girlheart Posted نوفمبر 21, 2008 Author Report Share Posted نوفمبر 21, 2008 يسلموووو ع الرد اسيره الورد و انشالله بحاول انزل الباارت الي بعده باسرع وقت Quote Link to comment Share on other sites More sharing options...
maiooo Posted نوفمبر 22, 2008 Report Share Posted نوفمبر 22, 2008 ثااانكس عل بااارتااات واايد صاارت احدااااث وانااا مااادرييي.. مسكييينة هياااا كسرت خااااطري,, ننتظر البارت اليااي Quote Link to comment Share on other sites More sharing options...
بنت الحداده Posted نوفمبر 22, 2008 Report Share Posted نوفمبر 22, 2008 girlheart اسمحي لي يالغلا على الغيبة , بس انتي ادرى بالحال ,, وفي تطور ملحووظ في الأسلووب ,, من احسن الى احسن انشاء الله تحياتي ,, بنت الحداده Quote Link to comment Share on other sites More sharing options...
girlheart Posted نوفمبر 22, 2008 Author Report Share Posted نوفمبر 22, 2008 يسلمووو ع الرد بنت الحداده معذووورة وينج كل هالفترة ما تبينييين ولا تسالين و ثانكس مرة ثانية Quote Link to comment Share on other sites More sharing options...
girlheart Posted نوفمبر 22, 2008 Author Report Share Posted نوفمبر 22, 2008 يسلمووو ميوو ع الرد و انشالله بكون في احدااث اكثر Quote Link to comment Share on other sites More sharing options...
girlheart Posted نوفمبر 23, 2008 Author Report Share Posted نوفمبر 23, 2008 الباارت 11 و تم مهند و حمد يخططون في المشروع حق يبدوون يشتغلووون فيه و بعد ساعة تقريبا دقت اريج ع مهند حق ياخذهم من المستشفى اريج : مهند اصيرر تيينا الحين مهند : الحين !! اريج : اي ,,, ليش مشغول مهند : امم شوي ,, قاعد مع حمود اريج : زين عيل تعال لنا مهند : الحين ياينكم اريج : اوكي بباييزز مهند : باي حمود :خيرر مهند : بروح اييب اريج مع الوالده حمود : زين تبيني اوصلك مهند : تدري تعال معاي انخليك تتغذى معانا بعد الحين صرت معاي في المشروع يعني شريكي حمود : لا مب عدله مهند : شنو الي مب عدله ادري انت تبي بس تسوي روحك ما تبي حمود بانحرااج : شنو تقصد !! مهند : علييينا حمود : امري لله و راح مهند الى اخته و كان حمد ورااه بالسيارة وصل المستشفى نزل مهند الى امه و نزل معاه حمد حمد : شحالج عمتي (يقصد ام مهند )يعتبره مثل عمته ام مهند : بخير يا وليدي و انت؟ حمد : انا الحمدلله و شلون اريج انشالله بخير ؟ اريج : انا بخير حمد : الحمدلله كان حمد يطالع اريج بنظرات غريبة حتى اهي استغربت اول مرة تحسه جذي بس حاولت تتجاهله بس ما قدرت حست انه نظراته تحرك مشاعرها بعدها وصلوا بيت مهند و قعدوا كلهم ع الغذى و حمد معاهم لان يعتبروونه واحد منهم و فيهم و طول ما اهم يتغذووون و حمد حااط عينه ع اريج و الكل كان ملاحظ بس متجاهليين الموقف لان يدروون انه يبيها و اهي ما كانت تعرف تااكل ولا شتسوي قبل ما يخلصووون غذى استأذنت اريج بحجة انها تعبانة اريج راحت دارها و تمت تفكر شلى يطالعني جذي شصاير فيه طووول عمري معاه ولا مرة حسيته هلون يطالع ,,,نظراته غريبة و الي اغرب من هاي كله انه يحسسني بشعور اول مرة احس فيه و تمت ع هالحال لين ما طلع حمود من بيتهم بعد ما رجع حمود البيت قال الى اخته ان يبي رقم اريج و قعد يترجاها لين ما رضت بس قالت له لا تقول لها مني و اخذ الرقم و كان طاااير من الوناسة **بيت شوق و اشواق** هيا للحين ع حالها طوول الوقت تبجي و كانت تتمنى نااصر يحس فيها و يدق عليها بس المشكلة انه موبايلها في البيت ما خذته يوم تطلع كانت تحاول تقنع روحها بهالحجة بس هم مب حجة يقدر يتصل لها على اي مكان لو صج يبيها راحت شوق لهيا دارها شوق : ممكن ادخل هيا : اكييد حبيبتي شوق : شللووون صار كل ذي و ليش ؟ هيا و الدموع في عينها : والله ماعرف كنت متزاعلة معاه بعدين قال لي بنروح نتغذى دخلت الحمام و ما طلعت الا و ضربني و قال لي اني خاينة و طلقني بس شلون و ليش ماعرف اصلا احس انه كله جذب في جذب و اني قاعدة احلم شوق بحسرة :معليه مرده بيرجع لج هيا : والله قلبي مب مطمن بس معليه ع الله,,, بس ما اقدر احبه احبه يا شووق تعرفين يعني شنو ...اذا حبيتي بتحسيين شوق حست بنغزة في قلبها : معليه ازمة و تعدي هيا : ياااريت هذا حلم و اصحى و الاقي روحي في بيتي و يم نصووور آآه ع ايامه والله واحشني شوق عورت قلبها اختها : اهو يحبج و انا متأكدة انه ما يقدر يهدج هيا تمت تبجي و تبجي بس تبي تنسي روحها الي قاعد يصير و مب قادرة ...تحس قلبها يتقطع مليون مرة من الي يصير فيها مب راضية تصدق ,,,,نااصر!!! و يقول خنته وين الثقة يا ناصر ميساء و سعود سعود : ميوووسة اليوم عندج شى ميساء : لا آمر سعود : لا بس قلت نطلع مع بعض ميساء : امم بقول للاهل و برد عليك سعود : اوكي حبيبتي ميساء بحيا: اوكي باي سعود: باي مرت الايااام بسرعة و فيها لحظات حلوة ع بعض الناس و ع البعض الآخر صعبة بعد شهر نور علاقتها بدت تتطور مع مهند و كان مهند واايد مرتاح في الاسابيع الاخيرة لانه كسب المشروع الي كان مشارك فيه مع حمد و رد له الدين الي عليه و عدل الاوضاع في بيتهم و شروا بيت يديد و ميساء شوي شوي بدت تحب سعود و ما عاد يهمها الفلوس مثل قبل و ايمان كالعاده مع احمد يوم اوكي و يوم تنقلب عليه مسكيين ,,, اما هيا فطلقها ناااصر و ظلت في البيت ايام العده و كانت كل لحظة تعيشها بدونه مثل السنه ,, بدت تتعود ع الوضع و اهلها كانوا يحاولوون يخففون الهم الي عليها و شوق و اشواق كانوا غارقييين في حاله الهياام و الحب مع احمد و محمد اما بالنسبة لاريج فكان حمود يدق عليها من رقم غريب و قالها ان معجب فيها و يبيها و مشت عليها السالفة لحد الحين ما عرفت انه حمد بقى ع عرس ميووووس اسبوع و كانت مستعيلة لان ماا جهزت ولا شرت شى من قبل ..(كان سعود مستعيل لان وراه سفره فقال بخلي الخطوبة مع العرس) كانت طووول ايامها في هالاسبوع في السووووق و العفسة سعود متصل في ميساء سعود : هلا حبي ميساء : هلا سعود : ابي نروح اليوم حق نحجز لنا مكان للخطوبة ميساء : انشالله عمري سعود : انتي الي عمري و حياتي و قلبي و كل شى بدنيتي ميساء بحيا : تسلم سعود : يلا انا رايح تامرين على شى ميساء: سلامتك سعود : الله يسلمج ,, مع السلامة في بيت ناصر ** رن موبايل هيا ناصر رد من غير نفس و باحتقار :من ؟؟: من انت ! ليش ترد ع هالرقم ناصر باستهتار:لان الرقم عندي ؟؟ : وين رنا ؟ ناصر: اي رنا اي خرابيط ؟؟: اي وين رنا ناصر و بدى يفقد اعصابه : شتخربط انت !!! ؟؟: رنا الي اكلمها ناصر بقهر و تجذب تقول اسمها رنا بعد : و انشالله هالرنا من وين عطتك هالرقم ؟؟ : اناقبل كنت اكلمها من رقم ثاني بس اخر الايام قالت لي انها شرت رقم يديد و هذا الرقم الي عطتني اياه حق اكلمها ناصر حاول يمشي معاه و كان الفضول ذابحه يبي يعرف هيا لأي حد كانت تتجاهله و تخونه : انزين جم رقمها القديم ؟؟: و انت شكو ؟؟ ناصر حاول يسحب منه كلام و شوي شوي و بدى يهدد لين ما خاف الريال و عطاه الرقم طول فترة الطلاق و العده نااصر عمره ما نسى هيا طووول عمره كان يحبها شلون بينسى الي صار في يوم و ليلة ,,,و على كل الي سوته بعد ما قدر ينساها اريج تكلم حمد على انه (خالد) اريج : صج!!! حمد(خالد) : اي سعود رفيجي و راح اكون موجود في العرس اريج : صج صدفة انا ميساء اختي خالد يسوي نفسه انه منصدم : من صجج انتي !!! اريج : والله خالد : عيل نتلاقى في العرس اريج تتدلع عليه : شنو ما سمعت شقلت ؟؟ خالد غرقاان بدلعها :قلت اشوفج يوم العرس اريج :هههه هاهاها ضحكتني تحلم تشوفني خالد : ليش يعني ما استاهل ؟ اريج : لا مب جذي بس انا مب من البنات الي من هالنوع خالد بصوت واطي : تسلم لي البنت الي مب من هالنوع اريج : شقلت ؟؟ خالد : لا وسلامتج اريج : سمعتك خالد تفشل و تم ساكت مر سعود ع ميساء و راحت معاه من مكان لمكان و من صالة لصالة و ما خلوا فندق ما دخلووه ,,,,, كانوا يبون مكان هادئ واسع و بالغصب حصلوا مثل الي يبونه و بعد عناء شديد بعدها راح معاها ياخذووون لهم عشا و مرة وحدة بيروح بيت بو مهند بيتعشون مع بعض تعشوا و خلصوا و قبل وقت النوم اتصل مهند الى نور مهند : هلا نونو نور : هلا مهند : شحالج ؟ نور : جم مرة قلت لك لا تقول لي شحالج تعلم بحريني قول شخبارج مهند : انشالله عمتي شخبارج نور : انا بخير ,,انت ؟؟ مهند : بخير دام غلا عيني بخير نور بحيا : احم احم اعرف تحبني اعرف مهند : بس احبج قولي اموت فيج نور : صج؟ مهند : والله نور : اي بس انا اكثر مهند : لا انا اكثر و تموا ع هالحال هاليومين مروا بسرعة و اليوم عرس ميساااء في الصبح ميساء تقعد ع رنة موبايلها كانت الساعة 7 ميساء و اهي نص نايمة : الوو سعود : هلا عمري ,, صباح الخير ميساء : صباح النور قلبي سعود : للحين نايمة ما ودج تقوميين ميساء من قال لها جذي فزت و قامت ع طووول سعود : شفيج !! ميساء : علي واايد اشيا اسويها مسامحة سعود يلا باي سعود و اهو يضحك : مع السلامة و ع طووول راحت ميساء تاخذ لها شور و بعدها كلت لها شى قبل ما تروح الصالون و تمت في الصالون لين المغرب و في هالاثناء رغد كانت مع ميوس رفيجة عمرها كانت اريج في الصالون مع امها و اختها ملاك اما بالنسبة الى مهند فكان في البيت يكمل الاشغال الي عليه قبل العرس حمود كااان يفكر شلون يفاتح اريج بالسالفة قالها انه بيروح لها اليوم كانت مب مقتنعة و لحين مب راضية بس اصر عليها و قالها راح اشوفج و اقولج بس كانت مب مهتمة للسالفة لان في بالها ان ما بعرفها مر العصر بسرعة و غربت الشمس و ياا وقت العرس اليوم الي بيجمع فيه ثنييين مع بعض ميساء مع سعود كانت ميساء كالعادة خايفة و متوترة لان من اليوم بعد العرس بتتغير حياتها ما بتظل ع حال قبل,,,بكون لها زوج تخاف عليه و تتحمل مسؤليته و ابتدى الجد خلص وقت لعبتها مع رغد و هاي اكثر شى خايفة انها ما تقدر تتقبله قبل ع راحتها لكن الحين وراها احد يراقب تصرفاتها و حركاتها اكثر من قبل اما بالنسبة لسعود فكانت سعادته لا توصف كان يحلم بهاليوم من اول ما شاف ميساء كانت الدنيا مب ساعيته من الفرحة الي يحس فيها رغد كانت حالها مثل حال ميساء بس شوق اقل لانها راح تفقد صديقتها اكيد ما بتصير متفرغة لها مثل قبل كانت رغد طالعه قمر في هاليوم اكيييد عرس رفيجتها الغالية كانت لابسة فستان لونه بنفسجي و كان في حركة من ورى في الظهر انه يكون مفتوح و يغطي ظهرها مثل الكرستال لونهم فضي و لبست لها سلسلة فضية ناعمة اريج كانت وايد مستانسة لاختها لبست فستان اسود طويل يكون مخصر من فوق و من تحت شوي واسع يكون فيه مثل الربطة تحت الصدر و على جهة منها شريطة و لبست معاه اكسسوارات ذهبية و حطت لها ميك اب حلو ناعم حق ما تبين انها وايد كبيرة ملاك اسم ع مسمى لبسوها فستان ابيض كأنها عرووس صغيرة كانت تينن و كيووووت اما بالنسبة لام مهند لبست لها دراعة حلوة بسيطة يااا وقت الي لازم تطلع العروس من الغرفة و تتوجه لداخل صالة الفندق كانت شوي مرتبكة بس قرأت قرآن لين ما هدت و طلعت اول شى خلوا ملاك تطلع و كانت في يدها شمعة بعدها طلعت العروس و وراها اريج و رغد اول ما طلعت ميساء الكل لف لها من جمالها معقولة هذي ميساء كانت لابسة فستان ابيض وااايد طويل بس كان صج حلوووو ع انه ناعم و بسيط بس كانت طلتها لها هيبة كان فستانها من فوق مخصر عليها و من بعد الخصر ايي واااسع و كل ما له يوسع على شكل طبقات و مكياجها كان حلو حاطيين لها كحل عريض اسود و الاي شدو كان روعة مدخلين فيه عدة الوان و منها الاحمر و بلشر احمر مع الحمرة و لابسة لها طرحة و في يدها ورد احمر في شى مثل الباقة البيضة كااانت الصالة كلها بيضة و سعود موصينهم يخلون ع كل الطاولات ورود حمرااان و ع دخلتها يشغلووون لها شعر كانت ام مهند كل ما تشوف بنتها تسمي بالله عن الحسد و في عينها الدمعه ع بنتها الي كبرت بعد ما دخلت ميساء و قعدت يااا وقت الي لازم يدخل فيه سعود كانت ميساء واقفة تنطره اول ما شافته بيدخل و النسوان كالعادة ( ) كلولولولولوش كلولولولوش الف الصلاة و السلام عليك يا حبيب الله محمد كلولولولوش و ع دخلته شغلوا له هب السعد كان لابس ثوب اماراتية و طالع الاخ وسيم و رزة كان يطالع ميساء بنظرات كلها حب و عشق من بعيد و اهو يمشي لها مب مصدق الي يشوفه هذي ملاك ولا انساان وصل لها و حب راسها سعود : والله قمر ميساء بحيا : شكرا سعود : احبج ميساء : و انا بعد و تموا يصورونهم بعد فترة صار وقت ان يدخلووون الرياييل يسلمون ع العروس و المعرس لان ما قدروا يدخلوون مع سعود مرة وحدة فقالوا بيدخلون بعده دخل مهند مع حمود و بو حمد (اخو بو مهند)و بو مهند و بو سعود و اخوان سعود سلموا عليهم و قعدوا شوي الشباب طبعا يرقصووون و البنات بس شغلتهم يتطنزوون عليهم كان حمود طول الوقت عينه تروح يمين يسار بين البنات :وينها يا ربي !!!!! و اخيرا صارت عينه في عينها اريج نزلت عينها و اهي مستحية طووول ما حمد داخل كان يطالعها و مب شايل عينه من عليها حتى اهي حست بهالشى و بدت تشك .... بعدها طلعوا الشباب و اهدى سعود ميوووس اغنية تحبها واايد لراشد الماجد ياحبي افهم انك بخافقي شي وان العيون اللي تحبك سهارى ياضي عين اللي يحبك وياضي كل الدروب اللي بعيني حيارى انت الذي مايشبهك بالملا حي مالوم من سمّاك سيد العذارى يابو عيونٍ كل ماناظرت في اتوه وسط الناعسات السكارى لاشفت وجهك قلت ياحي وياحي وجهٍ كساه النور مثل النهارى انت الحبيب اللي رويت الحشا ري تروى بك عروقٍ لحبك تبارى في غيبتك ارسمك لامن طرى لي جمالك اللي يستحق افتخارا مدري متى برتاح ياوردة الحي واشوف همي بعد شوفك توارى يمكن ليا شفتك نزح همي شوي ويمكن ليا شفتك جروحي تدارى والا انت تدري انك النور والفي وانك يمين ودرب غيرك يسارى واكبر دليل ان قلت في خافقي شي ان العيون اللي تحبك سهارى و البنات كانوا مصريين عليها تقوم ترقص معاه كانت في البداية رافضة بس بعدين اجبروها .... مر الوقت بسررعة و خلص العرس و الكل كاان فرحان عدا ام مهند و رغد الي كانت الدمعة مب مفارقة عينهم ام مهند : اريج يمه روحي عطي الاكل عمج بو حمد كا برى ينطر مسكين ما تعشى اريج : انشالله يمه طلعت اريج و اهي حاملة الاكل و عليها عباتها و حالتها حالة مب عارفة تمشي بالكعب و كانت الارض مب سيدة و توها بتطيح ,,, يودها حمد و تم مااسك يدها و يطالعها في عينها ,,, حمد برقة : تعورتي اريج بس سمعت صوته نغزها قلبها هالصوت مب غريب علي : لا عادي حمد : اكيد ما تعورتي ؟ اريج و اهي حاسه ان الدنيا تدور بها : اي متأكدة حمد : اريج اريج تأكدت من ان اهو خالد من يوم قال لها اريج يقولها بطريقة غير له نبرة خاصة اذا يقول ع طووول اريج قطت الاكل بيدينه و مشت عنه بسرعة و اهي تعرج و مب عارفة شتسوي تحس ان الافكار تتقلب في راسها مب عارفة شلون تتصرف وين تودي ويهها جدام اهلها خايفة ليكون يفضحها جدامهم ولا تتغير نظرة اهلها لها بعد ما يدروون عنها ولا شلون يطلع خالد اهو نفسه حمود ... شلون ما فكرت فيها و الصوته اشكرى نفس الصوت بس معقولة خالد الصديق الي كان اوكي معاها و عمره ما حسسها بشى يضايقها يكون نفسه حمد الي الحين تحس انه طعن فيها قلبها شى رجعت اريج الى داخل صالة الفندق و في عينها الدمعة من الخوف ام مهند : اريج اريج وقف قلبها : نعم يمه ام مهند : وديتي الاكل حبيبتي اريج : اي يمه بعد نص ساعة تقريبا الكل رد البيت مهند اول ما وصل دق ع طوول الى نور مهند : السلام عليكم نور : هلا و عليكم السلام مهند : راقدة نور : تقريبا مهند : آسف قعدتج نور : لا عادي ,,, استانست ؟؟ مهند : اييه كان حلو العرس نور : الله يبارك لكم مهند : انشالله لي و لج نور : لا تستعيل كلها جم سنة و اخلص بعدين يصير خير مهند :اذا تقدم لج بتقبلييني نور تمت تفكر مدة : اممم مهند قاطعها : قبل ما تردين اصلا انا ما اقدر اعيش بدونج يعني اذا ما وافقتي علي بسوي اي شى حق توافقين حتى لو اقط روحي في البحر نور و اهي تضحك : والله مينووون مهند : محد يننيي غيرج نور : الحين عاد كل شى مني حتى لو شى ما له معنى بتقول مني مهند : انتي من دخلتي حياتي صارت كلها لها معنى ما في شى ما له معنى معاج نور بحبا : انت ما تشبع من هالكلام مهند : خليني اعبر عن مشاعر شوي كله ما تبيني اقول لج شى ترى الضغط يولد الانفجار ,,, نور : شقصدك يعني مهند :يعني مردي بكون لج و اذا الحين ما خليتيني اقول,,, بااجر اذا خذيتج انشالله بقول لج لين ما اشبع و اذا قلتي لا بعاندج و بقول لج اكثر و اكثر يا عمري نور : انشالله يا قيس ,,,ما بقولك لا حق ما تزيد و تزيد مهند : يعني ما تبيني اقولج ؟؟ نور و اهي تتغلا و ما تبي ترد عليه : اممم يعني مهند : اعرفج انا خلاص حتى لو تبين الشى تقولين لا لكن مب علي نور بحيا : احم احم مهند : انزين حبيبتي روحي كملي رقاد نور : و انت بعد ناام زين مهند : انشالله عمري نور: باي مهند : بباي في دار اريج كانت تحاول تنام بس ما قدرت قاعدة تفكر في الي صار لها اليوم و الي راح يصير بعد اليوم و شلون راح تقابل حمد مرة ثانية Quote Link to comment Share on other sites More sharing options...
أسيرة الورد Posted نوفمبر 23, 2008 Report Share Posted نوفمبر 23, 2008 هاااااااااااايـ بعد قلبيـ السمووووحة فديتجـ ما اقدر اطولـ بسـ مشكورة على البااارتـ حلو وااااااايد عنديـ اختبار بادر عليجـ مرة 2 لا تزعليييييييينـ سلملمـ Quote Link to comment Share on other sites More sharing options...
girlheart Posted نوفمبر 24, 2008 Author Report Share Posted نوفمبر 24, 2008 (edited) معذوورة اسيروو كفاية انج رديتي علي هذا يكفيني ثاانكس مرة ثانية و انتظر ردج Edited نوفمبر 24, 2008 by girlheart Quote Link to comment Share on other sites More sharing options...
maiooo Posted نوفمبر 24, 2008 Report Share Posted نوفمبر 24, 2008 ثاااانكس عل باااارت واايد حلو ابي اعرف شبصييير بين أرييج وحمد.. Quote Link to comment Share on other sites More sharing options...
girlheart Posted نوفمبر 24, 2008 Author Report Share Posted نوفمبر 24, 2008 يسلمووو miooo ع الرد و انشالله اشوف ردج دوووم Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.