تكتب خواطر واشعار فهد بابتسامه : والله مب وايد بس من بعد وفاة امي كنت احب اكتب اشعار حزن لان امي خلتني بس يوم شفتج يا باعد هلي استويت شاعر لج ساره : زين ليش ما اطلع مواهبك في المجلات .. فهد : الصراحه وايدين نصحوني .. بس ما احس اني اكتب لهالدرجه حلو ساره : لا صدق روووعه .. زين لو كتبت اشعارك شو راح تخلي لقبك .. مثل ماتعرف كل واحد يكتب لازم يكون له لقب فهد وهو يمسكك ايدين ساره وبابتسامه رقيقه : اكيد راح يكون لقبي ( مجنون ساره ) ساره وهي تسحب ايد فهد برقه وتصد صوب ثاني : مجنون ساره ..ليش فهد يمسك ذراع ساره ويبها صوبه : لاني مجنونج يا ساره حبج سحرني وخلاني اصير انسان ثاني .. ساره صدت مره ثانيه صوب البحر وكانت متضايقه وفي خاطرها تقول (( اااااااااااااااااااااه يا ربي ..شو اسوي .. صح ان فهد محتاجلي وايد وهو طيب ومب مقصر عليه بس صعب صعب ابادله لان خالد لين الحينه بقلبي وصعب عليه اكون مستانسه وهو هناك متعذب ماعرف شو اسوي يا ربي فهد : بلاج ساره في شو سرحتي ساره : لا ما شي .. بس متى بنرد ... فهد مستغرب ليش شو مليتي ساره : لا مب جي السالفه .. بس احس بصداع ابي ارتاح فهد وهو يشوف ساعته : مممممممممم بعد ربع ساعه ان شاء الله .. زين تعالي يا عمري يلسي عشان ما تتعبين اكثر ******************** أما في دبـــــــــــــي: نوره بعد ما ردت من العياده راحت عند عبدالله عبدالله وهو يرمس تلفون نوره تاشر له وتقوله بصوت واطي : ابيك بسرعه عبدالله يشوفها ومستغرب نوره : يالله عبدالله يكلم ربيعه : زين عيل اخليك يا بو علي ان شاء الله اكلمك مره ثانيه .. عبدالله : بلاج يا عمري .. احسج وايد متحمسه نوره والابتسامه في ويها : عندي لك خبر حلو عبدالله : الله يكثر من الاخبار الحلوه.. ها قولي شو استوى نوره : اليوم رحت العياده عشان اطمن اذا اقدر احمل ولا لاء .. قالت لي الدكتوره ان ما عندي شي يمنع الحمل يعني اقدر احمل متى الله راد عبدالله : الحمد لله .. بس لش مستعيله على الحمال يا عمري تونا مكملين شهرين نوره : بس كنت خايفه وابي اطمن .. وايد فرحانه عبدالله تقرب من نوره وخذها بحضنه : الله يعطينا يارب عشان اشوف الفرحه دوووم ما تفارقج نوره وهي مستحيه : والله لا يحرمني منك يا اغلى انسان عندي .. *.. نوره سعادتها كبيره لانها وايد كانت تحاتي من ان شي يصير ويمنع الحمل بس اطمنت اكثر يوم الدكتوره بشرتها ان ما في شي يمنع الحمل عندها .. اما في بيت ام خالد .. خالد رد من عند ربعه ودخل الصاله : السلام عليكم ام خالد وبو خالد : السلام عليكم ورحمه الله وبركاته راح خالد وباس فوق راس والديه : عيل وين ام ساره ام خالد: خالتك في غرفتها خالد : وين هند عيل ام خالد : اعتقد في غرفتها بعد خالد : راحت ربيعتها ام خالد :هيه من زمان خالد راح غرفة هند ويدق الباب هند كانت يالسه على الكمبيوتر ومن الخوف صكت بسرعه الكمبيوتر.. خالد يدق الباب : هند فتحي الباب انا خالد هند وهي متوتره تفتح الباب: ها خالد شو بغيت خالد دخل غرفتها : شو تسوين هند بتوتر : ها ممم مما شي بس يالسه في غرفتي خالد : زين سمعي بقولج شي هند : خير خالد : انا بكون وياج صريح .. انا مب مرتاح لربيعتج هند عاقده حواجبها : منو منى خالد : اللي يت اليوم بيتنا .. مب مرتاحلها ابدا هند وهي معصبه : ليش يلست وياها عشان ترتاح لها خالد : احيانا من الشكل نقدر نحكم على الشخص هند : ليش بلاها خالد : شي انسانه محترمه .. ما تلبس الشيله وحاطه مكياج كامل والعطر لاخر الدنيا والعبايه ماعرف ليش لابستنها اذا عباتها مفتوحه بالكامل واللبس ولا كانها مسلمه ... هند : وانت متى لحقت تشوفها خالد : لا تنسين انها سلمت عليه وانا فجاه شفتها هند : بس الاشكال تخدع خالد : اوكي اذاالاشكال تخدع .. اسلوبها مبين شفتي كيف سلمت عليه وشفتي نظراتها ودلعها ..الانسانه المحترمه تكون ثجيييييييله وما تكون بهالشكل هند بصريخ : بس انا مرتاحتلها وما يهمني راي حد ثاني خالد بعصبيه : بس انا اكبر واعرف شو الصح والخطا ترى يا هند الربيعه اللي سمعتها مختربه تخرب رباعتها وترى البنت ماعندها الاسمعتها واذا سمعتها راحت مب بس هي بتضيع حتى اهلها بيضيعون هند : والله انك مكبر السالفه يا خالد خالد: انا حذرتج ..واذا يا هند عرفت ان ربيعتج سمعتها مب زينه والله راح تندمين .. بالذات اذا كنتي تعرفين هالشي هند : خالد لاتنسى اني مخطوبه وانا حره بتصرفاتي خالد بعصبيه : شوووووووووو .. لا حبيبتي مب يعني انج مخطوبه تسوين اللي تبين هند : وانت يعني اكيد ما بترتاح .. انت ماترتاح الا مع حبيبة القلب اللي قصت عليك وودرتك خالد مسك ذراع هند بالقووو : سمعي لا تقارنين ساره بهالانواع ولا ترمسين عنها الا بالزين سمعتي ولا بتوشفين شي ما شفتيه هند : ااااااي ايدي هد ايدي يا خالد عورتني خالد هد ايدها : وبعدين ساره ما تساوي ظفر منى ربييعتج وظفر بنات العالم هند معصبه وما قدرت تقول شي لانها خافت من عصبية خالد .. خالد وهو يبى يطلع صد صوب هند وياشر بصبعه : انا راح اسال عن منى واذا عرفت عنها شي مب زين غصبن عنج راح تودرينها ويا ويلج يا هند اذا عرفت انج تعرفين عنها شي وساكته طلع خالد وهو معصب اما منى فمنقهره من كلام خالد وتهديده لها .. منى وهي تكلم نفسها : والله راح اقهرك يوم من الايام مثل ما قهرتني يا خالد ********************** في بلجيـــكا فهد وهو ماسك ايد ساره عشان تنزل من الباخره : شوي شوي يا عمري اخاف اطيحين ساره وهي رافعه ملابسها : وي زياااااغ .. اخاف اطيح في البحر فهد : لا تخافين وانا وياج يا عمري .. لاتنسين اني سباح ماهر ساره بعد مانزلت من الباخره .. ساره : الحمد لله وصلنا فهد: الصراحه كان يوم وايد حلو ساره : صدقك وايد استانست فهد : ان شاء الله دوم اشوف الفرحه مالي قلبج ساره تبتسم فهد : يالله نرد شقتنا ساره : يالله وبعد ما خذو التا**ي ووصلو جريب شقتهم فهد: ساره يمكن دقايق ساره : وين بتروح بعد ... لا تقول يوعان فهد : ههههههههههه لا مب يوعان بس دقايق راح فهد بسرعه وياب ورده حمراء فهد وهو ماسك الورده الحمراء : تفضلي يا اغلى وارق واحلىزوجه في الكون كله ساره وهي تاخذ الورده وبابتسامه :تسلم يا فهد فهد : تصدقين الورده مستانسه وايد ساره : ليش فهد : لانها لامست ايدينج الحلوه ساره ويها احمر : فهد بس عاد فهد : اوووه سوري نسينا ان الحلوه خجوله .. فديت الحيا منج ساره وهي تمشي : فهد يالله بروح الشقه فهد :لحظه لحظه بييه وياج .. ساره في البدايه كانت قاسيه عليه وايد بس ما تقدر تقاوم رومانسيه فهد وكلامه وصدق احساسه.. بس هذا مب يعني انها نست خالد ساره بعد ماراحت الشقه ساره بدلت ملابسها ولبست جلابيه راقيه وحلوه بدرجات البيج .. ساره راحت غرفة فهد وهي واقفه عند باب فهد : فهد فهد فهد وفي ايده كتاب : هلا يا عمري تفضلي ساره بخجل تدخل : سوري على الازعاج فهد : يالله على هالرسميات .. يا حلوه انتي مرتي .. يعني لا ازعاج ولا شي.. بالع** قربج هو اللي يفرح قلبي ساره وهو تشوف الكتاب : شو في ايدك فهد : كتاب اشعاري .. كل ما يستوي عندي شي احب اكتب ساره /: يمكن اقرا ه فهد : مممممممممممم مب الحينه ..خلا يتحقق اللي في بالي بعدين بعطيج ساره : شو اللي في بالك فهد : لاحقه يا عمري .. بعدين بخبرج ان شا ءالله ساره : اوكي على راحتك .. فهد بتصل في امايه فهد : اوكي يا عمري اتصلي فيها .. ساره : بس ماعرف وين موبايلي فهد : خلاص انا بتصل على موبايلج عشان تعرفين مكانه فهد خذ موبايله ويتصل في ساره ساره وهي واقفه عنده وتسمع صوت موبايلها: اسمع موبايلي يرن بس ماعرف وين فهد : روحي شو في وينه اكيد بغرفتج ساره راحت ادور موبايلها وحصلته في الصاله فهد : ها حصلتي ساره :هيه حصلت مشكوور فهد : افا عليج ما سوينا شي ساره راحت تتصل في امها . امها يالسه مع ام خالد وهند ساره : الو امايه ام ساره : فدييييييييت عمرج يا ساره هند تصد ومنقهره .. ساره : شحالج امايه وشحال خالتي وبنات خالتي ام ساره : الكل يسال عنج يا ساره انتي جيف حالج وحال فهد ريلج ساره : كلنا بخير ام ساره : وينكم انتو الحنيه في المانيا ساره : لا ما بنروحها .. مستانسين وايد في بلجيكا قلنا خلا انتم هناك احسن ام ساره : ان شا ءالله دومج تكونين مستانسه ساره : ان شاء الله .. والله اشتقتلج يا امايه موووت ام ساره : وانا اكثر يا عمري فهد ياي عند ساره وياشر ان يبى يكلم ام ساره ساره : اقول امايه لحظه فهد يبى يكلمج ام ساره : هيه عطيني فهد : سلام عليج عمتي ام ساره : هلا بولدي فهد .. شحالك فهد : بخير مدامج بخير .. وشو الاخبار عندكم ان شاء الله مرتاحين ام ساره : الحمدلله مرتاحين ومشتاقيلكم يالله متى بتردون وايد طولتو فهد : ان شاء الله جريب فهد: ما تامرين علينا بشي يا عمتي ام ساره: ما وصيك على ساره لا تزعلها ولا شي تراها بنتي الوحيده فهد : ساره بعيوني عمتي لا توصين حريص .. ام ساره / تسلم يا ولدي والله يسعدكم فهد: سلمي على الكل ام ساره : يوصل ان شاء لله ام ساره بعد ما صكت من عندهم ام خالد : ها شو اخبارهم ام ساره : يسلمون عليكم ام خالد : الله يسلمهم من الشر هند : شو وينهم في المانيا صح ام ساره : لا في بليجكا هند : غريبه سمعت يقولون اسبوع بلجيكا واسبوع المانيا والحينه كملو تقريبا 10 ايام ام ساره : تقول ساره انهم مستانسين هناك وايد ومرتاحين هند : ماشا ءالله الاخت مرتاحه خالد توه طالع من غرفته ومتكشخ يبا يطلع ام خالد : على وين يا خالد خالد : بروح بمر على ربيعي محمد هند وهي تبى تقهر خالد: اقول خالد ما سمعت اخر الاخبار خالد كان واقف عند الباب عشان يطلع يصد لهند : خير هند بدلع : يقولون ان ساره بتم هنك اكثر في شهر العسل ولا بعد ساره مرتاحه واااااااااااايد هناك وما تبى ترد .. واذا هي مرتاحه هذا دليل انها تحبه ولازم تحبه كيف ماتحبه وهم هناك بروحهم ولا بعد حد يقدر يشوف جمال فهد وما يحبه خالد عيونه كلها غضب وحزن وقهر ويطلع وهو معصب ام خالد بصوت واطي : ليش قلتيله يا هند هند وهي واقفه : ابي اقهره مثل ما قهرني اليوم راح خالد وركب سيارته والقهر مالي قلبه وهي يضرب بايده على السكان والدمعه بعيونه : معقوله يا ساره نسيتي وعدنا معقوله يا ساره نسيتيني ..لازم اكلم ساره واتاكد منها .. خالد خذ الموبايل عشان يتصل في ساره وهاي اول مره : خالد اتصل فيها اكثر من مره بس موبايلها مغلق خالد وهو يكلم نفسه ومعصب: مغلق هذا دليل انج ما تبين حتى ازعاج من حد يعني صدق انج مرتاحه هناك .. معقوله يا ساره نسيتيني ... راح خالد يمر ورا ربيعه محمد والحزن بملامحه محمد وهو يركب السياره : وينك يا ريال تاخرت وايد من متى وانا اترياك خالد ما يصد لمحمد ولا شي ساكت .. محمد بعد ماركب السياره : خالد بلاك خالد بحزن وهو يشغل السياره: مافيني شي محمد مستغرب .. من سكوت خالد وهو كل الدرب ساكت ولا يبتسم وخالد وهو يسوق ..ماقدر يركز بسواقته ولا مفجـــــــــــــــــأه كان يبى يدعم السياره اللي جدامه وضرب بريك بصوت عالي .. حتى راسه ضرب بخفيف على السكان محمد وهو ماسك خالد: خالد خالد بلاك فيك شي خالد وهو ماسك راسه : اخ لا ما فيني شي.. انت فيك شي تعورت محمد : لا الحمد لله ما فيني شي .. صح حسيت اني بطلع من الدريشه بس الحمد لله ماتعورت خالد : اسمحلي محمد : بلاك يا خالد شو فيك .. خالد بعصبيه : ماعرف ماعرف محمد : شكلك وايد تعبان ..قوم حرك السياره على صوب عشان انا اسوق بدالك .. خالد : لا عادي محمد : اي عادي الله يهديك زين ما سوينا حادث شكلك تعبان وماتقدر تسوق ..وقف على صوب عشان انا اسوق واوديك البيت ترتاح محمد ساق بدال خالد .. لان خالد كان وايد تعبان والقهر بقلبه محمد وصل خالد البيت .. وقاله خلا يتصل فيه بعد ما يكون بخير خالد وصل البيت .. والكل استغرب لانه توه طالع وغريبه بسرعه رد ام خالد قامت من مكانها : بلاك خالد خالد وهو ببطئ يمشي.. : ما شي بس شوي تعبان ابي انام ام ساره : غريبه تنام بهالوقت زين تعشى قبل ماتنام خالد : ما اشتهي العشى بس ابي انام محد يوعيني ولا يدق عليه الباب ام خالد : على راحتك يا ولدي خالد دخل عرفته وهو متساند على الباب والدموع بعيونه ويكلم نفسه : لا مستحيل يا ساره تكونين ناستني .. انتي الامل اللي بقلبي .. مستحيل تنسين وعدنا .. انا لج وانتي لي يا ساره .. ام خالد وهي خايفه على خالد : بلاه خالد شو صارله هند ساكته وبخاطرها تقول : اكيد يوم سمع خبر ساره جي صار له .. حشى مب حب اللي يحبها .. بس يستاهل عشان مره ثانيه ما يقهرني اما خالد فماقدر ينام وهو يتجلب يمين يسار وذكريات ساره ماتفارق خياله .. والدموع بعيونه الجزء الرابع والثلاثــون بعد ما خالد رد البيت ما طلع من الغرفه كله يفكر بساره .. ومتضايق وايد .. ويتخيل ان ساره نسته وتحب فهد .. وفي اليوم الثـــاني : في بلجيـــكا : فهد مطلع ملابس السباحه . اما ساره فهي تكتب الاشياء اللي لازم تشتريها لاهلها .. فهد وهو مستعيل : ساره حبي ساره تصد وتشوف فهد ماسك الملابس : خير فهد : انا الحينه بروح ساره عاقده حواجبها : تروح في هالصبح فهد : هيه بروح اتسبح في البحر يا سلام ما تشوفين الجو ساره مستغربه : تسبح . فهد يتقرب عندها : نسيتي ان ريلج سباح ماهر .. ولازم اتسبح البحر مجابلنا وما اتسبح لا والجو محلاته ساره : بس برد شوي فهد : عادي .. اهم شي اتسبح ..(فهد يلس عند ساره) ما بتشوفين ريلج كيف يتسبح ساره صدت صوب ثاني : مشغوله شوي فهد قام من عند ساره : خلاص تقدرين تشوفيني من الجامه ( النافذه ) .. ترى اكيد يبين ساره : ممممم يصير خير فهد لبس شورت وقميص السباحه وبهالبس بينت عضلاته .. فهد : يالله يا عمري باااااااااي ساره اونها استحت ونزلت راسها : باااي فهد راح يتسبح .. وهو مستانس .. وطبعا الكل تم يشوفه ويشوفون كيف يتسبح بمهاره .. ############## اما اشواق فهي ماسكه القلم وتتامل فيه .. فاطمه يت عندها : ها شو تجهزتي ان شا ءالله اليوم بنسافر اشواق وهي تتحرطم : يعني لازم نروح فرنسا نحن مرتاحين في بلجيكا .. فاطمه : ولا يا حلوه مب انا اللي قلت .. اهالينا اللي مقررين هالشي اشواق وهي زعلانه وماسكه القلم : يعني بودع فهد فاطمه يلست عندها وهي مستغربه تشوف القلم : من وين يبتي هالقلم اشواق تصد لفاطمه: هذا قلم فهد فاطمه فتحت عيونها : شوووووووو ومن وين يبتيه اشواق بابتسامه : تذكرين يوم شفت فهد عند البحر يوم يلست وياه قلت له ابيه قلم عشان اكتب رقم ساره وهو عطاني قلمه وانا نسيت اعطيه فاطمه : نسيتي ولا تناسيتي اشواق تضحك بخبث: فاهمتني يا الشيطانه ... الصراحه تناسيت .. وقلت هاي فرصه عشان اشوفه مره ثانيه قبل ما اروح فاطمه : شو قصدج اشواق وقفت من مكانها : قصدي انا نحن بنروح نسلم على ساره عشان السفر ومره وحده بسالها وين فهد وعشان ما تشك بعطي حق فهد القلم اونه عذر عشان اشوووفه .. فاطمه : ايه يالخبله ..تبين تسوين مشاكل .. يمكن ساره ماتعرف انكم شفتو بعض اشواق : هيه اصلا مبين انها مب مهتمه فيه .. وبعدين انا مالي خص فيها ولا في شي ثاني .. اهم شي اشوفه فاطمه : صدق يوم قلت انج خبله اشواق عصبت : ليش خبله ها .. يعني اللي يحب يطلع خبل .. بعدين مب انا اللي حبيته قلبي اللي حبه .. والله يسحر هالريال يخبللللل فاطمه : انتي ما تحبينه يا اشواق .. انتيي مثل باجي البنات متخبله او معجبه في جماله او في شخصيته وهذا اعجاب مب حب اشواق : حب ولا اعجاب المهم ابي اشوفه قبل ما اسافر ..بتين ويايه صح فاطمه منزله راسها اشواق : فاطمه انا ما طلبت منج شي.. بس ابي اروح عند ساره ولا تنسين انها ربيعتج فاطمه : عشان جي انا خايفه لاني ما ابي اخسر صداقتي وياها .. اشواق : صدقيني ما بيستوي شي .. تعالي ويايه اليوم .. بروح اتلبس وبنروح عندها اوكي فاطمه بابتسامه : اوكي عشانج يا اشواق اشواق بابتسامه راحت مسكت ايدها : تسلمين يافاطمه وعمري ماراح انسى جميلج .. ################## اما في دبـــــي: محمد يالس يتصل في خالد بس كله يعطيه مغلق .. محمد يكلم نفسه : الله يعين ..ماعرف خالد بلاه من البارحه اتصل فيه وموبايله كله مغلق ..المشكله ماعرف رقم بيتهم .. وبعدين موبايل محمد رن وشاف رقم غريب .. محمد : الو المتصل : سلام عليكم محمد مستغرب من الصوت : وعليكم السلام منو وياي المتصل : انا ...... محمد استغرب: منو شيخه ويايه شيخه : هيه انا شيخه بنت عمك محمد اتوتر : هلا شيخه جيف حالج يا بنت عمي شيخه بحزن : الصرحه مب بخير محمد : افا ليش شو استوى شيخه : يبت لنا المشاكل يا محمد بعد ما ساعدتك وانت كانك مب صاحب هالفكره ..كاني انا المذنبه محمد : ليش شو استوى شيخه : الكل يعاتبني لان *** قطعت عنا وما تتصل في امي ولا في اخوها اللي هو ابويه .. وانت قلت ان *** ماراح تزعل محمد وهو يفكر : والله توقعت ان المشكله انحلت شيخه دخليلك يا محمد انهي هالسالفه .. ترى انا ساعدتك وكل شي طاح على راسي .. على الاقل تحمل باجي المشكله .. واقنع *** محمد : خلاص ولا يهمج .. وعد مني اني اكلم امي مره واثنين وثلاث لين ما تقتنع شيخه : اسمحلي علىالاتصال وعلى هالعتاب بس غصبن عني .. محمد : لا فاهمنج .. انا اللي اتاسف لاني نسيت هالشي .. والله توقعت ان كل شي انحل .. بس ان شاء الله جريب راح تشوفين امايه بيتكم بعد شيخه : مشكوورولد العم واسمحلنا مره ثانيه محمد : لا افا عليج ما سويت شي .. انا لازم اشكرج على كل اللي سويتيه .. شيخه : يالله عيل عن اذنك .. بخليك الحنيه محمد : في اماااان الله يا بنت عمي محمد بعد ماصك من عند شيخه : والله نسيت امي .. الله يهديج يا امي .. بعدج مال قوم اول اللي تزعلين عشان هالسوالف .. والله مشكله هالعيايز.. محمد راح يكلم امه وشافها في المطبخ تكلم الخدامه .. محمد واقف عند باب المطبخ : امايه الام منمدجه تكلم الخدامه .. محمد : امااااااااااايه الام معصبه : شو تبى ما تشوفني اكلم الخدامه عشان الغدى محمد: زين ابيج بسالفه الام : وانت يا سوالفك اللي ما تخلص .. بعدين قولي محمد : لا ابي الحينه اقولج الام : اف صدق تعورالراس .. محمد : يالله تعالي شوي بس ما باخرج .. تعالي نقعد في الصاله بس دقايق الام : زين محمد يلس عند امه في الصاله.. محمد : امايه انتي بعدج ما تكلمين عمي ولامرت عمي عشان سالفتي ويا شيخه الام عاقده حواجبها : وشو اللي ذكرك بهالسالفه الحينه محمد : ماعرف فجاه ياه في بالي الام : هيه ما اكلمهم ولا بكلمهم طول حياتي عشان يتادبون وما يرفضونك محمد : امايه الله يهديج لاتكونين ..مثل ما اول .. البنت ما ارتاحت .. وما يستوي نزوجها غصب وبعدين نتطلق.. الام : وي وي باسم الله لا تيب طاري الطلاق الله يبعد عنا محمد : زين ما مدام ما تبين الطلاق عيل ما يستوي تغصبين البنت الام: بس نحن من الصغر قايلين انكم لبعض محمد : وهاي مشكله اغلبيه العوايل يزوجون اليهال من الصغر من دون ما يعرفون شو اللي بقلبهم .. وبعدين ولد العم يتزوج غصبن عنه من بنت عمه عشان العادات واكثرشي تستوي نسبه الخيانه لان الزوج ما يكون مقتنع في بنت عمه .. الام : ساكته محمد: امايه لو عندج بنت وتقدملها واحد ..وهي صلت ومارتاحت .. اوانها ما تباه الريال من دون حتى ما تصلي استخاره هل انتي بتغصبينها الام ساكته ومنزله عينها : الصراحه لا محمد : شفتي لانج تعرفين ان الزواج في الدين ارضاء ما بين الطرفين يعني مب غصب صح الام : سااااكته محمد : وشيخه نفس الشي يا امايه ..صدقيني يمكن خير لنا .. وعسى ان تكرهو شيئا وهو خير لكم .. يعني يا امايه هذيله مهما يكون اهلنا وما يستوي نزعل عنهم وبعدين الزعل ما يستوي اكثر عن 3 ايام وهذا مب من عندي من عند الرسول صلى الله عليه وسلم الام تصد وتشوف محمد : يعني محمد : يعني كلميهم واتصلي فيهم وكوني عاديه ويايهم الام : خلاص يا محمد بتصل فيهم الحينه وبروح بيتهم بعد وصح كل*** مهما يكون هذيله اهلي ومالنا غنى عنهم محمد والضحكه في شفايفه ..وراح باس فوق راس امه : فديتج يا امايه .. هاللي بتسوينه هو اللي صح واللي لازم من زمان تسوينه .. الام: يزاك الله خير اللي نبهتني عن هالشي .. محمد : افا عليج يا امايه يالله روحي اتصلي فيهم الام : الحينه فضيحه الظهر محمد : لا فضيحه ولا شي .. انتي بتتصلين بيت اخوج مب حد غريب *الام راحت تتصل في ابو شيخه وام شيخه وانتهت السالفه على خير .. * اما محمد فاستانس وايد لانه قدر يحل هالمشكله .. اما في بيت خـــــــالد نوره وهي يايه : السلام عليكم ام خالد وام ساره وهند : وعليكم السلام نوره مستغربه : بلاكم زعلانين ام خالد : هذا اخوج من البارحه ماعرف بلاه لين الحينه ما طلع من غرفته ولا يبى يفتح الباب بعد كله يقول خلوني ابي انام نوره يلست : ليش شو صار ام خالد تصد تشوف هند باحتقار: كله من هند ..قالت ان ساره بتتاخر في السفر ومعناتها انهافرحانه ومن هالكلام نوره : الله يهديه خالد .. لازم يتوقع هالشي نوره وقفت : عيل انا بروح احاول وياه نوره راحت تدق الباب : خالد خالد افتح الباب انا نوره خالد وهو متلحف باللحاف وتعبان ما يقدر يفتح عيونه : شوو تبون خلوني نوره : افتح الباب شويه عشان خاطري خالد : نوره الله يخليج خليني بروحي مب متفيج اكلم حد خالد يكح بالقو .. نوره ردت عند امها وبحزن: ما يفتح الباب ام خالد : الله يهديه ..ماعرف شو اسوي نوره : ماعليه يا امايه خليه لين ما يهدى وبعدين اكيد بيمل وبيفتح الباب هند : نوره وين الريم ما قلتي انها بتيه على الغدى نوره : لا ما قدرت قالت بتيه العصر ان شاء الله ********************* اما في بلـــجـــــــيـــكا : فهد بعد ما تسبح وكل شي رد الشقه فهد وشعره مبلل وملابسه بعد : مرحبا ساره تصد : ايييييييييييه بتمرض ليش جي فهد: قلت بييه بتسبح مره وحده ساره : زين تغطى على الاقل بالفوطه ..لاتنسى ان الجو بارد فهد تقرب من عند ساره ويلس عندالها وبابتسامه تذوب القلوب : فديت الحلوه تخاف عليه ساره استحت ونزلت راسها ويها احمر : لا مي جي بس الجو بارد ويمكن تمرض فهد : عساني امرض ويستوي فيه كل شي .. بس عشان اشوفج تحاتيني وتخافين عليه ساره : فهد انت فاهم السالفه غلط فهد : لا غلط ولا شي.. ترى انا اشوف الحيا بملامحج الحلوه فهد : ساره انتي كل شي بالنسبالي .. وانتي اغلى من روحي.. والله لوخيروني بين الموت او بين فرقاج بختار الموت ولا اشوف دنيتي بدووونج ساره مستحيه ومنزله راسها : فهد رووح تسبح احسن فهد : ان شاء الله يا عمري .. فهد اتسبح بسرعه يعني خذ شاور سريع ..وراح اتلبس وساره قاعده تشوف التلفزيون ولا تسمع حد يدق باب شقتهم استغربت لانها ماتعرف حد ... ساره راحت عند الباب وهي تشوف من الفتحه الصغيره ..ولا تشوف فاطمه واشواق ساره بابتسامه تفتح الباب : هلا والله فاطمه واشواق : هلا فيج وبعد ما سلمو على ساره ساره : تفضلو ليش واقفين \ فاطمه : اسمحيلنا على الازعاج بس لانا بنسافر اليوم قلنا خلا نسلم عليج مره وحده ساره : لا افا عليكم تفضلو يلسو .. اشواق وفاطمه بعد ما يسلو . ساره : عن اذنكم دقيقه اشواق وهي تشوف ساره من فوق لتحت : شوفي كشختها حتى وهي في الشقه .. جلابيتها وايد فخمه (( ساره كانت لابسه جلابيه باللون السماوي والكحلي بالقطعه الهنديه وكانت وايد فخمه ..وساره كانت فاتحه شعرها العسلي وشعرها كان مدرج بطريقه حلوه )) فاطمه : قولي ماشاء الله لاتحسدينها اشواق : وي وليش احسدها .. ناسيه كشختي فاطمه وهي تشوف ملابس اشواق : صدق اليوم وايد متكشخه ولبسج مميز اشواق : حبيبتي انا كنت ادور من زمان هالبدله لانها حلوه عليه (( اشواق لابسه بدله حمراء والتنوره شوي قصيره بس البوت مغطي ريولها وكانت فخمه وحاطه عدسات بلون العسلي ..وكانت جذاابه )) ساره بعد مايابت العصير : تفضلو فاطمه : دام فضلج يالغاليه اشواق : شو ساره ان شاء الله مستانسين في بلجيكا ساره : هيه وايد حلوه ما توقعتها جي فاطمه : ومتى بتردون ساره: والله انا قلت لفهد يمدد لين اسبوع تقريبا اشواق ااها يعني بتمون بعد اسبوع ساره : ان شاء الله .. اشواق : اقول ساره وين فهد ساره استغربت : فهد ..موجود في الغرفه .. اشواق : يمكن لو سمحتي تنادينه ساره : هيه لحظه شوي فاطمه : فضحتينا .. اشواق : لا فضيحه ولا شي .. ساره راحت غرفة فهد : فهد فهد وهو يسحي شعره المبلل : هلا يا بعد هلي ساره : اقول في ضيوف يبون يشوفونك فهد وهو يطالع ساره من المنظره : غريبه منو .. ساره : اشواق وفاطمه لو تعرفهم فهد صد صوب ساره : اشواق وفاطمه يبوني ساره : تعرفهم صح فهد : هيه اعرفهم .. زين شو يبون مني ساره : ماعرف .. تعال وشوف شو تبى منك اشواق ساره دخلت اول شي .. فهد بعد دقايق دخل ..: السلام عليكم اشواق وهي تتامل فيه : وعليكم السلام ساره تشوف فهد واقف: فهد تفضل اقعد فهد مب متعود ييلس ويا غرب.. فهد يلس عند ساره ..واشواق وفاطمه مجابلينهم اشواق برقه : شحالك فهد .. فهد: بخير الحمد لله اشواق : انا يايه اول شي عشان اسلم عليكم لانا بنسافر والشي الثاني عشان ( تطلع القلم من شنطتها ) وعشان القلم.. فهد مستغرب اي قلم.. اشواق وهي ماده ايدها عشان تعطي قلم فهد : هذا قلمك يا فهد نستيه عندي ساره مستغربه ..وماعلقت على شي فهد بعد مستغرب: اي قلم ومتى نسيته عندج اشواق / تذكريا فهد ذيج المره يوم عطيتني قلمك عشان اكتب رقم ساره.. نسيت اردلك ..ويوم شفته عندي قلت لازم ارده لك فهد : اها ... لا عادي اختي خذيه حقج اشواق في خاطرها (( الود ودي اخليه ذكرى )) لا لا تفضل هذا قلمك ساره يالله عليج يا اشواق اللا هو قلم ..خذيه حلال عليج فهد : هيه عادي والله خذيه اشواق : ما احتاجه ..صدقني خذه فهد : لا عادي خليه عندج اشواق استانست لانها تبى اي شي ذكرى من فهد : خلاص مد*** مصر ماتاخذه بخليه عندي فاطمه وقفت : يالله عيل نخليكم نحن ساره : ليش توه الناس فاطمه : لازم نرتب اغراضنا عشان السفر ان شا ءالله ساره : خلاص على راحتكم ..بس عاد لا تقطعون عنا .. لاتنسين انا بنفس المنطقه ..يعني زوريني في دبي اشواق : هالشي اكيد .. ( وهي تشوف فهد ) ان شاء الله بنزوركم ..ترانا تعودنا عليكم ساره :حياكم الله باي وقت فهد لاول مره يلاحظ نظرات اشواق له .. وعرف انها معجبه فيه .. اشواق بعد ماسلمت على ساره ..مدت ايدها على فهد (( لانه في بعض العوايل عادي عندهم يسلمون بالايد طبعا نحن مب ويهالشي.. لانه هالشي غلط وحرام ) فهد استحى يوم شاف اشواق ماده ايدها وهو مد ايده وسلم عليها ..اشواق كانت بتتخبل يوم لامسة ايد فهد .. وابتسمت له ..وراحت .. فهد ما قدر يقول شي ..يمكن لانه حس بنظرات اشواق له اما ساره فمستغربه من القلم ومن اشواق بس ما قالت شي ساره وهي تاخذ العصير عشان توديه المطبخ فهد : ساره ساره : مممممممم فهد : اكيد مستغربه من القلم صح ..وكيف شفت اشواق ساره تصد: لا مب مستغربه من شي لاني شفتك مره يالس وياها عند البحر .. فهد : وانتي تغارين صح ساره تبين الع** : لا ما اغار ولا شي ..لو اغار جان سالتك من اول يوم شفتك وياها..انت حريا فهد بتصرفاتك فهد حس بالقهر من كلامها .. بس قال في نفسه يمكن هي تغار بس كبريائها مانعنها بالمصارحه .. ###################### اما في دبــــــــي محمد ما قدر يستحمل اكثر راح على طول بيت خالد عشان يطمن عليه محمد وهو يوقف سيارته عند باب بيت خالد ..شاف وحده تنزل من السياره ويوم ركز النظر فيها فتح عيونه محمد وهو مستانس وفاتح عيونه : مب هاي اااااااااااه مب هاي القلب مب هاي الريــــــــــــــم .. الريم نزلت من سيارة عمها وهي تدق الجرس..وماتعرف بوجود محمد محمد ما صدق راح على طول عندها وهو مستانس الريم حست بان حد ياي عندها ويوم صدت شافت محمد ..الريم استحت نزلت راسها محمد بابتسامه : احم احم..سلام عليج الريم وهي منزله راسها : وعليكم السلام محمد :مب انتي الريم صح ربيعة ساره الريم بخجل : هيه محمد : انا محمد ربيع خالد .اللي مره شفتكم في المركز تذكرين الريم في خاطرها (( اكيد اتذكرك )) ..:هيه محمد مستانس وساكت بعد مالخدامه فتحت الباب ..دخلت الريم وقلبها يدق بالقو يوم شافت محمد اما محمد فهو سرحان فيها الخدامه : yes sir what do you want? محمد : ها ممم .. ياربي ليش كنت ياي ..هي تذكرت وين خالد الخدامه راحت تنادي خالد ام خالد والكل يالس في الصاله ..والخدامه يت وقالت انه في واحد يبى خالد ام خالد : منو الريم : هذا محمد نوره تشوف الريم : بعد تعرفين الاسم الريم مستحيه : سكتي فضحتينا ام خالد : محمد والله زين يمكن يقدر يخلي خالد ياكل شي .. لانه وايد ويا خالد .. خليه يدخل البنات راحو فوق عشان محمد يدخل محمد بعد ما دخل شاف ام خالد : سلام عليكم ام خالد : وعليكم السلام يا هلا بولدي محمد : اسمحيلي خالتي ياي بهالوقت ..بس الصراحه وايد احاتي خالد لانه البارحه كان تعبان واليوم كله اتصل فيه بس هو ما يرد عليه ..بلاه ام خالد : والله ولا فتح الباب علينا وتخيل من البارحه يا ولدي وهو ما كل شي ماعرف بلاه .. اذا تقدر تقنعه انه يفتح الباب محمد : ان شاء الله بحاول بس وين غرفته ام خالد ودته غرفة خالد : تفضل محمد يدق الباب : خالد خالد افتح الباب انا محمد ربيعك خالد يسمع صوت محمد بس من التعب ما يقدر يفتح الباب محمد : خالد افتح الباب ..اذا تعزني صدق افتح الباب خالد ما قدر ما يفتح الباب لانه محمد وايد وياه .. خالد وهو يرتجف من البروده وحالته حاله ويمشي كانه سكران يفتح الباب ام خالد يوم شفاته : ويه بلاك يا خالد ليش جي شكلك محمد يمسك خالد : خالد بلاك شكلك وايد تعبان خالد يرد ينام على السرير : مافيني شي بس تعبان ام خالد : قوم يا خالد خلا نوديك المستشفى خالد : لا ما بي ..ما فيني شي محمد يحط ايده على راس خالد : اي مافيك شي حرارتك مرتفعه وااايد وشوف كيف ترجف خالد: خلوني بروحي .. ما فيني شي .. ام خالد : الله يخليك عشان خاطري روح المستشفى خالد : امايه دخيلج لا تغصبيني على شي ..ما بروح يعني ما بروح ..بس ابي انام .. محمد : بس يا خالد|....... خالد : الله يخليك يا محمد لا تغصبني على شي بس ابي ارتاح محمد ما قدر يسوي شي: خالتي خليه بروحه شوي لين ما يهدى واقنعيه بعدين ام خالد والدمعه بعيونها :كيف اخليه ..شوف حالته .. والحراره مرتفعه واذا الحمى زادت عليه بتكون خطره على حياته عادي يستوي فيه حمى الشوكيه .. محمد : لا ان شاء الله ما يستوي فيه شي .. انا المساء برد اشوفه وبقنعه عشان يروح ام خالد : ان شاء الله ومشكوور يا ولدي ما قصرت واسمحلنا محمد : افا عليج .. هذا مب بس ربيعي هذا اخويه ام خالد : تسلم يا ولدي وان شاء الله يقتنع ويروح المستشفى قبل مالحمى تزيد عليه .. محمد : ان شاء الله .. يالله عن اذنج خالتي .. انا بترخص Quote Link to comment Share on other sites More sharing options...
منقهرهـ Posted يوليو 30, 2008 Report Share Posted يوليو 30, 2008 مسكين خالد <~ وايد متآثرهـ يسلموشـن ع البآرتآت و ننتظـرـ{ البآقـي Quote Link to comment Share on other sites More sharing options...
أسيرة الورد Posted يوليو 30, 2008 Author Report Share Posted يوليو 30, 2008 يسلمو منقهرو على المرووووور منورة الموضوووع انتي اكثر وحدة متابعة لي بنت السعيد و الجووكر وينكم يالربع لكم وحشة و الاعضاء الباقي كلش ما لهم بيان عسى ما شر ان شاء الله المانع خير الجزء الخامس والثلاثيـــن بعد ما طلع محمد من بيت خالد.. وهو يحاتي ويفكر بخالد وهو في السياره يكلم نفسه : يحليلك يا خالد هالحب جذي سوى فيك .. والله صدق يوم قالو الحب عذاااب .. بس انا صدق زعلان عشان ربيعي بس مستانس بنفس الوقت ( ابتسم ) لاني شفت حبيبتي الريم .. الله يجمعني وياج يالريم .. اما الريم فهي كانت في بيت خالد .. الريم تكلم هند : ها يا هند متى الملجه مب كانج طولتي في خطوبتج هند وهي تقلم اظافرها : والله شو اسوي نتريه بنت الحسن والدلال نوره : لازم اتيه بدون ساره الملجه ما تسوى هند رفعت راسها : والله انا بتريه اسبووع واحد واذا ما يت كيفها بسوي الملجه الريم : وكيف بتكون ملجتج يعني حفله بتسوين ولا بس كتب كتاب هند : والله انا افكر اني اسوي الملجه عاديه لاني ابويه يقول ان بين الملجه والعرس شهرين الريم : شوي شهرين هند : هم يقولون جي .. بعدين احسن الريم : بل ع** احلى ايام ايام الملجه هند باستهزاء : ليش انتي جربتي عسب جي تقولين الريم انقهرت : لا انا ما جربت بس الكل جذي يقول .. بعدين على الاقل تشتاقون حق بعض .. هند وقفت من مكانها : والله حتى لو عرسنا...بعد بنشتاق حق بعض لا تحاتين وان شاء الله في ملجتج خليه سنتين اوكي يالله عن اذنكم بروح غرفتي الريم ما قالت شي سكتت وانقرت نوره : الريم لا تضايقين من كلام هند تراها الحمدلله والشكر دفشه من صغرها الريم : لا عادي انا مب زعلانه ... بس انا نصحتها بس هي ماعرف شو صار فيها نوره : الله يخليج مب اول مره تقول كلام بايخ مثل ويها دومها جي الريم : ما علينا .. شو اخبار اخوج شو وديتوله الغدى نوره : ما يبى يتغدى ولا شي بطنه خالي من البارحه فديت اخويه الريم : الله يعينه والله رن موبايل الريم .. نوره : منو المتصل الريم وهي تشوف الرقم : اوووه هاي دكتوره ناديه عن اذنج يا نوره نوره : خذي راحتج حبيتي ( دكتوره ناديه هي الدكتوره النفسيه لفهد من صغره بالذات يوم تعب بعد وفاة امه وهي اتابع حالته اول باول ) الريم وهي ترد : الو ناديه : الو مرحبا الريم : هلا والله بدكتوره ناديه ناديه : هلا فيكي حبيبتي .. وينك انشغل بالي عليكي وعلى خيك فهد .. من مده ما حكيتي معي الريم: اسمحيلنا مشاغل الدنيا ناديه : ايه عن جد مشاغل الدنيا تنسينا حالنا ناديه : المهم كيفه خيك فهد شو حالته من مده ما اجا عندي ..شو ان شاء الله منيح الريم : الحمد لله بعد ما ملج صار وايد احسن ناديه : ايه ترى الفرحه بتخليه يتغير 180 درجه وهالشي كتير منيح له .. متل ما بتعرفي ان فهد كتير كان يعاني من الأسوه والضرب من صغره من مرت عمه فهالشي خلاه يتعأد ويكره الدنيا كلها .. بس مع الحب والحنان والاهتمام بيصير انسان عادي وما بتردله الانهيار العصبي .. واحكي هالشي لمرته عشان تهتم فيه اكتر الريم : ان شاء الله يا دكتوره وانا اشكرج على اهتمامج في اخويه ناديه : ما بتحكي هيك .. فهد متل ولدي .. فهد من صغره وانا عم بهتم فيه الرمي :تسلمين والله ما قصرتي ناديه : سلميه عليه كتير كتير .. وطمنيني عليه ايه ما بتنسيه الريم: ان شاء الله ولا يمج ومشكوره مره ثانيه ناديه : العفو حبيبة ألبي.. وان شاء الله بحكي معك بعدين .. اوكي بااااي الريم : الله يحفظج .. ######################## في بلجيــــــــكـــا : فهد : اقول يا عمري شو رايج اليوم بدل ما نتعشى برع اييب العشى في الشقه وناكل هنيه يعني كتغيير.. ساره وهي تحط الورود الطبيعيه على المزهريه : هيه وايد احسن لاني مب متفيجه اتلبس واطلع فهد : زين شو تبين يا غلى زوجه بالوجود ساره برقه : مممممممممم والله ماعرف اي شي .. فهد " دوووم اي شي .. زين اختاري شي على الاقل ساره : والله ماعرف انت شوف شو اللي حلو وييبه فهد : احم احم يعني ذوقي يعجبج ساره : تقريبا فهد : الحمد لله تقريبا احسن من لاء ساره : هههههههههه فهد : يالله عن اذنج يا عمري ... بروح اييب احلى عشى لاحلى واجمل ساره بالوجوود .. ساره تبتسم وماردت عليه .. اما في دبـــي: ام خالد : نوره خالد كل شي نوره " لا والله ما يبى شي ام خالد: والله يا خوفي ولدي يروح عني ..بروح اشوفه نوره والريم قامو ويا ام خالد غرفة خالد خالد كان وايد تعبان حرارته ارتفعت وهو يتنافض ..وويه محمر... ام خالد والخوف بويها : خالد ولدي الله يخليك كل شي او روح المستشفى مب زين من البارحه ما كلت شي خالد يفتح نص عيونه ويغمضها وماقال شي ام خالد والدموع في عيونها : ولدي بيروح عني .. شوفي حالته .. لا يبى ياكل ولا يبى يروح المستشفى شو اسوي نوره ادمعت يوم شافت اخوها .. : خالد خالد خالد بصوت واطي : خلوني بروحي اطلعو برع مابي اشوف حد نوره : خالد الله يخليك روح المستشفى خالد : انا جي مرتاح ام خالد ظهرت وهي تصيح لان شكل خالد وايد يصيح شكله تعبان ومشكلة خالد انه عنيد نوره وهي تشوف امها وتشوف خالد ماعرفت شو تسوي وماعندها الا حل وااااااحد الا هو اتصال في سااااااااره ساره وهي ترتب غرفتها رن موبايلها نوره ودموعها على ويها : ساره ساره : هلا والله بنوره وينج من زمان ما تصلتي نوره وصوتها حزن : ساره ساره خافت : بلاج نوره صوتج مب طبيعي شو مستوي نوره : خالد ساره فتحت عيونها وقلبها يدق بسرعه : خالد بلاه خالد قولي شو فيه بلا ه نوره : خالد وااايد تعبان ومن يومين وهو طايح على الفراش ولا يبى ياكل شي وحرارته مرتفعه واخاف ( تصيح ) واخاف يصيرله شي ساره والدموع في عيونها : ليش شو صار له نوره : ماعرف والله انا خايفه عليه هو ما يبى يروح المستشفى .. وتعرفين يا ساره اذ االحمى زادت عليه هالشي اكيد بياثر فيه ..عشان جي قلت محد غير الله ثم انتي اللي تقدرين تساعديني ساره وهي تمسح دموعها :لويبى قلبي ما بتردد اعطيه نوره : مشكوره حبيتبي بس ابيج تكلمين خالد وتقنعينه يروح على الاقل المستشفى عشان ما يتعب اكثر واكيد هو بيسمع منج ساره : اكيد اكيد بكلمه وينه عطيني نوره : لحظه نوره راحت غرفة خالد وماسكه الموبايل نوره : خالد خالد خالد يفتح نص عيونه ويبندها وما يرد عليها نوره : خالد تلفون لك خالد ما يرد عليها نوره : خالد ساره تباك خالد فتح عيونه وبصوت واطي ومتعب : ساره نوره : هيه ساره خالد خذ الموبايل وبصوت هادي : الو ساره ساره يوم سمعت صوته المتقطع ومبين من صوته التعب تمت تصيح : خالد خالد : ساره ليش خنتي الوعد يا ساره قلتي انج ما بتنسيني وانتي مطوله المده نسيتي خالد نسيتي الوعد ساره وهي تمسح دموعها : لا وربي ما نسيتك يا خالد انت كل دقيقه بقلبي .. والله حتى اني ما اتغزل فيه ولا خليته يلمسني .. انا بغرفه وهو بغرفه ثانيه كل اللي اتفقنا عليه سويته خالد : عيل ليش طولتي المده .. ليش ما رديتي بسرعه ليش ما سالتي عني .. ساره : ما نسيتك والله .. خالد عشان خاطري اذا صدق تحبني مثل ما تقول روح المستشفى خالد : اذا صدق تبيني استوي بخير وتبيني اروح المستشفى عندي شرط ساره: انت لا تشرط انت امرني يا خالد خالد : ابيج تردين دبي باسرع وقت ابي يوم افتح عيوني اشوفج ساره : خلاص ولا يهمك انا اوعدك اني باول طياره لدبي ارد واييه واطمن عليك بس انت روح المستشفى خالد بابتسامه : مدام بشوفج خلاص عيل عندي امل بحياتي .. وانا عشانج ولاني بشوفج مره ثانيه بروح المستشفى نوره استغربت وخذت الموبايل من خالد نوره : ساره ساره وهي تصيح : نوره: ساره شو سالفتكم ساره : خلاص خالد بيروح المستشفى هو وعدني نوره والابتسامه بشفاتها : والله ساره : هيه وانا وعدته اني ارد دبي نوره فتحت عيونها : شوووووووو ساره : هيه وانا اصلا مذنبه بهالشي كيف كنت مستانسه هنيه ..وخالد تعبان اصلا لازم من زمان ارد .. نوره : لا ياساره انا ما كنت ابي اخرب شهر عسلكم سار ه : انا ما اهتم الحينه الا في خالد وصحته نوره : بس اذا فهد عرف انج رديتي عشان خالد بتصير مشكله كبيره .. وما فينا على المشاكل .. ساره : عيل شو اسوي نوره : عندي فكره قولي اني انا تعبانه وايد ساره : لا باسم الله عليج نوره : عشان نتجنب المشاكل ساره : هيه صدقتي بعد اذا عرف فهد اني رديت عشان خالد بيقلب الدنيا فوق تحت نوره : بس انتي لا تبينين انج تصيحين عشان ما يشك ساره بصريخ : ما يهمني شي .. بس ابي ارد دبي واطمن عليه ..انا السبب يا نوره انا السبب ( وتمت تصيح ) نوره : لا ياساره مالج خص انتي ساره: كيف مالي خص وانا السبب في كل شي خالد مرض وتعب وطاح هالطيحه بسبتي انا .. نوره : ساره هدي اعصابج ... محد له خص .. هذا قضاء الله وقدره .. المهم روحي غسلي ويهج لان اكيد اذا فهد شافج بيعرف السالفه .. ساره : خلاص يا نوره بخليج ومشكوره على كل شي نوره : اسمحيلي على الاعاج ساره : لا بل عكس انتي ما قصرتي .. بعد ما صكت ساره طاحت على السرير وهي تصيح وتلوم نفسها على اللي استوى في خالد .. وتقول كيف كنت مستانسه وانت هناك متعذب كيف ما رديت بسرعه وانت مريض هناك .. انا السبب في عذابك يا خالد انا السبـــب ############ اما في دبــــــــــــــــــــي نوره راحت كلمت امها وقالت ان خالد اقتنع يروح المستشفى واستانست الام وايد بس نوره ماقالت ان ساره هي اللي اقنعته عشان المشاكل ما تكبر راح خالد المستشفى والدكتوره قالت ان لازم خالد ينام في المستشفى عشان الحمى تخف لان حرارته وايد مرتفعه ام خالد وهي تكلم الدكتوره : يعني حالته مب خطره يا دكتوره الدكتوره : والله الحمد لله انكم يبتوه لانه بدون اكل ولا ادويه الحمى كانت بترتفع وايد وهالشي اكيد بيكون خطر لحياته .. ونحن ان شاء الله بنعطيه جلكوس عشان يعوض جسمه اللي فقده من الاكل والفيتامينات وراح نعطيه ابر وان شاء الله راح نهتم فيه وبنخليه عندنا بس كم يوم وان شاء الله حالته تخف ام خالد : الحمد لله نوره استانست ان صحة خالد ما تدهورت زياده .. وهند وهي يالسه في البيت رن تلفون البيت هند : اف يعني ما نقدر نرتاح بجون هالتافون الحشره هند : الو محمد : السلام عليكم هند : وعليكم السلام محمد : اختي خالد شو اخباره .. انا محمد هند : والله خالد توه مودينه المستشفى محمد استانس : والله الحمد لله واخيرا اقنع هند : هيه الحمد لله محمد : زين اي مستشفى ؟ هند : مستشفى wellcare محمد : خلاص انا بروح هناك وابوج وياه صح هند :هيه هناك محمد : عطيني الرقم عشان اعرف اي غرفه هم هند : ******* محمد :مشكوره اختي ما قصرتي يالله مع السلامه هند : مع السلامه هند : انا بروح غرفتي وايد احسن على الاقل ادش الانترنيت بدل هالملل هند طبعا ماكنت تعرف الانرنيت وبلاويه الا من منى ############ اما في بلجيــــكا ساره غسلت ويها وحاولت تمسح دموعها عشان فهد ما يشك فهد وهو ماسك اكياس العشى ومستانس يحليله ساره متسانده على السرير وهي متضايقه وايد فهد يدور ساره : ساره ساره ساره يوم سمعت صوته قامت من على السرير: نعم فهد : تاخرت صح اسمحيلي يا عمري بس الدرب زحمه ساره ما قالت شي فهد هد الاكياس وراح عندها : بلاج ساره ليش شكلج تغير شو كنتي تصيحين ساره معصبه : لا ما كنت اصيح بس يمكن اطلب طلب فهد مستغرب : اكيد حبيبتي ساره : ابيك اليوم تدور على اول طياره لاني ابي ارد دبي فهد استغرب وفتح عيونه : ليش .. شو صار .. انتي من كم يوم قلتيلي عشان اطول المده هنيه ساره : انا ما يهمني قبل شو قلت ابيه ارد دبي باسرع وقت سمعت يا فهد فهد : زين ليش شو استوى ساره : فهد لا تسال وايد سو اللي قلته عليك فهد : بس انا لازم اعرف شو السبب..مساعه ماكان فيج شي ..اول ما رديت تغيرتي شو صار ساره ادور على حجه : نوره شوي تعبانه .. وبعدين انا مشتاقه لامي وايد بس فهد : نوره وايد حالتها خطره يعني ساره : ماعرف ماعرف بس ابي ارد دبي فهد : خلاص يا عمري بسوي اللي تبينه ولا اشوف دموعج .. باجر بدور على حجز ساره : ما بيه باجر ابيه اليوم والحينه فهد يشوف الساعه : الحينه بهالوقت ساره : هيه الحينه روح دور على اول طياره فهد : بس ساره : شوف يا فهد اذا انت تبى اتم هنيه كيفك انا بروحي بحجز وبرد بروحي دبي فهد : شو تخبلتي تردين دبي بروحج ساره : ما يهمني شي بس المهم عندي اني ارد دبي فهد : خلاص انا الحينه بروح هناك وبدور على حجز بس يمكن تاكلين ساره : ما بي شي .. والحينه يمكن يا فهد تخلني بروحي لاني تعبانه وما ابي اشوف حد فهد : على راحتج .. فهد وهو طالع يشوف ساره بنظره تعجب .. فهد راح غرفته ويقول في خاطره : بلاها ساره كيف تغيرت شو صار معقوله مرض نوره يخليها جذي ...زين انا شو لي خص جي تعاملني .. انا ما صدقت اني قدرت شوي اغيرها واخليها زينه ويايه .. الحينه اذا ردت دبي يا خوفي ترد مثل قبل ويمكن أقسى .. فهد راح يدور على حجز وهناك في المطار الموظفه ادور وتتكلم طبعا بالانجليزي : الصراحه حضك وايد حلو في شخصين الغو سفرهم ..شي بس حق شخصين فهد يقول في نفسه والله ان حظي مب حلو .. الموظفه : ان شا ءالله تقدرون اتون باجر الصبح وتردون لدبي فهد : يعني الساعه كم الموظفه : مممممم تقريبا 11 الصبح وتردون دبي تقريبا المغرب.. فهد : خلاص مشكوووره فهد راح يتصل في سار ه وبضيق: هلا ساره ساره : ها بشر لقيت حجز حق اليوم فهد : عاد الطمع اليوم لا .. زين منا حصلنا حق باجر ساره : لا ابي اليوم فهد عصب: الحينه ما تقدرين تتريين باجر .. ساره : زين متى فهد : الصبح الساعه 11 ساره : الحمد لله زين عيل بروح ارتب اغراضي يالله باي فهد صك من عند ساره ويكلم نفسه : والله انج فرحانه بس انا متضايق وايد ... لاني اخاف ان هالايام الحلوه اللي قضيتها معاج ما ترد .. ويا خوفي اشوف القساوه والجفاء منج يا ساره في دبي .. ساره وايد مستانسه واتصلت في نوره عشان تبشرها وتتفق وياها انهم اول ما يردون يمثلون على فهد عشان ما يشك ان خالد هو المريض واول ما ساره ترد من السفر اتفقت ويا نوره عشان يرووحون المستشفى نوره : ان شاء الله ما يشك ساره : لاتحاتين نوره : زين اذا شاف ان ما فيه شي .. اكيد بيستغرب ساره : بنقول انج صرتي احسن .. وبنفس الوقت تقولين ان اخوج مريض وانا اوني ماعرف عشان اروح ازوره .. نوره : الله يعينا ..زين اخبر امج ساره : لا لا خليها مفاجاه احسن المهم لا تروحون المستشفى الا يوم اييه اوكي نوره : والله اني ميته من الوناسه لاني بشوفج مع اني متضايقه لاني خربت شهر عسلكم والله فهد ما يستاهل ساره : عيل خالد اللي يستاهل .. خالد هو الضحيه بعد لا تنسين نوره : والله ثلاثتكم ضحايا ساره : زين عيل بخليج عشان ارتب اغراضي نوره : يالله تردون بالسلامه .. ساره راحت ترتب اغراضها عشان السفر .. اما فهد وهو في الدرب اتصل في الريم عشان ترد بيتهم لانها في بوظبي الريم وهي ميته من الوناسه وتناقز مثل الخبال : والله صدق يا اخوي باجر ان شاء الله بترد واخيرا فهد بضيج : هيه ان شا ءالله المغرب تقريبا بنكون عندكم الريم : وااايد مستانسه يا فهد ..والله بدونك انا ضايعه وملانه فهد : ليش لا يكون ام اربعه واربعين سوتلج شي الريم : منو قصدك في ام اربعه واربعين فهد : منو غيراها اكيد مرت عمج الريم : هههههههههههههههه .. فهد : والله يمكن ام اربع واربعين بعد ارحم منها الريم : لا الحمد لله اصلا انا دومي رايحه بيتكم نوره عشان افتك من لسانها فهد : المهم قولي حق عمي يوصلج دبي.. عشان ان شاء الله اول ما نرد انشوفج يالريم .. ترى صدق لج وحشه الريم: فديتك اخويه عساني مانحرم منك .. اكيد بكون في دبي ان شاء الله .. بس وين بتون اول شي بيتنا ولا بتروحون بيت خالة ساره لان امها هناك فهد تغيرت ملامحه : افا يعني غصبن عليه اروح بيت خالد .. صدق عيل باجر وايد بستانس الريم تضحك : تستعبط .. فهد : هيه اكيد استعبط عيل من صدقي بروح بيت العدو خالد وبستانس .. الريم كانت تبى تقول ان خالد مريض بس فهد قاطعها فهد : زين عيل بخليج الحينه لان ما شي بطاريه في الموبايل اكلمج بعدين زين يالريم الريم : خلاص حبيبي سلم على ساره وايد فهد : يوصل ان شا ءالله فهد رد الشقه وشاف ساره ترتب الاغراض فهد بحزن : شو رتبتي كل شي ساره من دون نفس :هيه رتبت وانت بعد رتب كل شي عشان باجر نطلع من وقت فهد : متحمسه وايد ساره تصد تشوف فهد : اكيد يا فهد شو نسيت اني برد حق احبابي فهد انقهر : منو قصدج ساره : اكيد امي وبنات خالتي يعني منو فهد: اها تحريت حد ثاني ساره طنشت فهد وتمت ترتب اغراضها وقلبها عند خالد وهي تحاتيه وايد اما ساره فماقدرت تنام لانها تفكر في خالد ومتضايقه لانها هي السبب .. وما قدرت تنام لانها تفكر كيف بتواجه خالد ويا فهد وكيف حياتها بتكون هناك اما فهد فماقدر ينام لانه حاس بتغير ساره المفاجئ وخايف ان ساره تتغير للاسوء هناك ..وان امله الوحيد ان ساره تحن عليه وتحبه يمكن ينتهي في دبي.. وفي اليوم الثاني .. في بلجيـــكا : ساره قامت اول وحده وهي متوتره وايد وفرحانه لانها بترد دبي فهد قام وغسل ويه وشاف غرفة ساره مفتوحه فهد : صباح الخير ساره وهي بكل نشاط : صباح النور فهد : ماشاء الله قايمه من الصبح اليوم ساره : شوف ساعه كم الحينه الساعه 8 ونص والطياره بطير الساعه 11 ما شي وقت لازم نكون في المطار الساعه 9 تقريبا فهد : ماشا ءالله حاسبتنها ساره : اكيد .. يالله بسرعه رتب كل شي وادفع الحساب عشان ما نتاخر فهد : ما بتفطرين ساره : عادي ما احس بيوع فهد : شو ما تحسين بيوع البارحه ما كلتي شي .. بروح اييب فطاير وبيه اوكي ساره : لا تتاخر يا فهد فهد : لا ما بتاخر بعد ما فطرو فهد رتب كل شي ورتب الشنط ودفع الحساب ..اما ساره فهي تتلبس لبست لبس الموديل كانه هندي بس وايد فخم وحلو ((بنطلون ذهبي فاتح .. وياي عليه قميص طويل تحت الركب بلون الذهبي مطرز بالذهبي الغامج على الاطراف ..) ولبست عباتها .. وشيلتها على الاطراف بلون الذهبي بعد طالعه حلوه ..وشاريه اللبس من اليشمك فهد : يالله شو هالكشخه كلها ساره : لبسي عادي مب لهالدرجه فهد " شو لابسه عباتج ساره : هيه تعرف بنروح مطار دبي وهناك زحمه فهد : زين قلتي حق حد من هلج ساره : لا بسوي لهم مفاجاه فهد : اوكي عيل يالله يا عمري نروح ساره: يالله ........ بعد ما ركبو الطياره ساره هي عند الدريشه ومتسانده على الوساده الصغيره اما فهد فهو متضايق برجوعه لدبي ساره ماكانت ترمس ..فهد يصد يشوف ساره فهد : ساره ساره : مممممم فهد : بلاج يا ساره احسج تغيرتي وايد من بعد مكالمة نوره ..رديتي مثل قبل ساره : ما احس اني تغيرت فهد : قبل كنت اشوف ابتسامتج وكلامج كان وايد ارق وكنتي تاخذين وتعطين ويايه اما الحينه على قد السؤال تجاوبين ساره : يمكن مالي مزاج فهد : اتمنى انج تردين مثل قبل واحسن بوايد ساره بخاطرها تقول : كيف تباني اكون مثل قبل وانا السبب بتعب خالد .. والمذنب الاكبر انت يا فهد .. لانك انت اللي بعدتني عنه .. كيف انا اللي نسيت هالشي وكيف كنت عاديه وياك .. فهد : ساره تذكرت شي ساره : خير يا فهد شو بعد فهد : نحن مثل ماتعرفين كنا كل واحد منا بغرفه ثانيه .. بس في دبي كيف ما يستوي لان الريم بتشك فينا ساره : عادي انا على السرير وانت تنام تحت فهد :ويمكن تشوفني ساره : لا هالشي عادي .. مابتشك ولا شي .. وانا ما يهمني حتى لو عرفت اصلا فهد شافها بنظره تعجب من كلام ساره .. فهد بخاطره : يالله بلاها ساره شو اللي غيرها فجاه ليش جي تعاملني بجفاء الله يعينا في دبي كيف بتكون حياتنا الجزء السادس والثلاثين ساره وهي في الطياره كله حزينه وما تتكلم ابد .. اما فهد فمستغرب وايد من ساره ومن قسوتها فهد مغمض عيونه .. ساره ماقدرت تنام تحس انها السبب في مرض خالد .. ساره سمعت من المضيفه انهم راح يوصلون بعد دقايق.. ساره تصد صوب فهد وتشوفه مغمض عيونه ونايم .. ساره بصوت واطي " فهد فهد فهد يفتح عيونه وهو تعبان : ها حبيبتي شو فيج ساره : مافيني شي .. بس وصلنا يالله جهز الشنط فهد يفتح عيونه وهو تعبان : ماشاء الله وصلنا ساره : لازم ما تحس ماشاء الله من الصبح نايم فهد يحك عيونه : والله قايم من وقت وفيه رقاااد وانتي ما نمتي ساره بحزن : ما فيه نوم .. فهد : يمكن من الفرحه لانج بتشوفين اهلج ساره ابتسمت : هي والله مشتاقه لامي وايد فهد : واخيرا شفت ابتسامتج .. من ركبتي في الطياره وانتي مبوزه ومطنشه ساره : تذكرت اني بشوف امي فهد : زين يالله عيل بروح انزل الشنط ساره وفهد نزلو من الطياره ساره اول ما وصلت مطار دبي.. خذت نفس وابتسمت ساره : فديت دبي واهلها والله .. والله اشتقت حق دبي والامارات كلها فهد : اكيد كل واحد مايقدر يستغنى عن وطنه ساره : يالله ننزل فهد : يالله .. ساره وفهد بعد ما خلصو تجهيزات الرجوع في المطار .. ساره وفهد وهم راكبين سيارة اجره وساره مستانسه لانها بتشوف اهلها بالذات لان امها ماتعرف برجوعهم.. ############################## في بيت خالد الريم ونوره يعرفون برجوع ساره بس ما خبرو حد يعني يسوون مفاجاه .. ام خالد وهي لابسه العبايه : نوره من متى وانتي تقولين لحظه ..يالله تاخرنا على خالد .. يحليله بروحه في المستشفى نوره وهي تشوف الساعه : بس دقايق ام خالد وقفت : انتي جنج ما تبين تروحين المستشفى الريم : لا خالو بس دقايق .. نوره ترمس الريم بصوت واطي : اقول مب تقولين حق اخوج ان خالد تعبان من يومين اذا سالج قولي من اليوم عشان فهد ما يشك في ساره وتكبر السالفه الريم فتحت عيونها : ليش لا تقولين ساره ردت عشان خالد نوره تبى تغطي السالفه : لا طبعا ... بس اكيد اخوج بيشك فيها ونحن ما نباهم يتضاربون الريم : هيه صح زين منهم تزوجو .. ما بقوله نوره وهي تشوف ساعتها : بس مب كانهم تاخرو الريم : اخويه قال انهم بيردون المغرب يعني عن جريب ان شاء الله هند تشوف نوره والريم يرمسون بصوت واطي وتشوفهم من عين وحده : ايه انتو بلاكم تصاصرون .. نوره : وانتي شو راز ويهج هند : ماعرف عنكم مطنشيني ولا كاني موجوده ..وراكم سر الريم تضحك .. نوره : والله مب لازم تعرفين هند عصبت : اييييييه انتي بلاج دفشه اليوم نوره : لازم منو اختي .. مدام انتي اختي اكيد بكون دفشه مثلج هند تشوفها من فوق لتحت وهني ساره وفهد دخلو الصاله لان الباب كان مفتوح .. ام خالد وام ساره يالسين على الغنفه .. ساره دخلت اول شي وابتسامه : مفاجاه ام ساره فتحت عيونها والابتسامه بشفاتها : ساره راحت على طول صوب ساره وحضنتها ساره والدموع بعيونها : فديتج امااايه والله لج وحشه ام ساره وهي حاضنتها : والله بدونج يا ساره ملل ودبي بدونج ظلمه فهد دخل : احم احم ام خالد : ادخل يا ولدي فهد مستحي منزل راسه : السلام عليكم الكل : وعليكم السلام فهد راح باس فوق راس ام ساره : شحالج عمتي ام ساره : بخير الله يسلمك ..والحمد لله على سلامتك فهد : الله يسلمج الريم ركضت وحضنت اخوها مثل اليهال : اخويه فهودي فديتك .. فهد : هلا بالريم شحالج ياالغاليه بنت الغالي الريم : والله مب بخير بدونك فهد : يالله مب تصيحين بعد ..ادريبج الريم وهي تمسح دموعها : لا تفضحني الكل : ههههههههههههههههههه ام خالد : شو هالمفاجاه الغاويه ساره : قلنا خلا نسويلكم مفاجاه احسن هند وهي تبحلق في فهد .. نوره راحت تسلم على ساره وتحبها .. نوره : اشتقتلج واااااااايد .. ساره : وانا اكثر حبيبتي نوره راحت عند هند : ما بتسلمين عليهم هند فاتحه عيونها: شوفي الجمال ماشاء الله .. بعد يالبنطلون والقميص وشعره طالع يخبلللل نوره تضرب ايد هند : سكتي مب حد يسمعج هند : وانا شو قلت .. يعني شو اسوي اذا هو حلو .. نوره : زين سلمي عليها .. هند : زين زين اف هند بدلع الحمد لله على سلامتج ساره ساره بابتسامه : الله يسلمج نوره غمزتها عشان خطتهم .. ساره : وين رايحيين اشوف لابسين عبيكم وشيلكم نوره : بنروح المستشفى ساره باستعباط : ليش شو مستوي نوره : خالد في المستفشى مرقد فهد يوم سمع خالد تغيرت ملامحه ساره : والله شو استوى فيه ام خالد : حمى باسم الله عليج .وايد تعب ام ساره : ونحن الحينه بنروح ..لانه اليوم مازرناه ..يحليله بروحه في المستفشى محد غير ابوه هناك نوره تغمز لساره : بتين ساره ويانا نسلم عليه ونرد فهد صد صوب ساره : لا شو .. يوم ثاني نحن تعبانين ساره ما ااهتمت في كلام فهد : هيه انا بروح ساره ما ااهتمت في كلام فهد : هيه انا بروح فهد يرمس ساره بصوت واطي : ساره تونا رادين من السفر يبالنا نرتاح ساره وهي مطنشتنه : والله اذا انت تعبان روح ويالريم البيت ..انا بروح ويا هم .. فضيحه ولدخالتي تعبان وانا ما اروح فهد : زين باجر روحي ساره : ابي اليوم .. مافيه رقاد .. انت روح اذا ما تبى نوره : شو ساره بتيين ساره : هيه بييه ام ساره : وانت فهد بتيه فهد : والله عمتي وايد تعبان ان شاء الله باجر .. بس منو بييب ساره نوره : عادي انا وريلي عبدالله بنوصلها فهد عاقد حواجبه : لا شو مب حلوه نوره : عادي بتتغشى فهد ماقدر يقول شي .. حس بالقهر بقلبه ام خالد : عيل نروح عشان مانتاخر ساره : يالله فهد : يالله يالريم نروح البيت الريم وهي مستانسه : يالله اخوي فهد : يايبه وياج سيارتج الريم : هيه يايبه سيارتي ساره والكل راحو المستشفى .. فهد ركب السياره وهو متضايق من اول يوم رجوعه من السفر وساره جي تعامله وتطنشه .. الريم وهي تشوف اخوها : والله صدق اشتقتلك فهد ما يبتسم وساكت الريم : بلاك فهد فهد : مافيني شي الريم : جهزت لك غرفتكم ودخنتها بالبخور فهد بابتسامه : تسلمين يا الريم ما قصرتي الريم حست ان اخوها متضايق .. فهد بخاطره : (( هاي من اولها ياساره .. والله انا حاس انج بتتغيرين .. بس الله يعيني )) بعد ما وصلو المستشفى ساره متوتره وايد لانها بتشوف خالد ساره تكلم نوره : والله اني متوتره ومستحيه نوره : لا عادي .. اصلا خالد يوم بيشوفج بيستوي بخير ان شاء الله النيرس : لو سمحتو لاتدخلون كلكم هند : ليش ان شا ءالله النيرس: لان المريض بحاجه للراحه .. دخلو نص نص نوره : خلاص عيل اول شي انا وساره هند : وليش انتو يعني نوره تشوف هند باحتقار : مالج خص .. نوره دخلت اول شي .. نوره شافت خالد نايم وحاطين الجلكوس عليه ..ومبين عليه التعب والارهاق .. نوره بابتسامه :خالد خالد خالد فتح نص عيونه وابتسم .. نوره : شحالك اخويه خالد يهز راسه يعني بخير نوره: يايبتلك مفاجاه حلوه خالد استغرب .. ساره دخلت وتشوف خالد خالد من شافها حاول ييلس على السرير.. نوره ساعدته خالد بصوت متعذب: ساره ساره والحزن بملامحها: سلامات يا خالد ما تشوف شر نوره : تعالي ساره ليش واقفه بعيد ساره قربت من خالد شوي ...ومنزله راسها مستحيه خالد ابتسم : ساره واخيرا شفتج ساره : شفت وفيت بوعدي .. عشان تعرف انك ... ( سكتت ) خالد يبتسم : اني في بالج .. يعني بعدني حبيب طفولتج ساره استحت ونزلت راسها وادمعت خالد : ليش يا ساره ليش هالدموع ساره وهي تحاول تخبي دموعها : انا السبب في اللي يصير .. ياريت مت ولا اعرف اني السبب في عذاب اعز انسان خالد : باسم الله عليج يالغاليه . يعلني اموت قبلج .. ساره استحت وكانت تبى تروح .. خالد : وين بتروحين ساره : بس ما اقدر اتم اكثر بروح .. خالد : لا ياساره تمي ساره وهي تمسح دموعها : ما اقدر اكثر .. اهلك يبون يدخلون ..ان شاء الله المره اليايه نوره : متى بيطلعونك ياخالد خالد : الكتور قال جريب ان شاء الله الحمد لله حرارتي خفت ساره : الحمد لله .. يالله عن اذنك ساره وهي مروحه .. خالد زقرها خالد : ساره خالد : ساره ساره صدت .. خالد بابتسامه رقيقه : مشكوووره على الزياره .. تراج ماتعرفين هالزياره كيف غيرت من نفسيتي ساره ابتسمت وراحت وقلبها متقطع عليه .. ساره بعد ما طلعت من عند خالد نوره : ساره ليش هالدموع ساره : ماعرف احس اني متضايقه ..كارهه حياتي يا نوره .. ابي اروح ارتاح نوره : يالله الحينه اهلي بيسلمون عليه وبنطلع .. بس انتي لا تسوين في عمرج جي ساره : تخيلي يا نوره تكونين السبب في عذاب انسان .. لو انسان عادي قلبج بيعورج .. فمابالج انسان يهمج نوره : انتي مالج خص .. لا تلومين نفسج .. اليوم يايه من السفر يالله نوديج عشان ترتاحين .. فهد بعد ما وصل شاف غرفته مزينه بالورود والدخون فهد : يالله عليج يالريم ما قصرتي اختي الريم : اذا ما ادلع اخويه حبيبي ادلع منو فهد : عساني ما نحرم منج يالريم قولي امين الريم : ولا منك يا فهودي يالغالي فهد : زين عيل انا بروح ابدل واتبسح الريم : انا بعد بروح اودي اطلع اغراضي من الشنطه .. يالله تصبح على خير فهد : وانتي من اهله . ..هيه صح الريم الريم صدت : هلا اخويه فهد متوتر مايعرف شو يقول : اقول شي لحاف زياده الريم عاقده حواجبها : ليش فهد ما يبى يقول انه بينام تحت يعني مب على السرير : ها ممممم لاني وايد ابرد عشا ن جي الريم : غريبه فهد : يمكن جو بلجيكا غيرني الريم : خلاص بييب لكم لحاف الحينه فهد : مشكوووره ياغاليه تعبتج ويايه الريم : افا عليك اخويه فهد اتبسح وطلع ملابسه وهو يشوف الساعه .. فهد يروح يمين يسار ومتوتر وايد كل دقيقه يشوف الساعه ...معصب لان ساره تاخرت .. ساره وصلت ...وراحت الغرفه صكت الباب فهد وهو واقف : زين شرفتي ساره تفصخ العبايه وماترد عليه .. فهد : ابي اعرف شي حرمه توها راده من شهر العسل وتودر ريلها وتروح المستشفى .. يعني ما قدرتي تتريين لين باجر ساره تعبانه وايد ومصدعه : فهد الله يخليك مب متفيجه فهد معصب مسك كتفها : انتي طلبتي نرد دبي لانج كنتي عارفه ان خالد منوم في المستشفى صح ساره : فهد هد ايدي بلاك فهد يشد عليها: قولي صح .. عرفت ليش هالصياح والتغير لان حبيب قلبج تعبان وماقدرتي تخلينه لازم تكونين وياه ساره عصبت : فههههههههههد بس عاد .. كافي كافي ارحمني ارحمني ساره يلست على الارض وهي تصيح ..وحاطه ايدها على ويها وهي تصيح .. فهد حس بغلطته يلس عندها : ساره انا ساره : انت شو .. انت ما تحس .. بس يا فهد .. يعني لازم كل ما يستوي شي تحط عليه ارحموني ياناس بس كافي عذاب فهد : بس انتي راده عشانه ساره بصريخ : لا لا لا ماكنت اعرف اسال الريم اسال اي حد .. بس خلاص خلني ارتاح .. فهد حس انه ضايق ساره ..فهد يبى يساعد ساره عشان توقف .. ساره : هدني .. اروم بروحي اوقف فهد : ساره انا سف ما قصدت بس كنت معصب ساره : كنت وكنت وكنت .. ومحد الضحيه غيري انا ساره راحت الحمام عشان تغسل ويها .. لان دموعها سالت على ويها البريئ.. فهد في نفسه (( انا شو سويت كيف عاملتها بهالطريقه .. ليش اشك فيها دووم .. كيف اعاملها جذي وانا اموت فيها .. اعوذ بالله من الابليس.. ساره غسلت ويها .. وهي تعبانه ومصدعه فهد فرش الغنفه باللحاف .. اما ساره فلبست بجامه طبعا مستوره ونامت على السرير ..وهي بعدها متضايقه فهد ما قدر ينام راح عندها وشافها مغطيه ويها باللحاف فهد واقف عند فراشها : ساره حبيبتي اسمحيلي ماكان قصدي اجرحج .. بس من غيرتي جذي قلت ساره مطنشه وهي تسمعه .. فهد : ساره يا بعد هلي اسمحيلي .. ماابيج تنامين وانتي متضايقه مني .. ترى زعل الدنيا يهون ولا زعلج يابعد عمري ساره وهي بعدها تدمع .. فهد راح نام على الغنفه ..وهو متضايق من اللي سواه اما ساره فماقدرت تنام حست بالضيق.. يمكن لانها جذبت على فهد .. ويمكن لانها تحس انها السبب في تعب خالد .. وفي اليوم الثاني ########################## ساره قامت قبل فهد .. وهي حاسه بالصداع ساره شافت فهد متبهدل في رقاده لان الغنفه اصغر منه .. راحت ساره وبدلت لبست جلابيه راقيه .. الريم دقت الباب : ايه يالله بسكم رقااااد شوفو الساعه كم ساره كانت تبى تفتح الباب بس تذكرت ان فهد نايم على الغنفه والريم بتشوف وبتشك .. ساره راحت عند فهد : فهد فهد فهد بصوت غليظ :: ها شو مستوي ساره : فهد الريم يايه فهد وشعره ناقز من الرقاد اول ما سمع الريم نقز : ها شو الريم ساره : هيه تبى تدخل فهد خذ اللحاف وبسرعه بسرعه خش اللحاف وغسل ويه عشان الريم ما تشك ان فهد ينام على الارض .. ساره فتحت الباب : هلا بالريم الريم : صباح الخير لاحلى معاريس في الدنيا كلها ساره بابتسامه : صباح النور يا اغلى اخت عندي الريم : يالله قومو حبايبي .. ترى امج متصله كم مره عشان العزيمه اليوم بيت خالتج ام خالد ساره بتعب : والله الريم : بلاج ساره .. شي انتفاخ تحت عيونج ساره : هيه مصدعه والبارحه مانمت الريم : كنتي تصيحين ساره بتوتر : ها .. لا منو قال بس شوي تعبانه الريم فاهمه ساره وتعرف اذا هي متضايقه ولا لاء لان ساره ربيعتها من الطفوله ..بس ماحبت تتدخل بحياتها ساره : عيل بقول حق فهد عشان يتجهز الريم : خلاص اوكي بس افطرو او ل شي بعدين الغدى هناك ساره : اوكي حبيبتي ساره صكت الباب فهد وهو يسحي شعره .. ساره من غير نفس : اليوم معزومين بيت خالتي فهد تغيرت ملامحه وبخاطره : من اولها ساره : لازم اتيه فضيحه .. فهد : هيه اكيد .ما برد طلب امج ساره تبى تطلع من الغرفه فهد ناداها : ساره ساره وقفت وماصدت صوبها فهد : على الاقل هناك بيني انج مهتمه فيه او جامليني عشان محد يشك انج متضايجه مني او انج للاسف بعدج ما تبيني ساره راحت من عنده اما فهد فخذ المشط ورماه على الارض ويكلم نفسه وهو منقهر : شو اللي غيرج يا ساره شو اللي غيرج .. محلاتج وانتي في السفر شو صار فيج ..متى بتحسين فيه يا ساره متى بتبادليني الشعور متى .. ############################## محمد وهو في غرفته سرحان يتذكر الريم ومستانس لانه شافها .. محمد يكلم نفسه : انا لازم اكلم امي عشان تخطبلي الريم اخاف تروح عني لازم باسرع وقت محمد راح عند امه وشافها تفطر محمد راح باس فوق راس امه : صباح الخير يا احلى ام الام : صباح النور محمد : وين ابوي الام: توه خلص فطوره وراح الصاله محمد : اقول امايه ابي اقولج شي ام محمد وهي ماسكه كوب الحليب : الله يعين .. صباح الله خير شو في راسك يا محمد محمد يبتسم ابتسامه خبث: امايه الصراحه وباختصار ابي اتزوج الام فتحت عيونها وهدت كوب الحليب: شووووووو محمد : ليش مستغربه .. جي اول مره واحد يتزوج الام : الحينه ياييني من صباح الله خير وتقول ابي اتزوج صدق انك متفيج محمد : هي ياامايه مدام شيخه رفضتني خلاص خلا ادور غيرها الام: زين بدور لك وحده ثانيه بس اصبر عليه محمد : لاااااااااااااااا .. انا عندي وحده الام عاقده حواجها : والله عيال اخر زمن .. الام عاقده حواجها : والله عيال اخر زمن .. محمد : .. تذكرين قلت لج من زمان وحده اسمها الريم ابيها قلتي لا ..لاني حق شيخه وقلتي اذا شيخه ما تباك بتخطبيلي اللي اباها صح الام : والله اني شاكه فيك محمد يبلع ريجه : ليش الام : اخاف انت مسوي خطه عشان شيخه ترفضك .. عشان تزوج الريم صح محمد عرق من التوتر : ها .. لا لا منو قال الام قامت من مكانها : هيه اكيد جذي مسويه .. ( تهدد بصبعها )) يا ويلك يا محمد لو طلعت مخطط ويا شيخه ولا ويا حد عشان ترفض شيخه وتاخذ الريم لو عرفت انك انت الا ماتبى شيخه بزعل عليك .. محمد سكت ما قال شي ..فتح عيونه وسكت الام راحت غرفتها محمد بخاطره (( لا بلاه توهقت .. كنت ابي اكحلها عميتها .. اخاف تسال شيخه وشيخه تقولها واتوهق . بعدين مااخذ الريم .. يالله شو هالحاله ########################## ساره بعد ما فطرت راحت واتلبست احلى ما عندها عشان العزيمه .. اما فهد فلبس الكندوره والغتره والعقال .. والاثنين الضيق والحزن بقلبهم وردو على الجفاء والحزن .. الجزء السابع والثلاثين بعد ماساره تلبست وفهد بعد علشان يروحون بيت ام خالد .. وهم في السياره مع الريم طبعا .. ساره ساكته ولا تعلق على شي .. اما فهد فهو منقهر من ساره ومن جفاها الريم يالسه وراء وتشوف الاثنين وتقول في خاطرها(( الحينه هذيله اشكال معاريس يايين من شهر العسل )) الريم تبى تغير الجو : هيه صح تذكرت فهد دكتوره ناديه اتصلت فهد ابتسم وصد وراء : والله ساره مستغربه .. الريم : هي تسلم عليك وايد وتقول طمنها عليك .. فهد : هي والله من زمان ما كلمتها فهد يصد لساره : هاي دكتوره ناديه اللي كانت تعالجني من الطفوله وهي ( بحزن ) دكتوره نفسيه ساره شافت فهد بنظره تعجب ..ساره بخاطرها (( يعني هو صدق من الطفوله عنده اكتئاب ومرض نفسي)) الريم تنغز ساره : وهي قالت خلا مرت فهد تخلي بالها على فهد .. لان فهد محتاج للرعايه والحب وبهالطريقه راح يتشافى بسرعه . ساره كانها ما سمعت شي وهي عرفت بقصد الريم .. بعد ما وصلو بيت ام خالد الكل كان في الاستقبال واولهم ام ساره طبعا وبعد ما دخلو وبعد ما سلمو ساره قاعده على الغنفه وهي تعبانه نوره : بلاج ساره احسج تعبانه اليوم ساره : ماعرف بلايه احس بالضيج نوره : افا في وحده يايه توها من شهر العسل وجذي حالتها .. مع انج ما شاء الله محلوه وايد ساره تبتسم وتصد : تسلمين عيونج الاحلى نوره : اول مره فهد وعبدالله ييلسوون مع بعض ساره : هي صح هم في الميلس صح نوره: هيه .. • عبدالله وفهد* • عبدالله : زين يا ريال شفناك فهد : هي والله اسمع عنك بس ما اشوفك .. بالذات ابوك وايد يمدحونه الناس واكيد الولد مثل ابوه بيكون عبدالله استانس : تسلم هذا من ذوقك وطيب اصلك عبدالله : زين وانت وين تشتغل فهد : والله انا تخصصي الهندسه عبدالله : يا سلام يعني مهندس ماشاء الله .. فهد : بس عندي بعد بزنس عبدالله : لا لا غلبتني عيل فهد : هههههههههههههه عبدالله : تصدق سالفتي مثل سالفتك فهد : ليش عبدالله : انا ماخذ زوجتي عن طريق الصدفه والحب من اول نظره وانت بعد فهد بخاطره (( محد مثلي انا .. انا مب بس احب ساره انا اعشق التراب اللي تمشي عليها ) فهد : هيه صح سبحان الله في الصاله هند : اقول ساره بقول شي بس لا تزعلين ساره تصد : لا اكيد ما بزعل تفضلي هند : الصراحه ريلج ماشاء الله احلو وايد صار احلى بالف مره من قبل ساره صدت صوب ثاني : مشكوره هند : اخاف تغارين ساره : لا حبيبتي ما اغار ولا شي هند فاتحه عيونها : والله لو ريلي جان قفلت عليه الباب ما خليته يطلع ماشاء الله عليه وسيم ما تخافين حد من البنات تخطفه منج ساره تضحك باستهزاء : ههههههههه والله ياريت وحده تخطفه مني هند بتعجب : صدق ترمسين ولا تتغشمرين ساره ما تبى تبين انها مب مهتمه في فهد : لا لا اتغشمر .. بس الريال اذا هو بشخصيه ..ما ينخاف عليه حتى لو بين مليون وحده هند : هيه والله فديت خطيبي نوره بعصبيه صدت : الحينه شو ياب خطيبج بالسالفه حد قال انه غاوي هند : غاوي بنظري .. وبعدين ماعرف فجاه تذكرته نوره : وبعد شوهالرمسه شو بعد فديت خطيبي استحي على ويهج ما صار ريلج وانتي جي تتفدينه هند : والله عادي انا ما تغزلت الا في خطيبي الا ان شاء الله بعد اسبوع بيكون ريلي لان ملجتنا جريبه نوره تهز راسها يمين يساره : والله بنات اخر زمن هند : اقول جني وايد معطتنكم سالفه خلا اروح غرفتي بكرامتي نوره : والله زين تسوين ..ياريت من زمان رحتي هند قامت وهي تشوف نوره بطرف عينها : صدق يوم تزوجتي استويتي دفشه نوره تضحك : هههههههههه .. نوره تصد لساره وتشوفها سرحانه : ها وين وصلتي استراليا ولا بلجيكا ساره : هي والله ذكرتيني بلجيكا صدق كانت حلوه وشعبها طيبين نوره : زين الحمد لله ابتسمتي ساره : اقول نوره شو الاخبار ..اخاف حملتي وما قلتيلي نوره تغيرت ملامحها حست بالحزن ونزلت راسها : لا ساره : اسمحيلي حبيبتي مب قصدي ازعلج .. بس عادي ليش هالحزن انتو بعدكم .. نوره : هيه وانا فحصت وقالو ما فيه شي ساره : الحمد لله يعني تاخر طبيعي حمدي ربج ما فيج شي ..والله كريم حبيبتي نوره : ان شاء الله ..تعرفين ان خالد يمكن يطلعونه اليوم ساره استغربت : والله نوره : هيه هو طلب سوى حشره في المستشفى الا يطلعونه وقالو احتمال اليوم ان شاء الله يطلعونه .. ساره : بس هو بعده تعبان نوره : هيه بس الدكتور قال بيطلع بس بشرط انه يرتاح وما يطلع من الغرفه ولا يتعب عمره ساره : زين الحمد لله نوره : ساره جاوبيني بصراحه انتي تحبين فهد ولا بعدج ساره تتنهد : ااااااه ماعرف شو اقولج ..فهد تغيرت تصرفاتي وياه في شهر العسل لاني عرفت انه انسان رومانسي درجه اولى وغير عن جي انه طيب وعمره ما زعلني مع اني احيانا اتعمد اقسى عليه عشان يزعل مني بس بعد اييه يراضيني .. بس كحب لا .. انا يمكن استلطفه بس بعدني ما حبيته نوره : غريبه بهالمواصفات اللي قلتيلي عنه لازم تحبينه .. تعرفين ليش ما حبيتيه .. يمكن لان هاجس خالد بعده يلاحقج ..لو شوي خالد يبتعد عنكم صدقيني بتحبينه ساره : ماعرف ماعرف شو اقولج .. نوره : عيل قومي خلا نيلس ويا امي وامج قبل ما يزعلون عنا ساره : يالله في المستفشى خالد حاط راسه وهو يالس بروحه محمد ومعاه باقة ورد : السلام عليكم خالد بابتسامه : وعليكم السلام هلا والله محمد بعد ما حط الباقه سلم على خالد :شحالك يا الغالي خالد : بخير مدام شفتك محمد : شو يالس بروحك زين حظي حلو خالد : هيه والله الاهل اكثر شي ايون المساء مب الحينه محمد : زين زين ..شو اخبارك خالد : الحمد لله احسن عن قبل محمد : والله عليك حركات يا خالد .. يعني مثل المراهقين ماتاكل ولا تشرب خالد : مب متعمد يا اخوي والله بس ماكنت اشتهي اكل محمد : وليش ما رحت المستشفى من قبل يعني لازم تروح بعد اظن ساره خالد بحزن : لاني قلت بنفسي ليش اعيش ولا اهتم بحياتي مدام حلم طفولتي ما بتكون ويايه محمد : يا ريااااال انت بعدك .. خلاص الحرمه تزوجت ومب حلوه تلاحقها خالد بعصبيه : والله مب مشكلتي اذا هي متزوجه ولا لاء..المهم اني ابيها محمد : بس هي تزوجت وخلاص شو تباها تنفصل يعني خالد / هيه .. اباها تنفصل محمد: وانت يا خالد تتوقع ان فهد بيخليها هو زين منه انه خذاها .. يعني صعب يخليها .. خالد انت لو تتزوج صدقني بتنساها خالد معصب: انت شو تقول مستحيل حرام اظلم وحده ثانيه وانا متاكد اني ما بقدر اعطيها لا الحب ولا شي محمد : زين انت عط عمرك فرصه خالد : لا لا انا ما ابي غيرها ..انت فاهمني صح .. لانك تحب الريم .. وتعرف اللي يحب صعب ينسى محمد : اكيد فاهمنك ..بس الريم على الاقل مب متزوجه بس ساره؟؟ خالد : ساره ان شاء الله تنفصل عن فهد ونفتك منه محمد : الصراحه عمري ما شفت واحد عنيد مثلك خالد : مب مشكلتي مشكلة ( ياشر على قلبه ) مشكلة هالقلب اللي ما يقدر يحب غير ساره خالد :المهم خلنا عن سالفتي شو اخبار الريم محمد : اسكت اسكت طلعتلي سالفه يديده خالد : افا والله شو استوى محمد : امي شكت قالت اكيد انا وشيخه متفقين خالد : ههههههههههههههههههههه محمد يشوف خالد بطرف عينه : يمكن اعرف شو اللي يضحك خالد : يحليلك كل ما تبى تحل مشكلتك تتطلعلك مشكله ثانيه محمد : هيه والله .. الله يستر خالد : تتوقع شيخه تقول حق امك محمد: انا واثق بشيخه بس اخاف امي تغصبها خالد : زين اتصل في شيخه وقلها خلا ما تقول حق امك محمد : يا ريال استحي اتصل .. خالد : لا تستحي ولا شي انت متصل فيها للضروره قبل ما خطتنا تفشل ونتوهق محمد : هي والله .. اقول طلبتك خالد : عطيتك ..قول حبيبي محمد : يوم بتشوف ساره اسالها عن الريم شوف اذا هي في بالها حد ولا لا سمح الله مخطوبه خالد: الحينه تسال الناس ..الناس يسألون قبل محم : ما ياه في بالي هالشي خالد : خلاص ولا يهمك بو جاسم ان شا ءالله محمد : ايه انا ما احب اسم جاسم خالد : والله شو اسوي لقب محمد هو بو جاسم محمد : المهم لا تنسى خالد : فالك طيب محمد : والله يا خوفي تشوف ساره وتنسى كل شي خالد يغمز لمحمد : والله يمكن .. حد يشوف حلم حياته ويتذكر الناس محمد : صدق نذل هذا وانا موصنك خالد : ههههههههه لا ان اشا ءالله ما بنسى بس خلني اشوفها بالاول .. ################################# اشواق في فرنسا فاطمه : اشواق اشواق اشواق وهي يالسه وماسكه قلم فهد اللي معطنها .. فاطمه : انتي هنيه وانا ادورج في الشقه كلها اشواق متضايجه .. فاطمه تشوف اشواق : بلاج اشواق : ابي ارد دبي فاطمه فاتحه عيونها : نحن ما كملنا في فرنسا اسبوع ..شو ميلتي اشواق تشوف فاطمه : لا بس ( سكتت ) فاطمه يلست عندها : بس اشتقتي حق فهد صح اشواق : هيه فاطمه : ماعرف بلاهم هالبنات ما يحبون الا المتزوجين اشواق : والله انا ما قلت اني ابي متزوج .. بس شو اسوي دخل خاطري وايد وشخصيته حلوه فاطمه : وكيف عرفتي ان شاء الله اشواق : رياييل هالايام ما يصدقون يشوفون وحده متكشخه وبالذات اذا هي عطتهم سالفه .. بس فهد طنشني يعني شخصيته غير عن باجي الشباب فاطمه : يمكن لانه في شهر العسل عشان جي ما عطاج سالفه اشواق : لا .. نحن كنا بروحنا مع هذا ما عطاني سالفه ..وحاسه ان بينهم مشاكل او ماخذين بعض عن غصب فاطمه : ماشاء الله وهالنتايج عرفتيها من اليلسه الاولى اشواق : من كلامه .. فاطمه : اشوق اكرر لج الريال متزوج اشواق : شوفي اذا عرفت ان مستانس بحياته وان حبهم متبادل بخليه بس اذا عرفت ان العكس ما بخليه فاطمه : هذا بدل ما تصلحين الاوضاع اشواق: انا مب مصلحه اجتماعيه ..وبعدين اللي مثل فهد الف وحده تتمناه فاطمه : ولا مثل ساره برقتها وجمالها مليون واحد يتمناها اشواق : خلاص لا تناقشينتي ان شاء الله اول ما ارد دبي بروح عندهم فاطمه : وتعرفين العنوان اشواق : لا بس عندي رقم ساره .. يعني مب صعبه اعرف العوان فاطمه : الله يهديج زين قومي اتلبسي ترى اهالينا يتريونه برع بسرعه اشواق : اوكي (( اشواق يمكن لانها صغيره يعني عمرها يا دوب 18 .. ماتعرف الصح من الخطا وهي جريئه وايد واللي في بالها لازم تسويه )) ############################ ساره بعد ما تغدت ساره تكلم امها : عيل انا بروح البيت ام ساره : ليش ساره : حاسه بالتعب فهد دخل عليهم : يمكن ادخل ام ساره : هي تفضل محد غريب فهد : السلام عليكم الكل : وعليكم السلام ام ساره : اقول فهد ساره تبى تروح البيت فهد : ليش بلاج ساره ساره من غيرنفس : تعبانه شوي ام ساره : بس ما يلسنا وياج ساره : ان شاء الله امايه المساء بييكم بس شوي برتاح حاسه بدوخه هند : اقول اخاف حامل ساره .. ساره صدت صوب هند وشافتها بعصبيه فهد يقول في نفسه ( خوش حمل بيستوي وكل واحد منا في غرفه .. ماعرف يمكن حمل يديد بسنه 2005) نوره ترمس هند بصوت واطي: والله ما تستحين على ويهج سكتي فضحتينا هند : والله ماقلت شي هذا تاثير الحمل نوره : ليش الاخت مجربه هند : لا بس اسمع بالمسلسلات جي يقولون نوره : محد مخربنج غير هالمسلسلات هند : يعني الحينه وحده متزوجه اكيد بتحمل شو قلت انا افففففففففف ام ساره : خلاص يا ساره روحي ارتاحي وان شاء الله نشوفج الفليل ساره: انشاء الله امايه يالله عن اذنكم فهد يدور يمين يسار : وين الريم هند : الريم بغرفتي تقرى المجلات نوره: خلاص عيل خلها هنيه ..تراكم بتردون صح فهد : هيه ان شاء الله عيل يالله عن اذنكم ام ساره : اذنك معاك .. مع السلامه هند تكلم نوره : الله كلمته نوره بعصبيه : استحي على ويهج هذا واونج مخطوبه هند : اووووووووه صح نسيت خخخخخخخ نوره : الحمد لله والشكر فهد ويا ساره في السياره فهد يصد يشوف ساره تعبانه : شوفيج حبيبتي ساره من غير نفس : ما فيه شي مصدعه ابي ارتاح فهد : تبين اوديج المستشفى ساره : وليش المستشفى يعني اذا وحده مصدعه على طول المستشفى جي ما شي ادويه في البيت فهد عصب ما قال شي ..لان ردت فعل ساره كانت مب حلوه ساره دخل الغرفه وخذت ملابسها وبدلت في غرفة الملابس فهد يالس على الكرسي الهزاز ويغني وساره تسمع :ما هي هالليله وبس .. وانت متغير علي ..صايرلك كم ليله وانته وانته بالك ماهو لي ..حاضر بقلبك وغايب ..وانا قلبي فيك ذايب .. ليه يا اغلى الحبايب .. انت سامع عني شي .. امممممم .. انت سامع عني شي .. ساره وهي تسمع الاغنيه ادمت عيونها : لا يا فهد .. ما سامعه عنك شي بس رديت البلد وتذكرت طفولتي وتذكرت انك السبب بعذاب قلبين .. طلعت ساره من الغرفه وهي لابسه بجامه تبى ترتاح .. فهد : بتامين يا عمري ساره : هيه فهد : زين عيل بصك النور وبطلع عشان ترتاحين واذا تبين شي ترى انا في الصاله اوكي يا بعد هلي ساره وهي تلحف عمرها باللحاف : اوكي طلع فهد من الغرفه وصك الليت ..وهو بخاطره يقول (( رديتي يا ساره اقسى من قبل .. ان شاء الله اقدر اغيرج مع اني متعذب بجفاج اكثرعنج )) ############################ خالد رد من المستشفى وكان مستانس لانه مشتاق لساره خالد رد البيت والكل في استقباله ام خالد وهي تحضن ولدها : الحمد لله على سلامتك يا خالد نوره نورت البيت هند : جي حد قالج ان خالد مصباح او ليت علشان ينور البيت ام ساره : هههههههههه الله ياخذ بليسج يا هند ويا سوالفج خالد ابتسم : هلا بام لسانين هند ابتسمت وراحت باست اخوها : الحمد لله على السلامه خالد : الله يسلمج اختي خالد يصد يمين يسار يدور ساره .. نوره راحت عند خالد وبصوت واطي: حبيبتك محد لا تحاتي بتيه بعد شويه خالد استانس : فاهمتني يانوره نوره : اكيد مب اخوي خالد: وهي تعرف اني موجود نوره : لا خالد: اتصلي فيها وخبريها نوره : اخاف ريلها يكون موجود خالد معصب: خلا يولي .. ما يهمني يالله اختي اتصلي نوره تاشر على عيونها : من عيوني اخويه كم خالد عندنا خالد يبتسم : بس انا نوره : ههههههههههههه نوره اتصلت في ساره وساره في سابع نومه .. بس من رنة موبايلها قامت ساره بتعب : الو نوره : يالله بسج رقاد قومي ساره : ليش الساعه كم نوره : الساعه 6 قومي ساره: اف والله محد وعاني نوره : تعالي شوفي في بيتنا منو موجود ساره : منو نوره : خالد ساره حست بشعور غريب وبرقه : خالد نوره : هيه ويسال عنج .. شو بتين ساره : اكيد ..دقايق واتلبس نوره : زين لا تتاخرين ساره : اوكي ساره اتلبست ولبست بدله حلوه بلون السماوي والكحلي وكانت حلوه عليها .. فهد دخل الغرفه ولما دخل شاف ساره متلبسه : وين بتروحين ساره وهي تدور على شنطتها : بيت خالتي بعد وين فهد :ولا تقوليلي ساره : عرفت انك بتيه فهد : زين عيل يالله نروح ساره وهي ماخذه شنطتها : يالله (( فهد مايعرف بوجود خالد في البيت )) خالد يكلم نوره : ها شو بتيه نوره : هيه ان شاء الله جريب خالد : الحمد لله نوره : زين انت روح ارتاح بغرفتك .. لا تنسى الدكتور قال ان لازم ترتاح شو نسيت خالد : لا ما نسيت بس مليت من الفراش انا بروح شوي الحديقه .. ترى الجو غاوي ..وبعدين برد الغرفه اوكي نوره : تباني اييه وياك خالد : لا ماله داعي بروح هناك شوي اغير جو نوره : على هواك اخوي ..روح الحديقه وانا بجهز لك عصير وشي تاكله.. خالد باباستانه: مشكوووره يا اغلى اخت نوره : مب تسمعك هند جان بتذبحك خالد : هيه والله ترى عادي هاي طالعه سفاحه هالايام عادي تذبح نوره : هههههههههههههههههه خالد : يالله عيل انا بروح الحديقه نوره : خلاص وانا بجهزلك العصير.. ساره وفهد بعد ما وصلو ساره دخلت الصاله اما فهد فراح الميلس مع ابو خالد .. ساره شافت نوره ماسكه العصير: وين رايحه نوره : زين ييتي تعالي ويايه ساره : وين نوره : الحديقه ساره : ليش نوره : ياكثر اسالتج .. عند بعض الناس ساره : خالد نوره تصد يمين يسار : سكتي اخاف حد يسمعنا وتستوي سالفه ساره تطلع لسانها : وي نسيت عمري ساره ونوره راحو الحديقه اما خالد فيالس على الكرسي ومتامل بالورود والجو الغاوي نوره : مرحبا خالد يوم صد شاف ساره : ساره ساره منزله راسها اونها مستحيه : الحمد لله على السلامه خالد وقف بابتسامه : الله يسلمج نوره : عيل هذا العصير .. خالد غمز لنوره عشان تروح لانه يبى يقعد ويا ساره بروحهم ..نوره فهمت وراحت ساره تمسك ايد نوره : وين بتروحين نوره : ممممممم بروح اييبلج العصير ساره : ما ابيه تعالي نوره : بروح وبيه بسرعه ساره تحاتي فهد يشوفهم بروحهم وبيسوي سالفه حقهم .. خالد : تفضلي يلسي ساره : لا انا مرتاحه جذي..مشكور خالد وهو يتامل فيها : واخيرا شفتج .. ساره ساكته .. خالد : بلاج ليش هالحزن ساره : مافيه شي ..صدقني خالد : توقعتج نسيتيني ؟ ساره : لا والله مانسيتك خالد : وشو الدليل ساره في ايدها هديه خالد اللي اشترته من بلجيكا والهديه كانت الميداليه اللي على شكل الاحجار ..ساره فتحت ايدها : هذا الديل خالد : شو ساره : انا اشتريتلك ميداليه وهذا دليل اني ما نسيتك خالد خذ الميداليه من ايد ساره : الله وايد حلوه تسلم ايدج ساره : وايديك .. خالد : لا برهنتيني انج تذكرتيني ساره بضيج ..: هيه خالد اتقرب من ساره اكثر: ساره انا ما اقدر بدونج ..ساره انتي كل دنيتي الله يخليج لا تتخلين عني ساره ادمعت .. خاالد : ساره انا احبج ساره تمت تصيح خالد : بلاج ساره ساره : خالد نحن اللي نسويه غلط في غلط خالد فتح عيونه : ليش ساره : انا احس بتانيب الضمير يا خالد .. انا بهالطريقه اعتبر خاينه خاينه تعرف شو يعني خاينه Quote Link to comment Share on other sites More sharing options...
قمر موتو قهر Posted يوليو 30, 2008 Report Share Posted يوليو 30, 2008 بعد قلبي اسيروو يالله ننتظر البارت صح ان انه ماحط لج رد لوول بس انه متابعه لوول Quote Link to comment Share on other sites More sharing options...
أسيرة الورد Posted أغسطس 1, 2008 Author Report Share Posted أغسطس 1, 2008 فدييييتج زين عرفت انج متابعة و يلاهالبارت لج و لل متابعين و ما ندري عنهم واكيد حق الي ندري عنهم خالد : ليش انتي ما سويتي شي ساره : لا سويت .. كلامنا ويا بعض وتغزلنا في بعض هاي اكبر خيانه .. خالد بعصبيه : ليش انتي حبيتي فهد ساره : حتى لو ما احبه .. بس انا اعتبر زوجه ..وحرام اللي اسويه حتى لو احبك انت .. بس هذا مب يعني اني اكلم غيره ..والله اني تعبانه ساره يلست وهي تصيح خالد : ساره ما في ايدنا شي .. اعرف انج متعذبه بس ساره : شو الحل .. ما اقدر اعيش ويا انسان ما ابيه ولا اقدر اكون وياك لاني بهالطريقه اعتبر خاينه لزوجي خالد : شو قصدج .. تبين تتخلين عني ساره : انا ما قلت جي خالد وقف من عالكرسي: ساره لا تنسين اني حبيتج 20 سنه اما فهد فمب اكثر عن سنه .. ولا تنسين ان حبنا من الطفوله تذكرين كنا ويا بعض في الروضه ودوم ايلس ويياج والكل كان يقول ساره وخالد لبعض .. حبيتج لين ما كبرتي وزاد حبي لج .. روحي غرفتي وشوفي كل موقف يصير لنا اكتب شوفي الورود اللي عطيتيني من زمان مجففه ومخليها عندي ذكره ..روحي غرفتي وشوفي صورج يوم كنتي صغيره لين الحينه عندي ساره انتي بدمي يا ساره انتي حلم طفولتي .. وانا مالي ذنب باللي يصير ساره : ولا انا يا خالد .. ماعرف شو اسوي ماعرف شو الحل فهد طلع من الميلس وسال عن ساره هند : ساره بالحديقه فهد وين الحيديقه هند : اول ما تطلع من باب الصاله على طول روح يمين فهد : مشكوووره اختي راح فهد الحديقه نوره يايه : تكلمين منو هند : اكلم فهد الغاوي نوره : ليش شو يباه هند بخبث: يسال عن زوجته الحبيبه نوره فتحت عيونها : شو قلتيله هند : قلت له الصدق .. قلت ساره في الحديقه بس ما قلت ان خالد هناك نوره بعصبيه : وليش قلتي ان ساره في الحديقه ..ماتعرفين ان الحينه بيشوف ساره ويا خالد ويمكن يسوي مشكله ونحن مب ناقصين هند : بس انا ما قلت ان خالد في الحديقه نوره بصريخ : يالغبيه اكيد بيعرف يعني اونج غطيتي عليهم .. ترى في الحديقه ساره ويا خالد هند : عادي هم عيال خاله يعني ليش بيغار نوره : هند بلا عبط لو عيال خاله مثل باجي الناس بنقول عادي بس لا تنسين ان خالد كان خطيب ساره وهالشي فهد ما نساه هند : والله انا مالي خص نوره : خلا اروح هناك هند : انتي ليش تدخلين اتريي شويه واذا تاخرو روحي نوره : الله يستر الثامن والثلاثين طلع فهد من الصاله للحديقه لانه يدور على ساره وهو مايعرف ان خالد ويا ساره .. \ ساره بعد ما بينت لخالد بان اللي يسوونه غلط وهي يالسه على الكرسي وتمسح دموعها خالد كان واقف ويلس على الكرسي اللي عند ساره خالد: بس يا ساره ترى دموعج غاليه ساره وهي تمسح دموعها : اسمحلي خالد ازعجتك مع انك لازم ترتاح لانك ياي من المستشفى خالد: افا عليج يا ساره تعبج راحه عندي ساره تشوف خالد وهي بخاطرها تقول (( قلبي وياك يا خالد بس اسمي مرتبط باسم فهد كزوجه شو الحل )) وهني دش عليهم فهد فهد قاعد يشوف من بعيد حد ويا ساره بس ماكان واضح لان خالد مب مبين من بعيد ويوم تقرب اكثر شاف خالد فهد اول ماشاف خالد فتح عيونه ومسك ايده بالقوووو وهو منقهر ونار الدنيا بقلبه ..ولا يشوفهم بروحهم بعد فهد قرب عندهم وهو يشوفهم باحتقار : ماشاء الله عليج يا ساره انتي هني وانا ادورج ساره اول ماشافت فهد على طول وقفت من الخوف ..اما خالد فيالس مرتاح لانه كان يتمنى ان فهد اييه عشان يقهره خالد يشوف فهد من فوق لتحت وفهد بنفس النظرات .. ساره وهي تبلع ريجها : خالد توه ياي من المستشفى وقلت لازم اسلم عليه .. فهد يكلم ساره بكل جديه وعصبيه : يعني لازم تسلمين عليه بروحكم .. سار ه : نوره كانت ويانا توها بس راحت اتيب شي واتيه .. خالد وقف مكانه ويكلم فهد من غير نفس وبتكبر: وبعدين لا تنس يا حلو اني مب غريب يعني مب لازم تنقهر وتعصب .. فهد : اكيد مب ناسي .. بس بعد لاتنسى اني زوجها وااللي اباه هو اللي لازم يتم وانا لازم يكون عندي كلمه امشيها .. خالد : الله يخليك اي كلمه تمشيها .. وبعدين لاتنسى اني ولد خالتها واني كنت خطيبها (( ياشر بصبعه باستهزاء )) قبل ما تكون انت زوجها فهد مربع ذراعه: كنت ولا ماكنت ..المهم انها صارت زوجتي الحينه ونحن نهتم بالمستقبل والحاضر مب بالماضي (( ياشر بصبعه بنفس طريقه خالد )) وانت خلك ويا الذكريات ترى هالشي الوحيد الباقي لك .. ساره تشوفهم وبعصبيه : بس سكتو شوي خالد يشوف ساره : لا لا عادي خلا يكمل (( يصد لفهد )) وبعدين حبيت اوضح لك واتمنى ما تكون ناسنه اذا هي جسديا واسميا زوجتك بس روحها وقلبها وياي انا ا ذا تقدر تدخل قلبها شوف اسم منو في قلبها اسمي ولا اسمك .. انا بس اللي في قلبها محد غيري .. فهد عصب وقرب اكثر عنده : وانت شو دخلت بقلبها عشان تعرف وتتفلسف خالد بكل هدوووء واستهزاء : ترى انا وهي قلب واحد يعني اعرف شو اللي بقلبها ..والدليل على اهتمامها وحبها .. انها يت بريووولها عندي عشان تسلم عليه وهذا دليل واضح .. فهد عصب ومسك قميصه : انت انسان وقح وما تستحي على ويهك .. خالد ماسك ايد فهد : عاد خلا الاحترام لك يا الاناني ساره تحاول تبعدهم : الله يخليكم بس بس ..كافي كافي حرام عليكم عذبتوني ساره وهي وسطهم تحاول تبعدهم ..حست ان الدنيا ظلمه ومسكت راسها وفجاه طاحت على الارض واغمى عليها فهد يوم شاف ساره هد خالد ومسك ساره من وراء رقبتها عشان يرفعها وبكل خوف : ساره حبيبتي بلاج بلاج خالد واقف وعاقد حواجبه وخايف وقرب عشان يشوف ساره بلاها : ساره بلاج فهد بايد الثانيه : انت روح بعيد مالك خص تتقرب منها سمعت وهني نوره يايه ويوم شافت ساره طايحه ركضت وبصريخ : بلاها ساره فهد وهو يشيل سار ه ..: نوره الله يخليج سويلي درب عندكم عشان اوديها في الغرفه بسرعه نوره وعلامة الخوف بويها : اكيد يالله بسرعه نوره ركضت ودخلت الصاله وهي متوتره وفهد دخل وماسك بذراعه ساره وهي مغمي عليها ام ساره وام خالد يوم شافو ساره وقفو مكانهم وعلى طول راحو عند ساره اما هند فمرتاحه يالسه مكانها ام ساره وهي تكلم فهد وشوي تبى تصيح : بلاها بنتي يا فهد شو استوى فيها فهد : خالو مب وقته الحينه ودوني اي غرفه عشان اوديها نوره فتحت الغرفه : تعالي هنيه يا فهد بسرعه فهد راح الغرفه وحط ساره على الفراش .وهو يحرك ويه ساره : ساره حبيبتي ساره قومي ساره ما تتحرك صاكه عيونها ام ساره قربت من ساره : عقو الشيله عنها عشان تقدر تتنفس اكثر يمكن الشيله مضايقتها .. فهد فتح الشيله ..وشعر ساره السايح على الوساده .. فهد : بسرعه ييبو ماي هند دخلت .. ونوره راحت اتيب الماي : هاك فهد الماي فهد بهدوء يصب شوي من الماي على ويه ساره عشان تقوم ..صب مره ومرتين لين ما قامت ساره تكح وهي تمسك راسها : اه يا راسي ( فتحت شوي عيونها )) شو استوى فيه ام ساره واقفه : الحمد لله على سلامتج يا بنتي ام خالد : ما فيج شي .. بس اغمى عليج ساره تذكرت الضرابه وشافت فهد يالس عندها والتوتر واضح عليه فهد : ها ساره شحالج الحينه ساره صدت صوب ثاني: انت تسال عن حالي .. فهد عرف ان ساره متضايجه لانهم السبب باللي يصير ام ساره : ها يا بنتي شو تحسين ساره بتعب : الحمد لله زينه هند طلعت وتشوف خالد يمشي يمين يسار كانه في غرفة العمليات هند طلعت .. خالد بتوتر : ها بشري شحال ساره قامت هند تضحك : ههههههههه الله عليكم سوالف انتو الشباب خالد معصب : الحينه هذا وقته تضحكين سالتج شو اخبار ساره هند : توها قامت ومافيها شي .. كافي ان ريلها عندها لاصق فيها خالد راح عند الغرفه .. هند : وين بترووح خالد يصد صوب هند : بروح اطمن عليها هند : اقولك ريلها داخل ز خالد: خلا يولي خالد وهو يبى يدخل الغرفه فهد كان يبى يطلع اول ما طلع فهد شاف خالد ياي الغرفه فهد باحتقار : على وين حبيبي خالد : ابي اطمن على بنت خالتي فهد خلا ايده على الباب عشان يمنعه : ما تقدر اولا لاني امنع هالشي ثانيا ساره ما لابسه شيلتها يعني عيب تدخل اعتقد لو فيك ذرة احترام جان ما بتدخل خالد يشوفه باحتقار : انا ما بدخل بس مب عشانك .. لانها ما لابسه شيلتها .. خالد راح غرفته اما فهد فكان يدور على خدامه .. هند بدلع : خير يا فهد شو تبى فهد : اقول اختي لو سمحتي يمكن تقولين حق خدامتكم اتييب عصير حق ساره عشان تتنشط هند في خاطرها (( مب حب هذا يا حظج ياساره )) ان شاء الله من عيوني فهد بابتسامه : تسلمين اختي فهد دخل مره ثانيه الغرفه وهو يشوف التعب على ساره .. ام ساره: اقول خلا نتصل في الدكتوره عشان اتيه ونطمن عليها اكثر ساره بتعب : ما فيه شي امايه بس شوي تعبانه ام ساره : هالتعب من اول ما رديتي من السفر وويهج شوفي كيف مصفر فهد : صح لازم نطمن عليج اكثر ساره ماقالت شي نوره : عيل انا بتصل في الدكتوره مريم اوكي ام ساره : يكون احسن والله فهد يالس عند ساره وهو خايف عليها ويت الدكتوره تفحص سار ه فهد : ها دكتوره شو تعاني ساره الدكتوره : ضغطها شوي نازل وهي تحتاج للراااحه وبدون زعل يمكن لانها متضايجه او واي تفكر بشي يضايجها فهد بخاطره :انا السبب والله ياريت ما تضاربت ويا خالد ..فديت عمرج يا ساره فيه ولا فيج بعد ماراحت الدكتوره .. ام ساره: اقول فهد ..يمكن تخلي ساره تنام هنيه اليوم فهد فتح عيونه : ليش عمتي .. ام ساره : عشان ترتاح واشوفها واطمن عليها فهد : تقدرين اتيين بيتنا وتنامين هناك ترى عندنا وايد غرف زياده ام ساره : ما عليه يا ولدي يمكن مب متعوده .. خلها على الاقل يوم واحد فهد بخاطره ما يباه لان خالد بيتقرب اكثر بس لانه ما يبى يرد عمته اللي هي ام ساره : خلاص ولا يهمج بخليها تنام وترتاح .. نوره استانست وااايد .. اما ساره فهي بعالم ثاني ولاتعرف شو السالفه كله سرحانه ومتضايجه .. فهد : عيل عن اذنكم بروح وان شاء الله بييه وبطمن عليها .. ام خالد : حياك الله يا ولدي باي وقت فهد : الله يحييج ..مشكوره ما قصرتي طلع فهد وهو متضايج لانه حبيبته تعبانه ومنقهر لان خالد بيكون موجود هناك .. خالد في الغرفه منقر دخلت هند عليه وهي مستانسه دخل هند بدون ما تدق الباب هند بخبالها : عندي لك خبر حلو خالد بعصبيه : مره ثانيه يوم بدشين دقي الباب هند ؟ والله انك متفيج انت ..اقولك عندي خبر حلو .. ساره بتنام بيتنا ليوم واحد خالد فتح عيونه والابتسامه بشفاته : حلفي والله هند : شوي شوي على حلجك لا ينطر خالد : اول مره اتيبين خبر حلو دومج بومه اخبارج شينه هند : هذا يزايه الحينه .. وبعدين اكيد خبر حلو مثل ويهي خال بابتسامه : لا الخبر احلى من ويهج بمليوووون مره هند عصبت: والله اني غلطانه يايه ابشرك .. اطلع بكرامتي وايد احسن خالد يضحك: يكون احسن..اقول هند هند تشوفه من طرف عينها : نعم خالد : ساره الحينه بخير هند : هيه احسن شوي والدكتوره امرت بالراحه سمعت يعني لا تلعوزها خالد: جلبي ويهج .. الحينه انا بلعوزها هند : بعد اذا رحت عندها بيستوي الفلم الهندي بس ماعرف منو البطل انت ولا فهد خالد يمسك المخده ويفر على ويها : انا البطل وتعرفين منو الحراميه انتي هند وهي تمسك المخده : تخسي انا الحراميه انزين خالد : خلاص اخت الحرامي هند تضحك : هههههههههههههه يعني اختك انت ..لانك انت الحرامي خالد : هندووووه هند تضحك وتطلع من الغرفه .. خالد وهو مبتسم : الله ساره بتنام بيتنا مثل ايام الطفوووله .. ساره وهي متضايجه .. ام ساره : يالله انا بطلع عشان ترتاحين .. ساره بتعب : امايه زقري الله يخليج نوره اباها ام ساره : من عيوني حبيبتي نوره دخلت : هلا ساره \ ساره : تعالي نوره شوي ابي اقولج شي. نوره يلست عند ساره : خير حبيبتي شو فيج ليش هالحزن ساره وهي تصيح ساره وهي تصيح نوره: لا ليش هالدموع بلاج ساره ساره ودموعها اربع اربع : انا تعبانه يا نوره بس المشكله محد حاس فيه .. نوره : بشوو حبيبتي ساره : ماعرف شو اسوي حاسه بالضيج .. انا زوجة انسان ما اكن له اي حب .. وقلبي مع خالد وحب خالد اللي هو مب زوجي ..واعرف انا اللي اسويه غلط لانه حرام مجرد التفكير بانسان ثاني وانا على ذمة فهد .. نوره اكيد صح ساره : بس شو بايدي :: اعيش مع انسان ما احبه وهناك خالد متعذب عشاني . وانا عارفه ان فهد مستحيل يتنازل عني . ولا افكر في انسان ثاني مع العلم بمع ان اللي اسويه غلط ..ماعرف شو اسوي .والله تعبت من التفكير نوره : المشكله لازم حد من الاثنين يتنازلون .. فهد يقدر يتازل عنج وبهالطريقه هو بيعيش ويا انسانه ثانيه وانتي ويا خالد .. وخالد يقدر ينساج ويتزوج وحده ثانيه وانتي تكونين لفهد وبهالطريقه اذا انتي عرفتي انج مب السبب بعذاب حد تقدرين تحبين فهد ..بس لانج تفكرين في خالد وبعذابه فعشان جي ما تعطين عمرج الفرصه بحبج لفهد ساره : المشكله صعب على الاثنين يتنازلون نوره تهز راسها : صح هالاثنين كل واحد اعند من الثاني ساره وذا انا اتنازلت بعد بكون سبب بعذاب واحد منهم .. يعني اذا ودرت فهد راح يتعذب فهد ..واذا قلت حق خالد اني ما ابيه هو بعد بيتعذب .. نوره : بس انتي بدون ما تدرين تعذبين الاثنين ساره بتعجب: انا ؟؟ ليش نوره : هيه اول شي فهد صح انج زوجته بس اللي اشوفه انج ماتعاملينه كزوج ويمكن هو متعذب من الداخل بس ما يبى يطلع .. واصعب على الشخص يوم يحس ان الحب من طرف واحد وانج ما تكنين له اي حب .. ساره : والله هو يعرف ان الحب من زمان من طرف واحد بس هو اصر انه ياخذني نوره: ترى هو يحبج ما يقدر يتنازل عنج وهو رضى بكل شي وهذا دليل انه صدق يحبج عيل في ريال بهالدنيا يرضى بحب من طرف واحد .. ساره ماسكه راسها : اااااااااااااااااااااه يا نوره ماعرف شو اسوي نوره : صدق قصتج صعبه وايد ..المشكله لازم حد من الاثنين يتازل عشان ترتاحين ساره تصيح لانها حاسه بالهم والضيج نوره تحضن ساره : ما عليه حبيبتي هونيها وتهون ان شاء الله .. ساره : والله مليت يا نوره وانا اشوف اني السبب بمشاكل فهد وخالد وبسبتي اشوفهم متعذبين بالذات خالد لانه هو يترياني من زمان .. نوره : ما عليه حبيبتي الله كريم محد يعرف شو اللي بيصير بعدين .. بس ان شاء الله ما بصير الا الخير .. ################################# هند وهي بغرفتها اتصلت في سالم سالم ويا ربعه في السياره ..والربع معلين صوت الاغاني ويضحكون ..سالم يوم شاف رقم هند ياشر على ربعه : سكتو سكتو هند بدلع : الو سالم : هلا بعمري هلا وينج من زمان الشباب يسمعون سالم ويضحكون بصوت خفيف يعني استهزاء هند وهي تلعب بشعرها : والله شو اسوي مشاغل الدنيا سالم : شو ان شاء الله بعد يومين ملجتنا رسمي صح هند اونها استحت : هيه ان شا ءالله وعرفت شو بيصير سالم : ليش سالم : ليش هند : كنا نبى نسوي حفله عوده بس قالو ما يحتاي لان عرسنا ان شاء الله بيكون جريب يعني بعد شهرين سالم : اها يعني بس كتب كتاب هند : هيه بس بيناتنا يعني .. سالم يطلع لسانه استهزاء : ماتعرفين كيف اتريه هاليوم .. اللي اشوفج فيه هند منزله راسها وتتدلع : وانا بعد كافي اني ضحيت بكل شي عشانك سالم : وانا بعد مضحي بكل شي عشانج لاني اخترتج من بيبن كل البنات هند: يعني نفس الشعوور سالم : اكيد هند سمعت حد ياي : اوكي الحينه بخليك كانه حد ياي سالم: اوكي حبيبتي بحفظ الله هند : مع السلامه بعد ما صك سالم التلفون من عند هند حد من ربعه : شو هاي الحبيبه 20 ولا 30 والكل : هههههههههههههههههههههههههه سالم : لا هاي خطيبتي يالحلوين احد من ربعه: الحينه صدق انت خاطب وبتملج سالم : هيه ليش لا احد من ربعه : افا يعني بتودر هالبنات المزيونات سالم : منو قال هي بتكون زوجتي والباجي حبايبي الكل : هههههههههههههههههههههههههههه **(( للاسف ما يعرف سالم ان بس الشخص يوم يغازل الاثم يكون كبير فماباله يوم يكون متزوج ويخون زوجته كيف راح يكون عقابه ..)) بس مثل مانعرف حديث النبي كما تدين تدان))** Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.