دلـوعـــة محرقيــة Posted مارس 27, 2009 Report Share Posted مارس 27, 2009 امبيييييييييي كششششششششششخه البارت .. ماكنت احب نادر بس هالبارت حبيته شوي يعني حسيته فن رومنسي اكثر من ناصـر .. بس نصور كسر خاطري =( ونور مهند مالهم مواقف يعني كلش .. واريجـو شكلها بتحب بندر .. هـآع وذي احمد صج صج صج من قلب انصدمت منه حدي ما توقعته جذي .. بس ترا اوريدي يعني احس اشواق ما تميل له وايـد مثل قبـل .. وخلود ورغـد وينهم مالهم حس .. بس مادري يعني احس ان مثلا هاي البنيه اللي رقمها تعرف اشواق او اشي يعني هلون .. وبتقول لها و اشواق بتعرف بنفسهـا .. وبتهده .. وعقب هالغبي يبي يرد لها بس اهيا يعني ما بترد له .. وهيـا بدت تتاقلم ع الوضع شوي شوي ومع الايام بتنسى ناصر .. و ناصر ونادر راح يتهاوشون هوشه سنعـه .. وشوق ومحمـد فديتهم طيوور الحب الصغنونين الله يخليهم حق بعض ويبعد عنهم عين الحسـود .. وميساء احسها بتييب بنت .. عناد حق سعوود .. هـع هـع .. انا في البدايه توقعت عبدالله اخو لمياء .. بس طلع لا .. بس مادري شلون احسه جميــل .. اي شسمونه عندي فكره .. شرايج يعني تدورين صـور شبيهه حق مواصافتهم وتخلين لنا الصور .. يعني مثلاً نور تشبهـ احد شي جذي .. احس بتصير احلى واهم الفكره بتكون يديده .. Quote Link to comment Share on other sites More sharing options...
ShAi5at eLbNaT Posted مارس 27, 2009 Report Share Posted مارس 27, 2009 ]كشششششششششششششششششخه يسلموو ع البارت والله يوفقج في الامتحانات Quote Link to comment Share on other sites More sharing options...
danat aldonya Posted مارس 27, 2009 Report Share Posted مارس 27, 2009 يسلموووو بارت كلش كشخة واوتوقع ان ناصر في مرض معين وبيبتعد عن هيا واشواق راح تعرف حقيقة احمد وبتقطعه ونبي مواقف اكثر بين نور ومهند وبالتوفيق في امتحاناتج Quote Link to comment Share on other sites More sharing options...
بقايا شاب Posted مارس 29, 2009 Report Share Posted مارس 29, 2009 هايييييييييي شلونج شمسوييييييييه ثانكسسسسسسسسسس على البارتس!! ننطر المزيد والله يوفقج بالاكزامز انا بعد امتحانات سي يوووووووووو سوووووووووووون!! Quote Link to comment Share on other sites More sharing options...
girlheart Posted مارس 29, 2009 Author Report Share Posted مارس 29, 2009 امبيييييييييي كششششششششششخه البارت .. ماكنت احب نادر بس هالبارت حبيته شوي يعني حسيته فن رومنسي اكثر من ناصـر .. بس نصور كسر خاطري =( ونور مهند مالهم مواقف يعني كلش .. واريجـو شكلها بتحب بندر .. هـآع وذي احمد صج صج صج من قلب انصدمت منه حدي ما توقعته جذي .. بس ترا اوريدي يعني احس اشواق ما تميل له وايـد مثل قبـل .. وخلود ورغـد وينهم مالهم حس .. بس مادري يعني احس ان مثلا هاي البنيه اللي رقمها تعرف اشواق او اشي يعني هلون .. وبتقول لها و اشواق بتعرف بنفسهـا .. وبتهده .. وعقب هالغبي يبي يرد لها بس اهيا يعني ما بترد له .. وهيـا بدت تتاقلم ع الوضع شوي شوي ومع الايام بتنسى ناصر .. و ناصر ونادر راح يتهاوشون هوشه سنعـه .. وشوق ومحمـد فديتهم طيوور الحب الصغنونين الله يخليهم حق بعض ويبعد عنهم عين الحسـود .. وميساء احسها بتييب بنت .. عناد حق سعوود .. هـع هـع .. انا في البدايه توقعت عبدالله اخو لمياء .. بس طلع لا .. بس مادري شلون احسه جميــل .. اي شسمونه عندي فكره .. شرايج يعني تدورين صـور شبيهه حق مواصافتهم وتخلين لنا الصور .. يعني مثلاً نور تشبهـ احد شي جذي .. احس بتصير احلى واهم الفكره بتكون يديده .. دلوعة محرقية يسلمووو عـ الرد الحلو ... اي فكرة الصور حلوة فكرت فيها من قبل بس ماعرف .. يمكن اخليها عـ اخر بارت حق بعدين تتعرفون عليهم .. ( مو اكيد) عجبني الرد ..و شكرا عـ الفكرة .. اتمنى ما تحرمينا من هالرد ]كشششششششششششششششششخه يسلموو ع البارت والله يوفقج في الامتحانات 'ShAi5at eLbNaT' انتي الي كشووخ حبي .. يوفق الحميع انشالله .. و انشالله انتي بعد تسويين اوكي بالامتحانات يسلموووو بارت كلش كشخة واوتوقع ان ناصر في مرض معين وبيبتعد عن هيا واشواق راح تعرف حقيقة احمد وبتقطعه ونبي مواقف اكثر بين نور ومهند وبالتوفيق في امتحاناتج 'danat aldonya' يسلمووو عـ الرد و التوقعات .. حاضر ولا يهمج بكثر المواقف بين نور و مهند و انتي بعد الله يوفقج هايييييييييي شلونج شمسوييييييييه ثانكسسسسسسسسسس على البارتس!! ننطر المزيد والله يوفقج بالاكزامز انا بعد امتحانات سي يوووووووووو سوووووووووووون!! هلووووو الحمدلله بخير .. انت شخبارك!! ولكمز .. يوفق الجميع و سووو اوكي فـ امتحاناتكـ ترى ننتظر الحلاوة ثاانكس عـ الرد Quote Link to comment Share on other sites More sharing options...
danat aldonya Posted ابريل 10, 2009 Report Share Posted ابريل 10, 2009 Quote Link to comment Share on other sites More sharing options...
reemas4 Posted ابريل 15, 2009 Report Share Posted ابريل 15, 2009 Quote Link to comment Share on other sites More sharing options...
girlheart Posted ابريل 17, 2009 Author Report Share Posted ابريل 17, 2009 البارت 24 نور : ايمان بس شوق ما لها علاقة احمد الي قال له ايمان : انتي تشوفينها عدله يعني انا اروح اقول لها و اهي تقول حق مادري من .... نور : زين سامحيها هالمرة ترى اهي ندمانه ايمان : و انشالله باجر اذا صرت معاها اوكي شضمني ما تروح تقول بعد مرة ثانية نور : ايمان بس ما يصر جذي اهي منزمان صديقتنا ايمان : و اهي ما احترمت هالشى صكي الموضوع ما ابي اتكلم عن هالشى ولا اتذكر السالفة نور : براحتج مرت الأيام بسرعة و صار الوقت الي لازم الكل يداوم فيه .. كان هاليوم بالنسبة لاريج .. اول يوم لها بالجامعة .... اول ما قعدت عـ صوت المنبه على طووول راحت و طلعت لها الثياب الي شرتهم حق اول يوم .. و كلت لها شى و باست امها و راحت الجامعة .. كاااانت الجامعة وااايد كبيرة و اهي مب متعوده عـ هالوضع و ما كان معاها حد بس اهي .. ازهار مب معاها ... ما شافتها (معنها ما تكلمها لكن بس وجودها معاها بالجامعة بحسسها انها مرتاحة و متطمنة لان معاها حد) راحت اريج تمشي في الجامعة و في يدها الورقة الي مكتوب فيها المواد الي لازم تاخذهم و السكشن الي المفروض تكون فيه ... دخلت المبنى و شافت رقم السكشن الي المفروض تكون فيه و دخلت .. قعدت اخر شى .... اكتمل العدد و وصل الدكتور .. بدى المحاضرة و كان الكل يجاوب و يشارك الا اهي ... تمت ساكته و ما كان باقي شى عـ المحاضرة و تخلص .. طلع الدكتور ورقة الحضور و بدى يقول الاسماء ... ما كان اسم اريج بينهم .. ارفعت يدها بعد ما خلص الدكتور من الحضور و قالت له بكل ثقة و هدوء:دكتور.. ما قلت اسمي .. الدكتور : شوو اسمك ؟ اريج : اريج الدكتور : بس اسمج مب موجود عندي في القائمة اريج : شلون ما يصير ... الدكتور : انتي اي دفعة اريج : 1990 الدكتور بدى يضحك و اريج منحرجة ما تعرف ليش .... الدكتور بعد لحظات : انتي دخلتي السكشن غلط اريج طلعت الورقة الي عندها و شافت ان رقم السكشن 165 و اهي الي فيه 156 صااااار ويهها احمر من الفشلة و عـ طووول استئذنت و طلعت و اهي طالعه بندر شافها ..و تعكر مزاجه::: يالله صباح خير .. ظهرت اريج من المبنى و راحت عند المطاعم و قعدت في طاولة لحالها كانت تشوف الناس الرايحة و الرادة ... لمحت ازهار و ابتسمت ... حست انها فرحانه بس للاسف تذكرت انها ما تكلمها اكتفت ازهار بابتسامه لاريج و قعدت مع البنات الي تعرفت عليهم و اهي تضحك و تتكلم معاهم كأنها تعرفهم منزمان ... كان باقي على المحاضرة الثانية 30 دقيقة ... اريج خذت الموبايل و قعدت تلعب فيه عن الملل ... رفعت راسها و شافت بندر جدامها يمشي ... تضايقت اكثر من ما اهي متضايقة و ظهرت ... ردت البيت و كانت تحس ان روحها تبا تطلع : ما ابا اكمل خلاص ... ابا اجلس في البيت اريح لي و ابرك ... ضيعت اريج على روحها محاضرات اول يوم ... في الشركة .. سعود : لا حبيبي للحين ميساء : متى انت بتظهر من الشركة .. سعود : ماعرف بس ادعيلي اكسب هالصفقة ميساء : انشالله .. في البحرين .. نادر متصل في هيا .. نادر : انزين بمر عليج بعد شوي هيا : ليش يعني ما رحت الشغل نادر : بلى , بس بطلع و بمرج هيا : لا خلص اول شغل و بعدين نادر : هيا ما بقى شى عـ عرس و احنا للحين هيا : يمدي ليش احنا شبنسوي !! كلها يمعة اهل و بس نادر : لا حبيبتي ... الخطوبة و قلت معليه لكن العرس لا هيا بعد ما قال لها حبيبتي ..... تمت ساكته ...... نادر باستغراب : شفيج ؟ هيا بتوتر : لا ولاشى ... (( هيا لاحظت ان قالها بالغلط فسكتت )) نادر : انزين عيل جهزي روحج هيا : اوكي نادر : مع السلامه .. بعد ما سكر الخط نادر تذكر ناصر ... وينه هذا ما له حس ولا خبر غريبة ما اتصل و سأل عنها ... يمكن نسى الي بينه قرر ان يدق عليه .. نادر : هلا نصوور ناصر بتعب : هلا بيك نادر : خير عسى ما شر ... ناصر : الشر ما اييك بس تعبان شوي نادر : انزين انا الحين بمرك عيل ناصر : لا ما له داعي .. الحين بصير اوكي نادر : خل عنك هالسوالف باين عليك التعب سكر نادر الخط و على طول طلع من الشغل و راح لناصر .. دخل لناصر الشقة حتى من دون ما يطق الباب لان كان مفتوح .. نادر : يلا قوم معاي ناصر : وين ؟ نادر : بنروح المستشفى ناصر : قلت لك قبل ما له داعي تسوي كل هذا.. ما فيني شى نادر : شوف حالتك ... كل هذا و ما فيك شى نادر قعد يحاول فـ ناصر لين ما رضى و خذاه .. في المستشفى الدكتور : لا ما فيك شى بس هذا من تغير الجو نادر : شلون يا دكتور و اهو حالته حاله الدكتور : اي وايد الحين ناس جذي حالهم نادر : بس اول مرة يصير في ناصر جذي الدكتور : ما عليك لا تحتاتي كلها جم يوم و يقوم بالسلامة ... بس لازم ياخذ الدوى نادر : انشالله فـ السيارة (( و اهما راديين البيت )) نادر يفكر فـ ناصر هذي حالته و للحين ما قلت له اني صج ابيها و ما راح اطلقها شلون اذا قلت له ...حسافة يا ناصر انت بيوم كنت رفيجي الي تخفف عني اليوم صرت ان سبب همي .. قطع افكاره ناصر: نادرر بطلب منك طلب نادر : آمر .. ناصر : ما ابيك تقول لهيا عن الي صار اليوم .. و اني مريض ما ابيها تحتاتي نادر يوم قاله ناصر هيا تذكر ان اهو قال لها بمر عليها و للحين ما راح .. ناصر : نادر!!! نادر : اممم ناصر : اقولك ما ابيك تقول لهيا نادر : انشالله .. ما راح اقول لها ناصر : تسلم نادر طلع الموبايل حق يدق عليها بس شاف عنده رساله على الاقل تخبرني انك ما راح اتمر علي حق اعرف نادر قرأ الرسالة على طول قال بيتصل لها .. بس شاف ان ما يقدر ناصر معاه و شبكون موقفه لو كلمها و اهو معاه ... لحظات و هيا دقت على نادر .. ناصر : شفيك موبايلك يرن نادر بتردد : ها .. اي اوكي نادر رد على هيا هيا بقهر : تخليني انطرك و ما اتيي ... ناصر سمع صوت هيا و قلبه بدى يدق اسرع .. حس الحياة ردت له من بعد ما سمعه .. نسى المرض و الالم ...ابتسم ابتسامه كلها الم و حب و شوق .. نادر كان قاعد يراقب ناصر و شلون تغيرت ملامحه من بعد ما سمع صوتها ناصر و اهو يهمس له : ابي اسمع صوتها تكفى .. نادر يأشر له ان ما يصير ناصر : تكفى ناصر اخذ الموبايل و سمع صوتها و اهي تتكلم ... نسى كل المشاكل و تذكر ايام قبل : هيا هيا بصدمة : نااااصر!!! نادر على طوول سحب الموبايل من ناصر : مسامحة بس صار عندي شغلة هيا للحين مصدومة اهي متأكدة انها سمعت صوت ناصر : ....... نادر : وينج ؟ هيا : من انت ؟ نادر : شفيج انا نادر هيا : اها زين اوكي الحين بروح ارتاح شوي .. نادر : اوكي مع السلامه هيا سكرت الخط و اهي مشغول بالها ..معقولة اتخيل ... لا بس انا متأكده سمعت صوته ... يا ربي لا تفتح علي الجرح مرة ثانية ... ما صدقت نسيت شوي الساعة 2:30 نور رجعت من المدرسة و على طووول راحت دارها حق تكلم مهند .. مهند : بقولج شى بس لا تزعلين ... نور : على حسب الشى الي بتقوله مهند : اعرف ان بتزعلين بس انا بخبرج كل شى اول بأول حق ما ارد اخسرج مرة ثانية نور بخوف : شصاير مهند مهند : لمياء دقت علي نور كااانت ساكته و منقهرة مهند : قلت لج بتزعلين نور : انزين شقالت مهند : كالعاده انها تحبني و ما اعرف شو نور بعصبية : و انت شقلت لها مهند : يعني شبقول لها ,, تركي عنج هالسالفة نور : انت اصلا ليش ردييت عليها من البداية مهند : نور انا قلت لج هالشى حق تكونيين عارفة شقاعد يصير ..اعرف اني قبل غلطان و ندمان لاني ما خبرتج بس لا تحسسيني بالذنب اكثر نور :...... مهند : اعرف صعب تنسيين هالسالفة اصلا يمكن ما تنسيها بس ارجووج لا تحسسيني بالذنب اكثر مهند قعد يترجى نور ان تسامحه و تحاول تتناسى السالفة حق ما يصير بينهم مشاكل اكثر .... العصر في الامارات ... حمد دخل دار ازهار الي كانت تتكلم في الموبايل مع علي ,, حمد : ازهار ازهار بخوف : نعم حمد : شبلاج !!! ازهار و اهي تسكر الخط : لا ولا شى حمد : زين قولي لي شرايج بالجامعة و شلون كان اول يوم ؟؟ ازهار عدلت قعدتها : امم الصراااحة الجااامعة فن فن فن ما توقعت انها جي وايد احلى من المدرسة حمد : ههههه زين و اريج شحالها ,,, ازهار : والله شقولك يا خوي بحالها ماعرف عنها ولا شى .. للحين ما تكلمني و اليوم كان باين عليها متضايقة حمد : من شوو ليكون بس احد ضايقها ؟ ازهار : ماعرف ما سألتها ولا اهي تفكر اصلا تقول لي شى من بعد الي صار حمد بحزن : امم ,, لمتى بظل هالوضع ازهار : والله تبا الصراحة اهي واايد عنيده ,,, حمد : اذا اهي عنيده انا اعند منها ... و اذا بتظل عـ هالوضع بظل مثل ما تسوي لي اسوي لها براويها شلون بخليها تتعذب مثل ما عذبتني فـ حبها و بتشوفيين بخليها اهي الي اتيي لي و مردها بتحبني سوى كان من نفسها ولا غصبا عنها ازهار باستغراب : شناوي تسوي يالاهبل لا تورطني معاك حمد و اهو طالع : لا انتي ما عليج في بيت بو مهند اريج قاعدة عـ المسن و تكلم بندر Bandar:شرايج بجامعتنا !! areej:تبا الصج .. كرهت حالي من دخلتها Bandar :؟؟؟ افاا ليش عاد areej:بالله عليك هذي جامعة تنحب لا الطلبة اوكي ولا شى فيها اوكي Bandar:ليش شصار بينج و بين الطلبة الي خلاج تقولين هالكلام areej:ولا شى بس ما حبيتهم Bandar:زين انا واحد منهم دام ما حبيتهم ليش قاعدة تكلميني areej:اذا هذا ردك اوكي باي Bandar:تعالي يبا امزح معاج شوو باي مينون انا يعني areej:بس صج مأساة الوضع ما كان عندي احد Bandar:اهاا قولي جيي من البداية ..بس كأن ازهار معاج areej:انت تعرف سالفتي مع ازهار Bandar:للحين !! areej:و الى باجر بعد Bandar:االطلبة و عرفنا انج ما حبيتيهم شلون عن الي يشرحون areej:بصراحة اليوم ضيعت على روحي كل المحضارات Bandar:شلون ضيعيتيهم عليج !! اكيد نايمة areej: تبا الصراحة انا حضرت و ما حضرت Bandar:شلون يعني ما فهمت areej:برب بشوف امي راحت اريج تشوف امها .... فـ بيت فراس و بندر فراس : يمه ابوي متى بيسكن فـ بيتنا عـ طوول ام بندر : مادري يا ولدي لا تتوقع هالشى يصير فراس : انزين احنا بعد ولاده حالنا حالهم ..شلون رضيتي انتي ام بندر : فراس كا انت عايش بخير الحمدلله و مب قاصرك شى شتبي اكثر فراس : و من قاص عليج يا يمه و قايل لج ان مب ناقصني شى .. انا ابوي بس اسم ... عمري ما حسيت ان عندي ابو يخاف علي و يحبني و تقولين مب ناقصك شى ام بندر بحزن : يا وليدي انا احبكم و اخاف عليكم اكثر من روحي فراس : بس ما يكفي هذا ولا يعوض عن ابوي .. باجر فـ حفلة التخرج ابا اشوف ابوي معاي يفرح لفرحي .. انا عمري ما شفته بيوم كان مهم بالنسبة لي .. ام بندر و الدمعة بطرف عينها : ابوك مشغول لازم تعذره بندر : اي دايما تدافعيين عنه ما اشوفه اهو يخاف عليج و يحاتيج يقول شحالها .. محتاجة شى ولا ناقصها شى .. ام بندر نزلت الدمعة من عينها بس عـ طوول راحت دارها حق ما يشوفونها بهالوضع في فيلة سعود .. ميساء : سعود تكفى خلني اشوف ما باقي شى و يخلص سعود كان واقف جدام ميساء و ما يخليها تطالع التلفزيون .. ميساء خذت المخده الي كانت وراها و قطتها عـ سعود سعود : متأكده من الحركة !!! ان ما راويتج يا ميووسوو راح سعود و بند عنها التلفزيون و اخذ الريموت الي كان فـ يدها بقوة و قعد يمها سعود : و الحين شبتسويين!! ميساء بقهر : اففففففففففففففف ما احبك سعود و يصطنع الحزن : ما تحبيني !! ميساء : اي ما احبك ما تخليني اطالع الفلم سعود : لا تحبيني.. بس انا احبج و اموت فيج بعد اي صح و على فكرة تحبيني و غصبا عنج ميساء راحت حق تنام و اهي منقهرة من سعود لان ما خلاها تشوف نهايه الفلم ... :@ الساعة 4 الصبح .. كان ناصر قاعد عـ السرير ينتظر الاذان حق يصلي ... قبل الاذان بعشر دقايق قرر ان يقوم .. مرة وحدة حس بغثيان و ما قعد يشوف واضح تبين الصورة بعينه مثل المشوهه ... حاول يقوم.. مرة مرتيين معن كاان يتألم بس راح و اخذ الدوى قال يمكن يصير احسن بس للاسف حالته ما تغيرت ... صلى و راح عـ السرير يرتاح ... دواه الوحيد هو هيا .. هام بافكاره الى العالم الي يحبه عالم محد يكون موجود فيه غيرها .. اليوم الي بعده الساعة 6 المبنه يرن .. ايمان بملل : افففففف يالله صباح خير راحت بدلت ثيابها بسرعة و كلت لها شى و طلعت من البيت .. وصلت المدرسة شوي متأخر .... لكن ما كانت بروحها الي متأخرة .. شوق و اشواق بعد وصلوا متأخرين .. دخلت ايمان اول الصف و وقفتها المعلمة .. بعدها دخلوا شوق و اشواق و المعلمة بعد انقهرت اكثر و وقفتهم معاها ... هذلين البنات المزعجيين و بعد يتأخروون المعلمة : ليش متأخرين ايمان : لان الشارع زحمة المعلمة : هذا مو عذر ما تقدرين تطلعين من البيت قبل .. و انتي مع اختج ليش متأخرين ؟؟ شوق : قالت لج ايمان الشارع زحمة المعلمة : بنات قليلات ادب و متأخرين و بعد ما يستحوون ايمان بقهر : متأخرين و قلنا اوكي قليلات ادب ليش ؟ المعلمة : ما تستحين ترادديني بعد !! ايمان بملل : يعني الحين ترضيين احد يقولج جذي و تسكتيين عنه المعلمة بقهر : احترمي نفسج ايمان : الحين انتي عادي تقولينها و احنا لا ... ايمان كااان ضايق خلقها و ما لها مزاج من الصبح معلمة و صراخ .. و المعلمة تتكلم مشت عنها و راحت قعدت مكانها ولا كأنها تسمع ولا تشوف المعلمة عصبت و طلعت من الصف ... و البنات كالعاده بس قعدوا يضحكوون فـ الامارات حمد : لا شلي فـ الزواج من الحين لاحق عـ عمري مهند : ترى تضيع البنت من ايدينك حمد : الي خلقها خلق غيرها مهند : اها ... يعني ما تباها حمد : مهند اذا انت حاط البنت فـ بالك تقدر تاخذها بس انا ما باخذها مهند : انزين الحين انا بسير اكمل عندي وايد شغلات لازم اليوم اخلصها حمد : اوكي مهند : على فكرة حمد ... بس اتأكد انك ما تشوف غير اختي حمد يوم سمع مهند قال هالكلام ويهه صار احمر و تغيرت ملامحه بس سكت و ما رد ... بعد لحظات .. حس حمد لروحه ما بعد خذته الافكار لاريج و شلون وضعها الحين فـ الجامعة .. بصوت مسج .. حمووود حبيبي لا تفكر .. ترى بشيب شعر راسك خلك فـ الشغل احسن لك:@ هذي اختي ما ارضى عليها فـ شركة ثانية .. خالد : رغد اذا ربحنا هالصفقة بعزمج عـ اي مطعم تبينه ,, لو وين كان رغد بسخرية : ههه صدقت خالد باستغراب : شبلاج ترى قاعد اتكلم جد .. انتي ما تعرفييين شوو بنكسب من ورى هالصفقة .. رغد : زين زين الله يوفقكم خالد : انا بسير اكلم سعود ابرك لي من وحدة تتمسخر عـ كلامي رغد : الحين شوو قلت لك .. الله يهديك .. ظهر خالد من المكتب و عـ طوول راح لاخوه .. في الجامعة .. اريج تبدي محاضرتها بعد 10 دقايق .. كانت قاعدة يم السكشن حق ما تتأخر .. بندر شافها من بعيد و اهي قاعدة لحالها .. قال يمر يعطيها جم نظرة حقد و يمشي .. مر عليها و كانت عينه فـ عينها :يا كرهج والله .. اريج عـ انها ما تحبه ولا تحب تشوفه لكن استحت و نزلت عينها فـ الارض .. وااحد ما يستحي و ياي حاط عينه فـ عينها .. صج قليل ادب .. لكن بندر بعد ما مر ... ظلت صورة عينها في باله ما فارقته .. بندر ::: ليش قاعد افكر فيها .. وحدة ما تستحي جمال على قلة ادب شالفايده .. دخل بندر محاضرته .. لكن ما قدر ينسى شلون كاانت قاعد برقة .. ناعمة ..حلوة ..ويهها احمر يوم استحت .. بالنسبة لاريج .. بدى وقت المحاضرة و دخلت و كانت ازهار معاها بنفس المحاضرة .. فتأكدت ان ازهار خذت مثل التخصص الي اهي اختارته .. كانت تحس ان هاليوم كان جيد بالنسبة لاول يوم و مرتاحة بوجود ازهار معاها .. بس الشى الوحيد الي معكر عليها الجووو بندر .. الي ما كان مخليها فـ حالها .. خلصت المحاضرة بسرعة و طلعت اريج .. و اهي طالعه شافت بندر و كانت يمها ازهار .. تقربت من ازهار و قالت بصوت شوي مرتفع وع ثقيل دم و ما ينحب شهالناس .. ازهار استغربت .. اريج كلمتها !! جيي و مرة وحدة غريبة .. اكيد في شى بس بندر كاان متضأايق منها يوم قالت له جيي مشى ولا كأن يسمعها .. اريج قعدت تضحك من قلب لانها ردت له حركة اليوم .. ما كان عندها بعد محضرات اليوم .. قررت انها تاكل شى و ترد البيت .. راحت و خذت لها شى خفيف و قعدت .. لحظات و شافت ازهار جدامها .. ازهار : شحالج اريج !! اريج باحتقار : الحمدلله بخير ازهار : يصير اقعد معاج .. اريج : الحين بسير لكن ازهار باحباط : بس عيل انشالله مرة ثانية اريج : عـ فكرة اليوم ما كنت اكلمج اكلم الي يمج .. ازهار راحت و اهي منقهرة من الحركة الي سوتها .. ما كان في احد يمي .. شلون تقول تكلم حد ثاني و اهي تقربت مني !! الساعة 1:30 طلعوا البنات من المدرسة .. شوق راحت الى ايمان .. شوق: ايمان شكرا انقذيتينا اليوم من المعلمة ايمان ما ردت عليها بس ابتسمت .. شوق : للحين زعلانة !! ايمان : انا بروح اخوي ينطرني.. فـ الامارات .. اريج قاعدة تكلم ملاك اريج : تتذكرين الصبي الي شفناه اخر مرة ملاك : اي واحد !! الغاوي ؟؟ اريج : اي غاوي اي بطيخ من تقصديين انتي !! ملاك : هذا الي كنتي بتطيحين منه اريج : بذمتج هذا غاوي الحين !! عيل ما شفتي شى من الجمال ملاك : احم احم زييين .. اريج : المهم معاي بالجامعة ملاك بصدمة : صججججج !!!!! اريج : اي ملاك : لكن احس وناسة ههههه اريج : اي اليوم شفته و قلت جدامه وع ثقيل دم و ما ينحب شهالناس ملاك : والله !! اريج : اي ملاك : اريجووو طلعتي مب هينه اريج : افا عليج اعجبج ملاك : من ناحيتي اي تعجبيني بس لا يعرف حمد عن سوالفج معاه اريج : شدخل حمد الحين !! ملاك : اكيد لو يعرف ما بيسكت لان يغار اريج : بس خلاص فكينا من هالسالفة .. راحت اريج دارها و اهي تفكر فـ كلام ملاك .. معقولة يغار ؟؟ والله صار ودي اقوله ابا اشوف شوو ردة فعله ههههه عـ وقت المغرب .. رغد داقة عـ ميساء رغد : هلا ميساء : هلا والله شحالج ؟؟ رغد : الحمدلله و انتي شحالج ويا الحمل !! ميساء : شقولج تعب رغد : يالله ما بقى شى .. ميساء : انتي شلون الشغل معاج رغد : تبين الصراحة هذا خالدووو مطلع لي قرون ميساء : ما خبري فيج تسكتيين عن حقج رغد : يقهر والله عليه بسوالف ميساء : زين سوي له مثل ما تسوين لنا رغد : لا يا زعم انا سكرتيرته .. ميساء : ههه غريبة رغد تقول هالكلام رغد : ليش يعني سويتيني ما استحي ميساء : احم احم ... ظلوا يسولفون فترة مع بعض فـ بيت بو حمد .. ام حمد : شبلاك هالايام يا بو حمد !! بو حمد : والله مادري شقولج بس حاس روحي مخنوق ام حمد : من شوو ؟؟ بو حمد : ماعرف بس ضايق صدري ام حمد : اطلع غير جووو بو حمد : يبا لي الصراحة في دار ازهار .. حمد : قولي لي شصار اليوم .. ازهار : عندي لك خبر يسوى مليوون دينار !! حمد : قولي بسرعة .. ازهار : انزين اذا قلت لك شوو بتعطيني حمد : ازهارووو قولي بسرعة ازهار : اول قول لي حمد : الي تبينه ازهار : ابا موبايل يديد حمد : حاضر ما يغلى عليج بس خلصيني و قولي ازهار : اليوم اريج كلمتني .... ( قالت له السالفة كامل ) حمد : انزين اهي لمن كانت تقول هالكلام وع و مادري شوو ازهار : ماعرف بس اذا الي فـ بالي .. لا اكيد اهو حمد : من هذا !! ازهار : واااحد غاوي غاوي اينن و محترم شكله و الكل يقول انه شاطر حمد بقهر و بنفس الوقت غيرة : و اهي شكو فيه ازهار : والله مادري يا خوي شسالفة و يوم رحت لها تقول ما كنت اكلمج حمد : شهالحركات البايخة ... صج ياهل ازهار : من قلبك هالكلام ولا من القهر قاعد تقوله حمد و اهو طالع: روحي زين راح حمد داره و اهو ميت قهر ... شبلاها ذي .. شهالحركات الي تسويها اففففففف Quote Link to comment Share on other sites More sharing options...
reemas4 Posted ابريل 19, 2009 Report Share Posted ابريل 19, 2009 تسلميييييييين ع البارت وايد حلوو ونبي بارت اطول Quote Link to comment Share on other sites More sharing options...
(العصفور) Posted ابريل 20, 2009 Report Share Posted ابريل 20, 2009 يسلمو ع الموضوع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.